Matia 14
14
Kwú Jɔŋ ndə ɔ̃ kɔ́ muu
(Mak 6:14-29; Luk 9:7-9)
1Nɔ kə bɛ ndʉʉ-ghɔ̄, Hɛlo ndə ɔ kə bɛ gɔməna-Galili yʉ́ ndə bə tʉʼ kwə́ʼ te Jiso. 2Ɔ ghɔ̀ŋ tʉ ghʉʉntoʼhə-i mbɔ, “Nɔ bɛ Jɔŋ ndə ɔ̃ kɔ́ muu nɔ. Ɔ nɔʼ kə bʉ̀nə kóʼ hə ndəŋ kwu, nɔ bɛ nukə ndə i chìi ɔ kie ghʉəʼkə ndə məchìi nufinəbə-ɔ̄ŋ nɔ.”
3Hɛlo nɔʼ kə yá Jɔŋ, kɔ́ʼ ɔ, kɔ́ mu njaa-chaŋ ndə məchìi tʉʉ Hɛlodia bʉ̀ʉ, ndə ɔ kə bɛ vi-liŋ-iŋ, Fili, 4bʉʼka Jɔŋ nɔʼ kə, kə́ ghɔ̀ŋ tʉ ɔŋ mbɔ, “Nuʼ bɛ́ŋ mbɔ a lʉ̀ ɔ ndə vi-a fɛ.” 5Hɛlo kə́ kʉ́ʉ fia ndə məyí ɔ, bɔŋ kə́ fàa bʉə-Juu, bʉʼka bɔ̂ŋ nɔ nə yá tə́nə mbɔ Jɔŋ la bɛ yʉkəŋgieNyii.
6Hɛlo kʉ̂ʉ kə́ yú chîkə ndə bə nə bí ɔ chɔ, vaa-Hɛlodia vaabəke kʉ̀ʉ ŋkʉʉkə bəshʉ mbʉ bʉə, i chìi tʉʉ Hɛlo bʉ̀ʉ. 7Ndʉʉmɛ, ɔ kàa nukə ndə məkɔ̀ʼnə ɔŋ, mbɔ fɔkə təmiyɔŋ ndə ɔ bu bíʼtə, ɔ bu kɔ́ tʉ ɔŋ. 8Ŋkwê-i kʉ̂ʉ kɔ́ buŋ-iŋ, ɔ ghɔ̀ŋ mbɔ, “Kɔ́ tʉ-Jɔŋ-kə ndə ɔ̃ kɔ́ muu tʉ mɔ fɛ̄ŋ mu fɔ-kwètə-kəbaa-kə.” 9I chɔ́ŋhə mbʉ fɔŋ, bɔŋ bʉʼka mbɔ ɔ nɔʼ kə kàa tʉ ɔŋ bəshʉ bʉə-ŋkɔʼnə-bi, ɔ kàhə mbɔ b̈ə kɔ́ tʉ ɔŋ. 10Ɔ tə́ŋ, bə gɛ̀ chʉ̀ə tʉ-Jɔŋ-kə hə mu njaa-chaŋ, 11mɔ̀ʼ mbʉ kətʉ mu fɔ-kwètə-kəbaa-kə, gwè kɔ́ tʉ mbʉ vaabəke, ɔ gwè nə yɔŋ kɔ́ tʉ ŋkwê-i. 12Vâafɔʼɔ Jɔŋ gwè lʉ̀ ŋkwê mbʉə-e gɛ̀ tyúu. Bɔ̂ŋ bʉ̀nə gɛ̀ shyíi Jiso.
Jiso yúʼ ŋkɔŋ-bʉə-hə bətaa
(Mak 6:30-44; Luk 9:10-17; Jɔŋ 6:1-14)
13Ndʉʉ ndə Jiso kə yʉ́ yɔ̄ŋ-yə, ɔ fyúhə ŋwɔŋ-ɛŋ mu bʉə kóʼ mu kəbuu gɛ̀ kəyəŋ-bəliinə gɛ̀ bɛ chɔ tətɛʼ ɔ. Bɔŋ ndʉʉ ndə mbʉ nuɔ-bʉə kə yʉ́, bɔ̂ŋ tòʼ sê lɔ̀ hə mu kəyəŋkwɛʼtəŋ gɛ̀ hə bɔ̌ŋ ɔŋ. 14Ndʉʉ ndə ɔ gɛ̀ dàa ŋgwuu-muu, ɔ nyíɛ nuɔ-bʉə buŋmbi, tʉkə-i vyíi ndəŋ bɔŋ, ɔ chʉ́ʼ yɔʼbə-ʉə.
15Ndʉʉbuumbi kʉ̂ʉ daa, vâafɔʼɔ-bi gwè tʉ ɔŋ ghɔ̀ŋ mbɔ, “Yɔ̄ŋ-yə nɔ bɛ yəŋ-mu-ŋkɔ-kə nɔ, mbi bɔŋ-nɔʼ-leʼ mì, wɔ̀ʼhə mbʉ nuɔ-bʉə, bɔ̂ŋ chʉʼ kə́ gɛ̀ nɔ nyúɔ fɔyubə-ʉə mu lɔʼ-bətə̂ŋ-tə.”
16Bɔŋ Jiso ghɔ̀ŋ tʉ bɔŋ mbɔ, “Bɔ̂ŋ kie ndə məgɛ̀ fɛ, b̈ii kɔ́ fɔbə tʉ bɔŋ, b̈ɔ̂ŋ yú.”
17Bɔ̂ŋ ghɔ̀ŋ tʉ ɔŋ mbɔ, “Baʼa nɔ kie haʼ mbyu-bele-hə itaa fɛ̄ŋ leʼnə mbyu-mbɔʼ-hə ibûu.”
18Ɔ ghɔ̀ŋ tʉ bɔŋ mbɔ, “B̈ii gwè nə yɔŋ tʉ mɔ.” 19Ndʉʉmɛ, ɔ kàhə mbʉ nuɔ-bʉə mbɔ bɔ̂ŋ dùʼtə sê ndəŋ ŋkɔ. Ɔ kʉ̂ʉ lʉ̀ mbʉ mbyu-bele-hə itaa leʼnə mbʉ mbyu-mbɔʼ-hə ibûu, lɛ́nə yuo, kɔ́ ndɔ, bə́ʼtə, kɔ́ tʉ vâafɔʼɔ-bi, bɔ̂ŋ kɔ́ tʉ mbʉ nuɔ-bʉə. 20Bɔ̂ŋ bənchəŋ yú tə yúotə. Bɔ̂ŋ lɛ̀ʼtə shyiibə njuɔ bûu nə wuŋ, i lə́ŋtə nə kwuʼkwuʼ-bele. 21Bʉə ndə bɔ̂ŋ kə kwó mbʉ bele nɔ nə bɛ ŋkɔŋ-bələŋ-hə bətaa, bìa nə bəke ghɔŋbə vâambuɔ.
Jiso tòʼ ndəŋ muu
(Mak 6:45-56; Jɔŋ 6:15-21)
22Haʼ ndʉʉmɛ ndə yɔ̄ŋ-yə tíŋ, Jiso téʼ tʉ vâafɔʼɔ-bi bɔ̂ŋ bʉ̀nə kóʼ mu kəbuu, kə́ gɛ̀ hə bəshʉ ndə ibɛʼ-yə via-kətaanə-kəghəŋ-kə, ndə ɔ tʉʼ wɔ̀ʼhə mbʉ nuɔ-bʉə, bɔ̂ŋ bʉ̀nə gɛ̀tə chu təlɔʼ-bɔŋ. 23Ndʉʉ ndə ɔ kə wɔ̀ʼhə mbʉ nuɔ-bʉə, ɔ kóʼ gɛ̀ kwɔŋ tətɛʼ ɔ ndə məgháaNyii. Kʉ̂ʉ bɛ ndʉʉbuumbi, ɔ kə bɛ chɔ tətɛʼ ɔ.
24Bɔŋ tʉ mbʉ kəbuu nɔʼ gɛ̀ tə dɔ̀ŋnə ntəŋntəŋ muu ndʉʉ-ɔ̄, lɛɛŋhə-muu-bə kə́ gháahə mbʉ kəbuu, bʉʼka fʉʉkə nɔ kə́ bə̀ŋhə bɔŋ. 25Kʉ̂ʉ bɛ ndʉʉ ndə bəŋkʉəʼə-ndʉʉfiimbi tʉʼ tʉ́ʉ, Jiso bìatə vâafɔʼɔ-bi, kə́ tòʼ ndəŋ muu. 26Bɔŋ ndʉʉ ndə vâafɔʼɔ-bi nyíɛ ɔŋ, ɔ kə́ tòʼ ndəŋ muu, i fɛ̀ŋhə bɔŋ, bɔ̂ŋ tíitə nə faakə kə́ ghɔ̀ŋ mbɔ, “Nɔ ŋkwusêkə!”
27Bɔŋ haʼ ndʉʉmɛ, Jiso kwə́ʼ tʉ bɔŋ ghɔ̀ŋ mbɔ, “B̈ii yá fyiihə-ii, nɔ bɛ mɔ. #14:27 Nyíɛ Məfyú 3:14 (bə nɔ tíi ŋwɔʼnə-ɔ̄ŋ nə Ɛsɔdɔ). Kə bii mə leʼ fàa fɛ.”
28Bɔŋ Bita bə̀ŋhə mbɔ, “Tiekətʉ, kaʼ bɛ mbɔ bɛ a, kàhə mɔ, m̈ɔ tòʼ ndəŋ muu gwè bìatə a.” 29Ɔ bə̀ŋhə mbɔ, “Gwè.” Ndʉʉmɛ, Bita shíʼ hə mu mbʉ kəbuu, tòʼ ndəŋ muu gɛ̀ bìatə Jiso. 30Bɔŋ ndʉʉ ndə ɔ nyíɛ mbʉ kəfʉʉ, faakə yá ɔ, ɔ kʉ̂ʉ chʉ́ʉhə kə́ bɛ́ muu, tíi ghɔ̀ŋ mbɔ, “Tiekətʉ, kwáa mɔ.”
31Jiso dùhə ghɔkə-i haʼ ndʉʉmɛ, yá ɔ, ghɔ̀ŋ tʉ ɔŋ mbɔ, “Oo wo ndə ɔ mɔ̀ʼfyii-i ndəŋ mɔ məniʼ, chìi ka a kə́ jínə mɔ?”
32Bɔŋ ndʉʉ ndə bɔ̂ŋ kóʼ mu kəbuu, mbʉ kəfʉʉ tə́nə. 33Bʉə ndə bɔ̂ŋ kə bɛ mu kəbuu lə̀ʼtə ɔŋ ghɔ̀ŋ mbɔ, “A nɔ bɛ VaaNyii leʼ shʉəŋ.”
34Kʉ̂ʉ bɛ ndʉʉ ndə bɔ̂ŋ dàa mbʉ kətaanə-kəghəŋ, bɔ̂ŋ kóʼ mbi lɔʼɔ Gɛnɛsɛlɛ. 35Ndʉʉ ndə bʉə-lɔʼɔ-ghɔ̄bə kə chèʼnə ɔŋ, bɔ̂ŋ wɔ̀ʼhə ntəŋhə yə̀ŋ mbʉ mu bie-ghɔ̄, bə gwètə nə bʉə-bəyɔʼ bənchəŋ tʉ ɔŋ. 36Bɔ̂ŋ kə́ fʉ̀ʉtə ɔŋ mbɔ b̈ɔ̂ŋ buŋ kə̀ŋ bə haʼ tiɛŋ-ndyi-i. Bɔŋ bʉə bənchəŋ ndə bɔ̂ŋ kə̀ŋtə, i chìi bɔŋ kie nchʉʼ.
ទើបបានជ្រើសរើសហើយ៖
Matia 14: bvm
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Matia 14
14
Kwú Jɔŋ ndə ɔ̃ kɔ́ muu
(Mak 6:14-29; Luk 9:7-9)
1Nɔ kə bɛ ndʉʉ-ghɔ̄, Hɛlo ndə ɔ kə bɛ gɔməna-Galili yʉ́ ndə bə tʉʼ kwə́ʼ te Jiso. 2Ɔ ghɔ̀ŋ tʉ ghʉʉntoʼhə-i mbɔ, “Nɔ bɛ Jɔŋ ndə ɔ̃ kɔ́ muu nɔ. Ɔ nɔʼ kə bʉ̀nə kóʼ hə ndəŋ kwu, nɔ bɛ nukə ndə i chìi ɔ kie ghʉəʼkə ndə məchìi nufinəbə-ɔ̄ŋ nɔ.”
3Hɛlo nɔʼ kə yá Jɔŋ, kɔ́ʼ ɔ, kɔ́ mu njaa-chaŋ ndə məchìi tʉʉ Hɛlodia bʉ̀ʉ, ndə ɔ kə bɛ vi-liŋ-iŋ, Fili, 4bʉʼka Jɔŋ nɔʼ kə, kə́ ghɔ̀ŋ tʉ ɔŋ mbɔ, “Nuʼ bɛ́ŋ mbɔ a lʉ̀ ɔ ndə vi-a fɛ.” 5Hɛlo kə́ kʉ́ʉ fia ndə məyí ɔ, bɔŋ kə́ fàa bʉə-Juu, bʉʼka bɔ̂ŋ nɔ nə yá tə́nə mbɔ Jɔŋ la bɛ yʉkəŋgieNyii.
6Hɛlo kʉ̂ʉ kə́ yú chîkə ndə bə nə bí ɔ chɔ, vaa-Hɛlodia vaabəke kʉ̀ʉ ŋkʉʉkə bəshʉ mbʉ bʉə, i chìi tʉʉ Hɛlo bʉ̀ʉ. 7Ndʉʉmɛ, ɔ kàa nukə ndə məkɔ̀ʼnə ɔŋ, mbɔ fɔkə təmiyɔŋ ndə ɔ bu bíʼtə, ɔ bu kɔ́ tʉ ɔŋ. 8Ŋkwê-i kʉ̂ʉ kɔ́ buŋ-iŋ, ɔ ghɔ̀ŋ mbɔ, “Kɔ́ tʉ-Jɔŋ-kə ndə ɔ̃ kɔ́ muu tʉ mɔ fɛ̄ŋ mu fɔ-kwètə-kəbaa-kə.” 9I chɔ́ŋhə mbʉ fɔŋ, bɔŋ bʉʼka mbɔ ɔ nɔʼ kə kàa tʉ ɔŋ bəshʉ bʉə-ŋkɔʼnə-bi, ɔ kàhə mbɔ b̈ə kɔ́ tʉ ɔŋ. 10Ɔ tə́ŋ, bə gɛ̀ chʉ̀ə tʉ-Jɔŋ-kə hə mu njaa-chaŋ, 11mɔ̀ʼ mbʉ kətʉ mu fɔ-kwètə-kəbaa-kə, gwè kɔ́ tʉ mbʉ vaabəke, ɔ gwè nə yɔŋ kɔ́ tʉ ŋkwê-i. 12Vâafɔʼɔ Jɔŋ gwè lʉ̀ ŋkwê mbʉə-e gɛ̀ tyúu. Bɔ̂ŋ bʉ̀nə gɛ̀ shyíi Jiso.
Jiso yúʼ ŋkɔŋ-bʉə-hə bətaa
(Mak 6:30-44; Luk 9:10-17; Jɔŋ 6:1-14)
13Ndʉʉ ndə Jiso kə yʉ́ yɔ̄ŋ-yə, ɔ fyúhə ŋwɔŋ-ɛŋ mu bʉə kóʼ mu kəbuu gɛ̀ kəyəŋ-bəliinə gɛ̀ bɛ chɔ tətɛʼ ɔ. Bɔŋ ndʉʉ ndə mbʉ nuɔ-bʉə kə yʉ́, bɔ̂ŋ tòʼ sê lɔ̀ hə mu kəyəŋkwɛʼtəŋ gɛ̀ hə bɔ̌ŋ ɔŋ. 14Ndʉʉ ndə ɔ gɛ̀ dàa ŋgwuu-muu, ɔ nyíɛ nuɔ-bʉə buŋmbi, tʉkə-i vyíi ndəŋ bɔŋ, ɔ chʉ́ʼ yɔʼbə-ʉə.
15Ndʉʉbuumbi kʉ̂ʉ daa, vâafɔʼɔ-bi gwè tʉ ɔŋ ghɔ̀ŋ mbɔ, “Yɔ̄ŋ-yə nɔ bɛ yəŋ-mu-ŋkɔ-kə nɔ, mbi bɔŋ-nɔʼ-leʼ mì, wɔ̀ʼhə mbʉ nuɔ-bʉə, bɔ̂ŋ chʉʼ kə́ gɛ̀ nɔ nyúɔ fɔyubə-ʉə mu lɔʼ-bətə̂ŋ-tə.”
16Bɔŋ Jiso ghɔ̀ŋ tʉ bɔŋ mbɔ, “Bɔ̂ŋ kie ndə məgɛ̀ fɛ, b̈ii kɔ́ fɔbə tʉ bɔŋ, b̈ɔ̂ŋ yú.”
17Bɔ̂ŋ ghɔ̀ŋ tʉ ɔŋ mbɔ, “Baʼa nɔ kie haʼ mbyu-bele-hə itaa fɛ̄ŋ leʼnə mbyu-mbɔʼ-hə ibûu.”
18Ɔ ghɔ̀ŋ tʉ bɔŋ mbɔ, “B̈ii gwè nə yɔŋ tʉ mɔ.” 19Ndʉʉmɛ, ɔ kàhə mbʉ nuɔ-bʉə mbɔ bɔ̂ŋ dùʼtə sê ndəŋ ŋkɔ. Ɔ kʉ̂ʉ lʉ̀ mbʉ mbyu-bele-hə itaa leʼnə mbʉ mbyu-mbɔʼ-hə ibûu, lɛ́nə yuo, kɔ́ ndɔ, bə́ʼtə, kɔ́ tʉ vâafɔʼɔ-bi, bɔ̂ŋ kɔ́ tʉ mbʉ nuɔ-bʉə. 20Bɔ̂ŋ bənchəŋ yú tə yúotə. Bɔ̂ŋ lɛ̀ʼtə shyiibə njuɔ bûu nə wuŋ, i lə́ŋtə nə kwuʼkwuʼ-bele. 21Bʉə ndə bɔ̂ŋ kə kwó mbʉ bele nɔ nə bɛ ŋkɔŋ-bələŋ-hə bətaa, bìa nə bəke ghɔŋbə vâambuɔ.
Jiso tòʼ ndəŋ muu
(Mak 6:45-56; Jɔŋ 6:15-21)
22Haʼ ndʉʉmɛ ndə yɔ̄ŋ-yə tíŋ, Jiso téʼ tʉ vâafɔʼɔ-bi bɔ̂ŋ bʉ̀nə kóʼ mu kəbuu, kə́ gɛ̀ hə bəshʉ ndə ibɛʼ-yə via-kətaanə-kəghəŋ-kə, ndə ɔ tʉʼ wɔ̀ʼhə mbʉ nuɔ-bʉə, bɔ̂ŋ bʉ̀nə gɛ̀tə chu təlɔʼ-bɔŋ. 23Ndʉʉ ndə ɔ kə wɔ̀ʼhə mbʉ nuɔ-bʉə, ɔ kóʼ gɛ̀ kwɔŋ tətɛʼ ɔ ndə məgháaNyii. Kʉ̂ʉ bɛ ndʉʉbuumbi, ɔ kə bɛ chɔ tətɛʼ ɔ.
24Bɔŋ tʉ mbʉ kəbuu nɔʼ gɛ̀ tə dɔ̀ŋnə ntəŋntəŋ muu ndʉʉ-ɔ̄, lɛɛŋhə-muu-bə kə́ gháahə mbʉ kəbuu, bʉʼka fʉʉkə nɔ kə́ bə̀ŋhə bɔŋ. 25Kʉ̂ʉ bɛ ndʉʉ ndə bəŋkʉəʼə-ndʉʉfiimbi tʉʼ tʉ́ʉ, Jiso bìatə vâafɔʼɔ-bi, kə́ tòʼ ndəŋ muu. 26Bɔŋ ndʉʉ ndə vâafɔʼɔ-bi nyíɛ ɔŋ, ɔ kə́ tòʼ ndəŋ muu, i fɛ̀ŋhə bɔŋ, bɔ̂ŋ tíitə nə faakə kə́ ghɔ̀ŋ mbɔ, “Nɔ ŋkwusêkə!”
27Bɔŋ haʼ ndʉʉmɛ, Jiso kwə́ʼ tʉ bɔŋ ghɔ̀ŋ mbɔ, “B̈ii yá fyiihə-ii, nɔ bɛ mɔ. #14:27 Nyíɛ Məfyú 3:14 (bə nɔ tíi ŋwɔʼnə-ɔ̄ŋ nə Ɛsɔdɔ). Kə bii mə leʼ fàa fɛ.”
28Bɔŋ Bita bə̀ŋhə mbɔ, “Tiekətʉ, kaʼ bɛ mbɔ bɛ a, kàhə mɔ, m̈ɔ tòʼ ndəŋ muu gwè bìatə a.” 29Ɔ bə̀ŋhə mbɔ, “Gwè.” Ndʉʉmɛ, Bita shíʼ hə mu mbʉ kəbuu, tòʼ ndəŋ muu gɛ̀ bìatə Jiso. 30Bɔŋ ndʉʉ ndə ɔ nyíɛ mbʉ kəfʉʉ, faakə yá ɔ, ɔ kʉ̂ʉ chʉ́ʉhə kə́ bɛ́ muu, tíi ghɔ̀ŋ mbɔ, “Tiekətʉ, kwáa mɔ.”
31Jiso dùhə ghɔkə-i haʼ ndʉʉmɛ, yá ɔ, ghɔ̀ŋ tʉ ɔŋ mbɔ, “Oo wo ndə ɔ mɔ̀ʼfyii-i ndəŋ mɔ məniʼ, chìi ka a kə́ jínə mɔ?”
32Bɔŋ ndʉʉ ndə bɔ̂ŋ kóʼ mu kəbuu, mbʉ kəfʉʉ tə́nə. 33Bʉə ndə bɔ̂ŋ kə bɛ mu kəbuu lə̀ʼtə ɔŋ ghɔ̀ŋ mbɔ, “A nɔ bɛ VaaNyii leʼ shʉəŋ.”
34Kʉ̂ʉ bɛ ndʉʉ ndə bɔ̂ŋ dàa mbʉ kətaanə-kəghəŋ, bɔ̂ŋ kóʼ mbi lɔʼɔ Gɛnɛsɛlɛ. 35Ndʉʉ ndə bʉə-lɔʼɔ-ghɔ̄bə kə chèʼnə ɔŋ, bɔ̂ŋ wɔ̀ʼhə ntəŋhə yə̀ŋ mbʉ mu bie-ghɔ̄, bə gwètə nə bʉə-bəyɔʼ bənchəŋ tʉ ɔŋ. 36Bɔ̂ŋ kə́ fʉ̀ʉtə ɔŋ mbɔ b̈ɔ̂ŋ buŋ kə̀ŋ bə haʼ tiɛŋ-ndyi-i. Bɔŋ bʉə bənchəŋ ndə bɔ̂ŋ kə̀ŋtə, i chìi bɔŋ kie nchʉʼ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.