Mak 11
11
Jiso sʉ̀ʉnə mu Jɛlosalɛŋ ndə məsɛ́ʼ ŋgʉʼʉ
(Matia 21:1-11; Luk 19:28-40; Jɔŋ 12:12-19)
1Ndʉʉ ndə Jiso ghɔŋbə vâafɔʼɔ-bi gɛ̀ tə kə́ kə́ŋhə Jɛlosalɛŋ, mbʉə Befe ghɔŋbə Bɛtani ndə i kə bɛ mbʉə Kwɔŋ-bəTyʉ-Oli, Jiso tə́ŋ vâafɔʼɔ-bi bəbûu, 2ghɔ̀ŋ tʉ bɔŋ mbɔ, “B̈ii gɛ̀ mu lɔʼɔ-fīi bəshʉ bii le, haʼ ndə bii tʉʼ sʉ́ʉ nɔ, bii bu nyíɛ vaaŋgwɔŋ-jakashi ndə bə chyúu ɔ, təmə wo nɔʼ nə kóʼ ndəŋ ɔŋ fɛ. B̈ii yɔ̀ʼ ɔ gwè nə nɔŋ. 3Kaʼ wo bíʼtə tʉ bii mbɔ, ‘Bii tʉʼ yɔ̀ʼ ɔ bʉʼka ka?’ B̈ii ghɔ̀ŋ mbɔ, ‘Mbʉ Tiekətʉ nɔ kie fɔʼɔ nə yɔŋ, bɔŋ-bu-leʼ byʉ̀hə kɔ́ fɛ̄ŋ haʼ ndʉʉ ndə ɔ liʼ.’ ” 4Bɔ̂ŋ lɔ̀ gɛ̀, gɛ̀ nyíɛ vaaŋgwɔŋ-jakashi ndə bə chyúu ɔ mbʉə chusiibɛʼ kəmbia fia, bɔ̂ŋ yɔ̀ʼ ɔ. 5Bʉəbɛʼbə ndə bɔ̂ŋ kə́ nyíɛ bɔŋ ghɔ̀ŋ tʉ bɔŋ mbɔ, “Bii tʉʼ yì ka, bii tʉʼ yɔ̀ʼ bə mbʉ vaaŋgwɔŋ-jakashi mɛ?” 6Bɔ̂ŋ shyíi bɔŋ nə nukə ndə mbʉ Jiso kə ghɔŋ, bɔ̂ŋ mɛ̀ʼtə bɔŋ, mbɔ b̈ɔ̂ŋ gɛ̀ nə yɔŋ. 7Bɔ̂ŋ gwè nə mbʉ vaaŋgwɔŋ-jakashi tʉ Jiso, gwè shùɔ ndyi-fəʼə-hə-ʉə sɛ̀nə ndəŋ mbʉ jakashi, ɔ kóʼ dùʼ ndəŋ ghɔ. 8Bʉə buŋmbi kə́ sɛ̀nə ndyi-fəʼə-hə-ʉə sêfia, bəbɛʼbə sɛ̀nə yuu-tɛ́ŋ-bə sêfia ndə bɔ̂ŋ bə́ʼtə muŋkɔ. 9Bʉə ndə bɔ̂ŋ kə́ gɛ̀ hə bəshʉ ghɔŋbə bʉə ndə bɔ̂ŋ kə́ gwè hə bɔ̌ŋ kə́ tòʼ tíitə ghɔ̀ŋ mbɔ,
“Osana!#11:9 “Osana” nɔ bɛ ŋgie-Hibulu-kə ndə i bɛ mbɔ, “N̈yii kwáa baʼa nduɔ,” bɔŋ ndə mbi kə kwɛ̀ʼtə gɛ̀ bɛ mbɔ “Bʉʼʉ lə̀ʼtə Nyii.”
Tə Nyii bìʼ wo ndə ɔ gwè yie-Tiekətʉ!#11:9 Ŋwɔʼnə-təLyuu 118:25-26.
10N̈yii bìʼ sɔ́ʼ-tie-yʉʼʉ-Dɛbi ndə i tʉʼ gwè!
B̈ə kɔ́ kuŋhə tʉ Nyii gɛ̀ tə dàa liʼ yuo!”
11Ɔ ŋíi mu Jɛlosalɛŋ gɛ̀ ŋíi mu chunjaafɛ̀ʼndɛŋNyii. Ndʉʉ ndə ɔ nɔʼ lɛ́nə fɔbə inchəŋ, bʉʼka mbi nɔʼ kə gɛ̀ dàa, ɔ fyú gɛ̀ Bɛtani ghɔŋbə vâafɔʼɔ-bi njuɔ bûu nə wuŋ.
Jiso chɛ̀ŋ tyʉ-fik-kə
(Matia 21:18-19)
12Mbi kʉ̂ʉ sɛŋ fíi, ndʉʉ ndə bɔ̂ŋ bʉ̀nə hə Bɛtani, jyʉʉ yɔ́ʼ ɔ. 13Ɔ dùhə nyíɛ tyʉbɛʼkə ndə bə kə́ tíi nə tyʉ-fik-kə dɔdɔ ndə i nɔʼ fyùʼtə, ɔ kwɛ̀ʼtə gɛ̀ lɛ́nə ndə mənyíɛ mbɔ bəkɔ ɔ nyíɛ ntɔŋmə kətʉ-ghɔ̄ mɛɛ. Ndʉʉ ndə ɔ gɛ̀ dàa chɔ, təmə nyíɛ fɔkə fɛ, yaʼkɛŋ fyuŋbə, bʉʼka ndʉʉ kʉʉnə-i nɔʼ kə kʉ̀ʼnə fɛ. 14Jiso ghɔ̀ŋ tʉ mbʉ kətyʉ mbɔ, “Kə wo mə leʼnə bìʼ yú ntɔŋmə ndəŋ aŋ fɛ.” Vâafɔʼɔ-bi yʉ́.
Jiso sʉ̀ mu njaafɛ̀ʼndɛŋNyii
(Matia 12:12-17; Luk 19:45-48; Jɔŋ 2:13-22)
15Bɔ̂ŋ kʉ̂ʉ gwè dàa Jɛlosalɛŋ, ɔ ŋíi mu chunjaafɛ̀ʼndɛŋNyii chʉ́ʉhə kə́ jə̀ŋ bʉə ndə bɔ̂ŋ tʉʼ fɛ̀ŋ fɔbə ghɔŋbə bʉə ndə bɔ̂ŋ tʉʼ nyúɔ fɔbə, kíahə bətebele-bʉə ndə bɔ̂ŋ tʉʼ kwɛ́nə kyʉə ghɔŋbə fɔŋ-bʉə-bə ndə bɔ̂ŋ tʉʼ fɛ̀ŋ bətambʉətə kwóhə sê. 16Təmə ɔ bɔŋ mɛ̀ʼtə wotəmiyɔŋ ɔ bɛ̀ʼ fɔkə tíŋ nə yɔŋ mu chunjaafɛ̀ʼndɛŋNyii fɛ. 17Ɔ kə́ dàhə bɔŋ, kə́ ghɔ̀ŋ tʉ bɔŋ mbɔ, “Bə nɔ nyɔ̀ʼ mu ŋwɔʼnə-Nyii mbɔ, ‘Bə bu kə́ tíi njaa-ɔ̄ nə njaagháaNyii tʉ lɔʼ-bətə̂ŋ-tə inchəŋ’ fe? Bɔŋ bii nɔʼ lʉ̀ i bə̀ŋ chəŋ-bəlʉʼʉ-shùɔ-bʉə.” 18Mbʉ bətiefɛ̀ʼndɛŋNyii ghɔŋbə bʉə dàhə nuʼ-Mushi yʉ́ yɔ̄ŋ-yə, kə́ kʉ́ʉ fia ndə məyí ɔ, bʉʼka bɔ̂ŋ nɔ kə kə́ fàa ɔ bʉʼka i nɔ kə chíe chu bʉə bənchəŋ ndə ntɛ ndə ɔ nə kə́ dàhə. 19Kʉ̂ʉ bɛ ndʉʉbuumbi, bɔ̂ŋ fyú hə mu mbʉ kəyəŋkwɛʼtəŋ.
Nukə ndə mbʉ kətyʉ-fik tʉʼ dàhə
(Matia 21:20-22)
20Bɔ̂ŋ kʉ̂ʉ tíŋ ndʉʉsɛŋkə, tʉ mbʉ kətyʉ-fik nɔʼ yə́ŋ tə kɔ́ ndə ghûutə-i. 21Bita kwɛ́nə, gìe tʉ ɔŋ mbɔ, “Chicha, nyíɛ! Tyʉ-fik-kə-īŋ ndə a kə chɛ̀ŋ le, nɔʼ yəŋ.” 22Jiso bə̀ŋhə tʉ bɔŋ mbɔ, “B̈ii mɔ̀ʼfyiihə-ii ndəŋ Nyii. 23Shʉəŋshʉəŋ, m̈ɔ shyíi bii mbɔ, wotəmiyɔŋ ndə ɔ gìe tʉ kwɔŋ mbɔ, ‘Sòʼ ŋwɔŋ-aŋ gɛ̀ gwù mu muukwɛʼtəŋmə,’ təmə jínə mu fyii-ɔ fɛ, bɔŋ bɛ́ŋ mbɔ nukə ndə ɔ gìe bu fyú shʉəŋ, bə bu fɔ̀ʼ tʉ ɔŋ. 24Ndə nɔ, nukə təmiyɔŋ ndə bii bíʼtə hə kəghɔ-Nyii, b̈ii bɛ́ŋ mu fyii-bii mbɔ bii la nɔʼ kie, i bu bɛ yii-yə. 25Ndʉʉtəmiyɔŋ ndə bii tə́nə kə́ gháaNyii, b̈ii sʉ̀fyiihə-ii hə ndəŋ bʉ̂ʼ-bəbɛʼbʉə-tə ndə bɔŋ chìi tʉ bii kə mbɔ Tie-yii ndə ɔ bɛ yuo, bu sʉ̀fyii-i ndə yii-yə bʉ̂ʼʉ ghɔ.” 26[Bɔŋ kaʼ bii gòʼ təmə sʉ̀fyiihə-ii hə ndəŋ bʉ̂ʼ-bəbɛʼbʉə-tə fɛ, Tie-yii ndə ɔ bɛ yuo kʉʉ sʉ̀fyii-i hə ndəŋ yii-yə bʉ̂ʼtə fɛ.]
Bə dʉ̀ʉhə ghʉəʼ-Jiso-kə
(Matia 21:23-27; Luk 20:1-8)
27Bɔ̂ŋ bìʼ gwè Jɛlosalɛŋ. Ndə ɔ kə́ tòʼ mu chunjaafɛ̀ʼndɛŋNyii, bətiefɛ̀ʼndɛŋNyii leʼnə bʉə dàhə nuʼ-Mushi leʼnə bəntəŋbəshʉ gwè tʉ ɔŋ, 28bíʼtə tʉ ɔŋ mbɔ, “A tʉʼ fɔ̀ʼ nubə-ɔ̄ŋ nə ghʉəʼ-nda-kə? Byuunɔ, kɔ́ nda kɔ́ ghʉəʼkə tʉ a ndə mə-kə́-fɔ̀ʼ nubə-ɔ̄ŋ?” 29Jiso ghɔ̀ŋ tʉ bɔŋ mbɔ, “Mɔ bu bíʼtə mbyu kənu tʉ bii imɔʼ, bii bə̀ŋhə tʉ mɔ, mbəŋ-ɔŋ buŋ shyíi bii ghɔ nə yəŋkə ndə mɔ lʉ̀ ghʉəʼkə-ɔŋ chɔ ndə məfɔ̀ʼ nubə-ɔ̄ŋ. 30Jɔŋ nə kə́ báa bʉə muu le, ghʉəʼkə-i kə́ lɔ̀ hə yuo mɛ, kə hə kəghɔ-bʉə-məsʉʉ? B̈ii bə̀ŋhə mɔ.” 31Bɔ̂ŋ jìʼtə mbʉ kənu-ghɔ̄ mu bɔŋ, kə́ ghɔ̀ŋ mbɔ, “Kaʼ bʉʼʉ ghɔ̀ŋ mbɔ, ‘I kə lɔ̀ hə yuo,’ ɔ bu ghɔ̀ŋ mbɔ, ‘Kə chìi ka təmə bii bɛ́ŋ ɔŋ fɛ?’ 32Bɔŋ kaʼ bʉʼʉ ghɔ̀ŋ mbɔ, ‘I nɔ nə lɔ̀ hə kəghɔ-bʉə-məsʉʉ’? Heee.” Bɔ̂ŋ nɔ kə́ fàa mbʉ bʉə, bʉʼka bʉə bənchəŋ nɔ nə yá mu kətʉ-bɔŋ mbɔ Jɔŋ la kə bɛ yʉkəŋgieNyii. 33Nɔ, bɔ̂ŋ bə̀ŋhə tʉ Jiso mbɔ, “Baʼa kínə fɛ.” Jiso gìe tʉ bɔŋ mbɔ, “Yɔŋ mbəŋ ghɔ kʉʉ shyíi bii nə yəŋkə ndə ghʉəʼkə-ɔŋ lɔ̀ hə chɔ ndə məfɔ̀ʼ nubə-ɔ̄ŋ fɛ.”
ទើបបានជ្រើសរើសហើយ៖
Mak 11: bvm
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Mak 11
11
Jiso sʉ̀ʉnə mu Jɛlosalɛŋ ndə məsɛ́ʼ ŋgʉʼʉ
(Matia 21:1-11; Luk 19:28-40; Jɔŋ 12:12-19)
1Ndʉʉ ndə Jiso ghɔŋbə vâafɔʼɔ-bi gɛ̀ tə kə́ kə́ŋhə Jɛlosalɛŋ, mbʉə Befe ghɔŋbə Bɛtani ndə i kə bɛ mbʉə Kwɔŋ-bəTyʉ-Oli, Jiso tə́ŋ vâafɔʼɔ-bi bəbûu, 2ghɔ̀ŋ tʉ bɔŋ mbɔ, “B̈ii gɛ̀ mu lɔʼɔ-fīi bəshʉ bii le, haʼ ndə bii tʉʼ sʉ́ʉ nɔ, bii bu nyíɛ vaaŋgwɔŋ-jakashi ndə bə chyúu ɔ, təmə wo nɔʼ nə kóʼ ndəŋ ɔŋ fɛ. B̈ii yɔ̀ʼ ɔ gwè nə nɔŋ. 3Kaʼ wo bíʼtə tʉ bii mbɔ, ‘Bii tʉʼ yɔ̀ʼ ɔ bʉʼka ka?’ B̈ii ghɔ̀ŋ mbɔ, ‘Mbʉ Tiekətʉ nɔ kie fɔʼɔ nə yɔŋ, bɔŋ-bu-leʼ byʉ̀hə kɔ́ fɛ̄ŋ haʼ ndʉʉ ndə ɔ liʼ.’ ” 4Bɔ̂ŋ lɔ̀ gɛ̀, gɛ̀ nyíɛ vaaŋgwɔŋ-jakashi ndə bə chyúu ɔ mbʉə chusiibɛʼ kəmbia fia, bɔ̂ŋ yɔ̀ʼ ɔ. 5Bʉəbɛʼbə ndə bɔ̂ŋ kə́ nyíɛ bɔŋ ghɔ̀ŋ tʉ bɔŋ mbɔ, “Bii tʉʼ yì ka, bii tʉʼ yɔ̀ʼ bə mbʉ vaaŋgwɔŋ-jakashi mɛ?” 6Bɔ̂ŋ shyíi bɔŋ nə nukə ndə mbʉ Jiso kə ghɔŋ, bɔ̂ŋ mɛ̀ʼtə bɔŋ, mbɔ b̈ɔ̂ŋ gɛ̀ nə yɔŋ. 7Bɔ̂ŋ gwè nə mbʉ vaaŋgwɔŋ-jakashi tʉ Jiso, gwè shùɔ ndyi-fəʼə-hə-ʉə sɛ̀nə ndəŋ mbʉ jakashi, ɔ kóʼ dùʼ ndəŋ ghɔ. 8Bʉə buŋmbi kə́ sɛ̀nə ndyi-fəʼə-hə-ʉə sêfia, bəbɛʼbə sɛ̀nə yuu-tɛ́ŋ-bə sêfia ndə bɔ̂ŋ bə́ʼtə muŋkɔ. 9Bʉə ndə bɔ̂ŋ kə́ gɛ̀ hə bəshʉ ghɔŋbə bʉə ndə bɔ̂ŋ kə́ gwè hə bɔ̌ŋ kə́ tòʼ tíitə ghɔ̀ŋ mbɔ,
“Osana!#11:9 “Osana” nɔ bɛ ŋgie-Hibulu-kə ndə i bɛ mbɔ, “N̈yii kwáa baʼa nduɔ,” bɔŋ ndə mbi kə kwɛ̀ʼtə gɛ̀ bɛ mbɔ “Bʉʼʉ lə̀ʼtə Nyii.”
Tə Nyii bìʼ wo ndə ɔ gwè yie-Tiekətʉ!#11:9 Ŋwɔʼnə-təLyuu 118:25-26.
10N̈yii bìʼ sɔ́ʼ-tie-yʉʼʉ-Dɛbi ndə i tʉʼ gwè!
B̈ə kɔ́ kuŋhə tʉ Nyii gɛ̀ tə dàa liʼ yuo!”
11Ɔ ŋíi mu Jɛlosalɛŋ gɛ̀ ŋíi mu chunjaafɛ̀ʼndɛŋNyii. Ndʉʉ ndə ɔ nɔʼ lɛ́nə fɔbə inchəŋ, bʉʼka mbi nɔʼ kə gɛ̀ dàa, ɔ fyú gɛ̀ Bɛtani ghɔŋbə vâafɔʼɔ-bi njuɔ bûu nə wuŋ.
Jiso chɛ̀ŋ tyʉ-fik-kə
(Matia 21:18-19)
12Mbi kʉ̂ʉ sɛŋ fíi, ndʉʉ ndə bɔ̂ŋ bʉ̀nə hə Bɛtani, jyʉʉ yɔ́ʼ ɔ. 13Ɔ dùhə nyíɛ tyʉbɛʼkə ndə bə kə́ tíi nə tyʉ-fik-kə dɔdɔ ndə i nɔʼ fyùʼtə, ɔ kwɛ̀ʼtə gɛ̀ lɛ́nə ndə mənyíɛ mbɔ bəkɔ ɔ nyíɛ ntɔŋmə kətʉ-ghɔ̄ mɛɛ. Ndʉʉ ndə ɔ gɛ̀ dàa chɔ, təmə nyíɛ fɔkə fɛ, yaʼkɛŋ fyuŋbə, bʉʼka ndʉʉ kʉʉnə-i nɔʼ kə kʉ̀ʼnə fɛ. 14Jiso ghɔ̀ŋ tʉ mbʉ kətyʉ mbɔ, “Kə wo mə leʼnə bìʼ yú ntɔŋmə ndəŋ aŋ fɛ.” Vâafɔʼɔ-bi yʉ́.
Jiso sʉ̀ mu njaafɛ̀ʼndɛŋNyii
(Matia 12:12-17; Luk 19:45-48; Jɔŋ 2:13-22)
15Bɔ̂ŋ kʉ̂ʉ gwè dàa Jɛlosalɛŋ, ɔ ŋíi mu chunjaafɛ̀ʼndɛŋNyii chʉ́ʉhə kə́ jə̀ŋ bʉə ndə bɔ̂ŋ tʉʼ fɛ̀ŋ fɔbə ghɔŋbə bʉə ndə bɔ̂ŋ tʉʼ nyúɔ fɔbə, kíahə bətebele-bʉə ndə bɔ̂ŋ tʉʼ kwɛ́nə kyʉə ghɔŋbə fɔŋ-bʉə-bə ndə bɔ̂ŋ tʉʼ fɛ̀ŋ bətambʉətə kwóhə sê. 16Təmə ɔ bɔŋ mɛ̀ʼtə wotəmiyɔŋ ɔ bɛ̀ʼ fɔkə tíŋ nə yɔŋ mu chunjaafɛ̀ʼndɛŋNyii fɛ. 17Ɔ kə́ dàhə bɔŋ, kə́ ghɔ̀ŋ tʉ bɔŋ mbɔ, “Bə nɔ nyɔ̀ʼ mu ŋwɔʼnə-Nyii mbɔ, ‘Bə bu kə́ tíi njaa-ɔ̄ nə njaagháaNyii tʉ lɔʼ-bətə̂ŋ-tə inchəŋ’ fe? Bɔŋ bii nɔʼ lʉ̀ i bə̀ŋ chəŋ-bəlʉʼʉ-shùɔ-bʉə.” 18Mbʉ bətiefɛ̀ʼndɛŋNyii ghɔŋbə bʉə dàhə nuʼ-Mushi yʉ́ yɔ̄ŋ-yə, kə́ kʉ́ʉ fia ndə məyí ɔ, bʉʼka bɔ̂ŋ nɔ kə kə́ fàa ɔ bʉʼka i nɔ kə chíe chu bʉə bənchəŋ ndə ntɛ ndə ɔ nə kə́ dàhə. 19Kʉ̂ʉ bɛ ndʉʉbuumbi, bɔ̂ŋ fyú hə mu mbʉ kəyəŋkwɛʼtəŋ.
Nukə ndə mbʉ kətyʉ-fik tʉʼ dàhə
(Matia 21:20-22)
20Bɔ̂ŋ kʉ̂ʉ tíŋ ndʉʉsɛŋkə, tʉ mbʉ kətyʉ-fik nɔʼ yə́ŋ tə kɔ́ ndə ghûutə-i. 21Bita kwɛ́nə, gìe tʉ ɔŋ mbɔ, “Chicha, nyíɛ! Tyʉ-fik-kə-īŋ ndə a kə chɛ̀ŋ le, nɔʼ yəŋ.” 22Jiso bə̀ŋhə tʉ bɔŋ mbɔ, “B̈ii mɔ̀ʼfyiihə-ii ndəŋ Nyii. 23Shʉəŋshʉəŋ, m̈ɔ shyíi bii mbɔ, wotəmiyɔŋ ndə ɔ gìe tʉ kwɔŋ mbɔ, ‘Sòʼ ŋwɔŋ-aŋ gɛ̀ gwù mu muukwɛʼtəŋmə,’ təmə jínə mu fyii-ɔ fɛ, bɔŋ bɛ́ŋ mbɔ nukə ndə ɔ gìe bu fyú shʉəŋ, bə bu fɔ̀ʼ tʉ ɔŋ. 24Ndə nɔ, nukə təmiyɔŋ ndə bii bíʼtə hə kəghɔ-Nyii, b̈ii bɛ́ŋ mu fyii-bii mbɔ bii la nɔʼ kie, i bu bɛ yii-yə. 25Ndʉʉtəmiyɔŋ ndə bii tə́nə kə́ gháaNyii, b̈ii sʉ̀fyiihə-ii hə ndəŋ bʉ̂ʼ-bəbɛʼbʉə-tə ndə bɔŋ chìi tʉ bii kə mbɔ Tie-yii ndə ɔ bɛ yuo, bu sʉ̀fyii-i ndə yii-yə bʉ̂ʼʉ ghɔ.” 26[Bɔŋ kaʼ bii gòʼ təmə sʉ̀fyiihə-ii hə ndəŋ bʉ̂ʼ-bəbɛʼbʉə-tə fɛ, Tie-yii ndə ɔ bɛ yuo kʉʉ sʉ̀fyii-i hə ndəŋ yii-yə bʉ̂ʼtə fɛ.]
Bə dʉ̀ʉhə ghʉəʼ-Jiso-kə
(Matia 21:23-27; Luk 20:1-8)
27Bɔ̂ŋ bìʼ gwè Jɛlosalɛŋ. Ndə ɔ kə́ tòʼ mu chunjaafɛ̀ʼndɛŋNyii, bətiefɛ̀ʼndɛŋNyii leʼnə bʉə dàhə nuʼ-Mushi leʼnə bəntəŋbəshʉ gwè tʉ ɔŋ, 28bíʼtə tʉ ɔŋ mbɔ, “A tʉʼ fɔ̀ʼ nubə-ɔ̄ŋ nə ghʉəʼ-nda-kə? Byuunɔ, kɔ́ nda kɔ́ ghʉəʼkə tʉ a ndə mə-kə́-fɔ̀ʼ nubə-ɔ̄ŋ?” 29Jiso ghɔ̀ŋ tʉ bɔŋ mbɔ, “Mɔ bu bíʼtə mbyu kənu tʉ bii imɔʼ, bii bə̀ŋhə tʉ mɔ, mbəŋ-ɔŋ buŋ shyíi bii ghɔ nə yəŋkə ndə mɔ lʉ̀ ghʉəʼkə-ɔŋ chɔ ndə məfɔ̀ʼ nubə-ɔ̄ŋ. 30Jɔŋ nə kə́ báa bʉə muu le, ghʉəʼkə-i kə́ lɔ̀ hə yuo mɛ, kə hə kəghɔ-bʉə-məsʉʉ? B̈ii bə̀ŋhə mɔ.” 31Bɔ̂ŋ jìʼtə mbʉ kənu-ghɔ̄ mu bɔŋ, kə́ ghɔ̀ŋ mbɔ, “Kaʼ bʉʼʉ ghɔ̀ŋ mbɔ, ‘I kə lɔ̀ hə yuo,’ ɔ bu ghɔ̀ŋ mbɔ, ‘Kə chìi ka təmə bii bɛ́ŋ ɔŋ fɛ?’ 32Bɔŋ kaʼ bʉʼʉ ghɔ̀ŋ mbɔ, ‘I nɔ nə lɔ̀ hə kəghɔ-bʉə-məsʉʉ’? Heee.” Bɔ̂ŋ nɔ kə́ fàa mbʉ bʉə, bʉʼka bʉə bənchəŋ nɔ nə yá mu kətʉ-bɔŋ mbɔ Jɔŋ la kə bɛ yʉkəŋgieNyii. 33Nɔ, bɔ̂ŋ bə̀ŋhə tʉ Jiso mbɔ, “Baʼa kínə fɛ.” Jiso gìe tʉ bɔŋ mbɔ, “Yɔŋ mbəŋ ghɔ kʉʉ shyíi bii nə yəŋkə ndə ghʉəʼkə-ɔŋ lɔ̀ hə chɔ ndə məfɔ̀ʼ nubə-ɔ̄ŋ fɛ.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.