Genèse 11
11
1Ba doko ouili sènè nou nè oli to nè pome nou‐oui̱ne pome‐iè. 2Ko ouo̱ dè chi ouara danga‐ouichi di, ndo ouo̱ pa ba dé pètè‐nou Schinear hi, ndo ouo̱ o̱ o sèn’a hi. 3Ndo ouo̱ to oui̱ne do ma o, ègui̱: Alè nèno! alè dè brique o, alè do nè oui̱ o. Ndo ouo̱ ba brique o ouo̱ dè nè olo bè ta; ndo ouo̱ ba mètè o ouo̱ dè nè olo bè ciment. 4Ndo ouo̱ to oui̱ne o da, ègui̱: Alè nèno! alè dè di̱ngguè sarli̱ dè jia jou toa iyaaa hè to li‐zane mè, nd’alè dè nè mo houlou yini’lè, da’lè tè pèssè nè ngo nou nè oli nè. 5Nè Seigneur zili li‐zane mè tèno guènè joko sarli̱ hi dè toa ndo bi̱‐oui‐ouili ko ouili déè o hi. 6Nè Seigneur to oui̱ne, ègui̱: Joko, ouo̱‐o nè ouili pome‐iè, dè nou‐oui̱ne ko‐ouo̱‐o pome‐iè, nèda mo hi nomo ndo ouo̱ kou nè yanga dè mo hi; sè kinè mo pome kè gono liouara dè mo éli ouo̱‐o hèmo ndo ouo̱ koa nè higo bènè. 7Alè zili! alè nèno, alè para nou‐oui̱ne ko‐ouo̱‐o, da ouo̱ tè zili oui̱ne ko ma o nè. 8Nè Seigneur pèssè ouo̱‐o nè ngo nou h‐è nè oli di yèlè mè; ndo ouo̱ raka li dè di̱ngguè sarli̱ hi di̱. 9Nèda mo hi, nomo ndo ouo̱ sa nè yin’a o nè Babel hi, nèdaka nè nè sènèmo̱ hi nomo nè Seigneur para nou‐oui̱ne ko ba doko ouili o nè oli di sènè nou h‐è hi, dè sènèmo̱ hi bo nomo n’a pèssè ndo ouili o ngo nou nè oli hi.
10Joko pata‐bala Sem o nomo: Kè pè Sem hè dè pèlè pome, n’a ko Arpacschad, kè nè pè litou nè olo bè ba kolo nè sa nè hi. 11Nè Sem o̱ olo i n’è kouo nè Arpacschad hi, pè pèlè mo̱ro; n’a ko bi̱‐oui‐ouili o do bi̱‐ouiko o.
12Kè pè Arpacschad hè dè boua‐tara‐nè‐joua‐mo̱ro, n’a ko Schélach. 13Nè Arpacschad o̱ olo i n’è kouo nè Schélach hi, pè pèlè nara nè joua tara hi; n’a ko bi̱‐oui‐ouili o do bi̱‐ouiko o.
14Kè pè Schélach hè dè boua‐tara, n’a ko Héber. 15Nè Schélach o̱ olo i n’è kouo nè Héber hi, pè pèlè nara nè joua tara; n’a ko bi̱‐oui‐ouili o do bi̱‐ouiko o.
16Kè pè Héber hè dè boua‐tara‐nè‐joua‐nara, n’a ko Péleg. 17Nè Héber o̱ olo i n’è kouo nè Péleg hi, pè pèlè nara nè boua‐tara; n’a ko bi̱‐oui‐ouili o do bi̱‐ouiko o.
18Kè pè Péleg hè dè boua‐tara, n’a ko Rehu. 19Nè Péleg o̱ olo i n’è kouo nè Rehu hi, pè pèlè litou nè joua mbéa‐pome‐kè‐bou; n’a ko bi̱‐oui‐ouili o do bi̱‐ouiko o.
20Kè pè Rehu hè dè boua‐tara‐nè‐joua‐litou, n’a ko Serug. 21Nè Rehu o̱ olo i n’è kouo nè Serug hi, pè pèlè litou nè joua mbéa‐pome‐kè‐pakana; n’a ko bi̱‐oui‐ouili o do bi̱‐ouiko o.
22Kè pè Serug hè dè boua‐tara, n’a ko Nachor. 23Nè Serug o̱ olo i n’è kouo nè Nachor hi, pè pèlè litou; n’a ko bi̱‐oui‐ouili o do bi̱‐ouiko o.
24Kè pè Nachor hè dè boua‐litou‐nè‐joua‐mbéa‐pome‐kè‐bou, n’a ko Térach. 25Nè Nachor o̱ olo i n’è kouo nè Térach hi, pè pèlè pome nè boua‐pome‐nè‐joua‐mbéa‐pome‐kè‐bou; n’a ko bi̱‐oui‐ouili o do bi̱‐ouiko o.
26Kè pè Térach hè dè boua‐mbéa‐pome‐kè‐pakana, n’a ko Abram, dè Nachor, dè Haran.
27Joko pata‐bala Térach o nomo; Nè Térach hè kouo Abram, dè Nachor, dè Haran. 28Nè Haran ko k’è nè Lot. Nè Haran fi nè bali sème k’è Térach, nè sarli̱ Ur sènè nou Chaldée, ndo ouo̱ kouo n’a hi. 29Nè Abram dè Nachor ba ko o: nè yini ko nè Abram nè Saraï, nè yini ko nè Nachor hi nè Milca, nè bi̱‐ouiko kè Haran, sème kè Milca dè Jisca. 30Kè Saraï nè ouiko‐ndoro: a tè ko bi̱me pome nè. 31Nè Térach ba bi̱‐oui‐ouili k’è, Abram, dè Lot, bi̱‐oui‐ouili kè Haran hi, nè nè bi̱‐oui‐ouili kè bi̱‐oui‐ouili ko‐a hi, dè Saraï, kondouko ko‐a, ko nè Abram, bi̱‐oui‐ouili ko‐a hi. Ndo ouo̱ koulou sarli̱ Ur sènè nou Chaldée hi, oui̱ne chi di nou Canaan mè. Ko ouo̱ nèno o iyaaa ouo̱ ma Charan hi, ndo ouo̱ o̱ o mono sèn’a hi. 32Nè po‐ouichi nè Térach déè nè pèlè litou nè joua mo̱ro hi; nè Térach fi mono Charan hi.
ទើបបានជ្រើសរើសហើយ៖
Genèse 11: GBANU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939
Genèse 11
11
1Ba doko ouili sènè nou nè oli to nè pome nou‐oui̱ne pome‐iè. 2Ko ouo̱ dè chi ouara danga‐ouichi di, ndo ouo̱ pa ba dé pètè‐nou Schinear hi, ndo ouo̱ o̱ o sèn’a hi. 3Ndo ouo̱ to oui̱ne do ma o, ègui̱: Alè nèno! alè dè brique o, alè do nè oui̱ o. Ndo ouo̱ ba brique o ouo̱ dè nè olo bè ta; ndo ouo̱ ba mètè o ouo̱ dè nè olo bè ciment. 4Ndo ouo̱ to oui̱ne o da, ègui̱: Alè nèno! alè dè di̱ngguè sarli̱ dè jia jou toa iyaaa hè to li‐zane mè, nd’alè dè nè mo houlou yini’lè, da’lè tè pèssè nè ngo nou nè oli nè. 5Nè Seigneur zili li‐zane mè tèno guènè joko sarli̱ hi dè toa ndo bi̱‐oui‐ouili ko ouili déè o hi. 6Nè Seigneur to oui̱ne, ègui̱: Joko, ouo̱‐o nè ouili pome‐iè, dè nou‐oui̱ne ko‐ouo̱‐o pome‐iè, nèda mo hi nomo ndo ouo̱ kou nè yanga dè mo hi; sè kinè mo pome kè gono liouara dè mo éli ouo̱‐o hèmo ndo ouo̱ koa nè higo bènè. 7Alè zili! alè nèno, alè para nou‐oui̱ne ko‐ouo̱‐o, da ouo̱ tè zili oui̱ne ko ma o nè. 8Nè Seigneur pèssè ouo̱‐o nè ngo nou h‐è nè oli di yèlè mè; ndo ouo̱ raka li dè di̱ngguè sarli̱ hi di̱. 9Nèda mo hi, nomo ndo ouo̱ sa nè yin’a o nè Babel hi, nèdaka nè nè sènèmo̱ hi nomo nè Seigneur para nou‐oui̱ne ko ba doko ouili o nè oli di sènè nou h‐è hi, dè sènèmo̱ hi bo nomo n’a pèssè ndo ouili o ngo nou nè oli hi.
10Joko pata‐bala Sem o nomo: Kè pè Sem hè dè pèlè pome, n’a ko Arpacschad, kè nè pè litou nè olo bè ba kolo nè sa nè hi. 11Nè Sem o̱ olo i n’è kouo nè Arpacschad hi, pè pèlè mo̱ro; n’a ko bi̱‐oui‐ouili o do bi̱‐ouiko o.
12Kè pè Arpacschad hè dè boua‐tara‐nè‐joua‐mo̱ro, n’a ko Schélach. 13Nè Arpacschad o̱ olo i n’è kouo nè Schélach hi, pè pèlè nara nè joua tara hi; n’a ko bi̱‐oui‐ouili o do bi̱‐ouiko o.
14Kè pè Schélach hè dè boua‐tara, n’a ko Héber. 15Nè Schélach o̱ olo i n’è kouo nè Héber hi, pè pèlè nara nè joua tara; n’a ko bi̱‐oui‐ouili o do bi̱‐ouiko o.
16Kè pè Héber hè dè boua‐tara‐nè‐joua‐nara, n’a ko Péleg. 17Nè Héber o̱ olo i n’è kouo nè Péleg hi, pè pèlè nara nè boua‐tara; n’a ko bi̱‐oui‐ouili o do bi̱‐ouiko o.
18Kè pè Péleg hè dè boua‐tara, n’a ko Rehu. 19Nè Péleg o̱ olo i n’è kouo nè Rehu hi, pè pèlè litou nè joua mbéa‐pome‐kè‐bou; n’a ko bi̱‐oui‐ouili o do bi̱‐ouiko o.
20Kè pè Rehu hè dè boua‐tara‐nè‐joua‐litou, n’a ko Serug. 21Nè Rehu o̱ olo i n’è kouo nè Serug hi, pè pèlè litou nè joua mbéa‐pome‐kè‐pakana; n’a ko bi̱‐oui‐ouili o do bi̱‐ouiko o.
22Kè pè Serug hè dè boua‐tara, n’a ko Nachor. 23Nè Serug o̱ olo i n’è kouo nè Nachor hi, pè pèlè litou; n’a ko bi̱‐oui‐ouili o do bi̱‐ouiko o.
24Kè pè Nachor hè dè boua‐litou‐nè‐joua‐mbéa‐pome‐kè‐bou, n’a ko Térach. 25Nè Nachor o̱ olo i n’è kouo nè Térach hi, pè pèlè pome nè boua‐pome‐nè‐joua‐mbéa‐pome‐kè‐bou; n’a ko bi̱‐oui‐ouili o do bi̱‐ouiko o.
26Kè pè Térach hè dè boua‐mbéa‐pome‐kè‐pakana, n’a ko Abram, dè Nachor, dè Haran.
27Joko pata‐bala Térach o nomo; Nè Térach hè kouo Abram, dè Nachor, dè Haran. 28Nè Haran ko k’è nè Lot. Nè Haran fi nè bali sème k’è Térach, nè sarli̱ Ur sènè nou Chaldée, ndo ouo̱ kouo n’a hi. 29Nè Abram dè Nachor ba ko o: nè yini ko nè Abram nè Saraï, nè yini ko nè Nachor hi nè Milca, nè bi̱‐ouiko kè Haran, sème kè Milca dè Jisca. 30Kè Saraï nè ouiko‐ndoro: a tè ko bi̱me pome nè. 31Nè Térach ba bi̱‐oui‐ouili k’è, Abram, dè Lot, bi̱‐oui‐ouili kè Haran hi, nè nè bi̱‐oui‐ouili kè bi̱‐oui‐ouili ko‐a hi, dè Saraï, kondouko ko‐a, ko nè Abram, bi̱‐oui‐ouili ko‐a hi. Ndo ouo̱ koulou sarli̱ Ur sènè nou Chaldée hi, oui̱ne chi di nou Canaan mè. Ko ouo̱ nèno o iyaaa ouo̱ ma Charan hi, ndo ouo̱ o̱ o mono sèn’a hi. 32Nè po‐ouichi nè Térach déè nè pèlè litou nè joua mo̱ro hi; nè Térach fi mono Charan hi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939