Lukas 13
13
Perak ma dose dak los ma Allah
1Bil nak mok sènꞌòy èn anak umꞌoglèkh ma Yèsus gah Pilatus, menterik rayak nòm rajak Roma, hòj nacheleg maròp-maròp sènꞌòy Galiliya bil umnak umgèd-ged lawok untok mujamuk ma Allah. 2Yèsus nachal ma umnak, “Dak agok nyob bèdlod sènꞌòy nak umkebes gerèk nak sebab umnak lebéh bedose nòm sènꞌòy Galiliya mòy. 3Hõy! Tapik Yék ichal ma nyob: kalòw nyob tok nyob perak ma dose dak tok nyob lès-los ma Allah, nyob kenèmbek akal nyob kebes keꞌjèk. 4Atòw chòntoh mòy wèl, nyob hòj nyob keyòkh tentang lapan belas sènꞌòy rik umkebes èn Siloam,#13:4 Siloam nak kenëh néy belah èn kelòj kote Yèrusalèm. Mok néy kolam òng rik rayak èn anak rik bekenëh “Kolam Siloam.” bil bangunan balikh èn anak nakel ma umnak? Agok nyob bèdlod sènꞌòy nak umkebes sebab umnak lebéh bedose nòm kenèmbek sènꞌòy mòy rik gèl-gel èn Yèrusalèm! 5Yék imchal wèl ma nyob: kalòw nyob tok nyob perak ma dose dak tok nyob lès-los ma Allah, nyob kenèmbek akal nyob kebes keꞌjèk.”
6Dak Yèsus naꞌoglèkh chenal doh nambetènglèkh ma umnak: “Mok sènꞌòy rik tèm-tap néy jehuk kebek#13:6 jehuk kebek Tèks asli Kitab: “jehuk ara.” Kebek ara nak gerèk kebek kèlpong. Kebek nak penting geb èn tèk Israꞌèl, dak sènꞌòy Yahudi ibuk umgéy kebek nak. èn selay kebek eh. Tapik bil nanak nalãj untok namkèk kebek jehuk nak, tok naterèꞌbuk. 7Jadik, rik nak nachal ma sènꞌòy rik kerèꞌjak èn selay eh, ‘Néh, hòj tigak tawon yék ilãj imkèk kebek jehuk doh, tapik tok pernah néy kebek pon imtèrbuk. Jadik, guk lah jehuk doh! Tok mèk-mok gunak eh jehuk doh namhin èn tèk doh.’ 8Tapik sènꞌòy rik kerèꞌjak èn selay nak nasaꞌod, ‘Yãng, perak lah jehuk doh namhin néy tawon wèl. Yék akal ibay tèk èn keliling eh dak idol baje. 9Dak kalòw jehuk doh nabekèꞌbek ma tawon jakal, méj lah. Kalòw hõy, guk hék lah.’”
Yèsus natèrhakh néy sènꞌòy jèk-jik bil Is Tenarak
10Bil Is Tenarak, Yèsus nabetènglèkh èn néy dékh senindol. 11Èn anak mok néy sènꞌòy babok rik najik, hòj lapan belas tawon nasid yel jèdhad. Rik nak kerek eh kelongꞌõh, dak tok dapad nated sejèkh. 12-13Bil nanéh ma babok nak, Yèsus nakòw eh, napèk-pek tikh Eh ma babok nak, dak nachal, “Amok, chenèk hãk hòj nahakh!” Dak bil nak keꞌjèk babok nak nahakh, nated sejèkh dak naꞌèhmah ma Allah.
14Tapik ketuwe dékh senindol narok sebab Yèsus natèrhakh sènꞌòy bil Is Tenarak. Dak nachal ma kenèmbek sènꞌòy èn anak, “Mok enam arik untok kèrjak. Lãj lah bil arik-arik nak untok namtèrhakh. Tapik agok lah bil Is Tenarak!” #Her 20:9,10; Ter 5:13,14.
15Tapik Tuhan Yèsus nachal, “Nyob sènꞌòy rik had begèw-gòw méj! Nyob kenèmbek nyob kèrjak bil Is Tenarak! Sebab nyob wèk nyob tèrsèk talik lembu atòw kuda kelday nyob nòm kandang eh, dak nyob éd eh untok nyomꞌog òng. 16Néh lah ma babok doh! Rik nak nòm waris Abraham. Dak ketuwe yel jèdhad hòj lapan belas tawon naꞌuy ma rik nak naderite gerèk doh.#13:16 naꞌuy ma rik nak naderite gerèk doh Tèks asli Kitab mok kiasan anuh: “ketuwe yel jèdhad nabeg ma rik nak.” Pastik tok besalah ibébas rik nak nòm derite eh?” 17Bil Yèsus nachal gerèk nak, kenèmbek sènꞌòy rik umbelawan ma Rik Nak umsengẽny. Tapik kenèmbek sènꞌòy gèhnih èn anak umbeꞌadés sebab umnéh tènꞌèl Yèsus rik méj bok bekuwase.
Tenènglèkh tentang chare Kerajaꞌan Allah naberayak gerèk menéh ajok nahin najadik jehuk rik rayak
(Mat 13:31-32; Mrk 4:30-32)
18Yèsus nachal, “Yék imꞌog chòntoh ma nyob tentang chare Kerajaꞌan Allah naberayak. Gerèk doh lah: 19Kerajaꞌan Allah nak natekèd nòm ajok, gerèk mad menéh sawik rik ajok geb. Sènꞌòy nakod menéh nak dak natap èn selay eh. Dak menéh nak nahin sampéy najadik jehuk rik rayak. Dak chèp umteꞌèl sòm èn tabak-tabak eh.”
Kerajaꞌan Allah gerèk ibu ruti
(Mat 13:33)
20Yèsus nachal wèl, “Dak rèk lok wèl èmbanding Kerajaꞌan Allah? Yék imꞌog chòntoh mòy wèl ma nyob: 21Kerajaꞌan Allah namulak nòm amès, gerèk ibu ruti rik néy babok nachèhruh ma kelòj tepong rik ibuk geb. Yab ibu ruti nak amès hék dak chenèhruh tepong nak ibuk,#13:21 tepong nak ibuk Tèks asli: “tigak chènwoh.” tapik kenèmbek tepong nak napukh sampéy boléh najadik ruti.”
Susah sènꞌòy mumòj ma Kerajaꞌan Allah
(Mat 7:13-14,21-23)
22Yèsus nachèb-chib wèl nawèk ma kote Yèrusalèm. Èn nèbchib Eh nak, Yèsus nawèk ma jajéh kote ròb kampong. Dak èn kenèmbek tempad rik nawèk nak, Yèsus nabetènglèkh ma sènꞌòy. 23Dak néy sènꞌòy natanyak ma Rik Nak, “Yãng, amès hék ke sènꞌòy rik Allah namtèrgos akal?”
24Yèsus nasaꞌod ma sènꞌòy èn anak, “Pastik susah sènꞌòy mumòj ma Kerajaꞌan Allah — gerèk umtasik mumòj ma rèngkak rik èdngẽd! Jadik, kèrdakh lah méj-méj untok nyommòj. Sebab kemën Yék ichal ma nyob, jajéh sènꞌòy akal umkèrdakh mumòj, tapik tok dapad mumòj. 25Dak bil mase Tuwan dékh nawòg dak nachèrtekh rèngkak, nyob rik tik tèd-ted èn béng akal nyob tãnggõh ma rèngkak dak nyob chèl-chal, ‘Yãng, pog lah rèngkak untok kandék!’ Tapik Tuwan nak akal nasaꞌod, ‘Yék tok ikèlnal ma nyob bok tok ilèng-lèkh nòm lok nyob lãj!’ 26Dak akal nyob saꞌod, ‘Kandék hòj kigéy dak kiꞌòng samak Hãk, dak Hãk keꞌjèk habetènglèkh èn kote kandék!’ 27Tapik Tuwan nak akal nachal wèl, ‘Hõy! Yék tok ikèlnal ma nyob bok tok ilèng-lèkh nòm lok nyob lãj! Wèk lah nòm yék, nyob kenèmbek rik tèlꞌèl jèdhad!’ #En 6:9. 28#Mat 8:11,12.Dak bil nak akal nyob yam nyob arew bok mòny nyob kenèjrej, sebab Tuhan nahuwok nyob dak naperak nyob èn béng. Dak akal nyob néh Abraham, Isak, ròb Yakob, samak kenèmbek nabi Tuhan èn Kerajaꞌan Allah. #Mat 22:13; 25:30. 29Dak jajéh sènꞌòy nòm kaum mòy akal umlãj keꞌjèk nòm kenèmbek bumi — nòm kèd is bok nòm sòy is. Dak umnak kenèmbek akal umgel umgéy jamuwan èn Kerajaꞌan Allah. 30#Mat 19:30; 20:16; Mrk 10:31.Dak lèkh lah: sènꞌòy rik puꞌdoh paléng tok bepenting, akal umjadik paléng rayak. Dak sènꞌòy rik puꞌdoh paléng rayak, akal umjadik paléng tok bepenting.”
Yèsus nakalõn ma sènꞌòy Yèrusalèm
(Mat 23:37-39)
31Ma mase nak keꞌjèk, maròp-maròp guruk agama nòm sènꞌòy Parisi umlãj ma Yèsus dak umchal ma Rik Nak, “Perak lah tempad doh. Wèk ma tempad mòy, sebab Rajak Hèrodès nachèn namcheleg ma Hãk!”
32Yèsus nasaꞌod, “Hèrodès nak gerèk chègchog#13:32 chègchog Tèks asli Kitab: “rubah.” Èn jènman Yèsus, umꞌanggap rubah nak lawok rik chèrdìk besèꞌlok bok jehad (gerèk chègchog èn anuh). — chèrdìk besèꞌlok bok jehad! Tapik hõy, nyob wèk lah dak oglèkh ma rik nak: ‘Yék tik ibekiron yel jèdhad bok tik iterènghakh ma sènꞌòy jèk-jik wèl. Tapik tok lamad wèl imtèrsòj kèrjak Yék.’#13:32 tok lamad wèl imtèrsòj kèrjak Yék. Tèks asli mok kiasan èn anuh: “Is doh ròb is jakal Yék tik ibekiron yel jèdhad bok tik iterènghakh ma sènꞌòy jèk-jik. Tapik ma arik tenigak imtèrsòj kèrjak Yék.” Maksod eh kedak 3 arik hék, tapik “tok lamad wèl.” Dak Yèsus nachèn namsambong kèrjak Eh sampéy nakebes.
33Hek, dak untok arik-arik doh Yék imsèrjèkh nèbchib Yék wèl, sampéy Yék ilãj ma Yèrusalèm. Sebab selaluk umcheleg nabi-nabi èn Yèrusalèm — jadik pastik Yék keꞌjèk tok mèk-mok Yék imkebes èn tempad mòy!”
34Pas nak Yèsus nachal wèl, “Oh, sènꞌòy Yèrusalèm! Nyob cheleg ma mèn nabi rik Allah natèrꞌèn ma nyob, bok nyob bedal nòm batuk sampéy umkebes. Yék hòj mayek-mayek ichèn imchèb-chab bok imjagak ma nyob, gerèk ayam nakumpol bok najagak ma kuwòt-kuwòt eh èn dadak kènyèng eh. Tapik nyob jèk! 35Jadik, néh lah: Allah akal naperak ma nyob.#13:35 Allah akal naperak ma nyob atòw “Allah akal naperak ma Dékh Eh rik mok èn kote nyob.” Dak Yék ichal ma nyob, nyob akal tok nyob nèh-néh ma Yék wèl sampéy nalòy mase eh nyob chal, ‘Allah nateꞌèl méj lah ma Sènꞌòy rik nalãj nòm kuwase Tuhan Allah!’” #En 118:26.
ទើបបានជ្រើសរើសហើយ៖
Lukas 13: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Lukas 13
13
Perak ma dose dak los ma Allah
1Bil nak mok sènꞌòy èn anak umꞌoglèkh ma Yèsus gah Pilatus, menterik rayak nòm rajak Roma, hòj nacheleg maròp-maròp sènꞌòy Galiliya bil umnak umgèd-ged lawok untok mujamuk ma Allah. 2Yèsus nachal ma umnak, “Dak agok nyob bèdlod sènꞌòy nak umkebes gerèk nak sebab umnak lebéh bedose nòm sènꞌòy Galiliya mòy. 3Hõy! Tapik Yék ichal ma nyob: kalòw nyob tok nyob perak ma dose dak tok nyob lès-los ma Allah, nyob kenèmbek akal nyob kebes keꞌjèk. 4Atòw chòntoh mòy wèl, nyob hòj nyob keyòkh tentang lapan belas sènꞌòy rik umkebes èn Siloam,#13:4 Siloam nak kenëh néy belah èn kelòj kote Yèrusalèm. Mok néy kolam òng rik rayak èn anak rik bekenëh “Kolam Siloam.” bil bangunan balikh èn anak nakel ma umnak? Agok nyob bèdlod sènꞌòy nak umkebes sebab umnak lebéh bedose nòm kenèmbek sènꞌòy mòy rik gèl-gel èn Yèrusalèm! 5Yék imchal wèl ma nyob: kalòw nyob tok nyob perak ma dose dak tok nyob lès-los ma Allah, nyob kenèmbek akal nyob kebes keꞌjèk.”
6Dak Yèsus naꞌoglèkh chenal doh nambetènglèkh ma umnak: “Mok sènꞌòy rik tèm-tap néy jehuk kebek#13:6 jehuk kebek Tèks asli Kitab: “jehuk ara.” Kebek ara nak gerèk kebek kèlpong. Kebek nak penting geb èn tèk Israꞌèl, dak sènꞌòy Yahudi ibuk umgéy kebek nak. èn selay kebek eh. Tapik bil nanak nalãj untok namkèk kebek jehuk nak, tok naterèꞌbuk. 7Jadik, rik nak nachal ma sènꞌòy rik kerèꞌjak èn selay eh, ‘Néh, hòj tigak tawon yék ilãj imkèk kebek jehuk doh, tapik tok pernah néy kebek pon imtèrbuk. Jadik, guk lah jehuk doh! Tok mèk-mok gunak eh jehuk doh namhin èn tèk doh.’ 8Tapik sènꞌòy rik kerèꞌjak èn selay nak nasaꞌod, ‘Yãng, perak lah jehuk doh namhin néy tawon wèl. Yék akal ibay tèk èn keliling eh dak idol baje. 9Dak kalòw jehuk doh nabekèꞌbek ma tawon jakal, méj lah. Kalòw hõy, guk hék lah.’”
Yèsus natèrhakh néy sènꞌòy jèk-jik bil Is Tenarak
10Bil Is Tenarak, Yèsus nabetènglèkh èn néy dékh senindol. 11Èn anak mok néy sènꞌòy babok rik najik, hòj lapan belas tawon nasid yel jèdhad. Rik nak kerek eh kelongꞌõh, dak tok dapad nated sejèkh. 12-13Bil nanéh ma babok nak, Yèsus nakòw eh, napèk-pek tikh Eh ma babok nak, dak nachal, “Amok, chenèk hãk hòj nahakh!” Dak bil nak keꞌjèk babok nak nahakh, nated sejèkh dak naꞌèhmah ma Allah.
14Tapik ketuwe dékh senindol narok sebab Yèsus natèrhakh sènꞌòy bil Is Tenarak. Dak nachal ma kenèmbek sènꞌòy èn anak, “Mok enam arik untok kèrjak. Lãj lah bil arik-arik nak untok namtèrhakh. Tapik agok lah bil Is Tenarak!” #Her 20:9,10; Ter 5:13,14.
15Tapik Tuhan Yèsus nachal, “Nyob sènꞌòy rik had begèw-gòw méj! Nyob kenèmbek nyob kèrjak bil Is Tenarak! Sebab nyob wèk nyob tèrsèk talik lembu atòw kuda kelday nyob nòm kandang eh, dak nyob éd eh untok nyomꞌog òng. 16Néh lah ma babok doh! Rik nak nòm waris Abraham. Dak ketuwe yel jèdhad hòj lapan belas tawon naꞌuy ma rik nak naderite gerèk doh.#13:16 naꞌuy ma rik nak naderite gerèk doh Tèks asli Kitab mok kiasan anuh: “ketuwe yel jèdhad nabeg ma rik nak.” Pastik tok besalah ibébas rik nak nòm derite eh?” 17Bil Yèsus nachal gerèk nak, kenèmbek sènꞌòy rik umbelawan ma Rik Nak umsengẽny. Tapik kenèmbek sènꞌòy gèhnih èn anak umbeꞌadés sebab umnéh tènꞌèl Yèsus rik méj bok bekuwase.
Tenènglèkh tentang chare Kerajaꞌan Allah naberayak gerèk menéh ajok nahin najadik jehuk rik rayak
(Mat 13:31-32; Mrk 4:30-32)
18Yèsus nachal, “Yék imꞌog chòntoh ma nyob tentang chare Kerajaꞌan Allah naberayak. Gerèk doh lah: 19Kerajaꞌan Allah nak natekèd nòm ajok, gerèk mad menéh sawik rik ajok geb. Sènꞌòy nakod menéh nak dak natap èn selay eh. Dak menéh nak nahin sampéy najadik jehuk rik rayak. Dak chèp umteꞌèl sòm èn tabak-tabak eh.”
Kerajaꞌan Allah gerèk ibu ruti
(Mat 13:33)
20Yèsus nachal wèl, “Dak rèk lok wèl èmbanding Kerajaꞌan Allah? Yék imꞌog chòntoh mòy wèl ma nyob: 21Kerajaꞌan Allah namulak nòm amès, gerèk ibu ruti rik néy babok nachèhruh ma kelòj tepong rik ibuk geb. Yab ibu ruti nak amès hék dak chenèhruh tepong nak ibuk,#13:21 tepong nak ibuk Tèks asli: “tigak chènwoh.” tapik kenèmbek tepong nak napukh sampéy boléh najadik ruti.”
Susah sènꞌòy mumòj ma Kerajaꞌan Allah
(Mat 7:13-14,21-23)
22Yèsus nachèb-chib wèl nawèk ma kote Yèrusalèm. Èn nèbchib Eh nak, Yèsus nawèk ma jajéh kote ròb kampong. Dak èn kenèmbek tempad rik nawèk nak, Yèsus nabetènglèkh ma sènꞌòy. 23Dak néy sènꞌòy natanyak ma Rik Nak, “Yãng, amès hék ke sènꞌòy rik Allah namtèrgos akal?”
24Yèsus nasaꞌod ma sènꞌòy èn anak, “Pastik susah sènꞌòy mumòj ma Kerajaꞌan Allah — gerèk umtasik mumòj ma rèngkak rik èdngẽd! Jadik, kèrdakh lah méj-méj untok nyommòj. Sebab kemën Yék ichal ma nyob, jajéh sènꞌòy akal umkèrdakh mumòj, tapik tok dapad mumòj. 25Dak bil mase Tuwan dékh nawòg dak nachèrtekh rèngkak, nyob rik tik tèd-ted èn béng akal nyob tãnggõh ma rèngkak dak nyob chèl-chal, ‘Yãng, pog lah rèngkak untok kandék!’ Tapik Tuwan nak akal nasaꞌod, ‘Yék tok ikèlnal ma nyob bok tok ilèng-lèkh nòm lok nyob lãj!’ 26Dak akal nyob saꞌod, ‘Kandék hòj kigéy dak kiꞌòng samak Hãk, dak Hãk keꞌjèk habetènglèkh èn kote kandék!’ 27Tapik Tuwan nak akal nachal wèl, ‘Hõy! Yék tok ikèlnal ma nyob bok tok ilèng-lèkh nòm lok nyob lãj! Wèk lah nòm yék, nyob kenèmbek rik tèlꞌèl jèdhad!’ #En 6:9. 28#Mat 8:11,12.Dak bil nak akal nyob yam nyob arew bok mòny nyob kenèjrej, sebab Tuhan nahuwok nyob dak naperak nyob èn béng. Dak akal nyob néh Abraham, Isak, ròb Yakob, samak kenèmbek nabi Tuhan èn Kerajaꞌan Allah. #Mat 22:13; 25:30. 29Dak jajéh sènꞌòy nòm kaum mòy akal umlãj keꞌjèk nòm kenèmbek bumi — nòm kèd is bok nòm sòy is. Dak umnak kenèmbek akal umgel umgéy jamuwan èn Kerajaꞌan Allah. 30#Mat 19:30; 20:16; Mrk 10:31.Dak lèkh lah: sènꞌòy rik puꞌdoh paléng tok bepenting, akal umjadik paléng rayak. Dak sènꞌòy rik puꞌdoh paléng rayak, akal umjadik paléng tok bepenting.”
Yèsus nakalõn ma sènꞌòy Yèrusalèm
(Mat 23:37-39)
31Ma mase nak keꞌjèk, maròp-maròp guruk agama nòm sènꞌòy Parisi umlãj ma Yèsus dak umchal ma Rik Nak, “Perak lah tempad doh. Wèk ma tempad mòy, sebab Rajak Hèrodès nachèn namcheleg ma Hãk!”
32Yèsus nasaꞌod, “Hèrodès nak gerèk chègchog#13:32 chègchog Tèks asli Kitab: “rubah.” Èn jènman Yèsus, umꞌanggap rubah nak lawok rik chèrdìk besèꞌlok bok jehad (gerèk chègchog èn anuh). — chèrdìk besèꞌlok bok jehad! Tapik hõy, nyob wèk lah dak oglèkh ma rik nak: ‘Yék tik ibekiron yel jèdhad bok tik iterènghakh ma sènꞌòy jèk-jik wèl. Tapik tok lamad wèl imtèrsòj kèrjak Yék.’#13:32 tok lamad wèl imtèrsòj kèrjak Yék. Tèks asli mok kiasan èn anuh: “Is doh ròb is jakal Yék tik ibekiron yel jèdhad bok tik iterènghakh ma sènꞌòy jèk-jik. Tapik ma arik tenigak imtèrsòj kèrjak Yék.” Maksod eh kedak 3 arik hék, tapik “tok lamad wèl.” Dak Yèsus nachèn namsambong kèrjak Eh sampéy nakebes.
33Hek, dak untok arik-arik doh Yék imsèrjèkh nèbchib Yék wèl, sampéy Yék ilãj ma Yèrusalèm. Sebab selaluk umcheleg nabi-nabi èn Yèrusalèm — jadik pastik Yék keꞌjèk tok mèk-mok Yék imkebes èn tempad mòy!”
34Pas nak Yèsus nachal wèl, “Oh, sènꞌòy Yèrusalèm! Nyob cheleg ma mèn nabi rik Allah natèrꞌèn ma nyob, bok nyob bedal nòm batuk sampéy umkebes. Yék hòj mayek-mayek ichèn imchèb-chab bok imjagak ma nyob, gerèk ayam nakumpol bok najagak ma kuwòt-kuwòt eh èn dadak kènyèng eh. Tapik nyob jèk! 35Jadik, néh lah: Allah akal naperak ma nyob.#13:35 Allah akal naperak ma nyob atòw “Allah akal naperak ma Dékh Eh rik mok èn kote nyob.” Dak Yék ichal ma nyob, nyob akal tok nyob nèh-néh ma Yék wèl sampéy nalòy mase eh nyob chal, ‘Allah nateꞌèl méj lah ma Sènꞌòy rik nalãj nòm kuwase Tuhan Allah!’” #En 118:26.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.