मरकुस 3
3
यीसु सुखोड़े हाथ वाळै नै सावळ करयौ
(मती 12:9–14; लूका 6:6–11)
1यीसु पाछा पराथना घर मे गिया, उठै एक मिनख हो जिणरौ हाथ सुखोड़ो हो। 2लोग इण मौका मे हा के यीसु आराम रा दिन सुखोड़े हाथ वाळा मिनख नै सावळ करै ताकी, वे यीसु माथै इलजाम लगा सकै। 3यीसु सुखे हाथ वाळै मिनख ऊं कयौ, “सांमै ऊभौ हो जा।” 4पछै वे लोगां नै कयौ, “कांई आराम रा दिन भलौ करणौ बड़िया है या खराब करणौ, जीव नै बचावणौ या मारणौ?” पण वे चुप रिया।
5यीसु उण लोगां री मन री कड़ाई ऊं दुखी होयनै, रीसे बळता च्यांरूमेर देख्यौ अर सुखोड़े हाथ वाळा मिनख ऊं कयौ, “थारौ हाथ सांमै कर।” वो हाथ सांमै करयौ अर उणरौ हाथ पैला जैड़ौ सावळ हो गियो। 6पछै फरीसी बारै जायनै हाथोहाथ हेरोदियो रा लोगां रै साथै यीसु रै विरोध मे एक रैवण लागा के, यीसु रौ कीण तरैह ऊं नास करौ।
भीड़ यीसु रै लारै आई
7यीसु आपरै चेलौ रै साथै गलील री झील खनै गिया तो गलील ऊं एक मोटी भीड़ उणरै लारै होयगी। 8यहूदिया ऊं, यरुसलेम ऊं, इदूमिया ऊं, यरदन नदी रै पार ऊं, सूर ऊं अर सैदा रै आजू-बाजू ऊं एक घणी भीड़ ओ सुणनै की वे कैड़ा अचूम्बे रा कांम करै, उणरै खनै आया। 9#मरकु 4:1; लूक 5:1–3वो आपरै चेलौ नै कयौ, “भीड़ रै कारण ऊं एक छोटौ नाव म्हारै वास्तै तैयार रैवै ताकी वे सगळा म्हनै दबा नीं सकै।” 10क्यूंकै यीसु घणौ नै सावळ करिया हा, इण वास्तै जिता लोग बीमार हा वे यीसु रै हाथ लगावण वास्तै उण माथै पड़ता हा। 11जिण में भी दुस्ट आतमा ही, जद वे यीसु नै देखता, तो उणरै सांमै पड़ जावता अर हाका करनै कैवती के, “थूं परमेसर रौ बेटौ है।” 12तो यीसु उणौनै चेताणी देता के, “म्हनै परगट मत कर की म्हैं कुण हूं।”
यीसु बारैह चेलौ नै बुलाया
(मती 10:1–4; लूका 6:12–16)
13पछै यीसु भाखर माथै चढ़गा अर जिणनै वो चावता हा, उणौनै आपरै खनै बुलाया वे यीसु रै खनै आया। 14यीसु उणौ मे ऊं बारैह चेलौ नै चुणया के वे यीसु रै साथै साथै रैवै। यीसु उणौ नै सुभ संदेस रौ परचार करनै भेजिया। वे यीसु रा प्रेरित चेला कहीजिया। 15उणौनै दुस्ट आतमाओ नै निकाळनै रौ हक हो। 16यीसु जिण नै भेजिया वे हा, समौन जिणरौ नाम वे पतरस राख्यौ। 17जबदी रौ बेटौ याकूब, अर याकूब रौ भाई यूहन्ना, जिणरौ नाम उणै बूअनरगिस राख्यौ, जिणरौ अरथ है “गरजन रौ बेटौ,” 18अर अन्द्रियास, फिलिप्पुस, बरतुल्मै, मती, थोमा, हलफाई रौ बेटौ याकूब अर तद्दै अर देस भगत समौन, 19अर यहूदा इस्करियोती जिकौ बाद मे यीसु रै साथै विसवासघात करनै यीसु नै पकड़ायौ।
यीसु री पवितर सगति
(मती 12:22–32; लूका 11:14–23; 12:10)
20पछै यीसु घर आयौ तो ऐड़ी भीड़ भेळी होई के, यीसु अर उणरा चेला रोटी ई कोनीं जीम सकया। 21जणै उण रा घर आळा ओ सुण्यौ के यीसु आयोड़ा है। तो वे उणनै आपरै साथै ले जांणै वास्तै निकळया, क्यूंकै लोग कैवता हा के, यीसु रौ मन ठिकाणे कोनीं है।
22 #
मत 9:34; 10:25 सास्तरी जिकौ यरुसलेम ऊं आया हा, ओ कैवता हा, “उणमे दुस्टआतमा है। वो दुस्टआतमाओ रै सरदार री सगति ऊं दुस्टआतमाओ नै बारै निकाळै है।”
23इण वास्तै यीसु उणौनै खनै बुलानै बात कैवण लागा, “सैतान कीकर सैतान नै काढ़ सकै? 24मांनलो किणी राज मे फूट पड़ जावै, तो वो राज कीकर रैह सकै ला? 25अर मांनलो किणी घर परिवार मे फूट पड़ै, तो वो घर परिवार कीकर एक रैह सकै ला? 26इण वास्तै सैतान खुद रौ ही विरोधी होने खुद मे ही फूट घाले, तो उणरौ राज पाठ कीकर रैह सकै ला? उणरौ तो नास ही हो जावैला। 27पण कोई भी मिनख किणी ताकतवर रै घर मे घुसनै जैड़ी तांई उण नै बांध नीं दे, उणरौ माल कोनीं लूट सकै। 28मे थौरे ऊं साची कहूं हूं के मिनख रा हैंग पाप अर निंदा जिकौ वे करता हा परमेसर माफ कर सकै। 29#लूक 12:10पण जिकौ कोई पवितर आतमा रै विरोध मे बोले तो, वो कदै भी माफ नीं करयौ जावैला, वो हमेसां रै वास्तै पाप रौ अपराधी ठैरैला।”
30क्यूंकै सास्तरी ओ कैवता हा के, “उण में सैतान है।”
यीसु री मां, भाई अर बेन
(मती 12:46–50; लूका 8:19–21)
31उण वगत उणरी मां अर उणरा भाई आया अर बारै ऊभा रेन यीसु नै बुलावण वास्तै एक जणा नै भेज्यौ। 32यीसु रै च्यांरूमेर भीड़ बैठी ही, तो वो उणनै कयौ, “देख, थारी मां अर थारा भाई, थारी बेन थनै बारै बुलावै है।”
33यीसु उणनै जबाब दियौ, “म्हारी मां अर म्हारा भाई कुण है?” 34वे जिकौ उणरै आड़ै पाड़ै बैठा हा, देखन कयौ, “देखौ आ म्हारी मां अर ऐ म्हारा भाई अर बेन ऐ है। 35क्यूंकै जिकौ कोई परमेसर री इछा माथै चालै, वो हीज म्हारौ भाई बेन अर मां है।”
ទើបបានជ្រើសរើសហើយ៖
मरकुस 3: RWR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© NLCI CC BY-NC-ND 4.0
मरकुस 3
3
यीसु सुखोड़े हाथ वाळै नै सावळ करयौ
(मती 12:9–14; लूका 6:6–11)
1यीसु पाछा पराथना घर मे गिया, उठै एक मिनख हो जिणरौ हाथ सुखोड़ो हो। 2लोग इण मौका मे हा के यीसु आराम रा दिन सुखोड़े हाथ वाळा मिनख नै सावळ करै ताकी, वे यीसु माथै इलजाम लगा सकै। 3यीसु सुखे हाथ वाळै मिनख ऊं कयौ, “सांमै ऊभौ हो जा।” 4पछै वे लोगां नै कयौ, “कांई आराम रा दिन भलौ करणौ बड़िया है या खराब करणौ, जीव नै बचावणौ या मारणौ?” पण वे चुप रिया।
5यीसु उण लोगां री मन री कड़ाई ऊं दुखी होयनै, रीसे बळता च्यांरूमेर देख्यौ अर सुखोड़े हाथ वाळा मिनख ऊं कयौ, “थारौ हाथ सांमै कर।” वो हाथ सांमै करयौ अर उणरौ हाथ पैला जैड़ौ सावळ हो गियो। 6पछै फरीसी बारै जायनै हाथोहाथ हेरोदियो रा लोगां रै साथै यीसु रै विरोध मे एक रैवण लागा के, यीसु रौ कीण तरैह ऊं नास करौ।
भीड़ यीसु रै लारै आई
7यीसु आपरै चेलौ रै साथै गलील री झील खनै गिया तो गलील ऊं एक मोटी भीड़ उणरै लारै होयगी। 8यहूदिया ऊं, यरुसलेम ऊं, इदूमिया ऊं, यरदन नदी रै पार ऊं, सूर ऊं अर सैदा रै आजू-बाजू ऊं एक घणी भीड़ ओ सुणनै की वे कैड़ा अचूम्बे रा कांम करै, उणरै खनै आया। 9#मरकु 4:1; लूक 5:1–3वो आपरै चेलौ नै कयौ, “भीड़ रै कारण ऊं एक छोटौ नाव म्हारै वास्तै तैयार रैवै ताकी वे सगळा म्हनै दबा नीं सकै।” 10क्यूंकै यीसु घणौ नै सावळ करिया हा, इण वास्तै जिता लोग बीमार हा वे यीसु रै हाथ लगावण वास्तै उण माथै पड़ता हा। 11जिण में भी दुस्ट आतमा ही, जद वे यीसु नै देखता, तो उणरै सांमै पड़ जावता अर हाका करनै कैवती के, “थूं परमेसर रौ बेटौ है।” 12तो यीसु उणौनै चेताणी देता के, “म्हनै परगट मत कर की म्हैं कुण हूं।”
यीसु बारैह चेलौ नै बुलाया
(मती 10:1–4; लूका 6:12–16)
13पछै यीसु भाखर माथै चढ़गा अर जिणनै वो चावता हा, उणौनै आपरै खनै बुलाया वे यीसु रै खनै आया। 14यीसु उणौ मे ऊं बारैह चेलौ नै चुणया के वे यीसु रै साथै साथै रैवै। यीसु उणौ नै सुभ संदेस रौ परचार करनै भेजिया। वे यीसु रा प्रेरित चेला कहीजिया। 15उणौनै दुस्ट आतमाओ नै निकाळनै रौ हक हो। 16यीसु जिण नै भेजिया वे हा, समौन जिणरौ नाम वे पतरस राख्यौ। 17जबदी रौ बेटौ याकूब, अर याकूब रौ भाई यूहन्ना, जिणरौ नाम उणै बूअनरगिस राख्यौ, जिणरौ अरथ है “गरजन रौ बेटौ,” 18अर अन्द्रियास, फिलिप्पुस, बरतुल्मै, मती, थोमा, हलफाई रौ बेटौ याकूब अर तद्दै अर देस भगत समौन, 19अर यहूदा इस्करियोती जिकौ बाद मे यीसु रै साथै विसवासघात करनै यीसु नै पकड़ायौ।
यीसु री पवितर सगति
(मती 12:22–32; लूका 11:14–23; 12:10)
20पछै यीसु घर आयौ तो ऐड़ी भीड़ भेळी होई के, यीसु अर उणरा चेला रोटी ई कोनीं जीम सकया। 21जणै उण रा घर आळा ओ सुण्यौ के यीसु आयोड़ा है। तो वे उणनै आपरै साथै ले जांणै वास्तै निकळया, क्यूंकै लोग कैवता हा के, यीसु रौ मन ठिकाणे कोनीं है।
22 #
मत 9:34; 10:25 सास्तरी जिकौ यरुसलेम ऊं आया हा, ओ कैवता हा, “उणमे दुस्टआतमा है। वो दुस्टआतमाओ रै सरदार री सगति ऊं दुस्टआतमाओ नै बारै निकाळै है।”
23इण वास्तै यीसु उणौनै खनै बुलानै बात कैवण लागा, “सैतान कीकर सैतान नै काढ़ सकै? 24मांनलो किणी राज मे फूट पड़ जावै, तो वो राज कीकर रैह सकै ला? 25अर मांनलो किणी घर परिवार मे फूट पड़ै, तो वो घर परिवार कीकर एक रैह सकै ला? 26इण वास्तै सैतान खुद रौ ही विरोधी होने खुद मे ही फूट घाले, तो उणरौ राज पाठ कीकर रैह सकै ला? उणरौ तो नास ही हो जावैला। 27पण कोई भी मिनख किणी ताकतवर रै घर मे घुसनै जैड़ी तांई उण नै बांध नीं दे, उणरौ माल कोनीं लूट सकै। 28मे थौरे ऊं साची कहूं हूं के मिनख रा हैंग पाप अर निंदा जिकौ वे करता हा परमेसर माफ कर सकै। 29#लूक 12:10पण जिकौ कोई पवितर आतमा रै विरोध मे बोले तो, वो कदै भी माफ नीं करयौ जावैला, वो हमेसां रै वास्तै पाप रौ अपराधी ठैरैला।”
30क्यूंकै सास्तरी ओ कैवता हा के, “उण में सैतान है।”
यीसु री मां, भाई अर बेन
(मती 12:46–50; लूका 8:19–21)
31उण वगत उणरी मां अर उणरा भाई आया अर बारै ऊभा रेन यीसु नै बुलावण वास्तै एक जणा नै भेज्यौ। 32यीसु रै च्यांरूमेर भीड़ बैठी ही, तो वो उणनै कयौ, “देख, थारी मां अर थारा भाई, थारी बेन थनै बारै बुलावै है।”
33यीसु उणनै जबाब दियौ, “म्हारी मां अर म्हारा भाई कुण है?” 34वे जिकौ उणरै आड़ै पाड़ै बैठा हा, देखन कयौ, “देखौ आ म्हारी मां अर ऐ म्हारा भाई अर बेन ऐ है। 35क्यूंकै जिकौ कोई परमेसर री इछा माथै चालै, वो हीज म्हारौ भाई बेन अर मां है।”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© NLCI CC BY-NC-ND 4.0