Matia 7
7
Kə bii mə kə́ chʉ̀ə ŋkwɛ bəbɛʼbʉə fɛ
(Luk 6:37-38,41-42)
1 “Kə bii mə chʉ̀ə ŋkwɛ fɛ, bʉʼka bə məchʉ̀ə yii-yə ŋkwɛ. 2Bʉʼka ntɛ ndə bii chʉ̀ə ŋkwɛ, bə bu chʉ̀ə yi-yə haʼ nɔ, ntɛ fʉʼ ndə bii lʉ̀, bə bu fʉ̀ʼ haʼ nɔ tʉ bii.
3 “Chìi ka a kə́ tʉ́ʼ shʉ-a ndəŋ vaadyʉʼʉ-kəfɔ ndə i bɛ shʉ-liŋ-aŋ bɔŋ təmə kə́ lɛ́nə mbyʉʉ-kəŋkɔʼ ndə i bɛ ndəŋ ya-yə shʉ fɛ? 4Byuunɔ, bəkɔ a gìe tʉ liŋ-aŋ təka mbɔ, ‘N̈ɔʼ mɔ fyúhə vaa-kəfɔ shʉ-a,’ nə mbyʉʉ-kəŋkɔʼ shʉ-a? 5Mbəŋ-aŋ wo làhə shʉ, fəŋ fyúhə mbyʉʉ-kəŋkɔʼ ndəŋ ya-yə shʉ, ndʉʉmɛ, a bu nyíɛ yəŋkə jyujyu ndə məfyúhə vaa-kəfɔ shʉ-liŋ-aŋ.
6 “Kə a mə kɔ́ fɔ-kəchɔŋ-kə tʉ bûhə fɛ, təmə bɔ̂ŋ bu kíahə kʉ̀ʼ a, kə a mə mɛ̀ʼ fɔ-chuɔŋ-chyʉʉchyʉʉ-kə tʉ bəŋkwunyaa fɛ, təmə bɔ̂ŋ bu tòʼtə ndəŋ ghɔ.
Bíʼtə bə bu kɔ́ tʉ a
(Luk 11:9-13)
7 “B̈ii bíʼtə, bə bu kɔ́ tʉ bii, b̈ii kʉ́ʉ, bii bu nyíɛ, b̈ii kwɔ̀ŋ, bə bu ŋɔ́ʼhə chusii tʉ bii. 8Bʉʼka w̃otəmiyɔŋ ndə ɔ bíʼtə nɔ kie, w̃o ndə ɔ kʉ́ʉ kə́ nyíɛ, bɔŋ w̃o ndə ɔ leʼ kwɔ̀ŋ bə bu ŋɔ́ʼhə chusii tʉ ɔŋ.
9 “Byuunɔ, bɛ nda mu bii ndə kaʼ vaa-ɛ bíʼtə bele tʉ ɔŋ, ɔ kɔ́ ŋgoʼ tʉ ɔŋ? 10Byuunɔ, kaʼ ɔ bíʼtə mbɔʼ mu muu, ɔ kɔ́ yɔ tʉ ɔŋ? 11Kaʼ mbəŋ-yii ndʉʉmɛ, ndə bii bɛ bʉə-bʉ̂ʼʉ, kínə məkɔ́ yʉʼ kəkɔ tʉ vâa-bii, ndʉʉmɛ i nɔ buŋ dʉ̀ʼ yɔ́ŋyɔ́ŋ mbɔ Tie-yii ndə ɔ bɛ yuo bu kɔ́ yʉʼ kəkɔ tʉ bʉə ndə bɔ̂ŋ bíʼtə tʉ ɔŋ!
Ŋkɛŋ nuʼ
(Luk 6:31)
12 “Nɔ, nukə ndə bii kʉ̀ʉ mbɔ bʉə-fɔʼɔ tʉ bii, b̈ii fɔ̀ʼ tʉ bɔŋ ghɔ, bʉʼka nɔ bɛ nukə ndə mbʉ nuʼ-Mushi ghɔŋbə bʉəyʉkəŋgieNyii ghɔ̀ŋ.
Chulɔŋ fianə
(Luk 13:24)
13 “B̈ii sʉ́ʉ hə ndəŋ chulɔŋ fíanə. Bʉʼka chulɔŋ ndə i gɛ̀ mu viʼi nɔ gʉ́ə, fia-ɛ yùhə ndə məgɛ̀ hə chɔ, bʉə buŋmbi kə́ bɛ ghɔ ndə bɔ̂ŋ tʉʼ tòʼ hə chɔ. 14Bɔŋ chulɔŋ ndə i dʉ̀ʼ fia ndə məŋíi mu məchímbi nɔ fìanə, fia ndə mətíŋ sʉ́ʉ chɔ shʉ́ə, kə́ bɛ haʼ mbyu-bʉə-hə məniʼ ndə bɔ̂ŋ tʉʼ nyíɛ.
Tyʉkə ghɔŋbə ntɔŋmə-i
(Luk 6:43-44; 13:25-27)
15 “B̈ii láa bʉəyʉkəŋgieNyii nə mbii, ndə bɔ̂ŋ tʉʼ gwè tʉ bii nə gwo-binjyʉʉ-hə mbʉə-bɔŋ, bɔŋ mu mbʉə-bɔŋ bɔ̂ŋ kə́ bɛ bəbuu bʉəbʉə. 16Bii bu chèʼnə bɔŋ ndə ntɔŋmə-ʉə. Bəkɔ wo kwɛ̀ yɔ̌ŋ hə ndəŋ ŋkwenjʉ mɛ, byuunɔ kwɛ̀ lamashi hə ndəŋ sɔ̂ʼkə mɛ? 17Nɔ, t̃yʉ-jyujyu-kə nɔ kʉ́ʉnə ntɔŋ-jyujyu-mə bɔŋ tyʉ-bʉəbʉə-kə kə́ kʉ́ʉnə ntɔŋ-bʉəbʉə-mə. 18Tyʉ-jyujyu-kə mə kʉ́ʉnə ntɔŋ-bʉəbʉə-mə fɛ, byuunɔ tyʉ-bʉəbʉə-kə mə kʉ́ʉnə ntɔŋ-jyujyu-mə fɛ. 19Tyʉkə təmiyɔŋ ndə i gòʼ təmə kə́ kʉ́ʉnə ntɔŋ-jyujyu-mə fɛ, bə bu gwìa mɔ̀ʼ sê tɔ̀ŋ mu viʼi. 20Nɔ ndʉʉmɛ, bii bu chèʼnə bɔŋ ndə ntɔŋmə-ʉə.
21 “Kaa bʉə bənchəŋ ndə bɔ̂ŋ tʉʼ tíi mɔ mbɔ, ‘Tiekətʉ, Tiekətʉ,’ ndə Fɔŋ Yuo bu sɔ́ʼ bɔŋ fɛ. Bɔŋ nɔ bɛ bʉə ndə bɔ̂ŋ tʉʼ fɔ̀ʼ ŋkʉʉnə tʉʉ Tie-ɔ ndə ɔ bɛ yuo. 22Yɔ̂ŋ-ghɔ̄ nɔ, bʉə buŋmbi bu gìe tʉ mɔ mbɔ, ‘Tiekətʉ, Tiekətʉ, baʼa kə́ téʼ ntəŋ ndə i gwè hə kəghɔ-a tʉ bʉə yie-a fe? Bɔŋ-kə́-leʼ jə̀ŋ lyʉʉhəbʉəbʉəbə yie-a fe? Bɔŋleʼ kə́ fɔ̀ʼ nufinəbə yie-a fe?’ 23Bɔŋ mɔ bu bə̀ŋhə tʉ bɔŋ mbɔ, ‘Mɔ nə kínə bii fɛ, b̈ii kwɛ̀ʼtə mbʉə mɔ, bii ndə bii nə kə́ bə́ʼ nuʼ-Nyii.’
Bɔ́ŋ njaa-a ndəŋ yiesê shʉ́əshʉ́ə
(Luk 6:47-49)
24 “Wotəmiyɔŋ ndə ɔ yʉ́ ŋgiekə-ɔŋ-kə-ɔ̄ŋ, kə́ fɔ̀ʼ yɔŋ, bu bɛ nə wo ndə ɔ kie mukətʉ súunə ndə ɔ bɔ́ŋ njaa-ɛ ndəŋ ŋgoʼ. 25Ndʉʉ ndə wyuu fyíi, ŋkenənduhə gwè, fʉ̂əŋ kwɔ̀ŋ mbʉ njaa təmə i bɔŋ mə ŋɛ̀hə fɛ, bʉʼka yiesê-e nɔ kə bɛ ndəŋ ŋgoʼ 26Bɔŋ wo ndə ɔ yʉ́ ŋgiekə-ɔŋ-kə-ɔ̄ŋ təmə mɔ̀ʼ mu məchimbi-ɔ fɛ, ɔ nɔ bɛ nə nɔ̌ʼ ndə ɔ bɔ́ŋ njaa-ɛ ndəŋ kəsɛ. 27Ndʉʉ ndə wyuu fyíi, ŋkenənduhə gwè, fʉ̂əŋ kwɔ̀ŋ mbʉ njaa, i gwù sê, məgwu-i nɔ nə bɛ shʉ́əshʉ́ə.”
28Ndʉʉ ndə Jiso kə mìʼtə ndə məgìe ŋgiebə-ɔ̄ŋ, i chíe chu nuɔ-bʉə ndə bɔ̂ŋ kə́ yʉ́ mədahə-i, 29bʉʼka ɔ nɔ kə́ dàhə bɔŋ nə wo ndə ɔ kie ghʉəʼkə, təmə i bɛ ndə yi-bʉə-dàhə-nuʼ-Mushi-yə fɛ.
ទើបបានជ្រើសរើសហើយ៖
Matia 7: bvm
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Matia 7
7
Kə bii mə kə́ chʉ̀ə ŋkwɛ bəbɛʼbʉə fɛ
(Luk 6:37-38,41-42)
1 “Kə bii mə chʉ̀ə ŋkwɛ fɛ, bʉʼka bə məchʉ̀ə yii-yə ŋkwɛ. 2Bʉʼka ntɛ ndə bii chʉ̀ə ŋkwɛ, bə bu chʉ̀ə yi-yə haʼ nɔ, ntɛ fʉʼ ndə bii lʉ̀, bə bu fʉ̀ʼ haʼ nɔ tʉ bii.
3 “Chìi ka a kə́ tʉ́ʼ shʉ-a ndəŋ vaadyʉʼʉ-kəfɔ ndə i bɛ shʉ-liŋ-aŋ bɔŋ təmə kə́ lɛ́nə mbyʉʉ-kəŋkɔʼ ndə i bɛ ndəŋ ya-yə shʉ fɛ? 4Byuunɔ, bəkɔ a gìe tʉ liŋ-aŋ təka mbɔ, ‘N̈ɔʼ mɔ fyúhə vaa-kəfɔ shʉ-a,’ nə mbyʉʉ-kəŋkɔʼ shʉ-a? 5Mbəŋ-aŋ wo làhə shʉ, fəŋ fyúhə mbyʉʉ-kəŋkɔʼ ndəŋ ya-yə shʉ, ndʉʉmɛ, a bu nyíɛ yəŋkə jyujyu ndə məfyúhə vaa-kəfɔ shʉ-liŋ-aŋ.
6 “Kə a mə kɔ́ fɔ-kəchɔŋ-kə tʉ bûhə fɛ, təmə bɔ̂ŋ bu kíahə kʉ̀ʼ a, kə a mə mɛ̀ʼ fɔ-chuɔŋ-chyʉʉchyʉʉ-kə tʉ bəŋkwunyaa fɛ, təmə bɔ̂ŋ bu tòʼtə ndəŋ ghɔ.
Bíʼtə bə bu kɔ́ tʉ a
(Luk 11:9-13)
7 “B̈ii bíʼtə, bə bu kɔ́ tʉ bii, b̈ii kʉ́ʉ, bii bu nyíɛ, b̈ii kwɔ̀ŋ, bə bu ŋɔ́ʼhə chusii tʉ bii. 8Bʉʼka w̃otəmiyɔŋ ndə ɔ bíʼtə nɔ kie, w̃o ndə ɔ kʉ́ʉ kə́ nyíɛ, bɔŋ w̃o ndə ɔ leʼ kwɔ̀ŋ bə bu ŋɔ́ʼhə chusii tʉ ɔŋ.
9 “Byuunɔ, bɛ nda mu bii ndə kaʼ vaa-ɛ bíʼtə bele tʉ ɔŋ, ɔ kɔ́ ŋgoʼ tʉ ɔŋ? 10Byuunɔ, kaʼ ɔ bíʼtə mbɔʼ mu muu, ɔ kɔ́ yɔ tʉ ɔŋ? 11Kaʼ mbəŋ-yii ndʉʉmɛ, ndə bii bɛ bʉə-bʉ̂ʼʉ, kínə məkɔ́ yʉʼ kəkɔ tʉ vâa-bii, ndʉʉmɛ i nɔ buŋ dʉ̀ʼ yɔ́ŋyɔ́ŋ mbɔ Tie-yii ndə ɔ bɛ yuo bu kɔ́ yʉʼ kəkɔ tʉ bʉə ndə bɔ̂ŋ bíʼtə tʉ ɔŋ!
Ŋkɛŋ nuʼ
(Luk 6:31)
12 “Nɔ, nukə ndə bii kʉ̀ʉ mbɔ bʉə-fɔʼɔ tʉ bii, b̈ii fɔ̀ʼ tʉ bɔŋ ghɔ, bʉʼka nɔ bɛ nukə ndə mbʉ nuʼ-Mushi ghɔŋbə bʉəyʉkəŋgieNyii ghɔ̀ŋ.
Chulɔŋ fianə
(Luk 13:24)
13 “B̈ii sʉ́ʉ hə ndəŋ chulɔŋ fíanə. Bʉʼka chulɔŋ ndə i gɛ̀ mu viʼi nɔ gʉ́ə, fia-ɛ yùhə ndə məgɛ̀ hə chɔ, bʉə buŋmbi kə́ bɛ ghɔ ndə bɔ̂ŋ tʉʼ tòʼ hə chɔ. 14Bɔŋ chulɔŋ ndə i dʉ̀ʼ fia ndə məŋíi mu məchímbi nɔ fìanə, fia ndə mətíŋ sʉ́ʉ chɔ shʉ́ə, kə́ bɛ haʼ mbyu-bʉə-hə məniʼ ndə bɔ̂ŋ tʉʼ nyíɛ.
Tyʉkə ghɔŋbə ntɔŋmə-i
(Luk 6:43-44; 13:25-27)
15 “B̈ii láa bʉəyʉkəŋgieNyii nə mbii, ndə bɔ̂ŋ tʉʼ gwè tʉ bii nə gwo-binjyʉʉ-hə mbʉə-bɔŋ, bɔŋ mu mbʉə-bɔŋ bɔ̂ŋ kə́ bɛ bəbuu bʉəbʉə. 16Bii bu chèʼnə bɔŋ ndə ntɔŋmə-ʉə. Bəkɔ wo kwɛ̀ yɔ̌ŋ hə ndəŋ ŋkwenjʉ mɛ, byuunɔ kwɛ̀ lamashi hə ndəŋ sɔ̂ʼkə mɛ? 17Nɔ, t̃yʉ-jyujyu-kə nɔ kʉ́ʉnə ntɔŋ-jyujyu-mə bɔŋ tyʉ-bʉəbʉə-kə kə́ kʉ́ʉnə ntɔŋ-bʉəbʉə-mə. 18Tyʉ-jyujyu-kə mə kʉ́ʉnə ntɔŋ-bʉəbʉə-mə fɛ, byuunɔ tyʉ-bʉəbʉə-kə mə kʉ́ʉnə ntɔŋ-jyujyu-mə fɛ. 19Tyʉkə təmiyɔŋ ndə i gòʼ təmə kə́ kʉ́ʉnə ntɔŋ-jyujyu-mə fɛ, bə bu gwìa mɔ̀ʼ sê tɔ̀ŋ mu viʼi. 20Nɔ ndʉʉmɛ, bii bu chèʼnə bɔŋ ndə ntɔŋmə-ʉə.
21 “Kaa bʉə bənchəŋ ndə bɔ̂ŋ tʉʼ tíi mɔ mbɔ, ‘Tiekətʉ, Tiekətʉ,’ ndə Fɔŋ Yuo bu sɔ́ʼ bɔŋ fɛ. Bɔŋ nɔ bɛ bʉə ndə bɔ̂ŋ tʉʼ fɔ̀ʼ ŋkʉʉnə tʉʉ Tie-ɔ ndə ɔ bɛ yuo. 22Yɔ̂ŋ-ghɔ̄ nɔ, bʉə buŋmbi bu gìe tʉ mɔ mbɔ, ‘Tiekətʉ, Tiekətʉ, baʼa kə́ téʼ ntəŋ ndə i gwè hə kəghɔ-a tʉ bʉə yie-a fe? Bɔŋ-kə́-leʼ jə̀ŋ lyʉʉhəbʉəbʉəbə yie-a fe? Bɔŋleʼ kə́ fɔ̀ʼ nufinəbə yie-a fe?’ 23Bɔŋ mɔ bu bə̀ŋhə tʉ bɔŋ mbɔ, ‘Mɔ nə kínə bii fɛ, b̈ii kwɛ̀ʼtə mbʉə mɔ, bii ndə bii nə kə́ bə́ʼ nuʼ-Nyii.’
Bɔ́ŋ njaa-a ndəŋ yiesê shʉ́əshʉ́ə
(Luk 6:47-49)
24 “Wotəmiyɔŋ ndə ɔ yʉ́ ŋgiekə-ɔŋ-kə-ɔ̄ŋ, kə́ fɔ̀ʼ yɔŋ, bu bɛ nə wo ndə ɔ kie mukətʉ súunə ndə ɔ bɔ́ŋ njaa-ɛ ndəŋ ŋgoʼ. 25Ndʉʉ ndə wyuu fyíi, ŋkenənduhə gwè, fʉ̂əŋ kwɔ̀ŋ mbʉ njaa təmə i bɔŋ mə ŋɛ̀hə fɛ, bʉʼka yiesê-e nɔ kə bɛ ndəŋ ŋgoʼ 26Bɔŋ wo ndə ɔ yʉ́ ŋgiekə-ɔŋ-kə-ɔ̄ŋ təmə mɔ̀ʼ mu məchimbi-ɔ fɛ, ɔ nɔ bɛ nə nɔ̌ʼ ndə ɔ bɔ́ŋ njaa-ɛ ndəŋ kəsɛ. 27Ndʉʉ ndə wyuu fyíi, ŋkenənduhə gwè, fʉ̂əŋ kwɔ̀ŋ mbʉ njaa, i gwù sê, məgwu-i nɔ nə bɛ shʉ́əshʉ́ə.”
28Ndʉʉ ndə Jiso kə mìʼtə ndə məgìe ŋgiebə-ɔ̄ŋ, i chíe chu nuɔ-bʉə ndə bɔ̂ŋ kə́ yʉ́ mədahə-i, 29bʉʼka ɔ nɔ kə́ dàhə bɔŋ nə wo ndə ɔ kie ghʉəʼkə, təmə i bɛ ndə yi-bʉə-dàhə-nuʼ-Mushi-yə fɛ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.