Jenadik 43
43
Yakob naꞌor ma kuwòt eh mulos wèl ma tèk Mesir
1Èn tèk Kanaꞌan nak nabetabeh lèrhir chènrok rik terok geb, 2dak kewarge Yusop nak hòj sòj umgéy kenèmbek menéh rik umꞌèn nòm tèk Mesir hatòp. Jadik Yakob naꞌor ma mèn kuwòt eh nak, “Wèk lah ma Mesir dak belik wèl mènhik untok èk.”
3Tapik Yèhudah nachal ma apak eh, “Hatòp nak sènꞌòy rik beperintah èn Mesir nak nahuwok nòm padat ma kandék, tok boléh kimtèrbuk wèl ma rik nak kalòw pek kandéh tok nahèh-hoh. 4Jadik kalòw hãk hamꞌor Bènyamin namhoh samak kandék, akal kiwèk bok kibelik mènhik untok hãk. 5Tapik kalòw hãk tik tok haꞌèr-or Bènyamin namhoh, kandék kijèk tok kiwèk-wèk. Sebab rik nak naꞌor hatòp kandék tok boléh kimtèrbuk wèl ma rik nak kalòw Bènyamin tok nahèh-hoh keꞌjèk.”
6Dak Yakob nachal, “Nahey bok nyob berèngtokh ma yék bok nyob oglèkh ma sènꞌòy nak mok pek nyob rik mòy wèl?”
7Umnak umsaꞌod, “Sènꞌòy nak natanyak nachuwẽr ma kandék tentang kewarge èk! Rik nak natanyak ma kandék, ‘Mok ke apak nyob tik nagos? Bok mok ke pek nyob rik mòy?’ Dak mestik kandék kisaꞌod ma senuꞌal eh nak. Kandék tok kilèng-lèkh rik nak akal naꞌor ma kandék kimꞌéd pek kandéh ma nak!”
8Dak anak Yèhudah nachal ma apak eh, Israꞌèl, “Or lah Bènyamin namhoh samak yék, dak kandék akal sejèkh kiwèk. Kalòw hõy, kenèmbek kewarge èk akal èkebes nòm chènrok doh — bok kedak kandék hék, tapik hãk ròb kenèmbek kuwòt kandéh keꞌjèk! 9Bok yék ipèrhod ma hãk, yék irik akal ibejagak ma Bènyamin, dak akal itèrmak eh ma hãk. Dak kalòw yék tok iterèꞌmak Bènyamin ma hãk, hãk boléh hatanas ma yék doh besalah sampéy yék ikebes. 10Kalòw kandék tok kidèh-deh lamad gerèk doh, pastik kandék hòj nar kalik kichib kilos ma Mesir!”
11Jadik Israꞌèl, apak um, nachal ma umnak, “Nak, kalòw nyob haros nyomꞌéd Bènyamin, teꞌèl lah gerèk doh. Kod lah barang rik paléng méj nòm tèk èdoh: ubad, madu, chenèhruh, binyak mur rik chèsngẽs, ròb kachakh. Chor lah kenèmbek eh nak ma apek nyob, dak èn lah bok og ma sènꞌòy rik beperintah èn Mesir nak. 12Èn lah duid rik nyob bayar hatòp nak, dak tabeh èn wèl lènbéh rik chachod. Bil nyob belik menéh nak, nyob mestik nyob tèrmak keꞌjèk duid rik umchor èn apek nyob hatòp. Mungkin umsilab umchor lèk-lok. 13Éd lah keꞌjèk pek nyob Bènyamin doh, dak wèk lah géj doh ma sènꞌòy èn Mesir nak. 14Yék ipèꞌtak ma Allah Rik Paléng Bekuwase supaye sènꞌòy nak namkalõn ma nyob bok namꞌor Simion ròb Bènyamin wèmmak ma doh samak nyob. Tapik kalòw hõy, bok yék hòj tok mèk-mok kuwòt inak wèl, dak ilok wèl imteꞌèl?”
Mèrpek Yusop umwèk wèl ma Mesir
15Jadik mèrpek nak umtabéh nègꞌog naꞌtèk. Dak umꞌèn duid pèrak rik hòj umbayar hatòp, bok umtabeh umꞌèn wèl duid rik pay. Umnak umꞌéd pek um Bènyamin dak umlos wèl ma Mesir, dak èn anak umtèrbuk wèl ma Yusop. 16Bil Yusop nanéh ma Bènyamin samak kelok bèhbeh eh nak, nanak naꞌor ma ketuwe kuli rik beꞌuros èn dékh eh, “Éd lah sènꞌòy nak ma dékh yéh. Ged lah lawok bok tabéh nèygéy jamuwan. Umnak akal umgéy jamuwan ès-is samak yék.” 17Jadik ketuwe kuli nak nateꞌèl ilok rik Yusop naꞌor, dak naꞌéd mèrpek nak ma dékh Yusop.
18Bil kuli nak naꞌéd umnak ma dékh Yusop, mèrpek nak umtukh. Umnak umbèdlod, “Rik nak naꞌéd èk ma doh sebab duid rik umchor ma kelòj apek èh hatòp. Puꞌdoh nanak nachèn namròt ma èk! Sabok rik nak akal napakse èk èmjadik kuli eh, bok nakod mèn kuda kelday èk keꞌjèk.” 19Jadik bil hòj umlòy ma rèngkak dékh Yusop nak, mèrpek nak umchal ma ketuwe kuli nak, 20“Yãng, kandék kiseꞌëd ma hãk hamꞌampon ma kandék! Nèng-nèng tòp kandék hòj pernah kilãj ma Mesir doh bok kibelik nèygéy. 21-22Tapik asòh kandék kimèk-mak ma tèk Kanaꞌan, bil hòj layèg nak kandék kibetarak nòm nèbchib kandéh supaye kimselòg. Bil nak kandék kipog ma apek kandéh dak kitèrbuk kenèmbek duid rik hòj kibayar nak mok èn kelòj apek kandék, èn balikh menéh nak! Kandék tok kilèng-lèkh chok rik chèr-chor duid nak. Jadik puꞌdoh kandék kichèn kimtèrlos wèl duid nak, bok kitabeh kiꞌèn wèl duid pay untok kimbelik mènhik wèl.”
23Dak ketuwe kuli nak nachal, “Agok tukh, bok agok id lah! Allah nyob rik apak nyob nasindol nak, Rik Nak lah irik chèr-chor duid nak ma kelòj apek nyob. Yék hòj ikod duid rik nyob bayar hatòp nak.” Dak anak rik nak natèrwòl Simion ma umnak.
24Dak ketuwe kuli nak naꞌéd mèrpek nak ma kelòj dékh Yusop dak naꞌog òng ma umnak untok musuj jukh um. Dak rik nak naꞌog nèygéy untok mèn kuda kelday umnak keꞌjèk. 25Dak kuli nak naꞌoglèkh ma umnak Yusop akal nagéy ès-is samak umnak èn dékh eh nak. Jadik mèrpek Yusop umtabéh nègꞌog rik hòj umꞌèn untok muꞌog ma rik nak.
Yusop nagèy-géy samak mèrpek eh
26Bil Yusop nalãj ma dékh eh, mèrpek eh nak umꞌog ma Yusop hadiah rik apak um hòj natèrꞌèn untok namhormad ma rik nak, dak umtud èn sòy Yusop. 27Yusop natanyak gah umnak, dak natanyak keꞌjèk, “Ilok gah ma apak nyob, rik nyob chal hatòp hòj tatak? Tik méj eh ke? Rik nak tik nagos?”
28Dak umnak umsaꞌod, “Hek, yãng. Apak kandék tik méj bok tik nagos.” Dak umnak umtud wèl èn sòy Yusop.
29Yusop nanéh ma Bènyamin, pek eh nòm néy amèk wèh, dak natanyak ma kelok bèhbeh eh, “Ke lenitòw doh pek nyob rik las alëj lah, rik nyob oglèkh ma yék hatòp?” Dak Yusop nachal ma Bènyamin, “Agah, yék ipèꞌtak ma Allah namteꞌèl méj ma hãk!” 30Dak hòj nanéh ma pek eh, Bènyamin, Yusop nagahmak nasayèkh geb ma pek eh nak, sampéy namòg yam. Rik nak géj nahuwòl nòm bilik nak dak namòj ma kelòj bilik eh dèꞌrik, dak nayèm-yam. 31Hòj sòj nayam, rik nak nalab mad eh dak nahuwòl wèl, dak naꞌed nèmyam eh bok naꞌor sènꞌòy mujamuk nèygéy nak. 32Yusop nagel èn néy méje dèꞌrik eh, dak mèrpek Yusop nak umgel èn méje mòy. Dak sènꞌòy Mesir rik gèy-géy samak Yusop nak umgel mòy méje wèl. Sènꞌòy Mesir umjèk tok umgèl-gel samak mèrpek Yusop sebab èn adad agama um nahuwok ma umnak mugéy samak sènꞌòy Ibrani. Dak mèn kuli umꞌèn nèygéy ma tigak méje nak. 33Yusop naꞌor ma kuli eh mutèrgel mèrpek eh nak èn sòy rik nak, nahoh ma umor um: natekèd nòm kelok eh rik mulak long sampéy lah ma pek eh rik las alëj. Mèrpek eh nak umna-néh kaban rik um bok umbelaꞌih. 34Nòm kerek nak, mèn kuli umꞌèn nèygéy nòm méje Yusop bok umjamuk ma mèrpek eh nak. Dak umjamuk ma Bènyamin nèygéy rik jerok lebéh ibuk#43:34 jerok lebéh ibuk Tèks asli Kitab: “limak kalik gande.” nòm kenèmbek kelok eh. Dak umnak umga-géy bok umꞌa-òng samak Yusop, dak umbeꞌadés.
ទើបបានជ្រើសរើសហើយ៖
Jenadik 43: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Jenadik 43
43
Yakob naꞌor ma kuwòt eh mulos wèl ma tèk Mesir
1Èn tèk Kanaꞌan nak nabetabeh lèrhir chènrok rik terok geb, 2dak kewarge Yusop nak hòj sòj umgéy kenèmbek menéh rik umꞌèn nòm tèk Mesir hatòp. Jadik Yakob naꞌor ma mèn kuwòt eh nak, “Wèk lah ma Mesir dak belik wèl mènhik untok èk.”
3Tapik Yèhudah nachal ma apak eh, “Hatòp nak sènꞌòy rik beperintah èn Mesir nak nahuwok nòm padat ma kandék, tok boléh kimtèrbuk wèl ma rik nak kalòw pek kandéh tok nahèh-hoh. 4Jadik kalòw hãk hamꞌor Bènyamin namhoh samak kandék, akal kiwèk bok kibelik mènhik untok hãk. 5Tapik kalòw hãk tik tok haꞌèr-or Bènyamin namhoh, kandék kijèk tok kiwèk-wèk. Sebab rik nak naꞌor hatòp kandék tok boléh kimtèrbuk wèl ma rik nak kalòw Bènyamin tok nahèh-hoh keꞌjèk.”
6Dak Yakob nachal, “Nahey bok nyob berèngtokh ma yék bok nyob oglèkh ma sènꞌòy nak mok pek nyob rik mòy wèl?”
7Umnak umsaꞌod, “Sènꞌòy nak natanyak nachuwẽr ma kandék tentang kewarge èk! Rik nak natanyak ma kandék, ‘Mok ke apak nyob tik nagos? Bok mok ke pek nyob rik mòy?’ Dak mestik kandék kisaꞌod ma senuꞌal eh nak. Kandék tok kilèng-lèkh rik nak akal naꞌor ma kandék kimꞌéd pek kandéh ma nak!”
8Dak anak Yèhudah nachal ma apak eh, Israꞌèl, “Or lah Bènyamin namhoh samak yék, dak kandék akal sejèkh kiwèk. Kalòw hõy, kenèmbek kewarge èk akal èkebes nòm chènrok doh — bok kedak kandék hék, tapik hãk ròb kenèmbek kuwòt kandéh keꞌjèk! 9Bok yék ipèrhod ma hãk, yék irik akal ibejagak ma Bènyamin, dak akal itèrmak eh ma hãk. Dak kalòw yék tok iterèꞌmak Bènyamin ma hãk, hãk boléh hatanas ma yék doh besalah sampéy yék ikebes. 10Kalòw kandék tok kidèh-deh lamad gerèk doh, pastik kandék hòj nar kalik kichib kilos ma Mesir!”
11Jadik Israꞌèl, apak um, nachal ma umnak, “Nak, kalòw nyob haros nyomꞌéd Bènyamin, teꞌèl lah gerèk doh. Kod lah barang rik paléng méj nòm tèk èdoh: ubad, madu, chenèhruh, binyak mur rik chèsngẽs, ròb kachakh. Chor lah kenèmbek eh nak ma apek nyob, dak èn lah bok og ma sènꞌòy rik beperintah èn Mesir nak. 12Èn lah duid rik nyob bayar hatòp nak, dak tabeh èn wèl lènbéh rik chachod. Bil nyob belik menéh nak, nyob mestik nyob tèrmak keꞌjèk duid rik umchor èn apek nyob hatòp. Mungkin umsilab umchor lèk-lok. 13Éd lah keꞌjèk pek nyob Bènyamin doh, dak wèk lah géj doh ma sènꞌòy èn Mesir nak. 14Yék ipèꞌtak ma Allah Rik Paléng Bekuwase supaye sènꞌòy nak namkalõn ma nyob bok namꞌor Simion ròb Bènyamin wèmmak ma doh samak nyob. Tapik kalòw hõy, bok yék hòj tok mèk-mok kuwòt inak wèl, dak ilok wèl imteꞌèl?”
Mèrpek Yusop umwèk wèl ma Mesir
15Jadik mèrpek nak umtabéh nègꞌog naꞌtèk. Dak umꞌèn duid pèrak rik hòj umbayar hatòp, bok umtabeh umꞌèn wèl duid rik pay. Umnak umꞌéd pek um Bènyamin dak umlos wèl ma Mesir, dak èn anak umtèrbuk wèl ma Yusop. 16Bil Yusop nanéh ma Bènyamin samak kelok bèhbeh eh nak, nanak naꞌor ma ketuwe kuli rik beꞌuros èn dékh eh, “Éd lah sènꞌòy nak ma dékh yéh. Ged lah lawok bok tabéh nèygéy jamuwan. Umnak akal umgéy jamuwan ès-is samak yék.” 17Jadik ketuwe kuli nak nateꞌèl ilok rik Yusop naꞌor, dak naꞌéd mèrpek nak ma dékh Yusop.
18Bil kuli nak naꞌéd umnak ma dékh Yusop, mèrpek nak umtukh. Umnak umbèdlod, “Rik nak naꞌéd èk ma doh sebab duid rik umchor ma kelòj apek èh hatòp. Puꞌdoh nanak nachèn namròt ma èk! Sabok rik nak akal napakse èk èmjadik kuli eh, bok nakod mèn kuda kelday èk keꞌjèk.” 19Jadik bil hòj umlòy ma rèngkak dékh Yusop nak, mèrpek nak umchal ma ketuwe kuli nak, 20“Yãng, kandék kiseꞌëd ma hãk hamꞌampon ma kandék! Nèng-nèng tòp kandék hòj pernah kilãj ma Mesir doh bok kibelik nèygéy. 21-22Tapik asòh kandék kimèk-mak ma tèk Kanaꞌan, bil hòj layèg nak kandék kibetarak nòm nèbchib kandéh supaye kimselòg. Bil nak kandék kipog ma apek kandéh dak kitèrbuk kenèmbek duid rik hòj kibayar nak mok èn kelòj apek kandék, èn balikh menéh nak! Kandék tok kilèng-lèkh chok rik chèr-chor duid nak. Jadik puꞌdoh kandék kichèn kimtèrlos wèl duid nak, bok kitabeh kiꞌèn wèl duid pay untok kimbelik mènhik wèl.”
23Dak ketuwe kuli nak nachal, “Agok tukh, bok agok id lah! Allah nyob rik apak nyob nasindol nak, Rik Nak lah irik chèr-chor duid nak ma kelòj apek nyob. Yék hòj ikod duid rik nyob bayar hatòp nak.” Dak anak rik nak natèrwòl Simion ma umnak.
24Dak ketuwe kuli nak naꞌéd mèrpek nak ma kelòj dékh Yusop dak naꞌog òng ma umnak untok musuj jukh um. Dak rik nak naꞌog nèygéy untok mèn kuda kelday umnak keꞌjèk. 25Dak kuli nak naꞌoglèkh ma umnak Yusop akal nagéy ès-is samak umnak èn dékh eh nak. Jadik mèrpek Yusop umtabéh nègꞌog rik hòj umꞌèn untok muꞌog ma rik nak.
Yusop nagèy-géy samak mèrpek eh
26Bil Yusop nalãj ma dékh eh, mèrpek eh nak umꞌog ma Yusop hadiah rik apak um hòj natèrꞌèn untok namhormad ma rik nak, dak umtud èn sòy Yusop. 27Yusop natanyak gah umnak, dak natanyak keꞌjèk, “Ilok gah ma apak nyob, rik nyob chal hatòp hòj tatak? Tik méj eh ke? Rik nak tik nagos?”
28Dak umnak umsaꞌod, “Hek, yãng. Apak kandék tik méj bok tik nagos.” Dak umnak umtud wèl èn sòy Yusop.
29Yusop nanéh ma Bènyamin, pek eh nòm néy amèk wèh, dak natanyak ma kelok bèhbeh eh, “Ke lenitòw doh pek nyob rik las alëj lah, rik nyob oglèkh ma yék hatòp?” Dak Yusop nachal ma Bènyamin, “Agah, yék ipèꞌtak ma Allah namteꞌèl méj ma hãk!” 30Dak hòj nanéh ma pek eh, Bènyamin, Yusop nagahmak nasayèkh geb ma pek eh nak, sampéy namòg yam. Rik nak géj nahuwòl nòm bilik nak dak namòj ma kelòj bilik eh dèꞌrik, dak nayèm-yam. 31Hòj sòj nayam, rik nak nalab mad eh dak nahuwòl wèl, dak naꞌed nèmyam eh bok naꞌor sènꞌòy mujamuk nèygéy nak. 32Yusop nagel èn néy méje dèꞌrik eh, dak mèrpek Yusop nak umgel èn méje mòy. Dak sènꞌòy Mesir rik gèy-géy samak Yusop nak umgel mòy méje wèl. Sènꞌòy Mesir umjèk tok umgèl-gel samak mèrpek Yusop sebab èn adad agama um nahuwok ma umnak mugéy samak sènꞌòy Ibrani. Dak mèn kuli umꞌèn nèygéy ma tigak méje nak. 33Yusop naꞌor ma kuli eh mutèrgel mèrpek eh nak èn sòy rik nak, nahoh ma umor um: natekèd nòm kelok eh rik mulak long sampéy lah ma pek eh rik las alëj. Mèrpek eh nak umna-néh kaban rik um bok umbelaꞌih. 34Nòm kerek nak, mèn kuli umꞌèn nèygéy nòm méje Yusop bok umjamuk ma mèrpek eh nak. Dak umjamuk ma Bènyamin nèygéy rik jerok lebéh ibuk#43:34 jerok lebéh ibuk Tèks asli Kitab: “limak kalik gande.” nòm kenèmbek kelok eh. Dak umnak umga-géy bok umꞌa-òng samak Yusop, dak umbeꞌadés.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.