Johon 13
13
Sagriroknw yathwi sugwi rwmani
1Yokma terni kisa aguo Jisu biji mankha Bini swngsarno yakarwi Aphani dayw thangnai jo sokphaika. I swngsarw jebwrok Bini sakni borog boknw Bw hamjakgw arw paithak jora hamjajak.
2Obw ongkha saripang chanaini jo. Omoni aguo Saitan Simonni basala Iskoriyot Jihudani bakhao Jisunw kenarokni yagw rumwi rwnai muchukma rwjak. 3Jisu siyw Apha jotho Bini yagw abwi rwjak arw Bw imwnwbw siyw Bw Kaitorni daini phaimani arw Bini daywse philwi thangdok. 4Aithani Bw chamung yakarwi bachakha arw Bini sakani kubainw khengwi tonkha tei bachangw sakhua kangsa khaha.
5Omo paikhlai Bw tamario twi lukhalaikha arw sagri rokni yathwi sugwi bachangw khajak ribai hugwi rwni rumkha.
6Arai khalaywi Jisu jephuo Simon Pitorni dayw phaika aiphuo Pitor Bwnw sakha, "Subrai Nwng ta ani yathwi sugwi rwthai?"
7Jisu Pitornw joba rwgwi sakha, "Ang jebw khlaidok omono nwng tabok bijiyaphung ulo bijinw."
8Pitor Bwnw hinka, "Nwng Ani yathwi sugwise tarwdi." Matwr Jisu Pitornw sakha, "Nwng jwtini Anw nini yathwi surwya khalai nini bai Ani barkenw sapaidok."
9Aiphuo Simon Pitor sakha, "Subrai, oswkhlai keber ani yathwiya, ani yak arw bokhorokbw sugwi rwdi."
10Jisu bwnw sakha, "Je borog twi kujak, bini yathwi mising sukhalai ongw, twmwi himba bini arw jwtw saph. Nokh saph, matwr jothoya." 11Twmwi himba Bw sio Bwnw swrw rumwi rwnw, aithani Bw sakha, "Nokh jotho saph ya."
12Sagri rokni jothoni yathwi sugwi rwgwi paikhlai Bw Bini sakani kubaino chumwi arwbw achukkha tei boknw saka, "Nokh ta bijikha nokhni bagwi Ang tama khlaikha? 13Nokh Anw gusai arw Subrai hinwi ringo, nokh jebw ring omo thi twmwi himba Ang kwbwi Subrai arw gusai. 14Matwr Ang Subrai arw gusai ongwibw nokhni yathwi sugwi rwha iswkhalai nokhbw kaisani kaisa yathwi sugwi rwlaithai. 15Ang nokhnw imwnw khalaiywi phunukmani ongkha, Ang jebwtwi khalaiha nokhbw omotwi khalainaitwi. 16Ang nokhnw kwbwi sadok, gabur bini nuphangni solai garaya. Jebw hojajak bw, bini naikhlai gorjaya jebw bwnw hoka. 17Imwroknw siywi jwtini nokh paleyw iswkhlai nokh hamchanai.
18Ang nokhni jothoni kok sadokya. Ang jebwroknw saywi lajak bok barai jar obwnwlai Ang sio. Matwr kathar elembakni i kok masohknai, 'Je Angbai baksa auan chakha bw Ani baitheo thangkha.' 19Imw ongnai aguo Ang nokhnw sadok, imw ongkhlai nokh paitok mannaitwi Angse Bw. 20Ang nokhnw kwbwi sadok, Ang jenw ho, bwnw jeborok yachagwi la bw Anwse yachagwi lagw, arw je borogsa Anw yachagwi la, o borog Anw honaisanwse yachagwi lagw."
Subrai Jisunw swrw rumrwgwi rwnai
21I kokroknw sagwi paikhalai Jisu bakha bakhao tongmaya chamaya ongha. Bw boknw khalangkhula khalaywi saha, "Ang nokhnw kwbwi sadok nokhni bisingnise kaisa Anw kenarokni yagw rumwi rwno."
22Jisu swrwni kok sadok obwnw biji manyagwi sagrirok kaisabai kaisani aita naikholaikha. 23Sagri rokni bisingw Jisu jenw kabang hamjak bw Jisuni basagw swnajagwi achukjak. 24Simon Pitor bwnw thar bai sakha "Jisu swrwni koknw sadok obwnw swngdi."
25O sagri Jisuni koriyw kaphajagwi swngha, "Subrai bw swrw?" 26Jisu sakha, "I auannw piyangw chwmwi Ang jenw rwnw bw ongkha o borog." Jisu auan piyang chwmwi Simon Iskoriotni basala Jihudanw rwkha.
27Jihuda auan lanai jerw, Soitan bini bisingw hapkha. Jisu bwnw saha, "Jebw khalaitai dogwi khalaidi." 28Jebwrok Jisubai baksa chani achukjak bok kaisabw bijimanliya Jisu tani Jihudanw I koknw sakha. 29Bokni bisingni kaisa kainwi bakha kakha, Jisu boknw terni bagwi jebw nang obwnw paywi laidi hinka eba biyalroknw mwngsachwk rwdi hinwi saha, twmwi himba bokni rangni bokso Jihudani daywse tonw. 30Auan lagwi paikhlai Jihuda phatarw akhogwi thangkha, tei sipini ongkha hor.
Katal tholmwng
31Jihuda phatarw thangwi paikhlai Jisu saha, "Borokni Sajla tabok chwngchukha tei Bini bisingw Kaitorbw chwngchukha. 32Jwtini Kaitor Bini bisingw chwngchuk halai Kaitorbw sakni bisingw Borokni Sajlanw chwngchuk khalainw, arw Bw obwnw dodogwi khalainw.
33"Ani basarok, arw rangsase Ang nokhbai baksa baksa tongw. Nokh Anw rutubnw, matwr Ang Jihudi ojamaroknw jekhalaywi sajak omono nokhnwbw sadok, 'Ang jedayw thangdok nokh odayw thaman galak.' 34Ang nokhnw kwrwngsa katal tholmung rwdok, o tholma ongkha nokh kaisabai kaisa hamjalaidi. Ang jekhalaywi nokhno hamjajak nokhbo kaisabai kaisa hamjaklaidi. 35Nokh jwtini kaisabai kaisa hamjaklaio iswkhalai jothobw sinw nokh Ani sagri."
Jisu Pitorni narang khalainai lagwi sakha
(Mothi 26:31-35; Mark 14:27-31; Luk 22:31-34)
36Simon Pitor Jisunw swngkha, "Subrai Nwng bwdayw thangdok?" Jisu bwnw sakha, "Ang jedayw thangdok nokh tabok Angbai baksa oro thangman galak matwr ulo nokh oro thangmannw."
37Pitor Bwnw sakha, "Subrai, tabok tani ang nwngbai baksa thamaya? Nini bagwi ang ani langmanwbw rwgwi rwnw."
38Aiphuo Jisu saha, "Kwbwi nwng ta Ani bagwi nini langmano rwthai? Ang nwnw kwbwi sadok, khanap aichuo tokla kichikyaho suni nwng oaitham Anw narang khalainai."
ទើបបានជ្រើសរើសហើយ៖
Johon 13: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh
Johon 13
13
Sagriroknw yathwi sugwi rwmani
1Yokma terni kisa aguo Jisu biji mankha Bini swngsarno yakarwi Aphani dayw thangnai jo sokphaika. I swngsarw jebwrok Bini sakni borog boknw Bw hamjakgw arw paithak jora hamjajak.
2Obw ongkha saripang chanaini jo. Omoni aguo Saitan Simonni basala Iskoriyot Jihudani bakhao Jisunw kenarokni yagw rumwi rwnai muchukma rwjak. 3Jisu siyw Apha jotho Bini yagw abwi rwjak arw Bw imwnwbw siyw Bw Kaitorni daini phaimani arw Bini daywse philwi thangdok. 4Aithani Bw chamung yakarwi bachakha arw Bini sakani kubainw khengwi tonkha tei bachangw sakhua kangsa khaha.
5Omo paikhlai Bw tamario twi lukhalaikha arw sagri rokni yathwi sugwi bachangw khajak ribai hugwi rwni rumkha.
6Arai khalaywi Jisu jephuo Simon Pitorni dayw phaika aiphuo Pitor Bwnw sakha, "Subrai Nwng ta ani yathwi sugwi rwthai?"
7Jisu Pitornw joba rwgwi sakha, "Ang jebw khlaidok omono nwng tabok bijiyaphung ulo bijinw."
8Pitor Bwnw hinka, "Nwng Ani yathwi sugwise tarwdi." Matwr Jisu Pitornw sakha, "Nwng jwtini Anw nini yathwi surwya khalai nini bai Ani barkenw sapaidok."
9Aiphuo Simon Pitor sakha, "Subrai, oswkhlai keber ani yathwiya, ani yak arw bokhorokbw sugwi rwdi."
10Jisu bwnw sakha, "Je borog twi kujak, bini yathwi mising sukhalai ongw, twmwi himba bini arw jwtw saph. Nokh saph, matwr jothoya." 11Twmwi himba Bw sio Bwnw swrw rumwi rwnw, aithani Bw sakha, "Nokh jotho saph ya."
12Sagri rokni jothoni yathwi sugwi rwgwi paikhlai Bw Bini sakani kubaino chumwi arwbw achukkha tei boknw saka, "Nokh ta bijikha nokhni bagwi Ang tama khlaikha? 13Nokh Anw gusai arw Subrai hinwi ringo, nokh jebw ring omo thi twmwi himba Ang kwbwi Subrai arw gusai. 14Matwr Ang Subrai arw gusai ongwibw nokhni yathwi sugwi rwha iswkhalai nokhbw kaisani kaisa yathwi sugwi rwlaithai. 15Ang nokhnw imwnw khalaiywi phunukmani ongkha, Ang jebwtwi khalaiha nokhbw omotwi khalainaitwi. 16Ang nokhnw kwbwi sadok, gabur bini nuphangni solai garaya. Jebw hojajak bw, bini naikhlai gorjaya jebw bwnw hoka. 17Imwroknw siywi jwtini nokh paleyw iswkhlai nokh hamchanai.
18Ang nokhni jothoni kok sadokya. Ang jebwroknw saywi lajak bok barai jar obwnwlai Ang sio. Matwr kathar elembakni i kok masohknai, 'Je Angbai baksa auan chakha bw Ani baitheo thangkha.' 19Imw ongnai aguo Ang nokhnw sadok, imw ongkhlai nokh paitok mannaitwi Angse Bw. 20Ang nokhnw kwbwi sadok, Ang jenw ho, bwnw jeborok yachagwi la bw Anwse yachagwi lagw, arw je borogsa Anw yachagwi la, o borog Anw honaisanwse yachagwi lagw."
Subrai Jisunw swrw rumrwgwi rwnai
21I kokroknw sagwi paikhalai Jisu bakha bakhao tongmaya chamaya ongha. Bw boknw khalangkhula khalaywi saha, "Ang nokhnw kwbwi sadok nokhni bisingnise kaisa Anw kenarokni yagw rumwi rwno."
22Jisu swrwni kok sadok obwnw biji manyagwi sagrirok kaisabai kaisani aita naikholaikha. 23Sagri rokni bisingw Jisu jenw kabang hamjak bw Jisuni basagw swnajagwi achukjak. 24Simon Pitor bwnw thar bai sakha "Jisu swrwni koknw sadok obwnw swngdi."
25O sagri Jisuni koriyw kaphajagwi swngha, "Subrai bw swrw?" 26Jisu sakha, "I auannw piyangw chwmwi Ang jenw rwnw bw ongkha o borog." Jisu auan piyang chwmwi Simon Iskoriotni basala Jihudanw rwkha.
27Jihuda auan lanai jerw, Soitan bini bisingw hapkha. Jisu bwnw saha, "Jebw khalaitai dogwi khalaidi." 28Jebwrok Jisubai baksa chani achukjak bok kaisabw bijimanliya Jisu tani Jihudanw I koknw sakha. 29Bokni bisingni kaisa kainwi bakha kakha, Jisu boknw terni bagwi jebw nang obwnw paywi laidi hinka eba biyalroknw mwngsachwk rwdi hinwi saha, twmwi himba bokni rangni bokso Jihudani daywse tonw. 30Auan lagwi paikhlai Jihuda phatarw akhogwi thangkha, tei sipini ongkha hor.
Katal tholmwng
31Jihuda phatarw thangwi paikhlai Jisu saha, "Borokni Sajla tabok chwngchukha tei Bini bisingw Kaitorbw chwngchukha. 32Jwtini Kaitor Bini bisingw chwngchuk halai Kaitorbw sakni bisingw Borokni Sajlanw chwngchuk khalainw, arw Bw obwnw dodogwi khalainw.
33"Ani basarok, arw rangsase Ang nokhbai baksa baksa tongw. Nokh Anw rutubnw, matwr Ang Jihudi ojamaroknw jekhalaywi sajak omono nokhnwbw sadok, 'Ang jedayw thangdok nokh odayw thaman galak.' 34Ang nokhnw kwrwngsa katal tholmung rwdok, o tholma ongkha nokh kaisabai kaisa hamjalaidi. Ang jekhalaywi nokhno hamjajak nokhbo kaisabai kaisa hamjaklaidi. 35Nokh jwtini kaisabai kaisa hamjaklaio iswkhalai jothobw sinw nokh Ani sagri."
Jisu Pitorni narang khalainai lagwi sakha
(Mothi 26:31-35; Mark 14:27-31; Luk 22:31-34)
36Simon Pitor Jisunw swngkha, "Subrai Nwng bwdayw thangdok?" Jisu bwnw sakha, "Ang jedayw thangdok nokh tabok Angbai baksa oro thangman galak matwr ulo nokh oro thangmannw."
37Pitor Bwnw sakha, "Subrai, tabok tani ang nwngbai baksa thamaya? Nini bagwi ang ani langmanwbw rwgwi rwnw."
38Aiphuo Jisu saha, "Kwbwi nwng ta Ani bagwi nini langmano rwthai? Ang nwnw kwbwi sadok, khanap aichuo tokla kichikyaho suni nwng oaitham Anw narang khalainai."
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh