Mark 1
1
Subrai Jisunw lagwi Johonni pirnai
(Mothi 3:1-12; Luk 3:1-17; Johon 1:19-28)
1Kaitorni Sajla Jisu Khristoni kothoma chengma.
2Diyari Jisayoni bijabw Kaitor sanai i kok suijak tongw,
"Naidi, Ang Nini sakangw Ani koktwinainw hodok.
Bw Nini sakangw thangwi Nini lama jugalnw.
3Panthwrw chirigwi kaisa sadok,
'Nokh Subraini lama jugaldi.
Arw Bini lamanw uju khalaidi.'"
4O kokni maping baptismo rwnai Johon panthwr jilao thangwi borogroknw baptismo rwkha arw bokni dayw ai hinwi pirni nangkha, sumsokni nakarma manni bagwi sumsok daini kha phirokdi tei baptismo ladi. 5Obwnw khanagwi Jihudiya amchoi bai Jirusalem aulini jotho borogrok akhogwi Johonni dayw phailaini nangkha. Bok jephuo bokni sakni sumsoknw goseywi lakha ephuo Johon boknw Jordon twibukgw baptismo rwkha.
6Johon ut bwkhwmwbai banainai ri kanw arw bachangw mwikurni changdok kanw. Bw koukgara bai bolongni pwriya bwtwi chagw. 7Bw borogrokni dayw ai hinwi pirkha, "Ani jerw kaisa phaidok Bw ani naywibw pharan ganang. Ang yesu mokromwi Bini yakhlungni budok khengnibw chogya. 8Anglai nokhnw twibaise baptismo rwgw, matwr Bw nokhnw phala kathar bai baptismo rwnai."
Jisu baptismo lakha
(Mothi 3:13-4:11; Luk 3:21-22; 4:1-13)
9Salsa Jisu Galil amchoini Nasarot kami daini phaywi Johonni orw Jordon twibukgw baptismo lakha. 10Jisu Jordon twibuk daini kasagwi phaiphini nungjakha, nokha bagnwi ongwi thangkha arw Phala Kathar pharukni kosol khalaiywi Bini dayw akhogwi phaidok. 11O jorao chukna hani i kok khanaka, "Nwng Ani khajani Sajla, Ang nwngbai khachangkha."
12Aiphuo Phala Katharni twidulmabai Jisu panthwrw mathangkha. 13Jisu panthwrw sal brwichi jora saitanbai bajeywi naijakha, odayw Jisu bolongni miyamisibai baksa tongkha arw suarirok phaywi Bwnw mwngkha.
Subrai Jisu bini sagriroknw ringkhomani
(Mothi 4:12-22; Luk 4:14,15; 5:1-11)
14Johon alongw chubjanai jerw Jisu Galil amchoyo phaywi Kaitor rwnai kothomanw pirni nangkha. 15Jisu sakha, "Jo ongkha, Kaitorni auar koreyw phaywi paikha. Nokh sumsok daini bakha phirokdi tei i kothomanw paitokdi."
16Oaisa Jisu Galil twithuni koretwi thangdok. Ephugw Bw Simon bai bini takhuk Andriyonw twithugw jal karmani nungkha, twmwi hinba bok kainwibw jalua. 17Jisu boknw hinkha, "Ani ukhum ukhum phaidi. Ang nokhnw borog rumnai#1:17 borog rumnai I kokbai Jisu borokroknw Bini kok sagwi Bini lamw twiphaini bagwi samani. Aithani Bw sakha Bini borog rumnai jalua ongdi. jalua khalainw." 18Aiphuo bok bokni yakni jal khibiywi Jisubai baksa baksa thangkha.
19Odaini kisa kachalw thangwi Bw Sibdiyoni basala chalaknwi Jakob bai Johonnw nungkha. Bok bokni rungw kagwi bokni jalnw salamlaidok. 20Jisu boknw nunghalai ringkhokha, ephugw bok bokni bopha Sibdiyonw mula tangnairok bai baksa rungw kalangwi Jisubai baksa thanglaikha.
Chaya phala rumjajak borogsa
(Luk 4:31-37)
21Jisu bai Bini sagrirok Kophornahum aulio thangkha. Lengkhonai salw Bw thumnogw#1:21 thumnogw Thumnok ongkha dwi Jihudirokni thumnok, phwrwngma rwnai, swrwng nai nok. thangwi phwrwngni nangkha. 22Jisu kerong elim rokni kosol phwrwng dokya hinwi, borogrok Bini phwrwngmanw nungwi amok chajalaikha. Twmwi hinba jebwni bagurai tong o borogni kosol Jisu phwrwngdok.
23O joragw chaya phala bai manjajak borog kaisa o thumnok bisingw tongw. Bw chirigwi sakha, 24"O Nasorotni Jisu, Nwng chini daini ta nai? Nwng ta chwnw nachra khalainidwi phai? Ang siyw Nwng swrw, Nwnglai Kaitorni o kathar borog."
25Ephugw o chaya pholanw Jisu daisa rwgwi sakha, "Phwrwk ong, bini bisingni akhogwi thang."
26Aiphuni o borogsanw chaya phala rumwi setrakha arw chirikgwi bini bisingni akhogwi thangkha. 27Obwnw nungwi borogrok amok chajalaiywi bokni bai bok salaini nangkha, "Imwrok tama? I bagurai kwplwng katal katal phwrwngmarok phwng tama? Chaya phalarok hoda Bini koknw makhanagw."
28Obwbai Galil amchoini churok jagao Jisuni kok saljakha.
Subrai Jisu kodur borogroknw hamrwkha
(Mothi 8:14-17; Luk 4:38-41)
29Ulo Jisu thumnokni akhogwi, Jakob bai Johonnw logeyw lagwi Simon tei Andriyoni nogw thangkha. 30Simonni bakrajwk lumwi thuyamw rokogwi tongjak. Jisu phaihalai Simonni bakrajwkni koknw Bwnw sakha. 31Ephugw Jisu Bini koreyo thangwi yak rumwi bwnw tisakha. Obwbai Simonni bakrajwkni kulum hamwi thangkha arw bw bokni bagwi chamwng nwngmwng jugalni nangkha.
32O salni sari aita sal kwlwgwi paikhalai borogrok haya tei chaya phalabai rumjajak borogroknw Jisuni dayw twkha. 33Arw aulini borogrok ephugw Simonni nokni duar sakangw phaywi cherep onglaikha. 34Orw Jisu kabangma hayaroknw hamrwkha jebwrokni jatejar haya ongjak tei chaya phalabai manjajak kabangma borogrokni daini chaya phala kariywi hoka. Bw chaya pholaroknw kok sani rwniya, twmwi hinba chaya pholarok siyw Bw swrw.
Jisu surini bagwi siring siring jegao thangkha
35Jerwni phurungw huaiyakho suni Jisu bachagwi kwrwngsa siring siring jegao thangwi surini nangkha. 36-37Simon arw bwbai baksa tongnai borogrok Jisunw naitublaikha. Jerw naitubwi manwi bok Bwnw hinba, "Churok Nwnw naitublaidok."
38Jisu boknw sakha, "Himdi, chwng kore karani kamio thangnw, Ang orwbw pirmanaitwi. Twmwi hinba obwni bagwito Ang phayw." 39Arai khalaywi Jisu Galil amchoini jotho jegao Jihudirokni thumnogw thangwi pirkha arw chaya pholaroknw akhorwkha.
kuriya kaphajak kaisa hamkha
(Mothi 8:1-4; Luk 5:12-16)
40Jerw kuriya kaphajak kaisa Jisuni koreyw phaywi yesu mokromwi Bwnw kabogwi sakha, "Nwng naikhlai anw hamrwmanw."
41Jisu o borogsanw khakhamwi bini basagw yak rwgwi hinkha, "Ang obwnw nayw, nwng hamdi." 42Aiphugw bini basakni kuriya kaphajak gam ongwi thangkha.
43-44Matwr Jisu bwnw mwitwk khalaywi sagwi hokha, "Khanadi, i koknw kaisanwbw tasadi. Nwng chontaini dayw thangwi saknw phunukdi arw hamkha hinwi sijakni bagwi Mosi jekhalaywi usridi hinjak bwtwijar khalaywi usiridi. Bwbai nwng gam ongkha hinwi ochairok sinw."
45O borogsa matwr churok jegao thangwi i kothonw swplwngni nangkha. Bini bagwi Jisu aguni kosol jarang jarang khalaywi thangmaniya. Matwr phatarni siring siring jegao tongkha, orwbw churok aitani borogrok bini dayw phaini nangkha.
ទើបបានជ្រើសរើសហើយ៖
Mark 1: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh
Mark 1
1
Subrai Jisunw lagwi Johonni pirnai
(Mothi 3:1-12; Luk 3:1-17; Johon 1:19-28)
1Kaitorni Sajla Jisu Khristoni kothoma chengma.
2Diyari Jisayoni bijabw Kaitor sanai i kok suijak tongw,
"Naidi, Ang Nini sakangw Ani koktwinainw hodok.
Bw Nini sakangw thangwi Nini lama jugalnw.
3Panthwrw chirigwi kaisa sadok,
'Nokh Subraini lama jugaldi.
Arw Bini lamanw uju khalaidi.'"
4O kokni maping baptismo rwnai Johon panthwr jilao thangwi borogroknw baptismo rwkha arw bokni dayw ai hinwi pirni nangkha, sumsokni nakarma manni bagwi sumsok daini kha phirokdi tei baptismo ladi. 5Obwnw khanagwi Jihudiya amchoi bai Jirusalem aulini jotho borogrok akhogwi Johonni dayw phailaini nangkha. Bok jephuo bokni sakni sumsoknw goseywi lakha ephuo Johon boknw Jordon twibukgw baptismo rwkha.
6Johon ut bwkhwmwbai banainai ri kanw arw bachangw mwikurni changdok kanw. Bw koukgara bai bolongni pwriya bwtwi chagw. 7Bw borogrokni dayw ai hinwi pirkha, "Ani jerw kaisa phaidok Bw ani naywibw pharan ganang. Ang yesu mokromwi Bini yakhlungni budok khengnibw chogya. 8Anglai nokhnw twibaise baptismo rwgw, matwr Bw nokhnw phala kathar bai baptismo rwnai."
Jisu baptismo lakha
(Mothi 3:13-4:11; Luk 3:21-22; 4:1-13)
9Salsa Jisu Galil amchoini Nasarot kami daini phaywi Johonni orw Jordon twibukgw baptismo lakha. 10Jisu Jordon twibuk daini kasagwi phaiphini nungjakha, nokha bagnwi ongwi thangkha arw Phala Kathar pharukni kosol khalaiywi Bini dayw akhogwi phaidok. 11O jorao chukna hani i kok khanaka, "Nwng Ani khajani Sajla, Ang nwngbai khachangkha."
12Aiphuo Phala Katharni twidulmabai Jisu panthwrw mathangkha. 13Jisu panthwrw sal brwichi jora saitanbai bajeywi naijakha, odayw Jisu bolongni miyamisibai baksa tongkha arw suarirok phaywi Bwnw mwngkha.
Subrai Jisu bini sagriroknw ringkhomani
(Mothi 4:12-22; Luk 4:14,15; 5:1-11)
14Johon alongw chubjanai jerw Jisu Galil amchoyo phaywi Kaitor rwnai kothomanw pirni nangkha. 15Jisu sakha, "Jo ongkha, Kaitorni auar koreyw phaywi paikha. Nokh sumsok daini bakha phirokdi tei i kothomanw paitokdi."
16Oaisa Jisu Galil twithuni koretwi thangdok. Ephugw Bw Simon bai bini takhuk Andriyonw twithugw jal karmani nungkha, twmwi hinba bok kainwibw jalua. 17Jisu boknw hinkha, "Ani ukhum ukhum phaidi. Ang nokhnw borog rumnai#1:17 borog rumnai I kokbai Jisu borokroknw Bini kok sagwi Bini lamw twiphaini bagwi samani. Aithani Bw sakha Bini borog rumnai jalua ongdi. jalua khalainw." 18Aiphuo bok bokni yakni jal khibiywi Jisubai baksa baksa thangkha.
19Odaini kisa kachalw thangwi Bw Sibdiyoni basala chalaknwi Jakob bai Johonnw nungkha. Bok bokni rungw kagwi bokni jalnw salamlaidok. 20Jisu boknw nunghalai ringkhokha, ephugw bok bokni bopha Sibdiyonw mula tangnairok bai baksa rungw kalangwi Jisubai baksa thanglaikha.
Chaya phala rumjajak borogsa
(Luk 4:31-37)
21Jisu bai Bini sagrirok Kophornahum aulio thangkha. Lengkhonai salw Bw thumnogw#1:21 thumnogw Thumnok ongkha dwi Jihudirokni thumnok, phwrwngma rwnai, swrwng nai nok. thangwi phwrwngni nangkha. 22Jisu kerong elim rokni kosol phwrwng dokya hinwi, borogrok Bini phwrwngmanw nungwi amok chajalaikha. Twmwi hinba jebwni bagurai tong o borogni kosol Jisu phwrwngdok.
23O joragw chaya phala bai manjajak borog kaisa o thumnok bisingw tongw. Bw chirigwi sakha, 24"O Nasorotni Jisu, Nwng chini daini ta nai? Nwng ta chwnw nachra khalainidwi phai? Ang siyw Nwng swrw, Nwnglai Kaitorni o kathar borog."
25Ephugw o chaya pholanw Jisu daisa rwgwi sakha, "Phwrwk ong, bini bisingni akhogwi thang."
26Aiphuni o borogsanw chaya phala rumwi setrakha arw chirikgwi bini bisingni akhogwi thangkha. 27Obwnw nungwi borogrok amok chajalaiywi bokni bai bok salaini nangkha, "Imwrok tama? I bagurai kwplwng katal katal phwrwngmarok phwng tama? Chaya phalarok hoda Bini koknw makhanagw."
28Obwbai Galil amchoini churok jagao Jisuni kok saljakha.
Subrai Jisu kodur borogroknw hamrwkha
(Mothi 8:14-17; Luk 4:38-41)
29Ulo Jisu thumnokni akhogwi, Jakob bai Johonnw logeyw lagwi Simon tei Andriyoni nogw thangkha. 30Simonni bakrajwk lumwi thuyamw rokogwi tongjak. Jisu phaihalai Simonni bakrajwkni koknw Bwnw sakha. 31Ephugw Jisu Bini koreyo thangwi yak rumwi bwnw tisakha. Obwbai Simonni bakrajwkni kulum hamwi thangkha arw bw bokni bagwi chamwng nwngmwng jugalni nangkha.
32O salni sari aita sal kwlwgwi paikhalai borogrok haya tei chaya phalabai rumjajak borogroknw Jisuni dayw twkha. 33Arw aulini borogrok ephugw Simonni nokni duar sakangw phaywi cherep onglaikha. 34Orw Jisu kabangma hayaroknw hamrwkha jebwrokni jatejar haya ongjak tei chaya phalabai manjajak kabangma borogrokni daini chaya phala kariywi hoka. Bw chaya pholaroknw kok sani rwniya, twmwi hinba chaya pholarok siyw Bw swrw.
Jisu surini bagwi siring siring jegao thangkha
35Jerwni phurungw huaiyakho suni Jisu bachagwi kwrwngsa siring siring jegao thangwi surini nangkha. 36-37Simon arw bwbai baksa tongnai borogrok Jisunw naitublaikha. Jerw naitubwi manwi bok Bwnw hinba, "Churok Nwnw naitublaidok."
38Jisu boknw sakha, "Himdi, chwng kore karani kamio thangnw, Ang orwbw pirmanaitwi. Twmwi hinba obwni bagwito Ang phayw." 39Arai khalaywi Jisu Galil amchoini jotho jegao Jihudirokni thumnogw thangwi pirkha arw chaya pholaroknw akhorwkha.
kuriya kaphajak kaisa hamkha
(Mothi 8:1-4; Luk 5:12-16)
40Jerw kuriya kaphajak kaisa Jisuni koreyw phaywi yesu mokromwi Bwnw kabogwi sakha, "Nwng naikhlai anw hamrwmanw."
41Jisu o borogsanw khakhamwi bini basagw yak rwgwi hinkha, "Ang obwnw nayw, nwng hamdi." 42Aiphugw bini basakni kuriya kaphajak gam ongwi thangkha.
43-44Matwr Jisu bwnw mwitwk khalaywi sagwi hokha, "Khanadi, i koknw kaisanwbw tasadi. Nwng chontaini dayw thangwi saknw phunukdi arw hamkha hinwi sijakni bagwi Mosi jekhalaywi usridi hinjak bwtwijar khalaywi usiridi. Bwbai nwng gam ongkha hinwi ochairok sinw."
45O borogsa matwr churok jegao thangwi i kothonw swplwngni nangkha. Bini bagwi Jisu aguni kosol jarang jarang khalaywi thangmaniya. Matwr phatarni siring siring jegao tongkha, orwbw churok aitani borogrok bini dayw phaini nangkha.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh