Luŋ 7
7
Nuʼ Nyii leʼbie gìe kətʉ-bii fɛ
1Bəliŋ-bɔŋ, bii bu kínə nubə ndə mɔ tʉʼ kʉ́ʉ gìe tʉ bii, bʉʼka bii bənchəŋ nɔ kínə nuʼ-Mushi. Nuʼ Mushi nɔ nə kə́ gìe kətʉ wo haʼ ndʉʉ ndə ɔ bíe mbi. 2Ndə fʉʼkənu, woke ndə ɔ nɔʼ kie woləŋ, nuʼ-Mushi nɔʼ kɔ́ʼ ɔ tʉ́ʼ ghɔŋ ləŋ-ɛŋ, haʼ ndʉʉ ndə ləŋ-ɛŋ bíe mbi, kaʼ ɔ kwú, mbʉ nuʼ ndə i kə yá ɔ kɔ́ʼ tʉ́ʼ tʉ ɔŋ le, kùunə. 3Ndə ŋgie-shʉəŋ-kə, bə bu tíi ɔ nə ŋgaa bəsəŋ kaʼ ɔ lɔ́ŋ tʉ woləŋ kədɔŋ, ləŋ-ɛŋ kə́ bíe mbi. Bɔŋ kaʼ ləŋ-ɛŋ kwú mbʉ nuʼ-Mushi ndə i kə kɔ́ʼ ɔ tʉ́ʼ, kùunə, kaʼ ɔ gɛ̀ lɔ́ŋ tʉ woləŋ kədɔŋ ɔ mə leʼ bɛ ŋgaa bəsəŋ fɛ.
4Nɔ bɛ haʼ nɔ ndə i bɛ tʉ bii bəliŋ-bɔŋ. Bii nɔ kə kwú ndəŋ ghʉəʼ-nuʼ-kə ndʉʉ ndə biibə Klai kə kwú mɔʼɔ, mbɔ bii chʉʼ bɛ tʉ ɔŋ ndə ɔ kə kwú bə bʉ̀nə kóʼhə ɔŋ mbɔ bʉʼʉ chʉʼ kə́ fɔ̀ʼ fɔʼɔ-Nyii. 5Bʉʼka ndʉʉ ndə bʉʼʉ nə kə́ chí mbi kə́ fɔ̀ʼ nubə ndə ntɛ ndə i kʉ̀ʼnə tʉ bʉʼʉ nə bʉəməsʉʉ, mbʉ nuʼ-Mushi kə́ chɔ̀ʼhə ntɔ-bʉ̂ʼʉ-mə mu mbʉə-bʉʼʉ, nubə nchəŋnchəŋ ndə bʉʼʉ kə́ fɔ̀ʼ kə́ lìʼ nə kwu. 6Bɔŋ nduɔ, nuʼ-Mushi leʼbie gìe kətʉ-bʉʼʉ fɛ, bʉʼka bʉʼʉ nɔʼ kwú ndə nu-ghɔ̄-kə ndə i kə fəŋ yá bʉʼʉ tʉ́ʼ ndəŋ fʉəhə le. Bʉʼʉ leʼbie fɔ̀ʼ nduɔ ndə nduɔŋ nuʼ-Mushi ndə bə kə nyɔ̀ʼ nə ghɔkə fɛ, bʉʼʉ bɔŋ kə́ fɔ̀ʼ nduɔ ndəŋ fia fefe nə LyʉʉhəNyiikə.
Ñuʼ Nyii nɔ kɛ̀ʼ bʉ̂ʼtə-ʉʼʉ
7Bʉʼʉ bu ghɔ̀ŋ mbuka ndʉʉmɛ? Mbɔ nuʼ-Nyii bɛ bʉ̂ʼʉ mɛ? I mə nə bɛ nɔ fɛ! Bɔŋ kaʼ kʉ̌ʉ kə gòʼ təmə bɛ nuʼ-Nyii fɛ, təmə mɔ kə kínə bʉ̂ʼʉ fɛ. Nuʼ Nyii kʉ̌ʉ kə gòʼ təmə ghɔ̀ŋ mbɔ, “Kə a mɛ kʉ̀ʉ mbɔ fɔ-wo-kədɔŋ-kə bɛ ya-yə fɛ,” təmə mɔ kə kínə mbɔ mə lɛ́nə fɔ-wo-kə nə ntɔmə bɛ bʉ̂ʼʉ fɛ. 8Bɔŋ bʉʼka mbʉ nuʼ-ɔ̄ŋ, bʉ̂ʼʉ nɔ kie fia ndə məchɔ̀ʼhə ntɛ-məntɔ-bʉəbʉə-hə mu fyii-mɔ nchəŋnchəŋ. Kaʼ nuʼ-Nyii kʉ̌ʉ kə gòʼ təmə bɛ ghɔ fɛ, təmə bʉ̂ʼʉ mə kie ghʉəʼkə fɛ.
9Mɔ nɔ kə fəŋ kie məchímbi vɛʼ ndə nuʼ-Nyii kə gòʼ təmə bɛ ghɔ fɛ, bɔŋ ndʉʉ ndə bəŋkahə-Nyii kə gwè, bʉ̂ʼʉ gwè mu məchimbi-mɔ, mɔ kwú. 10Mbʉ ŋkahə ndə i kə kie ndə məkɔ́ məchímbi tʉ mɔ, bʉ̀nə gwè bə nə kwu. 11Bʉ̂ʼʉ kie fia-ɛ tíŋ hə bɔ̌ŋ mbʉ ŋkahə, fə́ʼhə mɔ, tíŋ hə bɔ̌ŋ ghɔ, i yí mɔ. 12Nɔ, mbʉ nuʼ-Nyii nə mbəŋ-ɛŋ, nɔ bɛ tʉ́ʉnə, mbʉ ŋkahə bɔŋ-kə́-leʼ bɛ tʉ́ʉnə, bɛ ndyʉndyʉ bɔŋleʼ bɛ jyujyu.
13Bəkɔ i bɛ nɔ təka? Fɔkə ndə i bʉ̀ʉ bʉ̀nə gwè nə kwu tʉ mɔ mɛ? I mə nə bɛ nɔ fɛ! Nɔ kə bɛ fɔʼɔ-bʉ̂ʼʉ nɔ, i lʉ̀ fɔ-jyujyu-kə chìi i gwè nə kwu tʉ mɔ mbɔ ɔ chʉʼ kɛ̀ʼ ŋwɔŋ-ɛŋ shʉəŋ nə bʉ̂ʼʉ. Nɔ, tíŋ hə bɔ̌ŋ mbʉ ŋkahə, bʉ̂ʼʉ nɔ kɛ̀ʼ ŋwɔŋ-ɛŋ mbɔ ɔ la kɛŋ bɛ bʉəbʉə daa.
Məfʉ́ʼfʉ́ʼkə mu bʉ̂ʼʉ
14Bʉʼʉ nɔ kínə mbɔ nuʼ ndə Nyii kə kɔ́ tʉ Mushi nɔ gwè hə kəghɔ-LyʉʉhəNyiikə, mɔ bɔŋ kə́ bɛ haʼ woməsʉʉ, bə nɔʼ fɛ̀ŋ mɔ ndə məbɛ fʉə tʉ bʉ̂ʼʉ. 15Mɔ kínə nukə ndə mɔ tʉʼ fɔ̀ʼ fɛ, bʉʼka mɔ kyinə fɔ̀ʼ nukə ndə mɔ kʉ̀ʉ ndə məfɔ̀ʼ fɛ, mɔ buŋ leʼ kə́ fɔ̀ʼ bə nukə ndə mɔ bàa. 16Nduɔ, kaʼ mɔ kə́ fɔ̀ʼ nukə ndə mɔ gòʼ təmə kʉ̀ʉ fɛ, yɔ̄ŋ-yə nɔ dʉ̀ʼ mbɔ mɔ nɔ bɛ́ŋ mbɔ nuʼ-Nyii nɔ bɛ jyujyu. 17Nɔ, leʼbie mbəŋ-ɔŋ ndə mɔ tʉʼ fɔ̀ʼ mbʉ bənu fɛ, nɔ tʉʼ fɔ̀ʼ bʉ̂ʼʉ ndə i bɛ mu mbʉə-mɔ fɔ̀ʼ mbʉ bənu.
18Bʉʼka mɔ nɔ kínə mbɔ nu-jyujyubɛʼ-kə bɛ ghɔ ndə i bɛ mu mbʉə-mɔ fɛ, mɔ nɔ tʉʼ te mu ntɔ-bʉ̂ʼʉ-mə-ɔŋ. Bʉʼka mɔ nɔ kʉ̀ʉ ndə məfɔ̀ʼ nubə ndə i bɛ kʉ̀ʼnə, bɔŋ təmə kie ghʉəʼkə ndə məfɔ̀ʼ fɛ. 19Bʉʼka mɔ tʉʼ fɔ̀ʼ nu-jyujyu-bə, ndə mɔ kʉ̀ʉ ndə məfɔ̀ʼ fɛ, mɔ bɔŋ kə́ fɔ̀ʼ bə haʼ nu-bʉəbʉə-bə ndə mɔ bàa. 20Nduɔ, kaʼ mɔ kə́ fɔ̀ʼ nubə ndə mɔ gòʼ təmə kʉ̀ʉ fɛ, təmə tʉʼ leʼ fɔ̀ʼ mɔ fɛ, nɔ tʉʼ fɔ̀ʼ bʉ̂ʼʉ ndə i bɛ mu mbʉə-mɔ.
21Nɔ, mɔ nyíɛ mbɔ nɔ bɛ nuʼ mbɔ ndʉʉ ndə mɔ tʉʼ kʉ́ʉ ndə məfɔ̀ʼ nu-jyujyu-kə nɔ, bʉ̂ʼʉ kə́ŋhə mbʉə mɔ tə chàa yɔŋ. 22Mɔ nɔ kʉ̀ʉ nuʼ-Nyii kɛŋ nə vaafyii-ɔ, 23mɔ bɔŋ kə́ nyíɛ nuʼ kədɔŋ mu mbʉə-mɔ, nuʼ ndə i tʉʼ gwúu byuʼu ghɔŋbə mbʉ nuʼ-Nyii ndə mu fyii-ɔ bɛ́ŋ. I chìi mɔ bɛ wo-njaa-chaŋ tʉ nuʼ-bʉ̂ʼʉ ndə i bɛ mu mbʉə-mɔ. 24Oo wo mbʉʼ nə mɔ, bu kwáa nda kwáa mɔ ndə mbʉə-ɔ ndə i tʉʼ shyùu mɔ kɔ́ tʉ kwú nɔ? 25Mɔ nɔ kɔ́ ndɔ Nyii tíŋ hə bɔ̌ŋ Jiso Klai Tiekətʉ-yʉʼʉ! Nɔ, mɔ nɔ tʉʼ fɔ̀ʼ tʉ nuʼ-Nyii nə fyii-ɔ, bɔŋ ntɔ-bʉ̂ʼʉ-mə-ɔŋ kə́ fɔ̀ʼ tʉ nuʼ bʉ̂ʼʉ.
ទើបបានជ្រើសរើសហើយ៖
Luŋ 7: bvm
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Luŋ 7
7
Nuʼ Nyii leʼbie gìe kətʉ-bii fɛ
1Bəliŋ-bɔŋ, bii bu kínə nubə ndə mɔ tʉʼ kʉ́ʉ gìe tʉ bii, bʉʼka bii bənchəŋ nɔ kínə nuʼ-Mushi. Nuʼ Mushi nɔ nə kə́ gìe kətʉ wo haʼ ndʉʉ ndə ɔ bíe mbi. 2Ndə fʉʼkənu, woke ndə ɔ nɔʼ kie woləŋ, nuʼ-Mushi nɔʼ kɔ́ʼ ɔ tʉ́ʼ ghɔŋ ləŋ-ɛŋ, haʼ ndʉʉ ndə ləŋ-ɛŋ bíe mbi, kaʼ ɔ kwú, mbʉ nuʼ ndə i kə yá ɔ kɔ́ʼ tʉ́ʼ tʉ ɔŋ le, kùunə. 3Ndə ŋgie-shʉəŋ-kə, bə bu tíi ɔ nə ŋgaa bəsəŋ kaʼ ɔ lɔ́ŋ tʉ woləŋ kədɔŋ, ləŋ-ɛŋ kə́ bíe mbi. Bɔŋ kaʼ ləŋ-ɛŋ kwú mbʉ nuʼ-Mushi ndə i kə kɔ́ʼ ɔ tʉ́ʼ, kùunə, kaʼ ɔ gɛ̀ lɔ́ŋ tʉ woləŋ kədɔŋ ɔ mə leʼ bɛ ŋgaa bəsəŋ fɛ.
4Nɔ bɛ haʼ nɔ ndə i bɛ tʉ bii bəliŋ-bɔŋ. Bii nɔ kə kwú ndəŋ ghʉəʼ-nuʼ-kə ndʉʉ ndə biibə Klai kə kwú mɔʼɔ, mbɔ bii chʉʼ bɛ tʉ ɔŋ ndə ɔ kə kwú bə bʉ̀nə kóʼhə ɔŋ mbɔ bʉʼʉ chʉʼ kə́ fɔ̀ʼ fɔʼɔ-Nyii. 5Bʉʼka ndʉʉ ndə bʉʼʉ nə kə́ chí mbi kə́ fɔ̀ʼ nubə ndə ntɛ ndə i kʉ̀ʼnə tʉ bʉʼʉ nə bʉəməsʉʉ, mbʉ nuʼ-Mushi kə́ chɔ̀ʼhə ntɔ-bʉ̂ʼʉ-mə mu mbʉə-bʉʼʉ, nubə nchəŋnchəŋ ndə bʉʼʉ kə́ fɔ̀ʼ kə́ lìʼ nə kwu. 6Bɔŋ nduɔ, nuʼ-Mushi leʼbie gìe kətʉ-bʉʼʉ fɛ, bʉʼka bʉʼʉ nɔʼ kwú ndə nu-ghɔ̄-kə ndə i kə fəŋ yá bʉʼʉ tʉ́ʼ ndəŋ fʉəhə le. Bʉʼʉ leʼbie fɔ̀ʼ nduɔ ndə nduɔŋ nuʼ-Mushi ndə bə kə nyɔ̀ʼ nə ghɔkə fɛ, bʉʼʉ bɔŋ kə́ fɔ̀ʼ nduɔ ndəŋ fia fefe nə LyʉʉhəNyiikə.
Ñuʼ Nyii nɔ kɛ̀ʼ bʉ̂ʼtə-ʉʼʉ
7Bʉʼʉ bu ghɔ̀ŋ mbuka ndʉʉmɛ? Mbɔ nuʼ-Nyii bɛ bʉ̂ʼʉ mɛ? I mə nə bɛ nɔ fɛ! Bɔŋ kaʼ kʉ̌ʉ kə gòʼ təmə bɛ nuʼ-Nyii fɛ, təmə mɔ kə kínə bʉ̂ʼʉ fɛ. Nuʼ Nyii kʉ̌ʉ kə gòʼ təmə ghɔ̀ŋ mbɔ, “Kə a mɛ kʉ̀ʉ mbɔ fɔ-wo-kədɔŋ-kə bɛ ya-yə fɛ,” təmə mɔ kə kínə mbɔ mə lɛ́nə fɔ-wo-kə nə ntɔmə bɛ bʉ̂ʼʉ fɛ. 8Bɔŋ bʉʼka mbʉ nuʼ-ɔ̄ŋ, bʉ̂ʼʉ nɔ kie fia ndə məchɔ̀ʼhə ntɛ-məntɔ-bʉəbʉə-hə mu fyii-mɔ nchəŋnchəŋ. Kaʼ nuʼ-Nyii kʉ̌ʉ kə gòʼ təmə bɛ ghɔ fɛ, təmə bʉ̂ʼʉ mə kie ghʉəʼkə fɛ.
9Mɔ nɔ kə fəŋ kie məchímbi vɛʼ ndə nuʼ-Nyii kə gòʼ təmə bɛ ghɔ fɛ, bɔŋ ndʉʉ ndə bəŋkahə-Nyii kə gwè, bʉ̂ʼʉ gwè mu məchimbi-mɔ, mɔ kwú. 10Mbʉ ŋkahə ndə i kə kie ndə məkɔ́ məchímbi tʉ mɔ, bʉ̀nə gwè bə nə kwu. 11Bʉ̂ʼʉ kie fia-ɛ tíŋ hə bɔ̌ŋ mbʉ ŋkahə, fə́ʼhə mɔ, tíŋ hə bɔ̌ŋ ghɔ, i yí mɔ. 12Nɔ, mbʉ nuʼ-Nyii nə mbəŋ-ɛŋ, nɔ bɛ tʉ́ʉnə, mbʉ ŋkahə bɔŋ-kə́-leʼ bɛ tʉ́ʉnə, bɛ ndyʉndyʉ bɔŋleʼ bɛ jyujyu.
13Bəkɔ i bɛ nɔ təka? Fɔkə ndə i bʉ̀ʉ bʉ̀nə gwè nə kwu tʉ mɔ mɛ? I mə nə bɛ nɔ fɛ! Nɔ kə bɛ fɔʼɔ-bʉ̂ʼʉ nɔ, i lʉ̀ fɔ-jyujyu-kə chìi i gwè nə kwu tʉ mɔ mbɔ ɔ chʉʼ kɛ̀ʼ ŋwɔŋ-ɛŋ shʉəŋ nə bʉ̂ʼʉ. Nɔ, tíŋ hə bɔ̌ŋ mbʉ ŋkahə, bʉ̂ʼʉ nɔ kɛ̀ʼ ŋwɔŋ-ɛŋ mbɔ ɔ la kɛŋ bɛ bʉəbʉə daa.
Məfʉ́ʼfʉ́ʼkə mu bʉ̂ʼʉ
14Bʉʼʉ nɔ kínə mbɔ nuʼ ndə Nyii kə kɔ́ tʉ Mushi nɔ gwè hə kəghɔ-LyʉʉhəNyiikə, mɔ bɔŋ kə́ bɛ haʼ woməsʉʉ, bə nɔʼ fɛ̀ŋ mɔ ndə məbɛ fʉə tʉ bʉ̂ʼʉ. 15Mɔ kínə nukə ndə mɔ tʉʼ fɔ̀ʼ fɛ, bʉʼka mɔ kyinə fɔ̀ʼ nukə ndə mɔ kʉ̀ʉ ndə məfɔ̀ʼ fɛ, mɔ buŋ leʼ kə́ fɔ̀ʼ bə nukə ndə mɔ bàa. 16Nduɔ, kaʼ mɔ kə́ fɔ̀ʼ nukə ndə mɔ gòʼ təmə kʉ̀ʉ fɛ, yɔ̄ŋ-yə nɔ dʉ̀ʼ mbɔ mɔ nɔ bɛ́ŋ mbɔ nuʼ-Nyii nɔ bɛ jyujyu. 17Nɔ, leʼbie mbəŋ-ɔŋ ndə mɔ tʉʼ fɔ̀ʼ mbʉ bənu fɛ, nɔ tʉʼ fɔ̀ʼ bʉ̂ʼʉ ndə i bɛ mu mbʉə-mɔ fɔ̀ʼ mbʉ bənu.
18Bʉʼka mɔ nɔ kínə mbɔ nu-jyujyubɛʼ-kə bɛ ghɔ ndə i bɛ mu mbʉə-mɔ fɛ, mɔ nɔ tʉʼ te mu ntɔ-bʉ̂ʼʉ-mə-ɔŋ. Bʉʼka mɔ nɔ kʉ̀ʉ ndə məfɔ̀ʼ nubə ndə i bɛ kʉ̀ʼnə, bɔŋ təmə kie ghʉəʼkə ndə məfɔ̀ʼ fɛ. 19Bʉʼka mɔ tʉʼ fɔ̀ʼ nu-jyujyu-bə, ndə mɔ kʉ̀ʉ ndə məfɔ̀ʼ fɛ, mɔ bɔŋ kə́ fɔ̀ʼ bə haʼ nu-bʉəbʉə-bə ndə mɔ bàa. 20Nduɔ, kaʼ mɔ kə́ fɔ̀ʼ nubə ndə mɔ gòʼ təmə kʉ̀ʉ fɛ, təmə tʉʼ leʼ fɔ̀ʼ mɔ fɛ, nɔ tʉʼ fɔ̀ʼ bʉ̂ʼʉ ndə i bɛ mu mbʉə-mɔ.
21Nɔ, mɔ nyíɛ mbɔ nɔ bɛ nuʼ mbɔ ndʉʉ ndə mɔ tʉʼ kʉ́ʉ ndə məfɔ̀ʼ nu-jyujyu-kə nɔ, bʉ̂ʼʉ kə́ŋhə mbʉə mɔ tə chàa yɔŋ. 22Mɔ nɔ kʉ̀ʉ nuʼ-Nyii kɛŋ nə vaafyii-ɔ, 23mɔ bɔŋ kə́ nyíɛ nuʼ kədɔŋ mu mbʉə-mɔ, nuʼ ndə i tʉʼ gwúu byuʼu ghɔŋbə mbʉ nuʼ-Nyii ndə mu fyii-ɔ bɛ́ŋ. I chìi mɔ bɛ wo-njaa-chaŋ tʉ nuʼ-bʉ̂ʼʉ ndə i bɛ mu mbʉə-mɔ. 24Oo wo mbʉʼ nə mɔ, bu kwáa nda kwáa mɔ ndə mbʉə-ɔ ndə i tʉʼ shyùu mɔ kɔ́ tʉ kwú nɔ? 25Mɔ nɔ kɔ́ ndɔ Nyii tíŋ hə bɔ̌ŋ Jiso Klai Tiekətʉ-yʉʼʉ! Nɔ, mɔ nɔ tʉʼ fɔ̀ʼ tʉ nuʼ-Nyii nə fyii-ɔ, bɔŋ ntɔ-bʉ̂ʼʉ-mə-ɔŋ kə́ fɔ̀ʼ tʉ nuʼ bʉ̂ʼʉ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.