Ittẹwọr 41
41
Idachen sa Phero ọttaar
1Mada cho afa akk'akwọbha, Phero ọttaara idachen: k'idachen ọttaar da obe k'ọraanga kwa Nile ọkhaan-ọkhaan, 2ore da abhaam azenamfa p'ajibhi for, abira ade bi dọrọdọrọ ayini k'ọraanga kwa Nile akwu achi araraari p'ameni m'ọraanga ọkhaan-ọkhaan. 3Ayongi mẹ, abhaam azenamfa adọdọk p'akkokh-okkokhi abira apyibh ka for, ayin abaanga mbonggo p'ajibhi for p'awobh m'ọraanga kwa Nile ọkhaan-ọkhaan. 4Abhaam mba p'akkokh-okkokhi abira apyibh ka for achi p'ajibhi ka for. Wa Phero ọphyọbha k'ọda.
5Iwa Phero obiro ọtza oyima, ọn-ọttaara idachen idọdọk. Ore ẹbọkparin dani ch'etzim abhọra azenamfa p'abari ẹfa, abira ajibh-ojibh. 6Ayongi mba, abọkpa-bhọra azenamfa adọdọk p'akkokh-okkokhi, p'ọphapha kw'ofon k'okhubha kw'ewuchen em-eyin ogwum, abira ayin. 7Mẹ wọ, abọkpa-bhọra mba azenamfa p'akkokh-okkokhi amyi azenamfa p'ajibhi for biphyir. Mada Phero ọkk'ọda ọphyọbha, mẹ kw'on-orong bi, idachen s'ọttaar.
8Mada ewu en-ehobh, achibhi ayak Phero atzim, ofona mẹ, ọtzọhm anọng bi, bẹ ayeri anọng p'am-asi mbọhng biphyir, ọmaana atzim-nọnga-nọng kpenamkpen makhọra Ijip. Mada bẹ akwu apyiri, ọgbaak bẹ ọdachen f'ọttaar. Yina, ọnọng manda wani kw'ofha osi ẹjaakhi ch'ọdachen fa Phero kode.
9Mẹ wọ, oho kw'anọng p'am-anang Phero atzuk, oben bi, “Mayina kaam nkk'ottotto kwaam njima. 10Wa ọkhaam ogbe kwa Phero ọdọkhi ettem ttara atzọhmnọng pẹ, wa ọtzọhm kaam, ọmaana oho kw'anọng p'am-asi ọchattọhk mgbakkọhbh, k'ọhọhm kw'oho kw'akker-agbakkọkkọhbha. 11Wa k'erungiwu dani, man anọng afa mọttaar ọdachen ngọmi-ngọmi, idachen kpenamkpen ikhaama ẹjaakhi chẹ. 12Wa mọtzọkha ọdachen mva ọgbaak oHiburu-dikkobh wani kw'ode ọtzọhmnọng kw'oho kw'akker-agbakkọkkọhbha. Wa mọgbaakh-ẹ ọdachen faman, kẹ obiro osi ẹjaakhi ch'ọdachen mva ọnang man. 13Wa idik nnuma iyini itzor mach'osi ẹjaakhi. Kaam wa bẹ ọkpa nnam ọnang-m ewobha chaam, yina, wa bẹ arena oyok k'edik.”
14Iwa Phero ọtzọhm anọng bi, bẹ atzima Josẹph akwu. Mẹ ẹba mẹ, bẹ atza arọbh-ẹ k'ọgbakkọhbh-họhm atzima akwu. Mada Josẹph okk'agbaphyubha pẹ ophyiri, obiro obhona ọbara f'ọfọr ka for, ofona ọtza okhebha Phero.
15Phero oben Josẹph bi, “Kaam nttaar idachen, s'ọnọng manda wani oni ẹjaakhi ọfha ọnang. Yina, kaam nkk'mmaanga bi, kọ am-asi ẹjaakhi ch'ọdachen anang anọng.”
16Josẹph obhina Phero bi, “Kaam ẹfa kingaam bi, mminsi ẹjaakhi ch'ọdachen nnang anọng e. Yina, Ibinọkpaabyi wọ ọ́nang ebhina ẹkkakka e.”
17Phero ọgbaak Josẹph bi, “Kaam nttaar idachen da mbe k'ọraanga kwa Nile ọkhaan-ọkhaan. 18Nne da abhaam azenamfa p'ajibhi for ayini k'ọraanga kwa Nile, akwu achi araraari m'ọraanga ọkhaan-ọkhaan. 19Ogbe k'obhiri, abhaam azenamfa adọdọk p'akkokh-okkokhi abira aphyibh ka for, ayin m'ọraanga. Kaam mada ogbe odede e, abhaam p'akkokhi ka for mando ndimi mminna m'irek nna s'Ijip. 20Abhaam mba p'akkokh-okkokhi, abira aphyibh ka for an-achi p'ajibhi ka for p'ira achi eden ayin. 21Chibhi da bẹ akk'ayok acha biphyir, bẹ atzima akkeri ka for macha bẹ adede. Mando kwa mgbe mphyọbha k'ọda.
22“K'idachen ọdọdọk, kaam nne da abọkpa-bhọra azenamfa p'ajibhi for ameni k'erin dani. 23Ayongi mbuma, abọkpa-bhọra azenamfa adọdọk p'akkokh-okkokhi abira amen k'ebọkparin dani, ọphapha kw'iyoma kw'ofon kẹ da ewuchen em-eyin ogwuma bẹ. 24Mẹ wọ, abọkpa-bhọra mba azenamfa p'akkokh-okkokhi amyi azenamfa p'ajibhi for biphyir. Kaam ndọkha idik nna biphyir mgbaak anọng p'am-asi mbọhng biphyir, yina, ọnọng kw'ọfha osi ẹjaakhi ọnang-m kode.”
25Mẹ wọ, Josẹph ọgbaak Phero bi, “Ọdachen mva ode odem wani, fẹ obiro ọkhaama ẹjaakhi dani. Ibinọkpaabyi ọkk'ẹjaakhi ọsa ọnang Phero k'odik kw'ọkhami bi osi. 26Ọdachen mva ọkhaam ẹjaakhi dani, ch'ede bi: Abhaam mbuma azenamfa p'ajibhi for, abe anang cho azenamfa. Abọkpa-bhọra mbuma azenamfa p'ajibhi for, abira abe anang cho azenamfa. 27Abhaam mbuma azenamfa p'akkokh-okkokhi p'akpong-nnam ayin, ọmaana abọkpa-bhọra mbuma azenamfa p'ani for ajibhi, p'ọphapha kw'ofon k'okhubha kw'ewuchen em-eyin, abe anang cho azenamfa p'okwo f'ideden.
28“Itta, ode macha mgbaakh-ọ bi, Ibinọkpaabyi ọkk'ẹjaakhi ọsa ọnang Phero k'odik kw'ọkhami bi, osi. 29Ka cho azenamfa k'itzitzikha, irek s'Ijip ikhaama ọchattọhk k'ọhaabh. 30Yina, cho azenamfa p'okwo f'ideden án-atzor cho p'ọhaabh nnam. Mẹ wọ, anọng áraama ọhaabh f'Ijip ọraama, okwo f'ideden obiro ọ́nyaami ochi irek nna.
31“Anọng ogbe kw'ọhaabh f'irek nna dọk ájima, okhuri da okwo mva f'ideden ọ́n-ọgaangi oyong-oyongi. 32Wa Phero ọttaar idachen nna rani k'adem afa, okhuri da iwa Ibinọkpaabyi okk'ochibhi ọtzam ọsa. Ogbe kobhir, Ibinọkpaabyi osi kwẹ osi.
33“Mẹ wọ, tte Phero oror ojinọng wani kw'ọkhaam etzina, ọmaana ekkoji, ifha ọnang ojinọng nwa ẹfa ch'otzima okkeri irek s'Ijip. 34Tte Phero otzekha atzọhmnọng p'akkeri irek nna bi, bẹ atzọkha ọchattọhk k'Ijip, okhung wani k'akhung azen ahok, ka cho azenamfa mba p'ọhaabh. 35Tte ofona k'ẹfa cha Phero bi, ka cho azenamfa mba p'ọhaabh p'akwu, anọng mba atzọkha ọchattọhk ahok k'idedenmon. 36Bẹ aye ọchattọhk mva anang anọng p'ẹkhọma nda, ifha bẹ atzima fẹ ka cho azenamfa mba p'okwo f'ideden okwu k'Ijip, ifha okwo mva f'ideden oningi ẹkhọma nda odimi.”
37Iwa Phero ọmaana akhaan-nọng pẹ biphyir are bi, kwẹ okk'ojibha. 38Mẹ wọ, Phero ọbọbh atzọhmnọng pẹ bi, “Na mofha ore ọnọng kw'ode mach'ojinọng nwa, kw'ọkhaam ekkoji ch'efon k'Ibinọkpaabyi o?”
39Mẹ wọ, Phero oben Josẹph bi, “Mada Ibinọkpaabyi ọkk'ọ ẹjaakhi ch'idik nna biphyir ọnanga, ọnọng ọdọdọk kw'ọkhaam etzina ọmaana ekkoji cha kọ akhaam kode. 40Kọ án-ade oho k'ọvaar-dimpa kwaam, anọng paam biphyir an-ahakha eho anang ndọhna sọ. Orenga k'ikpokpobha s'ẹvaar sẹ-sẹ s'akhaam ńna ndima mbar nyọhng-ọ.”
Josẹph otzim ededen k'Ijip
41Iwa Phero oben Josẹph bi, “Kaam nkk'ọ ọbọhk k'eho nnana bi, adabh irek s'Ijip makhọra.” 42Mando kwa Phero ọwọr ẹbaanga chẹ ch'ẹnọhna, okhe Josẹph. Ọtzọkha ẹnya cha bẹ atzim ndik-nyokhasẹ ọkkakka asi, ọfọr-ẹ, yina ọn-ọtzọk ogimma kwa gol ọkhẹ-ẹ k'ẹdọhngi. 43Ọtzọkh-ẹ ọnana k'ọkpaar kwa nnyanyaang mmindọr, bẹ ayaar-ẹ mach'ojukwa kwẹ, anọng arenga k'itzitzikha am-awuri amọng aben bi, “Bọng kebh-ẹ eden!” Mẹ wọ, Phero ọnang Josẹph ẹfa ch'ọdabh irek s'Ijip biphyir.
44Phero obiro oben Josẹph bi, “Kaam Phero wọ nde ọvaarnọng, yina, ẹfa eni ka kọ efon, ọnọng kw'ọ́khaama ẹfa ch'oyebh ọbọhk kwẹ obiro ode obho kwẹ o, makhọra irek s'Ijip kode.” 45Phero on-okpe Josẹph, Zaphenat-Panea. Obiro ọtzọkha ominanwa kw'okpen Asenat kw'ode nnwa kwa Potiphera, ọnang-ẹ k'ọbada. Wa Potiphera ode ọfọhnẹja kwa On. Wa Josẹph orenga ọkhọri irek s'Ijip bi waam.
46Mando kwa Josẹph obin k'itzitzikha sa Phero, orenga ọkpaanga irek s'Ijip biphyir. Wa Josẹph ode ojinọng kw'ode cho ẹrọbh obhiri jobh, k'ogbe kw'ọttẹwọr osi ọtzọhm ọmaana Phero, kw'ode ọvaarnọng kw'Ijip. 47Ma cho mba azenamfa p'ọhaabh, wa irerek ihak for ijibh ekpo. 48Josẹph ọtzọkha ọchattọhk k'Ijip biphyir, ma cho mba azenamfa p'ọhaabh, ohok k'ideden-mon. K'odedenmon kpenamkpen, wa ohokhi ọchattọhk-dem fa bẹ ayaabh m'obhon nwuma. 49Mando kwa Josẹph oye ẹchakpo mach'abọkpa k'ọhaabh mach'oyeyeng kw'ọraanga kw'ideden. Wa ọchattọhk mva ọhaabhi maa, ọkwọbha obhik ohohok, da bẹ ani dọk afha abhik.
50Yina ogbe kw'okwo mva f'ideden opyiri, wa Asenat kw'ode ominanwa kwa Potiphera kw'ode ọfọhnẹja kwa On, okk'va afa p'ijinọng ọmaana ọnang Josẹph. 51Josẹph okpe ocheden-nwa kwẹ, Manasẹ, oben bi, “Ofon da Ibinọkpaabyi ọkk'ọsa bi, kaam nnaama ihem saam biphyir, ọmaana efonamma ch'otte kwaam biphyir.” 52Okpe nnwa kw'ottong afa Ephraim, oben bi, “Ofon da Ibinọkpaabyi ọkk'aam ọsa bi, ngaama va m'irek nna s'ihem saam.”
53Mada cho azenamfa mba p'ọhaabh k'irek s'Ijip akk'akwa akwọbha, 54cho mbonggo azenamfa p'okwo f'ideden attẹwọr, mach'iwa Josẹph ọkk'ẹjaakhi ọtzam ọsa. Wa okwo f'ideden owobh makhọra idibhon biphyir. Yina, wa ọchattọhk owobh k'ọhaabh makhọra Ijip. 55K'ogbe kw'okwo ọn-ọttẹwọr ọkhaama anọng p'Ijip, bẹ atza abhom amọng p'ọchattọhk akpẹkhi Phero. Ofona mẹ, Phero oben anọng p'Ijip biphyir bi, “Bọng nọhng ka Josẹph, bọng asi odik kpenamkpen kw'oben bi, bọng asi.”
56K'ogbe kw'okwo mva f'ideden ọkk'ọn-ọnyaami k'ẹkhọma nda biphyir, Josẹph okwunga ihọhm s'iwa bẹ aye ọchattọhk, okpe ọchattọhk anang anọng p'Ijip, okhuri bi, wa okwo f'ideden owobh k'Ijip makhọra. 57Wa anọng abina k'idibhon biphyir atza adebh ọchattọhk ka mbọhk sa Josẹph k'Ijip, okhuri bi, wa okwo f'ideden ọgaang-ọgaangi makhọra.
ទើបបានជ្រើសរើសហើយ៖
Ittẹwọr 41: mfo-latn
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Luke Initiative for Scripture Translation
Ittẹwọr 41
41
Idachen sa Phero ọttaar
1Mada cho afa akk'akwọbha, Phero ọttaara idachen: k'idachen ọttaar da obe k'ọraanga kwa Nile ọkhaan-ọkhaan, 2ore da abhaam azenamfa p'ajibhi for, abira ade bi dọrọdọrọ ayini k'ọraanga kwa Nile akwu achi araraari p'ameni m'ọraanga ọkhaan-ọkhaan. 3Ayongi mẹ, abhaam azenamfa adọdọk p'akkokh-okkokhi abira apyibh ka for, ayin abaanga mbonggo p'ajibhi for p'awobh m'ọraanga kwa Nile ọkhaan-ọkhaan. 4Abhaam mba p'akkokh-okkokhi abira apyibh ka for achi p'ajibhi ka for. Wa Phero ọphyọbha k'ọda.
5Iwa Phero obiro ọtza oyima, ọn-ọttaara idachen idọdọk. Ore ẹbọkparin dani ch'etzim abhọra azenamfa p'abari ẹfa, abira ajibh-ojibh. 6Ayongi mba, abọkpa-bhọra azenamfa adọdọk p'akkokh-okkokhi, p'ọphapha kw'ofon k'okhubha kw'ewuchen em-eyin ogwum, abira ayin. 7Mẹ wọ, abọkpa-bhọra mba azenamfa p'akkokh-okkokhi amyi azenamfa p'ajibhi for biphyir. Mada Phero ọkk'ọda ọphyọbha, mẹ kw'on-orong bi, idachen s'ọttaar.
8Mada ewu en-ehobh, achibhi ayak Phero atzim, ofona mẹ, ọtzọhm anọng bi, bẹ ayeri anọng p'am-asi mbọhng biphyir, ọmaana atzim-nọnga-nọng kpenamkpen makhọra Ijip. Mada bẹ akwu apyiri, ọgbaak bẹ ọdachen f'ọttaar. Yina, ọnọng manda wani kw'ofha osi ẹjaakhi ch'ọdachen fa Phero kode.
9Mẹ wọ, oho kw'anọng p'am-anang Phero atzuk, oben bi, “Mayina kaam nkk'ottotto kwaam njima. 10Wa ọkhaam ogbe kwa Phero ọdọkhi ettem ttara atzọhmnọng pẹ, wa ọtzọhm kaam, ọmaana oho kw'anọng p'am-asi ọchattọhk mgbakkọhbh, k'ọhọhm kw'oho kw'akker-agbakkọkkọhbha. 11Wa k'erungiwu dani, man anọng afa mọttaar ọdachen ngọmi-ngọmi, idachen kpenamkpen ikhaama ẹjaakhi chẹ. 12Wa mọtzọkha ọdachen mva ọgbaak oHiburu-dikkobh wani kw'ode ọtzọhmnọng kw'oho kw'akker-agbakkọkkọhbha. Wa mọgbaakh-ẹ ọdachen faman, kẹ obiro osi ẹjaakhi ch'ọdachen mva ọnang man. 13Wa idik nnuma iyini itzor mach'osi ẹjaakhi. Kaam wa bẹ ọkpa nnam ọnang-m ewobha chaam, yina, wa bẹ arena oyok k'edik.”
14Iwa Phero ọtzọhm anọng bi, bẹ atzima Josẹph akwu. Mẹ ẹba mẹ, bẹ atza arọbh-ẹ k'ọgbakkọhbh-họhm atzima akwu. Mada Josẹph okk'agbaphyubha pẹ ophyiri, obiro obhona ọbara f'ọfọr ka for, ofona ọtza okhebha Phero.
15Phero oben Josẹph bi, “Kaam nttaar idachen, s'ọnọng manda wani oni ẹjaakhi ọfha ọnang. Yina, kaam nkk'mmaanga bi, kọ am-asi ẹjaakhi ch'ọdachen anang anọng.”
16Josẹph obhina Phero bi, “Kaam ẹfa kingaam bi, mminsi ẹjaakhi ch'ọdachen nnang anọng e. Yina, Ibinọkpaabyi wọ ọ́nang ebhina ẹkkakka e.”
17Phero ọgbaak Josẹph bi, “Kaam nttaar idachen da mbe k'ọraanga kwa Nile ọkhaan-ọkhaan. 18Nne da abhaam azenamfa p'ajibhi for ayini k'ọraanga kwa Nile, akwu achi araraari m'ọraanga ọkhaan-ọkhaan. 19Ogbe k'obhiri, abhaam azenamfa adọdọk p'akkokh-okkokhi abira aphyibh ka for, ayin m'ọraanga. Kaam mada ogbe odede e, abhaam p'akkokhi ka for mando ndimi mminna m'irek nna s'Ijip. 20Abhaam mba p'akkokh-okkokhi, abira aphyibh ka for an-achi p'ajibhi ka for p'ira achi eden ayin. 21Chibhi da bẹ akk'ayok acha biphyir, bẹ atzima akkeri ka for macha bẹ adede. Mando kwa mgbe mphyọbha k'ọda.
22“K'idachen ọdọdọk, kaam nne da abọkpa-bhọra azenamfa p'ajibhi for ameni k'erin dani. 23Ayongi mbuma, abọkpa-bhọra azenamfa adọdọk p'akkokh-okkokhi abira amen k'ebọkparin dani, ọphapha kw'iyoma kw'ofon kẹ da ewuchen em-eyin ogwuma bẹ. 24Mẹ wọ, abọkpa-bhọra mba azenamfa p'akkokh-okkokhi amyi azenamfa p'ajibhi for biphyir. Kaam ndọkha idik nna biphyir mgbaak anọng p'am-asi mbọhng biphyir, yina, ọnọng kw'ọfha osi ẹjaakhi ọnang-m kode.”
25Mẹ wọ, Josẹph ọgbaak Phero bi, “Ọdachen mva ode odem wani, fẹ obiro ọkhaama ẹjaakhi dani. Ibinọkpaabyi ọkk'ẹjaakhi ọsa ọnang Phero k'odik kw'ọkhami bi osi. 26Ọdachen mva ọkhaam ẹjaakhi dani, ch'ede bi: Abhaam mbuma azenamfa p'ajibhi for, abe anang cho azenamfa. Abọkpa-bhọra mbuma azenamfa p'ajibhi for, abira abe anang cho azenamfa. 27Abhaam mbuma azenamfa p'akkokh-okkokhi p'akpong-nnam ayin, ọmaana abọkpa-bhọra mbuma azenamfa p'ani for ajibhi, p'ọphapha kw'ofon k'okhubha kw'ewuchen em-eyin, abe anang cho azenamfa p'okwo f'ideden.
28“Itta, ode macha mgbaakh-ọ bi, Ibinọkpaabyi ọkk'ẹjaakhi ọsa ọnang Phero k'odik kw'ọkhami bi, osi. 29Ka cho azenamfa k'itzitzikha, irek s'Ijip ikhaama ọchattọhk k'ọhaabh. 30Yina, cho azenamfa p'okwo f'ideden án-atzor cho p'ọhaabh nnam. Mẹ wọ, anọng áraama ọhaabh f'Ijip ọraama, okwo f'ideden obiro ọ́nyaami ochi irek nna.
31“Anọng ogbe kw'ọhaabh f'irek nna dọk ájima, okhuri da okwo mva f'ideden ọ́n-ọgaangi oyong-oyongi. 32Wa Phero ọttaar idachen nna rani k'adem afa, okhuri da iwa Ibinọkpaabyi okk'ochibhi ọtzam ọsa. Ogbe kobhir, Ibinọkpaabyi osi kwẹ osi.
33“Mẹ wọ, tte Phero oror ojinọng wani kw'ọkhaam etzina, ọmaana ekkoji, ifha ọnang ojinọng nwa ẹfa ch'otzima okkeri irek s'Ijip. 34Tte Phero otzekha atzọhmnọng p'akkeri irek nna bi, bẹ atzọkha ọchattọhk k'Ijip, okhung wani k'akhung azen ahok, ka cho azenamfa mba p'ọhaabh. 35Tte ofona k'ẹfa cha Phero bi, ka cho azenamfa mba p'ọhaabh p'akwu, anọng mba atzọkha ọchattọhk ahok k'idedenmon. 36Bẹ aye ọchattọhk mva anang anọng p'ẹkhọma nda, ifha bẹ atzima fẹ ka cho azenamfa mba p'okwo f'ideden okwu k'Ijip, ifha okwo mva f'ideden oningi ẹkhọma nda odimi.”
37Iwa Phero ọmaana akhaan-nọng pẹ biphyir are bi, kwẹ okk'ojibha. 38Mẹ wọ, Phero ọbọbh atzọhmnọng pẹ bi, “Na mofha ore ọnọng kw'ode mach'ojinọng nwa, kw'ọkhaam ekkoji ch'efon k'Ibinọkpaabyi o?”
39Mẹ wọ, Phero oben Josẹph bi, “Mada Ibinọkpaabyi ọkk'ọ ẹjaakhi ch'idik nna biphyir ọnanga, ọnọng ọdọdọk kw'ọkhaam etzina ọmaana ekkoji cha kọ akhaam kode. 40Kọ án-ade oho k'ọvaar-dimpa kwaam, anọng paam biphyir an-ahakha eho anang ndọhna sọ. Orenga k'ikpokpobha s'ẹvaar sẹ-sẹ s'akhaam ńna ndima mbar nyọhng-ọ.”
Josẹph otzim ededen k'Ijip
41Iwa Phero oben Josẹph bi, “Kaam nkk'ọ ọbọhk k'eho nnana bi, adabh irek s'Ijip makhọra.” 42Mando kwa Phero ọwọr ẹbaanga chẹ ch'ẹnọhna, okhe Josẹph. Ọtzọkha ẹnya cha bẹ atzim ndik-nyokhasẹ ọkkakka asi, ọfọr-ẹ, yina ọn-ọtzọk ogimma kwa gol ọkhẹ-ẹ k'ẹdọhngi. 43Ọtzọkh-ẹ ọnana k'ọkpaar kwa nnyanyaang mmindọr, bẹ ayaar-ẹ mach'ojukwa kwẹ, anọng arenga k'itzitzikha am-awuri amọng aben bi, “Bọng kebh-ẹ eden!” Mẹ wọ, Phero ọnang Josẹph ẹfa ch'ọdabh irek s'Ijip biphyir.
44Phero obiro oben Josẹph bi, “Kaam Phero wọ nde ọvaarnọng, yina, ẹfa eni ka kọ efon, ọnọng kw'ọ́khaama ẹfa ch'oyebh ọbọhk kwẹ obiro ode obho kwẹ o, makhọra irek s'Ijip kode.” 45Phero on-okpe Josẹph, Zaphenat-Panea. Obiro ọtzọkha ominanwa kw'okpen Asenat kw'ode nnwa kwa Potiphera, ọnang-ẹ k'ọbada. Wa Potiphera ode ọfọhnẹja kwa On. Wa Josẹph orenga ọkhọri irek s'Ijip bi waam.
46Mando kwa Josẹph obin k'itzitzikha sa Phero, orenga ọkpaanga irek s'Ijip biphyir. Wa Josẹph ode ojinọng kw'ode cho ẹrọbh obhiri jobh, k'ogbe kw'ọttẹwọr osi ọtzọhm ọmaana Phero, kw'ode ọvaarnọng kw'Ijip. 47Ma cho mba azenamfa p'ọhaabh, wa irerek ihak for ijibh ekpo. 48Josẹph ọtzọkha ọchattọhk k'Ijip biphyir, ma cho mba azenamfa p'ọhaabh, ohok k'ideden-mon. K'odedenmon kpenamkpen, wa ohokhi ọchattọhk-dem fa bẹ ayaabh m'obhon nwuma. 49Mando kwa Josẹph oye ẹchakpo mach'abọkpa k'ọhaabh mach'oyeyeng kw'ọraanga kw'ideden. Wa ọchattọhk mva ọhaabhi maa, ọkwọbha obhik ohohok, da bẹ ani dọk afha abhik.
50Yina ogbe kw'okwo mva f'ideden opyiri, wa Asenat kw'ode ominanwa kwa Potiphera kw'ode ọfọhnẹja kwa On, okk'va afa p'ijinọng ọmaana ọnang Josẹph. 51Josẹph okpe ocheden-nwa kwẹ, Manasẹ, oben bi, “Ofon da Ibinọkpaabyi ọkk'ọsa bi, kaam nnaama ihem saam biphyir, ọmaana efonamma ch'otte kwaam biphyir.” 52Okpe nnwa kw'ottong afa Ephraim, oben bi, “Ofon da Ibinọkpaabyi ọkk'aam ọsa bi, ngaama va m'irek nna s'ihem saam.”
53Mada cho azenamfa mba p'ọhaabh k'irek s'Ijip akk'akwa akwọbha, 54cho mbonggo azenamfa p'okwo f'ideden attẹwọr, mach'iwa Josẹph ọkk'ẹjaakhi ọtzam ọsa. Wa okwo f'ideden owobh makhọra idibhon biphyir. Yina, wa ọchattọhk owobh k'ọhaabh makhọra Ijip. 55K'ogbe kw'okwo ọn-ọttẹwọr ọkhaama anọng p'Ijip, bẹ atza abhom amọng p'ọchattọhk akpẹkhi Phero. Ofona mẹ, Phero oben anọng p'Ijip biphyir bi, “Bọng nọhng ka Josẹph, bọng asi odik kpenamkpen kw'oben bi, bọng asi.”
56K'ogbe kw'okwo mva f'ideden ọkk'ọn-ọnyaami k'ẹkhọma nda biphyir, Josẹph okwunga ihọhm s'iwa bẹ aye ọchattọhk, okpe ọchattọhk anang anọng p'Ijip, okhuri bi, wa okwo f'ideden owobh k'Ijip makhọra. 57Wa anọng abina k'idibhon biphyir atza adebh ọchattọhk ka mbọhk sa Josẹph k'Ijip, okhuri bi, wa okwo f'ideden ọgaang-ọgaangi makhọra.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Luke Initiative for Scripture Translation