लूका 4
4
यीसु री परीकसा
(मती 4:1–11; मरकुस 1:12,13)
1यीसु पवितर आतमा ऊं भरयोड़ा यरदन ऊं पाछा आयगा, अर पवितर आतमा उणनै सुनी जगा मे लैयगी। 2उठै चाळीस दिन तांई सैतान यीसु री परीकसा लेतो रियौ। उण दिनां मे यीसु कीं नीं खायौ। जद चाळीस दिन निकळगा तो उणनै भूख लागी।
3तो सैतान उणनै कयौ, “जे थूं परमेसर रौ बेटौ है, तो इण भाठै ऊं कैह, की रोटी बण जाए।”
4यीसु जबाब दियौ, “पवितर सास्तर मे लिख्योड़ौ है, ‘मिनख सिरफ रोटी ऊं इज जीवतौ कोनीं रैवैला।’ ”
5तो सैतान उणनै ऊपर एक ऊंची जगा माथै लेन गियो अर उणनै पलभर मे जगत रा सगळा राज दिखाया। 6अर यीसु ऊं कयौ, “ऐ सगळा राज पाट अर धन दौलत म्हैं थनै दे दूंला, क्यूंकै ऐ म्हनै सूंपयोड़ा है। अर म्हैं जिणनै चावूं उणनै दे सकूं हूं। 7इण वास्तै, जे थूं म्हनै झुकनै परणाम करै, तो ऐ सगळौ थारौ हो जावैला।”
8यीसु सैतान नै कयौ, “पवितर सास्तर मे लिख्योड़ौ है, की थूं अपणै परभु परमेसर नै परणाम कर अर सिरफ उणरी सेवा कर।”
9तो सैतान यीसु नै यरुसलेम मे ले जायनै मिंदर रै ऊंचै कोने माथै ऊभौ करयौ। अर उणनै कयौ, “जे थूं परमेसर रौ बेटौ है तो अठै ऊं नीचे कूद जा। 10क्यूंकै लिख्योड़ौ है,
‘परमेसर सरगदूतो नै आग्या दैला,
की वे थारी रकसा करै।
11सरगदूत थनै हाथो हाथ उठा दैला,
ऐड़ौ नीं होवैला की थारै पगां मे भाठै री लाग जावै।’ ”
12यीसु जबाब दियौ, “सास्तर मे ओ भी लिख्योड़ौ है, ‘थूं अपणै परभु परमेसर री परीकसा मत लैजै।’ ”
13जद सैतान सगळी तरैह री परीकसा कर ली, तो कीं घड़ी रै वास्तै उणरै खनै ऊं जातौ रियौ।
यीसु री सेवा री सरूआत
(मती 4:12–17; मरकुस 1:14,15)
14पछै यीसु पवितर आतमा री सामरथ पायनै पाछा गलील आया, अर उणरी चरचा आजू बाजू सगळै देस मे फैलगी। 15यीसु उण ही पराथना घरो मे उपदेस देवण लागौ। अर सगळा उणरी सौभा करनै लागा।
नासरत में यीसु री बेजती
(मती 13:53–58; मरकुस 6:1–6)
16पछै यीसु नासरत आया जठै उणरौ पालण पोसण होयौ हो। अर आपरी रीत रै अनुसार सब्त रै दिन वो यहूदी पराथना घर मे गिया। जद वो पढ़नै रै वास्तै ऊभौ होयौ। 17तो यसायाह भविसयदाता री किताब उणनै पढ़ानै वास्तै दी। उणै जद किताब खोलनै, वो जगा निकाळी जठै ओ लिख्योड़ौ हो,
18“परभु री आतमा म्हारै माथै है,
क्यूंकै वे कंगालो नै सुभ संदेस सुणाणै रै वास्तै म्हारौ अभिसेक करयौ है।
अर म्हनै इण वास्तै भेज्यौ है, की कैदियो नै छुटकारै रौ,
अर आंधौ नै आंख्यां ऊं दिस्टी पावण रौ सुभ संदेस रौ परचार करूं अर दबयोड़ौ नै छुड़ाऊ।
19अर परभु रै दया रै वगत रौ हेलौ पाड़ू।”
20पछै उणै किताब बंद करनै सेवक नै पाछी दे दी, अर बैठगा। पराथना घर मे सगळै लोगां री आंख्यां उणनै निहार रही ही। 21तो यीसु उणौनै कैवण लागौ, “आज थौरे सुणतै होयौ सास्तर रौ ओ वचन पूरौ होयौ।”
22हरैक उणरी सौभा कर रिया हा। उणरै मूंडै ऊं जिकौ बड़िया वचन निकळ रिया हा, उण माथै सगळा अचूम्बो करता हा। वे कैवण लागा, “कांई ओ यूसुफ रौ बेटौ कोनीं है?”
23यीसु उणौनै कयौ, “पको ही थै म्हनै आ कावत सुणाओला, ‘अरै वैद, खुद अपणै आप नै सावळ कर। अर थूं जिकौ कफरनहूंम मे करयौ अर जिणरै बारै मे म्हैं सुण्यौ हो, उण करमो नै अठै अपणै खुद रै नगरी मे भी कर।’ ”
24 #
यूह 4:44
अर यीसु उणौनै कयौ, “म्हैं थौरे ऊं साची साची कैवूं हूं, कोई भविसयदाता कदैई आपरै नगर मे मांन नीं पावैला। 25अर म्हैं थौरे ऊं साची कैवूं हूं, एलियाह रै वगत जद साढ़ै तीन साल तांई बरसात नीं होई, अर पूरा देस में घणौ अकाळ पड़ियौ, तो उण वगत इजरायल मे घणी ही विधवाओं ही। 26पण एलियाह नै उण किणी रै खनै कोनीं भेज्यौ, पर सिरफ सैदा नगरी रै खनै वाळै नगर सारफत मे एक विधवा खनै भेज्यौ। 27अर इण ज्यूं एलिसा भविसयदाता रै वगत इजरायल मे घणा ही कोढ़ी हा, पर सीरिया देस रा नामान नै छोड़नै उणमे ऊं किणी रौ कोढ़ नीं झाड़ियौ।”
28ऐ बातां सुणनै पराथना घर मे बैठा सगळा रीस ऊं भरगा। 29वे यीसु नै नगर ऊं बारै भाखर री चोटी माथै लेन गिया जिण भाखर माथै वो नगर बसयोड़ौ हो, ताकी उणनै उण भाखर माथै ऊं नीचे फेंक दे। 30बल्कि यीसु उणौरै बीच मे ऊं निकळनै चुपचाप चाल दिया।
एक आदमी नै दुस्ट आतमा ऊं छुड़ायो
(मरकुस 1:21–28)
31पछै यीसु गलील देस रै कफरनहूंम नगर मे आया अर यहूदियो रै आराम रै दिन यीसु पराथना घर मे जायनै परमेसर रा वचन सिखावण लागा। 32#मत 7:28,29लोग उणरा उपदेस सुणनै अचूम्बो करता हा, क्यूंकै उणरा वचन अधिकार रै साथै हा।
33पराथना घर मे एक आदमी हो, उणमे एक दुस्ट आतमा ही। 34वो चिलायनै कयौ, “हे नासरत रा यीसु, थूं म्हौरै ऊं कांई चावै? कांई थूं म्हौरौ नास करणौ चावै? म्हैं थनै जांणूं हूं, थूं कुण है? थूं परमेसर रौ पवितर मिनख है।”
35यीसु हाका करनै उणनै कयौ, “चुप रैह अर उण मे ऊं निकळ जा।” तद दुस्ट आतमा उणनै पटक नै बिना नुकसाण करिया निकळगी।
36इण माथै सगळा लोग अचूम्बो करयौ, अर आपस मे बातां करनै कैवण लागा, “ओ कैड़ौ वचन है? यीसु अधिकार अर सामरथ रै साथै दुस्ट आतमा नै भी आग्या दैवै है, अर वे बारै निकळ जावै।” 37यीसु री ऐ बातां आजू बाजू रै सगळै इलाके मे फैलगी।
यीसु बिमारों नै सावळ करिया
(मती 8:14–17; मरकुस 1:29–34)
38यीसु पराथना घर ऊं उठनै समौन रै घर मे गिया। अर समौन री सासु नै ताव छड़योड़ौ हो, अर समौन उणरै वास्तै यीसु ऊं विणती करी, की उणनै सावळ करौ। 39यीसु उणरै खनै ऊभौ होयनै ताव नै हाका करिया अर ताव उतरगो। समौन री सासु तुरत उठनै उणरी सेवा करनै लागी।
40उण इज दिन सांझ रै वगत सूरज डूबगो, तो लोग बिमारों नै जिणौनै अलग अलग बीमारी ही, यीसु रै खनै लाया। अर यीसु एक एक रै माथै हाथ राखनै उणौनै सावळ करिया। 41उणमे ऊं घणौ मे ऊं दुस्ट आतमा हाका करती अर ओ कैवती निकळी, “थूं परमेसर रौ बेटौ है।” यीसु उणौनै हाका करता अर बोलणै भी नीं देतो हो, क्यूंकै दुस्ट आतमा जांणती ही, की ऐ परमेसर रा मसीह है।
यीसु दूजै नगरो मे गिया
(मरकुस 1:35–39)
42जद दिन उगौ तो यीसु निकळनै एक एकांत जगा माथै गिया अर भीड़ उणनै ढ़ूंढ़ती होई उणरै खनै आई, अर उणनै रोकनै लागी के, “म्हौरै खनै ऊं मत जाओ।”
43पर यीसु भीड़ ऊं कयौ, “म्हनै दूजै नगरो मे भी परमेसर रा राज रौ सुभ संदेस सुणाणौ जरुरी है। क्यूंकै म्हैं इण वास्तै ही भेज्यौड़ौ हूं।” 44अर यीसु गलील रै पराथना घरो मे उपदेस देता रिया।
ទើបបានជ្រើសរើសហើយ៖
लूका 4: RWR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© NLCI CC BY-NC-ND 4.0
लूका 4
4
यीसु री परीकसा
(मती 4:1–11; मरकुस 1:12,13)
1यीसु पवितर आतमा ऊं भरयोड़ा यरदन ऊं पाछा आयगा, अर पवितर आतमा उणनै सुनी जगा मे लैयगी। 2उठै चाळीस दिन तांई सैतान यीसु री परीकसा लेतो रियौ। उण दिनां मे यीसु कीं नीं खायौ। जद चाळीस दिन निकळगा तो उणनै भूख लागी।
3तो सैतान उणनै कयौ, “जे थूं परमेसर रौ बेटौ है, तो इण भाठै ऊं कैह, की रोटी बण जाए।”
4यीसु जबाब दियौ, “पवितर सास्तर मे लिख्योड़ौ है, ‘मिनख सिरफ रोटी ऊं इज जीवतौ कोनीं रैवैला।’ ”
5तो सैतान उणनै ऊपर एक ऊंची जगा माथै लेन गियो अर उणनै पलभर मे जगत रा सगळा राज दिखाया। 6अर यीसु ऊं कयौ, “ऐ सगळा राज पाट अर धन दौलत म्हैं थनै दे दूंला, क्यूंकै ऐ म्हनै सूंपयोड़ा है। अर म्हैं जिणनै चावूं उणनै दे सकूं हूं। 7इण वास्तै, जे थूं म्हनै झुकनै परणाम करै, तो ऐ सगळौ थारौ हो जावैला।”
8यीसु सैतान नै कयौ, “पवितर सास्तर मे लिख्योड़ौ है, की थूं अपणै परभु परमेसर नै परणाम कर अर सिरफ उणरी सेवा कर।”
9तो सैतान यीसु नै यरुसलेम मे ले जायनै मिंदर रै ऊंचै कोने माथै ऊभौ करयौ। अर उणनै कयौ, “जे थूं परमेसर रौ बेटौ है तो अठै ऊं नीचे कूद जा। 10क्यूंकै लिख्योड़ौ है,
‘परमेसर सरगदूतो नै आग्या दैला,
की वे थारी रकसा करै।
11सरगदूत थनै हाथो हाथ उठा दैला,
ऐड़ौ नीं होवैला की थारै पगां मे भाठै री लाग जावै।’ ”
12यीसु जबाब दियौ, “सास्तर मे ओ भी लिख्योड़ौ है, ‘थूं अपणै परभु परमेसर री परीकसा मत लैजै।’ ”
13जद सैतान सगळी तरैह री परीकसा कर ली, तो कीं घड़ी रै वास्तै उणरै खनै ऊं जातौ रियौ।
यीसु री सेवा री सरूआत
(मती 4:12–17; मरकुस 1:14,15)
14पछै यीसु पवितर आतमा री सामरथ पायनै पाछा गलील आया, अर उणरी चरचा आजू बाजू सगळै देस मे फैलगी। 15यीसु उण ही पराथना घरो मे उपदेस देवण लागौ। अर सगळा उणरी सौभा करनै लागा।
नासरत में यीसु री बेजती
(मती 13:53–58; मरकुस 6:1–6)
16पछै यीसु नासरत आया जठै उणरौ पालण पोसण होयौ हो। अर आपरी रीत रै अनुसार सब्त रै दिन वो यहूदी पराथना घर मे गिया। जद वो पढ़नै रै वास्तै ऊभौ होयौ। 17तो यसायाह भविसयदाता री किताब उणनै पढ़ानै वास्तै दी। उणै जद किताब खोलनै, वो जगा निकाळी जठै ओ लिख्योड़ौ हो,
18“परभु री आतमा म्हारै माथै है,
क्यूंकै वे कंगालो नै सुभ संदेस सुणाणै रै वास्तै म्हारौ अभिसेक करयौ है।
अर म्हनै इण वास्तै भेज्यौ है, की कैदियो नै छुटकारै रौ,
अर आंधौ नै आंख्यां ऊं दिस्टी पावण रौ सुभ संदेस रौ परचार करूं अर दबयोड़ौ नै छुड़ाऊ।
19अर परभु रै दया रै वगत रौ हेलौ पाड़ू।”
20पछै उणै किताब बंद करनै सेवक नै पाछी दे दी, अर बैठगा। पराथना घर मे सगळै लोगां री आंख्यां उणनै निहार रही ही। 21तो यीसु उणौनै कैवण लागौ, “आज थौरे सुणतै होयौ सास्तर रौ ओ वचन पूरौ होयौ।”
22हरैक उणरी सौभा कर रिया हा। उणरै मूंडै ऊं जिकौ बड़िया वचन निकळ रिया हा, उण माथै सगळा अचूम्बो करता हा। वे कैवण लागा, “कांई ओ यूसुफ रौ बेटौ कोनीं है?”
23यीसु उणौनै कयौ, “पको ही थै म्हनै आ कावत सुणाओला, ‘अरै वैद, खुद अपणै आप नै सावळ कर। अर थूं जिकौ कफरनहूंम मे करयौ अर जिणरै बारै मे म्हैं सुण्यौ हो, उण करमो नै अठै अपणै खुद रै नगरी मे भी कर।’ ”
24 #
यूह 4:44
अर यीसु उणौनै कयौ, “म्हैं थौरे ऊं साची साची कैवूं हूं, कोई भविसयदाता कदैई आपरै नगर मे मांन नीं पावैला। 25अर म्हैं थौरे ऊं साची कैवूं हूं, एलियाह रै वगत जद साढ़ै तीन साल तांई बरसात नीं होई, अर पूरा देस में घणौ अकाळ पड़ियौ, तो उण वगत इजरायल मे घणी ही विधवाओं ही। 26पण एलियाह नै उण किणी रै खनै कोनीं भेज्यौ, पर सिरफ सैदा नगरी रै खनै वाळै नगर सारफत मे एक विधवा खनै भेज्यौ। 27अर इण ज्यूं एलिसा भविसयदाता रै वगत इजरायल मे घणा ही कोढ़ी हा, पर सीरिया देस रा नामान नै छोड़नै उणमे ऊं किणी रौ कोढ़ नीं झाड़ियौ।”
28ऐ बातां सुणनै पराथना घर मे बैठा सगळा रीस ऊं भरगा। 29वे यीसु नै नगर ऊं बारै भाखर री चोटी माथै लेन गिया जिण भाखर माथै वो नगर बसयोड़ौ हो, ताकी उणनै उण भाखर माथै ऊं नीचे फेंक दे। 30बल्कि यीसु उणौरै बीच मे ऊं निकळनै चुपचाप चाल दिया।
एक आदमी नै दुस्ट आतमा ऊं छुड़ायो
(मरकुस 1:21–28)
31पछै यीसु गलील देस रै कफरनहूंम नगर मे आया अर यहूदियो रै आराम रै दिन यीसु पराथना घर मे जायनै परमेसर रा वचन सिखावण लागा। 32#मत 7:28,29लोग उणरा उपदेस सुणनै अचूम्बो करता हा, क्यूंकै उणरा वचन अधिकार रै साथै हा।
33पराथना घर मे एक आदमी हो, उणमे एक दुस्ट आतमा ही। 34वो चिलायनै कयौ, “हे नासरत रा यीसु, थूं म्हौरै ऊं कांई चावै? कांई थूं म्हौरौ नास करणौ चावै? म्हैं थनै जांणूं हूं, थूं कुण है? थूं परमेसर रौ पवितर मिनख है।”
35यीसु हाका करनै उणनै कयौ, “चुप रैह अर उण मे ऊं निकळ जा।” तद दुस्ट आतमा उणनै पटक नै बिना नुकसाण करिया निकळगी।
36इण माथै सगळा लोग अचूम्बो करयौ, अर आपस मे बातां करनै कैवण लागा, “ओ कैड़ौ वचन है? यीसु अधिकार अर सामरथ रै साथै दुस्ट आतमा नै भी आग्या दैवै है, अर वे बारै निकळ जावै।” 37यीसु री ऐ बातां आजू बाजू रै सगळै इलाके मे फैलगी।
यीसु बिमारों नै सावळ करिया
(मती 8:14–17; मरकुस 1:29–34)
38यीसु पराथना घर ऊं उठनै समौन रै घर मे गिया। अर समौन री सासु नै ताव छड़योड़ौ हो, अर समौन उणरै वास्तै यीसु ऊं विणती करी, की उणनै सावळ करौ। 39यीसु उणरै खनै ऊभौ होयनै ताव नै हाका करिया अर ताव उतरगो। समौन री सासु तुरत उठनै उणरी सेवा करनै लागी।
40उण इज दिन सांझ रै वगत सूरज डूबगो, तो लोग बिमारों नै जिणौनै अलग अलग बीमारी ही, यीसु रै खनै लाया। अर यीसु एक एक रै माथै हाथ राखनै उणौनै सावळ करिया। 41उणमे ऊं घणौ मे ऊं दुस्ट आतमा हाका करती अर ओ कैवती निकळी, “थूं परमेसर रौ बेटौ है।” यीसु उणौनै हाका करता अर बोलणै भी नीं देतो हो, क्यूंकै दुस्ट आतमा जांणती ही, की ऐ परमेसर रा मसीह है।
यीसु दूजै नगरो मे गिया
(मरकुस 1:35–39)
42जद दिन उगौ तो यीसु निकळनै एक एकांत जगा माथै गिया अर भीड़ उणनै ढ़ूंढ़ती होई उणरै खनै आई, अर उणनै रोकनै लागी के, “म्हौरै खनै ऊं मत जाओ।”
43पर यीसु भीड़ ऊं कयौ, “म्हनै दूजै नगरो मे भी परमेसर रा राज रौ सुभ संदेस सुणाणौ जरुरी है। क्यूंकै म्हैं इण वास्तै ही भेज्यौड़ौ हूं।” 44अर यीसु गलील रै पराथना घरो मे उपदेस देता रिया।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© NLCI CC BY-NC-ND 4.0