Mark 6
6
Nasorot kamio Subrai Jisunw khuksi phelliya
(Mothi 13:53-58; Luk 4:16-30)
1Omo paikhlai Jisu o jeganw yakarwi Bini sakni kamio thangkha, arw Bini sagrirokbw Bwbai baksa thangkha. 2Lengkhonai sal sokpaikhlai Bw thumnogw thangwi phwrwngni nangkha. Bini phwrwngma khanagwi kodur borog amok chalaywi hinlaikha, "I borogsa bwdaini i mwkchak roknw mankha? Bw iswk amok chanai samung tama khalaywi khalaidok? 3Imw tama bophang sutarya dwi? Bw tama Moriyomni basalaya? Bw tama Jakob, Josep, Jihuda arw Simonni takhokya? Bini bwbwirok ta chini bisingw kwrwi?" I oansokma rokni bagwi bok Bwnw paitokni narang khalaikha.
4Aiphuo Jisu sakha, "Sakni kami, sakni jaiti masa arw sakni nokni bader diyarirok jotho jegao borom manw." 5Jerw Jisu hamya kainwi kaithamni sakagw yak tonwi boknw hamrwkha, matwr odayw Bw arw amok samung tangmanniya. 6Bini sakagw borogrokni paitokma kwrwi nungwi Jisu amok chakha.
Jerw Bw kami kamio thangwi phwrwngni nangkha.
Sagri rokni pirnai chengmani
(Mothi 10:1,5-15; Luk 9:1-6)
7Jerw Jisu Bini o chinwi sagri roknw ringkhogwi Kaitorni kok pirni bagwi kainwi kainwi khalaywi hokha. Boknw chaya phalarokni sakagw pharimwng rwkha. 8Jisu Bini sagri roknw tholkha, lama himni bagwi keber latha kwrwngsani bader arw mwngsabw taladi. Oan, khetcha arw rang hoda taladi hinkha. 9Bw boknw yathwyw yakalab kandi hinkha matwr kubai kangsani bara taladi hinwi sakha. 10Bw boknw arw sakha, "Nokh je nugo habnw o kami yakaryasak jora o nugose tongdi. 11Mwngsaswk jegani borogrok nokhnw jwtini goseywi laya arw nokhni kok khanaya hingkhlai, o jeganw yakarwi thangpini nokhni yathwini hadrui phuchagwi khibidi obwse bokni baithe yakumu ongnai."
12Jerw Jisuni sagrirok thangwi paikha tei borogrokni dayw pirni nangkha je bok sumsok daini kha phiroktai kalayw. 13Arw bok borogrokni daini kabangma chaya phala akhorwgwi hokha tei kodur hamya rokni bukhorok dayw thok rwgwi boknw hamrwkha.
Baptismo rwnai Johon thwikha
(Mothi 14:1-12; Luk 9:7-9)
14Jisuni mwng jotho jegao pwlwngni nangkha, aithani bugra Herodbw Jisuni kok khanakha. Kaisa kainwi salaikha, "Bwse O baptismo rwnai Johon. Bw kwthwi daini bachakha hinwise imwtwijar amok chanai samung khalaidok."
15Matwr kaisa kainwi sakha, "Bw Eliyose," Arw kaisa kainwi sakha, "Jabini diyari rokni kosol Bwbo kaisa diyari."
16Matwr Herod sakha, "Bw o Johonse, jeni bokhorok Ang tandi hinwi thwljak. Bw arwbw kathang ongwi bachakha.
17Twmwi hinba i tolpirokni aguo Herod bini bihik Herodiyani kok khanagwi, borog hogwi Johonnw rumwi twbwjak arw bwnw khagwi alongw chubwi tonjak. Herod bophoyong Philipni bihik Herodiyanw lajak. 18Johon Herodnw keber sagw, "Nwng nini takhokni bwrwinw lamani gam ongjiya." 19Aithani bagwi Herodiya Johonnw thamchi kagwi tongjak. Bw Johonnw buthalwi pairwni naikha, matwr phariliya. 20Twmwi hinba Herod Johonnw raidia tei kathar borog hinwi siniyw, aithani bw kiriywi Johonnw thwinai yapha daini yokrwgwi tonw. Jephuo Herod Johonni kok khana aiphuo bini khaula ongw, matwr hekphwng Herod Johonni kok khanani gam manjagw.
21Jerw Herodiya oaisa hamdal mankha. Herod bini sakni achainai salw bini sakni bugrani kamla, birinpha arw Galil amchoini kotor borogrokni bagwi pana kwrwngsa rwkha. 22Herodiyani baschwk o panao masagwi Herod arw odaini naroai roknw tongthokrwkha.
Aiphuo bugra o baschwknw sakha, "Nwng jeba nai ang nwnw obwnw rwnai." 23Herod baschwknw baiko rwgwi sakha, "Nwng jeba nai ang nwnw rwnai, ani hani bagnwini bagsa naikhaibw ang rwnai."
24Aiphuo o birok basa phatarw thangwi bomanw swngkha, "Ang tamanw bithai?"
Boma bwnw sakha, "Baptismo rwnai Johonni bokhorok bidi."
25O birok basa aiphuo loge loge bugra Herodnw thangwi saitangkha, "Mairang dayw ang tabok baptismo rwnai Johonni bokhorok nayw."
26I koknw khanawi bugra Herod kabangma dugu mankha, matwr panani naroai rokni sakangw baiko rwjak thani bw o birokbasani koknw philwi rwni nailiya. 27-28Bw aiphuo kaisa baruanw Johonni bokhorok tanwi mairang kwrwngsagw twbwgwi phaidi hinwi tholkha. O barua along bisingw thangwi Johonni bokhorok tanwi baswn kwrwngsa dayw twbwgwi bugranw rwphaikha. Bugra o birok basanw rwkha bw thangwi bomanw rwkha. 29I kothonw khanagwi Johonni sagrirok phaywi bini basaknw lagwi mangkhorw phubkha.
Sai ba borogroknw charwmani
(Mothi 14:13-21; Luk 9:10-17; Johon 6:1-14)
30Jisu je sagriroknw hojak bok philwi phailaikha tei tama tama khalaijak arw phwrwngjak obwroknw Bwnw jotho saphaika. 31O joragw kodur borogrok thang phai onglaidok thani, bok mwngsachwk chani jobw manliya. Obwni bagwi Jisu boknw sakha, "Nokh angbai baksa kwrwngsachwk phwrwk pharak jegao phaywi rangsa lengkhodi."
32Aithani bokni bai bok rung khungsabai kwrwngsa phwrwk pharak jegao thangkha. 33Matwr boknw thangmani nungwi kodur borogrok boknw sinikha arw kore kara kamini borogrok khalwi thangwi bokni sakangw odayw suilaikha. 34Jephuni Jisu rungni akhogwi kabangma borog nungkha, aiphuo bokni bagwi Bini kha yokkha. Twmwi hinba bok bengnai kwrwi mera jakni kosol ongjak. Jisu boknw kabangma kothoyw phwrwngni nangkha.
35Jephuo sal thandok aiphuo sagrirok Jisunw sakha, "I jega phwrwk pharak jar, salbw thandok. 36Kore karani khambar rogw tei kamirogw thangwi bokni sakni bagwi chamwng paimannaitwi boknw hamalai rwgwi hodi."
37Jisu boknw sakha, "Nokhse boknw charwdi."
Bini sagrirok Bwnw sakha, "Chwng thangwi khok ra nwi dinarni auan paywi twbwgwi boknw charwni?"
38Jisu sakha, "Nokhni dayw auan bwswk tong thangwi naidi."
Bini sagrirok rutubwi, phaywi sakha, "Oan lebba arw aa maknwi tongw."
39Aiphuo Jisu Bini sagriroknw tholkha jotho borogroknw jabara sakao achukrwdi hinwi. 40Borogrok rasa arw bachi khalaywi buthup buthup achuklaikha. 41Jisu o auan lebba tei aa maknwi lagwi chukha aita naikhogwi hambai rwkha, arw borogroknw rwni bagwi auan sapaywi sagrirokni yagw rwkha. Arai khalaywi Bw jothonw aa nwbw bagwi rwkha. 42Bok jothobw owk plwngsa chalaikha. 43Jerw sagrirok auan tei aa bara turoknai roknw thumwi, krwng chinwi khoparagw swplwngkha. 44Jebwrok chalaijak bokni bisingw chalarokni remthai tongw sai ba.
Jisu twi sakagw himmani
(Mothi 14:22-36; Johon 6:15-21)
45Jisu obwni jerw sagri roknw Bini naikhalai sakangw rungw kagwi twithuni uijang narw Bwitsoda kamio thangdi hinwi tholkha. Ijang Bw borogroknw hamalai rwgwi honi nangkha. 46Borogroknw hamalai rwgwi Jisu suri sanni bagwi hapongw thangkha. 47Jephuo hor ongkha aiphuo sagrirokni rung twithuni kacharw tongw tei Jisu saichong hakongw tongw. 48Jisu nungkha nobar ulta aita thangdok thani Bini sagrirok rung chokni bagwi kabangma tekto khalaidok. Aichuk aita Jisu twithu sakatwi himwi sagrirokni koreo phaikha tei bokni naikhalai sakang sakang thangni naikha. 49Sagrirok Bwnw twithu sakagw himmani nungwi matai hinwi bakha kagwi chirikhoklaikha. 50Twmwi hinba Bwnw nungwi jotho kirilaikha.
Jisu aiphuo sagri rokbai kok sakha. Bw boknw hinkha, "Ta kiridi, kha rakdi, Ang Jisu,"
51Jisu sagrirokni rungw kaithangkha, loge loge nobar bathakkha. Obwnw nungwi sagrirok amok chalaikha. 52Twmwi hinba aguo auan charwnai tolpinwbw bok bjimanjiya, aiphuo bokni kha karak ongjak.
53Jisu bai Bini sagrirok twithunw balwi Ginesorot aulio phaywi rung khaka. 54Bok rung daini akhonai loge loge borogrok Jisunw sini mankha. 55Bok o jilani jotho jegao khallaini nangkha arw jephini borogrok Jisu jedayw tong hinwi khana, odayw bok hayaroknw thuyambai akor o jegao tilangwi thangni nangkha.
56Jotho Aulio, kamio eba parao jedayw Bw thang, odaini borogrok hayaroknw twbwgwi hatiyw achuk rwphayw. Hayarok kisa Jisuni gadu buchoknw marumnaitwi hinwi bok Jisunw karab karabwi kabokgw, arw jebwrok Bwnw rumman bok jotho hamlayw.
ទើបបានជ្រើសរើសហើយ៖
Mark 6: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh
Mark 6
6
Nasorot kamio Subrai Jisunw khuksi phelliya
(Mothi 13:53-58; Luk 4:16-30)
1Omo paikhlai Jisu o jeganw yakarwi Bini sakni kamio thangkha, arw Bini sagrirokbw Bwbai baksa thangkha. 2Lengkhonai sal sokpaikhlai Bw thumnogw thangwi phwrwngni nangkha. Bini phwrwngma khanagwi kodur borog amok chalaywi hinlaikha, "I borogsa bwdaini i mwkchak roknw mankha? Bw iswk amok chanai samung tama khalaywi khalaidok? 3Imw tama bophang sutarya dwi? Bw tama Moriyomni basalaya? Bw tama Jakob, Josep, Jihuda arw Simonni takhokya? Bini bwbwirok ta chini bisingw kwrwi?" I oansokma rokni bagwi bok Bwnw paitokni narang khalaikha.
4Aiphuo Jisu sakha, "Sakni kami, sakni jaiti masa arw sakni nokni bader diyarirok jotho jegao borom manw." 5Jerw Jisu hamya kainwi kaithamni sakagw yak tonwi boknw hamrwkha, matwr odayw Bw arw amok samung tangmanniya. 6Bini sakagw borogrokni paitokma kwrwi nungwi Jisu amok chakha.
Jerw Bw kami kamio thangwi phwrwngni nangkha.
Sagri rokni pirnai chengmani
(Mothi 10:1,5-15; Luk 9:1-6)
7Jerw Jisu Bini o chinwi sagri roknw ringkhogwi Kaitorni kok pirni bagwi kainwi kainwi khalaywi hokha. Boknw chaya phalarokni sakagw pharimwng rwkha. 8Jisu Bini sagri roknw tholkha, lama himni bagwi keber latha kwrwngsani bader arw mwngsabw taladi. Oan, khetcha arw rang hoda taladi hinkha. 9Bw boknw yathwyw yakalab kandi hinkha matwr kubai kangsani bara taladi hinwi sakha. 10Bw boknw arw sakha, "Nokh je nugo habnw o kami yakaryasak jora o nugose tongdi. 11Mwngsaswk jegani borogrok nokhnw jwtini goseywi laya arw nokhni kok khanaya hingkhlai, o jeganw yakarwi thangpini nokhni yathwini hadrui phuchagwi khibidi obwse bokni baithe yakumu ongnai."
12Jerw Jisuni sagrirok thangwi paikha tei borogrokni dayw pirni nangkha je bok sumsok daini kha phiroktai kalayw. 13Arw bok borogrokni daini kabangma chaya phala akhorwgwi hokha tei kodur hamya rokni bukhorok dayw thok rwgwi boknw hamrwkha.
Baptismo rwnai Johon thwikha
(Mothi 14:1-12; Luk 9:7-9)
14Jisuni mwng jotho jegao pwlwngni nangkha, aithani bugra Herodbw Jisuni kok khanakha. Kaisa kainwi salaikha, "Bwse O baptismo rwnai Johon. Bw kwthwi daini bachakha hinwise imwtwijar amok chanai samung khalaidok."
15Matwr kaisa kainwi sakha, "Bw Eliyose," Arw kaisa kainwi sakha, "Jabini diyari rokni kosol Bwbo kaisa diyari."
16Matwr Herod sakha, "Bw o Johonse, jeni bokhorok Ang tandi hinwi thwljak. Bw arwbw kathang ongwi bachakha.
17Twmwi hinba i tolpirokni aguo Herod bini bihik Herodiyani kok khanagwi, borog hogwi Johonnw rumwi twbwjak arw bwnw khagwi alongw chubwi tonjak. Herod bophoyong Philipni bihik Herodiyanw lajak. 18Johon Herodnw keber sagw, "Nwng nini takhokni bwrwinw lamani gam ongjiya." 19Aithani bagwi Herodiya Johonnw thamchi kagwi tongjak. Bw Johonnw buthalwi pairwni naikha, matwr phariliya. 20Twmwi hinba Herod Johonnw raidia tei kathar borog hinwi siniyw, aithani bw kiriywi Johonnw thwinai yapha daini yokrwgwi tonw. Jephuo Herod Johonni kok khana aiphuo bini khaula ongw, matwr hekphwng Herod Johonni kok khanani gam manjagw.
21Jerw Herodiya oaisa hamdal mankha. Herod bini sakni achainai salw bini sakni bugrani kamla, birinpha arw Galil amchoini kotor borogrokni bagwi pana kwrwngsa rwkha. 22Herodiyani baschwk o panao masagwi Herod arw odaini naroai roknw tongthokrwkha.
Aiphuo bugra o baschwknw sakha, "Nwng jeba nai ang nwnw obwnw rwnai." 23Herod baschwknw baiko rwgwi sakha, "Nwng jeba nai ang nwnw rwnai, ani hani bagnwini bagsa naikhaibw ang rwnai."
24Aiphuo o birok basa phatarw thangwi bomanw swngkha, "Ang tamanw bithai?"
Boma bwnw sakha, "Baptismo rwnai Johonni bokhorok bidi."
25O birok basa aiphuo loge loge bugra Herodnw thangwi saitangkha, "Mairang dayw ang tabok baptismo rwnai Johonni bokhorok nayw."
26I koknw khanawi bugra Herod kabangma dugu mankha, matwr panani naroai rokni sakangw baiko rwjak thani bw o birokbasani koknw philwi rwni nailiya. 27-28Bw aiphuo kaisa baruanw Johonni bokhorok tanwi mairang kwrwngsagw twbwgwi phaidi hinwi tholkha. O barua along bisingw thangwi Johonni bokhorok tanwi baswn kwrwngsa dayw twbwgwi bugranw rwphaikha. Bugra o birok basanw rwkha bw thangwi bomanw rwkha. 29I kothonw khanagwi Johonni sagrirok phaywi bini basaknw lagwi mangkhorw phubkha.
Sai ba borogroknw charwmani
(Mothi 14:13-21; Luk 9:10-17; Johon 6:1-14)
30Jisu je sagriroknw hojak bok philwi phailaikha tei tama tama khalaijak arw phwrwngjak obwroknw Bwnw jotho saphaika. 31O joragw kodur borogrok thang phai onglaidok thani, bok mwngsachwk chani jobw manliya. Obwni bagwi Jisu boknw sakha, "Nokh angbai baksa kwrwngsachwk phwrwk pharak jegao phaywi rangsa lengkhodi."
32Aithani bokni bai bok rung khungsabai kwrwngsa phwrwk pharak jegao thangkha. 33Matwr boknw thangmani nungwi kodur borogrok boknw sinikha arw kore kara kamini borogrok khalwi thangwi bokni sakangw odayw suilaikha. 34Jephuni Jisu rungni akhogwi kabangma borog nungkha, aiphuo bokni bagwi Bini kha yokkha. Twmwi hinba bok bengnai kwrwi mera jakni kosol ongjak. Jisu boknw kabangma kothoyw phwrwngni nangkha.
35Jephuo sal thandok aiphuo sagrirok Jisunw sakha, "I jega phwrwk pharak jar, salbw thandok. 36Kore karani khambar rogw tei kamirogw thangwi bokni sakni bagwi chamwng paimannaitwi boknw hamalai rwgwi hodi."
37Jisu boknw sakha, "Nokhse boknw charwdi."
Bini sagrirok Bwnw sakha, "Chwng thangwi khok ra nwi dinarni auan paywi twbwgwi boknw charwni?"
38Jisu sakha, "Nokhni dayw auan bwswk tong thangwi naidi."
Bini sagrirok rutubwi, phaywi sakha, "Oan lebba arw aa maknwi tongw."
39Aiphuo Jisu Bini sagriroknw tholkha jotho borogroknw jabara sakao achukrwdi hinwi. 40Borogrok rasa arw bachi khalaywi buthup buthup achuklaikha. 41Jisu o auan lebba tei aa maknwi lagwi chukha aita naikhogwi hambai rwkha, arw borogroknw rwni bagwi auan sapaywi sagrirokni yagw rwkha. Arai khalaywi Bw jothonw aa nwbw bagwi rwkha. 42Bok jothobw owk plwngsa chalaikha. 43Jerw sagrirok auan tei aa bara turoknai roknw thumwi, krwng chinwi khoparagw swplwngkha. 44Jebwrok chalaijak bokni bisingw chalarokni remthai tongw sai ba.
Jisu twi sakagw himmani
(Mothi 14:22-36; Johon 6:15-21)
45Jisu obwni jerw sagri roknw Bini naikhalai sakangw rungw kagwi twithuni uijang narw Bwitsoda kamio thangdi hinwi tholkha. Ijang Bw borogroknw hamalai rwgwi honi nangkha. 46Borogroknw hamalai rwgwi Jisu suri sanni bagwi hapongw thangkha. 47Jephuo hor ongkha aiphuo sagrirokni rung twithuni kacharw tongw tei Jisu saichong hakongw tongw. 48Jisu nungkha nobar ulta aita thangdok thani Bini sagrirok rung chokni bagwi kabangma tekto khalaidok. Aichuk aita Jisu twithu sakatwi himwi sagrirokni koreo phaikha tei bokni naikhalai sakang sakang thangni naikha. 49Sagrirok Bwnw twithu sakagw himmani nungwi matai hinwi bakha kagwi chirikhoklaikha. 50Twmwi hinba Bwnw nungwi jotho kirilaikha.
Jisu aiphuo sagri rokbai kok sakha. Bw boknw hinkha, "Ta kiridi, kha rakdi, Ang Jisu,"
51Jisu sagrirokni rungw kaithangkha, loge loge nobar bathakkha. Obwnw nungwi sagrirok amok chalaikha. 52Twmwi hinba aguo auan charwnai tolpinwbw bok bjimanjiya, aiphuo bokni kha karak ongjak.
53Jisu bai Bini sagrirok twithunw balwi Ginesorot aulio phaywi rung khaka. 54Bok rung daini akhonai loge loge borogrok Jisunw sini mankha. 55Bok o jilani jotho jegao khallaini nangkha arw jephini borogrok Jisu jedayw tong hinwi khana, odayw bok hayaroknw thuyambai akor o jegao tilangwi thangni nangkha.
56Jotho Aulio, kamio eba parao jedayw Bw thang, odaini borogrok hayaroknw twbwgwi hatiyw achuk rwphayw. Hayarok kisa Jisuni gadu buchoknw marumnaitwi hinwi bok Jisunw karab karabwi kabokgw, arw jebwrok Bwnw rumman bok jotho hamlayw.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh