Jean 8
8
1Jésus nèno di ngo kara olivier o mè. 2Kè ho toutouli, n’a jiki té a, a chi da di ko temple mè. Ouili o nè oli tèno dida k‐a nè. A doungounou, k’a oussou oui̱ne ho ouo̱‐o. 3Ndo scribe o dè pharisien o mbo ma ouiko nè yama tèno di bo̱bo̱ o ouili o nè. Ouo̱ to oui̱ne o hè Jésus, è gui: 4Maître, ouiko k‐è hè nè ouiko nè yama. 5Moïse to nè mboulou, è gui: O̱nemo ouiko nè yama, ndo lo a nè ta ouo̱: mè to ko‐mè hègo gui̱ndi? 6Ko ouo̱ to o nè oui̱ne yob’a, oui̱ne fa yanga oui̱ne do a. Jésus joumou jou è dido̱, chi guènè dè mbèti sènè nou nè bi̱‐él’è. 7No ouo̱ chi nè da guènè ak’a o hi, n’a ba jou a dingo̱ne; a to oui̱ne ho ouo̱‐o, è gui: Ma ouili bèi bo̱bo̱ ’nè‐o ou‐è, nè dè namo go hi, n’è lo ouiko k‐è nè ta siti. 8A joumou jou a dido̱ da, guènè dè mbèti sènè nou. 9Ko ouo̱ zili oui̱ne d‐è o hi, ndo ouo̱ i̱ngi tana nè ko sèlè ouo̱‐o, ouo̱ chi guènè chi a o pome, pome, nè nga‐oui mè iyaaa mono nè di ndouti koliè mè. Jésus mono èn’è dè ouiko k‐è, nè oa bo̱bo̱ hi. 10K’a kilingo̱ne, n’a joko mo, kè ma ouili bènè, koliè nè ouiko k‐è pome‐iè. N’a to oui̱ne h’a, è gui: Ouiko, ouino‐o nè fa yanga oui̱ne do mè hè do ndi? Ma ouili to na oui̱ne jou mè go ndi? 11N’a pikifiè h’a, è gui: Ma ouili to oui̱ne go, Seigneur. Jésus to oui̱ne h’a, è gui: Mi tè to mbé oui̱ne jou mè bo go; mè chi, no mè ya dè mbé namo nè.
12Jésus to oui̱ne ho ouo̱‐o da, è gui: Mi nè mossa ko oui‐nou o; i bèi nè tè nèno pata‐m’ hi, n’è tè nèno sènè toum go; k’a pa mossa touni. 13Ko ouo̱ zili oui̱ne d‐è o hi, ndo pharisien o to oui̱ne h’a o, è gui: Mè to nè oui̱ne olo nou bo‐mè nè to mè; oui̱ne ko‐mè bènè bara oui̱ne go. 14Jésus pikifiè ho ouo̱‐o, è gui: O̱nemo mi to nè oui̱ne olo nou bo‐m’ nè to‐m’, kè oui̱ne ko‐m’ nè bara oui̱ne, oui̱ne mi i̱ngi olo yara no‐m’ téèno sènè hi, mi i̱ngi olo yara no‐m’ tè chi sènè hi; mais ènè tè i̱ngi olo yara o no‐m’ téèno sènè hi, k’ènè i̱ngi nè olo yara o no‐m’ tè chi sènè hi o nè. 15Enè to mbangga b’ènè‐o nè kè ouili; no‐m’ to mbangga ouili bo‐m’ nè. 16O̱nemo mi to mbangga, kè oui̱ne ko‐m’ nè bara oui̱ne, oui̱ne bè mi ènè‐m’ go; Sème nè toumbuo‐m’ hi, hè do‐m’. 17Ouo̱ toa nè mboulou da ’nè‐o, è gui: O̱nemo ouili litou to oui̱ne olo nou ma, k’è nè bara oui̱ne ouo̱. 18Mi to oui̱ne olo nou bo‐m’ nè to‐m’, dè Sème nè toumbou‐m’ hi, hè to oui̱ne olo nou‐m’. 19Ndo ouo̱ to oui̱ne h’a o, è gui: Sème ko‐mè hè do ndi? Nè Jésus pikifiè ho ouo̱‐o, è gui: Enè i̱ng‐m’, k’ènè i̱ngi nè Sème o nè. O̱nemo ènè i̱ngi‐m’, n’ènè i̱ngi Sème o bo. 20Jésus to oui̱ne d‐è nè ko temple, sènè olo yara ndo ouo̱ pama ngui̱nzè o sènè hi. Ma ouili pome b’a nè, oui̱ne ouichi ko‐a tè ma nè.
21Jésus to oui̱ne ho ouo̱‐o da, è gui: Mi chi, ènè tè fa‐m’ o; k’ènè fi sènè namo k’ènè‐o. Enè tè ma o sènè olo yara no‐m’ tè chi sènè hi go. 22Ndo juif o gui: A tè gbè nè té a ndi? oui̱ne a gui: O tè ma sènè olo yara n’è tè chi sènè hi go. 23N’a to oui̱ne ho ouo̱‐o, è gui: Enè‐o dido̱, no‐m’ dingo̱ne; oui̱ne ènè‐o nè oui sènè nou, no‐m’ bènè oui sènè nou go. 24No mo, no‐m’ to nè h’ènè‐o, gui: Enè tè fi sènè namo k’ènè‐o ouo̱ hi; oui̱ne o̱nemo ènè i̱ngi ti‐m’ o nè, n’ènè fi sènè namo k’ènè‐o. 25Ndo ouo̱ toa oui̱ne h’a o, è gui: Mè nè ndo ndi? Jésus pikifiè ho ouo̱‐o, è gui: Pome oui̱ne d‐è no mo no‐m’ toa h’ènè‐o i̱nggati hi. 26Oui̱ne k’ènè‐o, ko‐m’ to doko ouinè, dè mbangga k’ènè‐o doko ouinè; a nè toumbou‐m’ hi nè bara oui̱ne; oui̱ne bèi no‐m’ zili nè nou a mè hi, no mo no‐m’ to ho oui‐nou o hi. 27Ouo̱ zili o gui, a to nè oui̱ne Sème ho ouo̱‐o ouo̱ nè. 28Jésus to oui̱ne ho ouo̱‐o, è gui: Ènè é Bi̱‐ouili kè ouili o dingo̱ne sè n’ènè i̱ngi ti‐m’, mi dè mo ko‐m’ nè to‐m’ nè; mais no‐m’ to nè oui̱ne nè Sème to ho‐m’ hi. 29A nè toumbou‐m’ hi, hè do‐m’; a é mi ènè‐m’ go, oui̱ne mi dè mo doungounè hèmo n’a koa higo. 30Nè Jésus to nè oui̱ne d‐è hèmonggo hi, ndo ma o i̱ng’a nè ko sèlè lo‐o.
31A to oui̱ne ho juif o nè i̱ng’a nè ko sèlè lo‐o hi, è gui: Enè oa o nè sènè oui̱ne ko‐m’, k’ènè‐o nè ouili ko‐m’ nè bara oui̱ne; 32K’ènè i̱ngi bara oui̱ne, kè bara oui̱ne yara ’nè‐o. 33Ouo̱ pikifiè h’a o, è gui: Alè nè bi̱me olo Abraham; alè bènè bara kè ma ouili go. Oui̱ne d‐è no mè gui: Alè yara ouo̱ hi, hègo gui̱ndi? 34Nè Jésus pikifiè ho ouo̱‐o, è gui: Nè bara oui̱ne, nè bara oui̱ne, mi to h’ènè‐o, ouili bèi nè dè namo hi, k’è nè bara kè namo. 35Bè bara o̱ doungounè nè ko toa go; bi̱‐ouili o̱ k‐è nè ko toa doungounè. 36O̱nemo Bi̱‐ouili yara ’nè‐o, k’ènè yara o nè bara oui̱ne. 37Mi i̱ngi ènè‐o nè bi̱me olo Abraham; ènè fa liouara gbè‐m’ o, nèdaka nè oui̱ne ko‐m’ lè ko sèlè ’nè‐o go hi. 38Mi to nè oui̱ne mo bèi no‐m’ joko da Sème mè hi; n’ènè dè k’ènè‐o nè mo bèi n’ènè zili oui̱ne da da sème k’ènè‐o hi. 39Ouo̱ pikifiè h’a o, è gui: Sème k’alè nè Abraham. Jésus to oui̱ne ho ouo̱‐o, è gui: O̱nemo ènè oa o nè bi̱me kè Abraham, n’ènè dè o nè pome gossala nè Abraham déè hi. 40Kinè ènè fa liouara gbè‐m’ o, mi, no‐m’ to bara oui̱ne mo no‐m’ zili oui̱ne da da Nzapa mè h’ènè‐o hi. Abraham déè hègo go. 41Enè dè nè gossala kè sème k’ènè‐o. Ndo ouo̱ pikifiè h’a o, è gui: Alè bènè bi̱dili go; sème k’alè pome‐iè, nè Nzapa. 42Jésus to oui̱ne ho ouo̱‐o, è gui: O̱nemo Nzapa nè Sème k’ènè‐o, n’ènè koa‐m’ o, oui̱ne mi hoa nèda Nzapa mè, ko‐m’ tè nè no. Mi tèno nè to‐m’ go, n’a h’a toumbou‐m’. 43Nè oui̱ne gui h’ènè zili nè oui̱ne ko‐m’ o nè gui? Oui̱ne liouara k’ènè zili nè oui̱ne ko‐m’ o bènè. 44Sème k’ènè‐o nè Bison, no mo n’ènè koa nè dè mo ko‐a o hi. A nè oui‐gbè‐ouili nè kouyanga mo mè. A to bara oui̱ne nè, oui̱ne bara oui̱ne nou a bènè. K’a to ndèlè, no mo n’a to nè oui̱ne ko‐a hi, oui̱ne a nè oui‐ndèlè; a nè sème kè ndèlè. 45Nèdaka no‐m’ to bara oui̱ne, h’ènè zili nè oui̱ne ko‐m’ nè ko sèlè ’nè‐o nè. 46Ma ouili bo̱ ’nè‐o ou‐è nè tè to oui̱ne namo ko‐m’, nè ndo ndi? O̱nemo mi to nè bara oui̱ne, nè nè gui h’ènè zili nè oui̱ne ko‐m’ o nè gui? 47Ouili n‐è nè ouili kè Nzapa hi, no mo nè zili oui̱ne kè Nzapa. Enè zili k’ènè‐o nè, nèdaka n’ènè‐o bènè ouili kè Nzapa go hi. 48Juif pikifiè h’a o, è gui: Oui̱ne d‐è nd’alè toa, è gui: Mè nè Samaritain, doa kosanga mè ouo̱, bènè bara oui̱ne go ndi? 49Nè Jésus to oui̱ne ho ouo̱‐o, è gui: Doa kosanga‐m’ bènè. Mi é nè Sème sènè; ènè é‐m’ o sènè nè. 50Bè mi fa nè gloire bo‐m’ go; oui nè fa gloire ko‐m’, k’è to mbangga hi, hè aï. 51Nè bara oui̱ne, nè bara oui̱ne, mi to h’ènè‐o, o̱nemo ma ouili pome pama oui̱ne ko‐m’ nè ko sèl’è, n’è tè fi go. 52Ndo juif o to oui̱ne h’a, è gui: Kinè alè i̱ngi doa hè kosanga mè. Abraham fiè do prophete o bo, sè no mè, è gui: O̱nemo ma ouili pama oui̱ne k‐è nè ko sèl’è, n’è tè fi go ouo̱ ndi? 53Mè di̱ngguè ko‐mè gana nè Abraham sème k’alè, nè fiè hi ndi? O prophète o fiè bo. Mè koa o joko mè hègo gui̱ndi? 54Jésus pikifiè ho ouo̱‐o, è gui: O̱nemo mi fa gloire ko‐m’ nè to‐m’, k’è nè ola. Nè Sème hè ha gloire ho‐m’, a n’ènè to ’nè‐o, è gui: Nè Nzapa ko lo ouo̱, n’ènè i̱ng’a o nè hi. 55Ko‐m’, mi i̱ng’a. O̱nemo mi to, è gui: Mi i̱ng’a go ouo̱, ko‐m’ ama d’ènè‐o, ko‐m’ nè oui‐ndèlè. Mi i̱ng’a, ko‐m’ pama oui̱ne ko‐a. 56Abraham, sème k’ènè‐o, hè dèssa ouinè nèdaka n’a tè joko nè ouichi ko‐m’ hi: a joko; a dèssa ouinè. 57Ndo juif o to oui̱ne h’a, è gui: Pè mè bou mo̱ro go; sè no mè gui, è joko Abraham ouo̱ ndi? 58Jésus to oui̱ne ho ouo̱‐o, è gui: Nè bara oui̱ne, nè bara oui̱ne, mi to h’ènè‐o, i̱nggati sè ndo ouo̱ ko Abraham o, ko‐m’ hè aï. 59Kèchida olo oui̱ne d‐è, ndo ouo̱ kara ta o guènè lo a. Nè Jésus houssou tè; a ho zane ko temple dida.
ទើបបានជ្រើសរើសហើយ៖
Jean 8: GBANU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939
Jean 8
8
1Jésus nèno di ngo kara olivier o mè. 2Kè ho toutouli, n’a jiki té a, a chi da di ko temple mè. Ouili o nè oli tèno dida k‐a nè. A doungounou, k’a oussou oui̱ne ho ouo̱‐o. 3Ndo scribe o dè pharisien o mbo ma ouiko nè yama tèno di bo̱bo̱ o ouili o nè. Ouo̱ to oui̱ne o hè Jésus, è gui: 4Maître, ouiko k‐è hè nè ouiko nè yama. 5Moïse to nè mboulou, è gui: O̱nemo ouiko nè yama, ndo lo a nè ta ouo̱: mè to ko‐mè hègo gui̱ndi? 6Ko ouo̱ to o nè oui̱ne yob’a, oui̱ne fa yanga oui̱ne do a. Jésus joumou jou è dido̱, chi guènè dè mbèti sènè nou nè bi̱‐él’è. 7No ouo̱ chi nè da guènè ak’a o hi, n’a ba jou a dingo̱ne; a to oui̱ne ho ouo̱‐o, è gui: Ma ouili bèi bo̱bo̱ ’nè‐o ou‐è, nè dè namo go hi, n’è lo ouiko k‐è nè ta siti. 8A joumou jou a dido̱ da, guènè dè mbèti sènè nou. 9Ko ouo̱ zili oui̱ne d‐è o hi, ndo ouo̱ i̱ngi tana nè ko sèlè ouo̱‐o, ouo̱ chi guènè chi a o pome, pome, nè nga‐oui mè iyaaa mono nè di ndouti koliè mè. Jésus mono èn’è dè ouiko k‐è, nè oa bo̱bo̱ hi. 10K’a kilingo̱ne, n’a joko mo, kè ma ouili bènè, koliè nè ouiko k‐è pome‐iè. N’a to oui̱ne h’a, è gui: Ouiko, ouino‐o nè fa yanga oui̱ne do mè hè do ndi? Ma ouili to na oui̱ne jou mè go ndi? 11N’a pikifiè h’a, è gui: Ma ouili to oui̱ne go, Seigneur. Jésus to oui̱ne h’a, è gui: Mi tè to mbé oui̱ne jou mè bo go; mè chi, no mè ya dè mbé namo nè.
12Jésus to oui̱ne ho ouo̱‐o da, è gui: Mi nè mossa ko oui‐nou o; i bèi nè tè nèno pata‐m’ hi, n’è tè nèno sènè toum go; k’a pa mossa touni. 13Ko ouo̱ zili oui̱ne d‐è o hi, ndo pharisien o to oui̱ne h’a o, è gui: Mè to nè oui̱ne olo nou bo‐mè nè to mè; oui̱ne ko‐mè bènè bara oui̱ne go. 14Jésus pikifiè ho ouo̱‐o, è gui: O̱nemo mi to nè oui̱ne olo nou bo‐m’ nè to‐m’, kè oui̱ne ko‐m’ nè bara oui̱ne, oui̱ne mi i̱ngi olo yara no‐m’ téèno sènè hi, mi i̱ngi olo yara no‐m’ tè chi sènè hi; mais ènè tè i̱ngi olo yara o no‐m’ téèno sènè hi, k’ènè i̱ngi nè olo yara o no‐m’ tè chi sènè hi o nè. 15Enè to mbangga b’ènè‐o nè kè ouili; no‐m’ to mbangga ouili bo‐m’ nè. 16O̱nemo mi to mbangga, kè oui̱ne ko‐m’ nè bara oui̱ne, oui̱ne bè mi ènè‐m’ go; Sème nè toumbuo‐m’ hi, hè do‐m’. 17Ouo̱ toa nè mboulou da ’nè‐o, è gui: O̱nemo ouili litou to oui̱ne olo nou ma, k’è nè bara oui̱ne ouo̱. 18Mi to oui̱ne olo nou bo‐m’ nè to‐m’, dè Sème nè toumbou‐m’ hi, hè to oui̱ne olo nou‐m’. 19Ndo ouo̱ to oui̱ne h’a o, è gui: Sème ko‐mè hè do ndi? Nè Jésus pikifiè ho ouo̱‐o, è gui: Enè i̱ng‐m’, k’ènè i̱ngi nè Sème o nè. O̱nemo ènè i̱ngi‐m’, n’ènè i̱ngi Sème o bo. 20Jésus to oui̱ne d‐è nè ko temple, sènè olo yara ndo ouo̱ pama ngui̱nzè o sènè hi. Ma ouili pome b’a nè, oui̱ne ouichi ko‐a tè ma nè.
21Jésus to oui̱ne ho ouo̱‐o da, è gui: Mi chi, ènè tè fa‐m’ o; k’ènè fi sènè namo k’ènè‐o. Enè tè ma o sènè olo yara no‐m’ tè chi sènè hi go. 22Ndo juif o gui: A tè gbè nè té a ndi? oui̱ne a gui: O tè ma sènè olo yara n’è tè chi sènè hi go. 23N’a to oui̱ne ho ouo̱‐o, è gui: Enè‐o dido̱, no‐m’ dingo̱ne; oui̱ne ènè‐o nè oui sènè nou, no‐m’ bènè oui sènè nou go. 24No mo, no‐m’ to nè h’ènè‐o, gui: Enè tè fi sènè namo k’ènè‐o ouo̱ hi; oui̱ne o̱nemo ènè i̱ngi ti‐m’ o nè, n’ènè fi sènè namo k’ènè‐o. 25Ndo ouo̱ toa oui̱ne h’a o, è gui: Mè nè ndo ndi? Jésus pikifiè ho ouo̱‐o, è gui: Pome oui̱ne d‐è no mo no‐m’ toa h’ènè‐o i̱nggati hi. 26Oui̱ne k’ènè‐o, ko‐m’ to doko ouinè, dè mbangga k’ènè‐o doko ouinè; a nè toumbou‐m’ hi nè bara oui̱ne; oui̱ne bèi no‐m’ zili nè nou a mè hi, no mo no‐m’ to ho oui‐nou o hi. 27Ouo̱ zili o gui, a to nè oui̱ne Sème ho ouo̱‐o ouo̱ nè. 28Jésus to oui̱ne ho ouo̱‐o, è gui: Ènè é Bi̱‐ouili kè ouili o dingo̱ne sè n’ènè i̱ngi ti‐m’, mi dè mo ko‐m’ nè to‐m’ nè; mais no‐m’ to nè oui̱ne nè Sème to ho‐m’ hi. 29A nè toumbou‐m’ hi, hè do‐m’; a é mi ènè‐m’ go, oui̱ne mi dè mo doungounè hèmo n’a koa higo. 30Nè Jésus to nè oui̱ne d‐è hèmonggo hi, ndo ma o i̱ng’a nè ko sèlè lo‐o.
31A to oui̱ne ho juif o nè i̱ng’a nè ko sèlè lo‐o hi, è gui: Enè oa o nè sènè oui̱ne ko‐m’, k’ènè‐o nè ouili ko‐m’ nè bara oui̱ne; 32K’ènè i̱ngi bara oui̱ne, kè bara oui̱ne yara ’nè‐o. 33Ouo̱ pikifiè h’a o, è gui: Alè nè bi̱me olo Abraham; alè bènè bara kè ma ouili go. Oui̱ne d‐è no mè gui: Alè yara ouo̱ hi, hègo gui̱ndi? 34Nè Jésus pikifiè ho ouo̱‐o, è gui: Nè bara oui̱ne, nè bara oui̱ne, mi to h’ènè‐o, ouili bèi nè dè namo hi, k’è nè bara kè namo. 35Bè bara o̱ doungounè nè ko toa go; bi̱‐ouili o̱ k‐è nè ko toa doungounè. 36O̱nemo Bi̱‐ouili yara ’nè‐o, k’ènè yara o nè bara oui̱ne. 37Mi i̱ngi ènè‐o nè bi̱me olo Abraham; ènè fa liouara gbè‐m’ o, nèdaka nè oui̱ne ko‐m’ lè ko sèlè ’nè‐o go hi. 38Mi to nè oui̱ne mo bèi no‐m’ joko da Sème mè hi; n’ènè dè k’ènè‐o nè mo bèi n’ènè zili oui̱ne da da sème k’ènè‐o hi. 39Ouo̱ pikifiè h’a o, è gui: Sème k’alè nè Abraham. Jésus to oui̱ne ho ouo̱‐o, è gui: O̱nemo ènè oa o nè bi̱me kè Abraham, n’ènè dè o nè pome gossala nè Abraham déè hi. 40Kinè ènè fa liouara gbè‐m’ o, mi, no‐m’ to bara oui̱ne mo no‐m’ zili oui̱ne da da Nzapa mè h’ènè‐o hi. Abraham déè hègo go. 41Enè dè nè gossala kè sème k’ènè‐o. Ndo ouo̱ pikifiè h’a o, è gui: Alè bènè bi̱dili go; sème k’alè pome‐iè, nè Nzapa. 42Jésus to oui̱ne ho ouo̱‐o, è gui: O̱nemo Nzapa nè Sème k’ènè‐o, n’ènè koa‐m’ o, oui̱ne mi hoa nèda Nzapa mè, ko‐m’ tè nè no. Mi tèno nè to‐m’ go, n’a h’a toumbou‐m’. 43Nè oui̱ne gui h’ènè zili nè oui̱ne ko‐m’ o nè gui? Oui̱ne liouara k’ènè zili nè oui̱ne ko‐m’ o bènè. 44Sème k’ènè‐o nè Bison, no mo n’ènè koa nè dè mo ko‐a o hi. A nè oui‐gbè‐ouili nè kouyanga mo mè. A to bara oui̱ne nè, oui̱ne bara oui̱ne nou a bènè. K’a to ndèlè, no mo n’a to nè oui̱ne ko‐a hi, oui̱ne a nè oui‐ndèlè; a nè sème kè ndèlè. 45Nèdaka no‐m’ to bara oui̱ne, h’ènè zili nè oui̱ne ko‐m’ nè ko sèlè ’nè‐o nè. 46Ma ouili bo̱ ’nè‐o ou‐è nè tè to oui̱ne namo ko‐m’, nè ndo ndi? O̱nemo mi to nè bara oui̱ne, nè nè gui h’ènè zili nè oui̱ne ko‐m’ o nè gui? 47Ouili n‐è nè ouili kè Nzapa hi, no mo nè zili oui̱ne kè Nzapa. Enè zili k’ènè‐o nè, nèdaka n’ènè‐o bènè ouili kè Nzapa go hi. 48Juif pikifiè h’a o, è gui: Oui̱ne d‐è nd’alè toa, è gui: Mè nè Samaritain, doa kosanga mè ouo̱, bènè bara oui̱ne go ndi? 49Nè Jésus to oui̱ne ho ouo̱‐o, è gui: Doa kosanga‐m’ bènè. Mi é nè Sème sènè; ènè é‐m’ o sènè nè. 50Bè mi fa nè gloire bo‐m’ go; oui nè fa gloire ko‐m’, k’è to mbangga hi, hè aï. 51Nè bara oui̱ne, nè bara oui̱ne, mi to h’ènè‐o, o̱nemo ma ouili pome pama oui̱ne ko‐m’ nè ko sèl’è, n’è tè fi go. 52Ndo juif o to oui̱ne h’a, è gui: Kinè alè i̱ngi doa hè kosanga mè. Abraham fiè do prophete o bo, sè no mè, è gui: O̱nemo ma ouili pama oui̱ne k‐è nè ko sèl’è, n’è tè fi go ouo̱ ndi? 53Mè di̱ngguè ko‐mè gana nè Abraham sème k’alè, nè fiè hi ndi? O prophète o fiè bo. Mè koa o joko mè hègo gui̱ndi? 54Jésus pikifiè ho ouo̱‐o, è gui: O̱nemo mi fa gloire ko‐m’ nè to‐m’, k’è nè ola. Nè Sème hè ha gloire ho‐m’, a n’ènè to ’nè‐o, è gui: Nè Nzapa ko lo ouo̱, n’ènè i̱ng’a o nè hi. 55Ko‐m’, mi i̱ng’a. O̱nemo mi to, è gui: Mi i̱ng’a go ouo̱, ko‐m’ ama d’ènè‐o, ko‐m’ nè oui‐ndèlè. Mi i̱ng’a, ko‐m’ pama oui̱ne ko‐a. 56Abraham, sème k’ènè‐o, hè dèssa ouinè nèdaka n’a tè joko nè ouichi ko‐m’ hi: a joko; a dèssa ouinè. 57Ndo juif o to oui̱ne h’a, è gui: Pè mè bou mo̱ro go; sè no mè gui, è joko Abraham ouo̱ ndi? 58Jésus to oui̱ne ho ouo̱‐o, è gui: Nè bara oui̱ne, nè bara oui̱ne, mi to h’ènè‐o, i̱nggati sè ndo ouo̱ ko Abraham o, ko‐m’ hè aï. 59Kèchida olo oui̱ne d‐è, ndo ouo̱ kara ta o guènè lo a. Nè Jésus houssou tè; a ho zane ko temple dida.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939