Fɔʼɔ 1
1
Ŋkɔʼnə-kəLyʉʉhəNyii
1Tie-ɔ Tiofilo, mu fəŋ ŋwɔʼnə-ɔŋ, mɔ nɔʼ nyɔ̀ʼ nubə nchəŋnchəŋ ndə Jiso kə chʉ́ʉhə ndə məfɔ̀ʼ bɔŋleʼ dàhə, 2tə gɛ̀ dàa ndəŋ chîkə ndə bə kə lʉ̀ ɔ, gɛ̀ nə nɔŋ yuo, ɔ nɔ nə kə̂ gɛ̀ yuo, tʉ ɔ nɔʼ kə kɔ́ bəŋkahə-bi tíŋ hə bɔ̌ŋ LyʉʉhəNyiikə tʉ bəlɔntəŋ-bi ndə ɔ nɔʼ kə séʼ bɔŋ. 3Ndʉʉ ndə ɔ kə nyíɛ ŋgʉəʼ-ɛ liʼ, ɔ tɛ́ʼ ŋwɔŋ-ɛŋ tʉ bɔŋ ŋɛnə ndəŋ fiatə buŋmbi ndə bə mə jínə fɛ, mu chîbə wuŋ kwi, ɔ kə́ kwə́ʼ tʉ bɔŋ te Sɔ́ʼ-Nyii.
4Vɛʼbɛʼ ndə ghɔŋbə Jiso kə́ chí mɔʼɔ, ɔ kàhə bɔŋ mbɔ, “Kə bii mə shi lɔ̀ hə Jɛlosalɛŋ fɛ, bɔŋ b̈ii shi kʉ̀ʼ ŋkɔʼnə-Nyii ndə bii kə yʉ́ hə chu-mɔ. 5Bʉʼka, bii nɔ kə fí muu hə kəghɔ-Jɔŋ bɔŋ mbyu-bəchî-hə məniʼ bii bu fí LyʉʉhəNyiikə.”
Bə lʉ̀ Jiso, kóʼ gɛ̀ nə nɔŋ yuo
6Kʉ̂ʉ kə bɛ ndʉʉ ndə bɔ̂ŋ chə̀ŋtə kəyəŋ kəmɔʼ, bɔ̂ŋ bíʼtə tʉ Jiso mbɔ, “Tiekətʉ, bɛ ndʉʉ nɔ ndə a bu byʉ̀hə ghʉəʼkə chɔ kɔ́ kəghɔ-bʉə-Isilɛ mɛ?”
7Ɔ bə̀ŋhə mbɔ, “Kaa yəŋkə-ii ndə məkínə ŋgwɔʼmbi byuunɔ ndʉʉ ndə Nyii mbʉ Tie nɔʼ shʉ̀tə tʉ́ʼ nə ghʉəʼkə-i fɛ. 8Bɔŋ bə bu kɔ́ ghʉəʼkə tʉ bii, ndʉʉ ndə LyʉʉhəNyiikə bu shíʼ ndəŋ bii, ndʉʉmɛ bii bu lɔ̀ʼ wo ndə mɔ bɛ yɔŋ tʉ bʉə mu Jɛlosalɛŋ, mu Judia inchəŋ ghɔŋbə mu Samalia tə gɛ̀ dàa liʼ mbi.”
9Ndʉʉ ndə ɔ gìe nubə-ɔ̄ŋ inchəŋ, ndə bɔ̂ŋ kə́ lɛ́nə ɔŋ, bə chɔ̀ʼhə ɔŋ, gɛ̀ nə nɔŋ yuo, mbɔʼkə lìihə ɔŋ hə shʉ-bɔŋ. 10Ndə bɔ̂ŋ kə́ bíe lɛ́nə yuo ndə ɔ kə́ gɛ̀, kə kwɔnə nyíɛ, bʉə bəbûu ndə bɔ̂ŋ mɔ̀ʼ ndyi-kəfyuʼ-hə kə́ tə́nə mbʉə bɔŋ, 11ghɔ̀ŋ mbɔ, “Bʉə-Galili, bii tə́nə kə́ lɛ́nə yuo mbuka? Jiso-ɔ̄ ndə bə lʉ̀ ɔ kəghɔ-bii gɛ̀ nə nɔŋ yuo nɔ, bu bʉ̀nə haʼ ndə ɔ gɛ̀.”
Bə séʼ Matia ndə ntyukətʉ Juda
12Ndʉʉmɛ, bɔ̂ŋ bʉ̀nə shíʼ hə ndəŋ Kwɔŋ-bəTyʉ-Oli, gɛ̀ Jɛlosalɛŋ, ndə bɔ̂ŋ kə kie ndə mətòʼ toʼo nə bəghǔu təghyʉʉ tətaa ndə mədàa mu kəyəŋkwɛʼtəŋ. 13Ndʉʉ ndə bɔ̂ŋ kə ŋíi mu mbʉ kəyəŋkwɛʼtəŋ, bɔ̂ŋ kóʼ gɛ̀ mu njəŋ njaa kweghɔʼ kəyəŋ ndə bɔ̂ŋ kə́ chí chɔ, nɔ kə bɛ Bita, Jɔŋ, Jɛŋ, Andolo, Fili, Tɔmɔ, Batolomiɛ, Matia, Jɛŋ vaa-Afio, Samu ndə ɔ bɛ tiɛŋ-lɔʼɔ leʼnə Juda vaa-Jɛŋ.
14Bʉə-bɔ̄ŋ bənchəŋ nə gyʉʉ imɔʼ kɔ́ fyiihə-ʉə ndə məgháaNyii, ghɔŋbə bəke leʼnə Mɛli ŋkwê-Jiso leʼnə bəliŋ-Jiso bi-bələŋ-bə.
15Mu bəchî-ghɔ̄, Bita lɔ̀ tə́nə mu vâafɔʼɔ-Jiso ndə bɛ nuɔ-bʉə ghyʉʉ nə bʉə wuŋ bûu ndə bɔ̂ŋ kə chə̀ŋtə, ghɔ̀ŋ mbɔ,
16“Bəliŋ-bɔŋ, nukə ndə ŋwɔʼnə-Nyii kə gìe nɔ kie ndə məfyú shʉəŋ, ndə LyʉʉhəNyiikə kə gìe tíŋ hə bɔ̌ŋ Dɛbi lʉ̀ hə ŋgʉʼʉbɛʼ te nə Juda, ndə ɔ kə dʉ̀ʼ fia tʉ bʉə ndə bɔ̂ŋ kə yá Jiso. 17Bʉʼka bə nɔ nə súu ɔ nuɔ-bʉʼʉ, mbɔ ɔ kie yi-yə yʉʉ mu fɔʼɔ-yʉʼʉ.”
18(Nduɔ, wo-ɔ̄ nyúɔ tɔ̂kə nə kyʉə ndə bə lɔ̀ʼ ɔ chɔ ndəŋ bʉ̂ʼʉ ndə ɔ kə chìi, ɔ gwù sê nə tʉkə-i, sáanə ntəŋntəŋ, njyii-bətɔ-mə-i inchəŋ fìetə fyú mbi. 19Bʉə-Jɛlosalɛŋ bənchəŋ yʉ́ nukə-ɔ̄ŋ, nɔ kə chìi yɔŋ bɔ̂ŋ tíi mbʉ kətɔ̂ kəŋgie lɔʼɔbə-ɔŋ nə Akedama, ndə i bɛ mbɔ yəŋkə ndə fɔbʉəkə tyùnə chɔ.)
20Bita bʉ̀nə bìʼ ghɔ̀ŋ mbɔ, “Bə nɔ kə nyɔ̀ʼ mu Ŋwɔʼnə-təLyuu mbɔ, ‘Tə njaa-ɛ nə nʉ̀ʉ fuŋ, kə wo mə nə chí muŋgɔ fɛ, tə wokədɔŋ nə yú yəŋ-fɔʼɔ-kə-i.’
21“Nduɔ, bʉʼʉ nɔ kie ndə məséʼ mbyu wo, kə́ bɛ wo ndə bʉʼʉ bɔŋ nɔʼ kə bɛ mɔʼɔ vɛʼ inchəŋ ndə bʉʼʉbə Jiso Tiekətʉ kə́ tòʼ kəwʉʉnəmbi-fɛ̄ŋ, 22lʉ̀ hə ndəŋ chî-Jɔŋ-kə ndə ɔ̃ kɔ́ muu tə gɛ̀ dàa ndəŋ chîkə ndə bə kə lʉ̀ ɔ hə kəghɔ-bʉʼʉ, kóʼ nə nɔŋ yuo. Mbyu wo hə mu bʉə-bɔ̄ŋ nɔ kie ndə məbìa bʉʼʉ ndə məfʉ̀ʼtə məbʉ̀nə kóʼ Jiso.”
23Bɔ̂ŋ fyúhə bʉə bəbûu tʉ́ʼ, Jɔsɛ ndə bə kə́ tíi ɔ nə Basaba, yie-ebɛʼ kə́ bɛ Jusutu, ghɔŋbə Matia. 24Bɔ̂ŋ gháaNyii ghɔ̀ŋ mbɔ, “Mbəŋ-aŋ Tiekətʉ, ndə a kínə fyii-bʉə-hə bənchəŋ, dʉ̀ʼ wo tʉ baʼa mu bʉə-bɔ̄ŋ bəbûu ndə a nɔʼ séʼ ɔ, 25mbɔ ɔ chʉʼ kie yəŋkə mu fɔʼɔ-a bɔŋleʼ bɛ lɔntəŋ-aŋ ndə Juda kə chìi bʉ̂ʼʉ shìe liɛŋ-ɛŋ fyú gɛ̀ ndə yi-yə yəŋkə ndə ɔ kie ndə məbɛ chɔ.” 26Bɔ̂ŋ mɔ̀ʼ njoʼ, mbʉ njoʼ gwù yá Matia, bə súu ɔ, bìʼ ndəŋ mbʉ bəlɔntəŋNyii njuɔ mɔʼ nə wuŋ.
ទើបបានជ្រើសរើសហើយ៖
Fɔʼɔ 1: bvm
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Fɔʼɔ 1
1
Ŋkɔʼnə-kəLyʉʉhəNyii
1Tie-ɔ Tiofilo, mu fəŋ ŋwɔʼnə-ɔŋ, mɔ nɔʼ nyɔ̀ʼ nubə nchəŋnchəŋ ndə Jiso kə chʉ́ʉhə ndə məfɔ̀ʼ bɔŋleʼ dàhə, 2tə gɛ̀ dàa ndəŋ chîkə ndə bə kə lʉ̀ ɔ, gɛ̀ nə nɔŋ yuo, ɔ nɔ nə kə̂ gɛ̀ yuo, tʉ ɔ nɔʼ kə kɔ́ bəŋkahə-bi tíŋ hə bɔ̌ŋ LyʉʉhəNyiikə tʉ bəlɔntəŋ-bi ndə ɔ nɔʼ kə séʼ bɔŋ. 3Ndʉʉ ndə ɔ kə nyíɛ ŋgʉəʼ-ɛ liʼ, ɔ tɛ́ʼ ŋwɔŋ-ɛŋ tʉ bɔŋ ŋɛnə ndəŋ fiatə buŋmbi ndə bə mə jínə fɛ, mu chîbə wuŋ kwi, ɔ kə́ kwə́ʼ tʉ bɔŋ te Sɔ́ʼ-Nyii.
4Vɛʼbɛʼ ndə ghɔŋbə Jiso kə́ chí mɔʼɔ, ɔ kàhə bɔŋ mbɔ, “Kə bii mə shi lɔ̀ hə Jɛlosalɛŋ fɛ, bɔŋ b̈ii shi kʉ̀ʼ ŋkɔʼnə-Nyii ndə bii kə yʉ́ hə chu-mɔ. 5Bʉʼka, bii nɔ kə fí muu hə kəghɔ-Jɔŋ bɔŋ mbyu-bəchî-hə məniʼ bii bu fí LyʉʉhəNyiikə.”
Bə lʉ̀ Jiso, kóʼ gɛ̀ nə nɔŋ yuo
6Kʉ̂ʉ kə bɛ ndʉʉ ndə bɔ̂ŋ chə̀ŋtə kəyəŋ kəmɔʼ, bɔ̂ŋ bíʼtə tʉ Jiso mbɔ, “Tiekətʉ, bɛ ndʉʉ nɔ ndə a bu byʉ̀hə ghʉəʼkə chɔ kɔ́ kəghɔ-bʉə-Isilɛ mɛ?”
7Ɔ bə̀ŋhə mbɔ, “Kaa yəŋkə-ii ndə məkínə ŋgwɔʼmbi byuunɔ ndʉʉ ndə Nyii mbʉ Tie nɔʼ shʉ̀tə tʉ́ʼ nə ghʉəʼkə-i fɛ. 8Bɔŋ bə bu kɔ́ ghʉəʼkə tʉ bii, ndʉʉ ndə LyʉʉhəNyiikə bu shíʼ ndəŋ bii, ndʉʉmɛ bii bu lɔ̀ʼ wo ndə mɔ bɛ yɔŋ tʉ bʉə mu Jɛlosalɛŋ, mu Judia inchəŋ ghɔŋbə mu Samalia tə gɛ̀ dàa liʼ mbi.”
9Ndʉʉ ndə ɔ gìe nubə-ɔ̄ŋ inchəŋ, ndə bɔ̂ŋ kə́ lɛ́nə ɔŋ, bə chɔ̀ʼhə ɔŋ, gɛ̀ nə nɔŋ yuo, mbɔʼkə lìihə ɔŋ hə shʉ-bɔŋ. 10Ndə bɔ̂ŋ kə́ bíe lɛ́nə yuo ndə ɔ kə́ gɛ̀, kə kwɔnə nyíɛ, bʉə bəbûu ndə bɔ̂ŋ mɔ̀ʼ ndyi-kəfyuʼ-hə kə́ tə́nə mbʉə bɔŋ, 11ghɔ̀ŋ mbɔ, “Bʉə-Galili, bii tə́nə kə́ lɛ́nə yuo mbuka? Jiso-ɔ̄ ndə bə lʉ̀ ɔ kəghɔ-bii gɛ̀ nə nɔŋ yuo nɔ, bu bʉ̀nə haʼ ndə ɔ gɛ̀.”
Bə séʼ Matia ndə ntyukətʉ Juda
12Ndʉʉmɛ, bɔ̂ŋ bʉ̀nə shíʼ hə ndəŋ Kwɔŋ-bəTyʉ-Oli, gɛ̀ Jɛlosalɛŋ, ndə bɔ̂ŋ kə kie ndə mətòʼ toʼo nə bəghǔu təghyʉʉ tətaa ndə mədàa mu kəyəŋkwɛʼtəŋ. 13Ndʉʉ ndə bɔ̂ŋ kə ŋíi mu mbʉ kəyəŋkwɛʼtəŋ, bɔ̂ŋ kóʼ gɛ̀ mu njəŋ njaa kweghɔʼ kəyəŋ ndə bɔ̂ŋ kə́ chí chɔ, nɔ kə bɛ Bita, Jɔŋ, Jɛŋ, Andolo, Fili, Tɔmɔ, Batolomiɛ, Matia, Jɛŋ vaa-Afio, Samu ndə ɔ bɛ tiɛŋ-lɔʼɔ leʼnə Juda vaa-Jɛŋ.
14Bʉə-bɔ̄ŋ bənchəŋ nə gyʉʉ imɔʼ kɔ́ fyiihə-ʉə ndə məgháaNyii, ghɔŋbə bəke leʼnə Mɛli ŋkwê-Jiso leʼnə bəliŋ-Jiso bi-bələŋ-bə.
15Mu bəchî-ghɔ̄, Bita lɔ̀ tə́nə mu vâafɔʼɔ-Jiso ndə bɛ nuɔ-bʉə ghyʉʉ nə bʉə wuŋ bûu ndə bɔ̂ŋ kə chə̀ŋtə, ghɔ̀ŋ mbɔ,
16“Bəliŋ-bɔŋ, nukə ndə ŋwɔʼnə-Nyii kə gìe nɔ kie ndə məfyú shʉəŋ, ndə LyʉʉhəNyiikə kə gìe tíŋ hə bɔ̌ŋ Dɛbi lʉ̀ hə ŋgʉʼʉbɛʼ te nə Juda, ndə ɔ kə dʉ̀ʼ fia tʉ bʉə ndə bɔ̂ŋ kə yá Jiso. 17Bʉʼka bə nɔ nə súu ɔ nuɔ-bʉʼʉ, mbɔ ɔ kie yi-yə yʉʉ mu fɔʼɔ-yʉʼʉ.”
18(Nduɔ, wo-ɔ̄ nyúɔ tɔ̂kə nə kyʉə ndə bə lɔ̀ʼ ɔ chɔ ndəŋ bʉ̂ʼʉ ndə ɔ kə chìi, ɔ gwù sê nə tʉkə-i, sáanə ntəŋntəŋ, njyii-bətɔ-mə-i inchəŋ fìetə fyú mbi. 19Bʉə-Jɛlosalɛŋ bənchəŋ yʉ́ nukə-ɔ̄ŋ, nɔ kə chìi yɔŋ bɔ̂ŋ tíi mbʉ kətɔ̂ kəŋgie lɔʼɔbə-ɔŋ nə Akedama, ndə i bɛ mbɔ yəŋkə ndə fɔbʉəkə tyùnə chɔ.)
20Bita bʉ̀nə bìʼ ghɔ̀ŋ mbɔ, “Bə nɔ kə nyɔ̀ʼ mu Ŋwɔʼnə-təLyuu mbɔ, ‘Tə njaa-ɛ nə nʉ̀ʉ fuŋ, kə wo mə nə chí muŋgɔ fɛ, tə wokədɔŋ nə yú yəŋ-fɔʼɔ-kə-i.’
21“Nduɔ, bʉʼʉ nɔ kie ndə məséʼ mbyu wo, kə́ bɛ wo ndə bʉʼʉ bɔŋ nɔʼ kə bɛ mɔʼɔ vɛʼ inchəŋ ndə bʉʼʉbə Jiso Tiekətʉ kə́ tòʼ kəwʉʉnəmbi-fɛ̄ŋ, 22lʉ̀ hə ndəŋ chî-Jɔŋ-kə ndə ɔ̃ kɔ́ muu tə gɛ̀ dàa ndəŋ chîkə ndə bə kə lʉ̀ ɔ hə kəghɔ-bʉʼʉ, kóʼ nə nɔŋ yuo. Mbyu wo hə mu bʉə-bɔ̄ŋ nɔ kie ndə məbìa bʉʼʉ ndə məfʉ̀ʼtə məbʉ̀nə kóʼ Jiso.”
23Bɔ̂ŋ fyúhə bʉə bəbûu tʉ́ʼ, Jɔsɛ ndə bə kə́ tíi ɔ nə Basaba, yie-ebɛʼ kə́ bɛ Jusutu, ghɔŋbə Matia. 24Bɔ̂ŋ gháaNyii ghɔ̀ŋ mbɔ, “Mbəŋ-aŋ Tiekətʉ, ndə a kínə fyii-bʉə-hə bənchəŋ, dʉ̀ʼ wo tʉ baʼa mu bʉə-bɔ̄ŋ bəbûu ndə a nɔʼ séʼ ɔ, 25mbɔ ɔ chʉʼ kie yəŋkə mu fɔʼɔ-a bɔŋleʼ bɛ lɔntəŋ-aŋ ndə Juda kə chìi bʉ̂ʼʉ shìe liɛŋ-ɛŋ fyú gɛ̀ ndə yi-yə yəŋkə ndə ɔ kie ndə məbɛ chɔ.” 26Bɔ̂ŋ mɔ̀ʼ njoʼ, mbʉ njoʼ gwù yá Matia, bə súu ɔ, bìʼ ndəŋ mbʉ bəlɔntəŋNyii njuɔ mɔʼ nə wuŋ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.