Luk 4
4
Sata mùutə Jiso
(Matia 4:1-11; Mak 1:12-13)
1Jiso bɛ nə LyʉʉhəNyiikə mbʉə-ɔ ilə́ŋnə, vɛʼ ndə ɔ lɔ̀ hə ŋgwɛŋ Jodaŋ, LyʉʉhəNyiikə chóʼ ɔ, ɔ gɛ̀ kwɔŋkəyəŋnə. 2Ndə chîbə wuŋ kwi Debulu kə́ mùutə ɔŋ chɔ mbɔ ɔ̈ gwù mu bʉʼʉ. Ndə chî-ghɔ̄-bə inchəŋ, təmə ɔ̈ yú fɔkə fɛ, kəliʼ jyʉʉ yɔ́ʼ ɔ.
3Debulu ghɔ̀ŋ tʉ ɔŋ mbɔ, “Kaʼ bɛ mbɔ a bɛ VaaNyii, téʼ tʉ ŋgoʼ-ɔ̄ mbɔ ï la bə̀ŋ bele.”
4Ɔ bə̀ŋhə mbɔ, “Bə nɔ nyɔ̀ʼ mu ŋwɔʼnə-Nyii mbɔ,
‘Wo mə kə́ chí mbi bə haʼ nə bele fɛ.’ ” # 4:4 Məbìʼ Kɔ́ Nuʼ 8:3.
5Debulu lʉ̀ ɔ ghɔ́ŋ ɔŋ kóʼ gɛ̀ kweghɔʼ, ɔ chìi, ɔ nyíɛ lɔʼ-bətə̂ŋ-tə inchəŋ ndə i kə bɛ kəwʉʉnəmbi haʼ ndʉʉmɛ. 6Debulu ghɔ̀ŋ tʉ ɔŋ mbɔ, “Bə nɔʼ kɔ́ ghʉəʼkə-ʉə ghɔŋbə məgʉə-yʉə tʉ mɔ, mɔ bu kɔ́ tʉ a, bɔŋ bəkɔ mɔ kɔ́ tʉ wo ndə mɔ kʉ̀ʉ. 7Kaʼ a lə̀ʼtə mɔ, mɔ kɔ́ tʉ a inchəŋ.”
8Jiso bə̀ŋhə mbɔ, “Bə nɔ nyɔ̀ʼ mu ŋwɔʼnə-Nyii mbɔ,
‘A nɔ kie ndə mələ̀ʼtə Nyii Tiekətʉ-a, kə́ fɔ̀ʼ haʼ tʉ ɔŋ tətɛʼ ɔ.’ ” # 4:8 Məbìʼ Kɔ́ Nuʼ 6:13.
9Debulu lʉ̀ ɔ gɛ̀ nə nɔŋ Jɛlosalɛŋ gɛ̀ chìi ɔ kóʼ tə́nə jɔŋ kətʉ njaafɛ̀ʼndɛŋNyii, ghɔ̀ŋ tʉ ɔŋ mbɔ, “Kaʼ a bɛ VaaNyii, ä sɛ́ʼ fɛ̄ŋ chə́ŋ sê, 10bʉʼka ŋwɔʼnə-Nyii nɔ ghɔ̀ŋ mbɔ,
‘Ɔ bu kàhə bʉəntəŋ-bi bɔ̂ŋ kə́ chyìi a jyujyu.’
11I bɔŋleʼ ghɔ̀ŋ mbɔ, ‘Bɔ̂ŋ bɔŋ-bu-leʼ bɛ̀ʼ a kəghɔ-bɔŋ bʉʼka a mə yi
kwɔ̀ŋ wukə-a ndəŋ ŋgoʼ.’ ”#4:11 Ŋwɔʼnə-təLyuu 91:11-12.
12Jiso bə̀ŋhə tʉ ɔŋ mbɔ, “Bə nɔ bìʼ nyɔ̀ʼ mu ŋwɔʼnə-Nyii mbɔ, ‘A kie ndə məyúotə Nyii Tiekətʉ-a fɛ.’ ” #4:12 Məbìʼ Kɔ́ Nuʼ 6:16.
13Ndʉʉ ndə Debulu káa mə-kə́-yúotə Jiso mbɔ ɔ̈ gwù mu nubə ndə i chìi wo chìi bʉ̂ʼʉ, ɔ bʉ̀nə hə bɔ̌ŋ ɔŋ kə́ kʉ̀ʼ vɛʼbɛʼ.
Bə tɛ́ŋ Jiso Nasalɛ
(Matia 4:12-17; 13:53-58; Mak 1:14-15; 6:1-6)
14Jiso bʉ̀nə gɛ̀ Galili ndə ghʉəʼ-kəLyʉʉhəNyii-kə, yie jyujyu-i yə̀ŋ lɔʼɔ fu. 15Ɔ dàhə mu-njaagháaNyii-hə, bə chʉ̀ʉ ɔ bənchəŋ.
16Ɔ gɛ̀ Nasalɛ, kəyəŋ ndə ɔ kóʼ chɔ, kʉ̂ʉ bɛ Chîlɔʼkə, ɔ gɛ̀ mu njaagháaNyii haʼ ndə ɔ̃ chìi, ɔ lɔ̀ hə sê ndə mətíi ŋwɔʼnə-Nyii. 17Bə lʉ̀ ŋwɔʼnə-Adaya yʉkəŋgieNyii kɔ́ tʉ ɔŋ, ɔ kʉ̂ʉ ŋɔ́ʼhə, nyíɛ yəŋkə ndə bə nyɔ̀ʼ chɔ mbɔ,
18 “LyʉʉhəTiekətʉkə nɔ bɛ mbʉə-mɔ,
bʉʼka mbɔ ɔ nɔʼ kùŋ mɔ ndə məlɔ̀ʼ ntəŋjyujyu tʉ bʉə-kəbyuu.
Ɔ nɔʼ tə́ŋ mɔ mbɔ mɔ gɛ̀ shyíi bʉə-njaa-chaŋ mbɔ,
bɔŋ la nɔʼ fyú hə chaŋ,
bɔŋleʼ shyíi bəfʉ̀əŋtəshʉ mbɔ,
shʉtə-ʉə la nɔʼ ŋɔ́ʼnə,
leʼ shyíi bənyíɛ ŋgʉəʼ mbɔ bɔŋ la nɔʼ bìi.
19 Bɔŋleʼ lɔ̀ʼ tʉ bʉə mbɔ ŋgʉʼʉmbi nɔʼ kʉ̀ʼnə ndə Tiekətʉ bu kwáa bɔŋ.” # 4:19 Adaya 61:1-2.
20Ndʉʉmɛ, ɔ bɔ́nə mbʉ ŋwɔʼnə, kɔ́ tʉ wo ndə ɔ tʉʼ fɔ̀ʼ mbʉ mu njaa, gɛ̀ dùʼ sê. Bʉə bənchəŋ mbʉ mu njaagháaNyii tʉ́ʼ shʉ̀tə ndəŋ ɔŋ. 21Ɔ chʉ́ʉhə ndə məghɔ̀ŋ tʉ bɔŋ mbɔ, “Laa, ŋgieNyiikə-ɔ̄ŋ nɔʼ fyú shʉəŋ ndə bii tʉʼ yʉ́ nɔ!”
22Bʉə bənchəŋ tíi yie-e jyujyu, chu-bʉə-tə chíe ndəŋ ntɛ kwə́ʼ jyujyu ndə i tʉʼ fyú hə kəwuo chu-ɔ. Bɔ̂ŋ bíʼtə mbɔ, “Ka vaa-Jɔsɛ nɔ fe?”
23Jiso ghɔ̀ŋ tʉ bɔŋ mbɔ, “Ndə shʉəŋ, bii bu gìe líʼnə chəŋkə-ɔ̄ŋ tʉ mɔ mbɔ, ‘Yʉ̀əʼ njaa-a buŋ yʉ̀əʼ mbi,’ fɔ̀ʼ fəŋ mu ya-yə lɔʼɔ nukə ndə baʼa kə yʉ́ mbɔ a kə fɔ̀ʼ Kabanu” 24Ɔ bìʼ kə́ gɛ̀ nə shʉbə ghɔ̀ŋ mbɔ, “Nɔʼ m̈ɔ shyíi bii nə shʉəŋ, yʉkəŋgieNyii kaa ghɔ ndə bə nɔʼ nə bɛ́ŋ ɔŋ mu lɔʼɔbə-ɔŋ fɛ.
25 “M̈ɔ shyíi bii nə shʉəŋ, nɔ nə bɛ vɛʼ ndə Ɛlaja kə bɛ yʉkəŋgieNyii, bəkwuʼ bəke nɔ nə bɛ Isilɛ buŋmbi, kə́ bɛ vɛʼ ndə yəŋnəkə kə gwù mbi ndə ŋgʉʼhə itia nə bəʼkə, chyʉʉ gwù mu lɔʼɔ-ghɔ̄ inchəŋ. 26Təmə bə tə́ŋ Ɛlaja tʉ wo mu bɔŋ fɛ, bɔŋ bə tə́ŋ ɔŋ bə tʉ kwuʼ woke ndə ɔ kə bɛ Salafa kəvia lɔʼɔ Sidɔŋ. 27Bʉə-kəlɔ kə bɛ lɔʼɔ Isilɛ buŋmbi vɛʼ ndə Elisha kə bɛ yʉkəŋgieNyii təmə ɔ sʉ̀ wofuu fɛ, ɔ tíŋ gɛ̀ sʉ̀ bə Nama ndə ɔ lɔ̀ hə Silia.”
28Ndʉʉ ndə bʉə ndə bɔ̂ŋ bɛ mu njaagháaNyii yʉ́ nubə-ɔ̄ŋ, tʉʉtə-ʉə byʉ́ʼ. 29Bɔ̂ŋ lɔ̀ hə sê jə̀ŋ ɔŋ, fyúhə ɔŋ mu lɔʼɔbə-ɔŋ, gɛ̀ nə nɔŋ ndəŋ ŋgwuu ŋkoʼ kəyəŋ ndə bɔ̂ŋ bɔ́ŋ lɔʼɔ-yʉə ndəŋ ghɔ, ndə məmɛ̀ʼ ɔŋ mu ghuu, ɔ kwú. 30Bɔŋ ɔ tòʼ sʉʉtə tíŋ hə mu bʉə, gɛ̀ nə wi.
Jiso jə̀ŋ lyʉʉhəbʉəbʉəkə
(Mak 1:21-28)
31Ndʉʉmɛ, Jiso shíʼ gɛ̀ Kabanu mu Galili, kʉ̂ʉ bɛ ndəŋ Chîlɔʼkə, ɔ chʉ́ʉhə mədàhə bʉə. 32Ntɛ ndə ɔ kə́ dàhə i chíe chutə-ʉə, bʉʼka kwəʼ-ɛ nɔ nə kie ghʉəʼkə chɔ.
33Wobɛʼ ndə ɔ kə bɛ mu njaagháaNyii, nə lyʉʉhənyaatəkə mu mbʉə-ɔ, ɔ tíi nə ghʉəʼkə mbɔ, 34“A tʉʼ kʉ́ʉ ka kəghɔ-baʼa, Jiso ndə a lɔ̀ hə Nasalɛ? A tʉʼ gwè yí baʼa mɛ? Mɔ nɔ kínə aŋ, a nɔ bɛ Wo Tʉʉnə ndə a gwè hə bəshʉ-Nyii.”
35Jiso sɔ́ʼ ɔ, ghɔ̀ŋ mbɔ, “Chʉʼ líitə! Fyú hə mbʉə-ɔ!” Mbʉ kəlyʉʉhəbʉəbʉə mɔ̀ʼ mbʉ wo-ghɔ̄ sê bəshʉ bɔŋ, fyú hə mbʉə-ɔ təmə lə́ŋhə ɔŋ fɛ.
36I chíe chutə-ʉə bənchəŋ, bɔ̂ŋ kə́ bíʼtə tʉ ŋwɔŋtə-ʉə mbɔ, “Yɔ̄ŋ-yə bɛ ŋgwɔ ntɛ kəŋgie ka nɔ? Bʉʼka ɔ tʉʼ kàhə lyʉʉhəbʉəbʉəbə nə ghʉəʼkə ndə məgìe kətʉ ghɔŋbə ghʉəʼkə, bɔ̂ŋ fyú!” 37Bə tíi yie-e yə̀ŋ yəŋbə inchəŋ mu lɔʼɔ-ghɔ̄.
Jiso chʉ́ʼ bʉə buŋmbi
(Matia 8:14-17; Mak 1:29-34)
38Jiso fyú hə mu njaagháaNyii, ŋíi mu njaa-Samu. Naachi-Samu kə́ bɛ nə nchyʉʼ-ləŋ-kə mbʉə-ɔ, bɔ̂ŋ ghɔ̀ŋ tʉ Jiso mbɔ ɔ̈ la kwáa ɔ. 39Ɔ lɔ̀ hə sê tə́nə kətʉ-ɔ, sɔ́ʼ mbʉ kənchyʉʼ, i fyú mbʉə-ɔ, mbʉ naachi-i lɔ̀ hə sê chʉ́ʉhə mətía bɔŋ.
40Chichi kʉ̂ʉ kə bùu chusii-ɔ, mbʉ bʉə gwè nə bʉə-bəyɔʼ ndə bɔ̂ŋ kie yɔʼbə ntɛntɛhə tʉ Jiso, ɔ mɔ̀ʼ ghɔkə-i ndəŋ bɔŋ bəmɔʼbəmɔʼ, chʉ́ʼ bɔŋ. 41Lyʉʉhəbʉəbʉəbə bìʼ fyútə ghɔ mbʉə bʉə buŋmbi, kə́ tíitə ghɔ̀ŋ mbɔ, “A nɔ bɛ VaaNyii.” Ɔ sɔ́ʼ bɔŋ təmə bɛ́ŋ mbɔ bɔ̂ŋ kwə́ʼ fɛ, bʉʼka bɔ̂ŋ nɔ kínə mbɔ nɔ bɛ Wo ndə Nyii Kùŋ Tə́ŋ.
Jiso kə́ bìʼ lɔ̀ʼ ŋgieNyiikə gɛ̀ nə shʉbə
(Mak 1:35-39)
42Mbi kʉ̂ʉ fíi, Jiso gɛ̀ kəyəŋ-bəliinə. Mbʉ bʉə kə́ tòʼ kʉ́ʉ ɔ, kʉ̂ʉ dàa kəyəŋ ndə ɔ bɛ chɔ, bɔ̂ŋ kə́ chíe ɔ bʉʼka ɔ mə gɛ̀ nə wi. 43Ɔ ghɔ̀ŋ tʉ bɔŋ mbɔ, “Mɔ nɔ kie məgɛ̀ lɔ̀ʼ ntəŋjyujyu te Sɔ́ʼ-Nyii ndəŋ bəbɛʼyəŋbə, bʉʼka mbɔ Nyii nɔ tə́ŋ mɔ shʉəŋ yɔŋ.” 44Ɔ kə́ lɔ̀ʼ ntəŋjyujyu təvɛʼtəvɛʼ mu-njaagháaNyii-hə mu Judia.
ទើបបានជ្រើសរើសហើយ៖
Luk 4: bvm
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Luk 4
4
Sata mùutə Jiso
(Matia 4:1-11; Mak 1:12-13)
1Jiso bɛ nə LyʉʉhəNyiikə mbʉə-ɔ ilə́ŋnə, vɛʼ ndə ɔ lɔ̀ hə ŋgwɛŋ Jodaŋ, LyʉʉhəNyiikə chóʼ ɔ, ɔ gɛ̀ kwɔŋkəyəŋnə. 2Ndə chîbə wuŋ kwi Debulu kə́ mùutə ɔŋ chɔ mbɔ ɔ̈ gwù mu bʉʼʉ. Ndə chî-ghɔ̄-bə inchəŋ, təmə ɔ̈ yú fɔkə fɛ, kəliʼ jyʉʉ yɔ́ʼ ɔ.
3Debulu ghɔ̀ŋ tʉ ɔŋ mbɔ, “Kaʼ bɛ mbɔ a bɛ VaaNyii, téʼ tʉ ŋgoʼ-ɔ̄ mbɔ ï la bə̀ŋ bele.”
4Ɔ bə̀ŋhə mbɔ, “Bə nɔ nyɔ̀ʼ mu ŋwɔʼnə-Nyii mbɔ,
‘Wo mə kə́ chí mbi bə haʼ nə bele fɛ.’ ” # 4:4 Məbìʼ Kɔ́ Nuʼ 8:3.
5Debulu lʉ̀ ɔ ghɔ́ŋ ɔŋ kóʼ gɛ̀ kweghɔʼ, ɔ chìi, ɔ nyíɛ lɔʼ-bətə̂ŋ-tə inchəŋ ndə i kə bɛ kəwʉʉnəmbi haʼ ndʉʉmɛ. 6Debulu ghɔ̀ŋ tʉ ɔŋ mbɔ, “Bə nɔʼ kɔ́ ghʉəʼkə-ʉə ghɔŋbə məgʉə-yʉə tʉ mɔ, mɔ bu kɔ́ tʉ a, bɔŋ bəkɔ mɔ kɔ́ tʉ wo ndə mɔ kʉ̀ʉ. 7Kaʼ a lə̀ʼtə mɔ, mɔ kɔ́ tʉ a inchəŋ.”
8Jiso bə̀ŋhə mbɔ, “Bə nɔ nyɔ̀ʼ mu ŋwɔʼnə-Nyii mbɔ,
‘A nɔ kie ndə mələ̀ʼtə Nyii Tiekətʉ-a, kə́ fɔ̀ʼ haʼ tʉ ɔŋ tətɛʼ ɔ.’ ” # 4:8 Məbìʼ Kɔ́ Nuʼ 6:13.
9Debulu lʉ̀ ɔ gɛ̀ nə nɔŋ Jɛlosalɛŋ gɛ̀ chìi ɔ kóʼ tə́nə jɔŋ kətʉ njaafɛ̀ʼndɛŋNyii, ghɔ̀ŋ tʉ ɔŋ mbɔ, “Kaʼ a bɛ VaaNyii, ä sɛ́ʼ fɛ̄ŋ chə́ŋ sê, 10bʉʼka ŋwɔʼnə-Nyii nɔ ghɔ̀ŋ mbɔ,
‘Ɔ bu kàhə bʉəntəŋ-bi bɔ̂ŋ kə́ chyìi a jyujyu.’
11I bɔŋleʼ ghɔ̀ŋ mbɔ, ‘Bɔ̂ŋ bɔŋ-bu-leʼ bɛ̀ʼ a kəghɔ-bɔŋ bʉʼka a mə yi
kwɔ̀ŋ wukə-a ndəŋ ŋgoʼ.’ ”#4:11 Ŋwɔʼnə-təLyuu 91:11-12.
12Jiso bə̀ŋhə tʉ ɔŋ mbɔ, “Bə nɔ bìʼ nyɔ̀ʼ mu ŋwɔʼnə-Nyii mbɔ, ‘A kie ndə məyúotə Nyii Tiekətʉ-a fɛ.’ ” #4:12 Məbìʼ Kɔ́ Nuʼ 6:16.
13Ndʉʉ ndə Debulu káa mə-kə́-yúotə Jiso mbɔ ɔ̈ gwù mu nubə ndə i chìi wo chìi bʉ̂ʼʉ, ɔ bʉ̀nə hə bɔ̌ŋ ɔŋ kə́ kʉ̀ʼ vɛʼbɛʼ.
Bə tɛ́ŋ Jiso Nasalɛ
(Matia 4:12-17; 13:53-58; Mak 1:14-15; 6:1-6)
14Jiso bʉ̀nə gɛ̀ Galili ndə ghʉəʼ-kəLyʉʉhəNyii-kə, yie jyujyu-i yə̀ŋ lɔʼɔ fu. 15Ɔ dàhə mu-njaagháaNyii-hə, bə chʉ̀ʉ ɔ bənchəŋ.
16Ɔ gɛ̀ Nasalɛ, kəyəŋ ndə ɔ kóʼ chɔ, kʉ̂ʉ bɛ Chîlɔʼkə, ɔ gɛ̀ mu njaagháaNyii haʼ ndə ɔ̃ chìi, ɔ lɔ̀ hə sê ndə mətíi ŋwɔʼnə-Nyii. 17Bə lʉ̀ ŋwɔʼnə-Adaya yʉkəŋgieNyii kɔ́ tʉ ɔŋ, ɔ kʉ̂ʉ ŋɔ́ʼhə, nyíɛ yəŋkə ndə bə nyɔ̀ʼ chɔ mbɔ,
18 “LyʉʉhəTiekətʉkə nɔ bɛ mbʉə-mɔ,
bʉʼka mbɔ ɔ nɔʼ kùŋ mɔ ndə məlɔ̀ʼ ntəŋjyujyu tʉ bʉə-kəbyuu.
Ɔ nɔʼ tə́ŋ mɔ mbɔ mɔ gɛ̀ shyíi bʉə-njaa-chaŋ mbɔ,
bɔŋ la nɔʼ fyú hə chaŋ,
bɔŋleʼ shyíi bəfʉ̀əŋtəshʉ mbɔ,
shʉtə-ʉə la nɔʼ ŋɔ́ʼnə,
leʼ shyíi bənyíɛ ŋgʉəʼ mbɔ bɔŋ la nɔʼ bìi.
19 Bɔŋleʼ lɔ̀ʼ tʉ bʉə mbɔ ŋgʉʼʉmbi nɔʼ kʉ̀ʼnə ndə Tiekətʉ bu kwáa bɔŋ.” # 4:19 Adaya 61:1-2.
20Ndʉʉmɛ, ɔ bɔ́nə mbʉ ŋwɔʼnə, kɔ́ tʉ wo ndə ɔ tʉʼ fɔ̀ʼ mbʉ mu njaa, gɛ̀ dùʼ sê. Bʉə bənchəŋ mbʉ mu njaagháaNyii tʉ́ʼ shʉ̀tə ndəŋ ɔŋ. 21Ɔ chʉ́ʉhə ndə məghɔ̀ŋ tʉ bɔŋ mbɔ, “Laa, ŋgieNyiikə-ɔ̄ŋ nɔʼ fyú shʉəŋ ndə bii tʉʼ yʉ́ nɔ!”
22Bʉə bənchəŋ tíi yie-e jyujyu, chu-bʉə-tə chíe ndəŋ ntɛ kwə́ʼ jyujyu ndə i tʉʼ fyú hə kəwuo chu-ɔ. Bɔ̂ŋ bíʼtə mbɔ, “Ka vaa-Jɔsɛ nɔ fe?”
23Jiso ghɔ̀ŋ tʉ bɔŋ mbɔ, “Ndə shʉəŋ, bii bu gìe líʼnə chəŋkə-ɔ̄ŋ tʉ mɔ mbɔ, ‘Yʉ̀əʼ njaa-a buŋ yʉ̀əʼ mbi,’ fɔ̀ʼ fəŋ mu ya-yə lɔʼɔ nukə ndə baʼa kə yʉ́ mbɔ a kə fɔ̀ʼ Kabanu” 24Ɔ bìʼ kə́ gɛ̀ nə shʉbə ghɔ̀ŋ mbɔ, “Nɔʼ m̈ɔ shyíi bii nə shʉəŋ, yʉkəŋgieNyii kaa ghɔ ndə bə nɔʼ nə bɛ́ŋ ɔŋ mu lɔʼɔbə-ɔŋ fɛ.
25 “M̈ɔ shyíi bii nə shʉəŋ, nɔ nə bɛ vɛʼ ndə Ɛlaja kə bɛ yʉkəŋgieNyii, bəkwuʼ bəke nɔ nə bɛ Isilɛ buŋmbi, kə́ bɛ vɛʼ ndə yəŋnəkə kə gwù mbi ndə ŋgʉʼhə itia nə bəʼkə, chyʉʉ gwù mu lɔʼɔ-ghɔ̄ inchəŋ. 26Təmə bə tə́ŋ Ɛlaja tʉ wo mu bɔŋ fɛ, bɔŋ bə tə́ŋ ɔŋ bə tʉ kwuʼ woke ndə ɔ kə bɛ Salafa kəvia lɔʼɔ Sidɔŋ. 27Bʉə-kəlɔ kə bɛ lɔʼɔ Isilɛ buŋmbi vɛʼ ndə Elisha kə bɛ yʉkəŋgieNyii təmə ɔ sʉ̀ wofuu fɛ, ɔ tíŋ gɛ̀ sʉ̀ bə Nama ndə ɔ lɔ̀ hə Silia.”
28Ndʉʉ ndə bʉə ndə bɔ̂ŋ bɛ mu njaagháaNyii yʉ́ nubə-ɔ̄ŋ, tʉʉtə-ʉə byʉ́ʼ. 29Bɔ̂ŋ lɔ̀ hə sê jə̀ŋ ɔŋ, fyúhə ɔŋ mu lɔʼɔbə-ɔŋ, gɛ̀ nə nɔŋ ndəŋ ŋgwuu ŋkoʼ kəyəŋ ndə bɔ̂ŋ bɔ́ŋ lɔʼɔ-yʉə ndəŋ ghɔ, ndə məmɛ̀ʼ ɔŋ mu ghuu, ɔ kwú. 30Bɔŋ ɔ tòʼ sʉʉtə tíŋ hə mu bʉə, gɛ̀ nə wi.
Jiso jə̀ŋ lyʉʉhəbʉəbʉəkə
(Mak 1:21-28)
31Ndʉʉmɛ, Jiso shíʼ gɛ̀ Kabanu mu Galili, kʉ̂ʉ bɛ ndəŋ Chîlɔʼkə, ɔ chʉ́ʉhə mədàhə bʉə. 32Ntɛ ndə ɔ kə́ dàhə i chíe chutə-ʉə, bʉʼka kwəʼ-ɛ nɔ nə kie ghʉəʼkə chɔ.
33Wobɛʼ ndə ɔ kə bɛ mu njaagháaNyii, nə lyʉʉhənyaatəkə mu mbʉə-ɔ, ɔ tíi nə ghʉəʼkə mbɔ, 34“A tʉʼ kʉ́ʉ ka kəghɔ-baʼa, Jiso ndə a lɔ̀ hə Nasalɛ? A tʉʼ gwè yí baʼa mɛ? Mɔ nɔ kínə aŋ, a nɔ bɛ Wo Tʉʉnə ndə a gwè hə bəshʉ-Nyii.”
35Jiso sɔ́ʼ ɔ, ghɔ̀ŋ mbɔ, “Chʉʼ líitə! Fyú hə mbʉə-ɔ!” Mbʉ kəlyʉʉhəbʉəbʉə mɔ̀ʼ mbʉ wo-ghɔ̄ sê bəshʉ bɔŋ, fyú hə mbʉə-ɔ təmə lə́ŋhə ɔŋ fɛ.
36I chíe chutə-ʉə bənchəŋ, bɔ̂ŋ kə́ bíʼtə tʉ ŋwɔŋtə-ʉə mbɔ, “Yɔ̄ŋ-yə bɛ ŋgwɔ ntɛ kəŋgie ka nɔ? Bʉʼka ɔ tʉʼ kàhə lyʉʉhəbʉəbʉəbə nə ghʉəʼkə ndə məgìe kətʉ ghɔŋbə ghʉəʼkə, bɔ̂ŋ fyú!” 37Bə tíi yie-e yə̀ŋ yəŋbə inchəŋ mu lɔʼɔ-ghɔ̄.
Jiso chʉ́ʼ bʉə buŋmbi
(Matia 8:14-17; Mak 1:29-34)
38Jiso fyú hə mu njaagháaNyii, ŋíi mu njaa-Samu. Naachi-Samu kə́ bɛ nə nchyʉʼ-ləŋ-kə mbʉə-ɔ, bɔ̂ŋ ghɔ̀ŋ tʉ Jiso mbɔ ɔ̈ la kwáa ɔ. 39Ɔ lɔ̀ hə sê tə́nə kətʉ-ɔ, sɔ́ʼ mbʉ kənchyʉʼ, i fyú mbʉə-ɔ, mbʉ naachi-i lɔ̀ hə sê chʉ́ʉhə mətía bɔŋ.
40Chichi kʉ̂ʉ kə bùu chusii-ɔ, mbʉ bʉə gwè nə bʉə-bəyɔʼ ndə bɔ̂ŋ kie yɔʼbə ntɛntɛhə tʉ Jiso, ɔ mɔ̀ʼ ghɔkə-i ndəŋ bɔŋ bəmɔʼbəmɔʼ, chʉ́ʼ bɔŋ. 41Lyʉʉhəbʉəbʉəbə bìʼ fyútə ghɔ mbʉə bʉə buŋmbi, kə́ tíitə ghɔ̀ŋ mbɔ, “A nɔ bɛ VaaNyii.” Ɔ sɔ́ʼ bɔŋ təmə bɛ́ŋ mbɔ bɔ̂ŋ kwə́ʼ fɛ, bʉʼka bɔ̂ŋ nɔ kínə mbɔ nɔ bɛ Wo ndə Nyii Kùŋ Tə́ŋ.
Jiso kə́ bìʼ lɔ̀ʼ ŋgieNyiikə gɛ̀ nə shʉbə
(Mak 1:35-39)
42Mbi kʉ̂ʉ fíi, Jiso gɛ̀ kəyəŋ-bəliinə. Mbʉ bʉə kə́ tòʼ kʉ́ʉ ɔ, kʉ̂ʉ dàa kəyəŋ ndə ɔ bɛ chɔ, bɔ̂ŋ kə́ chíe ɔ bʉʼka ɔ mə gɛ̀ nə wi. 43Ɔ ghɔ̀ŋ tʉ bɔŋ mbɔ, “Mɔ nɔ kie məgɛ̀ lɔ̀ʼ ntəŋjyujyu te Sɔ́ʼ-Nyii ndəŋ bəbɛʼyəŋbə, bʉʼka mbɔ Nyii nɔ tə́ŋ mɔ shʉəŋ yɔŋ.” 44Ɔ kə́ lɔ̀ʼ ntəŋjyujyu təvɛʼtəvɛʼ mu-njaagháaNyii-hə mu Judia.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.