Jenadik 34
34
Sikèm naròt ma Dinah dak nateꞌèl laꞌes ma rik nak
1-2Tuwak rik beperintah èn belah Sikèm nak kenëh eh Hémor sènꞌòy Hèwi. Rik nak mok kuwòt babeh eh rik bekenëh Sikèm.
Léya ròb Yakob mok néy kuwòt babok wèh rik bekenëh Dinah. Dak bil néy arik, Dinah nawèk nabegagoh ma bèꞌbok èn belah nak. Dak anak Sikèm natèrbuk ma Dinah, dak naròt dak nalèj eh. 3Dak pas nak Sikèm nachèn geb bok nasayèkh ma Dinah. Dak rik nak nakèrdakh namtèrsõk ma babok nak nòm nèlchal rik méj, supaye namsayèkh ma rik nak wèl. 4Dak Sikèm nachal ma apak eh Hémor, “Apak, wèk lah tìd benaléh nak, yék ichèn imbabéy ma rik nak.”
5Yakob nakeyòkh gah Sikèm hòj nasèrngẽny ma Dinah. Tapik bil nak kenèmbek kuwòt bèhbeh eh tik umbejagak chok eh èn pantil. Sebab nak Yakob tok natèlꞌèl ilok-ilok, had nadeh sampéy mèn kuwòt eh ummak.
6Dak Hémor ròb kuwòt eh Sikèm nak wèlãj wèmcharak ma Yakob. 7Bil nak keꞌjèk mèn kuwòt bèhbeh Yakob ummak nòm pantil. Bil hòj umkeyòkh ilok nabelakuk ma pek umnak, umnak umkènꞌĩs bok umꞌõl geb ma Sikèm. Sebab bil nalèj ma kuwòt babok Yakob nak, Sikèm hòj naserènyngẽny ma kenèmbek kewarge Israꞌèl. Unak hal rik belaꞌes, rik sènꞌòy tok patod muteꞌèl. 8Tapik Hémor nateréy namchèrmun ma Yakob ròb mèn kuwòt eh nak, nachal, “Kuwòt yék Sikèm kemën-kemën nasayèkh ma kuwòt hãh nak! Tulong lah or kuwòt yék nambabéy ma rik nak. 9Jok lah èk èmsetujuk, kaum nyob ròb kaum kandék: sènꞌòy kaum kandék boléh kibabéy ma sènꞌòy nòm kaum nyob, bok sènꞌòy nòm kaum nyob boléh umbabéy ma kaum kandék. 10Bok nyob nak boléh nyob gel èn anuh samak kandék. Tèk doh tik rayak, tehad untok kandék bok untok nyob keꞌjèk. Gel lah èn anuh, nyob bébas nyomjèg-jog ma lok-lok rik nyob chèn, bok boléh nyob kod tèk milik rik nyob èn anuh.”
11Dak rik Sikèm keꞌjèk nachal ma apak Dinah ròb mèn kelok bèhbeh eh, “Yék iꞌas nyob nak méj hup nyob ma yék bok nyomꞌor yék imbabéy ma rik nak. Dak yék akal iꞌog ilok pon rik nyob semany. 12Chal hék lah maròp nyob chèn imbayar, bok hadiah ilok rik imꞌog ma nyob. Yab rèk lok renayak nyob semany pon, yék akal tetab iꞌog. Had or lah yék imbabéy ma babok nak!”
13Tapik sebab Sikèm hòj nasèrngẽny ma pek um Dinah nak, mèn kuwòt Yakob umsèꞌlok ma Sikèm ròb Hémor apak eh. 14Umnak umchal ma wènar nak, “Kandék kisengẽny kimꞌog pek kandéh nambabéy ma sènꞌòy rik tok besunat. 15Jadik kalòw hãk hachèn hambabéy ma Dinah, haros lah hateꞌèl hal doh: kenèmbek bèhbeh èn kaum nyob nak haros lah umbesunat. Dak gerèk nak lah nyob jadik samak gerèk kandék, 16bok boléh kimꞌor nyob nyombabéy ma bèꞌbok kandék, dak kandék pon kibabéy ma bèꞌbok kaum nyob keꞌjèk. Kandék akal kigel samak nyob, dak èjadik néy kaum. 17Tapik kalòw nyob tok nyob hèh-hoh ma nèlchal kandék doh bok tok nyob besunat, kandék akal kiꞌéd pek kinak dak kiwèk.”
18Jadik Hémor ròb Sikèm wèsetujuk bok wèchal, “Nak, méj lah.”
19Pas nak Sikèm tok nadèh-deh wèl, hès nawèk namteꞌèl ilok rik umsemany naꞌtèk sebab rik nak nachèn geb ma Dinah. Sikèm nak kuwòt rik paléng behormad èn kaum kewarge eh. 20Jadik rik nak nawèk samak apak eh Hémor ma tempad terènbuk èn rèngkak gerbang kote, dak wèchal ma bèhbeh rik umgèl-gel èn kote nak, 21“Sènꞌòy Israꞌèl nak umchèn mubarkéy ma èk bok mugos bema-méj samak èk. Perak lah umnak mugel èn anuh bok bébas umjèg-jog ma lok umnak umchèn èn tèk èk doh. Tèk doh tik rayak, tehad untok èk bok untok umnak keꞌjèk. Èk boléh èbabéy ma bèꞌbok umnak, dak umnak pon boléh umbabéy ma bèꞌbok èk. 22Sènꞌòy Israꞌèl nak hòj umchèn mugel samak èk bok mujadik néy kaum samak èk. Tapik mok had néy hal hék umsemany ma èk èmteꞌèl: kenèmbek sènꞌòy bèhbeh èn kaum èk haros èbesunat, gerèk rik umnak. 23Kalòw èk èhoh èteꞌèl ilok rik umsemany nak, kenèmbek harte ròb chok bènleh umnak akal najadik milik èk. Jadik jok lah èk èsetujuk ma sènmany umnak, supaye umnak mugel samak èk.” 24Kenèmbek bèhbeh rik umbekumpol èn gerbang kote nak umsetujuk ma nèlchal Hémor ròb Sikèm. Jadik kenèmbek bèhbeh èn kote nak umsunat.
Kuwòt Yakob wèkèrbes ma sènꞌòy èn Sikèm
25Tigak arik nòm kerek nak, kenèmbek bèhbeh naꞌtèk tik umbepajèd sebab hòj umsunat. Dak anak nar kuwòt Yakob, kelok bèhbeh Dinah rik bekenëh Simion ròb Lèwi, wèkod ma juwòj wèh dak wèmòj julak-julak ma kote nak. Dak wènar nak wècheleg ma kenèmbek bèhbeh èn kote nak. 26Wènar nak wècheleg keꞌjèk ma Hémor ròb kuwòt eh Sikèm, dak wèꞌéd wètèrmak Dinah nòm dékh Sikèm nak, dak umwèk. 27Nòm kerek nak, kuwòt bèhbeh Yakob rik gèhnih umlãj. Umnak umnéh kenèmbek bèhbeh èn kote nak hòj umkebes sòj. Dak umnak umseyèj kenèmbek harte nòm kote nak, sebab Sikèm hòj nasèrngẽny ma pek um. 28Umnak umseyèj kenèmbek ilok rik mok èn kote nak. Dak umkod keꞌjèk kenèmbek chok bènleh nòm pantil èn béng kote nak: kambikh, kambikh biri, lembu, ròb kuda kelday. 29Umnak umkod kenèmbek kenaye ròb harte nòm dékh èn kote nak, dak umròt kenèmbek bèꞌbok ròb sèdyẽd untok mujadik kuli umnak.
30Nòm kerek nak, Yakob nachal ma Simion ròb Lèwi, “Kaꞌan hòj kaꞌan berèngtokh ma yék! Puꞌdoh sènꞌòy Kanaꞌan ròb sènꞌòy Pèris bok kenèmbek rik umgèl-gel èn negerik doh akal umcheꞌẽs ma yék. Lènbéh sènꞌòy èn èk doh tok beꞌibuk. Kalòw kaum rik umgèhnih nak umbesamak bok umserang ma èk, pastik umtèrhõy ma kenèmbek kewarge èh!”
31Tapik Simion ròb Lèwi wèsaꞌod, “Bok hachèn ke èmperak sènꞌòy nak namteꞌèl ma pek yah nak gerèk babok rik begalag?!”
ទើបបានជ្រើសរើសហើយ៖
Jenadik 34: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Jenadik 34
34
Sikèm naròt ma Dinah dak nateꞌèl laꞌes ma rik nak
1-2Tuwak rik beperintah èn belah Sikèm nak kenëh eh Hémor sènꞌòy Hèwi. Rik nak mok kuwòt babeh eh rik bekenëh Sikèm.
Léya ròb Yakob mok néy kuwòt babok wèh rik bekenëh Dinah. Dak bil néy arik, Dinah nawèk nabegagoh ma bèꞌbok èn belah nak. Dak anak Sikèm natèrbuk ma Dinah, dak naròt dak nalèj eh. 3Dak pas nak Sikèm nachèn geb bok nasayèkh ma Dinah. Dak rik nak nakèrdakh namtèrsõk ma babok nak nòm nèlchal rik méj, supaye namsayèkh ma rik nak wèl. 4Dak Sikèm nachal ma apak eh Hémor, “Apak, wèk lah tìd benaléh nak, yék ichèn imbabéy ma rik nak.”
5Yakob nakeyòkh gah Sikèm hòj nasèrngẽny ma Dinah. Tapik bil nak kenèmbek kuwòt bèhbeh eh tik umbejagak chok eh èn pantil. Sebab nak Yakob tok natèlꞌèl ilok-ilok, had nadeh sampéy mèn kuwòt eh ummak.
6Dak Hémor ròb kuwòt eh Sikèm nak wèlãj wèmcharak ma Yakob. 7Bil nak keꞌjèk mèn kuwòt bèhbeh Yakob ummak nòm pantil. Bil hòj umkeyòkh ilok nabelakuk ma pek umnak, umnak umkènꞌĩs bok umꞌõl geb ma Sikèm. Sebab bil nalèj ma kuwòt babok Yakob nak, Sikèm hòj naserènyngẽny ma kenèmbek kewarge Israꞌèl. Unak hal rik belaꞌes, rik sènꞌòy tok patod muteꞌèl. 8Tapik Hémor nateréy namchèrmun ma Yakob ròb mèn kuwòt eh nak, nachal, “Kuwòt yék Sikèm kemën-kemën nasayèkh ma kuwòt hãh nak! Tulong lah or kuwòt yék nambabéy ma rik nak. 9Jok lah èk èmsetujuk, kaum nyob ròb kaum kandék: sènꞌòy kaum kandék boléh kibabéy ma sènꞌòy nòm kaum nyob, bok sènꞌòy nòm kaum nyob boléh umbabéy ma kaum kandék. 10Bok nyob nak boléh nyob gel èn anuh samak kandék. Tèk doh tik rayak, tehad untok kandék bok untok nyob keꞌjèk. Gel lah èn anuh, nyob bébas nyomjèg-jog ma lok-lok rik nyob chèn, bok boléh nyob kod tèk milik rik nyob èn anuh.”
11Dak rik Sikèm keꞌjèk nachal ma apak Dinah ròb mèn kelok bèhbeh eh, “Yék iꞌas nyob nak méj hup nyob ma yék bok nyomꞌor yék imbabéy ma rik nak. Dak yék akal iꞌog ilok pon rik nyob semany. 12Chal hék lah maròp nyob chèn imbayar, bok hadiah ilok rik imꞌog ma nyob. Yab rèk lok renayak nyob semany pon, yék akal tetab iꞌog. Had or lah yék imbabéy ma babok nak!”
13Tapik sebab Sikèm hòj nasèrngẽny ma pek um Dinah nak, mèn kuwòt Yakob umsèꞌlok ma Sikèm ròb Hémor apak eh. 14Umnak umchal ma wènar nak, “Kandék kisengẽny kimꞌog pek kandéh nambabéy ma sènꞌòy rik tok besunat. 15Jadik kalòw hãk hachèn hambabéy ma Dinah, haros lah hateꞌèl hal doh: kenèmbek bèhbeh èn kaum nyob nak haros lah umbesunat. Dak gerèk nak lah nyob jadik samak gerèk kandék, 16bok boléh kimꞌor nyob nyombabéy ma bèꞌbok kandék, dak kandék pon kibabéy ma bèꞌbok kaum nyob keꞌjèk. Kandék akal kigel samak nyob, dak èjadik néy kaum. 17Tapik kalòw nyob tok nyob hèh-hoh ma nèlchal kandék doh bok tok nyob besunat, kandék akal kiꞌéd pek kinak dak kiwèk.”
18Jadik Hémor ròb Sikèm wèsetujuk bok wèchal, “Nak, méj lah.”
19Pas nak Sikèm tok nadèh-deh wèl, hès nawèk namteꞌèl ilok rik umsemany naꞌtèk sebab rik nak nachèn geb ma Dinah. Sikèm nak kuwòt rik paléng behormad èn kaum kewarge eh. 20Jadik rik nak nawèk samak apak eh Hémor ma tempad terènbuk èn rèngkak gerbang kote, dak wèchal ma bèhbeh rik umgèl-gel èn kote nak, 21“Sènꞌòy Israꞌèl nak umchèn mubarkéy ma èk bok mugos bema-méj samak èk. Perak lah umnak mugel èn anuh bok bébas umjèg-jog ma lok umnak umchèn èn tèk èk doh. Tèk doh tik rayak, tehad untok èk bok untok umnak keꞌjèk. Èk boléh èbabéy ma bèꞌbok umnak, dak umnak pon boléh umbabéy ma bèꞌbok èk. 22Sènꞌòy Israꞌèl nak hòj umchèn mugel samak èk bok mujadik néy kaum samak èk. Tapik mok had néy hal hék umsemany ma èk èmteꞌèl: kenèmbek sènꞌòy bèhbeh èn kaum èk haros èbesunat, gerèk rik umnak. 23Kalòw èk èhoh èteꞌèl ilok rik umsemany nak, kenèmbek harte ròb chok bènleh umnak akal najadik milik èk. Jadik jok lah èk èsetujuk ma sènmany umnak, supaye umnak mugel samak èk.” 24Kenèmbek bèhbeh rik umbekumpol èn gerbang kote nak umsetujuk ma nèlchal Hémor ròb Sikèm. Jadik kenèmbek bèhbeh èn kote nak umsunat.
Kuwòt Yakob wèkèrbes ma sènꞌòy èn Sikèm
25Tigak arik nòm kerek nak, kenèmbek bèhbeh naꞌtèk tik umbepajèd sebab hòj umsunat. Dak anak nar kuwòt Yakob, kelok bèhbeh Dinah rik bekenëh Simion ròb Lèwi, wèkod ma juwòj wèh dak wèmòj julak-julak ma kote nak. Dak wènar nak wècheleg ma kenèmbek bèhbeh èn kote nak. 26Wènar nak wècheleg keꞌjèk ma Hémor ròb kuwòt eh Sikèm, dak wèꞌéd wètèrmak Dinah nòm dékh Sikèm nak, dak umwèk. 27Nòm kerek nak, kuwòt bèhbeh Yakob rik gèhnih umlãj. Umnak umnéh kenèmbek bèhbeh èn kote nak hòj umkebes sòj. Dak umnak umseyèj kenèmbek harte nòm kote nak, sebab Sikèm hòj nasèrngẽny ma pek um. 28Umnak umseyèj kenèmbek ilok rik mok èn kote nak. Dak umkod keꞌjèk kenèmbek chok bènleh nòm pantil èn béng kote nak: kambikh, kambikh biri, lembu, ròb kuda kelday. 29Umnak umkod kenèmbek kenaye ròb harte nòm dékh èn kote nak, dak umròt kenèmbek bèꞌbok ròb sèdyẽd untok mujadik kuli umnak.
30Nòm kerek nak, Yakob nachal ma Simion ròb Lèwi, “Kaꞌan hòj kaꞌan berèngtokh ma yék! Puꞌdoh sènꞌòy Kanaꞌan ròb sènꞌòy Pèris bok kenèmbek rik umgèl-gel èn negerik doh akal umcheꞌẽs ma yék. Lènbéh sènꞌòy èn èk doh tok beꞌibuk. Kalòw kaum rik umgèhnih nak umbesamak bok umserang ma èk, pastik umtèrhõy ma kenèmbek kewarge èh!”
31Tapik Simion ròb Lèwi wèsaꞌod, “Bok hachèn ke èmperak sènꞌòy nak namteꞌèl ma pek yah nak gerèk babok rik begalag?!”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.