Matia 12
12
Jiso nɔ bɛ Tiekətʉ-Chîlɔʼkə
(Mak 2:23-28; Luk 6:1-5)
1Nɔ kə bɛ ndʉʉ-ghɔ̄, Jiso kə́ tòʼ tíŋ hə mutɔ-məntɔŋ ghɔŋbə vâafɔʼɔ-bi ndəŋ Chîlɔʼkə*. Jyʉʉ yɔ́ʼ vâafɔʼɔ-bi, bɔ̂ŋ chʉ́ʉhə kə́ shyìi ntɔŋmə, kwó. 2Bɔŋ ndʉʉ ndə bʉə-Falasi kə nyíɛ, bɔ̂ŋ ghɔ̀ŋ tʉ ɔŋ mbɔ, “Nyíɛ! Vâafɔʼɔ-ba nɔ tʉʼ bə́ʼ nuʼ ndəŋ Chîlɔʼkə.”
3Ɔ ghɔ̀ŋ tʉ bɔŋ mbɔ, “Bii chʉʼ nə tíi mu ŋwɔʼnə-Nyii nukə ndə Dɛbi nə chìi ghɔŋbə bʉə ndə ɔ kə bɛ ghɔŋ bɔŋ ndʉʉ ndə jyʉʉ kə yɔ́ʼ ɔ fe? 4Ɔ nɔ nə sʉ́ʉ mu lɛʼ-Nyii-kə bɔ̂ŋ kwó bəbele ndə bə nɔʼ kɔ́ tʉ Nyii, ndə i kə kʉ̀ʼnə tʉ ɔŋ ndə məkwó fɛ, təkɔmə bʉə ndə ɔ kə bɛ ghɔŋ bɔŋ mɔʼɔ, yaʼkɛŋ bʉəfɛ̀ʼndɛŋNyii tətɛʼ bɔŋ. 5Byuunɔ, bii chʉʼ kə tíi mu ŋwɔʼnə-nuʼ-Mushi, mbɔ nɔ nə kə́ bɛ ndəŋ Chîlɔʼkə nɔ, bʉəfɛ̀ʼndɛŋNyii ndə bɔ̂ŋ nə kə́ fɔ̀ʼ mu njaafɛ̀ʼndɛŋNyii kɛŋ kə́ bə́ʼ nuʼ kəChîlɔʼ təmə bɔŋ gwù njɔ fɛ fe? 6M̈ɔ shyíi bii mbɔ fɔbɛʼkə nɔ bɛ ghɔ fɛ̄ŋ ndə i gʉ́ə tə chàa njaafɛ̀ʼndɛŋNyii. 7Bii kʉ̂ʉ nɔʼ kə kínə nukə ndə yɔ̄ŋ-yə bɛ yɔŋ ndə i ghɔ̀ŋ mbɔ, ‘Mɔ nɔ kʉ̀ʉ bə mbɔ b̈ii kə́ dʉ̀ʼ tʉvyiikə tʉ bəbɛʼbʉə, mɔ kʉ̀ʉ kɔ́-fɛ̀ʼndɛŋ-kə fɛ,’ təmə bii kə mə chʉ̀ə ŋkwɛ bʉə ndə ghɔbə-ʉə bɛ ighʉ́ʉnə, bʉəbʉə fɛ. 8Bʉʼka Vaa-Woməsʉʉ, nɔ bɛ Tiekətʉ-Chîlɔʼkə.”
Jiso chʉ́ʼ wo ndəŋ Chîlɔʼkə
(Mak 3:1-6; Luk 6:6-11)
9Ɔ lɔ̀ hə chɔ gɛ̀ ŋíi mu njaagháaNyii-bɔŋ. 10Wobɛʼ kə́ bɛ chɔ tʉ kwii-i nɔʼ lɛ́ŋ. Bɔ̂ŋ bíʼtə tʉ ɔŋ mbɔ, “Nuʼ-yʉʼʉ bɛ́ŋ mbɔ b̈ə chʉ́ʼ wo ndəŋ Chîlɔʼkə mɛ?” Bɔ̂ŋ nɔ kə kə́ gìe yɔ̄ŋ-yə mbɔ bɔ̂ŋ chʉʼ mɔ̀ʼ nukə kətʉ-ɔ.
11Ɔ bíʼtə tʉ bɔŋ mbɔ, “Bɛ nda mu bii ndə ɔ kie mbyu binjyʉʉ-i, ndə kaʼ ɔ gwù mu byʉʉ ndəŋ Chîlɔʼkə, ɔ mɛ̀ʼtə ɔŋ chɔ, təmə kóʼhə ɔŋ fɛ? 12Bɛ ntyʉʉ təka ndə woməsʉʉ gʉ́ə tə chàa mbyu binjyʉʉ! Nɔ, nuʼ-yʉʼʉ nɔ bɛ́ŋ mbɔ b̈ə fɔ̀ʼ bʉ̀ʉ ndəŋ Chîlɔʼkə.” 13Ndʉʉmɛ, ɔ ghɔ̀ŋ tʉ wo-ghɔ̄ mbɔ, “Shyìi kwii-a.” Mbʉ wo-ghɔ̄ shyìi kwii-i, kie nchʉʼ, mbʉ kwii bʉ̀nə shʉ́ə bɛ haʼ nə ibɛʼ-yə. 14Bɔŋ bʉə-Falasi fyú gɛ̀ mbi gɛ̀ yá nchəŋtə yie-ɔ kə́ fʉ̀ə fia ndə bɔ̂ŋ bu tíŋ hə chɔ ndə məyí ɔ.
Jiso, Vaafɔ̀ʼ-Nyii ndə ɔ séʼ ɔ
15Jiso kʉ̂ʉ kínə nukə ndə bɔ̂ŋ kə́ shʉ̀tə, ɔ lɔ̀ hə kəyəŋ-ghɔ̄ gɛ̀ nə wi. Buŋ nuɔ-bʉə-tə gɛ̀ hə bɔ̌ŋ ɔŋ, ɔ chʉ́ʼ bɔŋ bənchəŋ. 16Bɔŋ Jiso shyùu tyunəkə-ʉə mbɔ bɔ̂ŋ mə chìi wo kínə wo ndə ɔ bɛ yɔŋ fɛ. 17Yɔ̄ŋ-yə nɔ nə bɛ ndə məchìi nukə ndə Adaya yʉkəŋgieNyii kə ghɔ̀ŋ i fyú shʉəŋ mbɔ,
18“B̈ii nyíɛ, vaafɔ̀ʼ*-ɔ ndə mɔ nɔʼ kə séʼ ɔ.
Ɔ bɛ Ŋkɛŋ Vaa-ɔŋ ndə vaafyii-ɔ bʉ̀ʉ ndəŋ ɔŋ.
Mɔ bu kɔ́ ghʉəʼ-kəLyʉʉhə-kə-ɔŋ tʉ ɔŋ,
ɔ bu shyíi lɔʼ-bətə̂ŋ-tə nə sɔ́ʼ-ɔ ndə i tʉʼ gwè.
19Ɔ kʉʉ lʉ̀ nubə nə sɔ́ʼ byuunɔ, kə́ tíitíi fɛ,
wo kʉʉ buŋ yʉ́ gyʉʉ-i tɔʼnə fia fɛ.
20Ɔ bu búɔnə tʉ bʉə ndə bɔ̂ŋ lʉ́ʉtə nə ŋginəŋgʉəʼbə ndə bə nɔʼ toʼ ŋìʼtə bɔŋleʼ kwèʼhə bʉə ndə ghʉəʼkə-ʉə nɔʼ mì ndə kɛʼɛ ndə i bɛ ndə məlʉ́əŋnə.
Ɔ bu kə́ chìi haʼ yɔ̄ŋ-yə nɔ tə nə chìi mətə́nə ndyʉndyʉ ghɔʼ ghʉəʼ-bʉ̂ʼʉ-kə.
21Bʉə bənchəŋ kəchisê bu yʉ́əʼnə ndəŋ ɔŋ.” #12:21 Adaya 42:1-4.
Jiso ghɔŋ vaa-fɔŋ bəlyʉʉhəbʉəbʉə
(Mak 3:20-30; Luk 11:14-23; 6:43-45)
22Wobɛʼ ndə lyʉʉhəbʉəbʉəkə kə bɛ mu mbʉə-ɔ, tʉ shʉ-i nɔʼ kə fʉ̀əŋtə, ɔ bɔŋleʼ kə́ bɛ chie, bə gwè nə nɔŋ tʉ Jiso, ɔ chʉ́ʼ ɔ, mbʉ wo-ghɔ̄ kə́ kwə́ʼ bɔŋleʼ nyíɛ yəŋkə. 23I chíe chu mbʉ nuɔ-bʉə bənchəŋ, bɔ̂ŋ kə́ ghɔ̀ŋ mbɔ, “Bəkɔ i bɛ mbɔ Jiso bɛ vaa-Dɛbi mɛ?”
24Bɔŋ ndʉʉ ndə bʉə-Falasi kə yʉ́ yɔ̄ŋ-yə bɔ̂ŋ ghɔ̀ŋ mbɔ, “Nɔ bɛ haʼ nə ghʉəʼ-Bɛsɛbu-kə,#12:24 Bɛsɛbu nɔ bɛ ibɛʼ-yə yie Sata. mbʉ fɔŋ-bəlyʉʉhəbʉəbʉə, ndə bəkɔ wo-ɔ̄ jə̀ŋ lyʉʉhəbʉəbʉəbə chɔ.”
25Bʉʼka Jiso kə kínə nukə ndə bɔ̂ŋ kə́ kwɔ̀ʼtə, ɔ ghɔ̀ŋ tʉ bɔŋ mbɔ, “Lɔʼɔ kətə̂ŋ təmiyɔŋ ndə bɔ̂ŋ gyʉ̀əhə ŋwɔŋ-yʉə tənuɔtənuɔ kə́ gwúu byuʼu nə ŋwɔŋtə-ʉə bu nʉ̀ʉ fuŋ, təkɔmə yəŋkwɛʼtəŋkə, byuunɔ chufu bɛ ghɔ ndə bəkɔ bɔ̂ŋ kə́ gwúu byuʼu nə ŋwɔŋtə-ʉə i tə́nə fɛ. 26Kaʼ Sata kə́ jə̀ŋ Sata, təmə ɔ nɔ tʉʼ bʉ̀nə shùɔ shʉ-i nə mbəŋ-ɛŋ. Lɔʼɔ-ɛ tə́nə ndʉʉghɔfii təka? 27Kaʼ mɔ kə́ jə̀ŋ lyʉʉhəbʉəbʉəbə nə ghʉəʼ-Bɛsɛbu-kə, bʉə-bii jə̀ŋ bɔŋ nə ka? Ndʉʉghɔfii, bʉə-bii bu dʉ̀ʼ mbɔ bii nɔʼ mɔ̀ʼ bɛ́. 28Bɔŋ kaʼ mɔ kə́ jə̀ŋ lyʉʉhəbʉəbʉəbə nə ghʉəʼ-kəLyʉʉhəNyii-kə, təmə i nɔ dʉ̀ʼ mbɔ Sɔ́ʼ-Nyii nɔʼ gwè mu bii. 29Byuunɔ, bəkɔ wo sʉ́ʉ mu njaa wo shʉ́əshʉ́ə lʉ̀ fɔbə-i təka təmə nɔʼ fəŋ kɔ́ʼ ɔ mɔ̀ʼ sê fɛ? Ndʉʉmɛ, ɔ buŋ sɔ́ʼ mbʉ njaa.
30 “Wotəmiyɔŋ ndə ɔ gòʼ təmə bɛ tʉ mɔ fɛ, nɔ bɛ wobàa-ɔ, bɔŋ wo ndə ɔ gòʼ təmə leʼ kə́ chə̀ŋtə baʼa ɔ fɛ, nɔ tʉʼ wɔ̀ʼhəwɔ̀ʼhə.
31 “Ndʉʉmɛ, nɔʼ m̈ɔ shyíi bii mbɔ bʉ̂ʼʉ təmiyɔŋ, leʼnə məbʉ́əhə-yie Nyii ndə bʉə tʉʼ byʉ̀hə, Nyii bu sʉ̀fyii-i chɔ, bɔŋ wo ndə ɔ bʉ́əhə yie-kəLyʉʉhəNyii, bə kʉʉ nə sʉ̀fyii hə ndəŋ bʉ̂ʼʉ-e fɛ. 32Wo ndə ɔ kwə́ʼ ŋgie-bʉə-kə te Vaa-Woməsʉʉ, bə bu sʉ̀fyii hə ndəŋ bʉ̂ʼʉ-e, bɔŋ wo ndə ɔ gìe bʉ̂ʼʉ te LyʉʉhəNyiikə bə kʉʉ nə sʉ̀fyii hə ndəŋ bʉ̂ʼʉ-e mbi laa fɛ̄ŋ byuunɔ ndə mbi ndə i bíe bəshʉ gwè fɛ.
33 “Kaʼ bii gìe mbɔ tyʉkə bɛ jyujyu, təmə ntɔŋmə-i nɔ bɛ jyujyu ghɔ. Kaʼ bii bɔŋleʼ gìe mbɔ tyʉkə bɛ bʉəbʉə, təmə ntɔŋmə-i nɔ bɛ bʉəbʉə. B̃ə nɔ chèʼnə tyʉkə ndəŋ ntɔŋmə-i. 34Bii ŋgwie bəfɛfɛ! Bəkɔ bii gìe nu-jyujyu-kə təka kə́ bɛ bʉə-bʉ̂ʼʉ? Bʉʼka nubə ndə i lə́ŋ mu fyii-wo, nɔ bɛ yɔŋ ndə ɔ bu kwə́ʼ. 35W̃o jyujyu nɔ fyúhə nu-jyujyu-bə mu kəyəŋ lə̀ŋ bənu jyujyu mu fyii-ɔ, bɔŋ w̃o bʉəbʉə nɔ fyúhə nu-bʉəbʉə-bə mu kəyəŋ lə̀ŋ bənu bʉəbʉə mu fyii-ɔ. 36M̈ɔ shyíi bii mbɔ kʉ̂ʉ nə bɛ ndəŋ chî-kwɛ̀-fɛʼɛ-kə nɔ bʉə túu chutə-ʉə, ndə ŋgie-mbunə-kə təmiyɔŋ ndə i kə fyú hə chu-bɔŋ. 37Bʉʼka ŋgie-chu-kə-a, a bu yú fɛʼɛ, bɔŋ-bu-leʼ gwù fɛʼɛ bʉʼka ŋgie-chu-kə-a.”
Cheʼ-Jona-kə
(Mak 8:11-12; Luk 11:29-32; 11:24-26)
38Ndʉʉmɛ, bʉəbɛʼbə ndə bɔ̂ŋ kə́ dàhə nuʼ-Mushi ghɔŋbə bʉə-Falasi gìe tʉ ɔŋ mbɔ, “Chicha, baʼa nɔ tʉʼ kʉ́ʉ nyíɛ nukəcheʼkə kəghɔ-a.” 39Ɔ bɔŋ bə̀ŋhə tʉ bɔŋ mbɔ, “Ŋgwie bʉ̂ʼʉ ghɔŋbə ŋgwie-bəsəŋ #12:39 Ŋgwie bəsəŋ nɔ bɛ bʉə ndə bɔ̂ŋ tʉʼ gháa bənyii ntɛntɛhə, haʼ ndə wo ndə ɔ mɛ̀ʼtə vi-i gɛ̀ hə bɔ̌ŋ ibɛʼ-yə. nɔ tʉʼ bíʼtə haʼ cheʼkə, bɔŋ təmə bə kʉʉ kɔ́ cheʼbɛʼkə tʉ bɔŋ fɛ, yaʼkɛŋ haʼ cheʼ-Jona-kə, yʉkəŋgieNyii. 40Bʉʼka mbɔ haʼ ndə Jona kə chí mu bətɔ fɔŋ mbɔʼ ndə bəndʉʉbətyuʼ itia leʼnə bəndʉʉnəchî itia, nɔ bɛ haʼ nɔ ndə Vaa-Woməsʉʉ bu bɛ mu sê ndə bəndʉʉbətyuʼ itia leʼnə bəndʉʉnəchî itia.
41 “Bʉə-Ninɛvi bu lɔ̀ tə́nə ndəŋ chî-kwɛ̀-fɛʼɛ-kə ghɔŋbə ŋgwie-wo-ɔ̄, ghɔ̀ŋ mbɔ bɔŋ la nɔʼ gwù fɛʼɛ bʉʼka mbəŋ-yʉə bʉə-Ninɛvi nɔ nə shìe liɛŋ ndəŋ bʉ̂ʼtə-ʉə, ndʉʉ ndə Jona kə́ lɔ̀ʼ ŋgieNyiikə tʉ bɔŋ, bɔŋ b̈ii nyíɛ, wo nɔ bɛ fɛ̄ŋ ndə ɔ gʉ́ə tə chàa Jona. 42Wontoʼ ndə ɔ lɔ̀ hə Byûumbɔŋ bu lɔ̀ tə́nə mu njaafɛ̀ʼ ghɔŋbə ŋgwie-wo-ɔ̄, ghɔ̀ŋ mbɔ bɔ̂ŋ nɔʼ gwù fɛʼɛ, bʉʼka ɔ nɔ nə lɔ̀ hə liʼ-mbi gwè ndə məyʉ́ mukətʉ-súunə ndə Salamu kə kie, bɔŋ b̈ii nyíɛ, wo nɔ bɛ fɛ̄ŋ ndə ɔ gʉ́ə tə chàa Salamu.
43 “Ndʉʉ ndə lyʉʉhəbʉəbʉəkə fyú hə mu mbʉə wo nɔ, ɔ kə́ tòʼ kwɔŋkəyəŋnə, kə́ tòʼ kʉ́ʉ yəŋkə ndə məkáa chɔ, kʉ̂ʉ kʉ́ʉ kəŋkaa nɔ, 44ndʉʉmɛ, ghɔ̀ŋ tʉ ŋwɔŋ-ɛŋ mbɔ, ‘Mɔ bu bʉ̀nə gɛ̀ mu njaa-mɔ ndə mɔ kə lɔ̀ hə chɔ.’ Ndʉʉ ndə ɔ bʉ̀nə gwè nyíɛ mbʉ njaa i kə́ tə́nə ighʉ́ʉnə tʉ bə nɔʼ yʉ̀əʼ mu-i, shʉ̀tə fɔbə tʉ́ʼtə, 45ndʉʉmɛ, ɔ gɛ̀ lʉ̀ bəbɛʼlyʉʉhəbʉəbʉəbə təkwiitia ndə buŋtə-ʉə byʉ́ʼ chàa yi-yə, ghɔŋ bɔŋ gwè sʉ́ʉ kə́ chí chɔ, kəliʼtə məchimbi-wo-ghɔ̄ byʉ́ʼ tə chàa ndə i kə fəŋ bɛ. Nɔ bɛ haʼ nɔ ndə i bu bɛ tʉ ŋgwie-bʉ̂ʼʉ-ɔ̄.”
Ŋkwê-Jiso ghɔŋbə bəliŋ-bi bələŋ
(Mak 3:31-35; Luk 8:19-21)
46Ndʉʉ ndə Jiso kə́ bíe kwə́ʼ tʉ mbʉ bʉə, kə nyíɛ, ŋkwê-i ghɔŋbə bəliŋ-bi bələŋ kə́ tə́nə mbi kə́ bíʼtə ɔŋ ndə məkwə́ʼ tʉ ɔŋ. 47Ibɛʼ-yə wo ghɔ̀ŋ tʉ ɔŋ mbɔ, “Nyíɛ! Naa-aŋ ghɔŋbə bəliŋ-ba nɔ tə́nə mbi kə́ kʉ́ʉ mbɔ b̈ii bɔŋ kwə́ʼ ”.
48Jiso bɔŋ bə̀ŋhə tʉ wo ndə ɔ kə́ kwə́ʼ tʉ ɔŋ le mbɔ, “Naa-ɔŋ bɛ nda ghɔŋbə bəliŋ-bɔŋ bələŋ kə́ bɛ bənda?” 49Ɔ kʉ̂ʉ dùhə ghɔkə-i, dʉ̀ʼ vâafɔʼɔ-bi ghɔ̀ŋ mbɔ, “Nɔ bɛ naa-ɔŋ nɔ ghɔŋbə bəliŋ-bɔŋ bələŋ! 50Bʉʼka mbɔ wo ndə ɔ tʉʼ fɔ̀ʼ nukə ndə Tie-ɔ ndə ɔ bɛ yuo, kʉ̀ʉ, nɔ bɛ liŋ-ɔŋ woləŋ ghɔŋbə liŋ-ɔŋ woke leʼnə naa-ɔŋ.”
ទើបបានជ្រើសរើសហើយ៖
Matia 12: bvm
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Matia 12
12
Jiso nɔ bɛ Tiekətʉ-Chîlɔʼkə
(Mak 2:23-28; Luk 6:1-5)
1Nɔ kə bɛ ndʉʉ-ghɔ̄, Jiso kə́ tòʼ tíŋ hə mutɔ-məntɔŋ ghɔŋbə vâafɔʼɔ-bi ndəŋ Chîlɔʼkə*. Jyʉʉ yɔ́ʼ vâafɔʼɔ-bi, bɔ̂ŋ chʉ́ʉhə kə́ shyìi ntɔŋmə, kwó. 2Bɔŋ ndʉʉ ndə bʉə-Falasi kə nyíɛ, bɔ̂ŋ ghɔ̀ŋ tʉ ɔŋ mbɔ, “Nyíɛ! Vâafɔʼɔ-ba nɔ tʉʼ bə́ʼ nuʼ ndəŋ Chîlɔʼkə.”
3Ɔ ghɔ̀ŋ tʉ bɔŋ mbɔ, “Bii chʉʼ nə tíi mu ŋwɔʼnə-Nyii nukə ndə Dɛbi nə chìi ghɔŋbə bʉə ndə ɔ kə bɛ ghɔŋ bɔŋ ndʉʉ ndə jyʉʉ kə yɔ́ʼ ɔ fe? 4Ɔ nɔ nə sʉ́ʉ mu lɛʼ-Nyii-kə bɔ̂ŋ kwó bəbele ndə bə nɔʼ kɔ́ tʉ Nyii, ndə i kə kʉ̀ʼnə tʉ ɔŋ ndə məkwó fɛ, təkɔmə bʉə ndə ɔ kə bɛ ghɔŋ bɔŋ mɔʼɔ, yaʼkɛŋ bʉəfɛ̀ʼndɛŋNyii tətɛʼ bɔŋ. 5Byuunɔ, bii chʉʼ kə tíi mu ŋwɔʼnə-nuʼ-Mushi, mbɔ nɔ nə kə́ bɛ ndəŋ Chîlɔʼkə nɔ, bʉəfɛ̀ʼndɛŋNyii ndə bɔ̂ŋ nə kə́ fɔ̀ʼ mu njaafɛ̀ʼndɛŋNyii kɛŋ kə́ bə́ʼ nuʼ kəChîlɔʼ təmə bɔŋ gwù njɔ fɛ fe? 6M̈ɔ shyíi bii mbɔ fɔbɛʼkə nɔ bɛ ghɔ fɛ̄ŋ ndə i gʉ́ə tə chàa njaafɛ̀ʼndɛŋNyii. 7Bii kʉ̂ʉ nɔʼ kə kínə nukə ndə yɔ̄ŋ-yə bɛ yɔŋ ndə i ghɔ̀ŋ mbɔ, ‘Mɔ nɔ kʉ̀ʉ bə mbɔ b̈ii kə́ dʉ̀ʼ tʉvyiikə tʉ bəbɛʼbʉə, mɔ kʉ̀ʉ kɔ́-fɛ̀ʼndɛŋ-kə fɛ,’ təmə bii kə mə chʉ̀ə ŋkwɛ bʉə ndə ghɔbə-ʉə bɛ ighʉ́ʉnə, bʉəbʉə fɛ. 8Bʉʼka Vaa-Woməsʉʉ, nɔ bɛ Tiekətʉ-Chîlɔʼkə.”
Jiso chʉ́ʼ wo ndəŋ Chîlɔʼkə
(Mak 3:1-6; Luk 6:6-11)
9Ɔ lɔ̀ hə chɔ gɛ̀ ŋíi mu njaagháaNyii-bɔŋ. 10Wobɛʼ kə́ bɛ chɔ tʉ kwii-i nɔʼ lɛ́ŋ. Bɔ̂ŋ bíʼtə tʉ ɔŋ mbɔ, “Nuʼ-yʉʼʉ bɛ́ŋ mbɔ b̈ə chʉ́ʼ wo ndəŋ Chîlɔʼkə mɛ?” Bɔ̂ŋ nɔ kə kə́ gìe yɔ̄ŋ-yə mbɔ bɔ̂ŋ chʉʼ mɔ̀ʼ nukə kətʉ-ɔ.
11Ɔ bíʼtə tʉ bɔŋ mbɔ, “Bɛ nda mu bii ndə ɔ kie mbyu binjyʉʉ-i, ndə kaʼ ɔ gwù mu byʉʉ ndəŋ Chîlɔʼkə, ɔ mɛ̀ʼtə ɔŋ chɔ, təmə kóʼhə ɔŋ fɛ? 12Bɛ ntyʉʉ təka ndə woməsʉʉ gʉ́ə tə chàa mbyu binjyʉʉ! Nɔ, nuʼ-yʉʼʉ nɔ bɛ́ŋ mbɔ b̈ə fɔ̀ʼ bʉ̀ʉ ndəŋ Chîlɔʼkə.” 13Ndʉʉmɛ, ɔ ghɔ̀ŋ tʉ wo-ghɔ̄ mbɔ, “Shyìi kwii-a.” Mbʉ wo-ghɔ̄ shyìi kwii-i, kie nchʉʼ, mbʉ kwii bʉ̀nə shʉ́ə bɛ haʼ nə ibɛʼ-yə. 14Bɔŋ bʉə-Falasi fyú gɛ̀ mbi gɛ̀ yá nchəŋtə yie-ɔ kə́ fʉ̀ə fia ndə bɔ̂ŋ bu tíŋ hə chɔ ndə məyí ɔ.
Jiso, Vaafɔ̀ʼ-Nyii ndə ɔ séʼ ɔ
15Jiso kʉ̂ʉ kínə nukə ndə bɔ̂ŋ kə́ shʉ̀tə, ɔ lɔ̀ hə kəyəŋ-ghɔ̄ gɛ̀ nə wi. Buŋ nuɔ-bʉə-tə gɛ̀ hə bɔ̌ŋ ɔŋ, ɔ chʉ́ʼ bɔŋ bənchəŋ. 16Bɔŋ Jiso shyùu tyunəkə-ʉə mbɔ bɔ̂ŋ mə chìi wo kínə wo ndə ɔ bɛ yɔŋ fɛ. 17Yɔ̄ŋ-yə nɔ nə bɛ ndə məchìi nukə ndə Adaya yʉkəŋgieNyii kə ghɔ̀ŋ i fyú shʉəŋ mbɔ,
18“B̈ii nyíɛ, vaafɔ̀ʼ*-ɔ ndə mɔ nɔʼ kə séʼ ɔ.
Ɔ bɛ Ŋkɛŋ Vaa-ɔŋ ndə vaafyii-ɔ bʉ̀ʉ ndəŋ ɔŋ.
Mɔ bu kɔ́ ghʉəʼ-kəLyʉʉhə-kə-ɔŋ tʉ ɔŋ,
ɔ bu shyíi lɔʼ-bətə̂ŋ-tə nə sɔ́ʼ-ɔ ndə i tʉʼ gwè.
19Ɔ kʉʉ lʉ̀ nubə nə sɔ́ʼ byuunɔ, kə́ tíitíi fɛ,
wo kʉʉ buŋ yʉ́ gyʉʉ-i tɔʼnə fia fɛ.
20Ɔ bu búɔnə tʉ bʉə ndə bɔ̂ŋ lʉ́ʉtə nə ŋginəŋgʉəʼbə ndə bə nɔʼ toʼ ŋìʼtə bɔŋleʼ kwèʼhə bʉə ndə ghʉəʼkə-ʉə nɔʼ mì ndə kɛʼɛ ndə i bɛ ndə məlʉ́əŋnə.
Ɔ bu kə́ chìi haʼ yɔ̄ŋ-yə nɔ tə nə chìi mətə́nə ndyʉndyʉ ghɔʼ ghʉəʼ-bʉ̂ʼʉ-kə.
21Bʉə bənchəŋ kəchisê bu yʉ́əʼnə ndəŋ ɔŋ.” #12:21 Adaya 42:1-4.
Jiso ghɔŋ vaa-fɔŋ bəlyʉʉhəbʉəbʉə
(Mak 3:20-30; Luk 11:14-23; 6:43-45)
22Wobɛʼ ndə lyʉʉhəbʉəbʉəkə kə bɛ mu mbʉə-ɔ, tʉ shʉ-i nɔʼ kə fʉ̀əŋtə, ɔ bɔŋleʼ kə́ bɛ chie, bə gwè nə nɔŋ tʉ Jiso, ɔ chʉ́ʼ ɔ, mbʉ wo-ghɔ̄ kə́ kwə́ʼ bɔŋleʼ nyíɛ yəŋkə. 23I chíe chu mbʉ nuɔ-bʉə bənchəŋ, bɔ̂ŋ kə́ ghɔ̀ŋ mbɔ, “Bəkɔ i bɛ mbɔ Jiso bɛ vaa-Dɛbi mɛ?”
24Bɔŋ ndʉʉ ndə bʉə-Falasi kə yʉ́ yɔ̄ŋ-yə bɔ̂ŋ ghɔ̀ŋ mbɔ, “Nɔ bɛ haʼ nə ghʉəʼ-Bɛsɛbu-kə,#12:24 Bɛsɛbu nɔ bɛ ibɛʼ-yə yie Sata. mbʉ fɔŋ-bəlyʉʉhəbʉəbʉə, ndə bəkɔ wo-ɔ̄ jə̀ŋ lyʉʉhəbʉəbʉəbə chɔ.”
25Bʉʼka Jiso kə kínə nukə ndə bɔ̂ŋ kə́ kwɔ̀ʼtə, ɔ ghɔ̀ŋ tʉ bɔŋ mbɔ, “Lɔʼɔ kətə̂ŋ təmiyɔŋ ndə bɔ̂ŋ gyʉ̀əhə ŋwɔŋ-yʉə tənuɔtənuɔ kə́ gwúu byuʼu nə ŋwɔŋtə-ʉə bu nʉ̀ʉ fuŋ, təkɔmə yəŋkwɛʼtəŋkə, byuunɔ chufu bɛ ghɔ ndə bəkɔ bɔ̂ŋ kə́ gwúu byuʼu nə ŋwɔŋtə-ʉə i tə́nə fɛ. 26Kaʼ Sata kə́ jə̀ŋ Sata, təmə ɔ nɔ tʉʼ bʉ̀nə shùɔ shʉ-i nə mbəŋ-ɛŋ. Lɔʼɔ-ɛ tə́nə ndʉʉghɔfii təka? 27Kaʼ mɔ kə́ jə̀ŋ lyʉʉhəbʉəbʉəbə nə ghʉəʼ-Bɛsɛbu-kə, bʉə-bii jə̀ŋ bɔŋ nə ka? Ndʉʉghɔfii, bʉə-bii bu dʉ̀ʼ mbɔ bii nɔʼ mɔ̀ʼ bɛ́. 28Bɔŋ kaʼ mɔ kə́ jə̀ŋ lyʉʉhəbʉəbʉəbə nə ghʉəʼ-kəLyʉʉhəNyii-kə, təmə i nɔ dʉ̀ʼ mbɔ Sɔ́ʼ-Nyii nɔʼ gwè mu bii. 29Byuunɔ, bəkɔ wo sʉ́ʉ mu njaa wo shʉ́əshʉ́ə lʉ̀ fɔbə-i təka təmə nɔʼ fəŋ kɔ́ʼ ɔ mɔ̀ʼ sê fɛ? Ndʉʉmɛ, ɔ buŋ sɔ́ʼ mbʉ njaa.
30 “Wotəmiyɔŋ ndə ɔ gòʼ təmə bɛ tʉ mɔ fɛ, nɔ bɛ wobàa-ɔ, bɔŋ wo ndə ɔ gòʼ təmə leʼ kə́ chə̀ŋtə baʼa ɔ fɛ, nɔ tʉʼ wɔ̀ʼhəwɔ̀ʼhə.
31 “Ndʉʉmɛ, nɔʼ m̈ɔ shyíi bii mbɔ bʉ̂ʼʉ təmiyɔŋ, leʼnə məbʉ́əhə-yie Nyii ndə bʉə tʉʼ byʉ̀hə, Nyii bu sʉ̀fyii-i chɔ, bɔŋ wo ndə ɔ bʉ́əhə yie-kəLyʉʉhəNyii, bə kʉʉ nə sʉ̀fyii hə ndəŋ bʉ̂ʼʉ-e fɛ. 32Wo ndə ɔ kwə́ʼ ŋgie-bʉə-kə te Vaa-Woməsʉʉ, bə bu sʉ̀fyii hə ndəŋ bʉ̂ʼʉ-e, bɔŋ wo ndə ɔ gìe bʉ̂ʼʉ te LyʉʉhəNyiikə bə kʉʉ nə sʉ̀fyii hə ndəŋ bʉ̂ʼʉ-e mbi laa fɛ̄ŋ byuunɔ ndə mbi ndə i bíe bəshʉ gwè fɛ.
33 “Kaʼ bii gìe mbɔ tyʉkə bɛ jyujyu, təmə ntɔŋmə-i nɔ bɛ jyujyu ghɔ. Kaʼ bii bɔŋleʼ gìe mbɔ tyʉkə bɛ bʉəbʉə, təmə ntɔŋmə-i nɔ bɛ bʉəbʉə. B̃ə nɔ chèʼnə tyʉkə ndəŋ ntɔŋmə-i. 34Bii ŋgwie bəfɛfɛ! Bəkɔ bii gìe nu-jyujyu-kə təka kə́ bɛ bʉə-bʉ̂ʼʉ? Bʉʼka nubə ndə i lə́ŋ mu fyii-wo, nɔ bɛ yɔŋ ndə ɔ bu kwə́ʼ. 35W̃o jyujyu nɔ fyúhə nu-jyujyu-bə mu kəyəŋ lə̀ŋ bənu jyujyu mu fyii-ɔ, bɔŋ w̃o bʉəbʉə nɔ fyúhə nu-bʉəbʉə-bə mu kəyəŋ lə̀ŋ bənu bʉəbʉə mu fyii-ɔ. 36M̈ɔ shyíi bii mbɔ kʉ̂ʉ nə bɛ ndəŋ chî-kwɛ̀-fɛʼɛ-kə nɔ bʉə túu chutə-ʉə, ndə ŋgie-mbunə-kə təmiyɔŋ ndə i kə fyú hə chu-bɔŋ. 37Bʉʼka ŋgie-chu-kə-a, a bu yú fɛʼɛ, bɔŋ-bu-leʼ gwù fɛʼɛ bʉʼka ŋgie-chu-kə-a.”
Cheʼ-Jona-kə
(Mak 8:11-12; Luk 11:29-32; 11:24-26)
38Ndʉʉmɛ, bʉəbɛʼbə ndə bɔ̂ŋ kə́ dàhə nuʼ-Mushi ghɔŋbə bʉə-Falasi gìe tʉ ɔŋ mbɔ, “Chicha, baʼa nɔ tʉʼ kʉ́ʉ nyíɛ nukəcheʼkə kəghɔ-a.” 39Ɔ bɔŋ bə̀ŋhə tʉ bɔŋ mbɔ, “Ŋgwie bʉ̂ʼʉ ghɔŋbə ŋgwie-bəsəŋ #12:39 Ŋgwie bəsəŋ nɔ bɛ bʉə ndə bɔ̂ŋ tʉʼ gháa bənyii ntɛntɛhə, haʼ ndə wo ndə ɔ mɛ̀ʼtə vi-i gɛ̀ hə bɔ̌ŋ ibɛʼ-yə. nɔ tʉʼ bíʼtə haʼ cheʼkə, bɔŋ təmə bə kʉʉ kɔ́ cheʼbɛʼkə tʉ bɔŋ fɛ, yaʼkɛŋ haʼ cheʼ-Jona-kə, yʉkəŋgieNyii. 40Bʉʼka mbɔ haʼ ndə Jona kə chí mu bətɔ fɔŋ mbɔʼ ndə bəndʉʉbətyuʼ itia leʼnə bəndʉʉnəchî itia, nɔ bɛ haʼ nɔ ndə Vaa-Woməsʉʉ bu bɛ mu sê ndə bəndʉʉbətyuʼ itia leʼnə bəndʉʉnəchî itia.
41 “Bʉə-Ninɛvi bu lɔ̀ tə́nə ndəŋ chî-kwɛ̀-fɛʼɛ-kə ghɔŋbə ŋgwie-wo-ɔ̄, ghɔ̀ŋ mbɔ bɔŋ la nɔʼ gwù fɛʼɛ bʉʼka mbəŋ-yʉə bʉə-Ninɛvi nɔ nə shìe liɛŋ ndəŋ bʉ̂ʼtə-ʉə, ndʉʉ ndə Jona kə́ lɔ̀ʼ ŋgieNyiikə tʉ bɔŋ, bɔŋ b̈ii nyíɛ, wo nɔ bɛ fɛ̄ŋ ndə ɔ gʉ́ə tə chàa Jona. 42Wontoʼ ndə ɔ lɔ̀ hə Byûumbɔŋ bu lɔ̀ tə́nə mu njaafɛ̀ʼ ghɔŋbə ŋgwie-wo-ɔ̄, ghɔ̀ŋ mbɔ bɔ̂ŋ nɔʼ gwù fɛʼɛ, bʉʼka ɔ nɔ nə lɔ̀ hə liʼ-mbi gwè ndə məyʉ́ mukətʉ-súunə ndə Salamu kə kie, bɔŋ b̈ii nyíɛ, wo nɔ bɛ fɛ̄ŋ ndə ɔ gʉ́ə tə chàa Salamu.
43 “Ndʉʉ ndə lyʉʉhəbʉəbʉəkə fyú hə mu mbʉə wo nɔ, ɔ kə́ tòʼ kwɔŋkəyəŋnə, kə́ tòʼ kʉ́ʉ yəŋkə ndə məkáa chɔ, kʉ̂ʉ kʉ́ʉ kəŋkaa nɔ, 44ndʉʉmɛ, ghɔ̀ŋ tʉ ŋwɔŋ-ɛŋ mbɔ, ‘Mɔ bu bʉ̀nə gɛ̀ mu njaa-mɔ ndə mɔ kə lɔ̀ hə chɔ.’ Ndʉʉ ndə ɔ bʉ̀nə gwè nyíɛ mbʉ njaa i kə́ tə́nə ighʉ́ʉnə tʉ bə nɔʼ yʉ̀əʼ mu-i, shʉ̀tə fɔbə tʉ́ʼtə, 45ndʉʉmɛ, ɔ gɛ̀ lʉ̀ bəbɛʼlyʉʉhəbʉəbʉəbə təkwiitia ndə buŋtə-ʉə byʉ́ʼ chàa yi-yə, ghɔŋ bɔŋ gwè sʉ́ʉ kə́ chí chɔ, kəliʼtə məchimbi-wo-ghɔ̄ byʉ́ʼ tə chàa ndə i kə fəŋ bɛ. Nɔ bɛ haʼ nɔ ndə i bu bɛ tʉ ŋgwie-bʉ̂ʼʉ-ɔ̄.”
Ŋkwê-Jiso ghɔŋbə bəliŋ-bi bələŋ
(Mak 3:31-35; Luk 8:19-21)
46Ndʉʉ ndə Jiso kə́ bíe kwə́ʼ tʉ mbʉ bʉə, kə nyíɛ, ŋkwê-i ghɔŋbə bəliŋ-bi bələŋ kə́ tə́nə mbi kə́ bíʼtə ɔŋ ndə məkwə́ʼ tʉ ɔŋ. 47Ibɛʼ-yə wo ghɔ̀ŋ tʉ ɔŋ mbɔ, “Nyíɛ! Naa-aŋ ghɔŋbə bəliŋ-ba nɔ tə́nə mbi kə́ kʉ́ʉ mbɔ b̈ii bɔŋ kwə́ʼ ”.
48Jiso bɔŋ bə̀ŋhə tʉ wo ndə ɔ kə́ kwə́ʼ tʉ ɔŋ le mbɔ, “Naa-ɔŋ bɛ nda ghɔŋbə bəliŋ-bɔŋ bələŋ kə́ bɛ bənda?” 49Ɔ kʉ̂ʉ dùhə ghɔkə-i, dʉ̀ʼ vâafɔʼɔ-bi ghɔ̀ŋ mbɔ, “Nɔ bɛ naa-ɔŋ nɔ ghɔŋbə bəliŋ-bɔŋ bələŋ! 50Bʉʼka mbɔ wo ndə ɔ tʉʼ fɔ̀ʼ nukə ndə Tie-ɔ ndə ɔ bɛ yuo, kʉ̀ʉ, nɔ bɛ liŋ-ɔŋ woləŋ ghɔŋbə liŋ-ɔŋ woke leʼnə naa-ɔŋ.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.