Matia 20
20
Bʉə-fɔʼɔ-mutɔ
1 “Sɔ́ʼ Fɔŋ Yuo nɔ bɛ nə ŋwɔ̌ŋ-njaa ndə ɔ fyú mbi ndʉʉsɛŋkə bətyuʼbətyuʼ ndə məgɛ̀ kʉ́ʉ bʉə-fɔʼɔ ndə məgɛ̀ mutɔ-bətyʉ-kə-i gɛ̀ kwɛ̀tə ntɔŋmə. 2Ndʉʉ ndə ɔ shʉ̀tə ghɔŋbə mbʉ bʉə-fɔʼɔ ndə mə-kə́-lɔ̀ʼ bɔŋ nə kyʉə fɔʼɔ kəchîmbi, ɔ tə́ŋ bɔŋ kɔ́ mutɔ-bətyʉ-kə-i ndə məgɛ̀ kə́ kwɛ̀tə ntɔŋmə.
3 “Ɔ kʉ̂ʉ fyú kə́ tòʼ gɛ̀, dàa vyii ndə bəchî bɔmɔʼ ndʉʉsɛŋkə, nyíɛ bəbɛʼbʉə, bɔ̂ŋ kə́ tə́nə chɔ njʉnjʉ. 4Ɔ ghɔ̀ŋ tʉ bɔŋ mbɔ, ‘B̈ii gɛ̀ mbʉ mutɔ bətyʉ-ghɔ̄, fɔkə ndə i kʉ̀ʼnə tʉ bii, mɔ bu kɔ́.’ 5Bɔ̂ŋ gɛ̀. Ɔ kʉ̂ʉ bìʼ fyú mbi kə́ tòʼ ndʉʉbeʼ leʼnə bəchî itia ndʉʉnəchî, bìʼ chìi haʼ nɔ. 6Kʉ̂ʉ bìʼ bɛ nə bəchî itaa ndʉʉbuumbi ɔ fyú gɛ̀ mbi nyíɛ bəbɛʼbʉə bɔ̂ŋ kə́ tə́nə. Ɔ ghɔ̀ŋ tʉ bɔŋ mbɔ, ‘Chìi ka bii kə́ lʉ́ʉtə tə́nə fɛ̄ŋ lʉ̀ hə ndʉʉsɛŋkə mənɔ?’
7 “Bɔ̂ŋ bə̀ŋhə tʉ ɔŋ mbɔ, ‘Bʉʼka wo chʉʼ lʉ̀ baʼa ndə fɔʼɔ fɛ.’ Ɔ ghɔ̀ŋ tʉ bɔŋ mbɔ, ‘B̈ii gɛ̀ mutɔ bətyʉ-ghɔ̄.’ 8Kʉ̂ʉ bɛ ndʉʉbuumbi mbʉ ŋwɔ̌ŋ-mutɔ ghɔ̀ŋ tʉ vaafɔ̀ʼkwɛʼtəŋ ndə ɔ tʉʼ lɛ́nə vâafɔʼɔ-bi mbɔ, ‘Tíi vâafɔʼɔ lɔ̀ʼ bɔŋ ndə fɔʼtə-ʉə, chʉ́ʉhə ndə ndyiʼtə-bʉə-bə gɛ̀ lìʼtə ndə fəŋ-bʉə-tə.’ 9Ndʉʉ ndə bʉə ndə bə kə lʉ̀ bɔŋ ndə bəchî itaa ndʉʉbuumbi kə gwè, bə kə́ lɔ̀ʼ wo hə mu bɔŋ nə kyʉə fɔʼɔ kəchîmbi, 10bʉə ndə bə kə lʉ̀ bɔŋ fəŋ, kə́ gwè ndə məfì lɔʼɔbə-ʉə, kə́ kwɔ̀ʼtə mbɔ bə bu lɔ̀ʼ bɔŋ i yɔ́ŋ, bə bɔŋ lɔ̀ʼ wo mu bɔŋ haʼ nə kyʉə fɔʼɔ kəchîmbi. 11Bɔ̂ŋ kʉ̂ʉ fí mbʉ kyʉə, chʉ́ʉhə kə́ luŋtə te mbʉ ŋwɔ̌ŋ-mutɔ, 12kə́ ghɔ̀ŋ mbɔ, ‘Yɔ̄ŋ-yə ndyiʼtə-bʉə-bə nɔ fɔ̀ʼ haʼ məniʼ, a bɔŋ lɔ̀ʼ baʼa bɔŋ ndyʉndyʉ, ndə baʼa nyíɛ ŋgʉəʼ ndə chîmbi-ŋkwɔŋ-kə chichi kə́ tɔ̀ŋ baʼa.’
13 “Bɔŋ ɔ bə̀ŋhə tʉ mbyu wo mu bɔŋ mbɔ, ‘Tieŋkɔŋ-ɔŋ, mɔ tʉʼ chìi mɔ̀ʼmbɛ fɛ. Baʼa kə shʉ̀tə ndə kyʉə fɔʼɔ kəchîmbi fe? 14Lʉ̀ fɔkə ndə bɛ ya-yə gɛ̀ chunjaa. Nɔ kʉ̀ʉ mɔ, ndə məkɔ́ tʉ ndyiʼtə-wo-fɔ̀ʼɔ-kə-ɔ̄ŋ haʼ ghʉə ndə mɔ kɔ́ tʉ a. 15Bəkɔ mɔ séʼ ndə məfɔ̀ʼ nukə nə fɔkə ndə bɛ yɔŋ-yə fe? Byuunɔ, a tʉʼ bʉ́əhə shʉ-a bʉʼka fɔʼɔ-jyujyu-ɔ mɛ?’
16 “Nɔ, bʉə ndə bɔ̂ŋ bɛ ndyiʼtəbə bu yi bɛ fəŋtə, fəŋtə bɛ ndyiʼtəbə.”
Jiso bìʼ bú kwu-i
(Mak 10:32-34; Luk 18:31-34)
17Ndə Jiso kə́ kóʼ gɛ̀ Jɛlosalɛŋ, ɔ tíi mbʉ vâafɔʼɔ-bi njuɔ bûu nə wuŋ ghɔŋ bɔŋ fí ŋwɔŋ-yʉə-bɔŋ bɔ̌ŋ, ndə ghɔŋ bɔŋ kə́ tòʼ gɛ̀, ɔ gìe tʉ bɔŋ mbɔ, 18“B̈ii nyíɛ, bʉʼʉ nɔ tʉʼ kóʼ gɛ̀ Jɛlosalɛŋ, bə bɔŋ bu chɔ̀ʼhə Vaa-Woməsʉʉ kɔ́ kəghɔ-bətiefɛ̀ʼndɛŋNyii leʼnə bʉə dàhə nuʼ-Mushi, bɔ̂ŋ chʉ̀ə ŋkwɛ mbɔ b̈ə yi ɔ. 19Bə bu leʼ chɔ̀ʼhə ɔŋ kɔ́ mu kəghɔ-bʉə ndə bɔ̂ŋ gòʼ təmə bɛ bʉə-Juu fɛ, bɔ̂ŋ dʉ̀ʉhə ɔŋ, kɛŋ gwúu ɔ bɔŋleʼ kwɛ̀ŋ ɔŋ yí, kʉ̂ʉ bɛ chîbə itia nɔ, ɔ bʉ̀nə kóʼ.”
Fyii ŋkwê vaa te vâa-bi
(Mak 10:35-45)
20Ndʉʉmɛ, ŋkwê vâa-Sabɛdi gwè tʉ Jiso nə vâa-bi, kʉ̂ʉ bè kweʼtəbə-i bəshʉ ɔ, bíʼtə fɔkə kəghɔ-ɔ. 21Ɔ bíʼtə tʉ ɔŋ mbɔ, “A tʉʼ kʉ́ʉ ka?”
Ɔ bə̀ŋhə mbɔ, “Gìe mbɔ vâabələŋ-bɔŋ-bɔ̄ŋ bəbûu nɔ, mbyu wo-imɔʼ bu dùʼ kwiimɔʼnə-aŋ, mbyu wo-imɔʼ dùʼ kwiiŋkwie-a, ndʉʉ ndə a bu yi kə́ sɔ́ʼ Fɔŋ.”
22Jiso bə̀ŋhə tʉ bɔŋ mbɔ, “Bii kínə nukə ndə bii tʉʼ bíʼtə fɛ. Bəkɔ bii nú hə mu ndʉ̂ʉ ŋgʉəʼ ndə mɔ bu nú hə chɔ mɛ?” Bɔ̂ŋ bə̀ŋhə mbɔ, “Bəkɔ baʼa nú.”
23Jiso bə̀ŋhə tʉ bɔŋ mbɔ, “Bii bu nú hə mu ndʉ̂ʉ ŋgʉəʼ-mɔ, bɔŋ ndə mədùʼ kwiimɔʼnə-mɔ, byuunɔ kwiiŋkwie-mɔ, kaa yəŋkə-ɔŋ ndə məgìe fɛ, bə bɔŋ bu kɔ́ bə haʼ tʉ bʉə ndə Tie-ɔ nɔʼ kə shʉ̀tə tʉ bɔŋ.”
24Bɔŋ ndʉʉ ndə bəʼ-vâafɔʼɔ-Jiso-kə wuŋ kə yʉ́ yɔ̄ŋ-yə, tʉʉ-yʉə byʉ́ʼ tʉ Jɛŋ ghɔŋ Jɔŋ liŋ-iŋ te nukə ndə bɔ̂ŋ kə kə́ bíʼtə. 25Jiso tíi bɔŋ mbʉə ɔ, ghɔ̀ŋ tʉ bɔŋ mbɔ, “Bii nɔ kínə mbɔ bʉə ndə bɔ̂ŋ tʉʼ sɔ́ʼ bʉə ndə bɔ̂ŋ gòʼ təmə bɛ bʉə-Juu fɛ, nɔ tʉʼ gìe hə kətʉ-bɔŋ, bəntəŋbəshʉ-bʉə kə́ bʉ́bʉ́ kətʉ-bɔŋ ndə nubə inchəŋ. 26I kie ndə məbɛ nɔ mu bii fɛ. Bɔŋ kaʼ wo hə mu bii kʉ̀ʉ ndə məbɛ wokwɛʼtəŋ, ɔ nɔ kie ndə məlʉ̀ ŋwɔŋ-ɛŋ ndə vaafɔ̀ʼ. 27Bɔŋ kaʼ wo hə mu bii leʼ kʉ̀ʉ ndə məbɛ fəŋ, ɔ nɔ kie ndə məbɛ fʉə-yii, 28haʼ ndə Vaa-Woməsʉʉ kə gwè mbɔ b̈ə kə́ fɔ̀ʼ tʉ ɔŋ fɛ, ɔ nɔ gwè ndə məfɔ̀ʼ bɔŋleʼ kɔ́ məchimbi-i ndə məchʉ̀ʼ tʉ-bʉə-buŋmbi-kə.”
Jiso chʉ́ʼ bəfʉ̀əŋtəshʉ bəbûu
(Mak 10:46-52; Luk 18:35-43)
29Ndə bɔ̂ŋ kə́ fyú hə mu Jɛliko, nuɔ-bʉə buŋmbi kə́ gɛ̀ hə bɔ̌ŋ ɔŋ. 30Kə nyíɛ, bəfʉ̀əŋtəshʉbɛʼbə bəbûu ndə bɔ̂ŋ kə́ dùʼtə kəmbia fia, kʉ̂ʉ yʉ́ mbɔ Jiso tʉʼ tíŋ, bɔ̂ŋ tíitə ghɔ̀ŋ mbɔ, “Tiekətʉ, V̈aa-Dɛbi, kə ẗʉkə-a vyíi le ndəŋ baʼa!” 31Mbʉ nuɔ-bʉə sɔ́ʼ bɔŋ, kə́ téʼ tʉ bɔŋ, mbɔ b̈ɔ̂ŋ líitə, bɔ̂ŋ bʉ̀nə bìʼ tíitə nə ghʉəʼkə mbɔ, “Tiekətʉ, V̈aa-Dɛbi, kə ẗʉkə-a vyíi le ndəŋ baʼa!”
32Jiso tə́nə sêfia, tíi bɔŋ ghɔ̀ŋ mbɔ, “Bii tʉʼ kʉ́ʉ mbɔ m̈ɔ bɛ təka nə bii?”
33Bɔ̂ŋ ghɔ̀ŋ tʉ ɔŋ mbɔ, “Tiekətʉ, baʼa nɔ tʉʼ kʉ́ʉ nyíɛ yəŋkə.” 34Bʉʼka tʉvyiikə ndə Jiso kie tʉ bɔŋ, ɔ kə̀ŋ shʉtə-ʉə, haʼ ndʉʉmɛ, bɔ̂ŋ bʉ̀nə nyíɛ yəŋkə, chʉ́ʉhə kə́ kóʼ gɛ̀ hə bɔ̌ŋ ɔŋ.
ទើបបានជ្រើសរើសហើយ៖
Matia 20: bvm
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Matia 20
20
Bʉə-fɔʼɔ-mutɔ
1 “Sɔ́ʼ Fɔŋ Yuo nɔ bɛ nə ŋwɔ̌ŋ-njaa ndə ɔ fyú mbi ndʉʉsɛŋkə bətyuʼbətyuʼ ndə məgɛ̀ kʉ́ʉ bʉə-fɔʼɔ ndə məgɛ̀ mutɔ-bətyʉ-kə-i gɛ̀ kwɛ̀tə ntɔŋmə. 2Ndʉʉ ndə ɔ shʉ̀tə ghɔŋbə mbʉ bʉə-fɔʼɔ ndə mə-kə́-lɔ̀ʼ bɔŋ nə kyʉə fɔʼɔ kəchîmbi, ɔ tə́ŋ bɔŋ kɔ́ mutɔ-bətyʉ-kə-i ndə məgɛ̀ kə́ kwɛ̀tə ntɔŋmə.
3 “Ɔ kʉ̂ʉ fyú kə́ tòʼ gɛ̀, dàa vyii ndə bəchî bɔmɔʼ ndʉʉsɛŋkə, nyíɛ bəbɛʼbʉə, bɔ̂ŋ kə́ tə́nə chɔ njʉnjʉ. 4Ɔ ghɔ̀ŋ tʉ bɔŋ mbɔ, ‘B̈ii gɛ̀ mbʉ mutɔ bətyʉ-ghɔ̄, fɔkə ndə i kʉ̀ʼnə tʉ bii, mɔ bu kɔ́.’ 5Bɔ̂ŋ gɛ̀. Ɔ kʉ̂ʉ bìʼ fyú mbi kə́ tòʼ ndʉʉbeʼ leʼnə bəchî itia ndʉʉnəchî, bìʼ chìi haʼ nɔ. 6Kʉ̂ʉ bìʼ bɛ nə bəchî itaa ndʉʉbuumbi ɔ fyú gɛ̀ mbi nyíɛ bəbɛʼbʉə bɔ̂ŋ kə́ tə́nə. Ɔ ghɔ̀ŋ tʉ bɔŋ mbɔ, ‘Chìi ka bii kə́ lʉ́ʉtə tə́nə fɛ̄ŋ lʉ̀ hə ndʉʉsɛŋkə mənɔ?’
7 “Bɔ̂ŋ bə̀ŋhə tʉ ɔŋ mbɔ, ‘Bʉʼka wo chʉʼ lʉ̀ baʼa ndə fɔʼɔ fɛ.’ Ɔ ghɔ̀ŋ tʉ bɔŋ mbɔ, ‘B̈ii gɛ̀ mutɔ bətyʉ-ghɔ̄.’ 8Kʉ̂ʉ bɛ ndʉʉbuumbi mbʉ ŋwɔ̌ŋ-mutɔ ghɔ̀ŋ tʉ vaafɔ̀ʼkwɛʼtəŋ ndə ɔ tʉʼ lɛ́nə vâafɔʼɔ-bi mbɔ, ‘Tíi vâafɔʼɔ lɔ̀ʼ bɔŋ ndə fɔʼtə-ʉə, chʉ́ʉhə ndə ndyiʼtə-bʉə-bə gɛ̀ lìʼtə ndə fəŋ-bʉə-tə.’ 9Ndʉʉ ndə bʉə ndə bə kə lʉ̀ bɔŋ ndə bəchî itaa ndʉʉbuumbi kə gwè, bə kə́ lɔ̀ʼ wo hə mu bɔŋ nə kyʉə fɔʼɔ kəchîmbi, 10bʉə ndə bə kə lʉ̀ bɔŋ fəŋ, kə́ gwè ndə məfì lɔʼɔbə-ʉə, kə́ kwɔ̀ʼtə mbɔ bə bu lɔ̀ʼ bɔŋ i yɔ́ŋ, bə bɔŋ lɔ̀ʼ wo mu bɔŋ haʼ nə kyʉə fɔʼɔ kəchîmbi. 11Bɔ̂ŋ kʉ̂ʉ fí mbʉ kyʉə, chʉ́ʉhə kə́ luŋtə te mbʉ ŋwɔ̌ŋ-mutɔ, 12kə́ ghɔ̀ŋ mbɔ, ‘Yɔ̄ŋ-yə ndyiʼtə-bʉə-bə nɔ fɔ̀ʼ haʼ məniʼ, a bɔŋ lɔ̀ʼ baʼa bɔŋ ndyʉndyʉ, ndə baʼa nyíɛ ŋgʉəʼ ndə chîmbi-ŋkwɔŋ-kə chichi kə́ tɔ̀ŋ baʼa.’
13 “Bɔŋ ɔ bə̀ŋhə tʉ mbyu wo mu bɔŋ mbɔ, ‘Tieŋkɔŋ-ɔŋ, mɔ tʉʼ chìi mɔ̀ʼmbɛ fɛ. Baʼa kə shʉ̀tə ndə kyʉə fɔʼɔ kəchîmbi fe? 14Lʉ̀ fɔkə ndə bɛ ya-yə gɛ̀ chunjaa. Nɔ kʉ̀ʉ mɔ, ndə məkɔ́ tʉ ndyiʼtə-wo-fɔ̀ʼɔ-kə-ɔ̄ŋ haʼ ghʉə ndə mɔ kɔ́ tʉ a. 15Bəkɔ mɔ séʼ ndə məfɔ̀ʼ nukə nə fɔkə ndə bɛ yɔŋ-yə fe? Byuunɔ, a tʉʼ bʉ́əhə shʉ-a bʉʼka fɔʼɔ-jyujyu-ɔ mɛ?’
16 “Nɔ, bʉə ndə bɔ̂ŋ bɛ ndyiʼtəbə bu yi bɛ fəŋtə, fəŋtə bɛ ndyiʼtəbə.”
Jiso bìʼ bú kwu-i
(Mak 10:32-34; Luk 18:31-34)
17Ndə Jiso kə́ kóʼ gɛ̀ Jɛlosalɛŋ, ɔ tíi mbʉ vâafɔʼɔ-bi njuɔ bûu nə wuŋ ghɔŋ bɔŋ fí ŋwɔŋ-yʉə-bɔŋ bɔ̌ŋ, ndə ghɔŋ bɔŋ kə́ tòʼ gɛ̀, ɔ gìe tʉ bɔŋ mbɔ, 18“B̈ii nyíɛ, bʉʼʉ nɔ tʉʼ kóʼ gɛ̀ Jɛlosalɛŋ, bə bɔŋ bu chɔ̀ʼhə Vaa-Woməsʉʉ kɔ́ kəghɔ-bətiefɛ̀ʼndɛŋNyii leʼnə bʉə dàhə nuʼ-Mushi, bɔ̂ŋ chʉ̀ə ŋkwɛ mbɔ b̈ə yi ɔ. 19Bə bu leʼ chɔ̀ʼhə ɔŋ kɔ́ mu kəghɔ-bʉə ndə bɔ̂ŋ gòʼ təmə bɛ bʉə-Juu fɛ, bɔ̂ŋ dʉ̀ʉhə ɔŋ, kɛŋ gwúu ɔ bɔŋleʼ kwɛ̀ŋ ɔŋ yí, kʉ̂ʉ bɛ chîbə itia nɔ, ɔ bʉ̀nə kóʼ.”
Fyii ŋkwê vaa te vâa-bi
(Mak 10:35-45)
20Ndʉʉmɛ, ŋkwê vâa-Sabɛdi gwè tʉ Jiso nə vâa-bi, kʉ̂ʉ bè kweʼtəbə-i bəshʉ ɔ, bíʼtə fɔkə kəghɔ-ɔ. 21Ɔ bíʼtə tʉ ɔŋ mbɔ, “A tʉʼ kʉ́ʉ ka?”
Ɔ bə̀ŋhə mbɔ, “Gìe mbɔ vâabələŋ-bɔŋ-bɔ̄ŋ bəbûu nɔ, mbyu wo-imɔʼ bu dùʼ kwiimɔʼnə-aŋ, mbyu wo-imɔʼ dùʼ kwiiŋkwie-a, ndʉʉ ndə a bu yi kə́ sɔ́ʼ Fɔŋ.”
22Jiso bə̀ŋhə tʉ bɔŋ mbɔ, “Bii kínə nukə ndə bii tʉʼ bíʼtə fɛ. Bəkɔ bii nú hə mu ndʉ̂ʉ ŋgʉəʼ ndə mɔ bu nú hə chɔ mɛ?” Bɔ̂ŋ bə̀ŋhə mbɔ, “Bəkɔ baʼa nú.”
23Jiso bə̀ŋhə tʉ bɔŋ mbɔ, “Bii bu nú hə mu ndʉ̂ʉ ŋgʉəʼ-mɔ, bɔŋ ndə mədùʼ kwiimɔʼnə-mɔ, byuunɔ kwiiŋkwie-mɔ, kaa yəŋkə-ɔŋ ndə məgìe fɛ, bə bɔŋ bu kɔ́ bə haʼ tʉ bʉə ndə Tie-ɔ nɔʼ kə shʉ̀tə tʉ bɔŋ.”
24Bɔŋ ndʉʉ ndə bəʼ-vâafɔʼɔ-Jiso-kə wuŋ kə yʉ́ yɔ̄ŋ-yə, tʉʉ-yʉə byʉ́ʼ tʉ Jɛŋ ghɔŋ Jɔŋ liŋ-iŋ te nukə ndə bɔ̂ŋ kə kə́ bíʼtə. 25Jiso tíi bɔŋ mbʉə ɔ, ghɔ̀ŋ tʉ bɔŋ mbɔ, “Bii nɔ kínə mbɔ bʉə ndə bɔ̂ŋ tʉʼ sɔ́ʼ bʉə ndə bɔ̂ŋ gòʼ təmə bɛ bʉə-Juu fɛ, nɔ tʉʼ gìe hə kətʉ-bɔŋ, bəntəŋbəshʉ-bʉə kə́ bʉ́bʉ́ kətʉ-bɔŋ ndə nubə inchəŋ. 26I kie ndə məbɛ nɔ mu bii fɛ. Bɔŋ kaʼ wo hə mu bii kʉ̀ʉ ndə məbɛ wokwɛʼtəŋ, ɔ nɔ kie ndə məlʉ̀ ŋwɔŋ-ɛŋ ndə vaafɔ̀ʼ. 27Bɔŋ kaʼ wo hə mu bii leʼ kʉ̀ʉ ndə məbɛ fəŋ, ɔ nɔ kie ndə məbɛ fʉə-yii, 28haʼ ndə Vaa-Woməsʉʉ kə gwè mbɔ b̈ə kə́ fɔ̀ʼ tʉ ɔŋ fɛ, ɔ nɔ gwè ndə məfɔ̀ʼ bɔŋleʼ kɔ́ məchimbi-i ndə məchʉ̀ʼ tʉ-bʉə-buŋmbi-kə.”
Jiso chʉ́ʼ bəfʉ̀əŋtəshʉ bəbûu
(Mak 10:46-52; Luk 18:35-43)
29Ndə bɔ̂ŋ kə́ fyú hə mu Jɛliko, nuɔ-bʉə buŋmbi kə́ gɛ̀ hə bɔ̌ŋ ɔŋ. 30Kə nyíɛ, bəfʉ̀əŋtəshʉbɛʼbə bəbûu ndə bɔ̂ŋ kə́ dùʼtə kəmbia fia, kʉ̂ʉ yʉ́ mbɔ Jiso tʉʼ tíŋ, bɔ̂ŋ tíitə ghɔ̀ŋ mbɔ, “Tiekətʉ, V̈aa-Dɛbi, kə ẗʉkə-a vyíi le ndəŋ baʼa!” 31Mbʉ nuɔ-bʉə sɔ́ʼ bɔŋ, kə́ téʼ tʉ bɔŋ, mbɔ b̈ɔ̂ŋ líitə, bɔ̂ŋ bʉ̀nə bìʼ tíitə nə ghʉəʼkə mbɔ, “Tiekətʉ, V̈aa-Dɛbi, kə ẗʉkə-a vyíi le ndəŋ baʼa!”
32Jiso tə́nə sêfia, tíi bɔŋ ghɔ̀ŋ mbɔ, “Bii tʉʼ kʉ́ʉ mbɔ m̈ɔ bɛ təka nə bii?”
33Bɔ̂ŋ ghɔ̀ŋ tʉ ɔŋ mbɔ, “Tiekətʉ, baʼa nɔ tʉʼ kʉ́ʉ nyíɛ yəŋkə.” 34Bʉʼka tʉvyiikə ndə Jiso kie tʉ bɔŋ, ɔ kə̀ŋ shʉtə-ʉə, haʼ ndʉʉmɛ, bɔ̂ŋ bʉ̀nə nyíɛ yəŋkə, chʉ́ʉhə kə́ kóʼ gɛ̀ hə bɔ̌ŋ ɔŋ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.