Luŋ 5
5
M̃əmɔ̀ʼfyii ndəŋ Nyii nɔ gwè nə tʉʉjyu
1Nɔ, bʉʼka bʉʼʉ nɔʼ bɛ ndyʉndyʉ shʉ-Nyii bʉʼka məmɔʼfyiihə-ʉʼʉ ndəŋ ɔŋ nɔ, bʉʼʉ nɔʼ kie fyiighʉ́ənə bʉʼʉbə Nyii tíŋ hə bɔ̌ŋ Jiso Klai Tiekətʉ-yʉʼʉ. 2Tíŋ hə bɔ̌ŋ mbəŋ-ɛŋ, bʉʼʉ nɔʼ kie fia ndə məŋíi mu buuŋjyu-ɔ̄ ndə bʉʼʉ tə́nə ndəŋ ghɔ nduɔ nɔ bʉʼka bʉʼʉ mɔ̀ʼfyiihə-ʉʼʉ ndəŋ ɔŋ, tʉʉtə-ʉʼʉ bɔŋleʼ kə́ bʉ̀ʉ bʉʼka məgʉə-Nyii ndə bʉʼʉ yʉ́əʼnə ndəŋ ghɔ ndə i bu yi gwè.
3Ndə məbìʼ chɔ, tʉʉtə-ʉʼʉ nɔ tʉʼ bʉ̀ʉ mu ŋgʉəʼ-yʉʼʉ ndə bʉʼʉ tʉʼ nyíɛ bʉʼka bʉʼʉ nɔ kínə mbɔ ŋ̃gʉəʼ nɔ chìi wo lyʉ̀ʉtə́nə. 4Məlyʉ̀ʉtə́nə kə́ chìi nuʼ-yʉʼʉ tə́nə shʉ́əshʉ́ə, nuʼ-yʉʼʉ kə́ chìi bʉʼʉ ndə məyʉ́əʼnə ndəŋ ŋkwaaNyii. 5Məyʉ́əʼnə-ɔ̄ŋ ndəŋ Nyii mə nə mɔ̀ʼ bʉʼʉ sê fɛ, bʉʼka Nyii nɔʼ véʼ ŋkʉ̂ʉ-i mu fyiihə-ʉʼʉ tíŋ hə bɔ̌ŋ Lyʉʉhəkə-i, ndə bɛ kɔ-Nyii-kə tʉ bʉʼʉ.
6Bʉʼka ndʉʉ ndə bʉʼʉ kə məkwáa ŋwɔŋ-yʉʼʉ fɛ, kʉ̂ʉ bɛ ndə ndʉʉ ndə i kə kʉ̀ʼnə, Klai gwè kwú yie bʉə ndə məchimbi-yʉə gòʼ təmə kə́ kɔ́ kuŋhə tʉ Nyii fɛ. 7I nɔ kɛŋ shʉ́ə tʉ wo ndə məkwú yie-wo ndə ɔ bɛ ndyʉndyʉ, bɔŋ bəkɔ i bɛ mbɔ wo bu kʉ̀ʉ ndə məkwú yie-wo jyujyu. 8Nyii bɔŋ nɔʼ dʉ̀ʼ ŋkʉ̂ʉ-i tʉ bʉʼʉ mbɔ, ndʉʉ ndə bʉʼʉ kə bíe mu bʉ̂ʼtə-ʉʼʉ, Klai gwè kwú yie-bʉʼʉ. 9Bʉʼka bʉʼʉ bɛ ndyʉndyʉ nduɔ shʉ-Nyii tíŋ hə bɔ̌ŋ fɔbʉə-Jiso-kə, ɔ bu kwáa bʉʼʉ ndʉʉmɛ, ntyʉʉ təka ndəŋ tʉʉbʉə-Nyii! 10Bʉʼka mbɔ, kaʼ bɛ ndʉʉ ndə bʉʼʉ kə bíe bʉə-bàa-Nyii, Nyii lìʼ ntuu-yʉʼʉ tíŋ hə bɔ̌ŋ məkwu-Vaa-ɛ, ɔ bu kwáa bʉʼʉ nduɔ ntyʉʉ təka tíŋ hə bɔ̌ŋ məchimbi-i, ndə bʉʼʉ bɔŋ nɔʼ lìʼ ntuu nɔ. 11Bɔŋ mì yɔŋ nɔ fɛ, tʉʉtə-ʉʼʉ nɔ tʉʼ bʉ̀ʉ bʉʼka nukə ndə Nyii kə fɔ̀ʼ tʉ bʉʼʉ tíŋ hə bɔ̌ŋ Tiekətʉ-yʉʼʉ, Jiso Klai, ndə ɔ nɔʼ lìʼ ntuu-yʉʼʉbə Nyii nduɔ nɔ.
Kwú nɔ nə gwè hə kəghɔ Adaŋ, məchímbi gwè hə kəghɔ Wo ndə Nyii Kùŋ Tə́ŋ
12Nɔ, bʉ̂ʼʉ kə gwè kəwʉʉnəmbi tíŋ hə bɔ̌ŋ mbyu wo-imɔʼ, kwú nɔ kə gwè tíŋ hə bɔ̌ŋ bʉ̂ʼʉ, bʉʼka yɔ̄ŋ-yə, kwú nɔʼ wɔ̀ʼnə kəwʉʉnəmbi tʉ bʉə bənchəŋ bʉʼka bʉə bənchəŋ nɔʼ chìi bʉ̂ʼʉ. 13Bʉʼka shʉəŋ bʉ̂ʼʉ nɔ nə gwè kəwʉʉnəmbi, bə buŋ kɔ́ nuʼ-Nyii, bɔŋ kaʼ nuʼ gòʼ təmə bɛ ghɔ fɛ, bə súu bʉ̂ʼʉ fɛ. 14Bɔŋ bɛ le lʉ̀ hə ndəŋ vɛʼ Adaŋ tə gɛ̀ dàa ndə vɛʼ Mushi, kwú nɔ nə kə́ sɔ́ʼ tʉ-bʉəməsʉʉ-kə bənchəŋ, buŋ sɔ́ʼ tʉ-bʉə-kə ndə bɔ̂ŋ kə gòʼ təmə chìi ntɛ bʉ̂ʼʉ ndə Adaŋ kə chìi ndʉʉ ndə ɔ kə chɔ́ʼ chu-Nyii fɛ. Adaŋ nɔ kə bɛ finə-wo ndə ɔ kə bɛ ndə məgwè. 15Bɔŋ nubə-ɔ̄ŋ ibûu kaa ndyʉndyʉ fɛ, bʉʼka kɔ-Nyii-kə, ndə i bɛ njʉnjʉ, kaa nə bʉ̂ʼʉ-Adaŋ fɛ. Kaʼ bɛ shʉəŋ mbɔ bʉə buŋmbi nɔ kə kwútə bʉʼka bʉ̂ʼʉ-mbyu-wo-imɔʼ, buuŋjyu-Nyii ghɔŋbə kɔ-njʉnjʉ-kə-i tíŋ hə bɔ̌ŋ mbʉ buuŋjyu-mbʉ-mbyu-wo-imɔʼ, ndə bɛ Jiso Klai bu bɛ ntyʉʉ təka tʉ bʉə buŋmbi. 16Ŋkʉʉŋkʉʉ bɔŋleʼ bɛ ghɔ ndə kɔ-Nyii-kə ghɔŋbə nubə ndə bʉ̂ʼʉ-mbyu-wo gwè nə yɔŋ. Bʉʼka bʉ̂ʼʉ-Adaŋ nɔ kə chìi bʉʼʉ gwù fɛʼɛ, bʉʼʉ bɔŋ kie kɔ-njʉnjʉ-kə nduɔ ndə bəkɔ Nyii bɛ́ŋ bʉʼʉ ndə məbɛ ndyʉndyʉ, buŋ ndə bʉʼʉ nɔʼ chìi nu-bʉəbʉə-bə buŋmbi. 17Kaʼ bʉ̂ʼʉ-mbyu-wo-ɔ̄, Adaŋ, kə́ chìi kwú kə́ sɔ́ʼ tʉkə-ʉʼʉ, bɔŋ bʉə ndə bɔ̂ŋ bu kie fɔŋ buuŋjyu-Nyii ghɔŋbə kɔ-njʉnjʉ-kə ndə məbɛ ndyʉndyʉ shʉ-ɔ, bu kie ghʉəʼkə ndə məgìe hə kətʉ bʉ̂ʼʉ ghɔŋbə kwú ntyʉʉ təka bɔŋleʼ kie məchímbi tíŋ hə bɔ̌ŋ mbyu wo-imɔʼ-ɔ̄, Klai.
18Nɔ ndʉʉmɛ, ndə mbyu bʉ̂ʼʉ imɔʼ chìi bʉʼʉ gwù fɛʼɛ bənchəŋ nɔ, nɔ bɛ haʼ nɔ ndə mbyu kənu ndə Klai kə fɔ̀ʼ ndyʉndyʉ shʉ-Nyii bu chìi bʉə bənchəŋ ndə məbɛ ndyʉndyʉ bɔŋleʼ kɔ́ bɔŋ nə məchímbi. 19Haʼ ndə bʉə buŋmbi bɛ bʉə-bʉ̂ʼʉ bʉʼka mbyu wo-imɔʼ ndə ɔ chɔ́ʼ chu-Nyii, nɔ bɛ haʼ nɔ ndə bə bu chìi bɔŋ buŋmbi bɛ ndyʉndyʉ shʉ-Nyii tíŋ hə bɔ̌ŋ mbʉ mbyu wo-imɔʼ ndə ɔ̈ yʉ́ chu-Nyii. 20Bə nɔ kə kɔ́ nuʼ-Nyii mbɔ ï chìi bʉə chʉʼ nyíɛ ntyʉʉ bʉ̂ʼʉ ndə bɔ̂ŋ tʉʼ chìi. Bɔŋ ndə bʉə tʉʼ chìi bʉ̂ʼʉ i kə́ bìʼ yɔ́ŋ, nɔ bɛ haʼ nɔ ndə buuŋjyu-Nyii tʉʼ bìʼ yɔ́ŋ gɛ̀ nə shʉbə, 21mbɔ, ndə bʉ̂ʼʉ kə sɔ́ʼ tʉ-bʉə-kə nə kwu, nɔ bɛ haʼ nɔ ndə buuŋjyu-Nyii bu sɔ́ʼ tʉ-bʉə-kə tíŋ hə ndəŋ mətə́nə ndyʉndyʉ shʉ-Nyii ndə ĩ gwè nə məchímbi təmə liʼ-i ghɔ fɛ, tíŋ hə bɔ̌ŋ Jiso Klai Tiekətʉ-yʉʼʉ.
ទើបបានជ្រើសរើសហើយ៖
Luŋ 5: bvm
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Luŋ 5
5
M̃əmɔ̀ʼfyii ndəŋ Nyii nɔ gwè nə tʉʉjyu
1Nɔ, bʉʼka bʉʼʉ nɔʼ bɛ ndyʉndyʉ shʉ-Nyii bʉʼka məmɔʼfyiihə-ʉʼʉ ndəŋ ɔŋ nɔ, bʉʼʉ nɔʼ kie fyiighʉ́ənə bʉʼʉbə Nyii tíŋ hə bɔ̌ŋ Jiso Klai Tiekətʉ-yʉʼʉ. 2Tíŋ hə bɔ̌ŋ mbəŋ-ɛŋ, bʉʼʉ nɔʼ kie fia ndə məŋíi mu buuŋjyu-ɔ̄ ndə bʉʼʉ tə́nə ndəŋ ghɔ nduɔ nɔ bʉʼka bʉʼʉ mɔ̀ʼfyiihə-ʉʼʉ ndəŋ ɔŋ, tʉʉtə-ʉʼʉ bɔŋleʼ kə́ bʉ̀ʉ bʉʼka məgʉə-Nyii ndə bʉʼʉ yʉ́əʼnə ndəŋ ghɔ ndə i bu yi gwè.
3Ndə məbìʼ chɔ, tʉʉtə-ʉʼʉ nɔ tʉʼ bʉ̀ʉ mu ŋgʉəʼ-yʉʼʉ ndə bʉʼʉ tʉʼ nyíɛ bʉʼka bʉʼʉ nɔ kínə mbɔ ŋ̃gʉəʼ nɔ chìi wo lyʉ̀ʉtə́nə. 4Məlyʉ̀ʉtə́nə kə́ chìi nuʼ-yʉʼʉ tə́nə shʉ́əshʉ́ə, nuʼ-yʉʼʉ kə́ chìi bʉʼʉ ndə məyʉ́əʼnə ndəŋ ŋkwaaNyii. 5Məyʉ́əʼnə-ɔ̄ŋ ndəŋ Nyii mə nə mɔ̀ʼ bʉʼʉ sê fɛ, bʉʼka Nyii nɔʼ véʼ ŋkʉ̂ʉ-i mu fyiihə-ʉʼʉ tíŋ hə bɔ̌ŋ Lyʉʉhəkə-i, ndə bɛ kɔ-Nyii-kə tʉ bʉʼʉ.
6Bʉʼka ndʉʉ ndə bʉʼʉ kə məkwáa ŋwɔŋ-yʉʼʉ fɛ, kʉ̂ʉ bɛ ndə ndʉʉ ndə i kə kʉ̀ʼnə, Klai gwè kwú yie bʉə ndə məchimbi-yʉə gòʼ təmə kə́ kɔ́ kuŋhə tʉ Nyii fɛ. 7I nɔ kɛŋ shʉ́ə tʉ wo ndə məkwú yie-wo ndə ɔ bɛ ndyʉndyʉ, bɔŋ bəkɔ i bɛ mbɔ wo bu kʉ̀ʉ ndə məkwú yie-wo jyujyu. 8Nyii bɔŋ nɔʼ dʉ̀ʼ ŋkʉ̂ʉ-i tʉ bʉʼʉ mbɔ, ndʉʉ ndə bʉʼʉ kə bíe mu bʉ̂ʼtə-ʉʼʉ, Klai gwè kwú yie-bʉʼʉ. 9Bʉʼka bʉʼʉ bɛ ndyʉndyʉ nduɔ shʉ-Nyii tíŋ hə bɔ̌ŋ fɔbʉə-Jiso-kə, ɔ bu kwáa bʉʼʉ ndʉʉmɛ, ntyʉʉ təka ndəŋ tʉʉbʉə-Nyii! 10Bʉʼka mbɔ, kaʼ bɛ ndʉʉ ndə bʉʼʉ kə bíe bʉə-bàa-Nyii, Nyii lìʼ ntuu-yʉʼʉ tíŋ hə bɔ̌ŋ məkwu-Vaa-ɛ, ɔ bu kwáa bʉʼʉ nduɔ ntyʉʉ təka tíŋ hə bɔ̌ŋ məchimbi-i, ndə bʉʼʉ bɔŋ nɔʼ lìʼ ntuu nɔ. 11Bɔŋ mì yɔŋ nɔ fɛ, tʉʉtə-ʉʼʉ nɔ tʉʼ bʉ̀ʉ bʉʼka nukə ndə Nyii kə fɔ̀ʼ tʉ bʉʼʉ tíŋ hə bɔ̌ŋ Tiekətʉ-yʉʼʉ, Jiso Klai, ndə ɔ nɔʼ lìʼ ntuu-yʉʼʉbə Nyii nduɔ nɔ.
Kwú nɔ nə gwè hə kəghɔ Adaŋ, məchímbi gwè hə kəghɔ Wo ndə Nyii Kùŋ Tə́ŋ
12Nɔ, bʉ̂ʼʉ kə gwè kəwʉʉnəmbi tíŋ hə bɔ̌ŋ mbyu wo-imɔʼ, kwú nɔ kə gwè tíŋ hə bɔ̌ŋ bʉ̂ʼʉ, bʉʼka yɔ̄ŋ-yə, kwú nɔʼ wɔ̀ʼnə kəwʉʉnəmbi tʉ bʉə bənchəŋ bʉʼka bʉə bənchəŋ nɔʼ chìi bʉ̂ʼʉ. 13Bʉʼka shʉəŋ bʉ̂ʼʉ nɔ nə gwè kəwʉʉnəmbi, bə buŋ kɔ́ nuʼ-Nyii, bɔŋ kaʼ nuʼ gòʼ təmə bɛ ghɔ fɛ, bə súu bʉ̂ʼʉ fɛ. 14Bɔŋ bɛ le lʉ̀ hə ndəŋ vɛʼ Adaŋ tə gɛ̀ dàa ndə vɛʼ Mushi, kwú nɔ nə kə́ sɔ́ʼ tʉ-bʉəməsʉʉ-kə bənchəŋ, buŋ sɔ́ʼ tʉ-bʉə-kə ndə bɔ̂ŋ kə gòʼ təmə chìi ntɛ bʉ̂ʼʉ ndə Adaŋ kə chìi ndʉʉ ndə ɔ kə chɔ́ʼ chu-Nyii fɛ. Adaŋ nɔ kə bɛ finə-wo ndə ɔ kə bɛ ndə məgwè. 15Bɔŋ nubə-ɔ̄ŋ ibûu kaa ndyʉndyʉ fɛ, bʉʼka kɔ-Nyii-kə, ndə i bɛ njʉnjʉ, kaa nə bʉ̂ʼʉ-Adaŋ fɛ. Kaʼ bɛ shʉəŋ mbɔ bʉə buŋmbi nɔ kə kwútə bʉʼka bʉ̂ʼʉ-mbyu-wo-imɔʼ, buuŋjyu-Nyii ghɔŋbə kɔ-njʉnjʉ-kə-i tíŋ hə bɔ̌ŋ mbʉ buuŋjyu-mbʉ-mbyu-wo-imɔʼ, ndə bɛ Jiso Klai bu bɛ ntyʉʉ təka tʉ bʉə buŋmbi. 16Ŋkʉʉŋkʉʉ bɔŋleʼ bɛ ghɔ ndə kɔ-Nyii-kə ghɔŋbə nubə ndə bʉ̂ʼʉ-mbyu-wo gwè nə yɔŋ. Bʉʼka bʉ̂ʼʉ-Adaŋ nɔ kə chìi bʉʼʉ gwù fɛʼɛ, bʉʼʉ bɔŋ kie kɔ-njʉnjʉ-kə nduɔ ndə bəkɔ Nyii bɛ́ŋ bʉʼʉ ndə məbɛ ndyʉndyʉ, buŋ ndə bʉʼʉ nɔʼ chìi nu-bʉəbʉə-bə buŋmbi. 17Kaʼ bʉ̂ʼʉ-mbyu-wo-ɔ̄, Adaŋ, kə́ chìi kwú kə́ sɔ́ʼ tʉkə-ʉʼʉ, bɔŋ bʉə ndə bɔ̂ŋ bu kie fɔŋ buuŋjyu-Nyii ghɔŋbə kɔ-njʉnjʉ-kə ndə məbɛ ndyʉndyʉ shʉ-ɔ, bu kie ghʉəʼkə ndə məgìe hə kətʉ bʉ̂ʼʉ ghɔŋbə kwú ntyʉʉ təka bɔŋleʼ kie məchímbi tíŋ hə bɔ̌ŋ mbyu wo-imɔʼ-ɔ̄, Klai.
18Nɔ ndʉʉmɛ, ndə mbyu bʉ̂ʼʉ imɔʼ chìi bʉʼʉ gwù fɛʼɛ bənchəŋ nɔ, nɔ bɛ haʼ nɔ ndə mbyu kənu ndə Klai kə fɔ̀ʼ ndyʉndyʉ shʉ-Nyii bu chìi bʉə bənchəŋ ndə məbɛ ndyʉndyʉ bɔŋleʼ kɔ́ bɔŋ nə məchímbi. 19Haʼ ndə bʉə buŋmbi bɛ bʉə-bʉ̂ʼʉ bʉʼka mbyu wo-imɔʼ ndə ɔ chɔ́ʼ chu-Nyii, nɔ bɛ haʼ nɔ ndə bə bu chìi bɔŋ buŋmbi bɛ ndyʉndyʉ shʉ-Nyii tíŋ hə bɔ̌ŋ mbʉ mbyu wo-imɔʼ ndə ɔ̈ yʉ́ chu-Nyii. 20Bə nɔ kə kɔ́ nuʼ-Nyii mbɔ ï chìi bʉə chʉʼ nyíɛ ntyʉʉ bʉ̂ʼʉ ndə bɔ̂ŋ tʉʼ chìi. Bɔŋ ndə bʉə tʉʼ chìi bʉ̂ʼʉ i kə́ bìʼ yɔ́ŋ, nɔ bɛ haʼ nɔ ndə buuŋjyu-Nyii tʉʼ bìʼ yɔ́ŋ gɛ̀ nə shʉbə, 21mbɔ, ndə bʉ̂ʼʉ kə sɔ́ʼ tʉ-bʉə-kə nə kwu, nɔ bɛ haʼ nɔ ndə buuŋjyu-Nyii bu sɔ́ʼ tʉ-bʉə-kə tíŋ hə ndəŋ mətə́nə ndyʉndyʉ shʉ-Nyii ndə ĩ gwè nə məchímbi təmə liʼ-i ghɔ fɛ, tíŋ hə bɔ̌ŋ Jiso Klai Tiekətʉ-yʉʼʉ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.