Prerit 21
21
Jirusalem aita
1Iphis mothani ojarokni daini hamalai lagwi chwng rungtor bai uju Ko twibongw phaikha. Arwni salw chwng Rod twibongw thangkha. Obwni jerw odaini Patara aulio thangkha. 2Odayw chwng Phwinikiya thangnai rungtor kwrwngsa mankha. Aiphuo chwng o rungtorw kagwi thangni chengkha. 3Jedayw Saipras twibong nungja chwng odayw phaika. Obwni Salagra aita pangkoywi chwng Siriyagw thangni rumkha. Chwng Sorw thangwi rungtorni akhokha. Odayw chini rungtorni manwi khunwi tikhalaitai kok. 4Odayw sagriroknw naitubwi manwi chwng bokbai baksa sal sni tongjak. Phala Kathar sagrirokni bisingtwi Polnw kwrwk rwkha bw Jirusalemw thangyatwi. 5Matwr o salrok thangwi painai jerw chwng boknw yakarwi chini lamagw thangni chengkha. Bok chala, bwrwi, cherok jotho chini ukhum ukhum aulini phatarw phaikha. Jerw twibom kandagw chwng yesu mokoromwi surilaikha. 6Obwni jerw aulini borogrokbai hamalai rwlaywi chwng rungtorw kakha arw bokbw nogw philwi thangkha. 7Sor daini thangni chengwi chwng Tolimayigw suilaikha. Bok odaini paitoai takhukroknw hamchang rwgwi bokbai baksa salsa tongkha. 8Jerwni salw chwng Tolimayi daini akhogwi Kwisoriyagw soikha tei kothoma pirinai Philipni nogw tongkha. Bw ongkhadwi Jirusalem mothani o mwngnai kaisni bisingw bw kaisa. 9Bini basa birok chala lajiya kaibwrwi tongw. Bok borog rokni dayw diyari hinwi Kaitorni kok sagw. 10Chwng odayw salnwi saltham tongnai jerw Jihudiya daini Agab mwngni kaisa diyari phaikha. 11Bw chini dayw phaywi Polni changni changdok sukugwi lakha arw obwbai sakni yak yathwi khagwi sakha, "Kathar phala sajak, 'Jirusalemni Jihudirok i changni changdokni nophangnw arai khlaywi khanai arw Bejihudi rokni yagw rwnai.'" 12I koknw khanagwi odaini borogrok arw chwng Polnw karabwi karabwi kabokkha bw Jirusalemw thangyatwi. 13Aiphuo Pol sakha, "Nokh karabwi ani bakhao dugu tani rw? Subrai Jisuni bagwi ang Jirusalemw keber chupjaniya, thwini bagwibw jugalwi tongjak." 14Bwnw mathak maniya thani chwng phwrwk ongkha tei jerw sakha, "Subraini muchung mwngtwi ongthwk." 15Obwni jerw chwng chini manwi khunwi jai khalaywi lagwi Jirusalemw thangni rumkha. 16Kwisoriyani kainwi kaitham sagri chwngbai baksa thangkha arw Mnason mwngni Saipras twibongni kaisa borogni nugw tilangkha. Imwni nogwse chini tongthai kok. Bw ongkha pwila sagrirokni bisingni kaisa.
Pol Jirusalemw kasokphaika
17Jirusalemw suikhalai jerw paitoai takhukrok sok majagwi chwnw goseywi lakha. 18Jerwni salw Pol chwngbai baksa Jakobnw naini thangkha. Odayw mothani jotho okara chakarok thaibuk tongw. 19Pol boknw hamchang rwkha arw bini samungni bisingtwi Kaitor tama khalaywi Bejihudirokni bisingw samung tangjak obwnw kwrwngsa kwrwngsa khlaywi sakha. 20I koknw khanagwi ojarok Kaitornw loblaikha arw Polnw sakha, "Takhuk nwnglai nungdok bwswk sai sai Jihudi Kaitornw paitokha, tei bok jotho Mosini kerongnal paleni bagwi rak srangjak. 21Bok kotho manjak, Bejihudirokni bisingw je Jihudirok tong boknw nwng Mosini kerongnalnw yakardi hinwi phwrwngwi tongw, kok ongkha nwng bokni basaroknw sunnot khalaini arw Jihudirokni cholenai ikim ta paledi hinwi mathagwi tongw. 22Tabok chwng ta khalaijanai. Boklai khamka khananw je, nwng phaijak hinwi. 23Chwng tabok nwnw jebw sanw nwng obwnw se khalaidi. Chini bisingw borog kaibwrwi tongw jebwrok kwrwngsa manasi khalaijak. 24I borogroknw nwng nini logeo tilangwi thangdi arw sudamni maping kwchwng ongnai panda#21:24 kwchwng ongnai panda Gonona lobong 6:1-21 khep. khalaidi, arw nwng o pandani bagwi rang rwdi. Imwrokni jerw bok bokni bokhorokni khanai ramannw. Aiphuo jotho sinw je, nini kothoyw bok je kotho manjak obw misa arw nwng kerongnal paledok. 25Je Bejihudirok paitoai ongjak bokni bagwi chwng jebw thi khalaijak o kothoyw bokni dayw i koknw suiywi sirwjak je, bok mataini dayw dali rwjak manwi machaya chaya, thwi machaya, totara sebwi buthaljak mwngsachwk yabrwi bakhan machaya arw lalaiya bader tonglainai samung makhalaiya." 26Aithani Pol tei o borogrok sudamni maping kwchwng onglaikha. Jerwni salw Pol noktharw thangkha, arw bokni kwchwng ongnai jo baiphini ongnw tei jothoni bagwi baiphuo sadoan dali rwthai obwnw sagwi rwkha.
Pol chupjakha
27Kwchwng ongnai o sal sni paitwtwi ongkhalai Asia amchoini kaisa kainwi Jihudi Polnw noktharw nungkha. Bok odaini borog roknw soragwi rwkha tei Pol rumjakha. 28Jerw bok chirigwi sani nangkha, "Israliyorok, phaywi chuba phaidi! Jotho jegani borogni dayw chini dopha arw kerongnal tei noktharni baithe je borog sirwng rwgwi berek, imwse o borog. Obwni badebw bw noktharw Grik roknw twbwgwi i kathar jeganw untha khalaikha." 29Bok i koknw sakha twmwi hinba bok aguo Iphis aulini Trophimnw Polni logeo nungjak. Aithani bagwi bok bakha kakha, Pol Trophimnw noktharw twbwkha. 30Aiphuo jotho auli hurumuru ongkha. Borogrok baksa khalaywi khalwi phaywi Polnw rumwi nokthar daini swtwnwi tikhalaikha arw loge loge noktharni jotho duar rok khagwi rwkha. 31Borogrok Polnw buthalni bagwi chaitok laiphini, o jorao Romio rokni ojabirinphani dayw kotho suikha je, jotho Jirusalem aulio athamara hurumuru ongni rumkha. 32Aiphuo bw birinpha, rasa sengkrakni oja tei sengkrak roknw lagwi odayw rwgwi phaikha. Jihudirok jephini ojabirinpha bai baksa bini sengkrakroknw nungkha, aiphuo bok Polnw bunai thakrwkha. 33Aiphuo birinpha phaywi Polnw chubkha arw sigwl kwrwngnwi bai khadi hinwi tholkha. Obwni jerw bw swngkha, "Imw swrw? Bw tama khalaijak." 34Aiphuo borog cherep bising daini kaisa kanwi chirigwi jar kaisa kok sakha, arw kaisa kainwi chirigwi kothe jar kaisa kok sakha. I kechemeche dayw bw mwngsa thi khalaimaniya thani Polnw sengkrak nokgw tilangwi thandi hinwi tholkha. 35-36Jotho borogrok bokni ukhum ukhum thandok. Pol jephuo yakhwlwi koriyw sokphaikha, aiphuo borogrok iswk khamreng ongwi kasakha je sengkrakrok Polnw pharkungw balwi lani nangkha. Borogrok bini ukhum ukhum chirigwi sani nagkha, "Bwnw buthalwi pairwdi."
Borogrokni dayw Polni kok
37Sengkrakrok Polnw lagwi sengkrak nogw hapnai jogw Pol birinphanw sakha, "Nwnw ta ang mwngsasok samannw?" Birinpha sakha, "Nwnglai Grik kok manbile? 38Nwng ta o Misoriyo yadwi jebw talnwi taltham aguo pwital chengjak tei brwisai dwngsi roknw twidulwi panthwrw tilangwi thangjak?" 39Eiphuo Pol sakha, "Whwi, ang kaisa Jihudi, Kilikiya amchoini nangru auli Tarsoni kamikai. Ang nwnw kabogw i borogrokni dayw anw kisa kok sani rwdi." 40Birinpha bwnw sadi hinwi sakhalai bw yakhwlwi koreyw thangwi bachagwi boknw phwrwk ongdi hinwi yakthar rwkha. Jotho jephuo phwrwk onglaikha aiphuo bw Ibriyo kokbai kok sani rumkha.
ទើបបានជ្រើសរើសហើយ៖
Prerit 21: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh
Prerit 21
21
Jirusalem aita
1Iphis mothani ojarokni daini hamalai lagwi chwng rungtor bai uju Ko twibongw phaikha. Arwni salw chwng Rod twibongw thangkha. Obwni jerw odaini Patara aulio thangkha. 2Odayw chwng Phwinikiya thangnai rungtor kwrwngsa mankha. Aiphuo chwng o rungtorw kagwi thangni chengkha. 3Jedayw Saipras twibong nungja chwng odayw phaika. Obwni Salagra aita pangkoywi chwng Siriyagw thangni rumkha. Chwng Sorw thangwi rungtorni akhokha. Odayw chini rungtorni manwi khunwi tikhalaitai kok. 4Odayw sagriroknw naitubwi manwi chwng bokbai baksa sal sni tongjak. Phala Kathar sagrirokni bisingtwi Polnw kwrwk rwkha bw Jirusalemw thangyatwi. 5Matwr o salrok thangwi painai jerw chwng boknw yakarwi chini lamagw thangni chengkha. Bok chala, bwrwi, cherok jotho chini ukhum ukhum aulini phatarw phaikha. Jerw twibom kandagw chwng yesu mokoromwi surilaikha. 6Obwni jerw aulini borogrokbai hamalai rwlaywi chwng rungtorw kakha arw bokbw nogw philwi thangkha. 7Sor daini thangni chengwi chwng Tolimayigw suilaikha. Bok odaini paitoai takhukroknw hamchang rwgwi bokbai baksa salsa tongkha. 8Jerwni salw chwng Tolimayi daini akhogwi Kwisoriyagw soikha tei kothoma pirinai Philipni nogw tongkha. Bw ongkhadwi Jirusalem mothani o mwngnai kaisni bisingw bw kaisa. 9Bini basa birok chala lajiya kaibwrwi tongw. Bok borog rokni dayw diyari hinwi Kaitorni kok sagw. 10Chwng odayw salnwi saltham tongnai jerw Jihudiya daini Agab mwngni kaisa diyari phaikha. 11Bw chini dayw phaywi Polni changni changdok sukugwi lakha arw obwbai sakni yak yathwi khagwi sakha, "Kathar phala sajak, 'Jirusalemni Jihudirok i changni changdokni nophangnw arai khlaywi khanai arw Bejihudi rokni yagw rwnai.'" 12I koknw khanagwi odaini borogrok arw chwng Polnw karabwi karabwi kabokkha bw Jirusalemw thangyatwi. 13Aiphuo Pol sakha, "Nokh karabwi ani bakhao dugu tani rw? Subrai Jisuni bagwi ang Jirusalemw keber chupjaniya, thwini bagwibw jugalwi tongjak." 14Bwnw mathak maniya thani chwng phwrwk ongkha tei jerw sakha, "Subraini muchung mwngtwi ongthwk." 15Obwni jerw chwng chini manwi khunwi jai khalaywi lagwi Jirusalemw thangni rumkha. 16Kwisoriyani kainwi kaitham sagri chwngbai baksa thangkha arw Mnason mwngni Saipras twibongni kaisa borogni nugw tilangkha. Imwni nogwse chini tongthai kok. Bw ongkha pwila sagrirokni bisingni kaisa.
Pol Jirusalemw kasokphaika
17Jirusalemw suikhalai jerw paitoai takhukrok sok majagwi chwnw goseywi lakha. 18Jerwni salw Pol chwngbai baksa Jakobnw naini thangkha. Odayw mothani jotho okara chakarok thaibuk tongw. 19Pol boknw hamchang rwkha arw bini samungni bisingtwi Kaitor tama khalaywi Bejihudirokni bisingw samung tangjak obwnw kwrwngsa kwrwngsa khlaywi sakha. 20I koknw khanagwi ojarok Kaitornw loblaikha arw Polnw sakha, "Takhuk nwnglai nungdok bwswk sai sai Jihudi Kaitornw paitokha, tei bok jotho Mosini kerongnal paleni bagwi rak srangjak. 21Bok kotho manjak, Bejihudirokni bisingw je Jihudirok tong boknw nwng Mosini kerongnalnw yakardi hinwi phwrwngwi tongw, kok ongkha nwng bokni basaroknw sunnot khalaini arw Jihudirokni cholenai ikim ta paledi hinwi mathagwi tongw. 22Tabok chwng ta khalaijanai. Boklai khamka khananw je, nwng phaijak hinwi. 23Chwng tabok nwnw jebw sanw nwng obwnw se khalaidi. Chini bisingw borog kaibwrwi tongw jebwrok kwrwngsa manasi khalaijak. 24I borogroknw nwng nini logeo tilangwi thangdi arw sudamni maping kwchwng ongnai panda#21:24 kwchwng ongnai panda Gonona lobong 6:1-21 khep. khalaidi, arw nwng o pandani bagwi rang rwdi. Imwrokni jerw bok bokni bokhorokni khanai ramannw. Aiphuo jotho sinw je, nini kothoyw bok je kotho manjak obw misa arw nwng kerongnal paledok. 25Je Bejihudirok paitoai ongjak bokni bagwi chwng jebw thi khalaijak o kothoyw bokni dayw i koknw suiywi sirwjak je, bok mataini dayw dali rwjak manwi machaya chaya, thwi machaya, totara sebwi buthaljak mwngsachwk yabrwi bakhan machaya arw lalaiya bader tonglainai samung makhalaiya." 26Aithani Pol tei o borogrok sudamni maping kwchwng onglaikha. Jerwni salw Pol noktharw thangkha, arw bokni kwchwng ongnai jo baiphini ongnw tei jothoni bagwi baiphuo sadoan dali rwthai obwnw sagwi rwkha.
Pol chupjakha
27Kwchwng ongnai o sal sni paitwtwi ongkhalai Asia amchoini kaisa kainwi Jihudi Polnw noktharw nungkha. Bok odaini borog roknw soragwi rwkha tei Pol rumjakha. 28Jerw bok chirigwi sani nangkha, "Israliyorok, phaywi chuba phaidi! Jotho jegani borogni dayw chini dopha arw kerongnal tei noktharni baithe je borog sirwng rwgwi berek, imwse o borog. Obwni badebw bw noktharw Grik roknw twbwgwi i kathar jeganw untha khalaikha." 29Bok i koknw sakha twmwi hinba bok aguo Iphis aulini Trophimnw Polni logeo nungjak. Aithani bagwi bok bakha kakha, Pol Trophimnw noktharw twbwkha. 30Aiphuo jotho auli hurumuru ongkha. Borogrok baksa khalaywi khalwi phaywi Polnw rumwi nokthar daini swtwnwi tikhalaikha arw loge loge noktharni jotho duar rok khagwi rwkha. 31Borogrok Polnw buthalni bagwi chaitok laiphini, o jorao Romio rokni ojabirinphani dayw kotho suikha je, jotho Jirusalem aulio athamara hurumuru ongni rumkha. 32Aiphuo bw birinpha, rasa sengkrakni oja tei sengkrak roknw lagwi odayw rwgwi phaikha. Jihudirok jephini ojabirinpha bai baksa bini sengkrakroknw nungkha, aiphuo bok Polnw bunai thakrwkha. 33Aiphuo birinpha phaywi Polnw chubkha arw sigwl kwrwngnwi bai khadi hinwi tholkha. Obwni jerw bw swngkha, "Imw swrw? Bw tama khalaijak." 34Aiphuo borog cherep bising daini kaisa kanwi chirigwi jar kaisa kok sakha, arw kaisa kainwi chirigwi kothe jar kaisa kok sakha. I kechemeche dayw bw mwngsa thi khalaimaniya thani Polnw sengkrak nokgw tilangwi thandi hinwi tholkha. 35-36Jotho borogrok bokni ukhum ukhum thandok. Pol jephuo yakhwlwi koriyw sokphaikha, aiphuo borogrok iswk khamreng ongwi kasakha je sengkrakrok Polnw pharkungw balwi lani nangkha. Borogrok bini ukhum ukhum chirigwi sani nagkha, "Bwnw buthalwi pairwdi."
Borogrokni dayw Polni kok
37Sengkrakrok Polnw lagwi sengkrak nogw hapnai jogw Pol birinphanw sakha, "Nwnw ta ang mwngsasok samannw?" Birinpha sakha, "Nwnglai Grik kok manbile? 38Nwng ta o Misoriyo yadwi jebw talnwi taltham aguo pwital chengjak tei brwisai dwngsi roknw twidulwi panthwrw tilangwi thangjak?" 39Eiphuo Pol sakha, "Whwi, ang kaisa Jihudi, Kilikiya amchoini nangru auli Tarsoni kamikai. Ang nwnw kabogw i borogrokni dayw anw kisa kok sani rwdi." 40Birinpha bwnw sadi hinwi sakhalai bw yakhwlwi koreyw thangwi bachagwi boknw phwrwk ongdi hinwi yakthar rwkha. Jotho jephuo phwrwk onglaikha aiphuo bw Ibriyo kokbai kok sani rumkha.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh