Enzimäine Moisein kirju 33
33
Juakoi da Isuavu vastavutah
1Kačahtih Juakoi, hänele vastah astuu hänen velli Isuavu, i hänenke nellisadua hengie. Sit Juakoi käski Liijan, Rahilin da orjunaizien lapsile mennä omien muamoloin rinnale. 2Häi pani kaksi orjunaistu heijän lapsienke edeh, Liijua hänen lapsienke heijän tuakse, a Rahilii da Josifua jälgimäzikse. 3Iče häi astui heijän ies kohti vellehpäi da astujes seiččie kerdua kumardih vellele muassah. 4No Isuavu juoksi hänele vastah, sebäi, tartui kaglah da andoi suudu, hyö mollei itkiettih.
5Isuavu nägi sit akkoi da lapsii da kyzyi: «Ket ollah nämmä sinul?» Juakoi vastai: «Lapset, kudamii Jumal andoi minule, sinun orjale.» 6I tuldih orjunaizet da heijän lapset da kumardettihes Isuavale. 7Tuli Liija da hänen lapset da kumardettihes, jälgimäzikse tuldih Josif da Rahil՚ da kumardettihes.
8Isuavu kyzyi: «Mikse sinul oli se suuri joukko, kudai tuli minule vastah?» «Gu minä, [sinun orju,] suazin armon minun ižändän silmien ies», vastai Juakoi. 9«Minul, velli, on kaikkie kylläl», sanoi Isuavu, «jätä omat ičelles.» 10«Ei», sanoi Juakoi, «gu minä liennen suannuh armon sinun silmien ies, ota minun lahju käzis minun. Minä näin sinun rožat, kui kentahto nägishäi Jumalan rožat, i sinä olit hyvä minuu vaste. 11Ota minun lahju, minun hyvitys, kuduan minä toin sinule, sikse gu Jumal hyvitti minuu, minul on kaikkie.» Juakoi pokoroiččih, i Isuavu otti.
12Isuavu sanoi: «Nouzemmo da lähtemmö, minä menen ielpäi.» 13No Juakoi sanoi: «Sinä tiijät, ižändy minun, lapset on pienet. Lambahat, kozat da lehmät ollah imettäjät. Gu niidy ajua liijan terväh hos yksi päivy, net töllötäh. 14Parembi sinä, minun ižändy, mene ielpäi, a minä, sinun orju, tulen peräh hil՚l՚azeh, kui matkuau karju, kui astutah lapset, kuni en piäze Seirah sinun luo, minun ižändy.» 15Isuavu sanoi: «Minä jätän sinule erähii minun rahvahis.» No Juakoi vastai: «Mikse? Sinä muitegi olit hyvä minuu vaste.»
16Sinä päivänny Isuavu lähti järilleh Seirah. 17A Juakoi lähti Sokhofah, sie häi luadii ičelleh taloin, a žiivatoile luadii katokset. Sikse sidä kohtua nimitetäh Sokhof (katokset).
18Mesopotamies tulduu Juakoi hyvin piäzi Siheman linnah, kudai on Hanaanas, da azetui sen lähäl. 19Sen muan, kus oldih hänen stuanut, häi osti suas hobjuden՚gas Emmoran poijil, Sihemal da hänen vellil. 20Häi luadii sinne altarin i moliihes Ižändäle, Izrail՚an Jumalale.
ទើបបានជ្រើសរើសហើយ៖
Enzimäine Moisein kirju 33: LIVVI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(c) Biblienkiännändyinstituuttu, Helsinki 2003
Enzimäine Moisein kirju 33
33
Juakoi da Isuavu vastavutah
1Kačahtih Juakoi, hänele vastah astuu hänen velli Isuavu, i hänenke nellisadua hengie. Sit Juakoi käski Liijan, Rahilin da orjunaizien lapsile mennä omien muamoloin rinnale. 2Häi pani kaksi orjunaistu heijän lapsienke edeh, Liijua hänen lapsienke heijän tuakse, a Rahilii da Josifua jälgimäzikse. 3Iče häi astui heijän ies kohti vellehpäi da astujes seiččie kerdua kumardih vellele muassah. 4No Isuavu juoksi hänele vastah, sebäi, tartui kaglah da andoi suudu, hyö mollei itkiettih.
5Isuavu nägi sit akkoi da lapsii da kyzyi: «Ket ollah nämmä sinul?» Juakoi vastai: «Lapset, kudamii Jumal andoi minule, sinun orjale.» 6I tuldih orjunaizet da heijän lapset da kumardettihes Isuavale. 7Tuli Liija da hänen lapset da kumardettihes, jälgimäzikse tuldih Josif da Rahil՚ da kumardettihes.
8Isuavu kyzyi: «Mikse sinul oli se suuri joukko, kudai tuli minule vastah?» «Gu minä, [sinun orju,] suazin armon minun ižändän silmien ies», vastai Juakoi. 9«Minul, velli, on kaikkie kylläl», sanoi Isuavu, «jätä omat ičelles.» 10«Ei», sanoi Juakoi, «gu minä liennen suannuh armon sinun silmien ies, ota minun lahju käzis minun. Minä näin sinun rožat, kui kentahto nägishäi Jumalan rožat, i sinä olit hyvä minuu vaste. 11Ota minun lahju, minun hyvitys, kuduan minä toin sinule, sikse gu Jumal hyvitti minuu, minul on kaikkie.» Juakoi pokoroiččih, i Isuavu otti.
12Isuavu sanoi: «Nouzemmo da lähtemmö, minä menen ielpäi.» 13No Juakoi sanoi: «Sinä tiijät, ižändy minun, lapset on pienet. Lambahat, kozat da lehmät ollah imettäjät. Gu niidy ajua liijan terväh hos yksi päivy, net töllötäh. 14Parembi sinä, minun ižändy, mene ielpäi, a minä, sinun orju, tulen peräh hil՚l՚azeh, kui matkuau karju, kui astutah lapset, kuni en piäze Seirah sinun luo, minun ižändy.» 15Isuavu sanoi: «Minä jätän sinule erähii minun rahvahis.» No Juakoi vastai: «Mikse? Sinä muitegi olit hyvä minuu vaste.»
16Sinä päivänny Isuavu lähti järilleh Seirah. 17A Juakoi lähti Sokhofah, sie häi luadii ičelleh taloin, a žiivatoile luadii katokset. Sikse sidä kohtua nimitetäh Sokhof (katokset).
18Mesopotamies tulduu Juakoi hyvin piäzi Siheman linnah, kudai on Hanaanas, da azetui sen lähäl. 19Sen muan, kus oldih hänen stuanut, häi osti suas hobjuden՚gas Emmoran poijil, Sihemal da hänen vellil. 20Häi luadii sinne altarin i moliihes Ižändäle, Izrail՚an Jumalale.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(c) Biblienkiännändyinstituuttu, Helsinki 2003