Yohanès 5
5
Yèsus natèrhakh ma sènꞌòy jèk-jik èn Is Tenarak
1Nòm kerek nak, Yèsus nawèk ma Yèrusalèm untok namhoh ma arik raye sènꞌòy Yahudi. 2Èn kote Yèrusalèm nak, tilok ma rèngkak gerbang rik umkòw “Rèngkak Kambikh Biri,”#5:2 Rèngkak Kambikh Biri Kote Yèrusalèm nak mok maròp-maròp rèngkak gerbang. Rèngkak doh umkòw “Rèngkak Kambikh Biri” sebab umgunak rèngkak nak bil umꞌèn mèn kambikh biri ummòj ma kote untok mujuwal. Dak rèngkak nak keꞌjèk tilok ma Dékh Tuhan, tempad umged bok umjamuk kambikh biri nak ma Tuhan. mok néy kolam. Èn kuy sènꞌòy Yahudi nak umtèrjal kenëh kolam nak Betèsda. Dak èn chening kolam nak mok limak dékh jèꞌrok rik betunggol bok bekènròb. 3-4Jajéh sènꞌòy rik umjèk-jik umselòg èn anak: rik bebèybëy, rik jukh um kèlkejil, bok rik bekantem. [Kadang-kadang melaykat Tuhan nataw dak nayèj-yãj ma òng nak. Jadik kenèmbek sènꞌòy jèk-jik nak umpèny-pòj untok òng nak namyèj-yãj, sebab bil nak sènꞌòy rik mulak nataw ma kelòj òng kolam nak akal nahakh nòm chenèk rik nanak najik nak.]#5:3-4 Ènsekh versi Kitab Yunani manah tòp tok mèk-mok ayad-ayad doh. 5Dak èn anak mok néy babeh rik hòj lamad najèk-jik selamak tigak puloh lapan tawon. 6Yèsus nanéh ma sènꞌòy nak, dak nalèkh nanak hòj lamad najik gerèk nak. Dak Yèsus natanyak ma rik nak, “Ke hachèn hamhakh lah?”
7Sènꞌòy rik jèk-jik nak nasaꞌod, “Hek, Yãng, tapik bil òng doh nabeyèj-yãj, tok mèk-mok néy sènꞌòy pon namtulong nambèrtaw ma yék ma kelòj kolam doh. Dak yék ikèrdakh imtaw ma òng, tapik sènꞌòy gèhnih selaluk umtaw ma kelòj òng nèng-nèng.”
8Yèsus nachal ma rik nak, “Wòg lah! Tayod apil hãh nak, dak chib hãh lah.” 9Dak sènꞌòy nak sejèkh nahakh! Dak nanak natayod apil eh dak nachib.
Tapik bil nak Is Tenarak. 10#Nèh 13:19; Yèr 17:21. Sebab nak, mok maròp-maròp pemimpin sènꞌòy Yahudi umtèdchod ma sènꞌòy rik pay hèng-hakh nak, “Is doh nak Is Tenarak! Tok boléh hakèrjak bok hatayod apil hãh nak — hãk tok hahèh-hoh ma Hukom Tuhan!”
11Tapik sènꞌòy nak nasaꞌod, “Sènꞌòy rik terènghakh ma yék atèk, Nanak lah irik èr-or ma yék imtayod apil idoh bok imchib.”
12Dak umnak umtanyak, “Chok rik èr-or ma hãk hamtayod apil bok hamchib?”
13Tapik sènꞌòy rik pay hèng-hakh nak tok nakèlnal chok rik terènghakh ma rik nak. Bok Yèsus hòj nawèk; hòj serey èn gagid sènꞌòy jajéh èn anak.
14Tok lamad nòm kerek nak, Yèsus natèrbuk wèl ma sènꞌòy nak èn kelòj Dékh Tuhan. Yèsus nachal ma rik nak, “Keyòkh lah: puꞌdoh hãk hòj hahakh. Jadik agok lah teꞌèl dose wèl, supaye agok nambelakuk hal rik lebéh terok wèl ma hãk!”
15Dak nanak nalos wèl ma pemimpin sènꞌòy Yahudi naꞌtèk dak naꞌoglèkh ma umnak, Yèsus lah irik terènghakh ma rik eh nak. 16Jadik sebab Yèsus hòj natèrhakh ma sènꞌòy nak èn Is Tenarak, mèn pemimpin Yahudi nak umtekèd umkeseh ma Rik Nak.
17Tapik Yèsus nachal ma umnak, “Apak Yék selaluk nakerèꞌjak. Jadik Yék pon haros lah ikerèꞌjak keꞌjèk.”
18Bil Yèsus nachal gerèk nak, mèn pemimpin Yahudi nak umꞌõl geb. Yèsus hòj tok nahèh-hoh ma adad agama umnak tentang Is Tenarak. Tabeh wèl, Yèsus hòj nakòw ma Allah nak Apak rik Eh, bok maksod eh nak Yèsus nak samak ma Allah. Sebab nak mèn pemimpin sènꞌòy Yahudi nak had lèrhir umkèrdakh bok umkèk nòng untok mukèrbes ma Yèsus.
Allah Apak naꞌog kuwase ma Kuwòt Eh, Yèsus
19Yèsus nasaꞌod wèl ma mèn pemimpin Yahudi rik umꞌèl-õl ma Rik Nak, “Kemën ilok rik Yék ichal ma nyob doh: Yék doh Kuwòt Apak Yéh, bok tok boléh imteꞌèl ilok-ilok pon nòm kuwase rik Yéh. Yék had iteꞌèl ilok rik inéh Apak Yéh nateꞌèl. Bok ilok rik Apak Yéh nateꞌèl, Yék pon iteꞌèl keꞌjèk. 20Apak Yéh nasayèkh ma Yék, Kuwòt Eh, bok napèrnéh ma Yék kenèmbek ilok rik Nanak nateꞌèl. Dak Apak Yéh akal napèrnéh ma Yék hal-hal rik lebéh rayak wèl, sampéy nyob kenèmbek akal nyob bèlꞌih. 21Apak Yéh naterègwòg ma sènꞌòy kèsbes bok naꞌog nèsgos ma umnak. Dak gerèk nak keꞌjèk Yék, Kuwòt Eh, iꞌog nèsgos ma chok pon rik Yék ichèn. 22Dak tabeh wèl Apak irik Eh tok nabehakim ma chok-chok pon. Nanak hòj naꞌog ma Yék kuwase untok imhakim ma kenèmbek sènꞌòy, 23supaye kenèmbek sènꞌòy muhormad ma Kuwòt Eh, samak gerèk umhormad ma Rik Apak. Chok rik tok behormad ma Kuwòt Eh, bemaksod umnak tok umbehormad keꞌjèk ma Apak rik terèn-èn ma Kuwòt Eh.
24Kemën Yék ichal ma nyob doh: chok rik kèngyòkh ma nèlchal Yék bok umpechaye ma Apak rik terèn-èn ma Yék, umnak umdapad nèsgos rik jalꞌéng. Umnak hòj umbébas nòm kuwase kènbes bok hòj mok nèsgos rik kènmën, dak Allah akal tok nabehukom ma umnak. 25Kemën Yék ichal ma nyob, mase eh akal nalãj — che kènmën eh, puꞌdoh hòj nalãj — bil sènꞌòy kèsbes akal umkeyòkh kuy Kuwòt Allah, dak sènꞌòy rik kèngyòkh ma nèlchal Eh nak akal umgos. 26Sebab Apak nak irik èg-og nèsgos, dak gerèk nak keꞌjèk Nanak hòj naꞌog ma Yék kuwase untok imꞌog nèsgos ma sènꞌòy. 27Dak Apak Yéh hòj naꞌog ma Yék kuwase untok imhakim ma sènꞌòy, sebab Yék lah Sènꞌòy Nòm Sorga. 28Agok lah nyob bèlꞌih bil nyob keyòkh ma hal doh! Akal nalòy mase eh bil kenèmbek sènꞌòy kèsbes rik mok èn kelòj kubor akal umkeyòkh ma kuy Yék. 29#Dan 12:2. Dak umnak akal umhuwòl nòm kelòj kubor nak. Sènꞌòy rik umtèlꞌèl méj akal umwòg dak umgos jalꞌéng, tapik sènꞌòy rik umtèlꞌèl jèdhad akal umwòg dak Allah nahukom um.”
Allah Apak hòj naꞌèg-oglèkh ma sènꞌòy tentang Yèsus
30Yèsus nachal wèl ma mèn pemimpin Yahudi nak, “Yék tok boléh imteꞌèl ilok-ilok pon nòm kuwase rik Yéh. Yék had ikeyòkh ma Apak Yéh, bok ihakim ma sènꞌòy ihoh ma nèlchal Rik Nak. Sebab nak henukom inak adil: Yék tok ihèh-hoh ma nènchèn rik Yéh, tapik ihoh ma nènchèn Apak rik terèn-èn Yék ma duniak doh.
31Kalòw Yék had iꞌèg-oglèkh tentang rik Yéh, pastik sènꞌòy tok dapad mulèkh kalòw ilok rik ichal nak kemën. 32Tapik Apak irik èg-oglèkh tentang Yék. Dak Yék ilèkh ilok rik Nanak nachal tentang Yék nak pastik kemën. 33#Yoh 1:19-27; 3:27-30. Nyob hòj nyob or sènꞌòy mutanyak ma Yohanès Pembaptis, dak kenèmbek rik Yohanès nachal tentang Yék nak mémang kemën. 34Che kènmën eh, Yék tok iperlu sènꞌòy muꞌoglèkh tentang Yék. Yék had iberèngleng ma nyob tentang ilok rik Yohanès nachal nak supaye nyob nyompechaye bok Allah namtèrgos ma nyob. 35Yohanès nak gerèk peliteh rik nachak bok nachelakh; rik nak napèrnéh ma nyob tentang Yék. Dak nyob terime ma tenènglèkh eh nak bok nyob adés agat eh. 36Tapik puꞌdoh hòj mok bukti mòy rik lebéh rayak nòm nèlchal Yohanès nak: Yék iteꞌèl kèrjak rik Apak Yéh hòj naꞌog ma Yék, dak kenèmbek tènꞌèl inak nabukti Apak Yéh irik terèn-èn ma Yék. 37#Mat 3:17; Mrk 1:11; Luk 3:22. Dak Apak rik terèn-èn ma Yék, Nanak lah irik èg-oglèkh ma sènꞌòy tentang Yék. Nyob doh tok pernah nyob keyòkh ma kuy Eh nak, bok tok pernah nyob néh ma mad Eh. 38Nyob tok nyob pechaye ma Gah Tuhan, sebab nyob jèk tok nyob pechaye ma Yék rik Apak hòj natèrꞌèn ma nyob. 39Nyob doh nyob kèk-kèk èn kelòj Kitab, bok nyob bèdlod nòm Kitab nak nyob dapad nèsgos rik jalꞌéng nak. Che kènmën eh, Kitab nak lah rik èg-oglèkh ma sènꞌòy tentang Yék! 40Tapik nyob jèk tok nyob lèj-lãj ma Yék supaye nyomdapad nèsgos rik jalꞌéng nak.
41Yék tok iꞌès-as nòm sènꞌòy muꞌèhmah ma Yék. 42Tapik Yék ilèkh ma hup nyob, bok ilèkh nyob tok nyob besayèkh ma Allah. 43Yék ilãj nòm kuwase Apak Yéh, tapik nyob jèk tok nyob terime ma Yék. Tapik kalòw sènꞌòy gèhnih umlãj dak umbetènglèkh nòm kuwase rik um, dak nyob terime! 44Nyob chèn beꞌèhmah kaban rik nyob, tapik tok nyob kerèngdakh untok nyomdapad enèhmah nòm Allah rik had Néy hék. Bok gerèk nak tok mungkin lah nyob dapad nyompechaye ma Yék!
45-47 Musa hòj natulis èn kelòj Kitab tentang Yék. Jadik kalòw lah nyob kemën-kemën nyob pechaye ma Musa, che patod eh nak nyob pechaye keꞌjèk ma Yék! Tapik che kènmën eh nyob tok bepechaye ma ilok rik Musa natulis nak, bok tok mungkin lah nyob nyompechaye ma nèlchal Yék. Jadik agok lah nyob bèdlod Yék irik betanas ma nyob èn mad Apak Yék. Hõy! Kedak Yék, tapik Musa. Nyob doh nyob as ma Musa namchal nyob nak sènꞌòy rik kènmën, tapik Musa lah irik betanas ma nyob nak besalah.”
ទើបបានជ្រើសរើសហើយ៖
Yohanès 5: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Yohanès 5
5
Yèsus natèrhakh ma sènꞌòy jèk-jik èn Is Tenarak
1Nòm kerek nak, Yèsus nawèk ma Yèrusalèm untok namhoh ma arik raye sènꞌòy Yahudi. 2Èn kote Yèrusalèm nak, tilok ma rèngkak gerbang rik umkòw “Rèngkak Kambikh Biri,”#5:2 Rèngkak Kambikh Biri Kote Yèrusalèm nak mok maròp-maròp rèngkak gerbang. Rèngkak doh umkòw “Rèngkak Kambikh Biri” sebab umgunak rèngkak nak bil umꞌèn mèn kambikh biri ummòj ma kote untok mujuwal. Dak rèngkak nak keꞌjèk tilok ma Dékh Tuhan, tempad umged bok umjamuk kambikh biri nak ma Tuhan. mok néy kolam. Èn kuy sènꞌòy Yahudi nak umtèrjal kenëh kolam nak Betèsda. Dak èn chening kolam nak mok limak dékh jèꞌrok rik betunggol bok bekènròb. 3-4Jajéh sènꞌòy rik umjèk-jik umselòg èn anak: rik bebèybëy, rik jukh um kèlkejil, bok rik bekantem. [Kadang-kadang melaykat Tuhan nataw dak nayèj-yãj ma òng nak. Jadik kenèmbek sènꞌòy jèk-jik nak umpèny-pòj untok òng nak namyèj-yãj, sebab bil nak sènꞌòy rik mulak nataw ma kelòj òng kolam nak akal nahakh nòm chenèk rik nanak najik nak.]#5:3-4 Ènsekh versi Kitab Yunani manah tòp tok mèk-mok ayad-ayad doh. 5Dak èn anak mok néy babeh rik hòj lamad najèk-jik selamak tigak puloh lapan tawon. 6Yèsus nanéh ma sènꞌòy nak, dak nalèkh nanak hòj lamad najik gerèk nak. Dak Yèsus natanyak ma rik nak, “Ke hachèn hamhakh lah?”
7Sènꞌòy rik jèk-jik nak nasaꞌod, “Hek, Yãng, tapik bil òng doh nabeyèj-yãj, tok mèk-mok néy sènꞌòy pon namtulong nambèrtaw ma yék ma kelòj kolam doh. Dak yék ikèrdakh imtaw ma òng, tapik sènꞌòy gèhnih selaluk umtaw ma kelòj òng nèng-nèng.”
8Yèsus nachal ma rik nak, “Wòg lah! Tayod apil hãh nak, dak chib hãh lah.” 9Dak sènꞌòy nak sejèkh nahakh! Dak nanak natayod apil eh dak nachib.
Tapik bil nak Is Tenarak. 10#Nèh 13:19; Yèr 17:21. Sebab nak, mok maròp-maròp pemimpin sènꞌòy Yahudi umtèdchod ma sènꞌòy rik pay hèng-hakh nak, “Is doh nak Is Tenarak! Tok boléh hakèrjak bok hatayod apil hãh nak — hãk tok hahèh-hoh ma Hukom Tuhan!”
11Tapik sènꞌòy nak nasaꞌod, “Sènꞌòy rik terènghakh ma yék atèk, Nanak lah irik èr-or ma yék imtayod apil idoh bok imchib.”
12Dak umnak umtanyak, “Chok rik èr-or ma hãk hamtayod apil bok hamchib?”
13Tapik sènꞌòy rik pay hèng-hakh nak tok nakèlnal chok rik terènghakh ma rik nak. Bok Yèsus hòj nawèk; hòj serey èn gagid sènꞌòy jajéh èn anak.
14Tok lamad nòm kerek nak, Yèsus natèrbuk wèl ma sènꞌòy nak èn kelòj Dékh Tuhan. Yèsus nachal ma rik nak, “Keyòkh lah: puꞌdoh hãk hòj hahakh. Jadik agok lah teꞌèl dose wèl, supaye agok nambelakuk hal rik lebéh terok wèl ma hãk!”
15Dak nanak nalos wèl ma pemimpin sènꞌòy Yahudi naꞌtèk dak naꞌoglèkh ma umnak, Yèsus lah irik terènghakh ma rik eh nak. 16Jadik sebab Yèsus hòj natèrhakh ma sènꞌòy nak èn Is Tenarak, mèn pemimpin Yahudi nak umtekèd umkeseh ma Rik Nak.
17Tapik Yèsus nachal ma umnak, “Apak Yék selaluk nakerèꞌjak. Jadik Yék pon haros lah ikerèꞌjak keꞌjèk.”
18Bil Yèsus nachal gerèk nak, mèn pemimpin Yahudi nak umꞌõl geb. Yèsus hòj tok nahèh-hoh ma adad agama umnak tentang Is Tenarak. Tabeh wèl, Yèsus hòj nakòw ma Allah nak Apak rik Eh, bok maksod eh nak Yèsus nak samak ma Allah. Sebab nak mèn pemimpin sènꞌòy Yahudi nak had lèrhir umkèrdakh bok umkèk nòng untok mukèrbes ma Yèsus.
Allah Apak naꞌog kuwase ma Kuwòt Eh, Yèsus
19Yèsus nasaꞌod wèl ma mèn pemimpin Yahudi rik umꞌèl-õl ma Rik Nak, “Kemën ilok rik Yék ichal ma nyob doh: Yék doh Kuwòt Apak Yéh, bok tok boléh imteꞌèl ilok-ilok pon nòm kuwase rik Yéh. Yék had iteꞌèl ilok rik inéh Apak Yéh nateꞌèl. Bok ilok rik Apak Yéh nateꞌèl, Yék pon iteꞌèl keꞌjèk. 20Apak Yéh nasayèkh ma Yék, Kuwòt Eh, bok napèrnéh ma Yék kenèmbek ilok rik Nanak nateꞌèl. Dak Apak Yéh akal napèrnéh ma Yék hal-hal rik lebéh rayak wèl, sampéy nyob kenèmbek akal nyob bèlꞌih. 21Apak Yéh naterègwòg ma sènꞌòy kèsbes bok naꞌog nèsgos ma umnak. Dak gerèk nak keꞌjèk Yék, Kuwòt Eh, iꞌog nèsgos ma chok pon rik Yék ichèn. 22Dak tabeh wèl Apak irik Eh tok nabehakim ma chok-chok pon. Nanak hòj naꞌog ma Yék kuwase untok imhakim ma kenèmbek sènꞌòy, 23supaye kenèmbek sènꞌòy muhormad ma Kuwòt Eh, samak gerèk umhormad ma Rik Apak. Chok rik tok behormad ma Kuwòt Eh, bemaksod umnak tok umbehormad keꞌjèk ma Apak rik terèn-èn ma Kuwòt Eh.
24Kemën Yék ichal ma nyob doh: chok rik kèngyòkh ma nèlchal Yék bok umpechaye ma Apak rik terèn-èn ma Yék, umnak umdapad nèsgos rik jalꞌéng. Umnak hòj umbébas nòm kuwase kènbes bok hòj mok nèsgos rik kènmën, dak Allah akal tok nabehukom ma umnak. 25Kemën Yék ichal ma nyob, mase eh akal nalãj — che kènmën eh, puꞌdoh hòj nalãj — bil sènꞌòy kèsbes akal umkeyòkh kuy Kuwòt Allah, dak sènꞌòy rik kèngyòkh ma nèlchal Eh nak akal umgos. 26Sebab Apak nak irik èg-og nèsgos, dak gerèk nak keꞌjèk Nanak hòj naꞌog ma Yék kuwase untok imꞌog nèsgos ma sènꞌòy. 27Dak Apak Yéh hòj naꞌog ma Yék kuwase untok imhakim ma sènꞌòy, sebab Yék lah Sènꞌòy Nòm Sorga. 28Agok lah nyob bèlꞌih bil nyob keyòkh ma hal doh! Akal nalòy mase eh bil kenèmbek sènꞌòy kèsbes rik mok èn kelòj kubor akal umkeyòkh ma kuy Yék. 29#Dan 12:2. Dak umnak akal umhuwòl nòm kelòj kubor nak. Sènꞌòy rik umtèlꞌèl méj akal umwòg dak umgos jalꞌéng, tapik sènꞌòy rik umtèlꞌèl jèdhad akal umwòg dak Allah nahukom um.”
Allah Apak hòj naꞌèg-oglèkh ma sènꞌòy tentang Yèsus
30Yèsus nachal wèl ma mèn pemimpin Yahudi nak, “Yék tok boléh imteꞌèl ilok-ilok pon nòm kuwase rik Yéh. Yék had ikeyòkh ma Apak Yéh, bok ihakim ma sènꞌòy ihoh ma nèlchal Rik Nak. Sebab nak henukom inak adil: Yék tok ihèh-hoh ma nènchèn rik Yéh, tapik ihoh ma nènchèn Apak rik terèn-èn Yék ma duniak doh.
31Kalòw Yék had iꞌèg-oglèkh tentang rik Yéh, pastik sènꞌòy tok dapad mulèkh kalòw ilok rik ichal nak kemën. 32Tapik Apak irik èg-oglèkh tentang Yék. Dak Yék ilèkh ilok rik Nanak nachal tentang Yék nak pastik kemën. 33#Yoh 1:19-27; 3:27-30. Nyob hòj nyob or sènꞌòy mutanyak ma Yohanès Pembaptis, dak kenèmbek rik Yohanès nachal tentang Yék nak mémang kemën. 34Che kènmën eh, Yék tok iperlu sènꞌòy muꞌoglèkh tentang Yék. Yék had iberèngleng ma nyob tentang ilok rik Yohanès nachal nak supaye nyob nyompechaye bok Allah namtèrgos ma nyob. 35Yohanès nak gerèk peliteh rik nachak bok nachelakh; rik nak napèrnéh ma nyob tentang Yék. Dak nyob terime ma tenènglèkh eh nak bok nyob adés agat eh. 36Tapik puꞌdoh hòj mok bukti mòy rik lebéh rayak nòm nèlchal Yohanès nak: Yék iteꞌèl kèrjak rik Apak Yéh hòj naꞌog ma Yék, dak kenèmbek tènꞌèl inak nabukti Apak Yéh irik terèn-èn ma Yék. 37#Mat 3:17; Mrk 1:11; Luk 3:22. Dak Apak rik terèn-èn ma Yék, Nanak lah irik èg-oglèkh ma sènꞌòy tentang Yék. Nyob doh tok pernah nyob keyòkh ma kuy Eh nak, bok tok pernah nyob néh ma mad Eh. 38Nyob tok nyob pechaye ma Gah Tuhan, sebab nyob jèk tok nyob pechaye ma Yék rik Apak hòj natèrꞌèn ma nyob. 39Nyob doh nyob kèk-kèk èn kelòj Kitab, bok nyob bèdlod nòm Kitab nak nyob dapad nèsgos rik jalꞌéng nak. Che kènmën eh, Kitab nak lah rik èg-oglèkh ma sènꞌòy tentang Yék! 40Tapik nyob jèk tok nyob lèj-lãj ma Yék supaye nyomdapad nèsgos rik jalꞌéng nak.
41Yék tok iꞌès-as nòm sènꞌòy muꞌèhmah ma Yék. 42Tapik Yék ilèkh ma hup nyob, bok ilèkh nyob tok nyob besayèkh ma Allah. 43Yék ilãj nòm kuwase Apak Yéh, tapik nyob jèk tok nyob terime ma Yék. Tapik kalòw sènꞌòy gèhnih umlãj dak umbetènglèkh nòm kuwase rik um, dak nyob terime! 44Nyob chèn beꞌèhmah kaban rik nyob, tapik tok nyob kerèngdakh untok nyomdapad enèhmah nòm Allah rik had Néy hék. Bok gerèk nak tok mungkin lah nyob dapad nyompechaye ma Yék!
45-47 Musa hòj natulis èn kelòj Kitab tentang Yék. Jadik kalòw lah nyob kemën-kemën nyob pechaye ma Musa, che patod eh nak nyob pechaye keꞌjèk ma Yék! Tapik che kènmën eh nyob tok bepechaye ma ilok rik Musa natulis nak, bok tok mungkin lah nyob nyompechaye ma nèlchal Yék. Jadik agok lah nyob bèdlod Yék irik betanas ma nyob èn mad Apak Yék. Hõy! Kedak Yék, tapik Musa. Nyob doh nyob as ma Musa namchal nyob nak sènꞌòy rik kènmën, tapik Musa lah irik betanas ma nyob nak besalah.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.