Mothi 24
24
Jisu noktharni nachrani kothoyw sakha
(Mark 13:1-13; Luk 21:5-19)
1Jisu nokthar daini akhogwi thangdok, o jorao Bini sagrirok Bwnw noktharni nok kuchokroknw phunokni bagwi Bini dayw phaikha. 2Aiphuo Jisu boknw joba rwgwi sakha, "Nokh tama i nok kuchokroknw nungdok? Matwr Ang nokhnw daijw khlaywi sadok, idayw holong thaisani sakagw thaisa tongalak, churok nachra ongwi painw."
Paithak molni sidomrok
3Jerw jephuo Jisu Joipal Hapong sakagw achugwi tongjak aiphuo sagrirok phwrwk pharak khalaywi Bini dayw phaywi sakha, "Imwrok baiphuo ongnw chwnw sadi? Tei Nini phainai jo bai mol paithakni joni sidom baitinjar?"
4Jisu i koknw joba rwgwi boknw saba, "Chetwn tongdi, kaisabw nokhnw baneyatwi. 5Tamni hinba kodur borog Ani mwng lagwi phaywi sapainw, 'Angse Mosiho,' arw kabangma borogroknw banenw. 6Tei Jephuo nokh chobani kok arw chobani kotho khananw, naidi, aiphuo takiridi. Tamni hinba imwrok ongnai, matwr aiphuobw imw paithakyakho. 7Twmwi hinba dophani baithe dopha, arw auarni baithe auar choba rwlainai. Kodur jegao rat tei bangla ongnai. 8Matwr imwrok jotho tentrokmani chengmanise.
9"O molni borogrok dugu rwni bagwi nokhnw rumwi rwnw arw nokhnw buthalwi pairwnw. Ani bagwi borogrok nokhnw naslinw. 10Tei o molni kodur borog paitokmanw yakarwi thangnw, kaisa bai kaisa kenani yagw rumrwgwi rwnw, kaisa bai kaisa naislilainw. 11Kodur phatra diyari phaywi kodur borognw banenw. 12Khrima bangwi thanw thani kodur borogni hamjakma bari kisa ongwi thangnw. 13Matwr je paithak jora saknw thi tonnw bwse tekhokma mannw. 14Churok dopharokni dayw sathai rwni bagwi chukna hani kothoma jotho hayungw prijanw arw obwni jerw paithakni jo thaibuk ongnw.
Paithak salni belai tekto
(Mark 13:14-23; Luk 21:20-24)
15"Diyari Daniyelni bisingtwi i kok sajajak nokh kirimasincha manwi nungnai jebw antha ujirwgw obwnw kathar jegao tonjak, imwni kothoyw pokrenai borogsa bw bijithwk.#24:15 (Daniyel 11:31, 12:11) 16Aiphuo jebwrok Jihudiyao tong bok hapong aita khalwi thangthwk, 17kaisaswk jwtini bini nokni nukhungw tongkhalai bw nokni manwi lani bagwi tolagw ta akhothwk. 18Bariyw tongnai borogsa bwbw bini basakni ri lani bagwi philwi taphaithwk. 19Ephuo jebwrok oganang tei saganang bokni belai satok ongnw. 20Surimwng sandi, maising iba lengkhonai salw nokh khalni nangyatwi. 21Twmwi hinba aiphuo iswk tekto ongnw jebw hayung taknai jerwni jimin tabok jora ongjiya, tei imwrok oaisabw ongbw ongalak. 22O tektoni salroknw jwtini Kaitor kisa khalaywi rwyatilai, hai kaisabw kathang tongyamw. Matwr Bini saijak borog rokni bagwi Kaitor o salroknw kisa khalaywi rwnw. 23O jorao nokhnw jwtini kaisaswk sagw, 'naidi, Mosiho idayw, eba 'naidi, Mosiho udayw,' nokh tapaitokdi, 24tamni hinba aiphuo phatra Mosihorok tei phatra diyarirok akhonw kabangma amok amok chanai samung tangnai, pharikhlai Kaitorni saijak borogroknw bok baneni nainai. 25Naidi, Ang nokhnw aguni jimin jotho sagwi tonkha.
26"Obwni bagwi borogrok nokhnw sakhalai, 'Bw panthorw tongw,' nokh phatarw tathangdi. Naidi, 'Bw bisingni nugw tongw,' ta paitokdi. 27Thata jekhalaywi salka aitani jimin chiligwi salthang aita jora chiligwi thangw Borogni sajla phainaibw obwtwijar ongnw. 28Jedayw mangwda tongnw, odayw sikruk phaywi kuthumnw.
Borogni Sajla jekhalaywi phainw
(Mark 13:24-31; Luk 21:25-33)
29"O molni tentrokma paikhlai loge loge sal andar ongwi thangnw, talbw arw chwngalak, handugurirok nokha daini kagwi kalainw, nokhani jotho manwirok jangrojanw. 30Imtwijar jorao nokhao Borogni Sajlani sidom nungjaknw. Aiphuo hayungni jotho borog ramaywi karapnw jephuo bok Borogni Sajlanw kotor pharan tei lobmwng bai chumui bisingtwi phaimani nungnw. 31Kharang gara khalaywi bem pwrwngwi kanw tei o joragw Borogni sajla Bini suariroknw honw. O suarirok hayungni nar kwrwngsani jimin arw kwrwngsa nar jora jotho aitani Bini saijak borogroknw thumnw. 32"Dwrmw bophangnw naywi swrwngdi. Jephuo obwni bedek bopra kurui ongwi balai katal akho aiphuo nokh bijiywi manw je, tungbranai jo sokphaika. 33Obwtwijar khalaywi jephuo imwrok ongnw aiphuo nokh siywi ladi, Borogni Sajla koreo sokpaikha, omw tama duar koreywse sokpaikha. 34Ang nokhnw kwbwi sadok, imwrok jotho ongyasak i molni jotho borogrok thwigalak. 35Nokha tei hayung kwmwgwi thangnai, matwr Ani kok molbrum brum tongnai.
O joranw kaisabw siya
(Mark 13:32-37; Luk 17:26-30,34-36; Mothi 24:36-44)
36"Matwr o sal bai o jorani kok kaisabw siya, chukhani suarirokbw siya, Sajlabw siya keber Aphase siyw. 37"Nohoni molo jekhalaywi ongjak Borogni Sajla phainai molobw thi obwtwijar ongnw. 38Twilwmnai aguni salrokgwbw Noho rungtorw habyasak jora borogrok chalaijak nwnglaijak, lalaijak tei basa roknwbw kaijak. 39Jeswk jora twilwmwi phaywi jothonw kachokrwgwi tilangkha o jora bok mwngsabw bijiywi manlainiya. Borogni Sajlani phainaibw thi obwtwijar ongnw. 40Aiphuo kainwi borog harumw tongnw, kaisanw tilangnw, arw kaisanw tilangalak. 41Birokma kainwi jatagw thaichlwi suknw, kaisanw tilangjanw, arw kaisa tilangjalak.
42Obwni bagwi sagw, nokh hus tongdi, tamni hinba nokhni Subrai bw salw phainw obwnw nokh siya. 43Hekphwng nokh i koknw siywi ladi, nokni nophang jwtini sitilai baiphuo sikok phainw bw thuyagwi tongkhamw, sakni nogwbw sikoknw habni rwyamw. 44Obwni bagwi nokh jugalwise tongdi, tamni hinba nokh jephini Borogni Sajla phainai joni kothoyw oansok galak, o jorao Borogni Sajla phainw.
Paitokjuai ongni bagwi phwrwngma
(Luk 12:41-48)
45"O paitokjuai tei buju ganang seleng swrw, jebwnw bini nophangsa bini selengroknw thi joragw chamwng rwni tangdai rwjak. 46Jebwnw bini nophangsa phaywi paitokjuai khalaywi samung tangmani nungnw, o seleng hamsa! 47Nokhnw ang o daijw koknw sadok, nophangsa o selengnw bini jotho rangri naini tangdai rwnw. 48Matwr rumdi o seleng kikhiri, arw bw bakha bakhabai oansokkha, 'Ani nophang phaidogalak. 49O hamdal manphini bw bini kothe selengroknw buni rumkha tei kwphwirok bai chagwi nwngwi chuak nwngni nangkha. 50Matwr je sal, je jorani kok o seleng oansokglak, sibwsigalak, o salw o joragw bini nophang thaibuk ongnw. 51Aiphuo nophang bwnw gwdaknwi khalaywi tanwi phairwgwi phatrarokni bisingw bini hasthai thi khalainw. Orw borogrok karaplainw tei satokma bai bua bai bua oallainw.
ទើបបានជ្រើសរើសហើយ៖
Mothi 24: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh
Mothi 24
24
Jisu noktharni nachrani kothoyw sakha
(Mark 13:1-13; Luk 21:5-19)
1Jisu nokthar daini akhogwi thangdok, o jorao Bini sagrirok Bwnw noktharni nok kuchokroknw phunokni bagwi Bini dayw phaikha. 2Aiphuo Jisu boknw joba rwgwi sakha, "Nokh tama i nok kuchokroknw nungdok? Matwr Ang nokhnw daijw khlaywi sadok, idayw holong thaisani sakagw thaisa tongalak, churok nachra ongwi painw."
Paithak molni sidomrok
3Jerw jephuo Jisu Joipal Hapong sakagw achugwi tongjak aiphuo sagrirok phwrwk pharak khalaywi Bini dayw phaywi sakha, "Imwrok baiphuo ongnw chwnw sadi? Tei Nini phainai jo bai mol paithakni joni sidom baitinjar?"
4Jisu i koknw joba rwgwi boknw saba, "Chetwn tongdi, kaisabw nokhnw baneyatwi. 5Tamni hinba kodur borog Ani mwng lagwi phaywi sapainw, 'Angse Mosiho,' arw kabangma borogroknw banenw. 6Tei Jephuo nokh chobani kok arw chobani kotho khananw, naidi, aiphuo takiridi. Tamni hinba imwrok ongnai, matwr aiphuobw imw paithakyakho. 7Twmwi hinba dophani baithe dopha, arw auarni baithe auar choba rwlainai. Kodur jegao rat tei bangla ongnai. 8Matwr imwrok jotho tentrokmani chengmanise.
9"O molni borogrok dugu rwni bagwi nokhnw rumwi rwnw arw nokhnw buthalwi pairwnw. Ani bagwi borogrok nokhnw naslinw. 10Tei o molni kodur borog paitokmanw yakarwi thangnw, kaisa bai kaisa kenani yagw rumrwgwi rwnw, kaisa bai kaisa naislilainw. 11Kodur phatra diyari phaywi kodur borognw banenw. 12Khrima bangwi thanw thani kodur borogni hamjakma bari kisa ongwi thangnw. 13Matwr je paithak jora saknw thi tonnw bwse tekhokma mannw. 14Churok dopharokni dayw sathai rwni bagwi chukna hani kothoma jotho hayungw prijanw arw obwni jerw paithakni jo thaibuk ongnw.
Paithak salni belai tekto
(Mark 13:14-23; Luk 21:20-24)
15"Diyari Daniyelni bisingtwi i kok sajajak nokh kirimasincha manwi nungnai jebw antha ujirwgw obwnw kathar jegao tonjak, imwni kothoyw pokrenai borogsa bw bijithwk.#24:15 (Daniyel 11:31, 12:11) 16Aiphuo jebwrok Jihudiyao tong bok hapong aita khalwi thangthwk, 17kaisaswk jwtini bini nokni nukhungw tongkhalai bw nokni manwi lani bagwi tolagw ta akhothwk. 18Bariyw tongnai borogsa bwbw bini basakni ri lani bagwi philwi taphaithwk. 19Ephuo jebwrok oganang tei saganang bokni belai satok ongnw. 20Surimwng sandi, maising iba lengkhonai salw nokh khalni nangyatwi. 21Twmwi hinba aiphuo iswk tekto ongnw jebw hayung taknai jerwni jimin tabok jora ongjiya, tei imwrok oaisabw ongbw ongalak. 22O tektoni salroknw jwtini Kaitor kisa khalaywi rwyatilai, hai kaisabw kathang tongyamw. Matwr Bini saijak borog rokni bagwi Kaitor o salroknw kisa khalaywi rwnw. 23O jorao nokhnw jwtini kaisaswk sagw, 'naidi, Mosiho idayw, eba 'naidi, Mosiho udayw,' nokh tapaitokdi, 24tamni hinba aiphuo phatra Mosihorok tei phatra diyarirok akhonw kabangma amok amok chanai samung tangnai, pharikhlai Kaitorni saijak borogroknw bok baneni nainai. 25Naidi, Ang nokhnw aguni jimin jotho sagwi tonkha.
26"Obwni bagwi borogrok nokhnw sakhalai, 'Bw panthorw tongw,' nokh phatarw tathangdi. Naidi, 'Bw bisingni nugw tongw,' ta paitokdi. 27Thata jekhalaywi salka aitani jimin chiligwi salthang aita jora chiligwi thangw Borogni sajla phainaibw obwtwijar ongnw. 28Jedayw mangwda tongnw, odayw sikruk phaywi kuthumnw.
Borogni Sajla jekhalaywi phainw
(Mark 13:24-31; Luk 21:25-33)
29"O molni tentrokma paikhlai loge loge sal andar ongwi thangnw, talbw arw chwngalak, handugurirok nokha daini kagwi kalainw, nokhani jotho manwirok jangrojanw. 30Imtwijar jorao nokhao Borogni Sajlani sidom nungjaknw. Aiphuo hayungni jotho borog ramaywi karapnw jephuo bok Borogni Sajlanw kotor pharan tei lobmwng bai chumui bisingtwi phaimani nungnw. 31Kharang gara khalaywi bem pwrwngwi kanw tei o joragw Borogni sajla Bini suariroknw honw. O suarirok hayungni nar kwrwngsani jimin arw kwrwngsa nar jora jotho aitani Bini saijak borogroknw thumnw. 32"Dwrmw bophangnw naywi swrwngdi. Jephuo obwni bedek bopra kurui ongwi balai katal akho aiphuo nokh bijiywi manw je, tungbranai jo sokphaika. 33Obwtwijar khalaywi jephuo imwrok ongnw aiphuo nokh siywi ladi, Borogni Sajla koreo sokpaikha, omw tama duar koreywse sokpaikha. 34Ang nokhnw kwbwi sadok, imwrok jotho ongyasak i molni jotho borogrok thwigalak. 35Nokha tei hayung kwmwgwi thangnai, matwr Ani kok molbrum brum tongnai.
O joranw kaisabw siya
(Mark 13:32-37; Luk 17:26-30,34-36; Mothi 24:36-44)
36"Matwr o sal bai o jorani kok kaisabw siya, chukhani suarirokbw siya, Sajlabw siya keber Aphase siyw. 37"Nohoni molo jekhalaywi ongjak Borogni Sajla phainai molobw thi obwtwijar ongnw. 38Twilwmnai aguni salrokgwbw Noho rungtorw habyasak jora borogrok chalaijak nwnglaijak, lalaijak tei basa roknwbw kaijak. 39Jeswk jora twilwmwi phaywi jothonw kachokrwgwi tilangkha o jora bok mwngsabw bijiywi manlainiya. Borogni Sajlani phainaibw thi obwtwijar ongnw. 40Aiphuo kainwi borog harumw tongnw, kaisanw tilangnw, arw kaisanw tilangalak. 41Birokma kainwi jatagw thaichlwi suknw, kaisanw tilangjanw, arw kaisa tilangjalak.
42Obwni bagwi sagw, nokh hus tongdi, tamni hinba nokhni Subrai bw salw phainw obwnw nokh siya. 43Hekphwng nokh i koknw siywi ladi, nokni nophang jwtini sitilai baiphuo sikok phainw bw thuyagwi tongkhamw, sakni nogwbw sikoknw habni rwyamw. 44Obwni bagwi nokh jugalwise tongdi, tamni hinba nokh jephini Borogni Sajla phainai joni kothoyw oansok galak, o jorao Borogni Sajla phainw.
Paitokjuai ongni bagwi phwrwngma
(Luk 12:41-48)
45"O paitokjuai tei buju ganang seleng swrw, jebwnw bini nophangsa bini selengroknw thi joragw chamwng rwni tangdai rwjak. 46Jebwnw bini nophangsa phaywi paitokjuai khalaywi samung tangmani nungnw, o seleng hamsa! 47Nokhnw ang o daijw koknw sadok, nophangsa o selengnw bini jotho rangri naini tangdai rwnw. 48Matwr rumdi o seleng kikhiri, arw bw bakha bakhabai oansokkha, 'Ani nophang phaidogalak. 49O hamdal manphini bw bini kothe selengroknw buni rumkha tei kwphwirok bai chagwi nwngwi chuak nwngni nangkha. 50Matwr je sal, je jorani kok o seleng oansokglak, sibwsigalak, o salw o joragw bini nophang thaibuk ongnw. 51Aiphuo nophang bwnw gwdaknwi khalaywi tanwi phairwgwi phatrarokni bisingw bini hasthai thi khalainw. Orw borogrok karaplainw tei satokma bai bua bai bua oallainw.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh