Jenadik 29
29
Yakob natèrbuk ma Rahèl bok nagel èn dékh kony eh
1Hòj nòm kerek nak, Yakob nachèb-chib wèl dak naperak ma tèk Kanaꞌan, dak nalòy ma negerik ma sòy is. 2Dak èn anak rik nak natèrbuk néy perigi èn pantil, bok nanéh keꞌjèk mok tigak penol kambikh biri rik sèglòg tilok, umdèh-deh ma mèn kël um mutèrꞌòng nòm perigi nak. Tapik èn balikh perigi nak mok batuk nèbkub rik rayak. 3Sènꞌòy èn anak hòj biyase umda-deh sampéy kenèmbek chok bènleh hòj umbekumpol èn tempad nak, bok pas nak lah mèn kël umdelũk batuk nak ma chening dak umtèrꞌòng ma kenèmbek kambikh biri nak. Hòj sòj nòm nak, umnak umkub wèl perigi nak.
4Dak anak Yakob natanyak ma mèn kël rik mok èn anak, “Kéy-kéy yék, nòm lok nyob nak?”
Dak umnak umbèlꞌach musaꞌod, “Nòm Haran.”
5Dak Yakob natanyak wèl, “Mok ke nyob kenal ma Laban, chachok Nahor nak?”
Dak umnak umsaꞌod, “Hek.”
6Yakob natanyak wèl, “Dak ilok gah ma rik nak?”
Umnak umsaꞌod, “Méj. Néh lah, unak kuwòt babok eh, rik bekenëh Rahèl, hòj nalèj-lãj. Rik nak naꞌèn mèn kambikh biri apak eh.”
7Yakob nachal, “Néh lah, is eh tik ès-is, bok tèk-tik tok nalèy-lòy mase eh untok nyomtèrmak chok bènleh nak ma kandang. Tèrꞌòng lah mèn kambikh biri nak, dak perak umnak muga-géy wèl ma rambang èn pantil nak.”
8Umnak umsaꞌod, “Hõy, tok boléh puꞌdoh. Kandék selaluk kidèh-deh sampéy kenèmbek kël nak hòj umkumpol mèn kambikh biri um èn anuh. Hòj kenèmbek umlãj bok kidelũk batuk nèbkub nòm perigi nak bok kitèrꞌòng ma mèn kambikh biri nak.”
9Asòh Yakob tik nabecharak ma umnak, Rahèl nalòy ma nak samak mèn kambikh biri apak eh naꞌtèk. Rahèl nak kël rik bejagak ma mèn kambikh biri nak. 10Rahèl nak kuwòt babok Laban, kelok amèk Yakob nak. Dak bil Yakob nanéh ma Rahèl samak kambikh biri eh nak, rik nak nawèk ma perigi nak, nadelũk batuk nèbkub nak ma chening dak natèrꞌòng ma mèn kambikh kony eh nak. 11Dak anak Yakob nachey ma kapok Rahèl gerèk tande senalam, dak natekèd nayam kerèꞌhik sebab nahèm-hop geb. 12Yakob nachal ma Rahèl, “Yék doh sakèy apak hãh — yék kuwòt Ribkah!”
Dak Rahèl nadabal namak ma apak eh bok naꞌoglèkh gah nak. 13Bil Laban nakeyòkh gah kuman eh Yakob hòj nalãj, rik nak sejèkh nadabal namtèrbuk eh. Laban nachab ma Yakob bok nachey ma kapõk eh, dak naꞌéd ma dékh eh. Dak anak Yakob naꞌoglèkh kenèmbek hal rik hòj nabelakuk ma rik nak. 14Laban nachal, “Hek, kemën lah hãk doh kewarge rik yék!” Jadik Yakob nagel èn dékh kony eh nak.
Yakob nakerèꞌjak untok kony eh Laban supaye nambabéy ma kuwòt eh
15-18Dak Laban, kony Yakob nak, mok nar kuwòt bèꞌbok eh. Rik mulak long nak kenëh eh Léya, bok pek eh nak rik bekenëh Rahèl naꞌtèk. Léya nak mad eh gèk lawah, tapik Rahèl nak lawah geb mad eh ròb esik eh. Dak Yakob hòj nachèn geb ma Rahèl.
Hòj néy bulan Yakob nagel èn anak bok nakerèꞌjak untok akony eh nak. Dak bil néy arik, Laban nachal ma Yakob, “Hãk hakerèꞌjak untok yék, bok yék tok ibebayar ilok-ilok. Tapik yab ar doh abesakèy, che patod eh nak hãk hamdapad upah untok kèrjak hãh nak. Bok maròp hachèn imbayar ma hãk?”
Dak Yakob nachal, “Yék akal ikèrjak tujoh tawon untok hãk, kalòw hãk hamꞌor ma yék imbabéy ma Rahèl.”
19Laban nasaꞌod, “Hek, lebéh méj lah imꞌog Rahèl ma hãk bok kedak ma sènꞌòy nòm kaum mòy! Gel lah èn anuh bok kèrjak samak yék.” 20Jadik Yakob pon nakèrjak tujoh tawon untok namdapad Rahèl. Untok rik Yakob, tujoh tawon nak nagahmak gerèk maròp-maròp arik hék, sebab rik nak nasayèkh geb ma Rahèl.
21Dak pas nak Yakob nachal ma Laban, “Mase kèrjak yéh nak hòj sòj. Og lah Rahèl nak ma yék imbabéy eh.” 22Jadik Laban nasèryéh ma kenèmbek sènꞌòy èn tempad nak, bok nateꞌèl kenurik benabéy rik rayak. 23Tapik layèg nak Laban naꞌéd kuwòt eh Léya ma Yakob, dak Yakob pon naselòg ma rik nak.
24-30Yèhyah is jakal eh nak bok Yakob nabelekh rik nababéy nak Léya! Rik nak nawèk ma Laban dak nachal, “Nahey hateꞌèl gerèk doh ma yék?! Yék hòj ikerèꞌjak untok imdapad Rahèl. Nahey bok hasèꞌlok ma yék?”
Dak Laban nasaꞌod, “Kalòw èn adad kandék anuh, pek nak tok boléh nambabéy nèng-nèng nòm kelok eh. Tapik pòj lah, hòj sòj minggu kenurik benabéy Léya doh, akal bok iꞌog Rahèl nak ma hãk keꞌjèk. Had hãk haros hamkèrjak untok yék tujoh tawon wèl.”
Jadik Yakob nahoh ma nèlchal Laban nak. Dak bil hòj sòj minggu kenurik benabéy eh ma Léya, dak anak Laban naꞌog kuwòt eh Rahèl nak ma Yakob, dak Yakob naselòg ma rik nak keꞌjèk. Tapik Yakob lebéh nasayèkh ma Rahèl nòm Léya. Laban naꞌog néy kuli babok eh rik bekenëh Silpah ma Léya, untok namjadik kuli eh. Dak Laban naꞌog wèl kuli babok eh rik bekenëh Bilhah ma Rahèl, untok namjadik kuli rik nak.
Dak nòm kerek nak Yakob nakerèꞌjak untok Laban tujoh tawon wèl.
Léya nayos kuwòt bèhbeh eh untok Yakob
31Bil TUHAN nanéh Yakob tok nabesayèkh ma Léya, TUHAN naꞌog ma Léya namkayod, tapik Rahèl nak manang. 32Léya nakayod dak nayos néy kuwòt babeh eh. Léya nachal, “TUHAN hòj nanéh senusah yék, dak puꞌdoh tòw yék akal nasayèkh ma yék.” Dak sebab nak Léya natèrjal kenëh kuwòt eh nak Rubèn.#29:32 Rubèn kenëh nak maksod eh “Néh lah, kuwòt babeh!” Dak mok keꞌjèk chëh eh gerèk nèlchal kuy Ibrani rik bemaksod “Hòj nanéh ma senusah yék.” 33Pas nak Léya nakayod wèl dak nayos wèl kuwòt babeh eh. Léya nachal, “TUHAN hòj nakeyòkh tòw yéh tok nabesayèkh ma yék, dak hòj naꞌog ma yék kuwòt doh wèl.” Dak sebab nak Léya natèrjal kenëh kuwòt eh nak Simion.#29:33 Simion nak chëh eh gerèk nèlchal kuy Ibrani rik bemaksod “Hòj nakeyòkh.” 34Léya nakayod wèl dak nayos kuwòt babeh eh. Dak rik nak nachal, “Yék hòj iyos tigak kuwòt bèhbeh untok tòw yék. Pastik akal rik nak nakèrheb senayèkh eh ma yék.” Dak sebab nak natèrjal kenëh kuwòt eh nak Lèwi.#29:34 Lèwi nak chëh eh gerèk nèlchal kuy Ibrani rik bemaksod “Keheb.” 35Dak anak Léya nakayod wèl dak nayos néy kuwòt babeh eh. Dak rik nak nachal, “Kalik doh yék akal iꞌèhmah ma TUHAN.” Dak natèrjal kenëh kuwòt eh nak Yèhudah.#29:35 Yèhudah nak chëh eh gerèk nèlchal kuy Ibrani rik bemaksod “Èhmah.” Dak pas nak Léya tok nabekayod wèl.
ទើបបានជ្រើសរើសហើយ៖
Jenadik 29: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Jenadik 29
29
Yakob natèrbuk ma Rahèl bok nagel èn dékh kony eh
1Hòj nòm kerek nak, Yakob nachèb-chib wèl dak naperak ma tèk Kanaꞌan, dak nalòy ma negerik ma sòy is. 2Dak èn anak rik nak natèrbuk néy perigi èn pantil, bok nanéh keꞌjèk mok tigak penol kambikh biri rik sèglòg tilok, umdèh-deh ma mèn kël um mutèrꞌòng nòm perigi nak. Tapik èn balikh perigi nak mok batuk nèbkub rik rayak. 3Sènꞌòy èn anak hòj biyase umda-deh sampéy kenèmbek chok bènleh hòj umbekumpol èn tempad nak, bok pas nak lah mèn kël umdelũk batuk nak ma chening dak umtèrꞌòng ma kenèmbek kambikh biri nak. Hòj sòj nòm nak, umnak umkub wèl perigi nak.
4Dak anak Yakob natanyak ma mèn kël rik mok èn anak, “Kéy-kéy yék, nòm lok nyob nak?”
Dak umnak umbèlꞌach musaꞌod, “Nòm Haran.”
5Dak Yakob natanyak wèl, “Mok ke nyob kenal ma Laban, chachok Nahor nak?”
Dak umnak umsaꞌod, “Hek.”
6Yakob natanyak wèl, “Dak ilok gah ma rik nak?”
Umnak umsaꞌod, “Méj. Néh lah, unak kuwòt babok eh, rik bekenëh Rahèl, hòj nalèj-lãj. Rik nak naꞌèn mèn kambikh biri apak eh.”
7Yakob nachal, “Néh lah, is eh tik ès-is, bok tèk-tik tok nalèy-lòy mase eh untok nyomtèrmak chok bènleh nak ma kandang. Tèrꞌòng lah mèn kambikh biri nak, dak perak umnak muga-géy wèl ma rambang èn pantil nak.”
8Umnak umsaꞌod, “Hõy, tok boléh puꞌdoh. Kandék selaluk kidèh-deh sampéy kenèmbek kël nak hòj umkumpol mèn kambikh biri um èn anuh. Hòj kenèmbek umlãj bok kidelũk batuk nèbkub nòm perigi nak bok kitèrꞌòng ma mèn kambikh biri nak.”
9Asòh Yakob tik nabecharak ma umnak, Rahèl nalòy ma nak samak mèn kambikh biri apak eh naꞌtèk. Rahèl nak kël rik bejagak ma mèn kambikh biri nak. 10Rahèl nak kuwòt babok Laban, kelok amèk Yakob nak. Dak bil Yakob nanéh ma Rahèl samak kambikh biri eh nak, rik nak nawèk ma perigi nak, nadelũk batuk nèbkub nak ma chening dak natèrꞌòng ma mèn kambikh kony eh nak. 11Dak anak Yakob nachey ma kapok Rahèl gerèk tande senalam, dak natekèd nayam kerèꞌhik sebab nahèm-hop geb. 12Yakob nachal ma Rahèl, “Yék doh sakèy apak hãh — yék kuwòt Ribkah!”
Dak Rahèl nadabal namak ma apak eh bok naꞌoglèkh gah nak. 13Bil Laban nakeyòkh gah kuman eh Yakob hòj nalãj, rik nak sejèkh nadabal namtèrbuk eh. Laban nachab ma Yakob bok nachey ma kapõk eh, dak naꞌéd ma dékh eh. Dak anak Yakob naꞌoglèkh kenèmbek hal rik hòj nabelakuk ma rik nak. 14Laban nachal, “Hek, kemën lah hãk doh kewarge rik yék!” Jadik Yakob nagel èn dékh kony eh nak.
Yakob nakerèꞌjak untok kony eh Laban supaye nambabéy ma kuwòt eh
15-18Dak Laban, kony Yakob nak, mok nar kuwòt bèꞌbok eh. Rik mulak long nak kenëh eh Léya, bok pek eh nak rik bekenëh Rahèl naꞌtèk. Léya nak mad eh gèk lawah, tapik Rahèl nak lawah geb mad eh ròb esik eh. Dak Yakob hòj nachèn geb ma Rahèl.
Hòj néy bulan Yakob nagel èn anak bok nakerèꞌjak untok akony eh nak. Dak bil néy arik, Laban nachal ma Yakob, “Hãk hakerèꞌjak untok yék, bok yék tok ibebayar ilok-ilok. Tapik yab ar doh abesakèy, che patod eh nak hãk hamdapad upah untok kèrjak hãh nak. Bok maròp hachèn imbayar ma hãk?”
Dak Yakob nachal, “Yék akal ikèrjak tujoh tawon untok hãk, kalòw hãk hamꞌor ma yék imbabéy ma Rahèl.”
19Laban nasaꞌod, “Hek, lebéh méj lah imꞌog Rahèl ma hãk bok kedak ma sènꞌòy nòm kaum mòy! Gel lah èn anuh bok kèrjak samak yék.” 20Jadik Yakob pon nakèrjak tujoh tawon untok namdapad Rahèl. Untok rik Yakob, tujoh tawon nak nagahmak gerèk maròp-maròp arik hék, sebab rik nak nasayèkh geb ma Rahèl.
21Dak pas nak Yakob nachal ma Laban, “Mase kèrjak yéh nak hòj sòj. Og lah Rahèl nak ma yék imbabéy eh.” 22Jadik Laban nasèryéh ma kenèmbek sènꞌòy èn tempad nak, bok nateꞌèl kenurik benabéy rik rayak. 23Tapik layèg nak Laban naꞌéd kuwòt eh Léya ma Yakob, dak Yakob pon naselòg ma rik nak.
24-30Yèhyah is jakal eh nak bok Yakob nabelekh rik nababéy nak Léya! Rik nak nawèk ma Laban dak nachal, “Nahey hateꞌèl gerèk doh ma yék?! Yék hòj ikerèꞌjak untok imdapad Rahèl. Nahey bok hasèꞌlok ma yék?”
Dak Laban nasaꞌod, “Kalòw èn adad kandék anuh, pek nak tok boléh nambabéy nèng-nèng nòm kelok eh. Tapik pòj lah, hòj sòj minggu kenurik benabéy Léya doh, akal bok iꞌog Rahèl nak ma hãk keꞌjèk. Had hãk haros hamkèrjak untok yék tujoh tawon wèl.”
Jadik Yakob nahoh ma nèlchal Laban nak. Dak bil hòj sòj minggu kenurik benabéy eh ma Léya, dak anak Laban naꞌog kuwòt eh Rahèl nak ma Yakob, dak Yakob naselòg ma rik nak keꞌjèk. Tapik Yakob lebéh nasayèkh ma Rahèl nòm Léya. Laban naꞌog néy kuli babok eh rik bekenëh Silpah ma Léya, untok namjadik kuli eh. Dak Laban naꞌog wèl kuli babok eh rik bekenëh Bilhah ma Rahèl, untok namjadik kuli rik nak.
Dak nòm kerek nak Yakob nakerèꞌjak untok Laban tujoh tawon wèl.
Léya nayos kuwòt bèhbeh eh untok Yakob
31Bil TUHAN nanéh Yakob tok nabesayèkh ma Léya, TUHAN naꞌog ma Léya namkayod, tapik Rahèl nak manang. 32Léya nakayod dak nayos néy kuwòt babeh eh. Léya nachal, “TUHAN hòj nanéh senusah yék, dak puꞌdoh tòw yék akal nasayèkh ma yék.” Dak sebab nak Léya natèrjal kenëh kuwòt eh nak Rubèn.#29:32 Rubèn kenëh nak maksod eh “Néh lah, kuwòt babeh!” Dak mok keꞌjèk chëh eh gerèk nèlchal kuy Ibrani rik bemaksod “Hòj nanéh ma senusah yék.” 33Pas nak Léya nakayod wèl dak nayos wèl kuwòt babeh eh. Léya nachal, “TUHAN hòj nakeyòkh tòw yéh tok nabesayèkh ma yék, dak hòj naꞌog ma yék kuwòt doh wèl.” Dak sebab nak Léya natèrjal kenëh kuwòt eh nak Simion.#29:33 Simion nak chëh eh gerèk nèlchal kuy Ibrani rik bemaksod “Hòj nakeyòkh.” 34Léya nakayod wèl dak nayos kuwòt babeh eh. Dak rik nak nachal, “Yék hòj iyos tigak kuwòt bèhbeh untok tòw yék. Pastik akal rik nak nakèrheb senayèkh eh ma yék.” Dak sebab nak natèrjal kenëh kuwòt eh nak Lèwi.#29:34 Lèwi nak chëh eh gerèk nèlchal kuy Ibrani rik bemaksod “Keheb.” 35Dak anak Léya nakayod wèl dak nayos néy kuwòt babeh eh. Dak rik nak nachal, “Kalik doh yék akal iꞌèhmah ma TUHAN.” Dak natèrjal kenëh kuwòt eh nak Yèhudah.#29:35 Yèhudah nak chëh eh gerèk nèlchal kuy Ibrani rik bemaksod “Èhmah.” Dak pas nak Léya tok nabekayod wèl.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.