Mak 16
16
Məbʉ̀nə kóʼ
(Matia 28:1-8; Luk 24:1-12; Jɔŋ 20:1-10)
1Chîlɔʼkə kʉ̂ʉ tíŋ, Mɛli Matalina ghɔŋbə Mɛli ndə ɔ bɛ ŋkwê-Jɛŋ leʼnə Salomɛ nyúɔ ŋgwo-lùŋ-mə ndə məgɛ̀ yóʼ ŋkwukə-i nə yɔŋ. 2Kʉ̂ʉ bɛ ndʉʉsɛŋkə bətyuʼbətyuʼ ndəŋ fəŋ kəchî mu vyii mbi#16:2 Nɔ kə bɛ Sɔŋnde. ndə chichi sɔ́ʼ, bɔ̂ŋ gɛ̀ mbʉ chu-sě. 3Bɔ̂ŋ kə́ bíʼtə tʉ mbəŋtə-ʉə mbɔ, “Bu tʉ́ʉhə nda tʉ́ʉhə mbʉ ŋgoʼ ndə mbʉ chu-sě kɔ́ tʉ bʉʼʉ?” 4Bɔŋ ndʉʉ ndə bɔ̂ŋ dàa chɔ, kə́ chɔ̀ʼhə shʉtə-ʉə lɛ́nə, nyíɛ mbʉ ŋgoʼ ndə i kə gʉ́ə daa tʉ bə nɔʼ tʉ́ʉhə. 5Bɔ̂ŋ kʉ̂ʉ ŋíi mu mbʉ sě nyíɛ vaakəyɔwobɛʼ ɔ kə́ dùʼ kwiimɔʼnə, mɔ̀ʼ ndyi-kəfyuʼ-hə mbʉə-ɔ, i chíe chu-yʉə. 6Bɔŋ ɔ ghɔ̀ŋ tʉ bɔŋ mbɔ, “Kə i mə leʼ chàa bii fɛ, bii nɔ tʉʼ kʉ́ʉ Jiso ndə ɔ lɔ̀ hə Nasalɛ ndə bə kə kwɛ̀ŋ ɔŋ yí le. Ɔ nɔʼ bʉ̀nə kóʼ, ɔ kaa fɛ̄ŋ fɛ. B̈ii nyíɛ yəŋkə ndə bə kə mɔ̀ʼ ɔ chɔ. 7B̈ii gɛ̀ shyíi vâafɔʼɔ-bi leʼnə Bita mbɔ ɔ la tʉʼ gɛ̀ hə bəshʉ bii mu Galili. Bii bu nyíɛ ɔŋ chɔ haʼ ndə ɔ kə shyíi bii.”
8Bɔ̂ŋ fyú hə mu mbʉ sě nyʉ́ʉ bʉʼka ŋgwonəkə nɔʼ kə yá bɔŋ, chu-yʉə chíe, təmə bɔ̂ŋ gìe nubɛʼkə tʉ wotəmiyɔŋ fɛ bʉʼka bɔ̂ŋ nɔ kə kə́ fàa.
[Bəbɛʼbənduɔŋ bəŋwɔʼnə nɔ bìʼ yuhəbə 9-20 fɛ.] # 16:9 Mbyu-bəŋwɔʼnə-hə kəŋgie-Gili nɔ kie liʼ ntuŋntuŋ-ɔ̄ŋ: Bɔ̂ŋ fʉ̀ʼtə nubə-ɔ̄ŋ nchəŋnchəŋ-ɛŋ tʉ Bita ghɔŋbə bʉə-nuɔ-bi məniʼ. Yɔ̄ŋ-yə kʉ̂ʉ tíŋ, Jiso tə́ŋ bɔŋ mbi lʉ̀ hə kwii ndə chichi sɔ́ʼ chɔ tə gɛ̀ dàa kwii ndə chichi sʉ́ʉ chɔ chusii-ɔ, bɔ̂ŋ kə́ tòʼ lɔ̀ʼ ntəŋ te ŋkwaaNyii ndə i bɛ ŋkʉʉ təmə kyinə mɔ̀ʼ wo sê fɛ bɔŋ-kə́-leʼ kɔ́ məchímbi təmə liʼ-i ghɔ fɛ.
Jiso fyú tʉ Mɛli Matalina
(Matia 28:9-10,16-20; Luk 24:13-49; Jɔŋ 20:11-23; Fɔʼɔ 1:6-8)
9[Jiso kʉ̂ʉ kóʼ ndʉʉsɛŋkə bətyuʼbətyuʼ ndə fəŋ kəchî mu vyii mbi, fəŋ fyú tʉ Mɛli Matalina ndə ɔ nɔʼ kə jə̀ŋ lyʉʉhəbʉəbʉəbə mbʉə-ɔ təkwiitia. 10Ɔ gɛ̀ shyíi bʉə ndə ghɔŋbə Jiso kə bɛ mɔʼɔ, ndʉʉ ndə bɔ̂ŋ kə́ lí bɔŋleʼ gwía. 11Bɔŋ ndʉʉ ndə bɔ̂ŋ kə yʉ́ mbɔ ɔ nɔʼ bʉ̀nə kóʼ, ɔ nɔʼ nyíɛ ɔŋ, təmə bɔ̂ŋ bɛ́ŋ nukə ndə ɔ kə gìe fɛ. 12Nubə-ɔ̄ŋ kʉ̂ʉ tíŋ, ɔ bʉ̀nə bìʼ fyú ntɛ kədɔŋ tʉ vâafɔʼɔ-bi bəbûu, ndə bɔ̂ŋ kə́ tòʼ gɛ̀ mu lɔʼɔ. 13Bɔ̂ŋ bʉ̀nə gɛ̀ shyíi bəʼkə, təmə bɔ̂ŋ bɛ́ŋ fɛ. 14Ɔ bʉ̀nə bìʼ fyú tʉ vâafɔʼɔ-bi njuɔ mɔʼ nə wuŋ ndʉʉ ndə bɔ̂ŋ kə dùʼtə ndəŋ tebele kə́ yú fɔbə, ɔ sɔ́ʼ bɔŋ bʉʼka məjínə-nubə leʼnə məshʉ́əhə-fyiihə-ʉə, bʉʼka bɔ̂ŋ kə bɛ́ŋ bʉə ndə bɔ̂ŋ kə nyíɛ ɔŋ ndʉʉ ndə ɔ nɔʼ kə kóʼ, gwè shyíi bɔŋ fɛ. 15Ɔ ghɔ̀ŋ tʉ bɔŋ mbɔ, “B̈ii gɛ̀ mu kəwʉʉnəmbi inchəŋ gɛ̀ lɔ̀ʼ ntəŋjyujyu chɔ tʉ bʉə bənchəŋ. 16Wotəmiyɔŋ ndə ɔ bɛ́ŋ, fí muu, bu kie ŋkwaaNyii, wotəmiyɔŋ ndə ɔ gòʼ təmə bɛ́ŋ fɛ nɔʼ gwù fɛʼɛ. 17Bʉə ndə bɔ̂ŋ bɛ́ŋ, nubəcheʼbə-ɔ̄ŋ bu gɛ̀ hə bɔ̌ŋ bɔŋ. Nə yie-ɔ, bɔ̂ŋ bu jə̀ŋ lyʉʉhəbʉəbʉəbə, kwə́ʼ ŋgie-bətə̂ŋ-fefe-bə. 18Bɔ̂ŋ bu yá yɔhə nə ghɔbə-ʉə, kaʼ bɔ̂ŋ nú ndyʉʼ shʉ́əshʉ́ə təmiyɔŋ i yi nukə nə bɔŋ fɛ, bɔ̂ŋ bu mɔ̀ʼ ghɔbə-ʉə ndəŋ bʉə-bəyɔʼ, bɔ̂ŋ bìi.”
19Nɔ, ndʉʉ ndə Jiso Tiekətʉ nɔʼ kwə́ʼ tʉ bɔŋ liʼ, bə lʉ̀ ɔ gɛ̀ nə nɔŋ yuo, ɔ dùʼ kwiiləŋ Nyii. 20Bɔ̂ŋ fyú gɛ̀ lɔ̀ʼ ŋgieNyiikə ndə yəŋbə inchəŋ, Tiekətʉ kə́ fɔ̀ʼ mu bɔŋ kə́ dʉ̀ʼ mbɔ mbʉ ntəŋ ndə bɔ̂ŋ tʉʼ téʼ nɔ bɛ shʉəŋ, nə nubəcheʼbə.]
ទើបបានជ្រើសរើសហើយ៖
Mak 16: bvm
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Mak 16
16
Məbʉ̀nə kóʼ
(Matia 28:1-8; Luk 24:1-12; Jɔŋ 20:1-10)
1Chîlɔʼkə kʉ̂ʉ tíŋ, Mɛli Matalina ghɔŋbə Mɛli ndə ɔ bɛ ŋkwê-Jɛŋ leʼnə Salomɛ nyúɔ ŋgwo-lùŋ-mə ndə məgɛ̀ yóʼ ŋkwukə-i nə yɔŋ. 2Kʉ̂ʉ bɛ ndʉʉsɛŋkə bətyuʼbətyuʼ ndəŋ fəŋ kəchî mu vyii mbi#16:2 Nɔ kə bɛ Sɔŋnde. ndə chichi sɔ́ʼ, bɔ̂ŋ gɛ̀ mbʉ chu-sě. 3Bɔ̂ŋ kə́ bíʼtə tʉ mbəŋtə-ʉə mbɔ, “Bu tʉ́ʉhə nda tʉ́ʉhə mbʉ ŋgoʼ ndə mbʉ chu-sě kɔ́ tʉ bʉʼʉ?” 4Bɔŋ ndʉʉ ndə bɔ̂ŋ dàa chɔ, kə́ chɔ̀ʼhə shʉtə-ʉə lɛ́nə, nyíɛ mbʉ ŋgoʼ ndə i kə gʉ́ə daa tʉ bə nɔʼ tʉ́ʉhə. 5Bɔ̂ŋ kʉ̂ʉ ŋíi mu mbʉ sě nyíɛ vaakəyɔwobɛʼ ɔ kə́ dùʼ kwiimɔʼnə, mɔ̀ʼ ndyi-kəfyuʼ-hə mbʉə-ɔ, i chíe chu-yʉə. 6Bɔŋ ɔ ghɔ̀ŋ tʉ bɔŋ mbɔ, “Kə i mə leʼ chàa bii fɛ, bii nɔ tʉʼ kʉ́ʉ Jiso ndə ɔ lɔ̀ hə Nasalɛ ndə bə kə kwɛ̀ŋ ɔŋ yí le. Ɔ nɔʼ bʉ̀nə kóʼ, ɔ kaa fɛ̄ŋ fɛ. B̈ii nyíɛ yəŋkə ndə bə kə mɔ̀ʼ ɔ chɔ. 7B̈ii gɛ̀ shyíi vâafɔʼɔ-bi leʼnə Bita mbɔ ɔ la tʉʼ gɛ̀ hə bəshʉ bii mu Galili. Bii bu nyíɛ ɔŋ chɔ haʼ ndə ɔ kə shyíi bii.”
8Bɔ̂ŋ fyú hə mu mbʉ sě nyʉ́ʉ bʉʼka ŋgwonəkə nɔʼ kə yá bɔŋ, chu-yʉə chíe, təmə bɔ̂ŋ gìe nubɛʼkə tʉ wotəmiyɔŋ fɛ bʉʼka bɔ̂ŋ nɔ kə kə́ fàa.
[Bəbɛʼbənduɔŋ bəŋwɔʼnə nɔ bìʼ yuhəbə 9-20 fɛ.] # 16:9 Mbyu-bəŋwɔʼnə-hə kəŋgie-Gili nɔ kie liʼ ntuŋntuŋ-ɔ̄ŋ: Bɔ̂ŋ fʉ̀ʼtə nubə-ɔ̄ŋ nchəŋnchəŋ-ɛŋ tʉ Bita ghɔŋbə bʉə-nuɔ-bi məniʼ. Yɔ̄ŋ-yə kʉ̂ʉ tíŋ, Jiso tə́ŋ bɔŋ mbi lʉ̀ hə kwii ndə chichi sɔ́ʼ chɔ tə gɛ̀ dàa kwii ndə chichi sʉ́ʉ chɔ chusii-ɔ, bɔ̂ŋ kə́ tòʼ lɔ̀ʼ ntəŋ te ŋkwaaNyii ndə i bɛ ŋkʉʉ təmə kyinə mɔ̀ʼ wo sê fɛ bɔŋ-kə́-leʼ kɔ́ məchímbi təmə liʼ-i ghɔ fɛ.
Jiso fyú tʉ Mɛli Matalina
(Matia 28:9-10,16-20; Luk 24:13-49; Jɔŋ 20:11-23; Fɔʼɔ 1:6-8)
9[Jiso kʉ̂ʉ kóʼ ndʉʉsɛŋkə bətyuʼbətyuʼ ndə fəŋ kəchî mu vyii mbi, fəŋ fyú tʉ Mɛli Matalina ndə ɔ nɔʼ kə jə̀ŋ lyʉʉhəbʉəbʉəbə mbʉə-ɔ təkwiitia. 10Ɔ gɛ̀ shyíi bʉə ndə ghɔŋbə Jiso kə bɛ mɔʼɔ, ndʉʉ ndə bɔ̂ŋ kə́ lí bɔŋleʼ gwía. 11Bɔŋ ndʉʉ ndə bɔ̂ŋ kə yʉ́ mbɔ ɔ nɔʼ bʉ̀nə kóʼ, ɔ nɔʼ nyíɛ ɔŋ, təmə bɔ̂ŋ bɛ́ŋ nukə ndə ɔ kə gìe fɛ. 12Nubə-ɔ̄ŋ kʉ̂ʉ tíŋ, ɔ bʉ̀nə bìʼ fyú ntɛ kədɔŋ tʉ vâafɔʼɔ-bi bəbûu, ndə bɔ̂ŋ kə́ tòʼ gɛ̀ mu lɔʼɔ. 13Bɔ̂ŋ bʉ̀nə gɛ̀ shyíi bəʼkə, təmə bɔ̂ŋ bɛ́ŋ fɛ. 14Ɔ bʉ̀nə bìʼ fyú tʉ vâafɔʼɔ-bi njuɔ mɔʼ nə wuŋ ndʉʉ ndə bɔ̂ŋ kə dùʼtə ndəŋ tebele kə́ yú fɔbə, ɔ sɔ́ʼ bɔŋ bʉʼka məjínə-nubə leʼnə məshʉ́əhə-fyiihə-ʉə, bʉʼka bɔ̂ŋ kə bɛ́ŋ bʉə ndə bɔ̂ŋ kə nyíɛ ɔŋ ndʉʉ ndə ɔ nɔʼ kə kóʼ, gwè shyíi bɔŋ fɛ. 15Ɔ ghɔ̀ŋ tʉ bɔŋ mbɔ, “B̈ii gɛ̀ mu kəwʉʉnəmbi inchəŋ gɛ̀ lɔ̀ʼ ntəŋjyujyu chɔ tʉ bʉə bənchəŋ. 16Wotəmiyɔŋ ndə ɔ bɛ́ŋ, fí muu, bu kie ŋkwaaNyii, wotəmiyɔŋ ndə ɔ gòʼ təmə bɛ́ŋ fɛ nɔʼ gwù fɛʼɛ. 17Bʉə ndə bɔ̂ŋ bɛ́ŋ, nubəcheʼbə-ɔ̄ŋ bu gɛ̀ hə bɔ̌ŋ bɔŋ. Nə yie-ɔ, bɔ̂ŋ bu jə̀ŋ lyʉʉhəbʉəbʉəbə, kwə́ʼ ŋgie-bətə̂ŋ-fefe-bə. 18Bɔ̂ŋ bu yá yɔhə nə ghɔbə-ʉə, kaʼ bɔ̂ŋ nú ndyʉʼ shʉ́əshʉ́ə təmiyɔŋ i yi nukə nə bɔŋ fɛ, bɔ̂ŋ bu mɔ̀ʼ ghɔbə-ʉə ndəŋ bʉə-bəyɔʼ, bɔ̂ŋ bìi.”
19Nɔ, ndʉʉ ndə Jiso Tiekətʉ nɔʼ kwə́ʼ tʉ bɔŋ liʼ, bə lʉ̀ ɔ gɛ̀ nə nɔŋ yuo, ɔ dùʼ kwiiləŋ Nyii. 20Bɔ̂ŋ fyú gɛ̀ lɔ̀ʼ ŋgieNyiikə ndə yəŋbə inchəŋ, Tiekətʉ kə́ fɔ̀ʼ mu bɔŋ kə́ dʉ̀ʼ mbɔ mbʉ ntəŋ ndə bɔ̂ŋ tʉʼ téʼ nɔ bɛ shʉəŋ, nə nubəcheʼbə.]
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.