Marc 5
5
1Ouo̱ bouo koulou mè, sènè nou Gadarénien o. 2Kèchida kè Jésus ho zane ko mbonggo mè, n’a joko ma oui‐doa, kè ho zane ti a mè nè ko̱‐fio. 3Ouaïlè o̱ nè ko̱‐fio. Ma ouili pome kè hèl’a bènè; ma ouili pome kè hel’a nè pèlè‐jobo bènè. 4Ouara ouinè ouo̱ pi sopo o yang’a; ouo̱ hèl’a o nè pèlè‐jobo. A mana pèlè‐jobo; a bini sopo; ngaïli kè ouili oui oui̱ne hèl’a go. 5Doungounè, nè ouichi dè zè o nè oli, n’a sènè ko ko̱‐fio. A himo; a gono té a nè ta. 6Kèchida k’a joko Jésus nè yèlè mè, n’a ayou dida k‐a mè; a aba jougoulou nou ti a. 7A himo dingo̱ne, è gui: Nè oui̱ne gui hè bo̱ mi do mè gui̱ndi, Jésus Bi̱‐ouili kè Nzapa li‐zane mè? Mi aka mè nè yini kè Nzapa; mè ya dè mi nè yoro nè. 8No mo nè Jésus toa nè h’a, è gui: Mè, doa, mè ho zane kosanga ouaïle ouo̱ hi. 9A aka mo, è gui: Yini mè gui? A pikifi oui̱ne, è gui: Yini‐m’ nè doko, oui̱ne alè doko ouinè. 10A ara nou tome hè Jésus, è gui: Mè ya ndaka ’lè di sènè ma nou nè. 11Sènèmo̱ hi, nè do̱ guèlè kara, ko ba doko cochon o yongo‐mo. 12Doa ak’a o nè ga, è gui: Mè ndaka ’lè, h’alè chi kosanga cochon o. N’a kodaka. 13Doa o bara zane kosanga ouaïlè; ouo̱ a kosanga cochon o. Cochon o zili kara, you a do̱ li. Ouo̱‐o pèlè boua litou. Ouo̱ no̱ li; ouo̱ fiè o sa do̱ li. 14O oui pama ouo̱‐o ayou oui̱ne toda k‐a di sarli̱ mè, dè oui̱ne toda k‐a ho ma ouili o di ngo goudi do̱ko jo mè. Ouo̱ nè guènè joko mbé oui̱ne d‐è o nè bouo hi. 15Ouo̱ tèno o di ka tè Jésus nè. Ouo̱ joko oui‐doa o nè doa kosanga ouinè i̱nggati hi; k’a doungounou nè olo dé toulou té a; a i̱ngi mo diouinè. Kili gbè ouo̱‐o ouinè nè oli. 16Ino‐o nè joko mo nè raka hi; ouo̱ toda mo o nè bouo da oui‐doa dè cochon o. 17Ouo̱ kouyanga aka Jésus oui̱ne yaka nou ko‐ouo̱‐o di. 18Nè Jésus danga nè di ko mbonggo mè hi, nè oui‐doa hè ak’a oui̱ne doungounou do a. 19Jésus kodaka nè; a to oui̱ne h’a, è gui: Mè nèno ko toa ko‐mè, bo̱bo̱ ouili ko‐mè o. Mè toda oui̱ne mo o nè oli nè Seigneur déè do mè hi, hèmo n’a li̱nggui no mè higo. 20K’a nèno, n’a kouyanga toda mo o nè oli nè Jésus déè oui̱ne ko‐a sarli̱ Décapole. Ouili o nè oli koukou oui̱ne.
21Jésus nè ko mbonggo ka nou li nè koulou di. Ba doko ouili o ouinè tèno dida k‐a nè. A nè ka nou li. 22Kè ma ouane synagogue pome tèno, yin’a nè Jaïrus. A jok’a; a aba jougoulou nou di ti a nè. 23A gomoala ti a; a ak’a, è gui: Bi̱‐ouiko ko‐m’ hèdè fio sa. Mè tèno; mè é éli mè jou a, sè k’a passa. 24Jésus nèno do a. Ba doko ouili o nèno pat’a; ouo̱ pi liouara o nè oli.
25Ma ouiko hè aï. To̱ foko kosang’a doungounè pè boua pome nè joua litou. 26A nèno dida docteur o. A ha mo ko‐a nè oli ho docteur o. Nè himi té a sa nè, n’a himi gana i̱nggati nè oli. 27Kèchida k’a zili oui̱ne Jésus, n’a tèno bo̱ doko ouili o nè donggo Jésus; a to nou toulou ko‐a nè él’a. 28A bangba kosang’a, è gui: O̱nemo mi doubou tè toulou ko‐a, nè zèlè ko‐m’ hè sa ouo̱. 29Didi kè to̱ gono da tè, foko mbéa bo nè. Té a poufou diouinè; a i̱ngi tana nè zèlè té a sa nè hi. 30Kè Jésus i̱ngi tana didi kè ma ngaïli ko‐a ho zane; a jiki té a bo̱ doko ouili o, è gui: Nè ndo hè touo tè toulou ko‐m’ o ndi? 31Ndo disciple ko‐a o pikifi oui̱ne h’a, è gui: Mè joko ouili o ouinè nè issi mè hi nè ndi? Nè gui ho mè gui: Ouili touo tè ouo̱ gui̱ndi? 32A joko mo jiki ka té a, oui̱ne joko oui nè dè mo. 33Nè kili gbè ouiko k‐è; té a naka; oui̱ne a i̱ngi è nè raka oui̱ne ko‐a. A tèno; a aba jougoulou nou ti a; a to bara oui̱ne h’a nè oli. 34Jésus pikifi oui̱ne, è gui: Bi̱‐ouiko ko‐m’, oui̱ne mè téli oui̱ne go; mè nèno diouinè, zèlè ko‐mè sa.
35N’a mono k’a to nè oui̱ne hi, ndo ouili tèno o nè olo ouane synagogue mè. Ouo̱ to oui̱ne o, è gui: Bi̱‐ouiko ko‐mè fiè. Nè oui̱ne gui ho mè aka Maître oui̱ne tèno nè ola gui̱ndi? 36Jésus zili kè oui̱ne d‐è nè; a to oui̱ne hè ouane synagogue, è gui: Kili ya gbè mè nè: mè ya téli oui̱ne nè. 37Pierre dè Jacques dè Jean, ya Jacques, nèno o do a. A pi gui̱nggui nou oui̱ne a ko ma ouili nèno do a nè. 38Ouo̱ bouo ko toa kè ouane synagogue o. Jésus joko ba doko ouili o ouinè; ko ouo̱ hélikoa; ko ouo̱ himo o sènè. 39A lé ko toa; a to oui̱ne ho ouo̱‐o, è gui: Nè oui̱ne gui h’ènè hi nè mo o ouinè gui̱ndi? Nè oui̱ne gui h‐ènè héli nè koa o gui̱ndi? Bi̱me tè fi nè; a o̱ nè la. 40Ndo ouo̱ kouyanga mam’a o. Kèchida k’a ndaka ouo̱‐o nè oli di zane mè, n’a ba sème kè bi̱me b‐è, dè na kè bi̱me b‐è, dè ma ouili bèino nè tèno liouara mè do a o hi; ouo̱ nèno o nè oli di olo yara kè bi̱me b‐è mè. 41A ba éli bi̱me b‐è; a to oui̱ne h’a, è gui: Talitha koumi, kè gui: Boko‐bi̱me, mè kilingo̱ne, hèmo no‐m’ to nè higo. 42Didi kè boko‐bi̱me b‐è kilingo̱ne, a kouyanga nèno; pè ko‐a nè boua pome nè joua litou. Ouo̱ koukou oui̱ne o ouinè. 43Jésus pi gui̱nggui nou ho ouo̱‐o, da ma ouili tè i̱ngi tana mo n’a déè hè nè. A to oui̱ne, è gui: Ouo̱ horo mo‐yongo o hè bi̱‐ouiko k‐è.
ទើបបានជ្រើសរើសហើយ៖
Marc 5: GBANU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939
Marc 5
5
1Ouo̱ bouo koulou mè, sènè nou Gadarénien o. 2Kèchida kè Jésus ho zane ko mbonggo mè, n’a joko ma oui‐doa, kè ho zane ti a mè nè ko̱‐fio. 3Ouaïlè o̱ nè ko̱‐fio. Ma ouili pome kè hèl’a bènè; ma ouili pome kè hel’a nè pèlè‐jobo bènè. 4Ouara ouinè ouo̱ pi sopo o yang’a; ouo̱ hèl’a o nè pèlè‐jobo. A mana pèlè‐jobo; a bini sopo; ngaïli kè ouili oui oui̱ne hèl’a go. 5Doungounè, nè ouichi dè zè o nè oli, n’a sènè ko ko̱‐fio. A himo; a gono té a nè ta. 6Kèchida k’a joko Jésus nè yèlè mè, n’a ayou dida k‐a mè; a aba jougoulou nou ti a. 7A himo dingo̱ne, è gui: Nè oui̱ne gui hè bo̱ mi do mè gui̱ndi, Jésus Bi̱‐ouili kè Nzapa li‐zane mè? Mi aka mè nè yini kè Nzapa; mè ya dè mi nè yoro nè. 8No mo nè Jésus toa nè h’a, è gui: Mè, doa, mè ho zane kosanga ouaïle ouo̱ hi. 9A aka mo, è gui: Yini mè gui? A pikifi oui̱ne, è gui: Yini‐m’ nè doko, oui̱ne alè doko ouinè. 10A ara nou tome hè Jésus, è gui: Mè ya ndaka ’lè di sènè ma nou nè. 11Sènèmo̱ hi, nè do̱ guèlè kara, ko ba doko cochon o yongo‐mo. 12Doa ak’a o nè ga, è gui: Mè ndaka ’lè, h’alè chi kosanga cochon o. N’a kodaka. 13Doa o bara zane kosanga ouaïlè; ouo̱ a kosanga cochon o. Cochon o zili kara, you a do̱ li. Ouo̱‐o pèlè boua litou. Ouo̱ no̱ li; ouo̱ fiè o sa do̱ li. 14O oui pama ouo̱‐o ayou oui̱ne toda k‐a di sarli̱ mè, dè oui̱ne toda k‐a ho ma ouili o di ngo goudi do̱ko jo mè. Ouo̱ nè guènè joko mbé oui̱ne d‐è o nè bouo hi. 15Ouo̱ tèno o di ka tè Jésus nè. Ouo̱ joko oui‐doa o nè doa kosanga ouinè i̱nggati hi; k’a doungounou nè olo dé toulou té a; a i̱ngi mo diouinè. Kili gbè ouo̱‐o ouinè nè oli. 16Ino‐o nè joko mo nè raka hi; ouo̱ toda mo o nè bouo da oui‐doa dè cochon o. 17Ouo̱ kouyanga aka Jésus oui̱ne yaka nou ko‐ouo̱‐o di. 18Nè Jésus danga nè di ko mbonggo mè hi, nè oui‐doa hè ak’a oui̱ne doungounou do a. 19Jésus kodaka nè; a to oui̱ne h’a, è gui: Mè nèno ko toa ko‐mè, bo̱bo̱ ouili ko‐mè o. Mè toda oui̱ne mo o nè oli nè Seigneur déè do mè hi, hèmo n’a li̱nggui no mè higo. 20K’a nèno, n’a kouyanga toda mo o nè oli nè Jésus déè oui̱ne ko‐a sarli̱ Décapole. Ouili o nè oli koukou oui̱ne.
21Jésus nè ko mbonggo ka nou li nè koulou di. Ba doko ouili o ouinè tèno dida k‐a nè. A nè ka nou li. 22Kè ma ouane synagogue pome tèno, yin’a nè Jaïrus. A jok’a; a aba jougoulou nou di ti a nè. 23A gomoala ti a; a ak’a, è gui: Bi̱‐ouiko ko‐m’ hèdè fio sa. Mè tèno; mè é éli mè jou a, sè k’a passa. 24Jésus nèno do a. Ba doko ouili o nèno pat’a; ouo̱ pi liouara o nè oli.
25Ma ouiko hè aï. To̱ foko kosang’a doungounè pè boua pome nè joua litou. 26A nèno dida docteur o. A ha mo ko‐a nè oli ho docteur o. Nè himi té a sa nè, n’a himi gana i̱nggati nè oli. 27Kèchida k’a zili oui̱ne Jésus, n’a tèno bo̱ doko ouili o nè donggo Jésus; a to nou toulou ko‐a nè él’a. 28A bangba kosang’a, è gui: O̱nemo mi doubou tè toulou ko‐a, nè zèlè ko‐m’ hè sa ouo̱. 29Didi kè to̱ gono da tè, foko mbéa bo nè. Té a poufou diouinè; a i̱ngi tana nè zèlè té a sa nè hi. 30Kè Jésus i̱ngi tana didi kè ma ngaïli ko‐a ho zane; a jiki té a bo̱ doko ouili o, è gui: Nè ndo hè touo tè toulou ko‐m’ o ndi? 31Ndo disciple ko‐a o pikifi oui̱ne h’a, è gui: Mè joko ouili o ouinè nè issi mè hi nè ndi? Nè gui ho mè gui: Ouili touo tè ouo̱ gui̱ndi? 32A joko mo jiki ka té a, oui̱ne joko oui nè dè mo. 33Nè kili gbè ouiko k‐è; té a naka; oui̱ne a i̱ngi è nè raka oui̱ne ko‐a. A tèno; a aba jougoulou nou ti a; a to bara oui̱ne h’a nè oli. 34Jésus pikifi oui̱ne, è gui: Bi̱‐ouiko ko‐m’, oui̱ne mè téli oui̱ne go; mè nèno diouinè, zèlè ko‐mè sa.
35N’a mono k’a to nè oui̱ne hi, ndo ouili tèno o nè olo ouane synagogue mè. Ouo̱ to oui̱ne o, è gui: Bi̱‐ouiko ko‐mè fiè. Nè oui̱ne gui ho mè aka Maître oui̱ne tèno nè ola gui̱ndi? 36Jésus zili kè oui̱ne d‐è nè; a to oui̱ne hè ouane synagogue, è gui: Kili ya gbè mè nè: mè ya téli oui̱ne nè. 37Pierre dè Jacques dè Jean, ya Jacques, nèno o do a. A pi gui̱nggui nou oui̱ne a ko ma ouili nèno do a nè. 38Ouo̱ bouo ko toa kè ouane synagogue o. Jésus joko ba doko ouili o ouinè; ko ouo̱ hélikoa; ko ouo̱ himo o sènè. 39A lé ko toa; a to oui̱ne ho ouo̱‐o, è gui: Nè oui̱ne gui h’ènè hi nè mo o ouinè gui̱ndi? Nè oui̱ne gui h‐ènè héli nè koa o gui̱ndi? Bi̱me tè fi nè; a o̱ nè la. 40Ndo ouo̱ kouyanga mam’a o. Kèchida k’a ndaka ouo̱‐o nè oli di zane mè, n’a ba sème kè bi̱me b‐è, dè na kè bi̱me b‐è, dè ma ouili bèino nè tèno liouara mè do a o hi; ouo̱ nèno o nè oli di olo yara kè bi̱me b‐è mè. 41A ba éli bi̱me b‐è; a to oui̱ne h’a, è gui: Talitha koumi, kè gui: Boko‐bi̱me, mè kilingo̱ne, hèmo no‐m’ to nè higo. 42Didi kè boko‐bi̱me b‐è kilingo̱ne, a kouyanga nèno; pè ko‐a nè boua pome nè joua litou. Ouo̱ koukou oui̱ne o ouinè. 43Jésus pi gui̱nggui nou ho ouo̱‐o, da ma ouili tè i̱ngi tana mo n’a déè hè nè. A to oui̱ne, è gui: Ouo̱ horo mo‐yongo o hè bi̱‐ouiko k‐è.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939