Mark 12
12
Baga khalainai hachuarokni naisrwng
(Mothi 21:33-46; Luk 20:9-19)
1Aiphuo Jisu boknw naisrwngni bisingtwi phwrwngni nangkha. Bw sakha, "Borog kaisa uamtwi bari kwrwngsa khalaikha tei obonw kitingwi tengra dumkha. Jerw bw uamtwi bwtwi khalaini bagwi hakor khorsa chokkha tei mwrwknai nok kuchuk khungsa tangkha. Omo paikhlai bw hachua rokni dayw o barinw baga rwgwi buihao thangkha. 2Bathai khaknai jo ongkhalai bw o bathaini bagitano twbwi phaini bagwi kaisa selengnw o baga khalainai hachua rokni dayo hoka. 3Matwr o baga khalainai hachuarok o selengsanw rumwi bukhrulaiwi yak bwkcha philwi hoka. 4Aiphuo nophangsa arw kaisa selengnw bokni dayw hokha. Bok o selengsani bokhorokgw tokkha tei bwnw beborom khlaika. 5Hekphwng bw arw kaisanw hokha. O baga khalainai hachuarok bwnw buthalwi pairwkha. Jerw bw arw kabangma seleng hokha, matwr baga khalainai hachuarok bokni bisingni kaisa kainwinw bukha tukkha tei kaisa kainwinw buthalwise pairwkha.
6"Aiphuo oro honi bagwi bini khapangni sajlani bade arw kaisabw krwikha. Bw jothoni jerw basalanw hoka, Bw bakha kakha, 'Bok ani basanw sak nangnw.' 7Matwr o hachuarok sakni bisingw salaini nangkha, 'Imw silai ulo rang maini nophang ongnai. Himdi chwng bwnw buthalgana, iswkhlai chwng rang maini nophang ongnai.' 8Bok basalanw rumwi buthalwi pairwkha tei uamtwi barini phatarw khibiywi tongkha.
9"Halai sadi, uamtwi barini nophang tama khalainw? Bw phaywi o hachua roknw buthalwi pairwnai tei uamtwi barinw kotherokni yagw rwnai. 10Nokh tama kathar elembagw porejiya,
'Itangirirok yakhaknai holongse
jothoni naikhalai nangchuknai holong ongwi kasakha,
11Subraise imwnw khalaika,
arw obw chini mokolw aise amok chanaijar ongw.'?"
12Aiphuo o raida ojarok Jisunw rumni naikha, twmwi hinba bok bijikha, i naisrwngnw Jisu bokni baithe sakha. Matwr bok borog roknw kirigwi Jisunw yakarwi thanglaikha.
Ol rwnainw lagwi phwrwngma
(Mothi 22:15-22; Luk 20:20-26)
13Jerw o raida ojarok Jisunw Bini kokni khwiyw rumni bagwi kainwi kaitham Phorisi arw Herodiyo roknw hokha. 14Bok Jisuni dayw phaywi sakha, "Elim, chwng siyo nwng kaisa gam borog. Borog tama bakha kanw kaya, obwbai Nini mwngsabw thangya, twmwi hinba nwng kaisaswkni makhang naywi mwngsa khlaiya. Nwng daijw khalaywi Kaitorni lamani kothoyw phwrwngwi tongw. Tabok Nwng sadi, Mosini kerongni maping Rom habugranw ta ol rwthai kalaio? 15Chwng tama bwnw ol rwthai kalayw?"
Jisu bokni phatranw bijiywi sakha, "Nokh tani Anw bajai naidok? Anw pwisa lepsa twbwgwi phunukdi."
16Bok pwisa lepsa twbwi phaiklai Jisu boknw swngkha, "I pwisa sakani mangpli tei bumung swrwni?"
Bok sakha, "Koisorni."
17Jisu boknw sakha, "Jebw Koisorni obwnw Koisornw rwdi, tei jebw Kaitorni obwnw Kaitornw rwdi." Jisuni o kokbai bok jotho amok chalaikha.
Teisakthangni kothoyw phwrwngma
(Mothi 22:23-33; Luk 20:27-40)
18Kainwi kaitham Soddukirok swngmwng swngni bagwi Jisuni dayw phailaikha. Soddukirokni maping teisakthang hinwi mwngsabw kwrwi. Obwni bagwi bok Jisunw swngkha, 19"Elim, Mosi chini bagwi i koknw suiywi thangjak je, kaisaswk chala jwtini bwrwi kalangwi basa kwrwi bade thwiywi thangw, hinkhlai o borogsani takhuk bini takhukni birinw malanai tei takhokni ongwi basa malanai. 20Gam, rumdi bok takhusini tongw. Jothoni okara bwrwi lagwi basa kwrwibai thwywi thangkha. 21Aiphuo bini jerwni takhuk batani randi bihinw lakha, matwr bwbw basa kwrwi bader thwywi thangkha. Bini tharem takhuk baibw arai ongkha. 22Arai khlayoi takhusini daini kaisanibw basa bwtwi ongliya. Jerw o birimabw thwywi thangkha. 23Halai teisakthangni salw bw swrwni bihi ongnai? Twmwi hinba takhuk snibw bwnw lajak."
24Jisu joba rwkha, "Nokh tatal khlaidok, twmwi hinba nokh elembak siya tei Kaitorni pharanni kothoywbw siya. 25Thwijakrok jephuo thangwi bachanw eiphuo bok lalaigalak arw kaibw kaijagalak, bok chukna hani suarirokni kosol ongnai. 26Tabok nokh kwthwirokni kathang ongwi kasanai lagwi swngdok. Mosini bijabw suijak chwngnai juburni koknw ta nokh porejiya? Kaitor Mosinw sajak, 'Ang Abrahamni Kaitor, Isohakni Kaitor tei Jakobni Kaitor.' 27Kaitorlai thwijakrokni Kaitorya bele, Bwlai kathangrokni Kaitorse. Nokh bari tatal khalaidok."
Jothoni naikhlai gara tholma
(Mothi 22:34-40)
28Odayo kaisa raida phwrwngnai phaywi bokni kok salaimaninw khana phaikha. Jisu taindrwp joba rwjak omonw naichumwi bw Bwnw swngkha, "Mosi rwnai tholmwng daini jothoni naikhalai nangru tholmwng bwbw?"
29Jisu joba rwka, "Jothoni naikhalai nangru tholmwng ongkha, 'Khanadi, Israelrok, Subraise chini Kaitor, Subrai keber kaisase. 30Nokh nokhni jotho kha, jotho singli, jotho bwkha tei jotho pharanbai Subrai Kaitornw hamjakdi.' 31Tei jerwni nangru thwlmwng ongkhadwi ibw, 'Nini nokarinw nini sakni kosol hamjakdi.' I kwrwngnwi tholmwngni bade arw gara tholmwng kwrwi."
32Eiphuo o raida phwrangsa sakha, "Elim, gam kok. Nwng kwbwi kokse sakha, Kaitor kaisa tei Bini bader arw kaisabw Kaitor kwrwi. 33Tei jotho khabai, jotho bujubai arw jotho pharanbai Bwnw hamjaknai tei nokarinw sakni kosol hamjaknai, imw jotho miya misi dali arw jatejar usrinaini solaibw gara."
34Jisu jephuo nungkha o raida phwrwngnaisa bujuganangni kosol joba rwkha aiphuo Bw bwnw sakha, "Kaitorni hayung daini nwng arw iswk chalya." Obwni jerw Jisunw arw mwngsaswk kok swngnani kaisabw kharakliya.
Mosiho swrwni basala?
(Mothi 22:41-23:36; Luk 11:37-52; 20:41-47)
35Jisu noktharni kholagw phwrwngnai joragw swngkha, "Kerongnal phwrangsa rok barai khalaywi sa Mosiho Dayudni basa? 36Dayudlai kathar phalabai twiduljagwi sajak,
'Subrayung ani Subrainw sakha,
Nini kena roknw Ang nini yathwi tolagw tonyasak
Nwng Ani yagara aita achukdi.'
37Arw Dayud bw sakse Mosihonw Subrai hinw, halai Mosiho barai khalaywi bini basa ongkha? Odayw alok borog tongthokmabai Jisuni koknw khanalaidok.
38Phwrwngtwi phwrwngtwi Jisu sakha, "Kerongnal phwrangsa rokni daini hus khai tongdi. Bok kalok kalok ri chum chumwi bereni gam manjagw tei hatirogw borom manni hamjagw. 39Bok thumnogw jothoni solai nangrunai khamplaiyw arw pana rogw borom ganang jegao achukni hamjagw. 40Tei bok borogroknw phunukni bagwi kalok khalaywi suri sanw, ijang matwr bok randirokni rang mainw swywi lagw. Araijar borogni kabangma senji ongnai."
Biyal randi chwngmani ruai
(Luk 21:1-4)
41Salsa Jisu noktharni ruai bakso koreo achogwi borogrokni rang pwisa rwmaninw naichwmwi tongkha. Alok ganang borog kabang kabang rang pwisa rwkha. 42Jerw kaisa bigra randi jwkma phaywi pitwlni pwisa lepnwi rwkha jeba rang khoksanibw kisa.
43Aiphuo Jisu Bini sagri roknw ringkhogwi sakha, "Ang nokhnw daijw sadok, I bigra randi jwkma jothoni naikhalai kabang ruai i ruai baksogw rwkha. 44Twmwi himba bok bokni kabangma rang mai daini ruai rwkha, matwr i birimani biyal tongphaphw hayungo tongnani bagwi bini jeswk tong jotho rwgwi rwkha."
ទើបបានជ្រើសរើសហើយ៖
Mark 12: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh
Mark 12
12
Baga khalainai hachuarokni naisrwng
(Mothi 21:33-46; Luk 20:9-19)
1Aiphuo Jisu boknw naisrwngni bisingtwi phwrwngni nangkha. Bw sakha, "Borog kaisa uamtwi bari kwrwngsa khalaikha tei obonw kitingwi tengra dumkha. Jerw bw uamtwi bwtwi khalaini bagwi hakor khorsa chokkha tei mwrwknai nok kuchuk khungsa tangkha. Omo paikhlai bw hachua rokni dayw o barinw baga rwgwi buihao thangkha. 2Bathai khaknai jo ongkhalai bw o bathaini bagitano twbwi phaini bagwi kaisa selengnw o baga khalainai hachua rokni dayo hoka. 3Matwr o baga khalainai hachuarok o selengsanw rumwi bukhrulaiwi yak bwkcha philwi hoka. 4Aiphuo nophangsa arw kaisa selengnw bokni dayw hokha. Bok o selengsani bokhorokgw tokkha tei bwnw beborom khlaika. 5Hekphwng bw arw kaisanw hokha. O baga khalainai hachuarok bwnw buthalwi pairwkha. Jerw bw arw kabangma seleng hokha, matwr baga khalainai hachuarok bokni bisingni kaisa kainwinw bukha tukkha tei kaisa kainwinw buthalwise pairwkha.
6"Aiphuo oro honi bagwi bini khapangni sajlani bade arw kaisabw krwikha. Bw jothoni jerw basalanw hoka, Bw bakha kakha, 'Bok ani basanw sak nangnw.' 7Matwr o hachuarok sakni bisingw salaini nangkha, 'Imw silai ulo rang maini nophang ongnai. Himdi chwng bwnw buthalgana, iswkhlai chwng rang maini nophang ongnai.' 8Bok basalanw rumwi buthalwi pairwkha tei uamtwi barini phatarw khibiywi tongkha.
9"Halai sadi, uamtwi barini nophang tama khalainw? Bw phaywi o hachua roknw buthalwi pairwnai tei uamtwi barinw kotherokni yagw rwnai. 10Nokh tama kathar elembagw porejiya,
'Itangirirok yakhaknai holongse
jothoni naikhalai nangchuknai holong ongwi kasakha,
11Subraise imwnw khalaika,
arw obw chini mokolw aise amok chanaijar ongw.'?"
12Aiphuo o raida ojarok Jisunw rumni naikha, twmwi hinba bok bijikha, i naisrwngnw Jisu bokni baithe sakha. Matwr bok borog roknw kirigwi Jisunw yakarwi thanglaikha.
Ol rwnainw lagwi phwrwngma
(Mothi 22:15-22; Luk 20:20-26)
13Jerw o raida ojarok Jisunw Bini kokni khwiyw rumni bagwi kainwi kaitham Phorisi arw Herodiyo roknw hokha. 14Bok Jisuni dayw phaywi sakha, "Elim, chwng siyo nwng kaisa gam borog. Borog tama bakha kanw kaya, obwbai Nini mwngsabw thangya, twmwi hinba nwng kaisaswkni makhang naywi mwngsa khlaiya. Nwng daijw khalaywi Kaitorni lamani kothoyw phwrwngwi tongw. Tabok Nwng sadi, Mosini kerongni maping Rom habugranw ta ol rwthai kalaio? 15Chwng tama bwnw ol rwthai kalayw?"
Jisu bokni phatranw bijiywi sakha, "Nokh tani Anw bajai naidok? Anw pwisa lepsa twbwgwi phunukdi."
16Bok pwisa lepsa twbwi phaiklai Jisu boknw swngkha, "I pwisa sakani mangpli tei bumung swrwni?"
Bok sakha, "Koisorni."
17Jisu boknw sakha, "Jebw Koisorni obwnw Koisornw rwdi, tei jebw Kaitorni obwnw Kaitornw rwdi." Jisuni o kokbai bok jotho amok chalaikha.
Teisakthangni kothoyw phwrwngma
(Mothi 22:23-33; Luk 20:27-40)
18Kainwi kaitham Soddukirok swngmwng swngni bagwi Jisuni dayw phailaikha. Soddukirokni maping teisakthang hinwi mwngsabw kwrwi. Obwni bagwi bok Jisunw swngkha, 19"Elim, Mosi chini bagwi i koknw suiywi thangjak je, kaisaswk chala jwtini bwrwi kalangwi basa kwrwi bade thwiywi thangw, hinkhlai o borogsani takhuk bini takhukni birinw malanai tei takhokni ongwi basa malanai. 20Gam, rumdi bok takhusini tongw. Jothoni okara bwrwi lagwi basa kwrwibai thwywi thangkha. 21Aiphuo bini jerwni takhuk batani randi bihinw lakha, matwr bwbw basa kwrwi bader thwywi thangkha. Bini tharem takhuk baibw arai ongkha. 22Arai khlayoi takhusini daini kaisanibw basa bwtwi ongliya. Jerw o birimabw thwywi thangkha. 23Halai teisakthangni salw bw swrwni bihi ongnai? Twmwi hinba takhuk snibw bwnw lajak."
24Jisu joba rwkha, "Nokh tatal khlaidok, twmwi hinba nokh elembak siya tei Kaitorni pharanni kothoywbw siya. 25Thwijakrok jephuo thangwi bachanw eiphuo bok lalaigalak arw kaibw kaijagalak, bok chukna hani suarirokni kosol ongnai. 26Tabok nokh kwthwirokni kathang ongwi kasanai lagwi swngdok. Mosini bijabw suijak chwngnai juburni koknw ta nokh porejiya? Kaitor Mosinw sajak, 'Ang Abrahamni Kaitor, Isohakni Kaitor tei Jakobni Kaitor.' 27Kaitorlai thwijakrokni Kaitorya bele, Bwlai kathangrokni Kaitorse. Nokh bari tatal khalaidok."
Jothoni naikhlai gara tholma
(Mothi 22:34-40)
28Odayo kaisa raida phwrwngnai phaywi bokni kok salaimaninw khana phaikha. Jisu taindrwp joba rwjak omonw naichumwi bw Bwnw swngkha, "Mosi rwnai tholmwng daini jothoni naikhalai nangru tholmwng bwbw?"
29Jisu joba rwka, "Jothoni naikhalai nangru tholmwng ongkha, 'Khanadi, Israelrok, Subraise chini Kaitor, Subrai keber kaisase. 30Nokh nokhni jotho kha, jotho singli, jotho bwkha tei jotho pharanbai Subrai Kaitornw hamjakdi.' 31Tei jerwni nangru thwlmwng ongkhadwi ibw, 'Nini nokarinw nini sakni kosol hamjakdi.' I kwrwngnwi tholmwngni bade arw gara tholmwng kwrwi."
32Eiphuo o raida phwrangsa sakha, "Elim, gam kok. Nwng kwbwi kokse sakha, Kaitor kaisa tei Bini bader arw kaisabw Kaitor kwrwi. 33Tei jotho khabai, jotho bujubai arw jotho pharanbai Bwnw hamjaknai tei nokarinw sakni kosol hamjaknai, imw jotho miya misi dali arw jatejar usrinaini solaibw gara."
34Jisu jephuo nungkha o raida phwrwngnaisa bujuganangni kosol joba rwkha aiphuo Bw bwnw sakha, "Kaitorni hayung daini nwng arw iswk chalya." Obwni jerw Jisunw arw mwngsaswk kok swngnani kaisabw kharakliya.
Mosiho swrwni basala?
(Mothi 22:41-23:36; Luk 11:37-52; 20:41-47)
35Jisu noktharni kholagw phwrwngnai joragw swngkha, "Kerongnal phwrangsa rok barai khalaywi sa Mosiho Dayudni basa? 36Dayudlai kathar phalabai twiduljagwi sajak,
'Subrayung ani Subrainw sakha,
Nini kena roknw Ang nini yathwi tolagw tonyasak
Nwng Ani yagara aita achukdi.'
37Arw Dayud bw sakse Mosihonw Subrai hinw, halai Mosiho barai khalaywi bini basa ongkha? Odayw alok borog tongthokmabai Jisuni koknw khanalaidok.
38Phwrwngtwi phwrwngtwi Jisu sakha, "Kerongnal phwrangsa rokni daini hus khai tongdi. Bok kalok kalok ri chum chumwi bereni gam manjagw tei hatirogw borom manni hamjagw. 39Bok thumnogw jothoni solai nangrunai khamplaiyw arw pana rogw borom ganang jegao achukni hamjagw. 40Tei bok borogroknw phunukni bagwi kalok khalaywi suri sanw, ijang matwr bok randirokni rang mainw swywi lagw. Araijar borogni kabangma senji ongnai."
Biyal randi chwngmani ruai
(Luk 21:1-4)
41Salsa Jisu noktharni ruai bakso koreo achogwi borogrokni rang pwisa rwmaninw naichwmwi tongkha. Alok ganang borog kabang kabang rang pwisa rwkha. 42Jerw kaisa bigra randi jwkma phaywi pitwlni pwisa lepnwi rwkha jeba rang khoksanibw kisa.
43Aiphuo Jisu Bini sagri roknw ringkhogwi sakha, "Ang nokhnw daijw sadok, I bigra randi jwkma jothoni naikhalai kabang ruai i ruai baksogw rwkha. 44Twmwi himba bok bokni kabangma rang mai daini ruai rwkha, matwr i birimani biyal tongphaphw hayungo tongnani bagwi bini jeswk tong jotho rwgwi rwkha."
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh