Johon 1
1
Kaitorni Kok borog ongwi phaikha
1Yaphangw Koktang tongw, Koktang Kaitorbai baksa tongw tei o Koktangse Kaitor. 2Yaphangni jimin Bw Kaitorbai baksa tongw. 3Jothobw o koktangni bisingtwi takjagw, tei jebwrok takjakha o manwirokni bisingni mwngsabw Bini bade takjajiya. 4Bini bisingw singli tongw, tei o singli hayungni borogrokni dayw pohor twbwgwi phaikha. 5O pohor andarw chwngwi kasakha, matwr o andar pohornw mechen manjiya. 6Kaisa borog phaikha, Bwnw Kaitor homani, bini bwmwng Johon. 7Bw o pohorni kothoyw yakumu rwni bagwi sathai hinwi phaikha, jothobw bini yakumunw khananagwi paitokmannai twi. 8Bw o pohorya, matwr o pohorni kothoyw yakumu rwni phaikha. 9Obwse kwbwi pohor, jebw jotho borogroknw pohor rwgw, Bw swngsarw phaidok. 10Bw swngsarw tongw, tei swngsar Bini bisingtwise takjakha, matwr swngsar Bwnw sinilia. 11Bw sakni hao phaiha, matwr Bini sakni borogrokse Bwnw gose laniya. 12Matwr jeswk borog Bwnw paitogwi goseywi lakha, boknw jothonw Bw Kaitorni basa ongni bagri rwkha. 13I borogrok hainohai ikimw Kaitorni basa ongjiya, kok ongkha basakni kangma banchani ongjiya matwr bokni achaima Kaitorni dainise ongw. 14Tei o Koktang borog ongwi achaikha arw chwngbai baksa tongha. Apha Kaitorni kaisachui Sajla hinwi Bini je chwngsacha omonw chwng nungkha. Bw khakhamma tei kwbwi bai kwplwng. 15Johon Bini kothoyw yakumu rwkha, tei khorang gara khlaywi sakha, "Imwse o borog, jebwni kothoyw ang sajak, jebw ani jerw phainw Bw ani solai manchuk, twmwi himba Bw ani solaibw aguni jimin tongw. 16Bini khakhammani kopungba daini chwng jothobw khakhammani sakagw arw khakhamma mangkha. 17Kaitorni kerong nal Mosini bisingtwi rwjajak, matwr Jisu Khristoni bisingtwi khakhamma tei kwbwi phaikha. 18Kaitornw kaisabw oaisabw nungjiya, matwr kaisachui Kaitor Jebw Bophani koriyw tong, Bwse Bwnw saplangkha.
Jihudi ojarok Johonnw swngkha
19Jephuo Jihudi ojamarok Jirusalem aulini kaisa kainwi chontai tei Lebioroknw swngni bagwi Johonni oro hoka je bw swrw, aiphuo Johon bokni dayw yakumu rwkha. 20Johon joba rwni narang khalainiya matwr lang lang khalaywi sakha, "Ang Khristo ya." 21Aiphuo bok bwnw swngkha, "Halai nwng swrw? Nwng tama Eliyo?" Johon sakha, "Ohwi, Ang Eliyo ya." Jihudirok swngkha, "Hai tama, nwng o diyari?" Johon joba rwkha, "Ohwi." 22Aiphuo bok bwnw swngkha, "Halai nwng swrw? Chwnw sadi, jebwrok nini dayw chwnw hoka, philwi thangwi chwng boknw joba rwmannaitwi. Nwng nini sakni kothoyw ta sa?" 23Johon boknw sakha, "Diyari Jisaiyo jekhalaywi sajak, ang ongkha o khorang jebw Panthwrw chirigwi kaisa sadok, 'Nokh Subraini lama jugaldi. Arw Bini lamanw uju khalaidi.'" 24Johonni dayw jebwroknw hokha bok ongkhadwi Phorisi, 25arw bok bwnw swngkha, "Nwng jwtini Mosiho bwya, Eliyo bwya eba o diyari bwya hingklai nwng tani baptismo rwdok?" 26-27Johon boknw jobao sakha, "Ang twibai baptismo rwdok matwr ani ulo Jebw phaidok, Bw nokhni bisingwse tongo, nokh Bwnw siniya. Ang Bini yakhlungni bwitabw khengni chogya."
Jisu Kaitorni merabasa
28Jordon twibukni uijang narw Boithoniya kamio jerw Johon baptismo rwdok odayw imorok ongkha. 29Jerwni salw Johon Jisunw bini aita phaimani nungwi sakha, "Naikhodi Kaitorni merabasa, Jebw borogni jotho sumsok kachalw ho. 30Bw ongkha o borog jebwni kothoyw ang sajak, 'Ani ulo je phainw Bw ani solai manchuk.' Bw ani achaimani aguni jimin tongw. 31Aguo Angbw siya Bw swrw. Matwr Bw jate Israyel dophani orw sinijaknaitwi ang tabok twibai baptismo rwdok." 32Jerw Johon i yakumu rwkha, "Ang Phala Katharnw pharukni kosol khalaywi chukhani akhogwi Bini sakao phaimani tei Bwbai baksa tongmani nungkha. 33Aguo ang Bwnw siniya matwr anw Jebw twio baptismo rwdi hinwi hokha, Bw anw saha je, 'Phala Kathar jeni sakao akhogwi phainw arw tongnw, sioi larwkdi Bwse o borog jebw Phala katharbai baptismo rwnai.' 34Ang obw nungjak tei ani yakumu ongkha, Imwse Kaitorni basa."
Jisu Bini pwilani sagri roknw ringkhokha
35Obwni jerwni salw Johon arwbw o jegao bachagwi tongjak arw bini sagri rokni bisingni kainwi sagri bwbai baksa tongjak. 36Johon jephuo Jisunw bokni koretwi himwi thangmani nungkha ephuo bw sakha "U naikhodi, Kaitorni merabasa!" 37Bini koknw khanagwi bini sagri kainwi Jisuni ukhum ukhum rwkni rumkha. 38Jisu boknw Bini ukhum ukhum phaimani nungwi sakha, "Nokh tanw rutublaidok?" Bok Jisunw swngkha "Rabbi (jebwni sema ongkha elim), Nwng bwrw tong?" 39Jisu boknw sakha, "Phaidi, nokh nungnw." Aiphuo bok Bwbai baksa thangwi nungkha Bw bwrw tong tei o salw bok Bwbai baksa tongkha. Aiphuo sarini udam brwi twtwi bajikha. 40Johonni kok khanagwi je kainwi Jisuni ukhum ukhum thangkha bokni bisingni kaisa ongkha Simon Pitorni takhuk Andriyo. 41Andriyo loge loge bini takhuk Simonnw rutubwi karikha arw bwnw sakha, "Chwng Mosihonw (kok ongkha Khristo) rutubwi mangkha." 42Bw Simonnw Jisuni orw twbwgwi phaikha. Jisu bini aita naikhogwi sakha, "Nwng Johonni sajla Simon, matwr nwng Kwipha hinwi ringjaknw." I bwmwngni sema ongkha Pitor, jebwni sema ongkha Holong.
Jisu Philip bai Nothnelnw ringkhokha
43Jerwni salw Jisu Galil amchoyo thani hinwi chongkha. Odaiyw Philipbai malaikha. Jisu bwnw hingkha, "Ani ukhum ukhum phaidi." 44Philip Bwitsodani borog, Andriyo arw Pitorbw kamichangni borog. 45Philip Nothnelbai malaikha, tei bwnw sakha, "Kerongnalw Mosi jebwni kok suywi kalangjak tei diyari rokbw jebwni kok suywi kalangjak chwng Bwnw rutubwi mankha. Bw Nasorotni Jisu, Josepni sajla." 46Nothnel sakha, "Nasorot daini ta gam mwngsachwk phaimanw?" Philip bwnw sakha, "Phaidi naiphaidi." 47Jisu Nothnelnw nungkhogwi sakha, "Naidi soi Israyel kaisa jebwni bisingw nathal kwrwi." 48Nothnel Bwnw swngkha, "Nwng anw ta khalaywi sinikha?" Jisu bwnw sakha, "Philip nwnw ringkhoyakho suni, nwng jephini dwrmw bophang tolao tong, Ang aiphuose nwnw nungjak." 49Nothnel Bwnw hinkha, "Rabbi (Elim), Nwngse Kaitorni Sajla, Nwngse Israyelni Bugra. 50Jisu bwnw sakha, "Nwnw dwrmw bophang tolagw nungjak, i koknw sakha hinwi dwi nwng Anw paitokkha? Omoni naiywi arw hamtor manwi nwng nungnw." 51Bw arw sakha, "Ang nokhnw kwbwi sadok nokh chukhani duar khengjak nungnw tei Kaitorni suarirok Borogni Sajlani daini kamani akhomani nungnw."
ទើបបានជ្រើសរើសហើយ៖
Johon 1: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh
Johon 1
1
Kaitorni Kok borog ongwi phaikha
1Yaphangw Koktang tongw, Koktang Kaitorbai baksa tongw tei o Koktangse Kaitor. 2Yaphangni jimin Bw Kaitorbai baksa tongw. 3Jothobw o koktangni bisingtwi takjagw, tei jebwrok takjakha o manwirokni bisingni mwngsabw Bini bade takjajiya. 4Bini bisingw singli tongw, tei o singli hayungni borogrokni dayw pohor twbwgwi phaikha. 5O pohor andarw chwngwi kasakha, matwr o andar pohornw mechen manjiya. 6Kaisa borog phaikha, Bwnw Kaitor homani, bini bwmwng Johon. 7Bw o pohorni kothoyw yakumu rwni bagwi sathai hinwi phaikha, jothobw bini yakumunw khananagwi paitokmannai twi. 8Bw o pohorya, matwr o pohorni kothoyw yakumu rwni phaikha. 9Obwse kwbwi pohor, jebw jotho borogroknw pohor rwgw, Bw swngsarw phaidok. 10Bw swngsarw tongw, tei swngsar Bini bisingtwise takjakha, matwr swngsar Bwnw sinilia. 11Bw sakni hao phaiha, matwr Bini sakni borogrokse Bwnw gose laniya. 12Matwr jeswk borog Bwnw paitogwi goseywi lakha, boknw jothonw Bw Kaitorni basa ongni bagri rwkha. 13I borogrok hainohai ikimw Kaitorni basa ongjiya, kok ongkha basakni kangma banchani ongjiya matwr bokni achaima Kaitorni dainise ongw. 14Tei o Koktang borog ongwi achaikha arw chwngbai baksa tongha. Apha Kaitorni kaisachui Sajla hinwi Bini je chwngsacha omonw chwng nungkha. Bw khakhamma tei kwbwi bai kwplwng. 15Johon Bini kothoyw yakumu rwkha, tei khorang gara khlaywi sakha, "Imwse o borog, jebwni kothoyw ang sajak, jebw ani jerw phainw Bw ani solai manchuk, twmwi himba Bw ani solaibw aguni jimin tongw. 16Bini khakhammani kopungba daini chwng jothobw khakhammani sakagw arw khakhamma mangkha. 17Kaitorni kerong nal Mosini bisingtwi rwjajak, matwr Jisu Khristoni bisingtwi khakhamma tei kwbwi phaikha. 18Kaitornw kaisabw oaisabw nungjiya, matwr kaisachui Kaitor Jebw Bophani koriyw tong, Bwse Bwnw saplangkha.
Jihudi ojarok Johonnw swngkha
19Jephuo Jihudi ojamarok Jirusalem aulini kaisa kainwi chontai tei Lebioroknw swngni bagwi Johonni oro hoka je bw swrw, aiphuo Johon bokni dayw yakumu rwkha. 20Johon joba rwni narang khalainiya matwr lang lang khalaywi sakha, "Ang Khristo ya." 21Aiphuo bok bwnw swngkha, "Halai nwng swrw? Nwng tama Eliyo?" Johon sakha, "Ohwi, Ang Eliyo ya." Jihudirok swngkha, "Hai tama, nwng o diyari?" Johon joba rwkha, "Ohwi." 22Aiphuo bok bwnw swngkha, "Halai nwng swrw? Chwnw sadi, jebwrok nini dayw chwnw hoka, philwi thangwi chwng boknw joba rwmannaitwi. Nwng nini sakni kothoyw ta sa?" 23Johon boknw sakha, "Diyari Jisaiyo jekhalaywi sajak, ang ongkha o khorang jebw Panthwrw chirigwi kaisa sadok, 'Nokh Subraini lama jugaldi. Arw Bini lamanw uju khalaidi.'" 24Johonni dayw jebwroknw hokha bok ongkhadwi Phorisi, 25arw bok bwnw swngkha, "Nwng jwtini Mosiho bwya, Eliyo bwya eba o diyari bwya hingklai nwng tani baptismo rwdok?" 26-27Johon boknw jobao sakha, "Ang twibai baptismo rwdok matwr ani ulo Jebw phaidok, Bw nokhni bisingwse tongo, nokh Bwnw siniya. Ang Bini yakhlungni bwitabw khengni chogya."
Jisu Kaitorni merabasa
28Jordon twibukni uijang narw Boithoniya kamio jerw Johon baptismo rwdok odayw imorok ongkha. 29Jerwni salw Johon Jisunw bini aita phaimani nungwi sakha, "Naikhodi Kaitorni merabasa, Jebw borogni jotho sumsok kachalw ho. 30Bw ongkha o borog jebwni kothoyw ang sajak, 'Ani ulo je phainw Bw ani solai manchuk.' Bw ani achaimani aguni jimin tongw. 31Aguo Angbw siya Bw swrw. Matwr Bw jate Israyel dophani orw sinijaknaitwi ang tabok twibai baptismo rwdok." 32Jerw Johon i yakumu rwkha, "Ang Phala Katharnw pharukni kosol khalaywi chukhani akhogwi Bini sakao phaimani tei Bwbai baksa tongmani nungkha. 33Aguo ang Bwnw siniya matwr anw Jebw twio baptismo rwdi hinwi hokha, Bw anw saha je, 'Phala Kathar jeni sakao akhogwi phainw arw tongnw, sioi larwkdi Bwse o borog jebw Phala katharbai baptismo rwnai.' 34Ang obw nungjak tei ani yakumu ongkha, Imwse Kaitorni basa."
Jisu Bini pwilani sagri roknw ringkhokha
35Obwni jerwni salw Johon arwbw o jegao bachagwi tongjak arw bini sagri rokni bisingni kainwi sagri bwbai baksa tongjak. 36Johon jephuo Jisunw bokni koretwi himwi thangmani nungkha ephuo bw sakha "U naikhodi, Kaitorni merabasa!" 37Bini koknw khanagwi bini sagri kainwi Jisuni ukhum ukhum rwkni rumkha. 38Jisu boknw Bini ukhum ukhum phaimani nungwi sakha, "Nokh tanw rutublaidok?" Bok Jisunw swngkha "Rabbi (jebwni sema ongkha elim), Nwng bwrw tong?" 39Jisu boknw sakha, "Phaidi, nokh nungnw." Aiphuo bok Bwbai baksa thangwi nungkha Bw bwrw tong tei o salw bok Bwbai baksa tongkha. Aiphuo sarini udam brwi twtwi bajikha. 40Johonni kok khanagwi je kainwi Jisuni ukhum ukhum thangkha bokni bisingni kaisa ongkha Simon Pitorni takhuk Andriyo. 41Andriyo loge loge bini takhuk Simonnw rutubwi karikha arw bwnw sakha, "Chwng Mosihonw (kok ongkha Khristo) rutubwi mangkha." 42Bw Simonnw Jisuni orw twbwgwi phaikha. Jisu bini aita naikhogwi sakha, "Nwng Johonni sajla Simon, matwr nwng Kwipha hinwi ringjaknw." I bwmwngni sema ongkha Pitor, jebwni sema ongkha Holong.
Jisu Philip bai Nothnelnw ringkhokha
43Jerwni salw Jisu Galil amchoyo thani hinwi chongkha. Odaiyw Philipbai malaikha. Jisu bwnw hingkha, "Ani ukhum ukhum phaidi." 44Philip Bwitsodani borog, Andriyo arw Pitorbw kamichangni borog. 45Philip Nothnelbai malaikha, tei bwnw sakha, "Kerongnalw Mosi jebwni kok suywi kalangjak tei diyari rokbw jebwni kok suywi kalangjak chwng Bwnw rutubwi mankha. Bw Nasorotni Jisu, Josepni sajla." 46Nothnel sakha, "Nasorot daini ta gam mwngsachwk phaimanw?" Philip bwnw sakha, "Phaidi naiphaidi." 47Jisu Nothnelnw nungkhogwi sakha, "Naidi soi Israyel kaisa jebwni bisingw nathal kwrwi." 48Nothnel Bwnw swngkha, "Nwng anw ta khalaywi sinikha?" Jisu bwnw sakha, "Philip nwnw ringkhoyakho suni, nwng jephini dwrmw bophang tolao tong, Ang aiphuose nwnw nungjak." 49Nothnel Bwnw hinkha, "Rabbi (Elim), Nwngse Kaitorni Sajla, Nwngse Israyelni Bugra. 50Jisu bwnw sakha, "Nwnw dwrmw bophang tolagw nungjak, i koknw sakha hinwi dwi nwng Anw paitokkha? Omoni naiywi arw hamtor manwi nwng nungnw." 51Bw arw sakha, "Ang nokhnw kwbwi sadok nokh chukhani duar khengjak nungnw tei Kaitorni suarirok Borogni Sajlani daini kamani akhomani nungnw."
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh