Duk 3
3
YỌỌN ADUOGMMỌN̄ ABEN̄N̄E MME ANWE IDII ADIKỊD YISỌS
(Mat 3:1-6; Mak 1:2-6)
1Akede ndiin isua efuk me ukrag akwa adidem Rum Taibedịọs Ciisa. Pontius Baided akede andikrag efaag Yudia, Erọd akede andikrag efaag Kadidi, me Fidib ayiu-ekieg esiu akedee andikrag Ituria mme Trakọnitus, mme Laisenias akedee andikrag efaag Abidine. 2Annas mme Kaifas ekeden̄n̄e mme eti-ubu mme akuk. Etuk ama-atuk Abasi asịm Yọọn ayiu Zakadia, me akebaa me itighe nte mme anwe ntekian̄ akedidọn̄n̄ọ. 3Ndiin Yọọn aduogmmọn̄ ama asan̄a me afịd nkan-n̄kọk ikpagha akpa Yọdan, ano atọn̄n̄ọ adidogho mme anwe atoo. Ana nte ayịn̄ ikappa esịd ino iduog mmọn̄, mbaag atukde Abasi afeen mme idiogn̄kpo ayịn̄. 4Nte ewad me n̄wad brọfed Aisaiya eban̄a Yọọn, etoo,
“Anwe kian̄ aya atan̄ me akpọsọn̄ọ uyiu me itighe nte mme anwe ntekian̄ akedidọn̄n̄ọ,
‘inakka akpodighe ino adidii Abọn̄.
Inakka inịm ino anyii#3:4 Me inii mbun Yuu akediọn̄n̄ọke etoo ke Adidem akiwuo ituk idọn̄ emmo, emmo eyaene adighe afoo ano anyii. Aisaiya akebii adinam anịm aminee mme Yọọn adidogho mme anwe eben̄n̄e idii emmo eno adidii Yisọs me adikapa esịd mme me idiọgn̄kpo emmo..
5Afịd utịkke isọn̄ ana-edọn̄ ayoog,
afịd ntuk abod mme ikpo-abod aya ade ukem.
Mme n̄kwan̄a adighe ana enakka,
mme ukpotuk-afan̄ ana anọnọ.
6Ndiin afịd anwe eyaekịd Andinyagha ame Abasi asịkke adọn̄.’ ”
YỌỌN̄ AKUỌRỌ-IKUO ANO MME ANWE
(Mat 3:7-12; Mak 1:7,8; Yn 1:24-28)
7Nte asan̄a akekem me se Aisaiya ake-adogho, Yọọn adogho atuk-anwe me ekewuọn̄n̄ọke edibịne anyii adiduogmmọn̄. “Ayịn̄ iden̄n̄e nduum, nte ndiọi uduk-ikoog! Anie se idogho yinne atoo ke imikimi adifịn̄ghe mbogho ufeen Abasi me akidii? 8Ukem nte nan̄a etu awuu mme mfịd, me ntre, ana ayịn̄ iduk-unwe mee awuude ke ayịn̄ imi-inakka ikappa-esịd ikpọn̄ mme idiogn̄kpo ayịn̄ ino ikọn̄n̄ọ Abasi. Iki-idogho me idii- ayịn̄, itoo, ‘Abasi imi-imiaa yire ufeen sia ayịd ide aduk Ebraham;’ Siade Amii idogho yinne nto ke Abasi akimi adikpun̄n̄o mme itiad mee aba mo noo ede ndito Ebraham adibii itighe ayịn̄. 9Me idaghada, Abasi aben̄n̄e idii adiyab mme anwe adiikappake esịd ufeen. Anyii ada nte anwe me akana ikịd aben̄n̄e-idii ada me itaag etuu adikak. Adieke anwe ntekian̄ ada nte etu me adiwuume eti mfịd, Abasi aya-ayab anwe ada ufeen. Anwe ada akida nte etu mee ekak eduog me isọn̄ ndiin efuu.”
10Ndiin usọg anwe me atuk-anwe emaebub Yọọn, “Nse-e ndiin ke Abasi ayịm yire ine?”
11Yọọn amaabọọrọ atoo, “Anwe akpenyi afọn̄idii iba, yaag kian̄ no anwe me adinyii ntekian̄. Akpede afe ame-anyi ndidia, no anwe me adinyii ndidia ntekian̄.”
12Usọg mme abuoghọ taxsi emaedii ebịn̄e Yọọn adiduogmmọn̄. Emmo emaebub anyii etoo, “Andikpiab, nse-e ke ayịd ikiine adibogho ufeen Abasi?”
13Yọọn amaabọọrọ emmo atoo, “Ikiifịk mme anwe ebuoghọ uwaag akọg taxsi ikieg se ukrag edogho yaag ebughọ”.
14Me ukem adighe, usọg mbun ekọn̄ ebub anyii etoo, “Ndiin nse-e ke ayịd ikpiine?” Anyii adogho emmo, “Iyogho me akọg utum ayịn̄. Ikibii unwa-anyi ine mme anwe eno yinne akọg emmo, ikiino iduk mme anwe idiogn̄kpo mee emmo ekedi inee.”
15Afịd anwe emaeduk-anyi Mesaya adisọp ndii, ndiin emmo ema-etọn̄n̄ọ adikre mban̄a mme Yọọn akikap ide Mesaya.
16Yọọn ama adiọn̄n̄ọ se emmo ekekre. Ndiin, anyii ama-adogho afịd emmo atoo, “Amii nkana mmọn̄ nnịm mme anwe uduogmmọn̄. Ade anwe me akie mii aya adii, ndiin Amii ndukke adine n̄kpo nno anyii nte ifịn. Anyii aya anịm yinne uduogmmọn̄ mme Adisana Sịbidid mme ikan̄. 17Krais aben̄n̄e-idii adidian̄a mme anwe me ekekappake esịd mkpọn̄ mbun-ufịn, nte anwe adian̄a n̄kwa-abakpa mme n̄kpotuk. Anyii anịm n̄kwa-abakpa me itighe ubuno abakpa, ade anyii afuu n̄kpotuk mme ikan̄ nsi-nsi.” 18Me adiwaag ikuo nsiọn̄ọ, Yọọn amaakpeiye mme emmo yaag ekappa esịd nte anyii aketan̄a eti-etuk ano mme anwe aban̄a Krais.
19Inii kian̄ de, Yọọn ama-akesua ano Erọd andikrag, me ntaag anyii akebii anwaa ayiu-etii esiu ado, mee anyịn̄ esiu akedee Erọdias. Yọọn ama asịkke uyiu asua ano Erọd mme afịd ndiọi-n̄kpo ufịn se anyii ake-nan̄a. 20Ndiin Erọd amaane se adediog akieg me adisịn Yọọn me ufaag n̄kpakọb.
YỌỌN ADUOG YISỌS MMỌN̄
(Mat 3:13-17; Mak 1:9-11; Yn 1:29-34)
21Me inii Yọọn akesọg aduog afịd anwe se ekedii ebịn̄e anyii mmọn̄, anyii ama aduog Yisọs mmọn̄ n̄ko. Akeduog mmọn̄ ama, nte Yisọs akebọọn̄ọ akam, Efịn ama-akwii. 22Ndiin Adisana Sịbidid ama-asoiyo adru anyii nte ibium. Abasi ama atan̄ ikuo me Efịn atoo, “Afe ade adimeeg Ayiu Amii, ndiin Amii mmenakka nnịk esịd mme afe”.
NTỊPPE EMANA YISỌS
(Mat 1:2-16)
23Me inii Yisọs akedee n̄kpo nte isua edịb mme dughu, anyii amaatọn̄n̄ọ utum ukuọrọ-ikuo esiu. Ekediọn̄n̄ọ Yisọs nte ayiu Yosef. Yosef
akede ayiu-ayiu Hedi, 24Hedi
akede ayiu Matat, Matat
akede ayiu Defai, Defai
akede ayiu Meki, Meki
akede ayiu Yoana, Yoana
akede ayiu Yosef. 25Yosef
akede ayiu Mattatia, Mattatia
akede ayiu Emos, Emos
akede ayiu Nahum, Nahum
akede ayiu Nagai. 26Nagai
akede ayiu Maat, Maat
akede ayiu Semein, Semein
akede ayiu Yosek, Yosek
akede ayiu Yoda. 27Yoda
akede ayiu Yoanan, Yoanan
akede ayiu Rhesa, Rhesa
akede ayiu Zerubbabe, Zerubbabe
akede ayiu Setie, Setie
akede ayiu Nedi. 28Nedi
akede ayiu Meki, Meki
akede ayiu Addi, Addi
akede ayiu Kosam, Kosam
akede ayiu Emadam, Emadam
akede ayiu Er. 29Er
akede ayiu Yosua, Yosua
akede ayiu Ediasa, Ediasa
akede ayiu Yorim, Yorim
akede ayiu Matat, Matat
akede ayiu Defai. 30Defai
akede ayiu Simiọn̄, Simiọn̄
akede ayiu Yuda, Yuda
akede ayiu Yosef, Yosef
akede ayiu Yonam, Yonam
akede ayiu Ediakim. 31Ediakim
akede ayiu Media, Media
akede ayiu Mena, Mena
akede ayiu Matata, Matata
akede ayiu Natan, Natan
akede ayiu Defịd. 32Defịd
akede ayiu Yesii, Yesii
akede ayiu Obed, Obed
akede ayiu Boas, Boas
akede ayiu Salmon, Salmon
akede ayiu Naason. 33Naason
akede ayiu Amminadab, Amminadab
akede ayiu Ram, Ram
akede ayiu Ezron, Ezron
akede ayiu Berez, Berez
akede ayiu Yuda. 34Yuda
akede ayiu Yekọb, Yekọb
akede ayiu Aisịk, Aisịk
akede ayiu Ebraham, Ebraham
akede ayiu Tera, Tera
akede ayiu Naor. 35Naor
akede ayiu Sedug, Sedug
akede ayiu Rue, Rue
akede ayiu Beleg, Beleg akede ayiu Eber, Eber
akede ayiu Selah. 36Selah
akede ayiu kenan, Kenan
akede ayiu Afasad, Afasad
akede ayiu Siem, Siem
akede ayiu Nua, Nua
akede Dameg, Dameg
akede ayiu Mmetiisela. 37Mmetiisela
akede ayiu Inog, Inog
akede ayiu Yared, Yared
akede ayiu Mmehalalod, Mmehalalod
akede ayiu kenan. 38Etii kenan
akede Enos, Etii Enos
akede Sed, Etii Sed
akede Adam. Adam akede Ayiu Abasi.
ទើបបានជ្រើសរើសហើយ៖
Duk 3: ETB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.
Duk 3
3
YỌỌN ADUOGMMỌN̄ ABEN̄N̄E MME ANWE IDII ADIKỊD YISỌS
(Mat 3:1-6; Mak 1:2-6)
1Akede ndiin isua efuk me ukrag akwa adidem Rum Taibedịọs Ciisa. Pontius Baided akede andikrag efaag Yudia, Erọd akede andikrag efaag Kadidi, me Fidib ayiu-ekieg esiu akedee andikrag Ituria mme Trakọnitus, mme Laisenias akedee andikrag efaag Abidine. 2Annas mme Kaifas ekeden̄n̄e mme eti-ubu mme akuk. Etuk ama-atuk Abasi asịm Yọọn ayiu Zakadia, me akebaa me itighe nte mme anwe ntekian̄ akedidọn̄n̄ọ. 3Ndiin Yọọn aduogmmọn̄ ama asan̄a me afịd nkan-n̄kọk ikpagha akpa Yọdan, ano atọn̄n̄ọ adidogho mme anwe atoo. Ana nte ayịn̄ ikappa esịd ino iduog mmọn̄, mbaag atukde Abasi afeen mme idiogn̄kpo ayịn̄. 4Nte ewad me n̄wad brọfed Aisaiya eban̄a Yọọn, etoo,
“Anwe kian̄ aya atan̄ me akpọsọn̄ọ uyiu me itighe nte mme anwe ntekian̄ akedidọn̄n̄ọ,
‘inakka akpodighe ino adidii Abọn̄.
Inakka inịm ino anyii#3:4 Me inii mbun Yuu akediọn̄n̄ọke etoo ke Adidem akiwuo ituk idọn̄ emmo, emmo eyaene adighe afoo ano anyii. Aisaiya akebii adinam anịm aminee mme Yọọn adidogho mme anwe eben̄n̄e idii emmo eno adidii Yisọs me adikapa esịd mme me idiọgn̄kpo emmo..
5Afịd utịkke isọn̄ ana-edọn̄ ayoog,
afịd ntuk abod mme ikpo-abod aya ade ukem.
Mme n̄kwan̄a adighe ana enakka,
mme ukpotuk-afan̄ ana anọnọ.
6Ndiin afịd anwe eyaekịd Andinyagha ame Abasi asịkke adọn̄.’ ”
YỌỌN̄ AKUỌRỌ-IKUO ANO MME ANWE
(Mat 3:7-12; Mak 1:7,8; Yn 1:24-28)
7Nte asan̄a akekem me se Aisaiya ake-adogho, Yọọn adogho atuk-anwe me ekewuọn̄n̄ọke edibịne anyii adiduogmmọn̄. “Ayịn̄ iden̄n̄e nduum, nte ndiọi uduk-ikoog! Anie se idogho yinne atoo ke imikimi adifịn̄ghe mbogho ufeen Abasi me akidii? 8Ukem nte nan̄a etu awuu mme mfịd, me ntre, ana ayịn̄ iduk-unwe mee awuude ke ayịn̄ imi-inakka ikappa-esịd ikpọn̄ mme idiogn̄kpo ayịn̄ ino ikọn̄n̄ọ Abasi. Iki-idogho me idii- ayịn̄, itoo, ‘Abasi imi-imiaa yire ufeen sia ayịd ide aduk Ebraham;’ Siade Amii idogho yinne nto ke Abasi akimi adikpun̄n̄o mme itiad mee aba mo noo ede ndito Ebraham adibii itighe ayịn̄. 9Me idaghada, Abasi aben̄n̄e idii adiyab mme anwe adiikappake esịd ufeen. Anyii ada nte anwe me akana ikịd aben̄n̄e-idii ada me itaag etuu adikak. Adieke anwe ntekian̄ ada nte etu me adiwuume eti mfịd, Abasi aya-ayab anwe ada ufeen. Anwe ada akida nte etu mee ekak eduog me isọn̄ ndiin efuu.”
10Ndiin usọg anwe me atuk-anwe emaebub Yọọn, “Nse-e ndiin ke Abasi ayịm yire ine?”
11Yọọn amaabọọrọ atoo, “Anwe akpenyi afọn̄idii iba, yaag kian̄ no anwe me adinyii ntekian̄. Akpede afe ame-anyi ndidia, no anwe me adinyii ndidia ntekian̄.”
12Usọg mme abuoghọ taxsi emaedii ebịn̄e Yọọn adiduogmmọn̄. Emmo emaebub anyii etoo, “Andikpiab, nse-e ke ayịd ikiine adibogho ufeen Abasi?”
13Yọọn amaabọọrọ emmo atoo, “Ikiifịk mme anwe ebuoghọ uwaag akọg taxsi ikieg se ukrag edogho yaag ebughọ”.
14Me ukem adighe, usọg mbun ekọn̄ ebub anyii etoo, “Ndiin nse-e ke ayịd ikpiine?” Anyii adogho emmo, “Iyogho me akọg utum ayịn̄. Ikibii unwa-anyi ine mme anwe eno yinne akọg emmo, ikiino iduk mme anwe idiogn̄kpo mee emmo ekedi inee.”
15Afịd anwe emaeduk-anyi Mesaya adisọp ndii, ndiin emmo ema-etọn̄n̄ọ adikre mban̄a mme Yọọn akikap ide Mesaya.
16Yọọn ama adiọn̄n̄ọ se emmo ekekre. Ndiin, anyii ama-adogho afịd emmo atoo, “Amii nkana mmọn̄ nnịm mme anwe uduogmmọn̄. Ade anwe me akie mii aya adii, ndiin Amii ndukke adine n̄kpo nno anyii nte ifịn. Anyii aya anịm yinne uduogmmọn̄ mme Adisana Sịbidid mme ikan̄. 17Krais aben̄n̄e-idii adidian̄a mme anwe me ekekappake esịd mkpọn̄ mbun-ufịn, nte anwe adian̄a n̄kwa-abakpa mme n̄kpotuk. Anyii anịm n̄kwa-abakpa me itighe ubuno abakpa, ade anyii afuu n̄kpotuk mme ikan̄ nsi-nsi.” 18Me adiwaag ikuo nsiọn̄ọ, Yọọn amaakpeiye mme emmo yaag ekappa esịd nte anyii aketan̄a eti-etuk ano mme anwe aban̄a Krais.
19Inii kian̄ de, Yọọn ama-akesua ano Erọd andikrag, me ntaag anyii akebii anwaa ayiu-etii esiu ado, mee anyịn̄ esiu akedee Erọdias. Yọọn ama asịkke uyiu asua ano Erọd mme afịd ndiọi-n̄kpo ufịn se anyii ake-nan̄a. 20Ndiin Erọd amaane se adediog akieg me adisịn Yọọn me ufaag n̄kpakọb.
YỌỌN ADUOG YISỌS MMỌN̄
(Mat 3:13-17; Mak 1:9-11; Yn 1:29-34)
21Me inii Yọọn akesọg aduog afịd anwe se ekedii ebịn̄e anyii mmọn̄, anyii ama aduog Yisọs mmọn̄ n̄ko. Akeduog mmọn̄ ama, nte Yisọs akebọọn̄ọ akam, Efịn ama-akwii. 22Ndiin Adisana Sịbidid ama-asoiyo adru anyii nte ibium. Abasi ama atan̄ ikuo me Efịn atoo, “Afe ade adimeeg Ayiu Amii, ndiin Amii mmenakka nnịk esịd mme afe”.
NTỊPPE EMANA YISỌS
(Mat 1:2-16)
23Me inii Yisọs akedee n̄kpo nte isua edịb mme dughu, anyii amaatọn̄n̄ọ utum ukuọrọ-ikuo esiu. Ekediọn̄n̄ọ Yisọs nte ayiu Yosef. Yosef
akede ayiu-ayiu Hedi, 24Hedi
akede ayiu Matat, Matat
akede ayiu Defai, Defai
akede ayiu Meki, Meki
akede ayiu Yoana, Yoana
akede ayiu Yosef. 25Yosef
akede ayiu Mattatia, Mattatia
akede ayiu Emos, Emos
akede ayiu Nahum, Nahum
akede ayiu Nagai. 26Nagai
akede ayiu Maat, Maat
akede ayiu Semein, Semein
akede ayiu Yosek, Yosek
akede ayiu Yoda. 27Yoda
akede ayiu Yoanan, Yoanan
akede ayiu Rhesa, Rhesa
akede ayiu Zerubbabe, Zerubbabe
akede ayiu Setie, Setie
akede ayiu Nedi. 28Nedi
akede ayiu Meki, Meki
akede ayiu Addi, Addi
akede ayiu Kosam, Kosam
akede ayiu Emadam, Emadam
akede ayiu Er. 29Er
akede ayiu Yosua, Yosua
akede ayiu Ediasa, Ediasa
akede ayiu Yorim, Yorim
akede ayiu Matat, Matat
akede ayiu Defai. 30Defai
akede ayiu Simiọn̄, Simiọn̄
akede ayiu Yuda, Yuda
akede ayiu Yosef, Yosef
akede ayiu Yonam, Yonam
akede ayiu Ediakim. 31Ediakim
akede ayiu Media, Media
akede ayiu Mena, Mena
akede ayiu Matata, Matata
akede ayiu Natan, Natan
akede ayiu Defịd. 32Defịd
akede ayiu Yesii, Yesii
akede ayiu Obed, Obed
akede ayiu Boas, Boas
akede ayiu Salmon, Salmon
akede ayiu Naason. 33Naason
akede ayiu Amminadab, Amminadab
akede ayiu Ram, Ram
akede ayiu Ezron, Ezron
akede ayiu Berez, Berez
akede ayiu Yuda. 34Yuda
akede ayiu Yekọb, Yekọb
akede ayiu Aisịk, Aisịk
akede ayiu Ebraham, Ebraham
akede ayiu Tera, Tera
akede ayiu Naor. 35Naor
akede ayiu Sedug, Sedug
akede ayiu Rue, Rue
akede ayiu Beleg, Beleg akede ayiu Eber, Eber
akede ayiu Selah. 36Selah
akede ayiu kenan, Kenan
akede ayiu Afasad, Afasad
akede ayiu Siem, Siem
akede ayiu Nua, Nua
akede Dameg, Dameg
akede ayiu Mmetiisela. 37Mmetiisela
akede ayiu Inog, Inog
akede ayiu Yared, Yared
akede ayiu Mmehalalod, Mmehalalod
akede ayiu kenan. 38Etii kenan
akede Enos, Etii Enos
akede Sed, Etii Sed
akede Adam. Adam akede Ayiu Abasi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.