Prerit 2
2
Sagrirok Phala Kathar manmani
1Jerw bachi thek sal sukpaikha, o salo pirisairok jotho baksa khalayoi kwrwngsa jagao thumjalaijak. 2Tei atakkiya khalayoi nokha sakani nobar kotorni kharangni kosol khanalaikha tei je nogw bok achuklaijak, o nok o kharangbai pwlwngoi thangkha. 3Bok bokni sakangw hotni salaini kosol nungkha tei o hot bwdringrok bakjagwi bokni jothoni sakao achukkha. 4Bok jothobw Phala Katharbai kwplwng ongwi jatejar kokbai kok salaini chengkha. Twmwi himba Phala Kathar boknw arai khalayoi kok sani pharan rwkha. 5O jorao jotho dophani raidia Jihudirok Jirusalemo tongdok. 6Jephini bok o kharangnw khanakha, bok biji manliya imw tani ongdok, twmwi himba bok jothobw bokni sakni sakni kokbai pirisairoknw kok salaimani khanadok. 7Omobai bok amok ongwi kaisabai kaisanw salailaiha, "Naidi! I kok sanairok bok ta jotho Galilni borogya dwi? 8Iswkhalai chwng jothobw tama khalaywi boknw chini sakni amani kokbai kok samani khanadok? 9Chwng Parthiyo, Madiyo, Elomiyo, Mesopotemiya, Jihudiya, Kappadokiya, Ponto, Asia amchoini borog, 10Phurogiya, Pamphuliya, Misor, Libiya bisingni Kurinini kore kara jegani, Romni borogrok 11(Jihudi tei je Bejihudirok Jihudirokni kosol paitok), Krit twibongni borogrok tei Arobiyorok, chwng jotholai chini sakni sakni amani kokbai Kaitorni hamtor samungni kok boknw samani khanadok."
12Bok amok tei tama ongdok busmaya ongwi kaisabai kaisanw swnglaini nangkha, "Imwni sema tama?" 13Arw kaisa kainwi sagri roknw thechara thwngwi sakha, "Bok kabang chuak nwngwi phwijak."
Borog rokni dayw Pitorni kok
14Aiphuo Pitor o chisa sagri rokbai bachagwi khorang gara khalaywi boknw sakha, "Jihudiyani borogrok, arw nokh Jirusalemo jeswk borog tonglaidok, jothoni bagwi ang sadok, nokh imwni sema ta omo sitai kalayw. 15Nokh jebw bakha kadok omoya, i borogrok kaisabw kwphwiya, twmwi himba tabokse phurungni dam chuku bajio. 16Imwse obw jebw diyari Joyel sajak,
17"'Kaitor sadok, paithak salrogw Ang jotho borognw Ani phala lugwi rwnw, omobai nokhni basarok kokmai sanw, nokhni chakwlwirok Kaitorni daini nung mannai tei okra chakra borogrok emang nungnai.
18Obw tama Ang Ani selengcha tei selengjwk rokni sakaobw Ani phalanw rwgwi rwnw, tei bok kokmai sanw.
19Ang nokha sakao amok amok tolpi phunuknw, tei tolagw hayungw jatejar mari, thwi, hot arw kwbangma haku phunuknai.
20Subraini o hamtor tei muhini kwplwng sal phainai aguo sakang sal andar ongwi thanw tei tal thwini kosol kachak ongnai.
21Kaisaswk jwtini Subraini bumung ring halai, bw tekhokma mannai.'
22"Israyelrok, i kok khanadi. Nasorotni Jisuni bisingtwi Kaitor nokhni dayw hamtor tei amok amok samung tangwi nokhni dayw majra khalaijak, Bwse o borog jebwnw Kaitor hojak, arw imoroknwlai nokh siyw. 23Kaitor Bini rainalni maping thi khalaywi paijak je Jisu nokhni yagw abwi rwjaknw. Tei nokh Bwnw sumsok kwplwng borogrokni bisingtwi kruso rwjak. 24Matwr Kaitor thwinai tentrokma daini yokrwgwi Bwnw mwthangwi tisakha, twmwi himba Bwnw rumwi larwknai pharan thwimungni kwrwi. 25Dayud Bini kothoyw sajak,
'Ang Subrainw jwnwmni Ani sakangw nungjak, Bw ani yagara aita tongw aithani ang kirigalak.
26Aithani ani kha tongthokma bai kwplwng tei ani salai khaslokmani kok sao, ani basakbw khadung lagwi lengkhonw.
27Twmwi himba Nwng Anw mangkhorw khibiywi tongalak, arw Nini Kathar Borogni mangwdanwbw nwng sogrwgalak.
28Nwng Anw o lamanw phunukjak jebw gam langmani twidulmung rwgw, Nini koriyw tongnai ani langmanw tongthokmabai kwplwng khalainw.'
29"Takhukrok, I kok ang daijw khalaywi samanw bubagrarokni hodaipiri Dayud thwijak arw bwnw phobjak tei o mangkhor tabokbw irw tongw. 30Bw ongkha kaisa diyari tei bw siyw Kaitor bini dayw baiko khalaywi i kok rwjak je bini bosongni kaisanw bini kosol bubagra khalaywi bini jegao achukrwnai. 31Ulo ta ongnw omo Dayud sijak aithani bw Mosihoni kwthwirokni daini thangwi bachanaini kothoyw sajak: Bwnw mangkhor bisingwbw khibiywi tonjiya arw Bini mangwdabw sogjiya. 32Kaitor o Jisunwse kathang khalaywi tisakha, arw chwng jotho omoni sathai. 33Kaitor Jisunw kotor borom rwkha tei Bw tabok Kaitorni koriyw Bini yagara phaising achugwi tongdok. Kaitor Phala Katharnw rwni hinwi samai tangjak tei Jisu Bwnw Apha Kaitorni daini goseywi lakha tei obonw chwnw mangana rwjak. Aithani bagwi nokh imwroknw nungdok tei khanadok. 34Twmwi himba Dayud sakbw chukhna hao thangjiya, matwr bw sajak, 'Subrayung Ani Subrainw sakha, 35Nini kenaroknw Ang Nini yathwi tolagw tonyasak Nwng Ani yagara aita achukdi.' 36Aithani jotho Israel dopha i kok gam khalaywi sithwk je, Jenw nokh Kruso rwjak, O Jisunwse Kaitor Subrai tei Khristo kwrwngnwibo khalaijak." 37I kok khanagwi bok bakha rachaljakha. Bok Pitornw tei arw tongnai pirisai roknw swngkha, "Takhukrok, chwng ta khalaitai?" 38Pitor bokno sakha, "Nokh bakha phirokdi, tei nokh jotho nokhni sumsok nakarmung manni bagwi Jisu Khristoni mungbai baptismo ladi, iswkhalai nokh yakpi hinwi Phala Katharnw mannai. 39Twmwi himba i kokrwma nokhni bagwi, nokhni basarokni bagwi tei jebwrok kachalo tongdok bokni bagwi tei chini Subrai Kaitor jeswk borognw Bini Sakni korio ringkho bokni bagwibw." 40Tei Pitor arw kabang kok sagwi boknw sadih khalaika, bw boknw kabogwi sakha, "Je senjirok tabok phaidok odaini saknw rwkkhia khalaidi." 41Jebwrok Pitorni kok khanagwi paitokkha bok baptismo lakha, o salw sagrirokbai sai tham twtwi borog manjojakha.
Khristo paitoai rokni yakwl
42O borogrok pirisai rokni phwrwngmanw mwitw rwgwi khanagw. Tei Bok jwnwm baksa khalaywi chani bagwi tei surini bagwi thumjalayo. 43Pirisairok kabangma amok amok samung khalaini nangkha, jothoni bakhao Kaitorni bagwi khabomsok kirima phaini nangkha. 44Jotho paitoairok jwnwm pabaksani bagwi baksa thumjalayo tei bok bokni jotho manwi baglaywi lalayw. 45Bok sakni rangri phalw arw jeni jeswk nang boknw rang bagwi rwgw. 46Bok salbiti noktharw baksa khalaywi thumjalayw, tei kothe kotheni nuo baksa khalaywi koinene khabai Kaitornw hambai rwgwi chalailayw. 47Paitoairok Kaitornw loblaio, tei bokni bagwi jothoni gam kha tongw. Jwnwm biti borogrok tekhokma manlaini nangkha tei paitoairokbai baksa daljani nangkha.
ទើបបានជ្រើសរើសហើយ៖
Prerit 2: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh
Prerit 2
2
Sagrirok Phala Kathar manmani
1Jerw bachi thek sal sukpaikha, o salo pirisairok jotho baksa khalayoi kwrwngsa jagao thumjalaijak. 2Tei atakkiya khalayoi nokha sakani nobar kotorni kharangni kosol khanalaikha tei je nogw bok achuklaijak, o nok o kharangbai pwlwngoi thangkha. 3Bok bokni sakangw hotni salaini kosol nungkha tei o hot bwdringrok bakjagwi bokni jothoni sakao achukkha. 4Bok jothobw Phala Katharbai kwplwng ongwi jatejar kokbai kok salaini chengkha. Twmwi himba Phala Kathar boknw arai khalayoi kok sani pharan rwkha. 5O jorao jotho dophani raidia Jihudirok Jirusalemo tongdok. 6Jephini bok o kharangnw khanakha, bok biji manliya imw tani ongdok, twmwi himba bok jothobw bokni sakni sakni kokbai pirisairoknw kok salaimani khanadok. 7Omobai bok amok ongwi kaisabai kaisanw salailaiha, "Naidi! I kok sanairok bok ta jotho Galilni borogya dwi? 8Iswkhalai chwng jothobw tama khalaywi boknw chini sakni amani kokbai kok samani khanadok? 9Chwng Parthiyo, Madiyo, Elomiyo, Mesopotemiya, Jihudiya, Kappadokiya, Ponto, Asia amchoini borog, 10Phurogiya, Pamphuliya, Misor, Libiya bisingni Kurinini kore kara jegani, Romni borogrok 11(Jihudi tei je Bejihudirok Jihudirokni kosol paitok), Krit twibongni borogrok tei Arobiyorok, chwng jotholai chini sakni sakni amani kokbai Kaitorni hamtor samungni kok boknw samani khanadok."
12Bok amok tei tama ongdok busmaya ongwi kaisabai kaisanw swnglaini nangkha, "Imwni sema tama?" 13Arw kaisa kainwi sagri roknw thechara thwngwi sakha, "Bok kabang chuak nwngwi phwijak."
Borog rokni dayw Pitorni kok
14Aiphuo Pitor o chisa sagri rokbai bachagwi khorang gara khalaywi boknw sakha, "Jihudiyani borogrok, arw nokh Jirusalemo jeswk borog tonglaidok, jothoni bagwi ang sadok, nokh imwni sema ta omo sitai kalayw. 15Nokh jebw bakha kadok omoya, i borogrok kaisabw kwphwiya, twmwi himba tabokse phurungni dam chuku bajio. 16Imwse obw jebw diyari Joyel sajak,
17"'Kaitor sadok, paithak salrogw Ang jotho borognw Ani phala lugwi rwnw, omobai nokhni basarok kokmai sanw, nokhni chakwlwirok Kaitorni daini nung mannai tei okra chakra borogrok emang nungnai.
18Obw tama Ang Ani selengcha tei selengjwk rokni sakaobw Ani phalanw rwgwi rwnw, tei bok kokmai sanw.
19Ang nokha sakao amok amok tolpi phunuknw, tei tolagw hayungw jatejar mari, thwi, hot arw kwbangma haku phunuknai.
20Subraini o hamtor tei muhini kwplwng sal phainai aguo sakang sal andar ongwi thanw tei tal thwini kosol kachak ongnai.
21Kaisaswk jwtini Subraini bumung ring halai, bw tekhokma mannai.'
22"Israyelrok, i kok khanadi. Nasorotni Jisuni bisingtwi Kaitor nokhni dayw hamtor tei amok amok samung tangwi nokhni dayw majra khalaijak, Bwse o borog jebwnw Kaitor hojak, arw imoroknwlai nokh siyw. 23Kaitor Bini rainalni maping thi khalaywi paijak je Jisu nokhni yagw abwi rwjaknw. Tei nokh Bwnw sumsok kwplwng borogrokni bisingtwi kruso rwjak. 24Matwr Kaitor thwinai tentrokma daini yokrwgwi Bwnw mwthangwi tisakha, twmwi himba Bwnw rumwi larwknai pharan thwimungni kwrwi. 25Dayud Bini kothoyw sajak,
'Ang Subrainw jwnwmni Ani sakangw nungjak, Bw ani yagara aita tongw aithani ang kirigalak.
26Aithani ani kha tongthokma bai kwplwng tei ani salai khaslokmani kok sao, ani basakbw khadung lagwi lengkhonw.
27Twmwi himba Nwng Anw mangkhorw khibiywi tongalak, arw Nini Kathar Borogni mangwdanwbw nwng sogrwgalak.
28Nwng Anw o lamanw phunukjak jebw gam langmani twidulmung rwgw, Nini koriyw tongnai ani langmanw tongthokmabai kwplwng khalainw.'
29"Takhukrok, I kok ang daijw khalaywi samanw bubagrarokni hodaipiri Dayud thwijak arw bwnw phobjak tei o mangkhor tabokbw irw tongw. 30Bw ongkha kaisa diyari tei bw siyw Kaitor bini dayw baiko khalaywi i kok rwjak je bini bosongni kaisanw bini kosol bubagra khalaywi bini jegao achukrwnai. 31Ulo ta ongnw omo Dayud sijak aithani bw Mosihoni kwthwirokni daini thangwi bachanaini kothoyw sajak: Bwnw mangkhor bisingwbw khibiywi tonjiya arw Bini mangwdabw sogjiya. 32Kaitor o Jisunwse kathang khalaywi tisakha, arw chwng jotho omoni sathai. 33Kaitor Jisunw kotor borom rwkha tei Bw tabok Kaitorni koriyw Bini yagara phaising achugwi tongdok. Kaitor Phala Katharnw rwni hinwi samai tangjak tei Jisu Bwnw Apha Kaitorni daini goseywi lakha tei obonw chwnw mangana rwjak. Aithani bagwi nokh imwroknw nungdok tei khanadok. 34Twmwi himba Dayud sakbw chukhna hao thangjiya, matwr bw sajak, 'Subrayung Ani Subrainw sakha, 35Nini kenaroknw Ang Nini yathwi tolagw tonyasak Nwng Ani yagara aita achukdi.' 36Aithani jotho Israel dopha i kok gam khalaywi sithwk je, Jenw nokh Kruso rwjak, O Jisunwse Kaitor Subrai tei Khristo kwrwngnwibo khalaijak." 37I kok khanagwi bok bakha rachaljakha. Bok Pitornw tei arw tongnai pirisai roknw swngkha, "Takhukrok, chwng ta khalaitai?" 38Pitor bokno sakha, "Nokh bakha phirokdi, tei nokh jotho nokhni sumsok nakarmung manni bagwi Jisu Khristoni mungbai baptismo ladi, iswkhalai nokh yakpi hinwi Phala Katharnw mannai. 39Twmwi himba i kokrwma nokhni bagwi, nokhni basarokni bagwi tei jebwrok kachalo tongdok bokni bagwi tei chini Subrai Kaitor jeswk borognw Bini Sakni korio ringkho bokni bagwibw." 40Tei Pitor arw kabang kok sagwi boknw sadih khalaika, bw boknw kabogwi sakha, "Je senjirok tabok phaidok odaini saknw rwkkhia khalaidi." 41Jebwrok Pitorni kok khanagwi paitokkha bok baptismo lakha, o salw sagrirokbai sai tham twtwi borog manjojakha.
Khristo paitoai rokni yakwl
42O borogrok pirisai rokni phwrwngmanw mwitw rwgwi khanagw. Tei Bok jwnwm baksa khalaywi chani bagwi tei surini bagwi thumjalayo. 43Pirisairok kabangma amok amok samung khalaini nangkha, jothoni bakhao Kaitorni bagwi khabomsok kirima phaini nangkha. 44Jotho paitoairok jwnwm pabaksani bagwi baksa thumjalayo tei bok bokni jotho manwi baglaywi lalayw. 45Bok sakni rangri phalw arw jeni jeswk nang boknw rang bagwi rwgw. 46Bok salbiti noktharw baksa khalaywi thumjalayw, tei kothe kotheni nuo baksa khalaywi koinene khabai Kaitornw hambai rwgwi chalailayw. 47Paitoairok Kaitornw loblaio, tei bokni bagwi jothoni gam kha tongw. Jwnwm biti borogrok tekhokma manlaini nangkha tei paitoairokbai baksa daljani nangkha.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh