Jenadik 12
12
TUHAN naꞌor ma Abram namjog ma tèk Kanaꞌan
1Dak anak TUHAN nachal ma Abram, “Perak lah tèk hãk doh, kaum kewarge hãk, ròb dékh apak hãk. Dak wèk lah ma tèk rik Yék itilèk akal ma hãk.#Tèn 7:2,3; Ibr 11:8. 2Yék akal iꞌog ma hãk waris rik ibuk, dak umnak akal umjadik néy kaum rik rayak. Yék akal iteꞌèl méj ma hãk bok iꞌuy kenëh hãk terkenal, dak nòm hãk akal iteꞌèl méj ma sènꞌòy mòy. 3Yék akal iteꞌèl méj ma sènꞌòy rik umtèlꞌèl méj ma hãk, #Gal 3:8. bok ipantakh ma sènꞌòy rik bepantakh ma hãk. Nòm hãk Yék akal iteꞌèl méj ma kenèmbek kaum èn bumi.”
4-5Jadik Abram nahoh ma nèrꞌor TUHAN nak dak naperak ma tèk Haran nak. Bil nak umor Abram 75 tawon. Abram naꞌéd léh eh Saray ròb kuman eh Lòt, dak umnak umꞌèn kenèmbek harte um ròb kuli rik hòj umdapad èn tèk Haran nak. Dak umnak umwèk ma tèk Kanaꞌan.
Bil hòj umbeleh ma nak, 6umnak umchèb-chib èn tèk nak sampéy umbeleh ma jehuk rayak èn Moréh, tilok ma kote Sikèm. (Bil mase nak sènꞌòy Kanaꞌan tik umgel èn tèk nak.) 7Dak anak TUHAN napèrnéh rik Eh ma Abram bok nachal, “Doh lah tèk rik Yék akal iꞌog ma waris hãk.” Pas nak Abram nateꞌèl néy tempad jenamuk èn anak bok nasindol ma TUHAN rik hòj napèrnéh rik Eh ma rik nak. #Tèn 7:5; Gal 3:16. 8Dak nòm nak Abram ròb kewarge eh umjog ma belah pok-pok èn sòy is kote Bètèl. Èn anak umnak umdèg kémah um èn gagid nar kote: kote Bètèl nak ma kèd is, bok kote Ay nak ma sòy is. Èn anak keꞌjèk rik nak nateꞌèl néy tempad jenamuk bok nasindol ma TUHAN. 9Dak nòm nak Abram ròb kewarge eh nak umsèrjèkh wèl nèbchib um dak umjog èntéh-èntéh ma Pantil Gurun Negèb èn Tèk Kanaꞌan.
Abram najog ma tèk Mesir
10Tapik nòm kerek nak nabelakuk lah chènrok èn tèk Kanaꞌan nak. Chènrok nak terok geb, sampéy Abram najog wèl bok nawèk ma tèk Mesir, dak nagel maròp lènmad èn tèk sènꞌòy mòy nak. 11Bil hòj tilok mulèy-lòy ma tèk Mesir nak, Abram nachal ma léh eh Saray, “Hãk doh babok lawah. 12Bil sènꞌòy Mesir nak umnéh ma hãk, umnak akal umsabok hãk nak léh yék, bok akal umcheleg ma yék supaye mukod hãk! 13Jadik, lebéh méj lah hamchal hãk nak pek yék, supaye umnak muteꞌèl méj ma yék bok tok umkerèsbes ma yék sebab umchèn ma hãk.”#Jen 20:2; 26:7. 14Dak bil hòj umlòy ma Mesir, tehad nabelakuk gerèk nèlchal Abram nak: sènꞌòy Mesir nak umnéh ma Saray nak lawah geb. 15Dak bil mèn pegaway rajak Mesir nak umnéh ma Saray, umꞌoglèkh ma rajak babok nak lawah geb. Jadik rajak naꞌor ma umnak muꞌéd Saray ma istane eh. 16Sebab rajak nabèdlod Saray nak pek Abram, rik nak nateꞌèl méj ma Abram bok naꞌog jajéh chok bènleh ma rik nak — kambikh biri, kambikh, lembu, kuda kelday, ròb unta. Bok naꞌog keꞌjèk kuli bèhbeh ròb bèꞌbok.
17Tapik sebab rajak nakod Saray, léh Abram nak, TUHAN natèrꞌèn beragik chenèk rik belahĩd ma rajak ròb kenèmbek sènꞌòy èn istane eh nak. 18Bil rajak nabelekh ilok rik nabelakuk nak, rik nak nakòw ma Abram dak natanyak, “Ilok ihãk hòj hateꞌèl ma yék doh? Nahey tok haꞌèg-oglèkh ma yék babok doh léh hãk? 19Nahey hãk hachal rik nak pek hãk, bok haperak yék ikod eh namjadik léh yék? Puꞌdoh kod lah léh hãh doh bok wèk lah!” 20Dak rajak naꞌor ma maròp-maròp pegaway eh, bok umnak umkiron Abram nawèk nòm tèk Mesir nak samak léh eh ròb kenèmbek milik eh.
ទើបបានជ្រើសរើសហើយ៖
Jenadik 12: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Jenadik 12
12
TUHAN naꞌor ma Abram namjog ma tèk Kanaꞌan
1Dak anak TUHAN nachal ma Abram, “Perak lah tèk hãk doh, kaum kewarge hãk, ròb dékh apak hãk. Dak wèk lah ma tèk rik Yék itilèk akal ma hãk.#Tèn 7:2,3; Ibr 11:8. 2Yék akal iꞌog ma hãk waris rik ibuk, dak umnak akal umjadik néy kaum rik rayak. Yék akal iteꞌèl méj ma hãk bok iꞌuy kenëh hãk terkenal, dak nòm hãk akal iteꞌèl méj ma sènꞌòy mòy. 3Yék akal iteꞌèl méj ma sènꞌòy rik umtèlꞌèl méj ma hãk, #Gal 3:8. bok ipantakh ma sènꞌòy rik bepantakh ma hãk. Nòm hãk Yék akal iteꞌèl méj ma kenèmbek kaum èn bumi.”
4-5Jadik Abram nahoh ma nèrꞌor TUHAN nak dak naperak ma tèk Haran nak. Bil nak umor Abram 75 tawon. Abram naꞌéd léh eh Saray ròb kuman eh Lòt, dak umnak umꞌèn kenèmbek harte um ròb kuli rik hòj umdapad èn tèk Haran nak. Dak umnak umwèk ma tèk Kanaꞌan.
Bil hòj umbeleh ma nak, 6umnak umchèb-chib èn tèk nak sampéy umbeleh ma jehuk rayak èn Moréh, tilok ma kote Sikèm. (Bil mase nak sènꞌòy Kanaꞌan tik umgel èn tèk nak.) 7Dak anak TUHAN napèrnéh rik Eh ma Abram bok nachal, “Doh lah tèk rik Yék akal iꞌog ma waris hãk.” Pas nak Abram nateꞌèl néy tempad jenamuk èn anak bok nasindol ma TUHAN rik hòj napèrnéh rik Eh ma rik nak. #Tèn 7:5; Gal 3:16. 8Dak nòm nak Abram ròb kewarge eh umjog ma belah pok-pok èn sòy is kote Bètèl. Èn anak umnak umdèg kémah um èn gagid nar kote: kote Bètèl nak ma kèd is, bok kote Ay nak ma sòy is. Èn anak keꞌjèk rik nak nateꞌèl néy tempad jenamuk bok nasindol ma TUHAN. 9Dak nòm nak Abram ròb kewarge eh nak umsèrjèkh wèl nèbchib um dak umjog èntéh-èntéh ma Pantil Gurun Negèb èn Tèk Kanaꞌan.
Abram najog ma tèk Mesir
10Tapik nòm kerek nak nabelakuk lah chènrok èn tèk Kanaꞌan nak. Chènrok nak terok geb, sampéy Abram najog wèl bok nawèk ma tèk Mesir, dak nagel maròp lènmad èn tèk sènꞌòy mòy nak. 11Bil hòj tilok mulèy-lòy ma tèk Mesir nak, Abram nachal ma léh eh Saray, “Hãk doh babok lawah. 12Bil sènꞌòy Mesir nak umnéh ma hãk, umnak akal umsabok hãk nak léh yék, bok akal umcheleg ma yék supaye mukod hãk! 13Jadik, lebéh méj lah hamchal hãk nak pek yék, supaye umnak muteꞌèl méj ma yék bok tok umkerèsbes ma yék sebab umchèn ma hãk.”#Jen 20:2; 26:7. 14Dak bil hòj umlòy ma Mesir, tehad nabelakuk gerèk nèlchal Abram nak: sènꞌòy Mesir nak umnéh ma Saray nak lawah geb. 15Dak bil mèn pegaway rajak Mesir nak umnéh ma Saray, umꞌoglèkh ma rajak babok nak lawah geb. Jadik rajak naꞌor ma umnak muꞌéd Saray ma istane eh. 16Sebab rajak nabèdlod Saray nak pek Abram, rik nak nateꞌèl méj ma Abram bok naꞌog jajéh chok bènleh ma rik nak — kambikh biri, kambikh, lembu, kuda kelday, ròb unta. Bok naꞌog keꞌjèk kuli bèhbeh ròb bèꞌbok.
17Tapik sebab rajak nakod Saray, léh Abram nak, TUHAN natèrꞌèn beragik chenèk rik belahĩd ma rajak ròb kenèmbek sènꞌòy èn istane eh nak. 18Bil rajak nabelekh ilok rik nabelakuk nak, rik nak nakòw ma Abram dak natanyak, “Ilok ihãk hòj hateꞌèl ma yék doh? Nahey tok haꞌèg-oglèkh ma yék babok doh léh hãk? 19Nahey hãk hachal rik nak pek hãk, bok haperak yék ikod eh namjadik léh yék? Puꞌdoh kod lah léh hãh doh bok wèk lah!” 20Dak rajak naꞌor ma maròp-maròp pegaway eh, bok umnak umkiron Abram nawèk nòm tèk Mesir nak samak léh eh ròb kenèmbek milik eh.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.