Ittẹwọr 16
16
Hagar ọmaana nnwa kwẹ Ishimayẹl
1Wa Sarai kw'ọba Abram, nnwa kọmaani. Ayongi mẹ, kẹ wa ọkhaam obira kw'ikwanọng kw'ofon Ijip kw'okpen Hagar. 2Mẹ wọ osi, on-oben Abram bi, “Mada Ọvaar Ibinọkpaabyi ọni kaam ọmaan ọnangi, kaam mben bi mphyem-ọ bi, atzọkha obira nwa kwaam ayima abẹ. Asi mẹ, kaam mfha nnenga ma ndaak sẹ ngaama nnwa.”
Abram okhera bi osi macha Sarai obeni. 3Mada Abram okk'orukha k'ẹkhọma cha Kenaan ka cho jobh, Sarai ọtzọkha Hagar kw'ode obira kwẹ kw'ofon k'Ijip ọnang Abram bi, oyim-ẹ abẹ. 4Abram oyima Hagar abẹ, okwu otzima ibhọr.
Mada Hagar orong bi, okk'ibhọr otzima, ọttẹwọr ore ọkka kw'orukhi abẹ ọkhara. 5Mẹ wọ ofon, Sarai ọdọkh-ẹ maa, on-oben Abram bi, “Ọmmamma kwaam ofon ka kọ e. Kaam wọ ndọk obira kwaam nnang-ọ bi, ayim-ẹ abẹ, yina, mada orong bi okk'ibhọr otzima, ọttẹwọr ore-m ọkhara. Tte Ọvaar Ibinọkpaabyi ọttọhna aponga pa kaam ọmaana kọ.”
6Mẹ wọ ofon, Abram oben Sarai bi, “Kker e, ominanwa nwa ode obira kwọ, kọ sẹ-ẹ mach'ọdaakh-ọ.” Mẹ wọ osi, ttẹwọr mẹ, Sarai, Hagar k'eden ọkkakka dọk kotzim, ofona mẹ, Hagar ọrọbh.
7Mada Hagar ọkk'ọrọbha, orenga-eden kw'Ọvaar Ibinọkpaabyi ọrẹ-ẹ k'esipe ch'ewobh k'ebherede, esipe ch'ewobh k'ọkkadeden kw'achin ka Shur. 8Mẹ wọ osi, orenga-eden nwa oben Hagar bi, “Hagar, obira kwa Sarai, kọ afon maan o? Am-atza maan?”
Hagar obhin-ẹ bi, “Kaam mminnọbh-ọrọbh k'inna kwaam ka mbọhk ma e.”
9Orenga-eden kw'Ọvaar Ibinọkpaabyi, oben-ẹ bi, “Kọ kpa nnam atzor akka, abira ahakha eho anang-ẹ.” 10Orenga-eden nwa kw'Ọvaar Ibinọkpaabyi obiro oben-ẹ bi, “Kaam ńsi va pa va pọ ahaabh-ọhaabh. Bẹ ahaabh k'odem kw'ọnọng ọni bẹ ofha obhik.” 11Orenga-eden kw'Ọvaar Ibinọkpaabyi obiro oben-ẹ bi,
“Kọ akk'ibhọr atzima, ámaan ojinọng,
Kọ ákpẹ-ẹ Ishimayẹl,#16.11 K'eHiburu, che ch'Ishimayẹl eyini, Ibinọkpaabyi ọbhaang idik.
okhuri bi Ọvaar Ibinọkpaabyi okk'ẹmọng ch'ihem sọ ọbhaanga.
12Kẹ ọ́raari mach'ẹnyanyaang ch'ẹtzam cha bẹ ani otzitzir atziri.
Kẹ óde ọnọng kw'ọ́wọhngi akpen p'anọng biphyir,
anọng biphyir ábira awọhngi akpen pẹ,
kẹ óruk k'ittattaanga ttara votte pẹ biphyir.”
13Mẹ wọ osi, Hagar on-oben for sẹ bi, “Ode bi, Ọvaar Ibinọkpaabyi wọ kwa kaam nne ma, yina ndimi nnukhi akpen ma o?” Mẹ wọ ofon, oyer-ẹ che ch'ikpokpobha bi, Ẹl-Roi#16.13 K'eHiburu Ẹl-Roi oyini Kọ ade Ibinọkpaabyi kw'okker-m.. On-oben bi, “Kaam nkk'Ibinọkpaabyi kw'Okker-m nna.”
14Mẹ wọ ofon, anọng am-ayeri esipe nda, Beer-Lahai-Roi#16.14 K'eHiburu, Beer-Lahai-Roi oyini, Esipe cha kẹ kw'orukhi akpen kw'ore-m., kw'oyini “Esipe cha kẹ kw'orukhi akpen, kw'ore-m.” Esipe nda ewobh k'ottem kwa Kadẹsh ọmaana Bẹrẹd.
15Iwa Hagar ọmaan nnwa kw'ijinọng ọnang Abram. Abram ọkpẹ-ẹ Ishimayẹl. 16K'ogbe kw'Abram ode cho arọbh anna obhiri azadani, Hagar ọmaan-ẹ Ishimayẹl.
ទើបបានជ្រើសរើសហើយ៖
Ittẹwọr 16: mfo-latn
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Luke Initiative for Scripture Translation
Ittẹwọr 16
16
Hagar ọmaana nnwa kwẹ Ishimayẹl
1Wa Sarai kw'ọba Abram, nnwa kọmaani. Ayongi mẹ, kẹ wa ọkhaam obira kw'ikwanọng kw'ofon Ijip kw'okpen Hagar. 2Mẹ wọ osi, on-oben Abram bi, “Mada Ọvaar Ibinọkpaabyi ọni kaam ọmaan ọnangi, kaam mben bi mphyem-ọ bi, atzọkha obira nwa kwaam ayima abẹ. Asi mẹ, kaam mfha nnenga ma ndaak sẹ ngaama nnwa.”
Abram okhera bi osi macha Sarai obeni. 3Mada Abram okk'orukha k'ẹkhọma cha Kenaan ka cho jobh, Sarai ọtzọkha Hagar kw'ode obira kwẹ kw'ofon k'Ijip ọnang Abram bi, oyim-ẹ abẹ. 4Abram oyima Hagar abẹ, okwu otzima ibhọr.
Mada Hagar orong bi, okk'ibhọr otzima, ọttẹwọr ore ọkka kw'orukhi abẹ ọkhara. 5Mẹ wọ ofon, Sarai ọdọkh-ẹ maa, on-oben Abram bi, “Ọmmamma kwaam ofon ka kọ e. Kaam wọ ndọk obira kwaam nnang-ọ bi, ayim-ẹ abẹ, yina, mada orong bi okk'ibhọr otzima, ọttẹwọr ore-m ọkhara. Tte Ọvaar Ibinọkpaabyi ọttọhna aponga pa kaam ọmaana kọ.”
6Mẹ wọ ofon, Abram oben Sarai bi, “Kker e, ominanwa nwa ode obira kwọ, kọ sẹ-ẹ mach'ọdaakh-ọ.” Mẹ wọ osi, ttẹwọr mẹ, Sarai, Hagar k'eden ọkkakka dọk kotzim, ofona mẹ, Hagar ọrọbh.
7Mada Hagar ọkk'ọrọbha, orenga-eden kw'Ọvaar Ibinọkpaabyi ọrẹ-ẹ k'esipe ch'ewobh k'ebherede, esipe ch'ewobh k'ọkkadeden kw'achin ka Shur. 8Mẹ wọ osi, orenga-eden nwa oben Hagar bi, “Hagar, obira kwa Sarai, kọ afon maan o? Am-atza maan?”
Hagar obhin-ẹ bi, “Kaam mminnọbh-ọrọbh k'inna kwaam ka mbọhk ma e.”
9Orenga-eden kw'Ọvaar Ibinọkpaabyi, oben-ẹ bi, “Kọ kpa nnam atzor akka, abira ahakha eho anang-ẹ.” 10Orenga-eden nwa kw'Ọvaar Ibinọkpaabyi obiro oben-ẹ bi, “Kaam ńsi va pa va pọ ahaabh-ọhaabh. Bẹ ahaabh k'odem kw'ọnọng ọni bẹ ofha obhik.” 11Orenga-eden kw'Ọvaar Ibinọkpaabyi obiro oben-ẹ bi,
“Kọ akk'ibhọr atzima, ámaan ojinọng,
Kọ ákpẹ-ẹ Ishimayẹl,#16.11 K'eHiburu, che ch'Ishimayẹl eyini, Ibinọkpaabyi ọbhaang idik.
okhuri bi Ọvaar Ibinọkpaabyi okk'ẹmọng ch'ihem sọ ọbhaanga.
12Kẹ ọ́raari mach'ẹnyanyaang ch'ẹtzam cha bẹ ani otzitzir atziri.
Kẹ óde ọnọng kw'ọ́wọhngi akpen p'anọng biphyir,
anọng biphyir ábira awọhngi akpen pẹ,
kẹ óruk k'ittattaanga ttara votte pẹ biphyir.”
13Mẹ wọ osi, Hagar on-oben for sẹ bi, “Ode bi, Ọvaar Ibinọkpaabyi wọ kwa kaam nne ma, yina ndimi nnukhi akpen ma o?” Mẹ wọ ofon, oyer-ẹ che ch'ikpokpobha bi, Ẹl-Roi#16.13 K'eHiburu Ẹl-Roi oyini Kọ ade Ibinọkpaabyi kw'okker-m.. On-oben bi, “Kaam nkk'Ibinọkpaabyi kw'Okker-m nna.”
14Mẹ wọ ofon, anọng am-ayeri esipe nda, Beer-Lahai-Roi#16.14 K'eHiburu, Beer-Lahai-Roi oyini, Esipe cha kẹ kw'orukhi akpen kw'ore-m., kw'oyini “Esipe cha kẹ kw'orukhi akpen, kw'ore-m.” Esipe nda ewobh k'ottem kwa Kadẹsh ọmaana Bẹrẹd.
15Iwa Hagar ọmaan nnwa kw'ijinọng ọnang Abram. Abram ọkpẹ-ẹ Ishimayẹl. 16K'ogbe kw'Abram ode cho arọbh anna obhiri azadani, Hagar ọmaan-ẹ Ishimayẹl.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Luke Initiative for Scripture Translation