Luk 9
9
Jiso tə́ŋ bəlɔntəŋ-bi njuɔ bûu nə wuŋ
(Matia 10:5-15; Mak 6:7-13)
1Yɔŋbɛʼ Jiso tíi mbʉ bəlɔntəŋ-bi njuɔ bûu nə wuŋ mbʉə ɔ, kɔ́ ghʉəʼkə tʉ bɔŋ leʼnə ghʉəʼkə ndə məgìe kətʉ lyʉʉhəbʉəbʉəbə, leʼ chʉ́ʼ yɔʼbə. 2Ɔ leʼ tə́ŋ bɔŋ ndə məgɛ̀ lɔ̀ʼ tʉ wʉʉnəmbikə te Sɔ́ʼ-Nyii bɔŋleʼ chʉ́ʼ bʉə-bəyɔʼ. 3Ɔ ghɔ̀ŋ tʉ bɔŋ mbɔ, “Kə bii mə lʉ̀ fɔkə gɛ̀ nə yɔŋ fɛ, kə bii mə lʉ̀ mbuu fɛ, lʉ̀ kwo fɛ, lʉ̀ fɔ-yú-kə fɛ, lʉ̀ kyʉə fɛ, təmə lʉ̀ ndyi kwɛ́nə ŋwɔŋ fɛ. 4Kaʼ bii ŋíi mu njaa təmiyɔŋ, b̈ii káa chɔ tə nə lɔ̀ hə chɔ. 5Kaʼ bʉə gòʼ təmə fí bii fɛ, b̈ii kwètə bʉəkə kəwu-bii ndə ndʉʉ ndə bii tʉʼ fyú hə mu kəyəŋkwɛʼtəŋ, bɔŋ i bu bɛ cheʼkə mbɔ ndɔŋ-yʉə nɔ kətʉ-bɔŋ.”
6Ndʉʉmɛ, bɔ̂ŋ fyú gɛ̀ mbi, kə́ lɔ̀ hə ndəŋ lɔʼɔ kətə̂ŋ dàa ndəŋ lɔʼɔ kətə̂ŋ, kə́ tòʼ lɔ̀ʼ ŋgieNyiikə, leʼ kə́ chʉ́ʼ bʉə ndəŋ yɔʼbə inchəŋ.
Mbyuutəmbyuutə mu kətʉ-Hɛlo
(Matia 14:1-12; Mak 6:14-29)
7Nduɔ, Hɛlo ndə ɔ kə bɛ gɔməna-Galili, yʉ́ nubə ndə Jiso tʉʼ fɔ̀ʼ, i chɔ́ŋhə ɔŋ bɔŋleʼ chíe chu-i bʉʼka mbɔ bəbɛʼbʉə nɔ nə ghɔ̀ŋ mbɔ Jɔŋ ndə ɔ kə kwú la nɔʼ kóʼ. 8Bəbɛʼbə ghɔ̀ŋ mbɔ, la Ɛlaja ndə ɔ kwɔnə fyú, bəbɛʼbə ghɔ̀ŋ mbɔ la bɛ mbyu yʉkəŋgieNyii ndə ɔ nɔʼ kə kwú lʉ̀ hə ŋgʉʼʉbɛʼ, ndə ɔ bʉ̀nə kóʼ. 9Bɔŋ Hɛlo ghɔ̀ŋ mbɔ, “Mɔ nɔ kə chʉ̀ə tʉ-Jɔŋ-kə, bɛ nda ndʉʉmɛ ndə mɔ tʉʼ yʉ́ nubə-ɔ̄ŋ te ɔ nɔ?” Ɔ kə́ kɔ̀ɔtə ndə mənyíɛ ɔŋ.
Jiso yúʼ ŋkɔŋ-bʉə-hə bətaa
(Matia 14:13-21; Mak 6:30-44; Jɔŋ 6:1-14)
10Ndʉʉ ndə mbʉ bəlɔntəŋNyii bʉ̀nə, bɔ̂ŋ núhə nubə tʉ Jiso ndə bɔ̂ŋ nɔʼ kə fɔ̀ʼ. Ɔ lʉ̀ bɔŋ ghɔŋ bɔŋ fyúhə ŋwɔŋ-yʉə bɔ̌ŋ, gɛ̀ mbʉə kəyəŋkwɛʼtəŋbɛʼ ndə bə kə́ tíi nə Bɛsieda. 11Bʉə buŋmbi yʉ́ yəŋkə ndə ɔ gɛ̀ chɔ, gɛ̀ hə bɔ̌ŋ ɔŋ. Ɔ lʉ̀ bɔŋ, kwə́ʼ tʉ bɔŋ te Sɔ́ʼ-Nyii, bɔŋleʼ chʉ́ʼ bʉə ndə bɔ̂ŋ kə́ kʉ́ʉ nchʉʼ. 12Ŋgwɔʼmbi kʉ̂ʉ kə́ tíŋ, mbʉ bəlɔntəŋ-bi njuɔ bûu nə wuŋ gwè ghɔ̀ŋ tʉ ɔŋ mbɔ, “Ẅɔ̀ʼhə bɔŋ, bɔŋ gɛ̀ lɛ́nə yəŋbə mu lɔʼ-bətə̂ŋ-tə ndə i bɛ mbʉə bʉʼʉ leʼnə mu ntəʼhə ndə məkʉ́ʉ fɔyubə ghɔŋbə yəŋ-chí-bə, bʉʼka bʉʼʉ nɔ bɛ fɛ̄ŋ ndə yəŋ-mu-ŋkɔ-kə.”
13Bɔŋ ɔ bə̀ŋhə mbɔ, “B̈ii kɔ́ fɔbə tʉ bɔŋ, b̈ɔ̂ŋ yú.”
Bɔ̂ŋ bə̀ŋhə mbɔ, “Baʼa nɔ kie haʼ mbyu-bele-hə itaa, nə mbyu-mbɔʼ-hə ibûu, yaʼkɛŋ mbɔ baʼa gɛ̀ nyúɔ fɔbə tʉ bɔŋ bənchəŋ.” 14Ŋkɔŋ-bələŋ-hə kə́ bɛ chɔ bətaa.
Bɔŋ ɔ leʼ ghɔ̀ŋ tʉ vâafɔʼɔ-bi mbɔ, “B̈ii téʼ b̈ɔŋ dùʼtə sê tənuɔtənuɔ nə wuŋ taa wuŋ taa.” 15Mbʉ vâafɔʼɔ-bi chìi haʼ nɔ, téʼ bɔŋ dùʼtə sê. 16Ndʉʉmɛ, ɔ lʉ̀ mbʉ mbyu-bele-hə itaa leʼnə mbʉ mbyu-mbɔʼ-hə ibûu, lɛ́nə yuo, kɔ́ ndɔ, bə́ʼtə, kɔ́ tʉ vâafɔʼɔ-bi mbɔ bɔ̂ŋ tʉ́ʼtə bəshʉ mbʉ nuɔ-bʉə. 17Bɔ̂ŋ bənchəŋ yú tə yúotə. Bɔ̂ŋ lɛ̀ʼtə shyiibə njuɔ bûu nə wuŋ i lə́ŋtə nə kwuʼkwuʼ-bele.
Bita ghɔ̀ŋ mbɔ Jiso la bɛ Wo nə Nyii Kùŋ Tə́ŋ
(Matia 16:13-19; Mak 8:27-29)
18Ndʉʉ ndə Jiso kə́ gháaNyii kəyəŋ-bəliinə ghɔŋbə vâafɔʼɔ-bi kə́ bɛ mɔʼɔ, ɔ bíʼtə tʉ bɔŋ mbɔ, “Bʉə tʉʼ ghɔ̀ŋ mbɔ mɔ bɛ nda?”
19Bɔ̂ŋ bə̀ŋhə mbɔ, “Bəbɛʼbə nɔ ghɔ̀ŋ mbɔ a la Jɔŋ ndə ɔ̃ kɔ́ muu, bɔŋ bəbɛʼbə ghɔ̀ŋ mbɔ a la Ɛlaja, bəbɛʼbə ghɔ̀ŋ mbɔ a la bɛ mbyu yʉkəŋgieNyiibɛʼ ndə ɔ nɔʼ kə kwú ŋgʉʼʉbɛʼ bʉ̀nə kóʼ.”
20Ɔ bíʼtə tʉ bɔŋ mbɔ, “Bɔŋ bii tʉʼ ghɔ̀ŋ mbɔ mɔ bɛ nda?”
Bita bə̀ŋhə mbɔ, “A nɔ bɛ Wo ndə Nyii Kùŋ Tə́ŋ.”
Jiso kwə́ʼ te kwu-i
(Matia 16:20-28; Mak 8:30–9:1)
21Jiso shyùu tyunəkə-ʉə mbɔ bɔ̂ŋ mə yi shyíi wo nə yɔ̄ŋ-yə fɛ. 22Ɔ leʼ ghɔ̀ŋ mbɔ, “Vaa-Woməsʉʉ bu yaʼ nyíɛ ŋgʉəʼ ndə nubə buŋmbi. Bəntəŋbəshʉ, bətiefɛ̀ʼndɛŋNyii leʼnə bʉə dàhə nuʼ-Mushi bu tɛ́ŋ ɔŋ, bɔŋleʼ yí ɔ, kʉ̂ʉ bɛ chîbə itia nɔ bə bʉ̀nə kóʼhə ɔŋ.”
23Ndʉʉmɛ, ɔ ghɔ̀ŋ tʉ bɔŋ bənchəŋ mbɔ, “Kaʼ wo mu bii kʉ̀ʉ ndə məgwè hə bɔ̌ŋ mɔ, ɔ nɔ kie ndə mətɛ́ŋ ŋwɔŋ-ɛŋ, bɛ̀ʼ tyʉntɔɔnəkə-i bəchibəchi, gwè hə bɔ̌ŋ mɔ. 24Bʉʼka wo ndə ɔ kʉ̀ʉ ndə məkwáa ŋkwiitʉ-e, bu bɛ́, bɔŋ wo ndə ɔ kɔ́ ŋkwiitʉ-e bʉʼka mɔ, bu kie ŋkwiitʉ-e. 25Bəkɔ wo sii ka, kaʼ ɔ kie wʉʉnəmbikə inchəŋ, bɛ́ ŋkwiitʉ-e? 26Bɔŋ wotəmiyɔŋ ndə tʉkə-i tʉʼ vyíi bʉʼka mɔ ghɔŋbə ŋgiekə-ɔŋ, tʉ-Vaa-Woməsʉʉ-kə bu vyíi te ɔ, ndʉʉ ndə ɔ bu gwè mu məŋwɔʼmə-i, ndəŋ məŋwɔʼ Tie-e leʼnə yi-bʉəntəŋNyii-yə ndə bɔ̂ŋ bɛ ŋkʉʉ. 27Nɔʼ m̈ɔ shyíi bii nə shʉəŋ, bəbɛʼbʉə mu bii ndə bɔ̂ŋ tə́nə fɛ̄ŋ, kʉʉ yúotə kwú fɛ, tə bɔ̂ŋ yaʼ yi nyíɛ Sɔ́ʼ-Nyii.”
Jiso fyú hə mu məŋwɔʼmə-i
(Matia 17:1-8; Mak 9:2-8)
28Chîbə kʉ̂ʉ tíŋ fɔ̂ŋ, ndə Jiso gìe nubə-ɔ̄ŋ, ɔ lʉ̀ Bita ghɔŋbə Jɔŋ leʼnə Jɛŋ, ghɔŋ bɔŋ kóʼ gɛ̀ ndəŋ kwɔŋ ndə məgháaNyii. 29Ndə ɔ kə́ gháaNyii mbe-shʉ-i kwɛ́nə, ndyi-i kwɛ́nə kə́ leʼnə, nə leʼnə-wyuu-kə. 30Kə kwɔnə nyíɛ, bʉə bəbûu, Mushi ghɔŋ Ɛlaja, fyú kə́ kwə́ʼ ghɔŋbə Jiso. 31Bɔ̂ŋ fyú hə mu məŋwɔʼmə-ʉə, kə́ kwə́ʼ ghɔŋbə Jiso te kwu-i ndə i bu fyú shʉəŋ Jɛlosalɛŋ, haʼ ndə Nyii nɔʼ kə shʉ̀tə.
32Bita ghɔŋbə bʉə-nuɔ-bi nɔ nə kə́ bɛ́ŋbɛ́ŋ, bɔŋ ndʉʉ ndə bɔ̂ŋ gwùʼtə bɔ̂ŋ nyíɛ məgʉə-e ghɔŋbə bʉə-ghɔ̄bə bəbûu kə́ tə́nə mɔʼɔ. 33Ndʉʉ ndə bʉə-ghɔ̄bə tʉʼ gɛ̀ nə wʉə, Bita ghɔ̀ŋ tʉ Jiso mbɔ, “Tiefɔʼ-ɔ, i nɔ bʉ̀ʉ ndə bâʼa bɛ fɛ̄ŋ nɔ. B̈âʼa fʉ̀ə lɛʼbə itia, imɔʼ tʉ a, imɔʼ tʉ Mushi leʼnə imɔʼ tʉ Ɛlaja.” Ɔ kə kínə nukə ndə ɔ kə́ gìe fɛ. 34Bɔŋ ndə ɔ kə́ bíe gìe, mbɔʼkə shíʼ kwóhə bɔŋ, faakə yá bɔŋ ndə bɔ̂ŋ kə ŋíi mu mbʉ kəmbɔʼ.
35Gyʉʉ gìe mu mbʉ kəmbɔʼ mbɔ, “Nɔ bɛ Vaa-ɔŋ nɔ ndə mɔ Séʼ, b̈ii yʉ́ chu-i.” 36Ndʉʉ ndə mbʉ gyʉʉ liʼ, bɔ̂ŋ nyíɛ mbɔ Jiso nɔ nə tə́nə tətɛʼ ɔ. Mbʉ vâafɔʼɔ-bi káa nə yɔ̄ŋ-yə bətɔ-bɔŋ, bɔŋ təmə shyíi wo nə yɔŋ fɛ, tə i chí dɔ̀ŋnə.
Jiso chʉ́ʼ vaabələŋ ndə ɔ kie lyʉʉhəbʉəbʉəkə mu mbʉə-ɔ
(Matia 17:14-18; Mak 9:14-27)
37Mbi kʉ̂ʉ sɛŋ fíi bɔ̂ŋ shíʼ kwɔŋ, nuɔ-bʉə-buŋmbi bìatə Jiso. 38Wobɛʼ tíi ɔ mu mbʉ bʉə mbɔ, “Chicha, mɔ nɔ tʉʼ fʉ̀ʉtə a mbɔ ä lɛ́nə vaabələŋ-ɔ̄ŋ kɔ́ mɔ, bʉʼka nɔ bɛ haʼ mbyu vaa-ɔŋ imɔʼ. 39L̃yʉʉhəbʉəbʉəkə nɔ gwù ndəŋ ɔŋ, ɔ tíi, i mɔ̀ʼ ɔ sê ndə ŋgɛŋ lukə fyùʼ chu-ɔ. Ɔ chʉʼ nə mɛ̀ʼtə ɔŋ fɛ, kə́ ŋìʼtə ɔŋ gɛ̀. 40Mɔ nɔʼ fʉ̀ʉtə vâafɔʼɔ-ba mbɔ b̈ɔ̂ŋ jə̀ŋ ɔŋ, bɔŋ bɔ̂ŋ mùutə kəŋkaa.”
41Jiso bə̀ŋhə mbɔ, “Oo ŋgwie-bʉə ndə bɔ̂ŋ gòʼ təmə mɔ̀ʼfyiihə-ʉə ndəŋ mɔ fɛ bɔŋleʼ kie mənaa, mɔ kie ndə məbɛ bʉʼʉ ntyʉʉ təka? Mɔ kie ndə məbɛ bʉʼʉ ntyʉʉ təka tə bii buŋ yi bɛ́ŋ mɔ? Gwè nə mbʉ vaa fɛ̄ŋ.” 42Bɔŋ ndʉʉ ndə mbʉ vaa kə gwè, mbʉ kəlyʉʉhəbʉəbʉə chóʼ ɔ mɛ̀ʼ sê ndəŋ ŋgɛŋ. Jiso sɔ́ʼ mbʉ kəlyʉʉhəbʉəbʉə, chʉ́ʼ mbʉ vaa, kɔ́ ɔ tʉ tie-e. 43Bɔ̂ŋ nyíɛ ghʉəʼkwɛʼtəŋ-Nyii-kə, i chàa bɔŋ.
Jiso bìʼ kwə́ʼ te kwu-i
(Matia 17:22-23; Mak 9:30-32)
Ndə bʉə kə́ bíe yie nubə ndə Jiso tʉʼ chìi, Jiso ghɔ̀ŋ tʉ vâafɔʼɔ-bi mbɔ, 44“B̈ii yʉ́ jyujyu nukə ndə mɔ tʉʼ kʉ́ʉ gìe tʉ bii, bə nɔ tʉʼ gwè chɔ̀ʼhə Vaa-Woməsʉʉ kɔ́ mu kəghɔ-bʉəməsʉʉ.” 45Təmə bɔ̂ŋ kínə nukə ndə yɔ̄ŋ-yə bɛ yɔŋ fɛ. Bə nɔ nə lə̀ŋ yɔ̄ŋ-yə hə kəghɔ-bɔŋ, bʉʼka bɔ̂ŋ mə yá tiɛŋ-ɛŋ, bɔ̂ŋ fàa ndə məbíʼtə.
Bu bɛ nda bɛ wokwɛʼtəŋ?
(Matia 18:1-5; Mak 9:33-37)
46Vâafɔʼɔ-bi chʉ́ʉhə bəŋʉʉ mu bɔŋ te wo ndə bəkɔ ɔ bɛ fɔŋ wokwɛʼtəŋ. 47Jiso kə́ kínə ŋkwɔʼtə-yʉə, lʉ̀ vaambuɔ tîetîe, tʉʼ ɔ mbʉə ɔ. 48Ndʉʉmɛ, ɔ ghɔ̀ŋ tʉ bɔŋ mbɔ, “Wotəmiyɔŋ ndə ɔ lʉ̀ vaambuɔ nə yɔ̄ŋ-yə kɔ́ mbʉə-ɔ yie-mɔ, nɔ lʉ̀ mɔ, bɔŋ wotəmiyɔŋ ndə ɔ leʼ lʉ̀ mɔ, nɔ lʉ̀ wo ndə ɔ tə́ŋ mɔ. Bʉʼka wotəmiyɔŋ ndə ɔ bɛ ndyiʼtə-wo-kə mu bii bənchəŋ nɔ bɛ fɔŋ wokwɛʼtəŋ.”
Wo ndə ɔ gòʼ təmə tɛ́ŋ aŋ fɛ, nɔ bɛ kəvia-a
(Mak 9:38-40)
49Jɔŋ ghɔ̀ŋ tʉ Jiso mbɔ, “Tiefɔʼ-ɔ, baʼa nɔʼ nyíɛ wobɛʼ ɔ kə́ jə̀ŋ lyʉʉhəbʉəbʉəbə nə yie-a. Baʼa kə́ kɔ̀ɔtə ndə məkɔ́tuu tʉ ɔŋ, bʉʼka ɔ kaa mbyu wo-yʉʼʉ fɛ.”
50Jiso ghɔ̀ŋ mbɔ, “Kə bii mə kɔ́tuu tʉ ɔŋ fɛ, bʉʼka wo ndə ɔ gòʼ təmə tɛ́ŋ bii fɛ, nɔ bɛ kəvia-bii.”
Bʉə-Samalia tɛ́ŋ Jiso
51Ndʉʉ kʉ̂ʉ kə́ kʉ̀ʼnə gwè ndə bə kie ndə məlʉ̀ Jiso gɛ̀ nə nɔŋ yuo, Jiso tʉ́ʼ ndaahə-i ndə məgɛ̀ Jɛlosalɛŋ. 52Ɔ tə́ŋ bəlɔntəŋ-bi bəshʉ bɔ̂ŋ gɛ̀ mu lɔʼɔbɛʼ mu Samalia ndə məshʉ̀tə yəŋbə ɔ buŋ gwè. 53Bɔŋ təmə bʉə ndə bɔ̂ŋ bɛ mu lɔʼɔ-ghɔ̄ bɛ́ŋ ɔŋ fɛ, bʉʼka i leʼ bɛ nu-kətʉ-kwú-kə mbɔ ɔ tʉʼ gɛ̀ Jɛlosalɛŋ fɛ. 54Ndʉʉ ndə vâafɔʼɔ-bi Jɛŋ ghɔŋ Jɔŋ kə nyíɛ yɔ̄ŋ-yə, bɔ̂ŋ bíʼtə tʉ ɔŋ mbɔ, “Tiekətʉ, a kʉ̀ʉ mbɔ b̈aʼa tíi viʼi, i shíʼ hə yuo yítə bɔŋ mɛ?” 55Jiso kíahə ŋwɔŋ-ɛŋ, sɔ́ʼ bɔŋ. 56Ndʉʉmɛ, bɔ̂ŋ lɔ̀ gɛ̀ ndəŋ ibɛʼ-yə lɔʼɔ kətə̂ŋ.
Chuɔŋ ndə məgɛ̀ hə bɔ̌ŋ Jiso
(Matia 8:19-22)
57Ndʉʉ ndə bɔ̂ŋ tʉʼ tòʼ sêfia, wobɛʼ ghɔ̀ŋ tʉ ɔŋ mbɔ, “Mɔ bu gwè hə bɔ̌ŋ aŋ ndə yəŋkə təmiyɔŋ ndə a tʉʼ gɛ̀ chɔ.”
58Jiso bə̀ŋhə mbɔ, “Bəsəŋyaŋgwo nɔ kie mbyuʼhə-ʉə ndə məchí chɔ, nuɔ-mbi-mə kie njaahə-ʉə, bɔŋ Vaa-Woməsʉʉ, kie yəŋ-mɔ̀ʼ-kətʉ-kə-i fɛ.”
59Ɔ gìe tʉ ibɛʼ-yə wo mbɔ, “Gwè hə bɔ̌ŋ mɔ.”
Mbʉ wo-ghɔ̄ bə̀ŋhə mbɔ, “Tiekətʉ, mɛ̀ʼtə m̈ɔ fəŋ gɛ̀ tyúu tie-ɔ.”
60Jiso ghɔ̀ŋ tʉ ɔŋ mbɔ, “Mɛ̀ʼtə ŋkwu-bʉə-bə tyúu ŋkwu-bʉə-bʉə-bə. A gɛ̀ lɔ̀ʼ Sɔ́ʼ-Nyii tʉ bʉə.”
61Ibɛʼ-yə wo bìʼ ghɔ̀ŋ mbɔ, “Mɔ bu gwè hə bɔ̌ŋ aŋ, Tiekətʉ, bɔŋ fəŋ mɛ̀ʼtə m̈ɔ gɛ̀ tíŋhə bʉə-bɔŋ.”
62Jiso bə̀ŋhə mbɔ, “Wo ndə ɔ yá sʉʉ-bənaʼa-tyúu-mutɔ-kə kə́ bʉ̀nə lɛ́nə bɔ̌ŋ liɛŋ-bi, kʉ̀ʼnə ndə məbɛ kəyəŋ ndə Nyii tʉʼ sɔ́ʼ fɛ.”
ទើបបានជ្រើសរើសហើយ៖
Luk 9: bvm
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Luk 9
9
Jiso tə́ŋ bəlɔntəŋ-bi njuɔ bûu nə wuŋ
(Matia 10:5-15; Mak 6:7-13)
1Yɔŋbɛʼ Jiso tíi mbʉ bəlɔntəŋ-bi njuɔ bûu nə wuŋ mbʉə ɔ, kɔ́ ghʉəʼkə tʉ bɔŋ leʼnə ghʉəʼkə ndə məgìe kətʉ lyʉʉhəbʉəbʉəbə, leʼ chʉ́ʼ yɔʼbə. 2Ɔ leʼ tə́ŋ bɔŋ ndə məgɛ̀ lɔ̀ʼ tʉ wʉʉnəmbikə te Sɔ́ʼ-Nyii bɔŋleʼ chʉ́ʼ bʉə-bəyɔʼ. 3Ɔ ghɔ̀ŋ tʉ bɔŋ mbɔ, “Kə bii mə lʉ̀ fɔkə gɛ̀ nə yɔŋ fɛ, kə bii mə lʉ̀ mbuu fɛ, lʉ̀ kwo fɛ, lʉ̀ fɔ-yú-kə fɛ, lʉ̀ kyʉə fɛ, təmə lʉ̀ ndyi kwɛ́nə ŋwɔŋ fɛ. 4Kaʼ bii ŋíi mu njaa təmiyɔŋ, b̈ii káa chɔ tə nə lɔ̀ hə chɔ. 5Kaʼ bʉə gòʼ təmə fí bii fɛ, b̈ii kwètə bʉəkə kəwu-bii ndə ndʉʉ ndə bii tʉʼ fyú hə mu kəyəŋkwɛʼtəŋ, bɔŋ i bu bɛ cheʼkə mbɔ ndɔŋ-yʉə nɔ kətʉ-bɔŋ.”
6Ndʉʉmɛ, bɔ̂ŋ fyú gɛ̀ mbi, kə́ lɔ̀ hə ndəŋ lɔʼɔ kətə̂ŋ dàa ndəŋ lɔʼɔ kətə̂ŋ, kə́ tòʼ lɔ̀ʼ ŋgieNyiikə, leʼ kə́ chʉ́ʼ bʉə ndəŋ yɔʼbə inchəŋ.
Mbyuutəmbyuutə mu kətʉ-Hɛlo
(Matia 14:1-12; Mak 6:14-29)
7Nduɔ, Hɛlo ndə ɔ kə bɛ gɔməna-Galili, yʉ́ nubə ndə Jiso tʉʼ fɔ̀ʼ, i chɔ́ŋhə ɔŋ bɔŋleʼ chíe chu-i bʉʼka mbɔ bəbɛʼbʉə nɔ nə ghɔ̀ŋ mbɔ Jɔŋ ndə ɔ kə kwú la nɔʼ kóʼ. 8Bəbɛʼbə ghɔ̀ŋ mbɔ, la Ɛlaja ndə ɔ kwɔnə fyú, bəbɛʼbə ghɔ̀ŋ mbɔ la bɛ mbyu yʉkəŋgieNyii ndə ɔ nɔʼ kə kwú lʉ̀ hə ŋgʉʼʉbɛʼ, ndə ɔ bʉ̀nə kóʼ. 9Bɔŋ Hɛlo ghɔ̀ŋ mbɔ, “Mɔ nɔ kə chʉ̀ə tʉ-Jɔŋ-kə, bɛ nda ndʉʉmɛ ndə mɔ tʉʼ yʉ́ nubə-ɔ̄ŋ te ɔ nɔ?” Ɔ kə́ kɔ̀ɔtə ndə mənyíɛ ɔŋ.
Jiso yúʼ ŋkɔŋ-bʉə-hə bətaa
(Matia 14:13-21; Mak 6:30-44; Jɔŋ 6:1-14)
10Ndʉʉ ndə mbʉ bəlɔntəŋNyii bʉ̀nə, bɔ̂ŋ núhə nubə tʉ Jiso ndə bɔ̂ŋ nɔʼ kə fɔ̀ʼ. Ɔ lʉ̀ bɔŋ ghɔŋ bɔŋ fyúhə ŋwɔŋ-yʉə bɔ̌ŋ, gɛ̀ mbʉə kəyəŋkwɛʼtəŋbɛʼ ndə bə kə́ tíi nə Bɛsieda. 11Bʉə buŋmbi yʉ́ yəŋkə ndə ɔ gɛ̀ chɔ, gɛ̀ hə bɔ̌ŋ ɔŋ. Ɔ lʉ̀ bɔŋ, kwə́ʼ tʉ bɔŋ te Sɔ́ʼ-Nyii, bɔŋleʼ chʉ́ʼ bʉə ndə bɔ̂ŋ kə́ kʉ́ʉ nchʉʼ. 12Ŋgwɔʼmbi kʉ̂ʉ kə́ tíŋ, mbʉ bəlɔntəŋ-bi njuɔ bûu nə wuŋ gwè ghɔ̀ŋ tʉ ɔŋ mbɔ, “Ẅɔ̀ʼhə bɔŋ, bɔŋ gɛ̀ lɛ́nə yəŋbə mu lɔʼ-bətə̂ŋ-tə ndə i bɛ mbʉə bʉʼʉ leʼnə mu ntəʼhə ndə məkʉ́ʉ fɔyubə ghɔŋbə yəŋ-chí-bə, bʉʼka bʉʼʉ nɔ bɛ fɛ̄ŋ ndə yəŋ-mu-ŋkɔ-kə.”
13Bɔŋ ɔ bə̀ŋhə mbɔ, “B̈ii kɔ́ fɔbə tʉ bɔŋ, b̈ɔ̂ŋ yú.”
Bɔ̂ŋ bə̀ŋhə mbɔ, “Baʼa nɔ kie haʼ mbyu-bele-hə itaa, nə mbyu-mbɔʼ-hə ibûu, yaʼkɛŋ mbɔ baʼa gɛ̀ nyúɔ fɔbə tʉ bɔŋ bənchəŋ.” 14Ŋkɔŋ-bələŋ-hə kə́ bɛ chɔ bətaa.
Bɔŋ ɔ leʼ ghɔ̀ŋ tʉ vâafɔʼɔ-bi mbɔ, “B̈ii téʼ b̈ɔŋ dùʼtə sê tənuɔtənuɔ nə wuŋ taa wuŋ taa.” 15Mbʉ vâafɔʼɔ-bi chìi haʼ nɔ, téʼ bɔŋ dùʼtə sê. 16Ndʉʉmɛ, ɔ lʉ̀ mbʉ mbyu-bele-hə itaa leʼnə mbʉ mbyu-mbɔʼ-hə ibûu, lɛ́nə yuo, kɔ́ ndɔ, bə́ʼtə, kɔ́ tʉ vâafɔʼɔ-bi mbɔ bɔ̂ŋ tʉ́ʼtə bəshʉ mbʉ nuɔ-bʉə. 17Bɔ̂ŋ bənchəŋ yú tə yúotə. Bɔ̂ŋ lɛ̀ʼtə shyiibə njuɔ bûu nə wuŋ i lə́ŋtə nə kwuʼkwuʼ-bele.
Bita ghɔ̀ŋ mbɔ Jiso la bɛ Wo nə Nyii Kùŋ Tə́ŋ
(Matia 16:13-19; Mak 8:27-29)
18Ndʉʉ ndə Jiso kə́ gháaNyii kəyəŋ-bəliinə ghɔŋbə vâafɔʼɔ-bi kə́ bɛ mɔʼɔ, ɔ bíʼtə tʉ bɔŋ mbɔ, “Bʉə tʉʼ ghɔ̀ŋ mbɔ mɔ bɛ nda?”
19Bɔ̂ŋ bə̀ŋhə mbɔ, “Bəbɛʼbə nɔ ghɔ̀ŋ mbɔ a la Jɔŋ ndə ɔ̃ kɔ́ muu, bɔŋ bəbɛʼbə ghɔ̀ŋ mbɔ a la Ɛlaja, bəbɛʼbə ghɔ̀ŋ mbɔ a la bɛ mbyu yʉkəŋgieNyiibɛʼ ndə ɔ nɔʼ kə kwú ŋgʉʼʉbɛʼ bʉ̀nə kóʼ.”
20Ɔ bíʼtə tʉ bɔŋ mbɔ, “Bɔŋ bii tʉʼ ghɔ̀ŋ mbɔ mɔ bɛ nda?”
Bita bə̀ŋhə mbɔ, “A nɔ bɛ Wo ndə Nyii Kùŋ Tə́ŋ.”
Jiso kwə́ʼ te kwu-i
(Matia 16:20-28; Mak 8:30–9:1)
21Jiso shyùu tyunəkə-ʉə mbɔ bɔ̂ŋ mə yi shyíi wo nə yɔ̄ŋ-yə fɛ. 22Ɔ leʼ ghɔ̀ŋ mbɔ, “Vaa-Woməsʉʉ bu yaʼ nyíɛ ŋgʉəʼ ndə nubə buŋmbi. Bəntəŋbəshʉ, bətiefɛ̀ʼndɛŋNyii leʼnə bʉə dàhə nuʼ-Mushi bu tɛ́ŋ ɔŋ, bɔŋleʼ yí ɔ, kʉ̂ʉ bɛ chîbə itia nɔ bə bʉ̀nə kóʼhə ɔŋ.”
23Ndʉʉmɛ, ɔ ghɔ̀ŋ tʉ bɔŋ bənchəŋ mbɔ, “Kaʼ wo mu bii kʉ̀ʉ ndə məgwè hə bɔ̌ŋ mɔ, ɔ nɔ kie ndə mətɛ́ŋ ŋwɔŋ-ɛŋ, bɛ̀ʼ tyʉntɔɔnəkə-i bəchibəchi, gwè hə bɔ̌ŋ mɔ. 24Bʉʼka wo ndə ɔ kʉ̀ʉ ndə məkwáa ŋkwiitʉ-e, bu bɛ́, bɔŋ wo ndə ɔ kɔ́ ŋkwiitʉ-e bʉʼka mɔ, bu kie ŋkwiitʉ-e. 25Bəkɔ wo sii ka, kaʼ ɔ kie wʉʉnəmbikə inchəŋ, bɛ́ ŋkwiitʉ-e? 26Bɔŋ wotəmiyɔŋ ndə tʉkə-i tʉʼ vyíi bʉʼka mɔ ghɔŋbə ŋgiekə-ɔŋ, tʉ-Vaa-Woməsʉʉ-kə bu vyíi te ɔ, ndʉʉ ndə ɔ bu gwè mu məŋwɔʼmə-i, ndəŋ məŋwɔʼ Tie-e leʼnə yi-bʉəntəŋNyii-yə ndə bɔ̂ŋ bɛ ŋkʉʉ. 27Nɔʼ m̈ɔ shyíi bii nə shʉəŋ, bəbɛʼbʉə mu bii ndə bɔ̂ŋ tə́nə fɛ̄ŋ, kʉʉ yúotə kwú fɛ, tə bɔ̂ŋ yaʼ yi nyíɛ Sɔ́ʼ-Nyii.”
Jiso fyú hə mu məŋwɔʼmə-i
(Matia 17:1-8; Mak 9:2-8)
28Chîbə kʉ̂ʉ tíŋ fɔ̂ŋ, ndə Jiso gìe nubə-ɔ̄ŋ, ɔ lʉ̀ Bita ghɔŋbə Jɔŋ leʼnə Jɛŋ, ghɔŋ bɔŋ kóʼ gɛ̀ ndəŋ kwɔŋ ndə məgháaNyii. 29Ndə ɔ kə́ gháaNyii mbe-shʉ-i kwɛ́nə, ndyi-i kwɛ́nə kə́ leʼnə, nə leʼnə-wyuu-kə. 30Kə kwɔnə nyíɛ, bʉə bəbûu, Mushi ghɔŋ Ɛlaja, fyú kə́ kwə́ʼ ghɔŋbə Jiso. 31Bɔ̂ŋ fyú hə mu məŋwɔʼmə-ʉə, kə́ kwə́ʼ ghɔŋbə Jiso te kwu-i ndə i bu fyú shʉəŋ Jɛlosalɛŋ, haʼ ndə Nyii nɔʼ kə shʉ̀tə.
32Bita ghɔŋbə bʉə-nuɔ-bi nɔ nə kə́ bɛ́ŋbɛ́ŋ, bɔŋ ndʉʉ ndə bɔ̂ŋ gwùʼtə bɔ̂ŋ nyíɛ məgʉə-e ghɔŋbə bʉə-ghɔ̄bə bəbûu kə́ tə́nə mɔʼɔ. 33Ndʉʉ ndə bʉə-ghɔ̄bə tʉʼ gɛ̀ nə wʉə, Bita ghɔ̀ŋ tʉ Jiso mbɔ, “Tiefɔʼ-ɔ, i nɔ bʉ̀ʉ ndə bâʼa bɛ fɛ̄ŋ nɔ. B̈âʼa fʉ̀ə lɛʼbə itia, imɔʼ tʉ a, imɔʼ tʉ Mushi leʼnə imɔʼ tʉ Ɛlaja.” Ɔ kə kínə nukə ndə ɔ kə́ gìe fɛ. 34Bɔŋ ndə ɔ kə́ bíe gìe, mbɔʼkə shíʼ kwóhə bɔŋ, faakə yá bɔŋ ndə bɔ̂ŋ kə ŋíi mu mbʉ kəmbɔʼ.
35Gyʉʉ gìe mu mbʉ kəmbɔʼ mbɔ, “Nɔ bɛ Vaa-ɔŋ nɔ ndə mɔ Séʼ, b̈ii yʉ́ chu-i.” 36Ndʉʉ ndə mbʉ gyʉʉ liʼ, bɔ̂ŋ nyíɛ mbɔ Jiso nɔ nə tə́nə tətɛʼ ɔ. Mbʉ vâafɔʼɔ-bi káa nə yɔ̄ŋ-yə bətɔ-bɔŋ, bɔŋ təmə shyíi wo nə yɔŋ fɛ, tə i chí dɔ̀ŋnə.
Jiso chʉ́ʼ vaabələŋ ndə ɔ kie lyʉʉhəbʉəbʉəkə mu mbʉə-ɔ
(Matia 17:14-18; Mak 9:14-27)
37Mbi kʉ̂ʉ sɛŋ fíi bɔ̂ŋ shíʼ kwɔŋ, nuɔ-bʉə-buŋmbi bìatə Jiso. 38Wobɛʼ tíi ɔ mu mbʉ bʉə mbɔ, “Chicha, mɔ nɔ tʉʼ fʉ̀ʉtə a mbɔ ä lɛ́nə vaabələŋ-ɔ̄ŋ kɔ́ mɔ, bʉʼka nɔ bɛ haʼ mbyu vaa-ɔŋ imɔʼ. 39L̃yʉʉhəbʉəbʉəkə nɔ gwù ndəŋ ɔŋ, ɔ tíi, i mɔ̀ʼ ɔ sê ndə ŋgɛŋ lukə fyùʼ chu-ɔ. Ɔ chʉʼ nə mɛ̀ʼtə ɔŋ fɛ, kə́ ŋìʼtə ɔŋ gɛ̀. 40Mɔ nɔʼ fʉ̀ʉtə vâafɔʼɔ-ba mbɔ b̈ɔ̂ŋ jə̀ŋ ɔŋ, bɔŋ bɔ̂ŋ mùutə kəŋkaa.”
41Jiso bə̀ŋhə mbɔ, “Oo ŋgwie-bʉə ndə bɔ̂ŋ gòʼ təmə mɔ̀ʼfyiihə-ʉə ndəŋ mɔ fɛ bɔŋleʼ kie mənaa, mɔ kie ndə məbɛ bʉʼʉ ntyʉʉ təka? Mɔ kie ndə məbɛ bʉʼʉ ntyʉʉ təka tə bii buŋ yi bɛ́ŋ mɔ? Gwè nə mbʉ vaa fɛ̄ŋ.” 42Bɔŋ ndʉʉ ndə mbʉ vaa kə gwè, mbʉ kəlyʉʉhəbʉəbʉə chóʼ ɔ mɛ̀ʼ sê ndəŋ ŋgɛŋ. Jiso sɔ́ʼ mbʉ kəlyʉʉhəbʉəbʉə, chʉ́ʼ mbʉ vaa, kɔ́ ɔ tʉ tie-e. 43Bɔ̂ŋ nyíɛ ghʉəʼkwɛʼtəŋ-Nyii-kə, i chàa bɔŋ.
Jiso bìʼ kwə́ʼ te kwu-i
(Matia 17:22-23; Mak 9:30-32)
Ndə bʉə kə́ bíe yie nubə ndə Jiso tʉʼ chìi, Jiso ghɔ̀ŋ tʉ vâafɔʼɔ-bi mbɔ, 44“B̈ii yʉ́ jyujyu nukə ndə mɔ tʉʼ kʉ́ʉ gìe tʉ bii, bə nɔ tʉʼ gwè chɔ̀ʼhə Vaa-Woməsʉʉ kɔ́ mu kəghɔ-bʉəməsʉʉ.” 45Təmə bɔ̂ŋ kínə nukə ndə yɔ̄ŋ-yə bɛ yɔŋ fɛ. Bə nɔ nə lə̀ŋ yɔ̄ŋ-yə hə kəghɔ-bɔŋ, bʉʼka bɔ̂ŋ mə yá tiɛŋ-ɛŋ, bɔ̂ŋ fàa ndə məbíʼtə.
Bu bɛ nda bɛ wokwɛʼtəŋ?
(Matia 18:1-5; Mak 9:33-37)
46Vâafɔʼɔ-bi chʉ́ʉhə bəŋʉʉ mu bɔŋ te wo ndə bəkɔ ɔ bɛ fɔŋ wokwɛʼtəŋ. 47Jiso kə́ kínə ŋkwɔʼtə-yʉə, lʉ̀ vaambuɔ tîetîe, tʉʼ ɔ mbʉə ɔ. 48Ndʉʉmɛ, ɔ ghɔ̀ŋ tʉ bɔŋ mbɔ, “Wotəmiyɔŋ ndə ɔ lʉ̀ vaambuɔ nə yɔ̄ŋ-yə kɔ́ mbʉə-ɔ yie-mɔ, nɔ lʉ̀ mɔ, bɔŋ wotəmiyɔŋ ndə ɔ leʼ lʉ̀ mɔ, nɔ lʉ̀ wo ndə ɔ tə́ŋ mɔ. Bʉʼka wotəmiyɔŋ ndə ɔ bɛ ndyiʼtə-wo-kə mu bii bənchəŋ nɔ bɛ fɔŋ wokwɛʼtəŋ.”
Wo ndə ɔ gòʼ təmə tɛ́ŋ aŋ fɛ, nɔ bɛ kəvia-a
(Mak 9:38-40)
49Jɔŋ ghɔ̀ŋ tʉ Jiso mbɔ, “Tiefɔʼ-ɔ, baʼa nɔʼ nyíɛ wobɛʼ ɔ kə́ jə̀ŋ lyʉʉhəbʉəbʉəbə nə yie-a. Baʼa kə́ kɔ̀ɔtə ndə məkɔ́tuu tʉ ɔŋ, bʉʼka ɔ kaa mbyu wo-yʉʼʉ fɛ.”
50Jiso ghɔ̀ŋ mbɔ, “Kə bii mə kɔ́tuu tʉ ɔŋ fɛ, bʉʼka wo ndə ɔ gòʼ təmə tɛ́ŋ bii fɛ, nɔ bɛ kəvia-bii.”
Bʉə-Samalia tɛ́ŋ Jiso
51Ndʉʉ kʉ̂ʉ kə́ kʉ̀ʼnə gwè ndə bə kie ndə məlʉ̀ Jiso gɛ̀ nə nɔŋ yuo, Jiso tʉ́ʼ ndaahə-i ndə məgɛ̀ Jɛlosalɛŋ. 52Ɔ tə́ŋ bəlɔntəŋ-bi bəshʉ bɔ̂ŋ gɛ̀ mu lɔʼɔbɛʼ mu Samalia ndə məshʉ̀tə yəŋbə ɔ buŋ gwè. 53Bɔŋ təmə bʉə ndə bɔ̂ŋ bɛ mu lɔʼɔ-ghɔ̄ bɛ́ŋ ɔŋ fɛ, bʉʼka i leʼ bɛ nu-kətʉ-kwú-kə mbɔ ɔ tʉʼ gɛ̀ Jɛlosalɛŋ fɛ. 54Ndʉʉ ndə vâafɔʼɔ-bi Jɛŋ ghɔŋ Jɔŋ kə nyíɛ yɔ̄ŋ-yə, bɔ̂ŋ bíʼtə tʉ ɔŋ mbɔ, “Tiekətʉ, a kʉ̀ʉ mbɔ b̈aʼa tíi viʼi, i shíʼ hə yuo yítə bɔŋ mɛ?” 55Jiso kíahə ŋwɔŋ-ɛŋ, sɔ́ʼ bɔŋ. 56Ndʉʉmɛ, bɔ̂ŋ lɔ̀ gɛ̀ ndəŋ ibɛʼ-yə lɔʼɔ kətə̂ŋ.
Chuɔŋ ndə məgɛ̀ hə bɔ̌ŋ Jiso
(Matia 8:19-22)
57Ndʉʉ ndə bɔ̂ŋ tʉʼ tòʼ sêfia, wobɛʼ ghɔ̀ŋ tʉ ɔŋ mbɔ, “Mɔ bu gwè hə bɔ̌ŋ aŋ ndə yəŋkə təmiyɔŋ ndə a tʉʼ gɛ̀ chɔ.”
58Jiso bə̀ŋhə mbɔ, “Bəsəŋyaŋgwo nɔ kie mbyuʼhə-ʉə ndə məchí chɔ, nuɔ-mbi-mə kie njaahə-ʉə, bɔŋ Vaa-Woməsʉʉ, kie yəŋ-mɔ̀ʼ-kətʉ-kə-i fɛ.”
59Ɔ gìe tʉ ibɛʼ-yə wo mbɔ, “Gwè hə bɔ̌ŋ mɔ.”
Mbʉ wo-ghɔ̄ bə̀ŋhə mbɔ, “Tiekətʉ, mɛ̀ʼtə m̈ɔ fəŋ gɛ̀ tyúu tie-ɔ.”
60Jiso ghɔ̀ŋ tʉ ɔŋ mbɔ, “Mɛ̀ʼtə ŋkwu-bʉə-bə tyúu ŋkwu-bʉə-bʉə-bə. A gɛ̀ lɔ̀ʼ Sɔ́ʼ-Nyii tʉ bʉə.”
61Ibɛʼ-yə wo bìʼ ghɔ̀ŋ mbɔ, “Mɔ bu gwè hə bɔ̌ŋ aŋ, Tiekətʉ, bɔŋ fəŋ mɛ̀ʼtə m̈ɔ gɛ̀ tíŋhə bʉə-bɔŋ.”
62Jiso bə̀ŋhə mbɔ, “Wo ndə ɔ yá sʉʉ-bənaʼa-tyúu-mutɔ-kə kə́ bʉ̀nə lɛ́nə bɔ̌ŋ liɛŋ-bi, kʉ̀ʼnə ndə məbɛ kəyəŋ ndə Nyii tʉʼ sɔ́ʼ fɛ.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.