Lukas 15
15
Yèsus nabetènglèkh tentang sènꞌòy bedose rik umlos ma Tuhan
(Mat 18:12-14)
1Bil néy arik, jajéh sènꞌòy rik bechatuk duid chukay ròb sènꞌòy bedose mòy rik tok méj èn mad masarakat umlãj ma Yèsus bok mukeyòkh ma Rik Nak. #Luk 5:29,30. 2Tapik mèn sènꞌòy Parisi ròb guruk agama umcherèk dak umchal, “Ches! Néh lah, sènꞌòy doh naterime sènꞌòy rik bedose umgèy-géy samak Rik Nak!” 3Jadik Yèsus naꞌoglèkh chenal doh nambetènglèkh ma umnak:
4“Bèdlod lah kalòw néy sènꞌòy mok seratos ikor kambikh biri, dak néy ikor kambikh biri nak naruj. Dak ilok namhey? Pastik lah naperak ma sembilan puloh sembilan rik gèhnih èn pantil, dak nawèk nakèk rik rèj-ruj nak sampéy natèrbuk. 5Dak bil hòj natèrbuk kambikh biri rik rèj-ruj nak, pastik lah naꞌadés. Dak natabag èn pòg eh 6dak naꞌèn namak. Bil nabeleh ma dékh eh, dak nakòw ma kéy-kéy eh ròb sènꞌòy ènsekh dékh eh nak, dak nachal ma umnak, ‘Jok lah, èk èbeꞌadés samak yék! Sebab kambikh biri yék rik rèj-ruj hatòp hòj itèrbuk wèl!’ 7Dak Yék ichal ma nyob, gerèk nak lah keꞌjèk kalòw mok néy sènꞌòy rik bedose nachèn namlos ma Allah dak tok natèlꞌèl dose wèl. Allah ròb mèn melaykat èn sorga umꞌadés geb — bok lebéh beꞌadés wèl tentang néy sènꞌòy nak nòm sembilan puloh sembilan sènꞌòy kènmën rik hòj umhoh ma Allah.”
Yèsus naꞌoglèkh chenal tentang néy babok rik betèjruj néy kupang pèrak
8Dak Yèsus naꞌog chòntoh mòy: “Kalòw lah néy babok mok sepuloh kupang pèrak#15:8 kupang pèrak néy kupang nak nilay eh gerèk gajik sènꞌòy rik kerèꞌjak néy arik. rik behèrgak, tapik hòj natèjruj néy kupang nak, dak ilok akal namhey? Pastik lah nachakat peliteh, bok nakuwãny dékh eh dak nakèk èn lok-lok, sampéy lah natèrbuk wèl kupang nak. 9Bil hòj natèrbuk kupang rik rèj-ruj nak, dak nachal ma kéy-kéy eh ròb sènꞌòy ènsekh dékh eh nak, ‘Jok lah, èk èbeꞌadés samak yék! Sebab kupang yék rik itèjruj hatòp hòj itèrbuk wèl.’ 10Dak Yék ichal ma nyob: gerèk nak keꞌjèk Allah samak melaykat Eh umꞌadés geb bil mok néy sènꞌòy rik bedose naperak ma dose eh dak nalos ma Allah!”
Yèsus naꞌoglèkh chenal tentang nar kuwòt bèhbeh
11Yèsus naꞌoglèkh chenal mòy wèl, nachal, “Mok néy apak rik mok nar kuwòt bèhbeh eh. 12Dak mok néy arik kuwòt rik alëj eh nak nasemany ma apak eh, ‘Apak, yék ibod impòj ma hãk hamkebes. Og lah che yék puꞌdoh harte yéh nòm sakak hãk.’ Dak apak wèh nak pon nasér harte kenaye eh nak ma wèh kuwòt eh. 13Maròp-maròp arik nòm kerek nak, kuwòt eh rik alëj nak najuwal kenèmbek harte eh nak. Nanak nakod duid nak, dak nawèk ma negerik mòy rik jerok. Dak èn anak nanak nabeꞌidéh duid eh dak nèsgos eh nak tok bèltol. 14Dak hòj sòj kenèmbek duid eh nak, dak nabelakuk lah èn negerik nak chènrok tok mèk-mok mènhik, sampéy nanak hanggoj tok beꞌilok-ilok eh. 15Jadik nanak nawèk dak nasemany ma néy sènꞌòy rik èn negerik nak namkèrjak. Sènꞌòy nak pon naꞌor nanak ma selay namjagak taꞌòng eh. 16Dak nanak nacherok geb, sampéy namòg géy nèygéy mèn taꞌòng nak. Yab nacherok geb, tapik tok mèk-mok néy sènꞌòy pon namꞌog nèygéy ma rik nak. 17Dak sèj-sòj eh nak nanak nasedah, dak nachèl-chal èn kelòj hup eh, ‘Sènꞌòy rik umkèrjak untok apak yék nèygéy um ibuk, dak yék èn anuh hòj imòg kèsbes sebab cherok! 18Nak, yék imwèk dak imak ma apak yéh. Dak ichal ma rik nak, “Apak, yék hòj ibedose ma Allah bok ma hãk. 19Yék hòj tok behakak wèl hamdéh kuwòt hãk. Tapik terime lah yék gerèk sènꞌòy rik kerèꞌjak untok hãk.”’ 20Jadik nanak pon namulak namak ma apak eh.
Bil nanak tèk-tik jerok nòm dékh apak eh nak, apak eh nanéh ma rik nak. Dak apak eh nagahmak nakalõn èn kelòj hup eh, dak nadabal ma rik nak, nachab dak nachëy eh. 21Dak kuwòt eh nak nachal ma apak eh, ‘Apak, yék hòj ibedose ma Allah bok ma hãk. Yék hòj tok behakak wèl hamdéh kuwòt hãk.’ 22Tapik apak eh nakòw ma kuli-kuli eh dak nachal, ‘Kod lah lulòw bajuk rik paléng méj, dak tèrlòg ma rik nak! Cherog chìnchìt ma tikh eh, dak tèrlòg kasod ma jukh eh. 23Pas nak wèk, kod lah kuwòt lembu lèsꞌos#15:23 kuwòt lembu lèsꞌos nak lembu rik paléng méj. Sènꞌòy umꞌog ibuk nèygéy ma kuwòt lembu nak supaye namtingꞌũs, untok muged bil umteꞌèl jamuwan penting. rik èbèhleh nak. Ged lah dak pegoh. Jok lah, èk ègéy bok èbeꞌadés! 24Sebab kuwòt yék doh gerèk hòj nakebes, naruj èn kelòj dose eh. Tapik puꞌdoh hòj itèrbuk wèl ma rik nak, gerèk hòj nalos nagos wèl!’ Jadik umnak umtekèd umbeꞌadés herayaw.
25Bil nak, kuwòt eh rik mulak nak nakerèꞌjak èn selay. Tapik bil namak bok hòj tilok ma dékh nak, dak nakeyòkh chëh musikh ròb jenogéd. 26Jadik nanak nakòw ma néy sènꞌòy kuli, dak natanyak, ‘Ilok umhey èn dékh doh?’ 27Dak kuli nak nasaꞌod, ‘Pek hãh hòj namak! Dak apak hãh hòj naꞌor kimged kuwòt lembu rik lèsꞌos, dak kibeꞌadés sebab nanak hòj natèrbuk kuwòt eh namak méj!’ 28Tapik kuwòt rik mulak nak naꞌõl geb, sampéy najèk tok namèj-mòj ma kelòj dékh. Dak apak eh nahuwòl nòm dékh nak nasered ma rik nak supaye nammòj. 29Tapik kuwòt eh nak nachal ma apak eh, ‘Keyòkh lah! Hòj lamad yék ikèrjak untok hãk! Hòj betawon-tawon, bok yék tok pernah ibod nèrꞌor hãk. Tapik ilok rik mok haꞌog ma yék, apak? Hãk tok pernah haꞌog néy ikor kambikh pon untok yék imbejamuwan samak kéy-kéy yéh! 30Tapik kuwòt hãk doh nabeꞌidéh duid hãk ma bèꞌbok rik umbebènjhéj. Dak bil nanak namak, hãk haged kuwòt lembu rik lèsꞌos bok hateꞌèl jamuwan untok rik nak!’ 31Dak apak eh nachal, ‘Agah, hãk selaluk mok samak yék. Kenèmbek rik mok èn yék, nak lah milik hãk. 32Tapik pek hãh doh gerèk hòj nakebes, naruj èn kelòj dose eh. Dak puꞌdoh hòj ètèrbuk wèl, gerèk nalos nagos wèl! Jadik pastik èk kenèmbek haros èbeꞌadés!’”
ទើបបានជ្រើសរើសហើយ៖
Lukas 15: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Lukas 15
15
Yèsus nabetènglèkh tentang sènꞌòy bedose rik umlos ma Tuhan
(Mat 18:12-14)
1Bil néy arik, jajéh sènꞌòy rik bechatuk duid chukay ròb sènꞌòy bedose mòy rik tok méj èn mad masarakat umlãj ma Yèsus bok mukeyòkh ma Rik Nak. #Luk 5:29,30. 2Tapik mèn sènꞌòy Parisi ròb guruk agama umcherèk dak umchal, “Ches! Néh lah, sènꞌòy doh naterime sènꞌòy rik bedose umgèy-géy samak Rik Nak!” 3Jadik Yèsus naꞌoglèkh chenal doh nambetènglèkh ma umnak:
4“Bèdlod lah kalòw néy sènꞌòy mok seratos ikor kambikh biri, dak néy ikor kambikh biri nak naruj. Dak ilok namhey? Pastik lah naperak ma sembilan puloh sembilan rik gèhnih èn pantil, dak nawèk nakèk rik rèj-ruj nak sampéy natèrbuk. 5Dak bil hòj natèrbuk kambikh biri rik rèj-ruj nak, pastik lah naꞌadés. Dak natabag èn pòg eh 6dak naꞌèn namak. Bil nabeleh ma dékh eh, dak nakòw ma kéy-kéy eh ròb sènꞌòy ènsekh dékh eh nak, dak nachal ma umnak, ‘Jok lah, èk èbeꞌadés samak yék! Sebab kambikh biri yék rik rèj-ruj hatòp hòj itèrbuk wèl!’ 7Dak Yék ichal ma nyob, gerèk nak lah keꞌjèk kalòw mok néy sènꞌòy rik bedose nachèn namlos ma Allah dak tok natèlꞌèl dose wèl. Allah ròb mèn melaykat èn sorga umꞌadés geb — bok lebéh beꞌadés wèl tentang néy sènꞌòy nak nòm sembilan puloh sembilan sènꞌòy kènmën rik hòj umhoh ma Allah.”
Yèsus naꞌoglèkh chenal tentang néy babok rik betèjruj néy kupang pèrak
8Dak Yèsus naꞌog chòntoh mòy: “Kalòw lah néy babok mok sepuloh kupang pèrak#15:8 kupang pèrak néy kupang nak nilay eh gerèk gajik sènꞌòy rik kerèꞌjak néy arik. rik behèrgak, tapik hòj natèjruj néy kupang nak, dak ilok akal namhey? Pastik lah nachakat peliteh, bok nakuwãny dékh eh dak nakèk èn lok-lok, sampéy lah natèrbuk wèl kupang nak. 9Bil hòj natèrbuk kupang rik rèj-ruj nak, dak nachal ma kéy-kéy eh ròb sènꞌòy ènsekh dékh eh nak, ‘Jok lah, èk èbeꞌadés samak yék! Sebab kupang yék rik itèjruj hatòp hòj itèrbuk wèl.’ 10Dak Yék ichal ma nyob: gerèk nak keꞌjèk Allah samak melaykat Eh umꞌadés geb bil mok néy sènꞌòy rik bedose naperak ma dose eh dak nalos ma Allah!”
Yèsus naꞌoglèkh chenal tentang nar kuwòt bèhbeh
11Yèsus naꞌoglèkh chenal mòy wèl, nachal, “Mok néy apak rik mok nar kuwòt bèhbeh eh. 12Dak mok néy arik kuwòt rik alëj eh nak nasemany ma apak eh, ‘Apak, yék ibod impòj ma hãk hamkebes. Og lah che yék puꞌdoh harte yéh nòm sakak hãk.’ Dak apak wèh nak pon nasér harte kenaye eh nak ma wèh kuwòt eh. 13Maròp-maròp arik nòm kerek nak, kuwòt eh rik alëj nak najuwal kenèmbek harte eh nak. Nanak nakod duid nak, dak nawèk ma negerik mòy rik jerok. Dak èn anak nanak nabeꞌidéh duid eh dak nèsgos eh nak tok bèltol. 14Dak hòj sòj kenèmbek duid eh nak, dak nabelakuk lah èn negerik nak chènrok tok mèk-mok mènhik, sampéy nanak hanggoj tok beꞌilok-ilok eh. 15Jadik nanak nawèk dak nasemany ma néy sènꞌòy rik èn negerik nak namkèrjak. Sènꞌòy nak pon naꞌor nanak ma selay namjagak taꞌòng eh. 16Dak nanak nacherok geb, sampéy namòg géy nèygéy mèn taꞌòng nak. Yab nacherok geb, tapik tok mèk-mok néy sènꞌòy pon namꞌog nèygéy ma rik nak. 17Dak sèj-sòj eh nak nanak nasedah, dak nachèl-chal èn kelòj hup eh, ‘Sènꞌòy rik umkèrjak untok apak yék nèygéy um ibuk, dak yék èn anuh hòj imòg kèsbes sebab cherok! 18Nak, yék imwèk dak imak ma apak yéh. Dak ichal ma rik nak, “Apak, yék hòj ibedose ma Allah bok ma hãk. 19Yék hòj tok behakak wèl hamdéh kuwòt hãk. Tapik terime lah yék gerèk sènꞌòy rik kerèꞌjak untok hãk.”’ 20Jadik nanak pon namulak namak ma apak eh.
Bil nanak tèk-tik jerok nòm dékh apak eh nak, apak eh nanéh ma rik nak. Dak apak eh nagahmak nakalõn èn kelòj hup eh, dak nadabal ma rik nak, nachab dak nachëy eh. 21Dak kuwòt eh nak nachal ma apak eh, ‘Apak, yék hòj ibedose ma Allah bok ma hãk. Yék hòj tok behakak wèl hamdéh kuwòt hãk.’ 22Tapik apak eh nakòw ma kuli-kuli eh dak nachal, ‘Kod lah lulòw bajuk rik paléng méj, dak tèrlòg ma rik nak! Cherog chìnchìt ma tikh eh, dak tèrlòg kasod ma jukh eh. 23Pas nak wèk, kod lah kuwòt lembu lèsꞌos#15:23 kuwòt lembu lèsꞌos nak lembu rik paléng méj. Sènꞌòy umꞌog ibuk nèygéy ma kuwòt lembu nak supaye namtingꞌũs, untok muged bil umteꞌèl jamuwan penting. rik èbèhleh nak. Ged lah dak pegoh. Jok lah, èk ègéy bok èbeꞌadés! 24Sebab kuwòt yék doh gerèk hòj nakebes, naruj èn kelòj dose eh. Tapik puꞌdoh hòj itèrbuk wèl ma rik nak, gerèk hòj nalos nagos wèl!’ Jadik umnak umtekèd umbeꞌadés herayaw.
25Bil nak, kuwòt eh rik mulak nak nakerèꞌjak èn selay. Tapik bil namak bok hòj tilok ma dékh nak, dak nakeyòkh chëh musikh ròb jenogéd. 26Jadik nanak nakòw ma néy sènꞌòy kuli, dak natanyak, ‘Ilok umhey èn dékh doh?’ 27Dak kuli nak nasaꞌod, ‘Pek hãh hòj namak! Dak apak hãh hòj naꞌor kimged kuwòt lembu rik lèsꞌos, dak kibeꞌadés sebab nanak hòj natèrbuk kuwòt eh namak méj!’ 28Tapik kuwòt rik mulak nak naꞌõl geb, sampéy najèk tok namèj-mòj ma kelòj dékh. Dak apak eh nahuwòl nòm dékh nak nasered ma rik nak supaye nammòj. 29Tapik kuwòt eh nak nachal ma apak eh, ‘Keyòkh lah! Hòj lamad yék ikèrjak untok hãk! Hòj betawon-tawon, bok yék tok pernah ibod nèrꞌor hãk. Tapik ilok rik mok haꞌog ma yék, apak? Hãk tok pernah haꞌog néy ikor kambikh pon untok yék imbejamuwan samak kéy-kéy yéh! 30Tapik kuwòt hãk doh nabeꞌidéh duid hãk ma bèꞌbok rik umbebènjhéj. Dak bil nanak namak, hãk haged kuwòt lembu rik lèsꞌos bok hateꞌèl jamuwan untok rik nak!’ 31Dak apak eh nachal, ‘Agah, hãk selaluk mok samak yék. Kenèmbek rik mok èn yék, nak lah milik hãk. 32Tapik pek hãh doh gerèk hòj nakebes, naruj èn kelòj dose eh. Dak puꞌdoh hòj ètèrbuk wèl, gerèk nalos nagos wèl! Jadik pastik èk kenèmbek haros èbeꞌadés!’”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.