Jenadik 31
31
Yakob naperak ma Laban nachèn nammak ma apak eh
1Tapik bil néy arik Yakob nakeyòkh gah mèn kuwòt bèhbeh Laban umbeꞌabad bok umchal, “Yakob nak hòj nakod kenèmbek milik apak èh. Kenèmbek kenaye eh nak nadapad nòm apak èh!” 2Dak Yakob keꞌjèk nanéh ma Laban nak hòj tok nabelènybãny wèl ma rik nak gerèk nèng-nèng tòp. 3Dak TUHAN nachal ma Yakob, “Mak lah ma tèk apak hãh bok ma sakèy hãh èn anak. Yék akal mok samak hãk.”
4Sebab nak Yakob naꞌor ma sènꞌòy namꞌoglèkh ma Rahèl ròb Léya supaye wèmlãj bok wèmtèrbuk ma rik nak èn pantil, èn tempad mèn chok eh. 5Yakob nachal ma wènar nak, “Yék inéh apak kaꞌan hòj tok nabelènybãny wèl ma yék gerèk nèng-nèng tòp. Tapik Allah rik apak yéh nasindol hòj mok samak yék. 6Kaꞌan banar nak pon kaꞌan lèkh keꞌjèk yék hòj ikèrjak ma apak kaꞌan ikèrwad nòm yog yéh. 7Tapik rik nak hòj nasèꞌlok ma yék bok mayek-mayek nabetukar upah yék. Tapik yab rik nak nachèn namteꞌèl jehad ma yék, Allah selaluk najagak ma yék. 8Bil apak kaꞌan nachal mèn kambikh rik bechuchõg nak akal umjadik upah yék, dak kenèmbek chok bènleh nak umyos kuwòt um rik bechuchõg. Bok bil rik nak nachal kambikh rik serawèjwãj akal umjadik upah yék, kenèmbek mèn lawok nak umyos kuwòt um rik serawèjwãj. 9Bok gerèk nak lah Allah hòj nakod chok bènleh apak kaꞌan bok naꞌog ma yék.
10Bil musim menégség mèn kambikh nak, yék ipòk bok inéh kenèmbek kambikh beh rik umbemégség nak serawèjwãj, bechuchõg, bok berèlkèl. 11Èn nèꞌpòk inak, Melaykat Allah nakòw ma yék, ‘Yakob!’ Dak yék isaꞌod, ‘Ilok, TUHAN?’ 12Dak anak Rik Nak naꞌor ma yék imnéh ma kenèmbek kambikh beh rik bemégség nak serawèjwãj, bechuchõg, bok berèlkèl. Dak nachal Rik Nak hòj nateꞌèl gerèk nak sebab hòj nanéh kenèmbek ilok rik Laban hòj nateꞌèl ma yék. 13#Jen 28:18-22. Pas nak nachal wèl, Nanak lah Allah rik nèng-nèng tòp napèrnéh Rik Eh ma yék èn Bètèl. Rik Nak nabèrleng ma yék gerèk lok yék ibèrted batuk berènleng dak isèd binyak sayton èn balikh eh bok isindol ma Rik Nak èn tempad nak. Dak èn anak yék ipèrhod ipantakh ma Rik Nak. Dak puꞌdoh Rik Nak naꞌor yék imsèbyab bok imperak nòm tèk doh, dak immak ma tèk jenòm rik yéh.”
14Rahèl ròb Léya wèsaꞌod, “Tok mèk-mok ilok-ilok wèl rik yar yamwaris nòm harte apak yah. 15Rik nak hòj nateꞌèl ma yar doh gerèk sènꞌòy mòy, kedak gerèk kuwòt rik eh! Rik nak hòj nasèrlòg yar ma hãk supaye hamkèrjak untok rik nak, tapik kenèmbek hasil kèrjak hãh nak hòj natèrsòj bok tok naꞌèg-og ilok-ilok ma rik yah.#31:15 Èn adad umnak, bil néy babeh nachèn namselòg ma babok, babeh nak haros nambayar ma belok babeh eh nak. Dak ènsekh harte nak apak babok nak haros namꞌog ma kuwòt babok eh. Tapik yab hòj nadapad ibuk hasil nòm kèrjak Yakob, Laban nak tok nahèh-hoh ma adad umnak, tok naꞌèg-og ilok-ilok ma Léya ròb Rahèl. 16Jadik kenèmbek kenaye rik Allah hòj nakod nòm apak yar nak bok naꞌog ma hãk, che kènmën eh milik yar bok milik kuwòt yah. Teꞌèl lah ilok rik Allah naꞌor ma hãk nak.”
17-21Jadik bil mase Laban nachèng-chòkh sog mèn kambikh biri eh èn pantil, Yakob nasèbyab julak-julak untok nammak ma apak eh èn tèk Kanaꞌan. Dak asòh Yakob nabesèbyab nak, Rahèl naseyèj mèn patong alëj bèj-bòj nòm dékh apak eh.
Dak anak Yakob natèrꞌòj mèn léh eh ròb mèn kuwòt eh ma mèn unta eh nak, dak rik nak naꞌor ma mèn kuli eh muꞌéd chok bènleh eh nak muchib nèng-nèng èn sòy umnak. Yakob naꞌèn kenèmbek harte milik rik hòj nachatuk èn Padan-Aram nak, dak umnak hès umwèk.
Gerèk nak lah Yakob nasèꞌlok ma belok eh Laban, sènꞌòy Aram nak, dak tok naꞌèg-oglèkh ma rik nak umnak umchèn muda-dok. Dak umnak umwèk ma lantiw Òng Tibok Èprat, dak umchèb-chib muwèk ma apah pok-pok Giliyad.
Laban naregad ma Yakob
22Bil hòj meniyah nak, Laban nakeyòkh gah Yakob hòj nada-dok. 23Jadik Laban nakòw ma mèn sakèy eh mukumpol, dak umnak umsar ma Yakob. Hòj tujoh arik èn nèbchib umnak, bok umnak umtèrbuk ma Yakob èn pok-pok Giliyad. 24-25Yakob hòj nadèg mèn kémah eh èn pok-pok nak. Jadik, Laban ròb sakèy eh nak pon umdèg kémah umnak èn pok-pok Giliyad nak, tilok ma tempad Yakob. Bil layèg nak, Laban nasèglòg, Allah nalãj ma rik nak èn nèꞌpòk eh dak nachal, “Keyòkh lah! Agok hapèrhir ilok-ilok pon ma Yakob.”
26Dak ma is jakal eh nak Laban nawèk bok nachal ma Yakob, “Ilok bok hateꞌèl gerèk doh? Nahey ihãk hasèꞌlok ma yék bok hatèrdok wèh kuwòt yéh, gerèk yék doh mèsmus hãh? 27Che patod eh, hãk haꞌoglèkh ma yék nèng-nèng. Yék ichèn imteꞌèl jamuwan supaye èmbeꞌadés bok èmbelaguk besamak musikh batakh ròb kerep, bok boléh itèrꞌèn ma nyob nòm enadés. Tapik nahey hãk hasèꞌlok ma yék bok hada-dok julak-julak? 28Bok hãk tok haꞌèg-og pon yék imchey ma mèn chachok ròb wèh kuwòt inak. Had kèrjak yayéw lok gerèk nak! 29Yék boléh iteꞌèl jehad ma hãk, tapik layèg tèk Allah apak hãh nak hòj nacharak ma yék bok nahuwok impèrhir ilok-ilok pon ma hãk.”
30Pas nak Laban nachal wèl, “Nak, keyòkh lah: yék ilèkh hãk hachèn geb hammak ma dékh apak hãh, bok sebab nak lah hòj haperak. Tapik nahey ihãk haseyèj mèn patong alëj yék?”
31Dak Yakob nasaꞌod ma Laban, “Yék iwèk julak-julak sebab itukh. Yék ibèdlod kalòw halèkh, pastik hahuwok bok hakod hamtèrmak wèh kuwòt hãh nak nòm yék.” 32Tapik Yakob tok nalèng-lèkh Rahèl irik sèjyèj patong nak. Dak rik nak nachal wèl, “Puꞌdoh kèk lah èn mad kenèmbek sakèy èdoh, kalòw mok hatèrbuk ilok-ilok barang hãh èn kandék doh. Kalòw mok hatèrbuk patong hãh nak, kod lah. Dak akal èkèrbes ma sènꞌòy rik sèjyèj nak.”
33Dak Laban namòj ma kelòj kémah Yakob, kémah Léya, ròb kémah wènar kuli bèꞌbok nak, tapik tok naterèꞌbuk ma patong nak. Dak sèj-sòj eh, Laban namòj ma kémah Rahèl. 34Tapik Rahèl hòj nakèrdëk mèn patong nak. Èn kémah eh hòj umyak tempad nèlgel nòm unta eh, dak rik nak nachor mèn patong nak ma kelòj tempad nèlgel nak, dak nagel èn balikh. Laban napos kenèmbek kémah nak, tapik patong nak hõy tok naterèꞌbuk. 35Dak Rahèl nachal ma apak eh, “Apak, agok lah rok. Yék tok boléh imted èn mad hãk, sebab yék doh hòj naꞌet yéh.” Jadik Laban had nakèk-kèk, tapik tok naterèꞌbuk patong eh nak.
36Dak anak Yakob naꞌõl geb bok natanyak nòm hup gènram eh, “Jènhad ilok rik hòj yék iteꞌèl? Ilok salah yék sampéy hahoh haregad ma yék gerèk doh? 37Hãk hòj sòj hapos kenèmbek milik yéh, bok hòj hatèrbuk ke barang milik hãh? Puꞌdoh dol lah barang hãh nak èn anuh, èn mad sakèy hãh ròb sakèy yéh doh. Perak lah umnak muchal chok èn ar doh rik kènmën! 38Selamak 20 tawon doh yék mok samak hãk. Yék hòj ijagak méj ma chok bènleh hãh. Bil mèn kambikh biri ròb kambikh hãh umyès-yos kuwòt um, tok benéy pon namkebes. Bok tok pernah ikod néy ikor pon kambikh beh nòm chok bènleh hãh untok imgéy. 39Bil ab kèjlaj nakab ma kambikh hãh, yék tok pernah iꞌèn ma hãk hamberugik, tapik yék irik begantik eh. Bok bil sènꞌòy umseyèj lawok hãh, ès-is atòw pon layèg, hãk selaluk haꞌor ma yék imgantik keꞌjèk. 40Bil yék ikerèꞌjak untok hãk, yék ibëd bok ibekèd bil ès-is, dak bil layèg yék idekad bok tok dan imsèglòg. 41Hòj 20 tawon yék ikerèꞌjak ma hãk gerèk nak. Yék ikèrjak 14 tawon untok imdapad wèh kuwòt bèꞌbok hãh nak, bok 6 tawon wèl untok imdapad kambikh ròb kambikh biri. Bok hòj mayek-mayek hãk hatukar upah yéh. 42Tapik Allah mok samak yék. Rik Nak lah Allah atak yéh Abraham, bok rik apak yéh Isak natukh nak. Kalòw Rik Nak tok mèk-mok samak yék, pastik lah hãk hòj haꞌor ma yék imwèk nòm tok iꞌèn-èn ilok-ilok! Tapik Allah nanéh gerèk lok yék hòj ikerèꞌjak kuwad, dak hãk sejèkh hateꞌèl ma yék iderite. Unak lah isebab eh layèg tèk Rik Nak natèdchod ma hãk, bok napèrnéh hãk habesalah!”
Yakob ròb Laban wèbeperahod
43Sebab nak Laban nasaꞌod ma Yakob, “Wènar bèꞌbok doh kuwòt yék, bok kuwòt wènar nak chachok yék. Bok chok bènleh doh pon milik yék keꞌjèk. Kemën, kenèmbek rik hanéh èn anuh nak milik yék! Tapik Allah irik tok naꞌèr-or yék imteꞌèl ilok-ilok untok imhuwok ma kuwòt ròb chachok yéh. 44Sebab nak, jok lah ar amteꞌèl néy perènhod, bok gerèk nak lah apèrnéh ar hòj abema-méj.”
45Dak anak Yakob nabèrted néy batuk rik rayak najadik batuk berènleng. 46Dak rik nak naꞌor ma sakèy eh muros batuk bok muchatuk jelèngbokh. Dak pas nak umnak umgel èn chening batuk jelèngbokh nak dak umga-géy jamuwan perènhod. 47-48Pas nak Laban nachal ma Yakob, “Batuk jelèngbokh doh akal najadik tande berènleng untok perènhod rik ar ateꞌèl doh.” Sebab nak wènar nak wètèrjal kenëh tempad nak “Jelèngbokh Berènleng.” Laban nadéh kenëh nak èn kuy sènꞌòy Aram, Yègar Sahaduta. Dak Yakob nadéh kenëh eh nak èn kuy sènꞌòy Ibrani, Galèd.
49-50Nòm kerek nak Laban nachal ma Yakob, “Yék isemany ma TUHAN namnéh bok namjagak ma ar supaye tetab amkuwòp perènhod ah nak, yab agel jerok pon. Agok lah hateꞌèl laꞌes ma kuwòt bèꞌbok yék, bok agok haselòg ma bèꞌbok mòy. Belekh lah: yab sènꞌòy mòy tok umnèh-néh ma tènꞌèl hãh nak, Allah selaluk nanèh-néh ma èk.” Unak lah sebab eh tempad nak umdéh keꞌjèk Mispah (Maksod eh nak “nèh-néh”).
51-52Dak Laban nachal wèl, “Néh lah ma batuk jelèngbokh doh, bok ma batuk berènleng rik hòj ibèrted doh èn gagid ar banar. Udoh lah tande berènleng perènhod ar: yék tok boléh imjòh ma belah hãh bok imteꞌèl jehad ma hãk, dak hãk pon tok boléh hamjòh ma belah yék bok hamteꞌèl jehad ma yék. 53Perak lah Allah namhakim ma ar kalòw tok akèmwòp ma perènhod ah doh. Rik Nak Allah yak dòt bej ar — Allah atak hãh Abraham bok Allah atak yéh Nahor.”
Jadik Yakob napèrhod napantakh èn mad Allah rik apak eh Isak natukh nak. 54Dak Yakob naged néy ikor lawok bok najamuk ma Allah èn balikh pok nak. Rik nak nakòw kenèmbek sakèy eh untok muga-géy jamuwan perènhod nak besamak. Hòj sòj umgéy nak, umnak umselòg èn pok nak. 55Is jakal eh nak yèhyah tik chup, Laban nachey ma mèn chachok eh ròb wèh kuwòt bèꞌbok eh, dak nasemany ma Allah namteꞌèl méj ma umnak, dak namak ma tempad rik eh.
ទើបបានជ្រើសរើសហើយ៖
Jenadik 31: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Jenadik 31
31
Yakob naperak ma Laban nachèn nammak ma apak eh
1Tapik bil néy arik Yakob nakeyòkh gah mèn kuwòt bèhbeh Laban umbeꞌabad bok umchal, “Yakob nak hòj nakod kenèmbek milik apak èh. Kenèmbek kenaye eh nak nadapad nòm apak èh!” 2Dak Yakob keꞌjèk nanéh ma Laban nak hòj tok nabelènybãny wèl ma rik nak gerèk nèng-nèng tòp. 3Dak TUHAN nachal ma Yakob, “Mak lah ma tèk apak hãh bok ma sakèy hãh èn anak. Yék akal mok samak hãk.”
4Sebab nak Yakob naꞌor ma sènꞌòy namꞌoglèkh ma Rahèl ròb Léya supaye wèmlãj bok wèmtèrbuk ma rik nak èn pantil, èn tempad mèn chok eh. 5Yakob nachal ma wènar nak, “Yék inéh apak kaꞌan hòj tok nabelènybãny wèl ma yék gerèk nèng-nèng tòp. Tapik Allah rik apak yéh nasindol hòj mok samak yék. 6Kaꞌan banar nak pon kaꞌan lèkh keꞌjèk yék hòj ikèrjak ma apak kaꞌan ikèrwad nòm yog yéh. 7Tapik rik nak hòj nasèꞌlok ma yék bok mayek-mayek nabetukar upah yék. Tapik yab rik nak nachèn namteꞌèl jehad ma yék, Allah selaluk najagak ma yék. 8Bil apak kaꞌan nachal mèn kambikh rik bechuchõg nak akal umjadik upah yék, dak kenèmbek chok bènleh nak umyos kuwòt um rik bechuchõg. Bok bil rik nak nachal kambikh rik serawèjwãj akal umjadik upah yék, kenèmbek mèn lawok nak umyos kuwòt um rik serawèjwãj. 9Bok gerèk nak lah Allah hòj nakod chok bènleh apak kaꞌan bok naꞌog ma yék.
10Bil musim menégség mèn kambikh nak, yék ipòk bok inéh kenèmbek kambikh beh rik umbemégség nak serawèjwãj, bechuchõg, bok berèlkèl. 11Èn nèꞌpòk inak, Melaykat Allah nakòw ma yék, ‘Yakob!’ Dak yék isaꞌod, ‘Ilok, TUHAN?’ 12Dak anak Rik Nak naꞌor ma yék imnéh ma kenèmbek kambikh beh rik bemégség nak serawèjwãj, bechuchõg, bok berèlkèl. Dak nachal Rik Nak hòj nateꞌèl gerèk nak sebab hòj nanéh kenèmbek ilok rik Laban hòj nateꞌèl ma yék. 13#Jen 28:18-22. Pas nak nachal wèl, Nanak lah Allah rik nèng-nèng tòp napèrnéh Rik Eh ma yék èn Bètèl. Rik Nak nabèrleng ma yék gerèk lok yék ibèrted batuk berènleng dak isèd binyak sayton èn balikh eh bok isindol ma Rik Nak èn tempad nak. Dak èn anak yék ipèrhod ipantakh ma Rik Nak. Dak puꞌdoh Rik Nak naꞌor yék imsèbyab bok imperak nòm tèk doh, dak immak ma tèk jenòm rik yéh.”
14Rahèl ròb Léya wèsaꞌod, “Tok mèk-mok ilok-ilok wèl rik yar yamwaris nòm harte apak yah. 15Rik nak hòj nateꞌèl ma yar doh gerèk sènꞌòy mòy, kedak gerèk kuwòt rik eh! Rik nak hòj nasèrlòg yar ma hãk supaye hamkèrjak untok rik nak, tapik kenèmbek hasil kèrjak hãh nak hòj natèrsòj bok tok naꞌèg-og ilok-ilok ma rik yah.#31:15 Èn adad umnak, bil néy babeh nachèn namselòg ma babok, babeh nak haros nambayar ma belok babeh eh nak. Dak ènsekh harte nak apak babok nak haros namꞌog ma kuwòt babok eh. Tapik yab hòj nadapad ibuk hasil nòm kèrjak Yakob, Laban nak tok nahèh-hoh ma adad umnak, tok naꞌèg-og ilok-ilok ma Léya ròb Rahèl. 16Jadik kenèmbek kenaye rik Allah hòj nakod nòm apak yar nak bok naꞌog ma hãk, che kènmën eh milik yar bok milik kuwòt yah. Teꞌèl lah ilok rik Allah naꞌor ma hãk nak.”
17-21Jadik bil mase Laban nachèng-chòkh sog mèn kambikh biri eh èn pantil, Yakob nasèbyab julak-julak untok nammak ma apak eh èn tèk Kanaꞌan. Dak asòh Yakob nabesèbyab nak, Rahèl naseyèj mèn patong alëj bèj-bòj nòm dékh apak eh.
Dak anak Yakob natèrꞌòj mèn léh eh ròb mèn kuwòt eh ma mèn unta eh nak, dak rik nak naꞌor ma mèn kuli eh muꞌéd chok bènleh eh nak muchib nèng-nèng èn sòy umnak. Yakob naꞌèn kenèmbek harte milik rik hòj nachatuk èn Padan-Aram nak, dak umnak hès umwèk.
Gerèk nak lah Yakob nasèꞌlok ma belok eh Laban, sènꞌòy Aram nak, dak tok naꞌèg-oglèkh ma rik nak umnak umchèn muda-dok. Dak umnak umwèk ma lantiw Òng Tibok Èprat, dak umchèb-chib muwèk ma apah pok-pok Giliyad.
Laban naregad ma Yakob
22Bil hòj meniyah nak, Laban nakeyòkh gah Yakob hòj nada-dok. 23Jadik Laban nakòw ma mèn sakèy eh mukumpol, dak umnak umsar ma Yakob. Hòj tujoh arik èn nèbchib umnak, bok umnak umtèrbuk ma Yakob èn pok-pok Giliyad. 24-25Yakob hòj nadèg mèn kémah eh èn pok-pok nak. Jadik, Laban ròb sakèy eh nak pon umdèg kémah umnak èn pok-pok Giliyad nak, tilok ma tempad Yakob. Bil layèg nak, Laban nasèglòg, Allah nalãj ma rik nak èn nèꞌpòk eh dak nachal, “Keyòkh lah! Agok hapèrhir ilok-ilok pon ma Yakob.”
26Dak ma is jakal eh nak Laban nawèk bok nachal ma Yakob, “Ilok bok hateꞌèl gerèk doh? Nahey ihãk hasèꞌlok ma yék bok hatèrdok wèh kuwòt yéh, gerèk yék doh mèsmus hãh? 27Che patod eh, hãk haꞌoglèkh ma yék nèng-nèng. Yék ichèn imteꞌèl jamuwan supaye èmbeꞌadés bok èmbelaguk besamak musikh batakh ròb kerep, bok boléh itèrꞌèn ma nyob nòm enadés. Tapik nahey hãk hasèꞌlok ma yék bok hada-dok julak-julak? 28Bok hãk tok haꞌèg-og pon yék imchey ma mèn chachok ròb wèh kuwòt inak. Had kèrjak yayéw lok gerèk nak! 29Yék boléh iteꞌèl jehad ma hãk, tapik layèg tèk Allah apak hãh nak hòj nacharak ma yék bok nahuwok impèrhir ilok-ilok pon ma hãk.”
30Pas nak Laban nachal wèl, “Nak, keyòkh lah: yék ilèkh hãk hachèn geb hammak ma dékh apak hãh, bok sebab nak lah hòj haperak. Tapik nahey ihãk haseyèj mèn patong alëj yék?”
31Dak Yakob nasaꞌod ma Laban, “Yék iwèk julak-julak sebab itukh. Yék ibèdlod kalòw halèkh, pastik hahuwok bok hakod hamtèrmak wèh kuwòt hãh nak nòm yék.” 32Tapik Yakob tok nalèng-lèkh Rahèl irik sèjyèj patong nak. Dak rik nak nachal wèl, “Puꞌdoh kèk lah èn mad kenèmbek sakèy èdoh, kalòw mok hatèrbuk ilok-ilok barang hãh èn kandék doh. Kalòw mok hatèrbuk patong hãh nak, kod lah. Dak akal èkèrbes ma sènꞌòy rik sèjyèj nak.”
33Dak Laban namòj ma kelòj kémah Yakob, kémah Léya, ròb kémah wènar kuli bèꞌbok nak, tapik tok naterèꞌbuk ma patong nak. Dak sèj-sòj eh, Laban namòj ma kémah Rahèl. 34Tapik Rahèl hòj nakèrdëk mèn patong nak. Èn kémah eh hòj umyak tempad nèlgel nòm unta eh, dak rik nak nachor mèn patong nak ma kelòj tempad nèlgel nak, dak nagel èn balikh. Laban napos kenèmbek kémah nak, tapik patong nak hõy tok naterèꞌbuk. 35Dak Rahèl nachal ma apak eh, “Apak, agok lah rok. Yék tok boléh imted èn mad hãk, sebab yék doh hòj naꞌet yéh.” Jadik Laban had nakèk-kèk, tapik tok naterèꞌbuk patong eh nak.
36Dak anak Yakob naꞌõl geb bok natanyak nòm hup gènram eh, “Jènhad ilok rik hòj yék iteꞌèl? Ilok salah yék sampéy hahoh haregad ma yék gerèk doh? 37Hãk hòj sòj hapos kenèmbek milik yéh, bok hòj hatèrbuk ke barang milik hãh? Puꞌdoh dol lah barang hãh nak èn anuh, èn mad sakèy hãh ròb sakèy yéh doh. Perak lah umnak muchal chok èn ar doh rik kènmën! 38Selamak 20 tawon doh yék mok samak hãk. Yék hòj ijagak méj ma chok bènleh hãh. Bil mèn kambikh biri ròb kambikh hãh umyès-yos kuwòt um, tok benéy pon namkebes. Bok tok pernah ikod néy ikor pon kambikh beh nòm chok bènleh hãh untok imgéy. 39Bil ab kèjlaj nakab ma kambikh hãh, yék tok pernah iꞌèn ma hãk hamberugik, tapik yék irik begantik eh. Bok bil sènꞌòy umseyèj lawok hãh, ès-is atòw pon layèg, hãk selaluk haꞌor ma yék imgantik keꞌjèk. 40Bil yék ikerèꞌjak untok hãk, yék ibëd bok ibekèd bil ès-is, dak bil layèg yék idekad bok tok dan imsèglòg. 41Hòj 20 tawon yék ikerèꞌjak ma hãk gerèk nak. Yék ikèrjak 14 tawon untok imdapad wèh kuwòt bèꞌbok hãh nak, bok 6 tawon wèl untok imdapad kambikh ròb kambikh biri. Bok hòj mayek-mayek hãk hatukar upah yéh. 42Tapik Allah mok samak yék. Rik Nak lah Allah atak yéh Abraham, bok rik apak yéh Isak natukh nak. Kalòw Rik Nak tok mèk-mok samak yék, pastik lah hãk hòj haꞌor ma yék imwèk nòm tok iꞌèn-èn ilok-ilok! Tapik Allah nanéh gerèk lok yék hòj ikerèꞌjak kuwad, dak hãk sejèkh hateꞌèl ma yék iderite. Unak lah isebab eh layèg tèk Rik Nak natèdchod ma hãk, bok napèrnéh hãk habesalah!”
Yakob ròb Laban wèbeperahod
43Sebab nak Laban nasaꞌod ma Yakob, “Wènar bèꞌbok doh kuwòt yék, bok kuwòt wènar nak chachok yék. Bok chok bènleh doh pon milik yék keꞌjèk. Kemën, kenèmbek rik hanéh èn anuh nak milik yék! Tapik Allah irik tok naꞌèr-or yék imteꞌèl ilok-ilok untok imhuwok ma kuwòt ròb chachok yéh. 44Sebab nak, jok lah ar amteꞌèl néy perènhod, bok gerèk nak lah apèrnéh ar hòj abema-méj.”
45Dak anak Yakob nabèrted néy batuk rik rayak najadik batuk berènleng. 46Dak rik nak naꞌor ma sakèy eh muros batuk bok muchatuk jelèngbokh. Dak pas nak umnak umgel èn chening batuk jelèngbokh nak dak umga-géy jamuwan perènhod. 47-48Pas nak Laban nachal ma Yakob, “Batuk jelèngbokh doh akal najadik tande berènleng untok perènhod rik ar ateꞌèl doh.” Sebab nak wènar nak wètèrjal kenëh tempad nak “Jelèngbokh Berènleng.” Laban nadéh kenëh nak èn kuy sènꞌòy Aram, Yègar Sahaduta. Dak Yakob nadéh kenëh eh nak èn kuy sènꞌòy Ibrani, Galèd.
49-50Nòm kerek nak Laban nachal ma Yakob, “Yék isemany ma TUHAN namnéh bok namjagak ma ar supaye tetab amkuwòp perènhod ah nak, yab agel jerok pon. Agok lah hateꞌèl laꞌes ma kuwòt bèꞌbok yék, bok agok haselòg ma bèꞌbok mòy. Belekh lah: yab sènꞌòy mòy tok umnèh-néh ma tènꞌèl hãh nak, Allah selaluk nanèh-néh ma èk.” Unak lah sebab eh tempad nak umdéh keꞌjèk Mispah (Maksod eh nak “nèh-néh”).
51-52Dak Laban nachal wèl, “Néh lah ma batuk jelèngbokh doh, bok ma batuk berènleng rik hòj ibèrted doh èn gagid ar banar. Udoh lah tande berènleng perènhod ar: yék tok boléh imjòh ma belah hãh bok imteꞌèl jehad ma hãk, dak hãk pon tok boléh hamjòh ma belah yék bok hamteꞌèl jehad ma yék. 53Perak lah Allah namhakim ma ar kalòw tok akèmwòp ma perènhod ah doh. Rik Nak Allah yak dòt bej ar — Allah atak hãh Abraham bok Allah atak yéh Nahor.”
Jadik Yakob napèrhod napantakh èn mad Allah rik apak eh Isak natukh nak. 54Dak Yakob naged néy ikor lawok bok najamuk ma Allah èn balikh pok nak. Rik nak nakòw kenèmbek sakèy eh untok muga-géy jamuwan perènhod nak besamak. Hòj sòj umgéy nak, umnak umselòg èn pok nak. 55Is jakal eh nak yèhyah tik chup, Laban nachey ma mèn chachok eh ròb wèh kuwòt bèꞌbok eh, dak nasemany ma Allah namteꞌèl méj ma umnak, dak namak ma tempad rik eh.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.