Mak 1
1
Nyii nɔ kə tə́ŋ Jɔŋ ndə ɔ̃ kɔ́ muu ndə məshʉ̀tə fyii-bʉə-hə te məgwè Jiso
(Matia 3:1-12; Luk 3:1-18; Jɔŋ 1:19-28)
1Nɔ bɛ nchʉʉhə ntəŋjyujyu te Jiso Klai nɔ, ndə ɔ bɛ VaaNyii.#1:1 Bəbɛʼbəŋwɔʼnə kəŋgie-Gili nɔ mɔ̀ʼ ndə ɔ bɛ VaaNyii chɔ fɛ.
2Bə nɔ nyɔ̀ʼ mu ŋwɔʼnə-Adaya yʉkəŋgieNyii#1:2 Bəbɛʼbəŋwɔʼnə kəŋgie-Gili nɔ mɔ̀ʼ tíŋ hə bɔ̌ŋ bʉəyʉkəŋgieNyii. mbɔ,
“B̈ii nyíɛ, mɔ bu tə́ŋ wontəŋ-ɔŋ, ɔ kə́ gɛ̀ hə bəshʉ a,
ndə ɔ bu shʉ̀tə fia tʉ a bəshʉ.#1:2 Malakai 3:1.
3Gyʉʉ-wobɛʼ nɔ tʉʼ tíi mu kwɔŋkəyəŋnə#1:3 Kwɔŋkəyəŋnə fɛ̄ŋ nɔ tʉʼ dʉ̀ʼ yəŋkə ndə i yə̀ŋhə daa təmə muu kə́ bɛ chɔ fɛ, təmə fɔyubə kə́ bʉ̀ʉ chɔ fɛ. kə́ ghɔ̀ŋ mbɔ, ‘B̈ii shʉ̀tə fia Tiekətʉ, b̈ii shʉ̀tə fiatə-i, ï tə́nə ndyʉndyʉ.’ ”#1:3 Adaya 40:3.
4Jɔŋ nɔ nə gwè, bʉə kə́ fí muu kəghɔ-ɔ kwɔŋkəyəŋnə, ɔ bɔŋ-kə́-leʼ lɔ̀ʼ mbɔ b̈ʉə la fí muu ndə mədʉ̀ʼ mbɔ bɔ̂ŋ nɔʼ shìe liɛŋtə-ʉə ndəŋ bʉ̂ʼtə-ʉə, gwè tʉ Nyii bə bɔŋleʼ sʉ̀fyii hə ndəŋ mbʉ təbʉ̂ʼ. 5Bʉə bənchəŋ mu Judia leʼnə Jɛlosalɛŋ kə́ fyútə gwè tʉ ɔŋ, gwía fyùufyùu ndəŋ bʉ̂ʼtə-ʉə, kə́ fí muu kəghɔ-ɔ mu ŋgwɛŋ Jodaŋ. 6J̃ɔŋ nɔ kə mɔ̀ʼ ndyi mbʉə-ɔ ndə bə túŋ nə nyu-nyaabɛʼ-hə ndə bə kə́ tíi ɔ nə kamɛ, bɔŋleʼ kə́ kɔ́ʼ kwɔkə tʉʉ-ɔ ndə bə chìi nə gwo-nyaa, fɔyubə-i kə́ bɛ ŋgwehə leʼnə yʉʉ-mu-ŋkɔ-hə. 7Ɔ kə́ lɔ̀ʼ ŋgieNyiikə ghɔ̀ŋ mbɔ, “Wo ndə ɔ bu gwè hə bɔ̌ŋ mɔ nɔ shʉ́ə chàa mɔ, mɔ buŋ kʉ̀ʼnə wo ndə məbʉ́ʉnə bəshʉ ɔ, yɔ̀ʼ ghyʉʉ-bətakwu-tə-i fɛ. 8Bii nɔ tʉʼ fí muu kəghɔ-mɔ, bɔŋ bii bu fí bə LyʉʉhəNyiikə hə kəghɔ mbəŋ-ɛŋ.”
Ntɛ məfì muu ndə Jiso nə fí
(Matia 3:13-17; Luk 3:21-22)
9Nɔ nə bɛ mu bəchî-ghɔ̄, Jiso lɔ̀ hə Nasalɛ mu Galili, gwè fí muu hə kəghɔ-Jɔŋ ndə ɔ̃ kɔ́ muu mu ŋgwɛŋ Jodaŋ. 10Haʼ ndʉʉmɛ, ndə ɔ kóʼ mu muu, ɔ nyíɛ yuo kə́ ŋɔ́ʼnə, LyʉʉhəNyiikə shíʼ gwè, gwè dùʼ ndəŋ ɔŋ, kie mbʉə bɛ nə tambʉətə. 11Gyʉʉ fyú hə yuo ghɔ̀ŋ mbɔ, “A nɔ bɛ vaa-ɔŋ ndə mɔ kʉ̀ʉ daa, tʉʉ-ɔ nɔ bʉ̀ʉ ndəŋ aŋ jyujyu.”
Bə mùutə Jiso nə nubə ndə ĩ chìi wo chìi bʉ̂ʼʉ
(Matia 4:1-11; Luk 4:1-13)
12Haʼ ndʉʉmɛ, LyʉʉhəNyiikə chóʼ Jiso, ɔ fyú gɛ̀ mu kwɔŋkəyəŋnə. 13Ɔ bɛ mu kwɔŋkəyəŋnə ndə chîbə wuŋ kwi, Sata kə́ mùutə ɔŋ chɔ mbɔ ɔ gwù mu bʉ̂ʼʉ. Ɔ bɔŋ-kə́-leʼ bɛ chɔ ghɔŋbə nyaa-muŋkɔ-hə, bʉəntəŋNyii kə́ fɔ̀ʼ tʉ ɔŋ.
Jiso chʉ́ʉhə fɔʼɔ-ɛ
(Matia 4:12-17; Luk 4:14-15)
14Ndʉʉ ndə bə kə yá Jɔŋ fʉ̀əŋ chaŋ, Jiso gwè mu Galili, kə́ lɔ̀ʼ ntəŋjyujyu Nyii, 15kə́ ghɔ̀ŋ mbɔ, “Mbʉ ndʉʉ nɔʼ kʉ̀ʼnə tʉ Nyii ndə məsɔ́ʼ bii ndə fɔŋ, b̈ii shìe liɛŋtə-ii hə ndəŋ bʉ̂ʼtə-ii bɔŋleʼ bɛ́ŋ mbʉ ntəŋjyujyu.”
Jiso tíi fəŋ vâafɔʼɔ
(Matia 4:18-22; Luk 5:1-11)
16Nɔ nə bɛ yɔŋbɛʼ Jiso kə́ tòʼ ŋgwuu taanə-kəghəŋ-kə Galili, nyíɛ Samu ghɔŋ Andolo liŋ-iŋ, bɔ̂ŋ kə́ mɔ̀ʼ kasinɛ mu mbʉ kətaanə-kəghəŋ bʉʼka bɔ̂ŋ nɔ nə bɛ bənjuŋgwɔŋ. 17Jiso ghɔ̀ŋ tʉ bɔŋ mbɔ, “B̈ii gwè hə bɔ̌ŋ mɔ, mɔ bu dàhə bii ndə məyá bə bʉəməsʉʉ.” 18Haʼ ndʉʉmɛ, bɔ̂ŋ mɛ̀ʼtə bəkasinɛ-bʉə gɛ̀ hə bɔ̌ŋ ɔŋ. 19Ɔ kʉ̂ʉ gɛ̀ kʉʉkə məniʼ, nyíɛ Jɛŋ vaa-Sabɛdi ghɔŋ Jɔŋ liŋ-iŋ, bɔ̂ŋ kə́ dùʼ mu kəbuu tɛ́nɛ bəkasinɛ-bʉə. 20Haʼ ndʉʉmɛ, ɔ tíi bɔŋ, bɔ̂ŋ mɛ̀ʼtə tie-yʉə Sabɛdi mu kəbuu ghɔŋbə vâafɔʼɔ-bi ndə bɔ̂ŋ tʉʼ fɔ̀ʼ tʉ ɔŋ, gɛ̀ hə bɔ̌ŋ ɔŋ.
Jiso jə̀ŋ lyʉʉhəbʉəbʉəkə
(Luk 4:31-37)
21Jiso ghɔŋbə vâafɔʼɔ-bi gɛ̀ mu lɔʼɔ Kabanu, kʉ̂ʉ bɛ ndəŋ Chîlɔʼkə, ɔ tuŋ gɛ̀ mu njaagháaNyii kə́ dàhə. 22Ntɛ ndə ɔ kə́ dàhə, i chíe chu-yʉə, bʉʼka ɔ nɔ kə́ dàhə bɔŋ nə wo ndə ɔ kie ghʉəʼkə təmə i bɛ ndə yi bʉə dàhə nuʼ-Mushi fɛ.
23Haʼ ndʉʉghɔfii, wobɛʼ kə́ bɛ mu njaagháaNyii-bɔŋ nə lyʉʉhənyaatəkə mbʉə-ɔ, ɔ tíi nə ghʉəʼkə ghɔ̀ŋ mbɔ, 24“A tʉʼ kʉ́ʉ ka kəghɔ-baʼa Jiso ndə ɔ lɔ̀ hə Nasalɛ? A tʉʼ gwè yí baʼa mɛ? Mɔ nɔ kínə wo ndə a bɛ yɔŋ-yə, a nɔ bɛ Wo Tʉʉnə ndə a gwè hə bəshʉ-Nyii.”
25Jiso sɔ́ʼ ɔ ghɔ̀ŋ mbɔ, “Chʉʼ líitə, fyú mbʉə ɔ!” 26Mbʉ kəlyʉʉhənyaatə ŋɛ̀hə mbʉ wo-ghɔ̄ shʉ́əshʉ́ə, tíi nə ghʉəʼkə, fyú mbʉə-ɔ.
27I chíe chu-yʉə bənchəŋ, tə bɔ̂ŋ kə́ bíʼtə tʉ ŋwɔŋtə-ʉə mbɔ, “Yɔ̄ŋ-yə bɛ ŋgwɔ ka nɔ? Ntɛ mədàhə fefe ndə i kie ghʉəʼkə chɔ! Tə ɔ buŋ kə́ kàhə lyʉʉhənyaatəbə tə bɔ̂ŋ yʉ́ chu-i.” 28Haʼ ndʉʉmɛ, bə tíi yie-jyujyu-i, i wɔ̀ʼnə bəyəŋbəyəŋ, ndə yəŋbə inchəŋ mbʉə lɔʼɔ Galili.
Jiso chʉ́ʼ bʉə buŋmbi
(Matia 8:14-17; Luk 4:38-41)
29Haʼ ndʉʉmɛ ndə ɔ#1:29 Bəbɛʼbəŋwɔʼnə kəŋgie-Gili nɔ ghɔ̀ŋ mbɔ bɔ̂ŋ. kə fyú hə mu njaagháaNyii, ɔ gɛ̀ ghɔŋbə Jɛŋ leʼnə Jɔŋ, gɛ̀ ŋíi mu njaa bəSamu ghɔŋ Andolo. 30Nduɔ, naachi Samu kə́ bɛ nə nchyʉʼkə mbʉə-ɔ, haʼ ndʉʉmɛ bɔ̂ŋ kwə́ʼ tʉ Jiso te ɔ. 31Ɔ gwè yá kwii-i, bə̀ŋhə ɔŋ, mbʉ kənchyʉʼ fyú hə mbʉə-ɔ, ɔ chʉ́ʉhə mətía bɔŋ.
32Ndʉʉbuumbi yɔ̂ŋ-ghɔ̄, ndʉʉ ndə chichi nɔʼ bùu chusii-ɔ, mbʉ bʉə gwè tʉ ɔŋ nə bʉə-bəyɔʼ byuunɔ bʉə ndə lyʉʉhəbʉəbʉəbə tʉʼ chɔ́ŋhə bɔŋ. 33Bʉə bənchəŋ mu kəyəŋkwɛʼtəŋ chə̀ŋtə chusii-ghɔ̄. 34Ndʉʉghɔfii, ɔ chʉ́ʼ bʉə buŋmbi ndə bɔ̂ŋ kə́ yɔ́ʼ nə yɔ́ʼbə ntɛntɛhə bɔŋleʼ fyúhə lyʉʉhəbʉəbʉəbə buŋmbi mu mbʉə-bʉə-hə. Təmə ɔ mɛ̀ʼtə mbʉ bəlyʉʉhəbʉəbʉə bɔ̂ŋ kwə́ʼ fɛ, bʉʼka bɔ̂ŋ nɔ kə kínə wo ndə ɔ bɛ yɔŋ-yə.
Jiso lɔ̀ʼ ntəŋjyujyu mu Galili
(Luk 4:42-44)
35Kʉ̂ʉ sɛŋ bɛ ndʉʉsɛŋkə bətyuʼbətyuʼ, yəŋbə kə́ bíe kənjəŋ, Jiso lɔ̀ gɛ̀ kəyəŋ-bəliinə, gɛ̀ gháaNyii. 36Samu ghɔŋbə bʉə ndə bɔ̂ŋ kə bɛ chɔ, kə́ kʉ́ʉ ɔ, 37bɔ̂ŋ nyíɛ ɔŋ ghɔ̀ŋ tʉ ɔŋ mbɔ, “Bʉə bənchəŋ tʉʼ kʉ́ʉ a.”
38Ɔ ghɔ̀ŋ tʉ bɔŋ mbɔ, “B̈ʉʼʉ gɛ̀ nə shʉbə mu ibɛʼ-yə yəŋkwɛʼtəŋbə, mɔ chʉʼ leʼ lɔ̀ʼ ntəŋjyujyu-ɔ̄ chɔ, bʉʼka nɔ nukə ndə mɔ kə gwè bʉʼka yɔŋ.” 39Ɔ tòʼ yə̀ŋ mu Galili inchəŋ, kə́ lɔ̀ʼ ntəŋjyujyu mu-njaaghaaNyii-hə-ʉə kə́ leʼ fyúhə lyʉʉhəbʉəbʉəbə.
Jiso chʉ́ʼ wo-kəlɔ
(Matia 8:1-4; Luk 5:12-16)
40Wo-kəlɔbɛʼ gwè kwíʼtə bəshʉ Jiso fʉ̀ʉtə ɔŋ ghɔ̀ŋ mbɔ, “Kaʼ a kʉ̀ʉ, bəkɔ a chìi mɔ tʉ́ʉnə.”
41Jiso kie tʉvyiikə ndəŋ ɔŋ, dùhə ghɔkə-i kə̀ŋ ɔŋ, ghɔ̀ŋ tʉ ɔŋ mbɔ, “Mɔ nɔ kʉ̀ʉ, tʉ́ʉnə.” 42Haʼ ndʉʉmɛ mbʉ kəlɔ fyú mbʉə-ɔ, ɔ bɛ tʉ́ʉnə. 43Haʼ ndʉʉmɛ, Jiso téʼ tʉ ɔŋ ɔ gɛ̀ nə wi, shyùu tyunəkə-i shʉ́əshʉ́ə, 44ghɔ̀ŋ tʉ ɔŋ mbɔ, “Kə a mə shyíi wo fɛ, fəŋ gɛ̀ dʉ̀ʼ ŋwɔŋ-aŋ tʉ wofɛ̀ʼndɛŋNyii* bɔŋleʼ fɛ̀ʼndɛŋ* ndə Mushi kə kàhə, bʉə chʉʼ kínə mbɔ a bɛ tʉ́ʉnə.”
45Bɔŋ mbʉ wo-ghɔ̄ fyú gɛ̀ mbi chʉ́ʉhə kə́ lɔ̀ʼ mbʉ bəsɔʼka ndə yəŋbə inchəŋ. Ɔ kɛŋ wɔ̀ʼhə yɔ́ŋyɔ́ŋ i chìi təmə Jiso mə leʼ gɛ̀ ntaa mu kəyəŋkwɛʼtəŋ fɛ. Ɔ gɛ̀ káa ndə yəŋ-bəliinə-bə, bʉə kə́ gwètə chɔ tʉ ɔŋ hə bəyəŋbəyəŋ.
ទើបបានជ្រើសរើសហើយ៖
Mak 1: bvm
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Mak 1
1
Nyii nɔ kə tə́ŋ Jɔŋ ndə ɔ̃ kɔ́ muu ndə məshʉ̀tə fyii-bʉə-hə te məgwè Jiso
(Matia 3:1-12; Luk 3:1-18; Jɔŋ 1:19-28)
1Nɔ bɛ nchʉʉhə ntəŋjyujyu te Jiso Klai nɔ, ndə ɔ bɛ VaaNyii.#1:1 Bəbɛʼbəŋwɔʼnə kəŋgie-Gili nɔ mɔ̀ʼ ndə ɔ bɛ VaaNyii chɔ fɛ.
2Bə nɔ nyɔ̀ʼ mu ŋwɔʼnə-Adaya yʉkəŋgieNyii#1:2 Bəbɛʼbəŋwɔʼnə kəŋgie-Gili nɔ mɔ̀ʼ tíŋ hə bɔ̌ŋ bʉəyʉkəŋgieNyii. mbɔ,
“B̈ii nyíɛ, mɔ bu tə́ŋ wontəŋ-ɔŋ, ɔ kə́ gɛ̀ hə bəshʉ a,
ndə ɔ bu shʉ̀tə fia tʉ a bəshʉ.#1:2 Malakai 3:1.
3Gyʉʉ-wobɛʼ nɔ tʉʼ tíi mu kwɔŋkəyəŋnə#1:3 Kwɔŋkəyəŋnə fɛ̄ŋ nɔ tʉʼ dʉ̀ʼ yəŋkə ndə i yə̀ŋhə daa təmə muu kə́ bɛ chɔ fɛ, təmə fɔyubə kə́ bʉ̀ʉ chɔ fɛ. kə́ ghɔ̀ŋ mbɔ, ‘B̈ii shʉ̀tə fia Tiekətʉ, b̈ii shʉ̀tə fiatə-i, ï tə́nə ndyʉndyʉ.’ ”#1:3 Adaya 40:3.
4Jɔŋ nɔ nə gwè, bʉə kə́ fí muu kəghɔ-ɔ kwɔŋkəyəŋnə, ɔ bɔŋ-kə́-leʼ lɔ̀ʼ mbɔ b̈ʉə la fí muu ndə mədʉ̀ʼ mbɔ bɔ̂ŋ nɔʼ shìe liɛŋtə-ʉə ndəŋ bʉ̂ʼtə-ʉə, gwè tʉ Nyii bə bɔŋleʼ sʉ̀fyii hə ndəŋ mbʉ təbʉ̂ʼ. 5Bʉə bənchəŋ mu Judia leʼnə Jɛlosalɛŋ kə́ fyútə gwè tʉ ɔŋ, gwía fyùufyùu ndəŋ bʉ̂ʼtə-ʉə, kə́ fí muu kəghɔ-ɔ mu ŋgwɛŋ Jodaŋ. 6J̃ɔŋ nɔ kə mɔ̀ʼ ndyi mbʉə-ɔ ndə bə túŋ nə nyu-nyaabɛʼ-hə ndə bə kə́ tíi ɔ nə kamɛ, bɔŋleʼ kə́ kɔ́ʼ kwɔkə tʉʉ-ɔ ndə bə chìi nə gwo-nyaa, fɔyubə-i kə́ bɛ ŋgwehə leʼnə yʉʉ-mu-ŋkɔ-hə. 7Ɔ kə́ lɔ̀ʼ ŋgieNyiikə ghɔ̀ŋ mbɔ, “Wo ndə ɔ bu gwè hə bɔ̌ŋ mɔ nɔ shʉ́ə chàa mɔ, mɔ buŋ kʉ̀ʼnə wo ndə məbʉ́ʉnə bəshʉ ɔ, yɔ̀ʼ ghyʉʉ-bətakwu-tə-i fɛ. 8Bii nɔ tʉʼ fí muu kəghɔ-mɔ, bɔŋ bii bu fí bə LyʉʉhəNyiikə hə kəghɔ mbəŋ-ɛŋ.”
Ntɛ məfì muu ndə Jiso nə fí
(Matia 3:13-17; Luk 3:21-22)
9Nɔ nə bɛ mu bəchî-ghɔ̄, Jiso lɔ̀ hə Nasalɛ mu Galili, gwè fí muu hə kəghɔ-Jɔŋ ndə ɔ̃ kɔ́ muu mu ŋgwɛŋ Jodaŋ. 10Haʼ ndʉʉmɛ, ndə ɔ kóʼ mu muu, ɔ nyíɛ yuo kə́ ŋɔ́ʼnə, LyʉʉhəNyiikə shíʼ gwè, gwè dùʼ ndəŋ ɔŋ, kie mbʉə bɛ nə tambʉətə. 11Gyʉʉ fyú hə yuo ghɔ̀ŋ mbɔ, “A nɔ bɛ vaa-ɔŋ ndə mɔ kʉ̀ʉ daa, tʉʉ-ɔ nɔ bʉ̀ʉ ndəŋ aŋ jyujyu.”
Bə mùutə Jiso nə nubə ndə ĩ chìi wo chìi bʉ̂ʼʉ
(Matia 4:1-11; Luk 4:1-13)
12Haʼ ndʉʉmɛ, LyʉʉhəNyiikə chóʼ Jiso, ɔ fyú gɛ̀ mu kwɔŋkəyəŋnə. 13Ɔ bɛ mu kwɔŋkəyəŋnə ndə chîbə wuŋ kwi, Sata kə́ mùutə ɔŋ chɔ mbɔ ɔ gwù mu bʉ̂ʼʉ. Ɔ bɔŋ-kə́-leʼ bɛ chɔ ghɔŋbə nyaa-muŋkɔ-hə, bʉəntəŋNyii kə́ fɔ̀ʼ tʉ ɔŋ.
Jiso chʉ́ʉhə fɔʼɔ-ɛ
(Matia 4:12-17; Luk 4:14-15)
14Ndʉʉ ndə bə kə yá Jɔŋ fʉ̀əŋ chaŋ, Jiso gwè mu Galili, kə́ lɔ̀ʼ ntəŋjyujyu Nyii, 15kə́ ghɔ̀ŋ mbɔ, “Mbʉ ndʉʉ nɔʼ kʉ̀ʼnə tʉ Nyii ndə məsɔ́ʼ bii ndə fɔŋ, b̈ii shìe liɛŋtə-ii hə ndəŋ bʉ̂ʼtə-ii bɔŋleʼ bɛ́ŋ mbʉ ntəŋjyujyu.”
Jiso tíi fəŋ vâafɔʼɔ
(Matia 4:18-22; Luk 5:1-11)
16Nɔ nə bɛ yɔŋbɛʼ Jiso kə́ tòʼ ŋgwuu taanə-kəghəŋ-kə Galili, nyíɛ Samu ghɔŋ Andolo liŋ-iŋ, bɔ̂ŋ kə́ mɔ̀ʼ kasinɛ mu mbʉ kətaanə-kəghəŋ bʉʼka bɔ̂ŋ nɔ nə bɛ bənjuŋgwɔŋ. 17Jiso ghɔ̀ŋ tʉ bɔŋ mbɔ, “B̈ii gwè hə bɔ̌ŋ mɔ, mɔ bu dàhə bii ndə məyá bə bʉəməsʉʉ.” 18Haʼ ndʉʉmɛ, bɔ̂ŋ mɛ̀ʼtə bəkasinɛ-bʉə gɛ̀ hə bɔ̌ŋ ɔŋ. 19Ɔ kʉ̂ʉ gɛ̀ kʉʉkə məniʼ, nyíɛ Jɛŋ vaa-Sabɛdi ghɔŋ Jɔŋ liŋ-iŋ, bɔ̂ŋ kə́ dùʼ mu kəbuu tɛ́nɛ bəkasinɛ-bʉə. 20Haʼ ndʉʉmɛ, ɔ tíi bɔŋ, bɔ̂ŋ mɛ̀ʼtə tie-yʉə Sabɛdi mu kəbuu ghɔŋbə vâafɔʼɔ-bi ndə bɔ̂ŋ tʉʼ fɔ̀ʼ tʉ ɔŋ, gɛ̀ hə bɔ̌ŋ ɔŋ.
Jiso jə̀ŋ lyʉʉhəbʉəbʉəkə
(Luk 4:31-37)
21Jiso ghɔŋbə vâafɔʼɔ-bi gɛ̀ mu lɔʼɔ Kabanu, kʉ̂ʉ bɛ ndəŋ Chîlɔʼkə, ɔ tuŋ gɛ̀ mu njaagháaNyii kə́ dàhə. 22Ntɛ ndə ɔ kə́ dàhə, i chíe chu-yʉə, bʉʼka ɔ nɔ kə́ dàhə bɔŋ nə wo ndə ɔ kie ghʉəʼkə təmə i bɛ ndə yi bʉə dàhə nuʼ-Mushi fɛ.
23Haʼ ndʉʉghɔfii, wobɛʼ kə́ bɛ mu njaagháaNyii-bɔŋ nə lyʉʉhənyaatəkə mbʉə-ɔ, ɔ tíi nə ghʉəʼkə ghɔ̀ŋ mbɔ, 24“A tʉʼ kʉ́ʉ ka kəghɔ-baʼa Jiso ndə ɔ lɔ̀ hə Nasalɛ? A tʉʼ gwè yí baʼa mɛ? Mɔ nɔ kínə wo ndə a bɛ yɔŋ-yə, a nɔ bɛ Wo Tʉʉnə ndə a gwè hə bəshʉ-Nyii.”
25Jiso sɔ́ʼ ɔ ghɔ̀ŋ mbɔ, “Chʉʼ líitə, fyú mbʉə ɔ!” 26Mbʉ kəlyʉʉhənyaatə ŋɛ̀hə mbʉ wo-ghɔ̄ shʉ́əshʉ́ə, tíi nə ghʉəʼkə, fyú mbʉə-ɔ.
27I chíe chu-yʉə bənchəŋ, tə bɔ̂ŋ kə́ bíʼtə tʉ ŋwɔŋtə-ʉə mbɔ, “Yɔ̄ŋ-yə bɛ ŋgwɔ ka nɔ? Ntɛ mədàhə fefe ndə i kie ghʉəʼkə chɔ! Tə ɔ buŋ kə́ kàhə lyʉʉhənyaatəbə tə bɔ̂ŋ yʉ́ chu-i.” 28Haʼ ndʉʉmɛ, bə tíi yie-jyujyu-i, i wɔ̀ʼnə bəyəŋbəyəŋ, ndə yəŋbə inchəŋ mbʉə lɔʼɔ Galili.
Jiso chʉ́ʼ bʉə buŋmbi
(Matia 8:14-17; Luk 4:38-41)
29Haʼ ndʉʉmɛ ndə ɔ#1:29 Bəbɛʼbəŋwɔʼnə kəŋgie-Gili nɔ ghɔ̀ŋ mbɔ bɔ̂ŋ. kə fyú hə mu njaagháaNyii, ɔ gɛ̀ ghɔŋbə Jɛŋ leʼnə Jɔŋ, gɛ̀ ŋíi mu njaa bəSamu ghɔŋ Andolo. 30Nduɔ, naachi Samu kə́ bɛ nə nchyʉʼkə mbʉə-ɔ, haʼ ndʉʉmɛ bɔ̂ŋ kwə́ʼ tʉ Jiso te ɔ. 31Ɔ gwè yá kwii-i, bə̀ŋhə ɔŋ, mbʉ kənchyʉʼ fyú hə mbʉə-ɔ, ɔ chʉ́ʉhə mətía bɔŋ.
32Ndʉʉbuumbi yɔ̂ŋ-ghɔ̄, ndʉʉ ndə chichi nɔʼ bùu chusii-ɔ, mbʉ bʉə gwè tʉ ɔŋ nə bʉə-bəyɔʼ byuunɔ bʉə ndə lyʉʉhəbʉəbʉəbə tʉʼ chɔ́ŋhə bɔŋ. 33Bʉə bənchəŋ mu kəyəŋkwɛʼtəŋ chə̀ŋtə chusii-ghɔ̄. 34Ndʉʉghɔfii, ɔ chʉ́ʼ bʉə buŋmbi ndə bɔ̂ŋ kə́ yɔ́ʼ nə yɔ́ʼbə ntɛntɛhə bɔŋleʼ fyúhə lyʉʉhəbʉəbʉəbə buŋmbi mu mbʉə-bʉə-hə. Təmə ɔ mɛ̀ʼtə mbʉ bəlyʉʉhəbʉəbʉə bɔ̂ŋ kwə́ʼ fɛ, bʉʼka bɔ̂ŋ nɔ kə kínə wo ndə ɔ bɛ yɔŋ-yə.
Jiso lɔ̀ʼ ntəŋjyujyu mu Galili
(Luk 4:42-44)
35Kʉ̂ʉ sɛŋ bɛ ndʉʉsɛŋkə bətyuʼbətyuʼ, yəŋbə kə́ bíe kənjəŋ, Jiso lɔ̀ gɛ̀ kəyəŋ-bəliinə, gɛ̀ gháaNyii. 36Samu ghɔŋbə bʉə ndə bɔ̂ŋ kə bɛ chɔ, kə́ kʉ́ʉ ɔ, 37bɔ̂ŋ nyíɛ ɔŋ ghɔ̀ŋ tʉ ɔŋ mbɔ, “Bʉə bənchəŋ tʉʼ kʉ́ʉ a.”
38Ɔ ghɔ̀ŋ tʉ bɔŋ mbɔ, “B̈ʉʼʉ gɛ̀ nə shʉbə mu ibɛʼ-yə yəŋkwɛʼtəŋbə, mɔ chʉʼ leʼ lɔ̀ʼ ntəŋjyujyu-ɔ̄ chɔ, bʉʼka nɔ nukə ndə mɔ kə gwè bʉʼka yɔŋ.” 39Ɔ tòʼ yə̀ŋ mu Galili inchəŋ, kə́ lɔ̀ʼ ntəŋjyujyu mu-njaaghaaNyii-hə-ʉə kə́ leʼ fyúhə lyʉʉhəbʉəbʉəbə.
Jiso chʉ́ʼ wo-kəlɔ
(Matia 8:1-4; Luk 5:12-16)
40Wo-kəlɔbɛʼ gwè kwíʼtə bəshʉ Jiso fʉ̀ʉtə ɔŋ ghɔ̀ŋ mbɔ, “Kaʼ a kʉ̀ʉ, bəkɔ a chìi mɔ tʉ́ʉnə.”
41Jiso kie tʉvyiikə ndəŋ ɔŋ, dùhə ghɔkə-i kə̀ŋ ɔŋ, ghɔ̀ŋ tʉ ɔŋ mbɔ, “Mɔ nɔ kʉ̀ʉ, tʉ́ʉnə.” 42Haʼ ndʉʉmɛ mbʉ kəlɔ fyú mbʉə-ɔ, ɔ bɛ tʉ́ʉnə. 43Haʼ ndʉʉmɛ, Jiso téʼ tʉ ɔŋ ɔ gɛ̀ nə wi, shyùu tyunəkə-i shʉ́əshʉ́ə, 44ghɔ̀ŋ tʉ ɔŋ mbɔ, “Kə a mə shyíi wo fɛ, fəŋ gɛ̀ dʉ̀ʼ ŋwɔŋ-aŋ tʉ wofɛ̀ʼndɛŋNyii* bɔŋleʼ fɛ̀ʼndɛŋ* ndə Mushi kə kàhə, bʉə chʉʼ kínə mbɔ a bɛ tʉ́ʉnə.”
45Bɔŋ mbʉ wo-ghɔ̄ fyú gɛ̀ mbi chʉ́ʉhə kə́ lɔ̀ʼ mbʉ bəsɔʼka ndə yəŋbə inchəŋ. Ɔ kɛŋ wɔ̀ʼhə yɔ́ŋyɔ́ŋ i chìi təmə Jiso mə leʼ gɛ̀ ntaa mu kəyəŋkwɛʼtəŋ fɛ. Ɔ gɛ̀ káa ndə yəŋ-bəliinə-bə, bʉə kə́ gwètə chɔ tʉ ɔŋ hə bəyəŋbəyəŋ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.