Jɔŋ 8
8
Bə yá woke ndə ɔ kie ləŋ-ɛŋ, ɔ kə́ gháa bəsəŋ
1Bɔŋ Jiso kóʼ gɛ̀ Kwɔŋ-bəTyʉ-Oli. 2Kʉ̂ʉ bɛ ndʉʉsɛŋkə bətyuʼbətyuʼ ɔ bìʼ bʉ̀nə gwè mu chunjaafɛ̀ʼndɛŋNyii. Mbʉ bʉə bənchəŋ gwè tʉ ɔŋ, ɔ dùʼ sê kə́ dàhə bɔŋ. 3Bʉə dàhə nuʼ-Mushi ghɔŋbə bʉə-Falasi gwè nə woke ndə bə nɔʼ yá ɔ bəsəŋ, bɔ̂ŋ tʉ́ʼ ɔ ntəŋntəŋ bʉə, 4bíʼtə tʉ Jiso mbɔ, “Chicha, bə nɔ kɛŋ yá woke-ɔ̄, ɔ kə́ gháa bəsəŋ, 5nduɔ, Mushi nɔ nə kàhə baʼa mu nuʼ mbɔ b̈aʼa túŋtə ntɛ bəke-bɔ̄ŋ nə ŋgoʼhə yítə. A gìe ka chɔ?” 6Bɔ̂ŋ nɔ kə́ gìe yɔ̄ŋ-yə ndə məmùutə Jiso, kə mbɔ bəkɔ bɔ̂ŋ chʉʼ mɔ̀ʼ nukə kətʉ-ɔ. Jiso bʉ́ʉnə sê, kə́ nyɔ̀ʼ fɔbə sê nə mbyu vaakəghɔ-ɛ. 7Ndə bɔ̂ŋ kə́ bìʼ bíʼtə tʉ ɔŋ, ɔ lɔ̀ hə sê tə́nə ghɔ̀ŋ mbɔ, “Ẅotəmiyɔŋ ndə ɔ bɛ mu bii təmə nɔʼ nə chìi bʉ̂ʼʉ fɛ, fəŋ túŋ ɔŋ nə ŋgoʼ.” 8Ndʉʉmɛ, ɔ bìʼ bʉ́ʉnə, kə́ nyɔ̀ʼ sê. 9Bɔŋ ndʉʉ ndə bɔ̂ŋ kə yʉ́ yɔ̄ŋ-yə, bɔ̂ŋ bʉ̀nə bəmɔʼbəmɔʼ, chʉ́ʉhə ndə bʉə ghəŋ. Jiso shi káa tətɛʼ ɔ, ghɔŋbə mbʉ woke ndə ɔ tə́nə bəshʉ ɔ. 10Jiso lɔ̀ tə́nə gìe tʉ ɔŋ mbɔ, “Naa, bʉə-bīŋ ndə bɔ̂ŋ tʉ́ʼ nukə kətʉ-a le ba? Wo fyú hə mu bɔŋ ndə məchʉ̀ə ŋkwɛ-a bʉəbʉə fe?” 11Ɔ ghɔ̀ŋ mbɔ, “Mbyu wo fɛ, Tiekətʉ.” Jiso bə̀ŋhə mbɔ, “Mbəŋ-ɔŋ ghɔ mə chʉ̀ə ŋkwɛ-a bʉəbʉə fɛ, gɛ̀, lʉ̀ hə nduɔ gɛ̀ nə shʉbə kə a mə leʼnə bìʼ chìi bʉ̂ʼʉ fɛ.”]
Jiso nɔ bɛ kɛʼɛ-kəwʉʉnəmbi
12Jiso bìʼ kwə́ʼ tʉ bɔŋ ghɔ̀ŋ mbɔ, “Mɔ nɔ bɛ kɛʼɛ-kəwʉʉnəmbi. Wotəmiyɔŋ ndə ɔ gwè hə bɔ̌ŋ mɔ, kʉʉ tòʼ mu kənjəŋ fɛ, bɔŋ bu kie kɛʼɛ-məchímbi.” 13Ndʉʉmɛ, bʉə-Falasi gìe tʉ ɔŋ mbɔ, “A tʉʼ nú gwù-a nə mbəŋ-aŋ, nukə ndə a tʉʼ gìe te ŋwɔŋ-aŋ kaa shʉəŋ fɛ.” 14Jiso bə̀ŋhə mbɔ, “Kaʼ mɔ buŋ nú gwù-ɔ nə mbəŋ-ɔŋ, təmə nukə ndə mɔ tʉʼ gìe te ŋwɔŋ-ɔŋ nɔ bɛ shʉəŋ. Bʉʼka mɔ nɔ kínə yəŋkə ndə mɔ gwè hə chɔ, leʼnə yəŋkə ndə mɔ tʉʼ gɛ̀ chɔ. Bɔŋ mbəŋ-yii kínə yəŋkə ndə mɔ lɔ̀ hə chɔ fɛ, byuunɔ yəŋkə ndə mɔ tʉʼ gɛ̀ chɔ fɛ. 15B̃ii nɔ chʉ̀ə ŋkwɛ, haʼ ndə bʉəməsʉʉ tʉʼ chʉ̀ə, bɔŋ mɔ kyinə chʉ̀ə ŋkwɛ wo fɛ. 16Bɔŋ kaʼ mɔ buŋ kə́ chʉ̀ə ŋkwɛ chʉ̀ə, ŋkwɛ-ɔ bɛ kʉ̀ʼnə, kaa mɔ tətɛʼ mɔ ndə mɔ tʉʼ chʉ̀ə ŋkwɛ fɛ, nɔ bɛ baʼa mbʉ Tie ndə ɔ tə́ŋ mɔ. 17Mu nuʼ-yii, bə nɔ nyɔ̀ʼ mbɔ kaʼ bʉə bəbûu nú gwù ndə mbyu kənu imɔʼ təmə nu-ghɔ̄-kə nɔ bɛ shʉəŋ.
18 “Mɔ nɔ bɛ wo ndə m̃ɔ nú gwù-ɔ nə mbəŋ-ɔŋ, mbʉ Tie ndə ɔ tə́ŋ mɔ nɔ bɛ ibɛʼ-yə wo ndə ɔ tʉʼ nú gwù yie-mɔ.”
19Ndʉʉmɛ, bɔ̂ŋ bíʼtə tʉ ɔŋ mbɔ, “Tie-a ghɔ ba?”
Jiso bə̀ŋhə mbɔ, “Bii kínə mɔ fɛ, təkɔmə Tie-ɔ, kaʼ bii kʉ̌ʉ kínə mɔ, təmə bii nɔ kínə Tie-ɔ.” 20Jiso nɔ nə kwə́ʼ yɔ̄ŋ-yə nubə ndʉʉ ndə ɔ kə́ dàhə mu chunjaafɛ̀ʼndɛŋNyii kəyəŋ ndə kyʉə bɛ chɔ, təmə wo yá ɔ fɛ bʉʼka ndʉʉ-i chʉʼ kə kʉ̀ʼnə fɛ.
Bə shyùu tyunə-bʉə-bə ndə bɔ̂ŋ gòʼ təmə bɛ́ŋ Jiso fɛ
21Ndʉʉmɛ, ɔ bìʼ kwə́ʼ tʉ bɔŋ mbɔ, “Mɔ tʉʼ nə gɛ̀ nə wɔŋ, bii bu kʉ́ʉ mɔ, bɔŋ bu kwú mu bʉ̂ʼtə-ii, təmə bii mə gwè ndəŋ yəŋkə ndə mɔ tʉʼ gɛ̀ chɔ fɛ.”
22Ndʉʉghɔfii, mbʉ bəntəŋbəshʉ-bʉə-Juu ghɔ̀ŋ mbɔ, “Ɔ bu yí ŋwɔŋ-ɛŋ nduɔ ndə ɔ ghɔ̀ŋ mbɔ, ‘Yəŋkə ndə mɔ tʉʼ gɛ̀ chɔ, bii mə gwè chɔ fɛ’ mɛ?”
23Ɔ gìe tʉ bɔŋ mbɔ, “Bii nɔ lɔ̀ hə kəchisê, bɔŋ mbəŋ-ɔŋ gwè hə kweghɔʼ fīi. Bii nɔ bɛ bʉə-kəwʉʉnəmbi-bɔ̄ŋ bɔŋ mɔ kaa wo-kəwʉʉnəmbi-ɔ̄ fɛ. 24Mɔ nɔʼ kə gìe tʉ bii mbɔ bii bu kwú mu bʉ̂ʼtə-ii. Kaʼ bii gòʼ təmə bɛ́ŋ mbɔ mɔ bɛ wo ndə mɔ ghɔ̀ŋ mbɔ mɔ bɛ yɔŋ fɛ, təmə bii bu kwú mu bʉ̂ʼtə-ii.”
25Ndʉʉmɛ, bɔ̂ŋ gìe tʉ ɔŋ mbɔ, “A bɛ nda?” Jiso ghɔ̀ŋ tʉ bɔŋ mbɔ, “Haʼ ndə mɔ nɔʼ kə fəŋ shyíi bii le. 26Mɔ nɔ kie buŋmbi bənu ndə məgìe te bii leʼnə buŋmbi bənu ndə məkwɛ̀ te bii, bɔŋ wo ndə ɔ tə́ŋ mɔ nɔ bɛ wo-shʉəŋ, mɔ bɔŋleʼ kə́ gìe nukə tʉ wʉʉnəmbikə ndə mɔ yʉ́ hə kəghɔ-ɔ.” 27Bɔŋ təmə bɔ̂ŋ kínə mbɔ ɔ kə́ kwə́ʼ te mbʉ Tie fɛ.
28Ndʉʉmɛ, Jiso ghɔ̀ŋ tʉ bɔŋ mbɔ, “Kʉ̂ʉ bɛ ndʉʉ ndə bii chɔ̀ʼhə Vaa-Woməsʉʉ kɔ́ ghɔʼ nɔ, ndʉʉmɛ, bii bu kínə mbɔ mɔ nɔ bɛ wo ndə mɔ ghɔ̀ŋ mbɔ mɔ bɛ yɔŋ, təmə kyinə fɔ̀ʼ nubɛʼkə nə yɔŋ-yə ghʉəʼkə fɛ, mɔ bɔŋ kə́ kwə́ʼ haʼ nukə ndə mbʉ Tie dàhə mɔ mbɔ mɔ kwə́ʼ. 29Wo ndə ɔ tə́ŋ mɔ, baʼa ɔ nɔ bɛ mɔʼɔ. Ɔ chʉʼ nə mɛ̀ʼtə mɔ tətɛʼ mɔ fɛ, bʉʼka m̃ɔ nɔ chʉʼ chìi haʼ nubə ndə i kʉ̀ʼnə tʉ ɔŋ.” 30Ndə ɔ kə́ gìe nubə-ɔ̄ŋ, bʉə buŋmbi bɛ́ŋ ɔŋ.
Jiso ghɔŋ Ablahaŋ
31Ndʉʉmɛ, Jiso gìe tʉ bʉə-Juu ndə bɔ̂ŋ nɔʼ kə bɛ́ŋ ɔŋ mbɔ, “Kaʼ bii gòʼ nə ŋgiekə-ɔŋ mu fyii-bii, təmə bii nɔ bɛ vâafɔʼɔ-bɔŋ leʼ shʉəŋ, 32bii bɔŋ-bu-leʼ kínə shʉəŋ, mbʉ shʉəŋ fyúhə tʉkə-ii hə ndəŋ məbɛ fʉəhə.” 33Bɔ̂ŋ bə̀ŋhə tʉ ɔŋ mbɔ, “Baʼa nɔ bɛ ŋgwie-wo-Ablahaŋ, təmə nɔʼ nə bɛ fʉə tʉ wo fɛ. Bəkɔ a gìe ndʉʉmɛ təka mbɔ, ‘Bii bu fyú hə mu fʉəhə’? ”
34Jiso bə̀ŋhə tʉ bɔŋ mbɔ, “M̈ɔ kɛŋ shyíi bii nə shʉəŋ mbɔ, wotəmiyɔŋ ndə ɔ tʉʼ chìi bʉ̂ʼʉ nɔ bɛ fʉə tʉ bʉ̂ʼʉ. 35Fʉə kyinə káa mu kəlɔŋ gɛ̀gɛ̀ fɛ, bɔŋ ṽaa-fu nɔ káa mu kəlɔŋ gɛ̀gɛ̀. 36Nɔ, kaʼ mbʉ VaaNyii fyúhə bii ndəŋ fʉəhə, təmə bii nɔʼ kɛŋ fyú. 37Mɔ nɔ kínə mbɔ bii nɔ bɛ ŋgwie-wo-Ablahaŋ, bii bɔŋ kə́ kʉ́ʉ ndə məyí mɔ, bʉʼka ŋgiekə-ɔŋ kie yəŋkə mu fyii-bii fɛ. 38Mɔ nɔ tʉʼ kwə́ʼ te nubə ndə mɔ kə nyíɛ hə kəghɔ-Tie-ɔ, bii kə́ fɔ̀ʼ nukə ndə tie-yii Debulu kə shyíi bii nə yɔŋ.”
39Bɔ̂ŋ bə̀ŋhə tʉ ɔŋ mbɔ, “Ablahaŋ nɔ bɛ tie-yaʼ.” Jiso ghɔ̀ŋ mbɔ, “Kaʼ bii kʉ̌ʉ kɛŋ bɛ vâa-Ablahaŋ, təmə bii nɔ kə́ fɔ̀ʼ nukə ndə Ablahaŋ nə kə́ fɔ̀ʼ, 40bɔŋ nduɔ bii kə́ kʉ́ʉ ndə məyí mɔ bʉʼka mɔ shyíi bii nə shʉəŋ ndə mɔ kə yʉ́ hə kəghɔ-Nyii. Kaa nukə nɔ ndə Ablahaŋ kə fɔ̀ʼ fɛ. 41Bii nɔ tʉʼ fɔ̀ʼ nukə ndə tie-yii kə fɔ̀ʼ.”
Bɔ̂ŋ ghɔ̀ŋ tʉ ɔŋ mbɔ, “Baʼa kaa vâa-bəsəŋ fɛ. Baʼa nɔ kie mbyu Tie imɔʼ ndə bɛ Nyii nə mbəŋ-ɛŋ.”
42Jiso ghɔ̀ŋ tʉ bɔŋ mbɔ, “Nyii kʉ̌ʉ bɛ Tie-yii, təmə bii nɔ kʉ̀ʉ mɔ bʉʼka mɔ nɔ gwè hə bəshʉ-Nyii, kə́ bɛ fɛ̄ŋ. Mɔ gwè nə yɔŋ-yə tʉkə fɛ, nɔ kə tə́ŋ ɔŋ tə́ŋ mɔ. 43Chìi ka təmə bii mə kínə nukə ndə mɔ tʉʼ ghɔ̀ŋ fɛ? Nɔ chìi bʉʼka bii məyʉ́ nukə ndə mɔ tʉʼ gìe fɛ. 44Bii nɔ bɛ vâa-tie-yii mbʉ Debulu, bii kʉ̀ʉ ndə mə-kə́-fɔ̀ʼ haʼ nukə ndə tie-yii kʉ̀ʉ. Ɔ nɔ nə bɛ shùɔ wo lʉ̀ hə ndəŋ nchʉʉhə təmə kie nubɛʼkə ndə məchìi nə shʉəŋ fɛ bʉʼka vaadyʉʼʉ shʉəŋ bɛ mu mbʉə-ɔ məniʼ fɛ. Ndʉʉ ndə ɔ tʉʼ chʉ̀ə lɛɛŋkə nɔ, ɔ kə́ dʉ̀ʼ bə nuʼ-i, bʉʼka ɔ nɔ bɛ nchʉ̀ə kəlɛɛŋ, kə́ bɛ tie-kəlɛɛŋ. 45Bɔŋ bʉʼka mɔ gìe shʉəŋ tʉ bii, bii bɛ́ŋ mɔ fɛ. 46Bɛ nda mu bii ndə bəkɔ ɔ dʉ̀ʼ ghɔkə-i chu-mɔ leʼ shʉəŋ ndə bʉ̂ʼʉ ndə mɔ chìi? Kaʼ mɔ kə́ shyíi bii nə shʉəŋ, chìi ka təmə bii bɛ́ŋ mɔ fɛ? 47W̃otəmiyɔŋ ndə bɛ wo-Nyii nɔ yʉ́ ŋgieNyiikə. Nukə ndə i chìi təmə bii kə́ kʉ́ʉ ndə məyʉ́ fɛ, nɔ bɛ bʉʼka bii bɛ bʉə-Nyii fɛ.”
48Bʉə-Juu bə̀ŋhə tʉ ɔŋ mbɔ, “Kaa shʉəŋ ndə baʼa tʉʼ ghɔ̀ŋ mbɔ a bɛ wo-Samalia, kie lyʉʉhəbʉəbʉəkə mu mbʉə-a fe?” 49Jiso bə̀ŋhə mbɔ, “Mɔ kie lyʉʉhəbʉəbʉəkə mu mbʉə-mɔ fɛ, mɔ nɔ tʉʼ kɔ́ kuŋhə tʉ Tie-ɔ, bii bɔŋ kə́ chʉ̀əʼhə mɔ. 50Bɔŋ mɔ tʉʼ kʉ́ʉ məgʉə-ɔ nə mbəŋ-ɔŋ fɛ. Wo nɔ ghɔ ndə ɔ tʉʼ kʉ́ʉ mbɔ m̈ɔ kie məgʉ́ə, kə́ bɛ ɔ bɛ Wo chʉ̀ə ŋkwɛ.
51 “M̈ɔ kɛŋ shyíi bii nə shʉəŋ mbɔ kaʼ wo tʉ́ʼ ŋgiekə-ɔŋ mu fyii-ɔ, ɔ nə nyíɛ kwú nə shʉ-i fɛ.” 52Ndʉʉmɛ, bʉə-Juu ghɔ̀ŋ tʉ ɔŋ mbɔ, “Baʼa nɔ kə kínə nduɔ mbɔ a la kie lyʉʉhəbʉəbʉəkə mu mbʉə-a! Ablahaŋ nɔ nə kwú, bʉəyʉkəŋgieNyii kwútə, a bɔŋ kə ghɔ̀ŋ mbɔ, ‘Kaʼ wo tʉ́ʼ ŋgiekə-ɔŋ mu fyii-ɔ, ɔ nə nyíɛ kwú nə shʉ-i fɛ.’ 53A gʉ́ə chàa tie-yaʼ Ablahaŋ, ndə ɔ kə kwú, leʼnə bʉəyʉkəŋgieNyii ndə bɔ̂ŋ kə kwútə mɛ? A tʉʼ dʉ̀ʼ mbɔ a bɛ nda?” 54Jiso bə̀ŋhə mbɔ, “Kaʼ mɔ kə kʉ́ʉ məgʉ́ə nə mbəŋ-ɔŋ, məgʉə-ɔ bɛ njʉnjʉ. Nɔ bɛ Tie-ɔ ndə ɔ tʉʼ kɔ́ məgʉ́ə tʉ mɔ, ndə bii tʉʼ gìe te ɔ mbɔ, ‘Ɔ nɔ bɛ Nyii-yaʼ.’ 55Bii bɔŋ kínə ɔŋ fɛ. Mɔ nɔ kínə ɔŋ. Kaʼ mɔ ghɔ̀ŋ mbɔ mɔ kínə ɔŋ fɛ, mɔ bɛ haʼ wo kəlɛɛŋhə ndə bii, mɔ bɔŋ kínə ɔŋ, kə́ tʉ́ʼ ŋgiekə-i. 56Tʉʉ-tie-yii Ablahaŋ nɔ nə bʉ̀ʉ tə kə́ kwùunə mbɔ ɔ la bu nyíɛ ndʉʉ gwènə ɔŋ. Ɔ nyíɛ, i gwè nə tʉʉjyu tʉ ɔŋ.” 57Ndʉʉmɛ, bʉə-Juu ghɔ̀ŋ mbɔ, “A chʉʼ buŋ dàa ŋgʉʼhə wuŋ taa fɛ, kə́ ghɔ̀ŋ mbɔ a nɔʼ nyíɛ Ablahaŋ la?” 58Jiso ghɔ̀ŋ tʉ bɔŋ mbɔ, “M̈ɔ kɛŋ shyíi bii nə shʉəŋ mbɔ, Ablahaŋ nɔ nə kə̂ bɛ ghɔ, mɔ kə́ bɛ.” 59Ndʉʉmɛ, bɔ̂ŋ lʉ̀ ŋgoʼhə ndə mətúŋtə ɔŋ chɔ, Jiso líi fyú hə mu njaafɛ̀ʼndɛŋNyii.
ទើបបានជ្រើសរើសហើយ៖
Jɔŋ 8: bvm
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Jɔŋ 8
8
Bə yá woke ndə ɔ kie ləŋ-ɛŋ, ɔ kə́ gháa bəsəŋ
1Bɔŋ Jiso kóʼ gɛ̀ Kwɔŋ-bəTyʉ-Oli. 2Kʉ̂ʉ bɛ ndʉʉsɛŋkə bətyuʼbətyuʼ ɔ bìʼ bʉ̀nə gwè mu chunjaafɛ̀ʼndɛŋNyii. Mbʉ bʉə bənchəŋ gwè tʉ ɔŋ, ɔ dùʼ sê kə́ dàhə bɔŋ. 3Bʉə dàhə nuʼ-Mushi ghɔŋbə bʉə-Falasi gwè nə woke ndə bə nɔʼ yá ɔ bəsəŋ, bɔ̂ŋ tʉ́ʼ ɔ ntəŋntəŋ bʉə, 4bíʼtə tʉ Jiso mbɔ, “Chicha, bə nɔ kɛŋ yá woke-ɔ̄, ɔ kə́ gháa bəsəŋ, 5nduɔ, Mushi nɔ nə kàhə baʼa mu nuʼ mbɔ b̈aʼa túŋtə ntɛ bəke-bɔ̄ŋ nə ŋgoʼhə yítə. A gìe ka chɔ?” 6Bɔ̂ŋ nɔ kə́ gìe yɔ̄ŋ-yə ndə məmùutə Jiso, kə mbɔ bəkɔ bɔ̂ŋ chʉʼ mɔ̀ʼ nukə kətʉ-ɔ. Jiso bʉ́ʉnə sê, kə́ nyɔ̀ʼ fɔbə sê nə mbyu vaakəghɔ-ɛ. 7Ndə bɔ̂ŋ kə́ bìʼ bíʼtə tʉ ɔŋ, ɔ lɔ̀ hə sê tə́nə ghɔ̀ŋ mbɔ, “Ẅotəmiyɔŋ ndə ɔ bɛ mu bii təmə nɔʼ nə chìi bʉ̂ʼʉ fɛ, fəŋ túŋ ɔŋ nə ŋgoʼ.” 8Ndʉʉmɛ, ɔ bìʼ bʉ́ʉnə, kə́ nyɔ̀ʼ sê. 9Bɔŋ ndʉʉ ndə bɔ̂ŋ kə yʉ́ yɔ̄ŋ-yə, bɔ̂ŋ bʉ̀nə bəmɔʼbəmɔʼ, chʉ́ʉhə ndə bʉə ghəŋ. Jiso shi káa tətɛʼ ɔ, ghɔŋbə mbʉ woke ndə ɔ tə́nə bəshʉ ɔ. 10Jiso lɔ̀ tə́nə gìe tʉ ɔŋ mbɔ, “Naa, bʉə-bīŋ ndə bɔ̂ŋ tʉ́ʼ nukə kətʉ-a le ba? Wo fyú hə mu bɔŋ ndə məchʉ̀ə ŋkwɛ-a bʉəbʉə fe?” 11Ɔ ghɔ̀ŋ mbɔ, “Mbyu wo fɛ, Tiekətʉ.” Jiso bə̀ŋhə mbɔ, “Mbəŋ-ɔŋ ghɔ mə chʉ̀ə ŋkwɛ-a bʉəbʉə fɛ, gɛ̀, lʉ̀ hə nduɔ gɛ̀ nə shʉbə kə a mə leʼnə bìʼ chìi bʉ̂ʼʉ fɛ.”]
Jiso nɔ bɛ kɛʼɛ-kəwʉʉnəmbi
12Jiso bìʼ kwə́ʼ tʉ bɔŋ ghɔ̀ŋ mbɔ, “Mɔ nɔ bɛ kɛʼɛ-kəwʉʉnəmbi. Wotəmiyɔŋ ndə ɔ gwè hə bɔ̌ŋ mɔ, kʉʉ tòʼ mu kənjəŋ fɛ, bɔŋ bu kie kɛʼɛ-məchímbi.” 13Ndʉʉmɛ, bʉə-Falasi gìe tʉ ɔŋ mbɔ, “A tʉʼ nú gwù-a nə mbəŋ-aŋ, nukə ndə a tʉʼ gìe te ŋwɔŋ-aŋ kaa shʉəŋ fɛ.” 14Jiso bə̀ŋhə mbɔ, “Kaʼ mɔ buŋ nú gwù-ɔ nə mbəŋ-ɔŋ, təmə nukə ndə mɔ tʉʼ gìe te ŋwɔŋ-ɔŋ nɔ bɛ shʉəŋ. Bʉʼka mɔ nɔ kínə yəŋkə ndə mɔ gwè hə chɔ, leʼnə yəŋkə ndə mɔ tʉʼ gɛ̀ chɔ. Bɔŋ mbəŋ-yii kínə yəŋkə ndə mɔ lɔ̀ hə chɔ fɛ, byuunɔ yəŋkə ndə mɔ tʉʼ gɛ̀ chɔ fɛ. 15B̃ii nɔ chʉ̀ə ŋkwɛ, haʼ ndə bʉəməsʉʉ tʉʼ chʉ̀ə, bɔŋ mɔ kyinə chʉ̀ə ŋkwɛ wo fɛ. 16Bɔŋ kaʼ mɔ buŋ kə́ chʉ̀ə ŋkwɛ chʉ̀ə, ŋkwɛ-ɔ bɛ kʉ̀ʼnə, kaa mɔ tətɛʼ mɔ ndə mɔ tʉʼ chʉ̀ə ŋkwɛ fɛ, nɔ bɛ baʼa mbʉ Tie ndə ɔ tə́ŋ mɔ. 17Mu nuʼ-yii, bə nɔ nyɔ̀ʼ mbɔ kaʼ bʉə bəbûu nú gwù ndə mbyu kənu imɔʼ təmə nu-ghɔ̄-kə nɔ bɛ shʉəŋ.
18 “Mɔ nɔ bɛ wo ndə m̃ɔ nú gwù-ɔ nə mbəŋ-ɔŋ, mbʉ Tie ndə ɔ tə́ŋ mɔ nɔ bɛ ibɛʼ-yə wo ndə ɔ tʉʼ nú gwù yie-mɔ.”
19Ndʉʉmɛ, bɔ̂ŋ bíʼtə tʉ ɔŋ mbɔ, “Tie-a ghɔ ba?”
Jiso bə̀ŋhə mbɔ, “Bii kínə mɔ fɛ, təkɔmə Tie-ɔ, kaʼ bii kʉ̌ʉ kínə mɔ, təmə bii nɔ kínə Tie-ɔ.” 20Jiso nɔ nə kwə́ʼ yɔ̄ŋ-yə nubə ndʉʉ ndə ɔ kə́ dàhə mu chunjaafɛ̀ʼndɛŋNyii kəyəŋ ndə kyʉə bɛ chɔ, təmə wo yá ɔ fɛ bʉʼka ndʉʉ-i chʉʼ kə kʉ̀ʼnə fɛ.
Bə shyùu tyunə-bʉə-bə ndə bɔ̂ŋ gòʼ təmə bɛ́ŋ Jiso fɛ
21Ndʉʉmɛ, ɔ bìʼ kwə́ʼ tʉ bɔŋ mbɔ, “Mɔ tʉʼ nə gɛ̀ nə wɔŋ, bii bu kʉ́ʉ mɔ, bɔŋ bu kwú mu bʉ̂ʼtə-ii, təmə bii mə gwè ndəŋ yəŋkə ndə mɔ tʉʼ gɛ̀ chɔ fɛ.”
22Ndʉʉghɔfii, mbʉ bəntəŋbəshʉ-bʉə-Juu ghɔ̀ŋ mbɔ, “Ɔ bu yí ŋwɔŋ-ɛŋ nduɔ ndə ɔ ghɔ̀ŋ mbɔ, ‘Yəŋkə ndə mɔ tʉʼ gɛ̀ chɔ, bii mə gwè chɔ fɛ’ mɛ?”
23Ɔ gìe tʉ bɔŋ mbɔ, “Bii nɔ lɔ̀ hə kəchisê, bɔŋ mbəŋ-ɔŋ gwè hə kweghɔʼ fīi. Bii nɔ bɛ bʉə-kəwʉʉnəmbi-bɔ̄ŋ bɔŋ mɔ kaa wo-kəwʉʉnəmbi-ɔ̄ fɛ. 24Mɔ nɔʼ kə gìe tʉ bii mbɔ bii bu kwú mu bʉ̂ʼtə-ii. Kaʼ bii gòʼ təmə bɛ́ŋ mbɔ mɔ bɛ wo ndə mɔ ghɔ̀ŋ mbɔ mɔ bɛ yɔŋ fɛ, təmə bii bu kwú mu bʉ̂ʼtə-ii.”
25Ndʉʉmɛ, bɔ̂ŋ gìe tʉ ɔŋ mbɔ, “A bɛ nda?” Jiso ghɔ̀ŋ tʉ bɔŋ mbɔ, “Haʼ ndə mɔ nɔʼ kə fəŋ shyíi bii le. 26Mɔ nɔ kie buŋmbi bənu ndə məgìe te bii leʼnə buŋmbi bənu ndə məkwɛ̀ te bii, bɔŋ wo ndə ɔ tə́ŋ mɔ nɔ bɛ wo-shʉəŋ, mɔ bɔŋleʼ kə́ gìe nukə tʉ wʉʉnəmbikə ndə mɔ yʉ́ hə kəghɔ-ɔ.” 27Bɔŋ təmə bɔ̂ŋ kínə mbɔ ɔ kə́ kwə́ʼ te mbʉ Tie fɛ.
28Ndʉʉmɛ, Jiso ghɔ̀ŋ tʉ bɔŋ mbɔ, “Kʉ̂ʉ bɛ ndʉʉ ndə bii chɔ̀ʼhə Vaa-Woməsʉʉ kɔ́ ghɔʼ nɔ, ndʉʉmɛ, bii bu kínə mbɔ mɔ nɔ bɛ wo ndə mɔ ghɔ̀ŋ mbɔ mɔ bɛ yɔŋ, təmə kyinə fɔ̀ʼ nubɛʼkə nə yɔŋ-yə ghʉəʼkə fɛ, mɔ bɔŋ kə́ kwə́ʼ haʼ nukə ndə mbʉ Tie dàhə mɔ mbɔ mɔ kwə́ʼ. 29Wo ndə ɔ tə́ŋ mɔ, baʼa ɔ nɔ bɛ mɔʼɔ. Ɔ chʉʼ nə mɛ̀ʼtə mɔ tətɛʼ mɔ fɛ, bʉʼka m̃ɔ nɔ chʉʼ chìi haʼ nubə ndə i kʉ̀ʼnə tʉ ɔŋ.” 30Ndə ɔ kə́ gìe nubə-ɔ̄ŋ, bʉə buŋmbi bɛ́ŋ ɔŋ.
Jiso ghɔŋ Ablahaŋ
31Ndʉʉmɛ, Jiso gìe tʉ bʉə-Juu ndə bɔ̂ŋ nɔʼ kə bɛ́ŋ ɔŋ mbɔ, “Kaʼ bii gòʼ nə ŋgiekə-ɔŋ mu fyii-bii, təmə bii nɔ bɛ vâafɔʼɔ-bɔŋ leʼ shʉəŋ, 32bii bɔŋ-bu-leʼ kínə shʉəŋ, mbʉ shʉəŋ fyúhə tʉkə-ii hə ndəŋ məbɛ fʉəhə.” 33Bɔ̂ŋ bə̀ŋhə tʉ ɔŋ mbɔ, “Baʼa nɔ bɛ ŋgwie-wo-Ablahaŋ, təmə nɔʼ nə bɛ fʉə tʉ wo fɛ. Bəkɔ a gìe ndʉʉmɛ təka mbɔ, ‘Bii bu fyú hə mu fʉəhə’? ”
34Jiso bə̀ŋhə tʉ bɔŋ mbɔ, “M̈ɔ kɛŋ shyíi bii nə shʉəŋ mbɔ, wotəmiyɔŋ ndə ɔ tʉʼ chìi bʉ̂ʼʉ nɔ bɛ fʉə tʉ bʉ̂ʼʉ. 35Fʉə kyinə káa mu kəlɔŋ gɛ̀gɛ̀ fɛ, bɔŋ ṽaa-fu nɔ káa mu kəlɔŋ gɛ̀gɛ̀. 36Nɔ, kaʼ mbʉ VaaNyii fyúhə bii ndəŋ fʉəhə, təmə bii nɔʼ kɛŋ fyú. 37Mɔ nɔ kínə mbɔ bii nɔ bɛ ŋgwie-wo-Ablahaŋ, bii bɔŋ kə́ kʉ́ʉ ndə məyí mɔ, bʉʼka ŋgiekə-ɔŋ kie yəŋkə mu fyii-bii fɛ. 38Mɔ nɔ tʉʼ kwə́ʼ te nubə ndə mɔ kə nyíɛ hə kəghɔ-Tie-ɔ, bii kə́ fɔ̀ʼ nukə ndə tie-yii Debulu kə shyíi bii nə yɔŋ.”
39Bɔ̂ŋ bə̀ŋhə tʉ ɔŋ mbɔ, “Ablahaŋ nɔ bɛ tie-yaʼ.” Jiso ghɔ̀ŋ mbɔ, “Kaʼ bii kʉ̌ʉ kɛŋ bɛ vâa-Ablahaŋ, təmə bii nɔ kə́ fɔ̀ʼ nukə ndə Ablahaŋ nə kə́ fɔ̀ʼ, 40bɔŋ nduɔ bii kə́ kʉ́ʉ ndə məyí mɔ bʉʼka mɔ shyíi bii nə shʉəŋ ndə mɔ kə yʉ́ hə kəghɔ-Nyii. Kaa nukə nɔ ndə Ablahaŋ kə fɔ̀ʼ fɛ. 41Bii nɔ tʉʼ fɔ̀ʼ nukə ndə tie-yii kə fɔ̀ʼ.”
Bɔ̂ŋ ghɔ̀ŋ tʉ ɔŋ mbɔ, “Baʼa kaa vâa-bəsəŋ fɛ. Baʼa nɔ kie mbyu Tie imɔʼ ndə bɛ Nyii nə mbəŋ-ɛŋ.”
42Jiso ghɔ̀ŋ tʉ bɔŋ mbɔ, “Nyii kʉ̌ʉ bɛ Tie-yii, təmə bii nɔ kʉ̀ʉ mɔ bʉʼka mɔ nɔ gwè hə bəshʉ-Nyii, kə́ bɛ fɛ̄ŋ. Mɔ gwè nə yɔŋ-yə tʉkə fɛ, nɔ kə tə́ŋ ɔŋ tə́ŋ mɔ. 43Chìi ka təmə bii mə kínə nukə ndə mɔ tʉʼ ghɔ̀ŋ fɛ? Nɔ chìi bʉʼka bii məyʉ́ nukə ndə mɔ tʉʼ gìe fɛ. 44Bii nɔ bɛ vâa-tie-yii mbʉ Debulu, bii kʉ̀ʉ ndə mə-kə́-fɔ̀ʼ haʼ nukə ndə tie-yii kʉ̀ʉ. Ɔ nɔ nə bɛ shùɔ wo lʉ̀ hə ndəŋ nchʉʉhə təmə kie nubɛʼkə ndə məchìi nə shʉəŋ fɛ bʉʼka vaadyʉʼʉ shʉəŋ bɛ mu mbʉə-ɔ məniʼ fɛ. Ndʉʉ ndə ɔ tʉʼ chʉ̀ə lɛɛŋkə nɔ, ɔ kə́ dʉ̀ʼ bə nuʼ-i, bʉʼka ɔ nɔ bɛ nchʉ̀ə kəlɛɛŋ, kə́ bɛ tie-kəlɛɛŋ. 45Bɔŋ bʉʼka mɔ gìe shʉəŋ tʉ bii, bii bɛ́ŋ mɔ fɛ. 46Bɛ nda mu bii ndə bəkɔ ɔ dʉ̀ʼ ghɔkə-i chu-mɔ leʼ shʉəŋ ndə bʉ̂ʼʉ ndə mɔ chìi? Kaʼ mɔ kə́ shyíi bii nə shʉəŋ, chìi ka təmə bii bɛ́ŋ mɔ fɛ? 47W̃otəmiyɔŋ ndə bɛ wo-Nyii nɔ yʉ́ ŋgieNyiikə. Nukə ndə i chìi təmə bii kə́ kʉ́ʉ ndə məyʉ́ fɛ, nɔ bɛ bʉʼka bii bɛ bʉə-Nyii fɛ.”
48Bʉə-Juu bə̀ŋhə tʉ ɔŋ mbɔ, “Kaa shʉəŋ ndə baʼa tʉʼ ghɔ̀ŋ mbɔ a bɛ wo-Samalia, kie lyʉʉhəbʉəbʉəkə mu mbʉə-a fe?” 49Jiso bə̀ŋhə mbɔ, “Mɔ kie lyʉʉhəbʉəbʉəkə mu mbʉə-mɔ fɛ, mɔ nɔ tʉʼ kɔ́ kuŋhə tʉ Tie-ɔ, bii bɔŋ kə́ chʉ̀əʼhə mɔ. 50Bɔŋ mɔ tʉʼ kʉ́ʉ məgʉə-ɔ nə mbəŋ-ɔŋ fɛ. Wo nɔ ghɔ ndə ɔ tʉʼ kʉ́ʉ mbɔ m̈ɔ kie məgʉ́ə, kə́ bɛ ɔ bɛ Wo chʉ̀ə ŋkwɛ.
51 “M̈ɔ kɛŋ shyíi bii nə shʉəŋ mbɔ kaʼ wo tʉ́ʼ ŋgiekə-ɔŋ mu fyii-ɔ, ɔ nə nyíɛ kwú nə shʉ-i fɛ.” 52Ndʉʉmɛ, bʉə-Juu ghɔ̀ŋ tʉ ɔŋ mbɔ, “Baʼa nɔ kə kínə nduɔ mbɔ a la kie lyʉʉhəbʉəbʉəkə mu mbʉə-a! Ablahaŋ nɔ nə kwú, bʉəyʉkəŋgieNyii kwútə, a bɔŋ kə ghɔ̀ŋ mbɔ, ‘Kaʼ wo tʉ́ʼ ŋgiekə-ɔŋ mu fyii-ɔ, ɔ nə nyíɛ kwú nə shʉ-i fɛ.’ 53A gʉ́ə chàa tie-yaʼ Ablahaŋ, ndə ɔ kə kwú, leʼnə bʉəyʉkəŋgieNyii ndə bɔ̂ŋ kə kwútə mɛ? A tʉʼ dʉ̀ʼ mbɔ a bɛ nda?” 54Jiso bə̀ŋhə mbɔ, “Kaʼ mɔ kə kʉ́ʉ məgʉ́ə nə mbəŋ-ɔŋ, məgʉə-ɔ bɛ njʉnjʉ. Nɔ bɛ Tie-ɔ ndə ɔ tʉʼ kɔ́ məgʉ́ə tʉ mɔ, ndə bii tʉʼ gìe te ɔ mbɔ, ‘Ɔ nɔ bɛ Nyii-yaʼ.’ 55Bii bɔŋ kínə ɔŋ fɛ. Mɔ nɔ kínə ɔŋ. Kaʼ mɔ ghɔ̀ŋ mbɔ mɔ kínə ɔŋ fɛ, mɔ bɛ haʼ wo kəlɛɛŋhə ndə bii, mɔ bɔŋ kínə ɔŋ, kə́ tʉ́ʼ ŋgiekə-i. 56Tʉʉ-tie-yii Ablahaŋ nɔ nə bʉ̀ʉ tə kə́ kwùunə mbɔ ɔ la bu nyíɛ ndʉʉ gwènə ɔŋ. Ɔ nyíɛ, i gwè nə tʉʉjyu tʉ ɔŋ.” 57Ndʉʉmɛ, bʉə-Juu ghɔ̀ŋ mbɔ, “A chʉʼ buŋ dàa ŋgʉʼhə wuŋ taa fɛ, kə́ ghɔ̀ŋ mbɔ a nɔʼ nyíɛ Ablahaŋ la?” 58Jiso ghɔ̀ŋ tʉ bɔŋ mbɔ, “M̈ɔ kɛŋ shyíi bii nə shʉəŋ mbɔ, Ablahaŋ nɔ nə kə̂ bɛ ghɔ, mɔ kə́ bɛ.” 59Ndʉʉmɛ, bɔ̂ŋ lʉ̀ ŋgoʼhə ndə mətúŋtə ɔŋ chɔ, Jiso líi fyú hə mu njaafɛ̀ʼndɛŋNyii.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.