Duk 24
24
YISỌS ATUK ME MKPA ADUK UNWE
(Mat 28:1-10; Mak 16:1-8; Yn 20:1-10)
1Me akpa usiu udua, ataa mbaag-mbaag abughusiu, mbaaba ada emaebii anịk-ufịk nkọn̄ mme adeeg me emmo ekenee, ndiin emmo eka udịk Yisọs. 2Me inii emmo esịm de, emmo ema-ekịd eto ke itiad me ekenịm mee ntuk-ndọg udịk#24:2 itiad mee anyi udod atian ke ekebii ekap ntuk-dọk udịk ema eweere esịkke. 3Ndiin, emmo ema-edọg eka esịd udịk, ekeyịm akpo Abọn̄ Yisọs, ade ikibaa de. 4Nte emmo ekesọg edutịn eban̄a itighe nte akpo esiu akpena, ndiin afịd ukpakian̄, aninie-anwe iba ema-ewud idii eno eda me nkan̄ emmo, mme aninie-anwe anịm ekesịne uyama, nsem-nsem afọn̄. 5Mbaaba ada ema-enakka efịn̄ghe ndịk, ndiin emmo esiọg ibughu emmo me isọn̄ me ukpuno. Ade aninie-anwe iba ada ema-edogho emmo atoo, “Inaa nte ayịn̄ iyịm ada me aduk unwe me atuk mme akpa-mkpa. 6Yisọs ibaa mmo aba, sia Anyii amaatọn̄n̄ọ ntaag aduk unwe. Itee se anyii akedogho afịd ayịn̄ me inii anyii akesọg aba mme ayịn̄ me efaag Kadidi. 7Anyii adogho ato, Amaduk atoo ke ‘Amii, Ayiu Anwe, eya eyaag mii eno ukrag mme idiog anwe. Emmo eya ekọn̄ mii me Krọs ato mkpa, ade me ayogho usiu ite, Abasi aya ane mii ntọn̄n̄ọ ntaag nduk unwe.’ ” 8Ndiin mbaaba ada ete-e ke Yisọs ama atan̄ mme ikuo anịm. 9Ada ama akebughu, mbaaba ada ema edikpon̄ udịk etịmme enyon̄. Emmo eketan̄ eno mme abọsul dughu-kian̄ me mme mbun ufịn eno edogho emmo afịd n̄kpo se aketịppe. 10Anyịn̄ mbaaba ada me eketan̄a n̄kpo anim eno mme abọsul akede Mmedi Makdadin, Yoanna, mme Mmedi ekieg Yemsi. Amaaba mme mbaaba ufịn n̄ko me ekesan̄a me emmo. 11Ade mme abọsul ikinịmke me akpanikuo se mbaaba anim ekedogho emmo. Sia se emmo eketan̄ akebaa nte ndisịme mbọg eno emmo. 12Ade Bita amaadagha ada ano afịn̄ghe aka udịk. Me inii anyii akesịm udịk, anyii anughọ adikiin esịd udịk. Anyii ikikịdke n̄kpo ntekian̄ ade mme afia ndisem afọn̄ ubuọg akpo nte ana de, ade akpo esiu ikibaa de. Ndiin Bita adagha anyọn̄ ufaag, akre se ake anakka atịppe.
YISỌS AWUUD MME MBED ESIU IBA IDII ME AKPODIGHE IDỌN̄ EMMAUS
(Mak 16:12,13)
13Akema me ukem usiu ada, mme mbed Yisọs iba ufịn ekeka idọn̄ Emmaus. Akede n̄kpo nte awaa iba me idọn̄ Yerusedem . 14Nte emmo esan̄a eka, emmo ekesọg etan̄ mme idii emmo eban̄a afịd n̄kpo se aketịppe me usiu ifan̄ me edii. 15Me inii emmo esọg etan̄ ikuo eno eneme mme n̄kpo anịm me idii emmo, Yisọs me idii esiu asan̄a akpre emmo ano atọn̄n̄ọ adisan̄a mme emmo. 16Ade Abasi ama-abiọn̄ọ emmo adidiọn̄n̄ọ ito ke ade Yisọs. 17Ndiin, Yisọs ama-abub emmo atoo, “Nse-e ke ayịn̄ ineneme ntọtun̄n̄ọ-ntọtun̄n̄ọ, nte ayịn̄ isan̄a ika?” Emmo anwe iba etuaag eda, isiu emmo aba ataa mfuoghọ-mfuoghọ. 18Kian̄ me atuk mme mbed iba me anyịn̄ esiu akedee Cleopas, amaabọọrọ Yisọs atoo, “Afe ade n̄kukre asio-anwe me adii idọn̄ Yerusedem me adidiọnn̄ọke iban̄a mme n̄kpo se aketịppe mo me usiu ifan̄ me edii?” 19Yisọs ama-abub emmo, “Mme nse-e n̄kpo aketịppe?” Emmo ebọọrọ, “Mme n̄kpo se aketịppe ano Yisọs, anwe me atukko idọn̄ Nasared. Anyii akede brọfed me atukko Abasi. Anyii ama-ane adiwaag mme ikpo-n̄kpo, ndiin atan̄ mme etuk me asan̄a mme aduduk me isiu Abasi mme me isiu afid anwe. 20Ade mme ikpo-akuk me mme adaidagha ayịd eduk anyii uyiu eno eyaag anyii eno ukrag Rum. Mbun Rum ema-ebiiri ke ana nte anyii akpa, ndiin emmo emaewu anyii me krọs. 21Ayịd ikiiduk-anyii too, ke anyii a-kidee krais me akidifaag yire, mbun Isred isịkke me ubaag mme asua ayịd! Ade anịm imịkke idii idagha anịm, sia adee usiu ite anim tọn̄n̄ọ afịd n̄kpo anịm aketịppe. 22Me afịd anịm ama aketịppe, usọg mbaaba me atuk ayịd emaene n̄kpo se akpa yire idii akieg. Emmo ema-eka udịk Yisọs me usịkke-ayiig abughu-usiu anịm, 23ade akpo Yisọs ikibaa de! Ndiin mbaaba ada ema-etịmme edii, ndiin edogho yire ke emmo ema-ekịd mme enyel. Mme enyel adogho eto ke Yisọs aduk unwe! 24Ada akebughu, usọg me atuk ayịd ema-eka udịk. Emmo ema-ekịd ke akpo Yisọs ikibaa, ukem nte mbaaba ada ekedogho yire, ade emmo ikikịdke Yisọs.” 25Ndiin Yisọs ama-adogho emmo atoo, “Oh, ayịn̄ iden̄n̄e ndisịme! Anakka asọn̄ yinne idii eti-eti adinịm me akpanikuo afịd se mme brọfed ekewad me ikuo Abasi. 26Mme brọfed ema-enakka etan̄ etoo, ke Krais ana abuoghọ ufeen ano akpa mbemisiu Abasi ano anyii ubọn̄.” 27Yisọs ndiin ama-atọn̄n̄ọ adine anwaagha emmo afịd se ikuo Abasi aketan̄ aban̄a idii-esiu. Anyii ama-atọn̄n̄ọ me mme n̄wad se Mosis akewad ano akaisiu ane anwaagha se afịd mme brọfed ufịn me mme ikuo Abasi ufịn akewad aban̄a anyii. 28Me inii Yisọs me mme mbed esiu iba esan̄a ekpre idọn̄ Emmaus me mme mbed ekekaa, Yisọs akiin nte Anyii aya amana asan̄a ayiọn̄ adighe. 29Ade emmo ema-ekpi Yisọs ubaag etoo, “Mboog siọg baa me ayịd, sia akpekre mbubịg ndiin ayiig aya asọp akịm.” Me ntre, Yisọs aka ufaag akeba me emmo. 30Usọg inii ama-akebughu, me inii emmo etuaagha etighe adidia n̄kpo, Yisọs abii bred me ubaag esiu, akwam Abasi aban̄a anyii, ndiin ama-akekpagha bred, anyii ayaag ano emmo. 31Ndiin usọp-usọp, Abasi ama-atrag emmo anyii, ndiin emmo ediọn̄n̄ọ eto ke anyii ade Yisọs, ade ndo-ndo ada. Yisọs ama-asiu emmo me anyii. 32Ndiin emmo edogho kian̄ ufịn etoo, “Awuo ntaag akede ada me ayịd inyi uto idaara ada nte ikan̄ asaag me esịd ayịd nan̄a Yisọs aketan̄ ikuo ano yire me akpodighe ano anwam yire adidiọn̄n̄ọ ikuo Abasi.” 33Ndiin me ukem inii ada, emmo ema-edagha eda, eno etịmme enyọn̄ idọn̄ Yerusedem . De, emmo ema-ekịd mme abọsul Yisọs dughu-kian̄ nte ebun̄n̄o atokian̄ mme mbun ufịn me ekebaa mme emmo. 34Emmo adisọg isesịm, afịd anwe emaetọn̄n̄ọ adidogho mme mbed iba etoo, “Ade akpanikuo! Abọn̄ Yisọs ama-anakka atọn̄n̄ọ ntaag aduk unwe, ndiin Anyii ama-awuo awud idii ano Saimọn Bita!” 35Ndiin mme mbed iba me ekenyọn̄ idọn̄ Emmaus edi ema editan̄ mbọg emmo nan̄a Yisọs akewuo awuud emmo idii nan̄a nte emmo ekesọg esan̄a me akpodighe, mme nan̄a emmo ekediọn̄n̄ọ anyii nte anyii akekpagha bred.
YISỌS AWUO AWUUD IDII ANO MME MBED ESIU
(Yn 20:19-23; Acts 1:3-5)
36Mme mbed ekesọg edogho afịd anwe eban̄a afịd mme n̄kpo se aketịppe, usọp-usọp, Yisọs me idii esiu ama-ada me ufọd emmo, ndiin adogho atoo, “Emem Abasi akpekam aba mme ayịn̄” 37Ade afịd anwe ema-edakka eno ekuk ndịk, sia emmo ekekre eto ke emmo ekịd ekpuk. 38Ade Yisọs adogho emmo atoo, “Ibaa ntaag me ayịn̄ ikpifịn̄ghe ndịk. Ikpinaa ayịn̄ inyi eyịghe ntekian̄ me esịd ayịn̄ iban̄a Mii ito ke mmetọn̄n̄ọ ntaag nduk unwe. 39Ikiin ubaag mme ukuk amii ino idiọn̄n̄ọ ito ke Amii me idii Amii mba mo! Itiọg mii ino idiọn̄n̄ọ me idii ayịn̄ ke Amii ke anakka ade. Ekpuk inyike idii me anyi ikpeeg mme akpo, nte ayịn̄ ikịd amii nyii anịm.” 40Yisọs aketan̄ anịm ama, anyii ama-awuu emmo mme unan me ubaag mme ukuk esiu. 41Ade mme mbed esiu ikikọddọ isọg inịm me akpanikuo ito ke anyii anakka atọn̄n̄ọ ntaag aduk unwe, sia ema-ekuk inịk-esịd mme mkpaidii adikịd Anyii. Ndiin, Yisọs adogho emmo atoo, “Mboog, ino mii n̄kpo ndia.” 42Emmo ema-eno Anyii mbaag ufofu iyaag. 43Me inii mbed ekekiin, Yisọs abii iyaag ada ata.
IKUO ABASI AMAAKAPPA
44Ndiin Yisọs adogho emmo atoo, “Me inii n̄kesọg mbaa mme ayịn̄ mbemisiu Amii mkpa, mmadogho yinne nto ke afịd mme ikuo se ekewad eban̄a mii ana atịppe me akpanikuo, nkọrọ mme ikuo me ibed Mosis, mme brọfed me mme Saams.” 45Ndiin Yisọs ama-anwam adine anwaagha emmo se ikuo Abasi awuo. 46Ndiin anyii ama-adogho emmo, “Ekewad me ikuo Abasi etoo, ke aduk Krais adibuoghọ ufeen nno mkpa, ndiin anyii aya atọn̄n̄ọ ntaag ased me mkpa aduk unwe me ayogho usiu ite. 47Ema-ewad n̄ko me ikuo Abasi eto ke mbun mee enịm krais me akpanikuo eya eka ekedogho mme anwe ke ana emmo etre adine idiogn̄kpo eno ekana ebịne Abasi mbaag Abasi adifeen idiogn̄kpo se emmo ekedan̄n̄a. Amii nyịm yaag ayịn̄ ine anịm, tọn̄n̄ọ moo me Yerusedem, ndiin akesịm afịd idud mme anwe me aderimbod. 48Ayịn̄ ide mbun me ekekịd se aketịppe. Ana ayịn̄ itan̄ afid mme n̄kpo anim ino mme anwe ufịn. 49Ndiin Amii me idii amii nya adọn̄ Adisana Sịbidid nno yinne mme Etii amii akewuọn̄n̄ọ. Ade ana ayịn̄ ibed mo me idọn̄ Yerusedem tutuk Adisana Sịbidid adii adino yinne aduduk me atukko Efịn.”
ABASI ABII YISỌS ADỌG ME ANYỌN̄
(Mak 16:19,20)
50Ada ama-akebughu, Yisọs ama-abii mme nkọn̄n̄ọ esiu awuo akpọn̄ idọn̄ Yerusedem, aka itighe me akpreke idọn̄ Betani. Ndiin Anyii abana ubaag esiu me anyọn̄ me Efịn̄ ano adiọn̄ emmo. 51Me inii anyii asọg adiọn̄ emmo, adagha me anyọn̄ akpọn̄ emmo. Abasi abii anyii adọg me Efịn̄. 52Ndiin mme mbed esiu ema etọn̄ọ-edọn̄ eno ekpuno Anyii, ndiin ema-etịmme enyọn̄ edii Yerusedem eno edaara etii-etii. 53De, emmo ema-eka afigh tembul kwa-inii, kwa-inii aditooro Abasi.
ទើបបានជ្រើសរើសហើយ៖
Duk 24: ETB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.
Duk 24
24
YISỌS ATUK ME MKPA ADUK UNWE
(Mat 28:1-10; Mak 16:1-8; Yn 20:1-10)
1Me akpa usiu udua, ataa mbaag-mbaag abughusiu, mbaaba ada emaebii anịk-ufịk nkọn̄ mme adeeg me emmo ekenee, ndiin emmo eka udịk Yisọs. 2Me inii emmo esịm de, emmo ema-ekịd eto ke itiad me ekenịm mee ntuk-ndọg udịk#24:2 itiad mee anyi udod atian ke ekebii ekap ntuk-dọk udịk ema eweere esịkke. 3Ndiin, emmo ema-edọg eka esịd udịk, ekeyịm akpo Abọn̄ Yisọs, ade ikibaa de. 4Nte emmo ekesọg edutịn eban̄a itighe nte akpo esiu akpena, ndiin afịd ukpakian̄, aninie-anwe iba ema-ewud idii eno eda me nkan̄ emmo, mme aninie-anwe anịm ekesịne uyama, nsem-nsem afọn̄. 5Mbaaba ada ema-enakka efịn̄ghe ndịk, ndiin emmo esiọg ibughu emmo me isọn̄ me ukpuno. Ade aninie-anwe iba ada ema-edogho emmo atoo, “Inaa nte ayịn̄ iyịm ada me aduk unwe me atuk mme akpa-mkpa. 6Yisọs ibaa mmo aba, sia Anyii amaatọn̄n̄ọ ntaag aduk unwe. Itee se anyii akedogho afịd ayịn̄ me inii anyii akesọg aba mme ayịn̄ me efaag Kadidi. 7Anyii adogho ato, Amaduk atoo ke ‘Amii, Ayiu Anwe, eya eyaag mii eno ukrag mme idiog anwe. Emmo eya ekọn̄ mii me Krọs ato mkpa, ade me ayogho usiu ite, Abasi aya ane mii ntọn̄n̄ọ ntaag nduk unwe.’ ” 8Ndiin mbaaba ada ete-e ke Yisọs ama atan̄ mme ikuo anịm. 9Ada ama akebughu, mbaaba ada ema edikpon̄ udịk etịmme enyon̄. Emmo eketan̄ eno mme abọsul dughu-kian̄ me mme mbun ufịn eno edogho emmo afịd n̄kpo se aketịppe. 10Anyịn̄ mbaaba ada me eketan̄a n̄kpo anim eno mme abọsul akede Mmedi Makdadin, Yoanna, mme Mmedi ekieg Yemsi. Amaaba mme mbaaba ufịn n̄ko me ekesan̄a me emmo. 11Ade mme abọsul ikinịmke me akpanikuo se mbaaba anim ekedogho emmo. Sia se emmo eketan̄ akebaa nte ndisịme mbọg eno emmo. 12Ade Bita amaadagha ada ano afịn̄ghe aka udịk. Me inii anyii akesịm udịk, anyii anughọ adikiin esịd udịk. Anyii ikikịdke n̄kpo ntekian̄ ade mme afia ndisem afọn̄ ubuọg akpo nte ana de, ade akpo esiu ikibaa de. Ndiin Bita adagha anyọn̄ ufaag, akre se ake anakka atịppe.
YISỌS AWUUD MME MBED ESIU IBA IDII ME AKPODIGHE IDỌN̄ EMMAUS
(Mak 16:12,13)
13Akema me ukem usiu ada, mme mbed Yisọs iba ufịn ekeka idọn̄ Emmaus. Akede n̄kpo nte awaa iba me idọn̄ Yerusedem . 14Nte emmo esan̄a eka, emmo ekesọg etan̄ mme idii emmo eban̄a afịd n̄kpo se aketịppe me usiu ifan̄ me edii. 15Me inii emmo esọg etan̄ ikuo eno eneme mme n̄kpo anịm me idii emmo, Yisọs me idii esiu asan̄a akpre emmo ano atọn̄n̄ọ adisan̄a mme emmo. 16Ade Abasi ama-abiọn̄ọ emmo adidiọn̄n̄ọ ito ke ade Yisọs. 17Ndiin, Yisọs ama-abub emmo atoo, “Nse-e ke ayịn̄ ineneme ntọtun̄n̄ọ-ntọtun̄n̄ọ, nte ayịn̄ isan̄a ika?” Emmo anwe iba etuaag eda, isiu emmo aba ataa mfuoghọ-mfuoghọ. 18Kian̄ me atuk mme mbed iba me anyịn̄ esiu akedee Cleopas, amaabọọrọ Yisọs atoo, “Afe ade n̄kukre asio-anwe me adii idọn̄ Yerusedem me adidiọnn̄ọke iban̄a mme n̄kpo se aketịppe mo me usiu ifan̄ me edii?” 19Yisọs ama-abub emmo, “Mme nse-e n̄kpo aketịppe?” Emmo ebọọrọ, “Mme n̄kpo se aketịppe ano Yisọs, anwe me atukko idọn̄ Nasared. Anyii akede brọfed me atukko Abasi. Anyii ama-ane adiwaag mme ikpo-n̄kpo, ndiin atan̄ mme etuk me asan̄a mme aduduk me isiu Abasi mme me isiu afid anwe. 20Ade mme ikpo-akuk me mme adaidagha ayịd eduk anyii uyiu eno eyaag anyii eno ukrag Rum. Mbun Rum ema-ebiiri ke ana nte anyii akpa, ndiin emmo emaewu anyii me krọs. 21Ayịd ikiiduk-anyii too, ke anyii a-kidee krais me akidifaag yire, mbun Isred isịkke me ubaag mme asua ayịd! Ade anịm imịkke idii idagha anịm, sia adee usiu ite anim tọn̄n̄ọ afịd n̄kpo anịm aketịppe. 22Me afịd anịm ama aketịppe, usọg mbaaba me atuk ayịd emaene n̄kpo se akpa yire idii akieg. Emmo ema-eka udịk Yisọs me usịkke-ayiig abughu-usiu anịm, 23ade akpo Yisọs ikibaa de! Ndiin mbaaba ada ema-etịmme edii, ndiin edogho yire ke emmo ema-ekịd mme enyel. Mme enyel adogho eto ke Yisọs aduk unwe! 24Ada akebughu, usọg me atuk ayịd ema-eka udịk. Emmo ema-ekịd ke akpo Yisọs ikibaa, ukem nte mbaaba ada ekedogho yire, ade emmo ikikịdke Yisọs.” 25Ndiin Yisọs ama-adogho emmo atoo, “Oh, ayịn̄ iden̄n̄e ndisịme! Anakka asọn̄ yinne idii eti-eti adinịm me akpanikuo afịd se mme brọfed ekewad me ikuo Abasi. 26Mme brọfed ema-enakka etan̄ etoo, ke Krais ana abuoghọ ufeen ano akpa mbemisiu Abasi ano anyii ubọn̄.” 27Yisọs ndiin ama-atọn̄n̄ọ adine anwaagha emmo afịd se ikuo Abasi aketan̄ aban̄a idii-esiu. Anyii ama-atọn̄n̄ọ me mme n̄wad se Mosis akewad ano akaisiu ane anwaagha se afịd mme brọfed ufịn me mme ikuo Abasi ufịn akewad aban̄a anyii. 28Me inii Yisọs me mme mbed esiu iba esan̄a ekpre idọn̄ Emmaus me mme mbed ekekaa, Yisọs akiin nte Anyii aya amana asan̄a ayiọn̄ adighe. 29Ade emmo ema-ekpi Yisọs ubaag etoo, “Mboog siọg baa me ayịd, sia akpekre mbubịg ndiin ayiig aya asọp akịm.” Me ntre, Yisọs aka ufaag akeba me emmo. 30Usọg inii ama-akebughu, me inii emmo etuaagha etighe adidia n̄kpo, Yisọs abii bred me ubaag esiu, akwam Abasi aban̄a anyii, ndiin ama-akekpagha bred, anyii ayaag ano emmo. 31Ndiin usọp-usọp, Abasi ama-atrag emmo anyii, ndiin emmo ediọn̄n̄ọ eto ke anyii ade Yisọs, ade ndo-ndo ada. Yisọs ama-asiu emmo me anyii. 32Ndiin emmo edogho kian̄ ufịn etoo, “Awuo ntaag akede ada me ayịd inyi uto idaara ada nte ikan̄ asaag me esịd ayịd nan̄a Yisọs aketan̄ ikuo ano yire me akpodighe ano anwam yire adidiọn̄n̄ọ ikuo Abasi.” 33Ndiin me ukem inii ada, emmo ema-edagha eda, eno etịmme enyọn̄ idọn̄ Yerusedem . De, emmo ema-ekịd mme abọsul Yisọs dughu-kian̄ nte ebun̄n̄o atokian̄ mme mbun ufịn me ekebaa mme emmo. 34Emmo adisọg isesịm, afịd anwe emaetọn̄n̄ọ adidogho mme mbed iba etoo, “Ade akpanikuo! Abọn̄ Yisọs ama-anakka atọn̄n̄ọ ntaag aduk unwe, ndiin Anyii ama-awuo awud idii ano Saimọn Bita!” 35Ndiin mme mbed iba me ekenyọn̄ idọn̄ Emmaus edi ema editan̄ mbọg emmo nan̄a Yisọs akewuo awuud emmo idii nan̄a nte emmo ekesọg esan̄a me akpodighe, mme nan̄a emmo ekediọn̄n̄ọ anyii nte anyii akekpagha bred.
YISỌS AWUO AWUUD IDII ANO MME MBED ESIU
(Yn 20:19-23; Acts 1:3-5)
36Mme mbed ekesọg edogho afịd anwe eban̄a afịd mme n̄kpo se aketịppe, usọp-usọp, Yisọs me idii esiu ama-ada me ufọd emmo, ndiin adogho atoo, “Emem Abasi akpekam aba mme ayịn̄” 37Ade afịd anwe ema-edakka eno ekuk ndịk, sia emmo ekekre eto ke emmo ekịd ekpuk. 38Ade Yisọs adogho emmo atoo, “Ibaa ntaag me ayịn̄ ikpifịn̄ghe ndịk. Ikpinaa ayịn̄ inyi eyịghe ntekian̄ me esịd ayịn̄ iban̄a Mii ito ke mmetọn̄n̄ọ ntaag nduk unwe. 39Ikiin ubaag mme ukuk amii ino idiọn̄n̄ọ ito ke Amii me idii Amii mba mo! Itiọg mii ino idiọn̄n̄ọ me idii ayịn̄ ke Amii ke anakka ade. Ekpuk inyike idii me anyi ikpeeg mme akpo, nte ayịn̄ ikịd amii nyii anịm.” 40Yisọs aketan̄ anịm ama, anyii ama-awuu emmo mme unan me ubaag mme ukuk esiu. 41Ade mme mbed esiu ikikọddọ isọg inịm me akpanikuo ito ke anyii anakka atọn̄n̄ọ ntaag aduk unwe, sia ema-ekuk inịk-esịd mme mkpaidii adikịd Anyii. Ndiin, Yisọs adogho emmo atoo, “Mboog, ino mii n̄kpo ndia.” 42Emmo ema-eno Anyii mbaag ufofu iyaag. 43Me inii mbed ekekiin, Yisọs abii iyaag ada ata.
IKUO ABASI AMAAKAPPA
44Ndiin Yisọs adogho emmo atoo, “Me inii n̄kesọg mbaa mme ayịn̄ mbemisiu Amii mkpa, mmadogho yinne nto ke afịd mme ikuo se ekewad eban̄a mii ana atịppe me akpanikuo, nkọrọ mme ikuo me ibed Mosis, mme brọfed me mme Saams.” 45Ndiin Yisọs ama-anwam adine anwaagha emmo se ikuo Abasi awuo. 46Ndiin anyii ama-adogho emmo, “Ekewad me ikuo Abasi etoo, ke aduk Krais adibuoghọ ufeen nno mkpa, ndiin anyii aya atọn̄n̄ọ ntaag ased me mkpa aduk unwe me ayogho usiu ite. 47Ema-ewad n̄ko me ikuo Abasi eto ke mbun mee enịm krais me akpanikuo eya eka ekedogho mme anwe ke ana emmo etre adine idiogn̄kpo eno ekana ebịne Abasi mbaag Abasi adifeen idiogn̄kpo se emmo ekedan̄n̄a. Amii nyịm yaag ayịn̄ ine anịm, tọn̄n̄ọ moo me Yerusedem, ndiin akesịm afịd idud mme anwe me aderimbod. 48Ayịn̄ ide mbun me ekekịd se aketịppe. Ana ayịn̄ itan̄ afid mme n̄kpo anim ino mme anwe ufịn. 49Ndiin Amii me idii amii nya adọn̄ Adisana Sịbidid nno yinne mme Etii amii akewuọn̄n̄ọ. Ade ana ayịn̄ ibed mo me idọn̄ Yerusedem tutuk Adisana Sịbidid adii adino yinne aduduk me atukko Efịn.”
ABASI ABII YISỌS ADỌG ME ANYỌN̄
(Mak 16:19,20)
50Ada ama-akebughu, Yisọs ama-abii mme nkọn̄n̄ọ esiu awuo akpọn̄ idọn̄ Yerusedem, aka itighe me akpreke idọn̄ Betani. Ndiin Anyii abana ubaag esiu me anyọn̄ me Efịn̄ ano adiọn̄ emmo. 51Me inii anyii asọg adiọn̄ emmo, adagha me anyọn̄ akpọn̄ emmo. Abasi abii anyii adọg me Efịn̄. 52Ndiin mme mbed esiu ema etọn̄ọ-edọn̄ eno ekpuno Anyii, ndiin ema-etịmme enyọn̄ edii Yerusedem eno edaara etii-etii. 53De, emmo ema-eka afigh tembul kwa-inii, kwa-inii aditooro Abasi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.