Prerit 7
7
Hakra baichukni sakangw Stiphan
1Obw paywi chontai oja Stiphannw swngkha, "I jotho kok tama daijw?" 2Stiphan joba rwgwi sakha, "O ani takhukrok tei apharok, ani kok khanadi. Chini hodaipiri Abraham Haron aulio tongnai aguo jephini Mispotamiya jilagw tongjak, o jorao chwngsacha ganang Kaitor bini dayw nungjagwi sajak, 3'Nwng nini nok tei hauar arw nini borogroknw yakarwi Ang nwnw je hauar phunuknw o hauarw thangdi.'
4"Abraham ephuo Kolodiyo rokni hauar yakarwi Haron aulio phaywi tongkha. Je hauarw tabok nokh tongdok Kaitor Abrahamnw bini bopha thwywi paikhalai orw hokha. 5Orw Kaitor bwnw mwngsa harangri rwniya, yathwi kongsa tonnai jegabw rwliya, matwr Kaitor bini dayw samai tangkha, bwnw tei bini bosongroknw bagri hinwi Bw o hanw rwnai. O jorao Abrahamni basabwtwi kwrwikho. 6Kaitor bwnw i koknw sakha, 'Nini bosongrok buihao tongnw. Odaini borogrok boknw seleng khalaywi tonnw tei bisi brwi ra sal bokni sakao satokma rwnw.' 7Kaitor arw sakha, 'Je dopharok boknw seleng khalainw o dophanw Ang senji rwnai.' Kaitor arw sakha, 'Obwni jerw bok o hani akhogwi phaiywi i jegao Anw lobphainw.' 8Obw paywi Abrahambai Kaitor kwrwngsa akha khalaika. I akhani sidom ongkhadwi sunnot khalaithai ikim. Obw paywi Abrahamni chala basa kaisa achaikha. Sal charni salw Abraham bini sunnot khalaikha, o basani bwmwng ongkhadwi Isohak. Isohakbw basala Jakobni sunnot khalaikha. Jakobni basalarok chinwi bosongni bopha ongkha. 9O Jakobni basalarok Josepnw khamreywi Misorw seleng khalaini bagwi phalwi hokha, matwr Kaitor bwbai baksa tongw. 10Josep orw kodur tekto manjak, matwr Kaitor bwnw bini jotho tektoni yak daini tekhokkha. Phoron ephuo Misorni bugra. Josepni bisingw Kaitor rwnai mwkchak nungwi Phoron bwnw gam manjakha. Obwni bagwi Phoron Josepnw Misorni sakwlpha tei bini sakni noknibw bagra khalaikha. 11Obw paywi Misor hauar bai Konan hauarw ratw ongkha. O ratwni bagwi kabangma tekto sokphaikha, tei chini hodaipirirok chamwng manliya. 12Matwr Jakob khanakha je Misorw chamwng tongw, ephuo bw chini hodaipiri roknw Misorw hokha. Tei imw ongkha bokni pwila thangnai. 13Jephini bok nwithek palao odayw thangkha, aiphuo Josep bini takhukroknw sakha je bw swrw. O jorao Phoron Josepni nokhorni kothoyw sikha.#7:13 Adipustok lobong 37,39-45. 14Obwni jerw Josep bini bopha Jakob tei bokni nukhungni jotho borognw ringkhoni hokha. Bok remthaio kai sni chi ba tongo. 15Aikhalaywi Jakob Misorw thangkha, jerw bw arw chini hodaipiri rok orw thwikha. 16Bokni mang gwda roknw Sikhim aulio twbwgwi orw hapongni hakorw phubkha. Abraham i hakornw Sikhim aulini Homorni basalarokni daini ruphai rwgwi paijak. 17Abrahamni dayw Kaitor je swmai tangjak obw sohknai jo jephuo koreo sokphaikha ephuo nungjakha je Misorw chini borogni remthai kabangma ongkha. 18Obwni jerw Misorw arw kaisa bugra ongkha. Bw Josepni kothoyw mwngsa siya. 19O bugra o jorao chini borogroknw thokaio arw chini hodaipiri roknw satokma rwgw. Bokni chakpe katalroknw phatarw khibioi tondi hinwi thwlw, o chakperok thwinaitwi. 20O joragw Mosi achayo, bw kaisa machangma charai. Bw bini bophani nogw taltham palokjakha. 21Jerw bwnw phatarw khibiywi tonkhalai Phoronni basachwk bwnw twbwgwi bini basani kosol borog khalaywi tisakha. 22Mosi Misorio rokni jotho phwrwngmabai kwrwng ongkha, arw bw kokgw tei samungw pharan ganang ongwi kasakha. 23Mosini cha jephuo brwi chi aiphuo bw bini Israyelio takhukrokbai baksa malaini hinwi thi khalaikha. 24Mosi nungkha je Misorio kaisa Israyeliyo kaisabai chaya yakwl khalaidok, bw ephuo o Israyelio borogsanw chubani thangkha arw o Misorionw buthalwi bini yagolsukha. 25Mosi bakha kakha je bini Israel takhuk bukhukrok bujinw Kaitor boknw tekhokni bagwi bwnw hojak, matwr bok omonw bijilailiya. 26Arwni salw, jephini Israyelio kainwi boknibai bok bulaidok, aiphuo bw bokni orw phaywi boknw kathakrwni bagwi sakha, 'Naidi, nokhlai takhukbai takhuk, halai tamani kaisabai kaisa chaya yakwl khalaidok.' 27Matwr o chaya yakwl khalainai borogsa Mosinw sungkalaywi sakha, 'Chwnw nalchir khalaini bagri nwnw swrw rwkha? 28Miya nwng jekhalaywi Misorio kaisanw buthalkha, obwtwijar khalaiywi anwbw tama buthalnidwi nai?' 29O koknw khanagwi Mosi khalwi thangwi Midiyon hao thangwi tongni nangkha. Odayw bini basala kainwi achaikha.
30"Obwni bisi chi brwi jerw bw jephuo Sinoi hathai koreo panthwr daikongw tongjak, orw kwrwngsa chwngjak juburw hotni hoschlaio suari kaisa Mosibai nungjakha. 31Jephini Mosi obwnw nungkha, bw amok chakha arw gam khalaywi naini bagwi koriyw thangkha. Aiphini bw Subraini kharang khanakha, 32'Ang nini hodaipiri rokni Kaitor, Abraham, Isohak tei Jakobni Kaitor.' Aiphuo Mosi kiriywi kwlwini nangkha, gam khalaywi naikhonibw kharakniya. 33Obw paywi Subrai bwnw sakha, 'Nini yakungni yakhlung khengdi, tamni hinba jerw nwng bachagwi tongdok, omo kathar jega. 34Misorw Ang Ani borogrokni sakao satokma ongdok omo nungjak, bok karapmani Ang khanajak, obwni bagwi Ang boknw yokrwni bagwi akhogwi phaikha. Ang tabok nwnw Misor hao honw.' 35Bw o kaisai Mosise jenw Israyelrok ai hinwi philrwgwi hojak, 'Swrw nwnw chini sakwlpha tei nalchirai banaikha?' Je suari o jubur bisingw Mosibai malaijak o suarini bisingtwi Kaitor i Mosinw Israyelrokni sakwlpha tei phiyoknaisa hinwi Misorw hokha. 36Obwni jerw Mosi Israyelio roknw Misor hani akhorwgwi twbwjak, tei Misor hao, Lohito Twibomw arw brwichi bisi jora panthwr jilao kodur amok samung tei sidom samung tangjak. 37Imo ongkha o Mosi jebw Irayelroknw sajak, 'Nokhni Kaitor nokhni takhuk Israyelio rokni bisingni nokhni bagwi ani kosol kaisa diyari bacharwnw.' 38I Mosise bw jebw Israyelrokbai baksa tongjak, jephuo bok panthwr jilagw baksa khalaywi tonglai. Bwbai baksa suari Sinoi Hathai sakao kok sajak. Chwnw rwni bagwi kathang elemkok i Mosise o hathaio manjak. 39Matwr chini hodaipirirok bini koknw khanani narang khalaika, obwni bodle bok Mosinw gwinw khalaiya karwi Misor hao philwi thangni naijak. 40Chini hodaipirirok Haronnw sakha, 'Mosi chwnw Misor hani akhorwgwi twbwkha, matwr bini tama ongkha chwng mwngsa siya. Obwni bagwi matairoknw takdi, jebwrok chini sakang sakang thangnw tei twidulnw.' 41Obw ongkha o jora jephini borogrok musok degani kosol matai takkha. Bok o mataini dayw yakbwrwi usrijak arw sakrokni yakbai jebwnw takjak obwnw lagwi bok tongthokni nangkha. 42Matwr Kaitor makhang philwi lakha arw boknw tal, sal, handugurini lobni bagwi yakarwi rwkha. I kok diyarirokni bijabw suijak tongw:
'O Israyelni borogrok
Panthwr jilao o bisi brwichi nokh tama Ani bagwi
Mwngsaswk yakbwrwi eba kothe manwi usrijakdwi?
43Loblaini bagwi je mataimangnw nokh takjak
O Molok mataini rinok tei Riphon mataini mukti jebw nokhni handuguri matai obwnw
nokh nokhbai baksa rujulwi tilangjak.
Obwni bagwi Ang Babil hani naywibw kachalw bonuagw honai.'
44"Panthwr jilao yakumu rinok chini hodaipirirok bai tongjak. Jekhalaywi Kaitor Mosinw o rinoknw tangni bagwi sajak tei naidal rwjak obwni maping o kathar rinok tangjakha. 45Jerw i rinok chini hodaipiri rokni dayw rwjakha, tei Jihusoibai baksa thangphini bok imwnw bokbai baksa tilangjak. Kaitor bokni bagwi je borog roknw kariywi hokha, o borogrokni hauarni bagrai ongphini bok o rinoknw bokbai baksa rujulwi lajak. Chini borogrok o katal hao thangkhlai o rinoknwbo orw tilangkha. Hodaipirirokni daini bok o rinoknw manmani. O rinok bugra Dayudni jo jora bokni dayw tongjak. 46Dayud Kaitorni khakhamma manwi Jakobni Kaitorni tongnai nok tangni bagwi ongmiti bijak, 47Matwr Dayudni basala Solomon Bini bagwi nok tangjak. 48Matwr Kaitor borogni tangnai nokgw tongya. Obwni kothoyw Diyari sajak je,
49'Subrai sao, chukha Ani bukajira, hayung Ani yakung tonnai jega, Ani bagwi nwng baitinjar nok tangthai? Ani lengkhonai jega bwrw?
50O jotho manwirok tama Ani yakni taknai manwiya?'
51"Nokh hurudwisa borog! Kaitornw nokh nokhni sakni kha abwi rwjiya! Nokh Bini kok khanani naijiya! Nokh jwnwmni Phala Kathar jebw sani naijak omonw mathagwi phaijak nokhni hodaipirirok jetinjar khalaijak. 52Imwtwijar kaisaswk diyari tongwdwi jebwnw nokhni hodaipiri rok satokma rwjiya? O Raidiasa kok ongkha Khristo phaijanai o koknw jebwrok aguo kokmai sajak, nokhni hodaipiri rok boknw buthalwi pairwjak. Tei tabokbw nokh Jisunw kenarokni yagw rumwi rwkha arw Bwnw buthalkha. 53Nokh Mosini kerongnal manjak, Kaitor Bini suarirokni bisingtwi obwnw rwjak, matwr nokh obwnw palejiya!"
Stiphanni thwinai
54O jotho kokroknw khanagwi Jihudi ojarok Stiphannw thamchi kasukkha tei buwa bai buwa ualni nangkha. 55Stiphan Phala Katharbai kwpwlwng ongwi chukha aita naikhoka tei nungkha Kaitorni chwngsacha, arw nungkha Jisu Kaitorni yagara phaising bachajak. 56Bw sakha, "Naidi! Ang nungdok chukha khengjak, tei Borogni Sajla Kaitorni yagara phaising bachagwi tongjak!" 57Obwbai bok bokni khunjur yesibai muthubkha tei chiriklaywi jothobw Stiphannw buni bagwi bini aita khalwi thanglaikha. 58Bok Stiphannw buthalwi pairwni bagwi bwnw swtrwgwi aulini phatarw tilangkha tei holong kokni rumkha. Arw sathairok bokni sakani ri khengwi Sol mwngni kaisa chakwlwini yakung koreo tongkha. 59Bok jephuo Stiphannw holong koklaidok aiphuo bw suriywi sakha, "Subrai Jisu, ani phalanw lasidi." 60Jerw bw yesu mokromwi chirigwi sakha, "Subrai, bokni i sumsok tarumdi." I koknw sagwi bw thwikha.
ទើបបានជ្រើសរើសហើយ៖
Prerit 7: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh
Prerit 7
7
Hakra baichukni sakangw Stiphan
1Obw paywi chontai oja Stiphannw swngkha, "I jotho kok tama daijw?" 2Stiphan joba rwgwi sakha, "O ani takhukrok tei apharok, ani kok khanadi. Chini hodaipiri Abraham Haron aulio tongnai aguo jephini Mispotamiya jilagw tongjak, o jorao chwngsacha ganang Kaitor bini dayw nungjagwi sajak, 3'Nwng nini nok tei hauar arw nini borogroknw yakarwi Ang nwnw je hauar phunuknw o hauarw thangdi.'
4"Abraham ephuo Kolodiyo rokni hauar yakarwi Haron aulio phaywi tongkha. Je hauarw tabok nokh tongdok Kaitor Abrahamnw bini bopha thwywi paikhalai orw hokha. 5Orw Kaitor bwnw mwngsa harangri rwniya, yathwi kongsa tonnai jegabw rwliya, matwr Kaitor bini dayw samai tangkha, bwnw tei bini bosongroknw bagri hinwi Bw o hanw rwnai. O jorao Abrahamni basabwtwi kwrwikho. 6Kaitor bwnw i koknw sakha, 'Nini bosongrok buihao tongnw. Odaini borogrok boknw seleng khalaywi tonnw tei bisi brwi ra sal bokni sakao satokma rwnw.' 7Kaitor arw sakha, 'Je dopharok boknw seleng khalainw o dophanw Ang senji rwnai.' Kaitor arw sakha, 'Obwni jerw bok o hani akhogwi phaiywi i jegao Anw lobphainw.' 8Obw paywi Abrahambai Kaitor kwrwngsa akha khalaika. I akhani sidom ongkhadwi sunnot khalaithai ikim. Obw paywi Abrahamni chala basa kaisa achaikha. Sal charni salw Abraham bini sunnot khalaikha, o basani bwmwng ongkhadwi Isohak. Isohakbw basala Jakobni sunnot khalaikha. Jakobni basalarok chinwi bosongni bopha ongkha. 9O Jakobni basalarok Josepnw khamreywi Misorw seleng khalaini bagwi phalwi hokha, matwr Kaitor bwbai baksa tongw. 10Josep orw kodur tekto manjak, matwr Kaitor bwnw bini jotho tektoni yak daini tekhokkha. Phoron ephuo Misorni bugra. Josepni bisingw Kaitor rwnai mwkchak nungwi Phoron bwnw gam manjakha. Obwni bagwi Phoron Josepnw Misorni sakwlpha tei bini sakni noknibw bagra khalaikha. 11Obw paywi Misor hauar bai Konan hauarw ratw ongkha. O ratwni bagwi kabangma tekto sokphaikha, tei chini hodaipirirok chamwng manliya. 12Matwr Jakob khanakha je Misorw chamwng tongw, ephuo bw chini hodaipiri roknw Misorw hokha. Tei imw ongkha bokni pwila thangnai. 13Jephini bok nwithek palao odayw thangkha, aiphuo Josep bini takhukroknw sakha je bw swrw. O jorao Phoron Josepni nokhorni kothoyw sikha.#7:13 Adipustok lobong 37,39-45. 14Obwni jerw Josep bini bopha Jakob tei bokni nukhungni jotho borognw ringkhoni hokha. Bok remthaio kai sni chi ba tongo. 15Aikhalaywi Jakob Misorw thangkha, jerw bw arw chini hodaipiri rok orw thwikha. 16Bokni mang gwda roknw Sikhim aulio twbwgwi orw hapongni hakorw phubkha. Abraham i hakornw Sikhim aulini Homorni basalarokni daini ruphai rwgwi paijak. 17Abrahamni dayw Kaitor je swmai tangjak obw sohknai jo jephuo koreo sokphaikha ephuo nungjakha je Misorw chini borogni remthai kabangma ongkha. 18Obwni jerw Misorw arw kaisa bugra ongkha. Bw Josepni kothoyw mwngsa siya. 19O bugra o jorao chini borogroknw thokaio arw chini hodaipiri roknw satokma rwgw. Bokni chakpe katalroknw phatarw khibioi tondi hinwi thwlw, o chakperok thwinaitwi. 20O joragw Mosi achayo, bw kaisa machangma charai. Bw bini bophani nogw taltham palokjakha. 21Jerw bwnw phatarw khibiywi tonkhalai Phoronni basachwk bwnw twbwgwi bini basani kosol borog khalaywi tisakha. 22Mosi Misorio rokni jotho phwrwngmabai kwrwng ongkha, arw bw kokgw tei samungw pharan ganang ongwi kasakha. 23Mosini cha jephuo brwi chi aiphuo bw bini Israyelio takhukrokbai baksa malaini hinwi thi khalaikha. 24Mosi nungkha je Misorio kaisa Israyeliyo kaisabai chaya yakwl khalaidok, bw ephuo o Israyelio borogsanw chubani thangkha arw o Misorionw buthalwi bini yagolsukha. 25Mosi bakha kakha je bini Israel takhuk bukhukrok bujinw Kaitor boknw tekhokni bagwi bwnw hojak, matwr bok omonw bijilailiya. 26Arwni salw, jephini Israyelio kainwi boknibai bok bulaidok, aiphuo bw bokni orw phaywi boknw kathakrwni bagwi sakha, 'Naidi, nokhlai takhukbai takhuk, halai tamani kaisabai kaisa chaya yakwl khalaidok.' 27Matwr o chaya yakwl khalainai borogsa Mosinw sungkalaywi sakha, 'Chwnw nalchir khalaini bagri nwnw swrw rwkha? 28Miya nwng jekhalaywi Misorio kaisanw buthalkha, obwtwijar khalaiywi anwbw tama buthalnidwi nai?' 29O koknw khanagwi Mosi khalwi thangwi Midiyon hao thangwi tongni nangkha. Odayw bini basala kainwi achaikha.
30"Obwni bisi chi brwi jerw bw jephuo Sinoi hathai koreo panthwr daikongw tongjak, orw kwrwngsa chwngjak juburw hotni hoschlaio suari kaisa Mosibai nungjakha. 31Jephini Mosi obwnw nungkha, bw amok chakha arw gam khalaywi naini bagwi koriyw thangkha. Aiphini bw Subraini kharang khanakha, 32'Ang nini hodaipiri rokni Kaitor, Abraham, Isohak tei Jakobni Kaitor.' Aiphuo Mosi kiriywi kwlwini nangkha, gam khalaywi naikhonibw kharakniya. 33Obw paywi Subrai bwnw sakha, 'Nini yakungni yakhlung khengdi, tamni hinba jerw nwng bachagwi tongdok, omo kathar jega. 34Misorw Ang Ani borogrokni sakao satokma ongdok omo nungjak, bok karapmani Ang khanajak, obwni bagwi Ang boknw yokrwni bagwi akhogwi phaikha. Ang tabok nwnw Misor hao honw.' 35Bw o kaisai Mosise jenw Israyelrok ai hinwi philrwgwi hojak, 'Swrw nwnw chini sakwlpha tei nalchirai banaikha?' Je suari o jubur bisingw Mosibai malaijak o suarini bisingtwi Kaitor i Mosinw Israyelrokni sakwlpha tei phiyoknaisa hinwi Misorw hokha. 36Obwni jerw Mosi Israyelio roknw Misor hani akhorwgwi twbwjak, tei Misor hao, Lohito Twibomw arw brwichi bisi jora panthwr jilao kodur amok samung tei sidom samung tangjak. 37Imo ongkha o Mosi jebw Irayelroknw sajak, 'Nokhni Kaitor nokhni takhuk Israyelio rokni bisingni nokhni bagwi ani kosol kaisa diyari bacharwnw.' 38I Mosise bw jebw Israyelrokbai baksa tongjak, jephuo bok panthwr jilagw baksa khalaywi tonglai. Bwbai baksa suari Sinoi Hathai sakao kok sajak. Chwnw rwni bagwi kathang elemkok i Mosise o hathaio manjak. 39Matwr chini hodaipirirok bini koknw khanani narang khalaika, obwni bodle bok Mosinw gwinw khalaiya karwi Misor hao philwi thangni naijak. 40Chini hodaipirirok Haronnw sakha, 'Mosi chwnw Misor hani akhorwgwi twbwkha, matwr bini tama ongkha chwng mwngsa siya. Obwni bagwi matairoknw takdi, jebwrok chini sakang sakang thangnw tei twidulnw.' 41Obw ongkha o jora jephini borogrok musok degani kosol matai takkha. Bok o mataini dayw yakbwrwi usrijak arw sakrokni yakbai jebwnw takjak obwnw lagwi bok tongthokni nangkha. 42Matwr Kaitor makhang philwi lakha arw boknw tal, sal, handugurini lobni bagwi yakarwi rwkha. I kok diyarirokni bijabw suijak tongw:
'O Israyelni borogrok
Panthwr jilao o bisi brwichi nokh tama Ani bagwi
Mwngsaswk yakbwrwi eba kothe manwi usrijakdwi?
43Loblaini bagwi je mataimangnw nokh takjak
O Molok mataini rinok tei Riphon mataini mukti jebw nokhni handuguri matai obwnw
nokh nokhbai baksa rujulwi tilangjak.
Obwni bagwi Ang Babil hani naywibw kachalw bonuagw honai.'
44"Panthwr jilao yakumu rinok chini hodaipirirok bai tongjak. Jekhalaywi Kaitor Mosinw o rinoknw tangni bagwi sajak tei naidal rwjak obwni maping o kathar rinok tangjakha. 45Jerw i rinok chini hodaipiri rokni dayw rwjakha, tei Jihusoibai baksa thangphini bok imwnw bokbai baksa tilangjak. Kaitor bokni bagwi je borog roknw kariywi hokha, o borogrokni hauarni bagrai ongphini bok o rinoknw bokbai baksa rujulwi lajak. Chini borogrok o katal hao thangkhlai o rinoknwbo orw tilangkha. Hodaipirirokni daini bok o rinoknw manmani. O rinok bugra Dayudni jo jora bokni dayw tongjak. 46Dayud Kaitorni khakhamma manwi Jakobni Kaitorni tongnai nok tangni bagwi ongmiti bijak, 47Matwr Dayudni basala Solomon Bini bagwi nok tangjak. 48Matwr Kaitor borogni tangnai nokgw tongya. Obwni kothoyw Diyari sajak je,
49'Subrai sao, chukha Ani bukajira, hayung Ani yakung tonnai jega, Ani bagwi nwng baitinjar nok tangthai? Ani lengkhonai jega bwrw?
50O jotho manwirok tama Ani yakni taknai manwiya?'
51"Nokh hurudwisa borog! Kaitornw nokh nokhni sakni kha abwi rwjiya! Nokh Bini kok khanani naijiya! Nokh jwnwmni Phala Kathar jebw sani naijak omonw mathagwi phaijak nokhni hodaipirirok jetinjar khalaijak. 52Imwtwijar kaisaswk diyari tongwdwi jebwnw nokhni hodaipiri rok satokma rwjiya? O Raidiasa kok ongkha Khristo phaijanai o koknw jebwrok aguo kokmai sajak, nokhni hodaipiri rok boknw buthalwi pairwjak. Tei tabokbw nokh Jisunw kenarokni yagw rumwi rwkha arw Bwnw buthalkha. 53Nokh Mosini kerongnal manjak, Kaitor Bini suarirokni bisingtwi obwnw rwjak, matwr nokh obwnw palejiya!"
Stiphanni thwinai
54O jotho kokroknw khanagwi Jihudi ojarok Stiphannw thamchi kasukkha tei buwa bai buwa ualni nangkha. 55Stiphan Phala Katharbai kwpwlwng ongwi chukha aita naikhoka tei nungkha Kaitorni chwngsacha, arw nungkha Jisu Kaitorni yagara phaising bachajak. 56Bw sakha, "Naidi! Ang nungdok chukha khengjak, tei Borogni Sajla Kaitorni yagara phaising bachagwi tongjak!" 57Obwbai bok bokni khunjur yesibai muthubkha tei chiriklaywi jothobw Stiphannw buni bagwi bini aita khalwi thanglaikha. 58Bok Stiphannw buthalwi pairwni bagwi bwnw swtrwgwi aulini phatarw tilangkha tei holong kokni rumkha. Arw sathairok bokni sakani ri khengwi Sol mwngni kaisa chakwlwini yakung koreo tongkha. 59Bok jephuo Stiphannw holong koklaidok aiphuo bw suriywi sakha, "Subrai Jisu, ani phalanw lasidi." 60Jerw bw yesu mokromwi chirigwi sakha, "Subrai, bokni i sumsok tarumdi." I koknw sagwi bw thwikha.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh