Luŋ 2
2
Ŋkwɛ-Nyii te bʉ̂ʼʉ
1A tʉʼ chʉ̀ə ŋkwɛ bəbɛʼbʉə mbɔ bɔ̂ŋ nɔʼ gwù fɛʼɛ təka kə́ bɛ haʼ ndə bɔŋ? A mə kie nukə ndə mətúu chu-a chɔ fɛ. Ndʉʉ ndə a tʉʼ chʉ̀ə ŋkwɛ bəbɛʼbʉə bʉəbʉə, a nɔ tʉʼ chʉ̀ə ya-yə ghɔ bʉəbʉə, bʉʼka a nɔ tʉʼ fɔ̀ʼ haʼ nubə ghɔ ndə bɔ̂ŋ tʉʼ fɔ̀ʼ. 2Bʉʼʉ bənchəŋ nɔ kínə mbɔ Nyii bɛ ndyʉndyʉ ndʉʉ ndə ɔ tʉʼ chʉ̀ə ŋkwɛ yie-bʉə ndə bɔ̂ŋ tʉʼ fɔ̀ʼ nubə-ɔ̄ŋ. 3Kə a bɛ nda, a kwɔ̀ʼtə mbɔ mbəŋ-aŋ ndə a tʉʼ chʉ̀ə ŋkwɛ bʉə ndə bɔ̂ŋ tʉʼ fɔ̀ʼ nubə-ɔ̄ŋ kə́ bʉ̀nə fɔ̀ʼ ghɔ nə yá mbəŋ, a kwɔ̀ʼtə mbɔ a bu líi ŋkwɛ-Nyii-ɔ̄ŋ mɛ? 4Byuunɔ, ndʉʉbɛʼ a tʉʼ jɛ́ŋhə Nyii bʉʼka fɔŋ nuʼ jyujyu-i, ndə ɔ gòʼ təmə kə́ chɔ́ŋhə aŋ ndə bʉ̂ʼʉ-a haʼ ndʉʉmɛ fɛ, kə́ yá fyii-i mɛ? Bii nɔ kínə mbɔ Nyii nɔ tʉʼ dʉ̀ʼ nuʼ jyujyu-i bʉʼka ɔ nɔ tʉʼ kʉ́ʉ mbɔ ä shìe liɛŋ-aŋ ndəŋ bʉ̂ʼʉ.
5Bɔŋ bʉʼka a kie fyii shʉ́əshʉ́ə tɛ́ŋ ndə məkwɛ́nə, a nɔ tʉʼ chìi ŋgʉəʼ-a i kə́ shʉ́ə ndəŋ chîkə ndə Nyii bu kɛ̀ʼ tʉʉbʉə-e bɔŋleʼ chʉ̀ə ŋkwɛ ndyʉndyʉ. 6Nyii bu lɔ̀ʼ wotəmiyɔŋ haʼ ndə fɔʼɔ-ɛ bɛ. 7Nyii bu kɔ́ məchímbi təmə liʼ-i ghɔ fɛ tʉ bʉə ndə bɔ̂ŋ tʉʼ yá fyiihə-ʉə kə́ fɔ̀ʼ nu-jyujyu-bə gɛ̀gɛ̀, kə́ kʉ́ʉ məgʉ́ə hə kəghɔ-Nyii, kuŋhə leʼnə məchímbi təmə liʼ-i ghɔ fɛ. 8Nyii bu véʼ tʉʉbʉə-e ghɔŋbə tʉʉbʉə shʉ́əshʉ́ə-e ndəŋ bʉə ndə bɔ̂ŋ gòʼ nə shʉnə, kə́ chɔʼ shʉəŋ, kə́ fɔ̀ʼ bə nubə ndə i gòʼ təmə bɛ ndyʉndyʉ fɛ. 9Ŋgʉəʼ shʉ́əshʉ́ə ghɔŋbə məlíŋ bu bɛ tʉ woməsʉʉ təmiyɔŋ ndə ɔ tʉʼ fɔ̀ʼ nu-bʉəbʉə-bə, i bu fəŋ bɛ tʉ bʉə-Juu, ndʉʉmɛ ghɔ tʉ bʉə ndə bɔ̂ŋ gòʼ təmə bɛ bʉə-Juu fɛ. 10Bɔŋ Nyii bu kɔ́ məgʉ́ə, kuŋhə leʼnə fyiighʉ́ənə tʉ wotəmiyɔŋ ndə ɔ tʉʼ fɔ̀ʼ bʉʉ, i bu fəŋ bɛ tʉ bʉə-Juu leʼnə bʉə ndə bɔ̂ŋ gòʼ təmə bɛ bʉə-Juu fɛ, 11bʉʼka Nyii kyinə túhə shʉ fɛ.
12Bʉə ndə bɔ̂ŋ gòʼ təmə bɛ bʉə-Juu fɛ, təmə kie nuʼ-Mushi fɛ, bu kwú bɛ́ təmə bə chʉ̀ə ŋkwɛ-yʉə nə nuʼ fɛ. Bʉə-Juu bənchəŋ ndə bɔ̂ŋ kie nuʼ kə́ chìi bʉ̂ʼʉ, bə bu chʉ̀ə ŋkwɛ-yʉə nə mbʉ nuʼ. 13Bʉʼka kaa bə haʼ məyʉ́ mbʉ nuʼ ndə ĩ chìi bʉʼʉ bɛ ndyʉndyʉ bəshʉ-Nyii fɛ bɔŋ nɔ bɛ məfɔ̀ʼ nukə ndə mbʉ nuʼ gìe ndə ĩ chìi bʉʼʉ bɛ ndyʉndyʉ bəshʉ-Nyii. 14Buŋ bʉə ndə bɔ̂ŋ gòʼ təmə bɛ bʉə-Juu fɛ təmə kie mbʉ nuʼ-Nyii fɛ, nɔ dʉ̀ʼ mbɔ bɔ̂ŋ la kie nuʼ mu kətʉ-bɔŋ ndʉʉ ndə bɔ̂ŋ fɔ̀ʼ nukə ndə mbʉ nuʼ kàhə təmə buŋ kie mbʉ nuʼ-Nyii fɛ. 15Ntɛ nuʼ-yʉə nɔ tʉʼ dʉ̀ʼ mbɔ nukə ndə mbʉ nuʼ kàhə, bə nɔʼ nyɔ̀ʼ mu fyii-bɔŋ. Bʉʼka ŋkwɔʼtə-yʉə nɔ tʉʼ ghɔ̀ŋ tʉ bɔŋ vɛʼbɛʼ mbɔ, “Nukə ndə bii chìi nɔ kʉ̀ʼnə” byuunɔ vɛʼbɛʼ i ghɔ̀ŋ mbɔ, “Nukə ndə bii chìi kʉ̀ʼnə fɛ”. 16Nɔ, nɔ bɛ ntəŋjyujyu nɔ ndə mɔ tʉʼ lɔ̀ʼ, mbɔ mbʉ kəchî nɔ tʉʼ gwè ndə Nyii bu kwɛ̀ fɛʼɛ wotəmiyɔŋ kɛ̀ʼ nu-bənyaʼtə-bə ndə ɔ tʉʼ lə̀ŋ mu fyii-ɔ tíŋ hə bɔ̌ŋ Klai Jiso.
Bʉə-Juu ghɔŋbə nuʼ-Mushi
17Bɔŋ ndə mbəŋ-aŋ, a kə́ tíi ŋwɔŋ-aŋ nə wo-Juu, yʉ́əʼnə ndəŋ mbʉ nuʼ, bɔŋ-kə́-leʼ kwɛ̀ŋ fyii-a bʉʼka Nyii, 18kə́ kínə nukə ndə Nyii kʉ̀ʉ mbɔ a fɔ̀ʼ bʉʼka mbʉ nuʼ nɔ tʉʼ dàhə a ndə məséʼ nukə ndə i bɛ kʉ̀ʼnə. 19Mbəŋ-aŋ nə mbəŋ-aŋ nɔ kínə mbɔ a nɔ bɛ wo ndə mədʉ̀ʼ fia tʉ bəfʉ̀əŋtəshʉ bɔŋ-kə́-leʼ bɛ kɛʼɛ tʉ bʉə ndə bɔ̂ŋ bɛ mu kənjəŋ. 20A nɔ bɛ wo ndə a tʉʼ dàhə bʉə ndə fyiihə-ʉə gòʼ təmə bɛ ndyʉndyʉ fɛ, kə́ dàhə vâambuɔ, bʉʼka a kínə shʉəŋ mbɔ te nuʼ-Nyii, a nɔ kínə nubə ndə i bɛ chɔ inchəŋ bɔŋleʼ kínə mbɔ nukə ndə a gìe nɔ bɛ ŋkɛŋ shʉəŋ. 21Kaʼ bɛ mbɔ nubə-ɔ̄ŋ inchəŋ bɛ shʉəŋ tʉ mbəŋ-aŋ, ndə a tʉʼ dàhə bəbɛʼbʉə, ndʉʉmɛ chìi ka təmə a mə dàhə ŋwɔŋ-aŋ fɛ? A nɔ tʉʼ lɔ̀ʼ ŋgieNyiikə tʉ bəbɛʼbʉə mbɔ kə bɔ̂ŋ mə leʼ lʉ́ʼ fɛ, a bɔŋ kə́ lʉ́ʼ mɛ? 22A nɔ tʉʼ ghɔ̀ŋ tʉ bʉə mbɔ bɔ̂ŋ mə leʼ gháa bəsəŋ fɛ, a bɔŋ kə́ gháa ghɔ mɛ? A nɔ bàa məgháa bənyii, a bɔŋ kə́ lʉ́ʼ ndə tyʉəŋ-bənyii-bə mɛ? 23A nɔ tʉʼ kwɛ̀ŋ fyii te nuʼ-Nyii bɔŋ a tʉʼ mɔ̀ʼ tʉvyii-Nyii-kə ndə məbə́ʼ mbʉ nuʼ mɛ? 24Ŋwɔʼnə Nyii nɔ ghɔ̀ŋ mbɔ, “Bʉʼka bii bʉə-Juu, bʉə ndə bɔ̂ŋ gòʼ təmə bɛ bʉə-Juu fɛ nɔ tʉʼ chɛ̀ŋ yie-Nyii.”
25Məfɔ̀ʼ wo nɔ bʉ̀ʉ haʼ ndʉʉ ndə ɔ tʉ́ʼ nuʼ-Nyii, bɔŋ kaʼ a kə́ bə́ʼ mbʉ nuʼ, tʉ bə nɔʼ fɔ̀ʼ a, təmə a nɔ bɛ haʼ nə wo ndə bə gòʼ təmə nɔʼ fɔ̀ʼ ɔ fɛ. 26Nɔ, kaʼ wo ndə bə gòʼ təmə fɔ̀ʼ ɔ fɛ, tʉ́ʼ bəŋkahə ndə mbʉ nuʼ ghɔ̀ŋ, təmə Nyii lʉ̀ ɔ nə wo ndə bə nɔʼ fɔ̀ʼ ɔ fe? 27Ndʉʉmɛ, wo ndə bə gòʼ təmə nɔʼ fɔ̀ʼ ɔ fɛ bɔŋ kə́ tʉ́ʼ nuʼ, bu chʉ̀ə ŋkwɛ-yii bʉəbʉə ndə bii kie mbʉ nuʼ, bə bɔŋ-nɔʼ-leʼ fɔ̀ʼ bii, təmə bii bɔŋ kə́ tʉ́ʼ mbʉ nuʼ fɛ.
28Ndə nchəŋnchəŋ-ɛŋ, ŋkɛŋ wo-Juu bɛ nda? Kaa wo ndə ɔ bɛ wo-Juu hə njəŋmbi fɛ, ndə bə fɔ̀ʼ ɔ bə hə ndə mbɔʼ-mbʉə-e fɛ. 29Bɔŋ bɛ le ŋkɛŋ wo-Juu nɔ bɛ wo ndə ɔ bɛ wo-Juu mu fyii-ɔ, ndə bə nɔʼ shʉ̀tə mu fyii-i ndə bə fɔ̀ʼ woləŋ nɔ. Bɔŋ kə́ fɔ̀ʼ bə LyʉʉhəNyiikə fɔ̀ʼ yɔ̄ŋ-yə, kyinə fɔ̀ʼ nuʼ ndə bə nyɔ̀ʼnyɔ̀ʼ fɛ. Ntɛ w̃o-ɔ̄ nɔ kie yie jyujyu bə hə kəghɔ-Nyii, kaa hə kəghɔ-bʉəməsʉʉ fɛ.
ទើបបានជ្រើសរើសហើយ៖
Luŋ 2: bvm
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Luŋ 2
2
Ŋkwɛ-Nyii te bʉ̂ʼʉ
1A tʉʼ chʉ̀ə ŋkwɛ bəbɛʼbʉə mbɔ bɔ̂ŋ nɔʼ gwù fɛʼɛ təka kə́ bɛ haʼ ndə bɔŋ? A mə kie nukə ndə mətúu chu-a chɔ fɛ. Ndʉʉ ndə a tʉʼ chʉ̀ə ŋkwɛ bəbɛʼbʉə bʉəbʉə, a nɔ tʉʼ chʉ̀ə ya-yə ghɔ bʉəbʉə, bʉʼka a nɔ tʉʼ fɔ̀ʼ haʼ nubə ghɔ ndə bɔ̂ŋ tʉʼ fɔ̀ʼ. 2Bʉʼʉ bənchəŋ nɔ kínə mbɔ Nyii bɛ ndyʉndyʉ ndʉʉ ndə ɔ tʉʼ chʉ̀ə ŋkwɛ yie-bʉə ndə bɔ̂ŋ tʉʼ fɔ̀ʼ nubə-ɔ̄ŋ. 3Kə a bɛ nda, a kwɔ̀ʼtə mbɔ mbəŋ-aŋ ndə a tʉʼ chʉ̀ə ŋkwɛ bʉə ndə bɔ̂ŋ tʉʼ fɔ̀ʼ nubə-ɔ̄ŋ kə́ bʉ̀nə fɔ̀ʼ ghɔ nə yá mbəŋ, a kwɔ̀ʼtə mbɔ a bu líi ŋkwɛ-Nyii-ɔ̄ŋ mɛ? 4Byuunɔ, ndʉʉbɛʼ a tʉʼ jɛ́ŋhə Nyii bʉʼka fɔŋ nuʼ jyujyu-i, ndə ɔ gòʼ təmə kə́ chɔ́ŋhə aŋ ndə bʉ̂ʼʉ-a haʼ ndʉʉmɛ fɛ, kə́ yá fyii-i mɛ? Bii nɔ kínə mbɔ Nyii nɔ tʉʼ dʉ̀ʼ nuʼ jyujyu-i bʉʼka ɔ nɔ tʉʼ kʉ́ʉ mbɔ ä shìe liɛŋ-aŋ ndəŋ bʉ̂ʼʉ.
5Bɔŋ bʉʼka a kie fyii shʉ́əshʉ́ə tɛ́ŋ ndə məkwɛ́nə, a nɔ tʉʼ chìi ŋgʉəʼ-a i kə́ shʉ́ə ndəŋ chîkə ndə Nyii bu kɛ̀ʼ tʉʉbʉə-e bɔŋleʼ chʉ̀ə ŋkwɛ ndyʉndyʉ. 6Nyii bu lɔ̀ʼ wotəmiyɔŋ haʼ ndə fɔʼɔ-ɛ bɛ. 7Nyii bu kɔ́ məchímbi təmə liʼ-i ghɔ fɛ tʉ bʉə ndə bɔ̂ŋ tʉʼ yá fyiihə-ʉə kə́ fɔ̀ʼ nu-jyujyu-bə gɛ̀gɛ̀, kə́ kʉ́ʉ məgʉ́ə hə kəghɔ-Nyii, kuŋhə leʼnə məchímbi təmə liʼ-i ghɔ fɛ. 8Nyii bu véʼ tʉʉbʉə-e ghɔŋbə tʉʉbʉə shʉ́əshʉ́ə-e ndəŋ bʉə ndə bɔ̂ŋ gòʼ nə shʉnə, kə́ chɔʼ shʉəŋ, kə́ fɔ̀ʼ bə nubə ndə i gòʼ təmə bɛ ndyʉndyʉ fɛ. 9Ŋgʉəʼ shʉ́əshʉ́ə ghɔŋbə məlíŋ bu bɛ tʉ woməsʉʉ təmiyɔŋ ndə ɔ tʉʼ fɔ̀ʼ nu-bʉəbʉə-bə, i bu fəŋ bɛ tʉ bʉə-Juu, ndʉʉmɛ ghɔ tʉ bʉə ndə bɔ̂ŋ gòʼ təmə bɛ bʉə-Juu fɛ. 10Bɔŋ Nyii bu kɔ́ məgʉ́ə, kuŋhə leʼnə fyiighʉ́ənə tʉ wotəmiyɔŋ ndə ɔ tʉʼ fɔ̀ʼ bʉʉ, i bu fəŋ bɛ tʉ bʉə-Juu leʼnə bʉə ndə bɔ̂ŋ gòʼ təmə bɛ bʉə-Juu fɛ, 11bʉʼka Nyii kyinə túhə shʉ fɛ.
12Bʉə ndə bɔ̂ŋ gòʼ təmə bɛ bʉə-Juu fɛ, təmə kie nuʼ-Mushi fɛ, bu kwú bɛ́ təmə bə chʉ̀ə ŋkwɛ-yʉə nə nuʼ fɛ. Bʉə-Juu bənchəŋ ndə bɔ̂ŋ kie nuʼ kə́ chìi bʉ̂ʼʉ, bə bu chʉ̀ə ŋkwɛ-yʉə nə mbʉ nuʼ. 13Bʉʼka kaa bə haʼ məyʉ́ mbʉ nuʼ ndə ĩ chìi bʉʼʉ bɛ ndyʉndyʉ bəshʉ-Nyii fɛ bɔŋ nɔ bɛ məfɔ̀ʼ nukə ndə mbʉ nuʼ gìe ndə ĩ chìi bʉʼʉ bɛ ndyʉndyʉ bəshʉ-Nyii. 14Buŋ bʉə ndə bɔ̂ŋ gòʼ təmə bɛ bʉə-Juu fɛ təmə kie mbʉ nuʼ-Nyii fɛ, nɔ dʉ̀ʼ mbɔ bɔ̂ŋ la kie nuʼ mu kətʉ-bɔŋ ndʉʉ ndə bɔ̂ŋ fɔ̀ʼ nukə ndə mbʉ nuʼ kàhə təmə buŋ kie mbʉ nuʼ-Nyii fɛ. 15Ntɛ nuʼ-yʉə nɔ tʉʼ dʉ̀ʼ mbɔ nukə ndə mbʉ nuʼ kàhə, bə nɔʼ nyɔ̀ʼ mu fyii-bɔŋ. Bʉʼka ŋkwɔʼtə-yʉə nɔ tʉʼ ghɔ̀ŋ tʉ bɔŋ vɛʼbɛʼ mbɔ, “Nukə ndə bii chìi nɔ kʉ̀ʼnə” byuunɔ vɛʼbɛʼ i ghɔ̀ŋ mbɔ, “Nukə ndə bii chìi kʉ̀ʼnə fɛ”. 16Nɔ, nɔ bɛ ntəŋjyujyu nɔ ndə mɔ tʉʼ lɔ̀ʼ, mbɔ mbʉ kəchî nɔ tʉʼ gwè ndə Nyii bu kwɛ̀ fɛʼɛ wotəmiyɔŋ kɛ̀ʼ nu-bənyaʼtə-bə ndə ɔ tʉʼ lə̀ŋ mu fyii-ɔ tíŋ hə bɔ̌ŋ Klai Jiso.
Bʉə-Juu ghɔŋbə nuʼ-Mushi
17Bɔŋ ndə mbəŋ-aŋ, a kə́ tíi ŋwɔŋ-aŋ nə wo-Juu, yʉ́əʼnə ndəŋ mbʉ nuʼ, bɔŋ-kə́-leʼ kwɛ̀ŋ fyii-a bʉʼka Nyii, 18kə́ kínə nukə ndə Nyii kʉ̀ʉ mbɔ a fɔ̀ʼ bʉʼka mbʉ nuʼ nɔ tʉʼ dàhə a ndə məséʼ nukə ndə i bɛ kʉ̀ʼnə. 19Mbəŋ-aŋ nə mbəŋ-aŋ nɔ kínə mbɔ a nɔ bɛ wo ndə mədʉ̀ʼ fia tʉ bəfʉ̀əŋtəshʉ bɔŋ-kə́-leʼ bɛ kɛʼɛ tʉ bʉə ndə bɔ̂ŋ bɛ mu kənjəŋ. 20A nɔ bɛ wo ndə a tʉʼ dàhə bʉə ndə fyiihə-ʉə gòʼ təmə bɛ ndyʉndyʉ fɛ, kə́ dàhə vâambuɔ, bʉʼka a kínə shʉəŋ mbɔ te nuʼ-Nyii, a nɔ kínə nubə ndə i bɛ chɔ inchəŋ bɔŋleʼ kínə mbɔ nukə ndə a gìe nɔ bɛ ŋkɛŋ shʉəŋ. 21Kaʼ bɛ mbɔ nubə-ɔ̄ŋ inchəŋ bɛ shʉəŋ tʉ mbəŋ-aŋ, ndə a tʉʼ dàhə bəbɛʼbʉə, ndʉʉmɛ chìi ka təmə a mə dàhə ŋwɔŋ-aŋ fɛ? A nɔ tʉʼ lɔ̀ʼ ŋgieNyiikə tʉ bəbɛʼbʉə mbɔ kə bɔ̂ŋ mə leʼ lʉ́ʼ fɛ, a bɔŋ kə́ lʉ́ʼ mɛ? 22A nɔ tʉʼ ghɔ̀ŋ tʉ bʉə mbɔ bɔ̂ŋ mə leʼ gháa bəsəŋ fɛ, a bɔŋ kə́ gháa ghɔ mɛ? A nɔ bàa məgháa bənyii, a bɔŋ kə́ lʉ́ʼ ndə tyʉəŋ-bənyii-bə mɛ? 23A nɔ tʉʼ kwɛ̀ŋ fyii te nuʼ-Nyii bɔŋ a tʉʼ mɔ̀ʼ tʉvyii-Nyii-kə ndə məbə́ʼ mbʉ nuʼ mɛ? 24Ŋwɔʼnə Nyii nɔ ghɔ̀ŋ mbɔ, “Bʉʼka bii bʉə-Juu, bʉə ndə bɔ̂ŋ gòʼ təmə bɛ bʉə-Juu fɛ nɔ tʉʼ chɛ̀ŋ yie-Nyii.”
25Məfɔ̀ʼ wo nɔ bʉ̀ʉ haʼ ndʉʉ ndə ɔ tʉ́ʼ nuʼ-Nyii, bɔŋ kaʼ a kə́ bə́ʼ mbʉ nuʼ, tʉ bə nɔʼ fɔ̀ʼ a, təmə a nɔ bɛ haʼ nə wo ndə bə gòʼ təmə nɔʼ fɔ̀ʼ ɔ fɛ. 26Nɔ, kaʼ wo ndə bə gòʼ təmə fɔ̀ʼ ɔ fɛ, tʉ́ʼ bəŋkahə ndə mbʉ nuʼ ghɔ̀ŋ, təmə Nyii lʉ̀ ɔ nə wo ndə bə nɔʼ fɔ̀ʼ ɔ fe? 27Ndʉʉmɛ, wo ndə bə gòʼ təmə nɔʼ fɔ̀ʼ ɔ fɛ bɔŋ kə́ tʉ́ʼ nuʼ, bu chʉ̀ə ŋkwɛ-yii bʉəbʉə ndə bii kie mbʉ nuʼ, bə bɔŋ-nɔʼ-leʼ fɔ̀ʼ bii, təmə bii bɔŋ kə́ tʉ́ʼ mbʉ nuʼ fɛ.
28Ndə nchəŋnchəŋ-ɛŋ, ŋkɛŋ wo-Juu bɛ nda? Kaa wo ndə ɔ bɛ wo-Juu hə njəŋmbi fɛ, ndə bə fɔ̀ʼ ɔ bə hə ndə mbɔʼ-mbʉə-e fɛ. 29Bɔŋ bɛ le ŋkɛŋ wo-Juu nɔ bɛ wo ndə ɔ bɛ wo-Juu mu fyii-ɔ, ndə bə nɔʼ shʉ̀tə mu fyii-i ndə bə fɔ̀ʼ woləŋ nɔ. Bɔŋ kə́ fɔ̀ʼ bə LyʉʉhəNyiikə fɔ̀ʼ yɔ̄ŋ-yə, kyinə fɔ̀ʼ nuʼ ndə bə nyɔ̀ʼnyɔ̀ʼ fɛ. Ntɛ w̃o-ɔ̄ nɔ kie yie jyujyu bə hə kəghɔ-Nyii, kaa hə kəghɔ-bʉəməsʉʉ fɛ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.