Luk 6
6
Tiekətʉ-Chîlɔʼkə
(Matia 12:1-8; Mak 2:23-28)
1Chîlɔʼbɛʼkə, Jiso kə́ tíŋ ghɔŋbə vâafɔʼɔ-bi hə mutɔ-məntɔŋ, vâafɔʼɔ-bi chʉ́ʉhə kə́ shyìi ntɔŋmə kə́ fyʉ́ʼhə kəghɔ-bɔŋ, kwó mbʉ məntɔŋ. 2Bʉə-Falasi bíʼtə tʉ ɔŋ mbɔ, “Chìi ka bii kə́ bə́ʼ nuʼ ndəŋ Chîlɔʼkə?”
3Jiso bə̀ŋhə tʉ bɔŋ mbɔ, “Bii chʉʼ nə tíi nukə ndə Dɛbi nə chìi vɛʼ ndə jyʉʉ nə yɔ́ʼ ɔ ghɔŋbə bʉə-bi fe? 4Ɔ nɔ kə sʉ́ʉ mu lɛʼ-Nyii-kə lʉ̀ bəbele ndə bə nɔʼ kɔ́ tʉ Nyii, kwó, ndə i kə kʉ̀ʼnə tʉ ɔŋ ndə məkwó fɛ, yaʼkɛŋ bʉəfɛ̀ʼndɛŋNyii tətɛʼ bɔŋ, bɔŋleʼ kɔ́ ibɛʼ-yə tʉ bʉə ndə ghɔŋ bɔŋ kə bɛ mɔʼɔ.” 5Jiso ghɔ̀ŋ tʉ bɔŋ mbɔ, “Vaa-Woməsʉʉ nɔ bɛ Tiekətʉ-Chîlɔʼkə.”
Jiso chʉ́ʼ wokəyɔʼ ndəŋ Chîlɔʼkə
(Matia 12:9-14; Mak 3:1-6)
6Kʉ̂ʉ bìʼ bɛ ibɛʼ-yə Chîlɔʼkə, ɔ gɛ̀ ŋíi mu njaagháaNyii kə́ dàhə, wobɛʼ kə́ bɛ chɔ ndə kwiimɔʼnə-i nɔʼ lɛ́ŋ. 7Bʉə dàhə nuʼ-Mushi ghɔŋbə bʉə-Falasi tʉ́ʼ shʉtə-ʉə, kə́ kíi ɔ mbɔ ɔ bu chʉ́ʼ wo-ghɔ̄ ndəŋ Chîlɔʼkə mɛɛ, bɔ̂ŋ chʉʼ mɔ̀ʼ nukə kətʉ-ɔ. 8Jiso kínə nukə ndə bɔ̂ŋ tʉʼ kwɔ̀ʼtə kətʉ-bɔŋ, ghɔ̀ŋ tʉ mbʉ wo-ghɔ̄ ndə kwii-i nɔʼ kwú le mbɔ, “Lɔ̀ hə sê tə́nə bəshʉ bʉə bənchəŋ.” Ndʉʉmɛ, ɔ lɔ̀ hə sê tə́nə bəshʉ bʉə. 9Jiso ghɔ̀ŋ tʉ bɔŋ mbɔ, “M̈ɔ bíʼtə tʉ bii, bɛ yɔ̄ŋ-yə nukə, ndə nuʼ mɛ̀ʼtə mbɔ b̈ə fɔ̀ʼ ndəŋ Chîlɔʼkə, ndə məfɔ̀ʼ bʉ̀ʉ mɛ, kə məfɔ̀ʼ bʉ̂ʼʉ? Ndə məkwáa tʉ-wo-kə mɛ, kə məyí ɔ?” 10Jiso lɛ́nə bɔŋ bənchəŋ, gìe tʉ wo-ghɔ̄ mbɔ, “Shyìi kwii-a.” Ɔ chìi haʼ le, mbʉ kwii bʉ̀nə bɛ jyujyu. 11I byʉ́ʼ bɔŋ bənchəŋ, bɔ̂ŋ chʉ́ʉhə kə́ chúʼtə tʉbə-ʉə ndə mənyíɛ nukə ndə bɔ̂ŋ bu chìi nə Jiso.
Bəlɔntəŋ-Jiso njuɔ bûu nə wuŋ
(Matia 10:1-4; Mak 3:13-19)
12Mu chîbə-ɔ̄ŋ, Jiso kóʼ gɛ̀ ndəŋ kwɔŋ ndə məgháaNyii lʉ̀ hə ndʉʉbuumbi tə mbi fíi. 13Kʉ̂ʉ bɛ ndʉʉsɛŋkə, ɔ tíi vâafɔʼɔ-bi, bɔ̂ŋ gwè mbʉə ɔ, ɔ séʼ bɔŋ njuɔ bûu nə wuŋ, tíi bɔŋ nə bəlɔntəŋNyii. 14Bɔ̂ŋ nɔ kə bɛ Samu, ɔ tyú yie nə Bita, liŋ-iŋ Andolo, Jɛŋ, Jɔŋ, Fili, Batolomiɛ, 15Matia, Tɔmɔ, Jɛŋ vaa-Afio, Samu ndə bə kə́ tíi ɔ nə tiɛŋ-lɔʼɔ, 16Juda vaa-Jɛŋ, leʼnə Juda Iskalo ndə ɔ kə fɛ̀ŋ Jiso.
Jiso dàhə bɔŋleʼ chʉ́ʼ bʉə
(Matia 4:23-25)
17Ɔ shíʼ gɛ̀ ghɔŋ bɔŋ gɛ̀ tə́nə sê kəlʉʉnə. Buŋmbi vâafɔʼɔ-bi kə́ bɛ chɔ ghɔŋbə bʉə buŋmbi ndə bɔ̂ŋ lɔ̀ hə mu Judia inchəŋ ghɔŋbə Jɛlosalɛŋ, bɔŋleʼ lɔ̀ hə mu Taa ghɔŋbə Sidɔŋ ndə i kə bɛ mbʉə muukwɛʼtəŋmə. 18Bɔ̂ŋ nɔ kə́ gɛ̀ ndə məyʉ́ ɔ, bə bɔŋleʼ chʉ́ʼ yɔʼbə-ʉə ndə bɔ̂ŋ kə gɛ̀, bʉə ndə lyʉʉhəbʉəbʉəbə kə́ chɔ́ŋhə bɔŋ nɔ kə kie nchʉʼ. 19Bʉə bənchəŋ kə́ kʉ́ʉ ndə məkə̀ŋ mbʉ Jiso bʉʼka ghʉəʼ-nchʉʼ-kə nɔ nə kə́ fyú hə kəghɔ-ɔ ndə məchʉ́ʼ bɔŋ bənchəŋ.
Tʉʉjyu
(Matia 5:1-12)
20Ɔ chɔ̀ʼhə shʉ-i lɛ́nə vâafɔʼɔ-bi, ghɔ̀ŋ mbɔ,
“Tʉʉjyu nɔ bɛ tʉ bii bʉə-kəbyuu,
bʉʼka Sɔ́ʼ-Nyii nɔ bɛ yii-yə.
21 Tʉʉjyu nɔ bɛ tʉ bii ndə jyʉʉ tʉʼ yɔ́ʼ bii nduɔ
bʉʼka bii bu yi yuo.
Tʉʉjyu nɔ bɛ tʉ bii ndə bii tʉʼ gwía nduɔ, bʉʼka bii bu chʉ́əʼ.
22 Tʉʉjyu nɔ bɛ tʉ bii ndə bʉə-bàa-bii, fyúhə bii hə nuɔ-bɔŋ,
bɔŋleʼ kə́ chɛ̀ŋtə bii, kə́ tíi yie-yii bʉəbʉə bʉʼka Vaa-Woməsʉʉ.
23 T̈ʉʉ-yii kə́ sʉ́ʼnə yɔ̂ŋ-ghɔ̄ b̈ii bɔŋleʼ sɛ́ʼtə nə tʉʉjyu, bʉʼka kɛŋbə-ii bu yɔ́ŋ yuo. Nɔ bɛ haʼ nɔ ndə bətietie-bʉə nə kə́ fɔ̀ʼ tʉ bʉəyʉkəŋgieNyii.
Məvínə
24 Bɔŋ tə ŋgʉəʼ bɛ kətʉ-bii bʉə-kəfʉʼ
bʉʼka bii nɔʼ dùʼ jyujyu.
25 Tə ŋgʉəʼ bɛ kətʉ-bii, bii ndə bii tʉʼ
yú yuo bʉʼka jyʉʉ bu yɔ́ʼ bii.
Tə ŋgʉəʼ bɛ kətʉ-bii ndə bii tʉʼ chʉ́əʼ nduɔ,
bii bu lí bɔŋ gwía.
26 Tə ŋgʉəʼ bɛ kətʉ-bii ndə bʉə bənchəŋ tʉʼ tíi yie-yii jyujyu,
bʉʼka mbɔ nɔ kə bɛ ndə bətie-bʉə nə kə́ fɔ̀ʼ tʉ bʉə ndə bɔ̂ŋ ghɔ̀ŋ mbɔ bɔ̂ŋ la tʉʼ yʉ́ ŋgieNyiikə.
Kʉ̀ʉ bʉə-bàa-ba
(Matia 5:38-48; 7:12a)
27 “M̈ɔ bɔŋ shyíi bii, bii ndə bii tʉʼ yʉ́ mɔ, b̈ii kʉ̀ʉ bʉə-bàa-bii, fɔ̀ʼ bʉ̀ʉ tʉ bʉə ndə bɔ̂ŋ bàa bii. 28B̈II gháa bʉ̀ʉ kɔ́ tʉ bʉə ndə bɔ̂ŋ tʉʼ túu ndɔŋ kɔ́ kətʉ-bii. B̈ii gháaNyii tʉ bʉə ndə bɔ̂ŋ tʉʼ chɔ́ŋhə bii. 29Kaʼ wo chʉ̀əʼhə a, gwúu ghɔkə chu-a, ä jʉhə. Kaʼ wo fí ndyi-fəʼə-a, ä shùɔ ndyi mu mbʉə-a, bìa chɔ. 30Kaʼ wo gháa fɔkə kəghɔ-a, ä kɔ́ tʉ ɔŋ. Kaʼ wo lʉ̀ fɔkə-a, kə a məfì nə ghʉəʼkə fɛ. 31Nukə ndə bii kʉ̀ʉ mbɔ bʉə-fɔʼɔ tʉ bii, b̈ii fɔ̀ʼ tʉ bɔŋ ghɔ.
32 “Kaʼ bii kʉ̀ʉ haʼ bʉə ndə bɔ̂ŋ kʉ̀ʉ bii, kɛŋbə-ii bɛ ka? Bʉə bʉ̂ʼʉ ghɔ nɔ kʉ̀ʉ bʉə ndə bɔ̂ŋ kʉ̀ʉ bɔŋ. 33Kaʼ bii bɔŋ-kə́-leʼ chìi bʉ̀ʉ haʼ tʉ bʉə ndə bɔ̂ŋ tʉʼ chìi bʉ̀ʉ tʉ bii, kɛŋbə-ii bɛ ka chɔ? Bʉə bʉ̂ʼʉ nɔ chìi haʼ nɔ ghɔ. 34Kaʼ a kə́ chɔ́ʼhə haʼ tʉ bʉə ndə a kwɔ̀ʼtə mbɔ bɔ̂ŋ bu bʉ̀nə lɔ̀ʼ tʉ a, kɛŋbə-a bɛ ka chɔ? Bʉʼka mbɔ b̃ʉə bʉ̂ʼʉ nɔ chɔ́ʼhə haʼ nɔ tʉ bʉə-bʉ̂ʼʉ kə́ kínə mbɔ bɔ̂ŋ bu lɔ̀ʼ bɔŋ ŋkwɔŋ.
35 “Bɔŋ b̈ii kʉ̀ʉ bʉə-bàa-bii, fɔ̀ʼ bʉ̀ʉ tʉ bɔŋ, chɔ́ʼhə tʉ bɔŋ təmə kə́ kʉ̀ʼ məbyʉ̀hə fɛ. Ndʉʉghɔfii, kɛŋbə-ii bu yɔ́ŋ, bii bu bɛ vâa-Chaabəfɔŋ bʉʼka ɔ nɔ tʉʼ fɔ̀ʼ bʉ̀ʉ tʉ bʉə ndə bɔ̂ŋ kyinə kɔ́ ndɔ fɛ ghɔŋbə bʉə buuŋbʉə. 36Dʉ̀ʼ tʉvyiikə haʼ ndə Tie-a tʉʼ dʉ̀ʼ.
Məchʉ̀ə ŋkwɛ
(Matia 7:1-5)
37 “Kə bii mə chʉ̀ə ŋkwɛ yie bʉə-bʉəbʉə fɛ, Nyii kʉʉ chʉ̀ə yi-yə bʉəbʉə fɛ. Kə bii mə dʉ̀ʼ ghɔkə-i chu bəbɛʼbʉə fɛ, bɔŋ Nyii kʉʉ dʉ̀ʼ yi-yə ghɔkə chu-bii fɛ. B̈ii sʉ̀fyiihə-ii te nə ibɛʼ-yə wo, Nyii bu sʉ̀fyii-i te nə bii. 38B̈ii kɔ́, bə bu kɔ́ tʉ bii, yʉʼ fʉʼ jyujyu ndə bə nɔʼ jìehə bɔŋleʼ yʉ́ʼnə tə i kə́ tyunə, bə bu vɛʼ bəbe-bii. Bʉʼka fʉʼ ndə bii kɔ́ nɔ bɛ haʼ yɔŋ ndə bə bu kɔ́ tʉ bii.”
39Ɔ leʼ mɔ̀ʼ chəŋkə-ɔ̄ŋ tʉ bɔŋ mbɔ, “Bəkɔ fʉ̀əŋtəshʉ dʉ̀ʼ fia tʉ ibɛʼ-yə fʉ̀əŋtəshʉ mɛ? Bɔ̂ŋ bənchəŋ bu gwù mu byʉʉ fe? 40Vaa-sɛku mə láa chàa chicha-ɛ fɛ. Bɔŋ wotəmiyɔŋ ndə bə nɔʼ dàhə ɔŋ jyujyu bəkɔ ɔ bɛ ndə chicha-ɛ.
41 “Chìi ka a kə́ tʉ́ʼ shʉ-a ndəŋ vaadyʉʼʉ-kəfɔ ndə i bɛ shʉ-liŋ-aŋ bɔŋ təmə kə́ lɛ́nə mbyʉʉ-kəŋkɔʼ ndə i bɛ ndəŋ ya-yə shʉ fɛ? 42Bəkɔ a gìe tʉ liŋ-aŋ təka mbɔ, ‘Liŋ, n̈ɔʼ mɔ fyúhə vaa-kəfɔ hə shʉ-a,’ bɔŋ kə́ lèʼnə mbyʉʉ-kəŋkɔʼ ndə i bɛ shʉ ya-mbəŋ? Mbəŋ-aŋ wo làhə shʉ, fəŋ fyúhə mbyʉʉ-kəŋkɔʼ ndəŋ ya-yə shʉ, ndʉʉmɛ, a bu nyíɛ yəŋkə jyujyu ndə məfyúhə vaa-kəfɔ shʉ-liŋ-aŋ.
Tyʉkə ghɔŋ ntɔŋmə-i
(Matia 7:16-20; 12:33-35)
43 “Tyʉ-jyujyu-kə mə kʉ́ʉnə ntɔŋ-bʉəbʉə-mə fɛ haʼ ndə tyʉ-bʉəbʉə-kə mə kʉ́ʉnə ntɔŋ-jyujyu-mə fɛ. 44B̃ə nɔ chèʼnə tyʉkə ndə ntɔŋmə-i. A mə kwɛ̀ yɔ̌ŋ hə ndəŋ ŋkwenjʉ fɛ. Təmə bə mə kwɛ̀ lamashi hə ndəŋ sɔ̂ʼkə fɛ. 45W̃o jyujyu nɔ fyúhə nu-jyujyu-bə hə mu kəyəŋ lə̀ŋ bənu jyujyu mu fyii-ɔ, bɔŋ w̃o bʉəbʉə nɔ fyúhə nu-bʉəbʉə-bə hə mu kəyəŋ lə̀ŋ bənu bʉəbʉə mu fyii-ɔ, bʉʼka nubə ndə i lə̀ŋ mu fyii-ɔ nɔ bɛ yɔ́ŋ ndə ɔ bu kwə́ʼ.
Bʉə bɔ́ŋ njaa nə bənɔ̌ʼɔ ghɔŋbə bʉə ndə bɔ̂ŋ tʉʼ bɔ́ŋ nə ndaa
(Matia 7:24-27)
46 “Tʉʼ chìi ka bii kə́ tíi mɔ mbɔ, ‘Tiekətʉ, Tiekətʉ,’ təmə kə́ fɔ̀ʼ nubə ndə mɔ ghɔ̀ŋ mbɔ b̈ii kə́ fɔ̀ʼ fɛ? 47Mɔ bu dʉ̀ʼ tʉ bii ntɛhə ndə i bɛ te wotəmiyɔŋ ndə ɔ gwè tʉ mɔ, yʉ́ ŋgiekə-ɔŋ, mɔ̀ʼ mu məchimbi-ɔ. 48Ɔ nɔ bɛ nə wo ndə ɔ tʉʼ bɔ́ŋ njaa, nɔʼ tyúu yiesê-e i dɔ̀ŋnə gɛ̀ tə dàa ndəŋ ŋgoʼ mu sê. Ndʉʉ ndə ŋkenənduhə gwè, muu kwɔ̀ŋ mbʉ njaa, təmə i bɔŋ mə ŋɛ̀hə fɛ, bʉʼka bə nɔ bɔ́ŋ jyujyu. 49Bɔŋ wo ndə ɔ̈ yʉ́ ŋgiekə-ɔŋ təmə mɔ̀ʼ mu məchimbi-ɔ fɛ, ɔ nɔ bɛ nə wo ndə ɔ bɔ́ŋ njaa təmə yiesê-e jyujyu fɛ. Ndʉʉ ndə muu kwɔ̀ŋ mbʉ njaa, i gwù sê ŋìʼtə.”
ទើបបានជ្រើសរើសហើយ៖
Luk 6: bvm
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Luk 6
6
Tiekətʉ-Chîlɔʼkə
(Matia 12:1-8; Mak 2:23-28)
1Chîlɔʼbɛʼkə, Jiso kə́ tíŋ ghɔŋbə vâafɔʼɔ-bi hə mutɔ-məntɔŋ, vâafɔʼɔ-bi chʉ́ʉhə kə́ shyìi ntɔŋmə kə́ fyʉ́ʼhə kəghɔ-bɔŋ, kwó mbʉ məntɔŋ. 2Bʉə-Falasi bíʼtə tʉ ɔŋ mbɔ, “Chìi ka bii kə́ bə́ʼ nuʼ ndəŋ Chîlɔʼkə?”
3Jiso bə̀ŋhə tʉ bɔŋ mbɔ, “Bii chʉʼ nə tíi nukə ndə Dɛbi nə chìi vɛʼ ndə jyʉʉ nə yɔ́ʼ ɔ ghɔŋbə bʉə-bi fe? 4Ɔ nɔ kə sʉ́ʉ mu lɛʼ-Nyii-kə lʉ̀ bəbele ndə bə nɔʼ kɔ́ tʉ Nyii, kwó, ndə i kə kʉ̀ʼnə tʉ ɔŋ ndə məkwó fɛ, yaʼkɛŋ bʉəfɛ̀ʼndɛŋNyii tətɛʼ bɔŋ, bɔŋleʼ kɔ́ ibɛʼ-yə tʉ bʉə ndə ghɔŋ bɔŋ kə bɛ mɔʼɔ.” 5Jiso ghɔ̀ŋ tʉ bɔŋ mbɔ, “Vaa-Woməsʉʉ nɔ bɛ Tiekətʉ-Chîlɔʼkə.”
Jiso chʉ́ʼ wokəyɔʼ ndəŋ Chîlɔʼkə
(Matia 12:9-14; Mak 3:1-6)
6Kʉ̂ʉ bìʼ bɛ ibɛʼ-yə Chîlɔʼkə, ɔ gɛ̀ ŋíi mu njaagháaNyii kə́ dàhə, wobɛʼ kə́ bɛ chɔ ndə kwiimɔʼnə-i nɔʼ lɛ́ŋ. 7Bʉə dàhə nuʼ-Mushi ghɔŋbə bʉə-Falasi tʉ́ʼ shʉtə-ʉə, kə́ kíi ɔ mbɔ ɔ bu chʉ́ʼ wo-ghɔ̄ ndəŋ Chîlɔʼkə mɛɛ, bɔ̂ŋ chʉʼ mɔ̀ʼ nukə kətʉ-ɔ. 8Jiso kínə nukə ndə bɔ̂ŋ tʉʼ kwɔ̀ʼtə kətʉ-bɔŋ, ghɔ̀ŋ tʉ mbʉ wo-ghɔ̄ ndə kwii-i nɔʼ kwú le mbɔ, “Lɔ̀ hə sê tə́nə bəshʉ bʉə bənchəŋ.” Ndʉʉmɛ, ɔ lɔ̀ hə sê tə́nə bəshʉ bʉə. 9Jiso ghɔ̀ŋ tʉ bɔŋ mbɔ, “M̈ɔ bíʼtə tʉ bii, bɛ yɔ̄ŋ-yə nukə, ndə nuʼ mɛ̀ʼtə mbɔ b̈ə fɔ̀ʼ ndəŋ Chîlɔʼkə, ndə məfɔ̀ʼ bʉ̀ʉ mɛ, kə məfɔ̀ʼ bʉ̂ʼʉ? Ndə məkwáa tʉ-wo-kə mɛ, kə məyí ɔ?” 10Jiso lɛ́nə bɔŋ bənchəŋ, gìe tʉ wo-ghɔ̄ mbɔ, “Shyìi kwii-a.” Ɔ chìi haʼ le, mbʉ kwii bʉ̀nə bɛ jyujyu. 11I byʉ́ʼ bɔŋ bənchəŋ, bɔ̂ŋ chʉ́ʉhə kə́ chúʼtə tʉbə-ʉə ndə mənyíɛ nukə ndə bɔ̂ŋ bu chìi nə Jiso.
Bəlɔntəŋ-Jiso njuɔ bûu nə wuŋ
(Matia 10:1-4; Mak 3:13-19)
12Mu chîbə-ɔ̄ŋ, Jiso kóʼ gɛ̀ ndəŋ kwɔŋ ndə məgháaNyii lʉ̀ hə ndʉʉbuumbi tə mbi fíi. 13Kʉ̂ʉ bɛ ndʉʉsɛŋkə, ɔ tíi vâafɔʼɔ-bi, bɔ̂ŋ gwè mbʉə ɔ, ɔ séʼ bɔŋ njuɔ bûu nə wuŋ, tíi bɔŋ nə bəlɔntəŋNyii. 14Bɔ̂ŋ nɔ kə bɛ Samu, ɔ tyú yie nə Bita, liŋ-iŋ Andolo, Jɛŋ, Jɔŋ, Fili, Batolomiɛ, 15Matia, Tɔmɔ, Jɛŋ vaa-Afio, Samu ndə bə kə́ tíi ɔ nə tiɛŋ-lɔʼɔ, 16Juda vaa-Jɛŋ, leʼnə Juda Iskalo ndə ɔ kə fɛ̀ŋ Jiso.
Jiso dàhə bɔŋleʼ chʉ́ʼ bʉə
(Matia 4:23-25)
17Ɔ shíʼ gɛ̀ ghɔŋ bɔŋ gɛ̀ tə́nə sê kəlʉʉnə. Buŋmbi vâafɔʼɔ-bi kə́ bɛ chɔ ghɔŋbə bʉə buŋmbi ndə bɔ̂ŋ lɔ̀ hə mu Judia inchəŋ ghɔŋbə Jɛlosalɛŋ, bɔŋleʼ lɔ̀ hə mu Taa ghɔŋbə Sidɔŋ ndə i kə bɛ mbʉə muukwɛʼtəŋmə. 18Bɔ̂ŋ nɔ kə́ gɛ̀ ndə məyʉ́ ɔ, bə bɔŋleʼ chʉ́ʼ yɔʼbə-ʉə ndə bɔ̂ŋ kə gɛ̀, bʉə ndə lyʉʉhəbʉəbʉəbə kə́ chɔ́ŋhə bɔŋ nɔ kə kie nchʉʼ. 19Bʉə bənchəŋ kə́ kʉ́ʉ ndə məkə̀ŋ mbʉ Jiso bʉʼka ghʉəʼ-nchʉʼ-kə nɔ nə kə́ fyú hə kəghɔ-ɔ ndə məchʉ́ʼ bɔŋ bənchəŋ.
Tʉʉjyu
(Matia 5:1-12)
20Ɔ chɔ̀ʼhə shʉ-i lɛ́nə vâafɔʼɔ-bi, ghɔ̀ŋ mbɔ,
“Tʉʉjyu nɔ bɛ tʉ bii bʉə-kəbyuu,
bʉʼka Sɔ́ʼ-Nyii nɔ bɛ yii-yə.
21 Tʉʉjyu nɔ bɛ tʉ bii ndə jyʉʉ tʉʼ yɔ́ʼ bii nduɔ
bʉʼka bii bu yi yuo.
Tʉʉjyu nɔ bɛ tʉ bii ndə bii tʉʼ gwía nduɔ, bʉʼka bii bu chʉ́əʼ.
22 Tʉʉjyu nɔ bɛ tʉ bii ndə bʉə-bàa-bii, fyúhə bii hə nuɔ-bɔŋ,
bɔŋleʼ kə́ chɛ̀ŋtə bii, kə́ tíi yie-yii bʉəbʉə bʉʼka Vaa-Woməsʉʉ.
23 T̈ʉʉ-yii kə́ sʉ́ʼnə yɔ̂ŋ-ghɔ̄ b̈ii bɔŋleʼ sɛ́ʼtə nə tʉʉjyu, bʉʼka kɛŋbə-ii bu yɔ́ŋ yuo. Nɔ bɛ haʼ nɔ ndə bətietie-bʉə nə kə́ fɔ̀ʼ tʉ bʉəyʉkəŋgieNyii.
Məvínə
24 Bɔŋ tə ŋgʉəʼ bɛ kətʉ-bii bʉə-kəfʉʼ
bʉʼka bii nɔʼ dùʼ jyujyu.
25 Tə ŋgʉəʼ bɛ kətʉ-bii, bii ndə bii tʉʼ
yú yuo bʉʼka jyʉʉ bu yɔ́ʼ bii.
Tə ŋgʉəʼ bɛ kətʉ-bii ndə bii tʉʼ chʉ́əʼ nduɔ,
bii bu lí bɔŋ gwía.
26 Tə ŋgʉəʼ bɛ kətʉ-bii ndə bʉə bənchəŋ tʉʼ tíi yie-yii jyujyu,
bʉʼka mbɔ nɔ kə bɛ ndə bətie-bʉə nə kə́ fɔ̀ʼ tʉ bʉə ndə bɔ̂ŋ ghɔ̀ŋ mbɔ bɔ̂ŋ la tʉʼ yʉ́ ŋgieNyiikə.
Kʉ̀ʉ bʉə-bàa-ba
(Matia 5:38-48; 7:12a)
27 “M̈ɔ bɔŋ shyíi bii, bii ndə bii tʉʼ yʉ́ mɔ, b̈ii kʉ̀ʉ bʉə-bàa-bii, fɔ̀ʼ bʉ̀ʉ tʉ bʉə ndə bɔ̂ŋ bàa bii. 28B̈II gháa bʉ̀ʉ kɔ́ tʉ bʉə ndə bɔ̂ŋ tʉʼ túu ndɔŋ kɔ́ kətʉ-bii. B̈ii gháaNyii tʉ bʉə ndə bɔ̂ŋ tʉʼ chɔ́ŋhə bii. 29Kaʼ wo chʉ̀əʼhə a, gwúu ghɔkə chu-a, ä jʉhə. Kaʼ wo fí ndyi-fəʼə-a, ä shùɔ ndyi mu mbʉə-a, bìa chɔ. 30Kaʼ wo gháa fɔkə kəghɔ-a, ä kɔ́ tʉ ɔŋ. Kaʼ wo lʉ̀ fɔkə-a, kə a məfì nə ghʉəʼkə fɛ. 31Nukə ndə bii kʉ̀ʉ mbɔ bʉə-fɔʼɔ tʉ bii, b̈ii fɔ̀ʼ tʉ bɔŋ ghɔ.
32 “Kaʼ bii kʉ̀ʉ haʼ bʉə ndə bɔ̂ŋ kʉ̀ʉ bii, kɛŋbə-ii bɛ ka? Bʉə bʉ̂ʼʉ ghɔ nɔ kʉ̀ʉ bʉə ndə bɔ̂ŋ kʉ̀ʉ bɔŋ. 33Kaʼ bii bɔŋ-kə́-leʼ chìi bʉ̀ʉ haʼ tʉ bʉə ndə bɔ̂ŋ tʉʼ chìi bʉ̀ʉ tʉ bii, kɛŋbə-ii bɛ ka chɔ? Bʉə bʉ̂ʼʉ nɔ chìi haʼ nɔ ghɔ. 34Kaʼ a kə́ chɔ́ʼhə haʼ tʉ bʉə ndə a kwɔ̀ʼtə mbɔ bɔ̂ŋ bu bʉ̀nə lɔ̀ʼ tʉ a, kɛŋbə-a bɛ ka chɔ? Bʉʼka mbɔ b̃ʉə bʉ̂ʼʉ nɔ chɔ́ʼhə haʼ nɔ tʉ bʉə-bʉ̂ʼʉ kə́ kínə mbɔ bɔ̂ŋ bu lɔ̀ʼ bɔŋ ŋkwɔŋ.
35 “Bɔŋ b̈ii kʉ̀ʉ bʉə-bàa-bii, fɔ̀ʼ bʉ̀ʉ tʉ bɔŋ, chɔ́ʼhə tʉ bɔŋ təmə kə́ kʉ̀ʼ məbyʉ̀hə fɛ. Ndʉʉghɔfii, kɛŋbə-ii bu yɔ́ŋ, bii bu bɛ vâa-Chaabəfɔŋ bʉʼka ɔ nɔ tʉʼ fɔ̀ʼ bʉ̀ʉ tʉ bʉə ndə bɔ̂ŋ kyinə kɔ́ ndɔ fɛ ghɔŋbə bʉə buuŋbʉə. 36Dʉ̀ʼ tʉvyiikə haʼ ndə Tie-a tʉʼ dʉ̀ʼ.
Məchʉ̀ə ŋkwɛ
(Matia 7:1-5)
37 “Kə bii mə chʉ̀ə ŋkwɛ yie bʉə-bʉəbʉə fɛ, Nyii kʉʉ chʉ̀ə yi-yə bʉəbʉə fɛ. Kə bii mə dʉ̀ʼ ghɔkə-i chu bəbɛʼbʉə fɛ, bɔŋ Nyii kʉʉ dʉ̀ʼ yi-yə ghɔkə chu-bii fɛ. B̈ii sʉ̀fyiihə-ii te nə ibɛʼ-yə wo, Nyii bu sʉ̀fyii-i te nə bii. 38B̈ii kɔ́, bə bu kɔ́ tʉ bii, yʉʼ fʉʼ jyujyu ndə bə nɔʼ jìehə bɔŋleʼ yʉ́ʼnə tə i kə́ tyunə, bə bu vɛʼ bəbe-bii. Bʉʼka fʉʼ ndə bii kɔ́ nɔ bɛ haʼ yɔŋ ndə bə bu kɔ́ tʉ bii.”
39Ɔ leʼ mɔ̀ʼ chəŋkə-ɔ̄ŋ tʉ bɔŋ mbɔ, “Bəkɔ fʉ̀əŋtəshʉ dʉ̀ʼ fia tʉ ibɛʼ-yə fʉ̀əŋtəshʉ mɛ? Bɔ̂ŋ bənchəŋ bu gwù mu byʉʉ fe? 40Vaa-sɛku mə láa chàa chicha-ɛ fɛ. Bɔŋ wotəmiyɔŋ ndə bə nɔʼ dàhə ɔŋ jyujyu bəkɔ ɔ bɛ ndə chicha-ɛ.
41 “Chìi ka a kə́ tʉ́ʼ shʉ-a ndəŋ vaadyʉʼʉ-kəfɔ ndə i bɛ shʉ-liŋ-aŋ bɔŋ təmə kə́ lɛ́nə mbyʉʉ-kəŋkɔʼ ndə i bɛ ndəŋ ya-yə shʉ fɛ? 42Bəkɔ a gìe tʉ liŋ-aŋ təka mbɔ, ‘Liŋ, n̈ɔʼ mɔ fyúhə vaa-kəfɔ hə shʉ-a,’ bɔŋ kə́ lèʼnə mbyʉʉ-kəŋkɔʼ ndə i bɛ shʉ ya-mbəŋ? Mbəŋ-aŋ wo làhə shʉ, fəŋ fyúhə mbyʉʉ-kəŋkɔʼ ndəŋ ya-yə shʉ, ndʉʉmɛ, a bu nyíɛ yəŋkə jyujyu ndə məfyúhə vaa-kəfɔ shʉ-liŋ-aŋ.
Tyʉkə ghɔŋ ntɔŋmə-i
(Matia 7:16-20; 12:33-35)
43 “Tyʉ-jyujyu-kə mə kʉ́ʉnə ntɔŋ-bʉəbʉə-mə fɛ haʼ ndə tyʉ-bʉəbʉə-kə mə kʉ́ʉnə ntɔŋ-jyujyu-mə fɛ. 44B̃ə nɔ chèʼnə tyʉkə ndə ntɔŋmə-i. A mə kwɛ̀ yɔ̌ŋ hə ndəŋ ŋkwenjʉ fɛ. Təmə bə mə kwɛ̀ lamashi hə ndəŋ sɔ̂ʼkə fɛ. 45W̃o jyujyu nɔ fyúhə nu-jyujyu-bə hə mu kəyəŋ lə̀ŋ bənu jyujyu mu fyii-ɔ, bɔŋ w̃o bʉəbʉə nɔ fyúhə nu-bʉəbʉə-bə hə mu kəyəŋ lə̀ŋ bənu bʉəbʉə mu fyii-ɔ, bʉʼka nubə ndə i lə̀ŋ mu fyii-ɔ nɔ bɛ yɔ́ŋ ndə ɔ bu kwə́ʼ.
Bʉə bɔ́ŋ njaa nə bənɔ̌ʼɔ ghɔŋbə bʉə ndə bɔ̂ŋ tʉʼ bɔ́ŋ nə ndaa
(Matia 7:24-27)
46 “Tʉʼ chìi ka bii kə́ tíi mɔ mbɔ, ‘Tiekətʉ, Tiekətʉ,’ təmə kə́ fɔ̀ʼ nubə ndə mɔ ghɔ̀ŋ mbɔ b̈ii kə́ fɔ̀ʼ fɛ? 47Mɔ bu dʉ̀ʼ tʉ bii ntɛhə ndə i bɛ te wotəmiyɔŋ ndə ɔ gwè tʉ mɔ, yʉ́ ŋgiekə-ɔŋ, mɔ̀ʼ mu məchimbi-ɔ. 48Ɔ nɔ bɛ nə wo ndə ɔ tʉʼ bɔ́ŋ njaa, nɔʼ tyúu yiesê-e i dɔ̀ŋnə gɛ̀ tə dàa ndəŋ ŋgoʼ mu sê. Ndʉʉ ndə ŋkenənduhə gwè, muu kwɔ̀ŋ mbʉ njaa, təmə i bɔŋ mə ŋɛ̀hə fɛ, bʉʼka bə nɔ bɔ́ŋ jyujyu. 49Bɔŋ wo ndə ɔ̈ yʉ́ ŋgiekə-ɔŋ təmə mɔ̀ʼ mu məchimbi-ɔ fɛ, ɔ nɔ bɛ nə wo ndə ɔ bɔ́ŋ njaa təmə yiesê-e jyujyu fɛ. Ndʉʉ ndə muu kwɔ̀ŋ mbʉ njaa, i gwù sê ŋìʼtə.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.