Prerit 10
10
Rasa sengkrakni oja Korniliyo
1Kwisoriyao Korniliyo mwngwi borog kaisa tongw, Bw Romio birindiani Italiyo sohngni kaisa rasa sengkhrok. 2Jihudiya phwng bw tei bini nokni jothobw Kaitornw khabomw arw Bwnw lobw. Bw bigra roknw kabangma rang pwisa ruai rwgo arw Kaitorni dayw jwnwm biti suri sanw. 3Salsa sarini dam tham aita kwrwngsa nungnaini bisingtwi bw srai nungkha je Kaitorni suari kaisa bini dayw phaywi sakha, "Korniliyo!" 4Korniliyo suarini aita naikhogwi kiriywi sakha, "Subrai, Nwng ta nai?" O Suari bwnw sakha, "Korniliyo nini surimwng Kaitor khanajak, nwng bigra roknw chubajak omonw Kaitor nungjak tei Bw o samungni bagwi khachangjak.
5Tabok nwng Japho aulio borog hodi, tei sirw Simon mwngni borog kaisa tongw, jebwnw Pitor hinwibw ringw, nini borogrok bwnw ringwi idayw twbwgwi phaithwk. 6Bw Simonni nogw tongw jebw mwikurni samung tang, o nok twijalang kandao." 7Suari kok sagwi thangwi paikhalai Korniliyo bini kainwi selengnw tei kaisa sengkraknw ringkhogwi hoka. O sengkrak Korniliyonw mwngw tei Kaitornw lobw. 8Korniliyo o borog kaithamnw ta ta ongjak omoroknw jotho gam khalaywi sagwi boknw Japhogw hoka.
Pitorni nung
9Jerwni salw jephuo o borogrok Japho auli aita phaidok aiphuo sal diphwr. Pitor surini bagwi o jorao nukhung sakao kakha. 10Aiphuo Pitor rak ukhirijakha arw bw mwngsaswk chani bikha. Jephuo Pitorni bagwi chamwng sungdok, aiphuo Pitor Kaitorni daini emang nungkha. 11Bw nungkha, nokha phiyokjakha arw gadu garani kosol kwrwngsa rinw hayungw kariywi rwdok, jebw pang kaibrwi rumjak. 12O gadu bisingw tongw jatejar yakbwrwi, bakhabai malnai singmal arw toksa tokmili. 13Obwni jerw bw khanakha kaisaswk bwnw sadok, "Pitor, bachadi, buthalwi chadi."
14Pitor sakha, "Whwi, whwi, Subrai. Ang oaisabw katharya eba untha mwngsaswk chajiya."
15Aiphuo bw arwbw khanakha, "Kaitor jebwnw kathar khalaijak nwng obwnw katharya tahindi." 16Ai khalaywi oaitham ongwi paikhalai o gadunw nokhagw tisagwi tilangkha.
17Pitor je nung mangkha obwni sema tama ongmanw obwnw lagwi bw uansogwi tongphini, o jorao Korniliyoni honai o borogrok Simonni nok naitubwi mangkha tei haplamni sakangw phaywi bachakha. 18Obwni jerw bok ringkhogwi swngkha, "Simon, jebwnw Pitor hinwi ring, bw tama idaywdwi tongdok?"
19Pitor aiphuobw nungni kok uansokdok, imwtwijar jorao Phala Kathar bwnw sakha, "Naidi, borog kaitham nwnw naitubdok. 20Bachagwi tolagw thangdi. Mwngsa bakha twiya karwi bokbai baksa thangdi, tamni hinba Angse boknw hogw."
21Aiphuo Pitor akhogwi phaywi o borogroknw sakha, "Nokh jenw rutubdok angse o borog. Nokh tani phaimani?"
22O borogrok sakha, "Rasa sengkrakni oja Korniliyose chwnw hogw. Bw kaisa raidia arw bw Kaitornw lobw. Jotho Jihudirok bwnw borom rwgw. Kaitorni suari kaisa bwnw tholjak je bw nwnw bini nogw ringkhogwi tilangwi nini kok khana mannaitwi." 23Aiphuo Pitor nok bisingw o borogroknw nagorai hinwi ringwi twkha.
Korniliyoni nogw Pitor
Jerwni salw Pitor o borogrokbai baksa thangkha. Japho aulini kainwi kaitham paitoai takhuk bwbai baksa thangkha. 24Jerwni salw bok Kwisoriyagw kasuikha. O jorao Korniliyo bini jaiti masa tei baithak aphakroknw thumkha tei bokni bagwi nasingwi tongkha. 25Pitor jephuo nogw hapkha Korniliyo aiphuo bini dayw thangwi yesu mokromwi khulumkha. 26Matwr Pitor bwnw tisagwi sakha, "Bachadi, ang sakbw keber kaisa borogse."
27Korniliyo bai kok satwi satwi Pitor bisingw thangwi nungkha odayw kabangma borog thumjalaijak. 28Aiphuo bw boknw sakha, "Nokhlai siyw je, kaisa Jihudiyani aita kaisa Bejihudi bai mililaima eba bwbai milithai chini raidani kerongnalni baithe, matwr Kaitor anw phunugwi rwkha, kaisaswknw katharya eba untha ang hinthaiya. 29Obwni bagwi nokh jephuo anw ringkhogwi lakhokha aiphuo ang mwngsa swngya karwi phaikha. Tabok ang swngdok, nokh tamani anw ringkhokha."
30Korniliyo sakha, "Sal bwrwi aguo ang jephini ani nugw achugwi suri sandok. Aiphuo sarini dam tham aita, o jorao borog kaisa atakkiya khalaywi ani sakangw phaywi bacha phaika, Bw basagw ri kwchwng chumjak. 31Bw sakha, 'Korniliyo nini surimung Kaitor khanakha, tei bigra roknw chubanai samungnw nungkha arw bw nini o samungni bagwi khachangkha. 32Tabok nwng Japho aulio borog hodi, tei Simon, jebwnw Pitor bw hinw, bwnw ringwi twdi. Twijalang kandao je Simon tong arw mwikurni samung tang Pitor bini nogw tongw.' 33Obwni bagwi ang aiphuo nwnw ringwi twbwni bagwi borog hokha, tei nwng phaywi gamse ongkha. Idayw chwng jotho tabok Kaitorni sakangw tongw. Subrai nwnw chini dayw jebw sadi hinwi tholjak chwng bwnw jotho khananw."
34Aiphuo Pitor sani rumkha, "Ang tabok daijw bijiywi mangkha Kaitorni mokolo jotho baksa. 35Jotho dophani bisingni jebwrok Bwnw kiri arw Bini mokolw jebw thi obwnw khalai Bw boknw goseyw. 36Kaitor Israyel rokni dayw i kothoma hojak je Jisu Khristo, jebw jothoni Subrai, Bini bisingtwi khakchangma manw. 37Jotho Jihudiyagw tama ongjak o jotho kokroknw nokh khanajak. Baptismo rwnai Johon baptismoni kothoyw piriywi paywi Galilw i tolpirok ongni rumkha. 38Nokh imwnwbw siyw je, Nasorotni Jisunw Phala Kathar tei pharan rwgwi koboljak. Kaitor Bwbai baksa tongw hinwi Bw samung gam khalaywi arw Saitanni yagw jebwrok tekto man boknw jothonw hamrwgw.
39"Jihudiya tei Jirusalemw Jisu jebwrok khalaijak, chwng obwnw sakni mokolbai nungjak, chwng obwni sathai. Bok Bwnw bophangni takjak kwrwngsa kruso khachiywi buthalkha, 40matwr Kaitor Bwnw kwthwi daini salthamni salw thangrwgwi tisakha arw imwtwi jar khalaikha jate borogrok Bwnw nungnaitwi. 41Matwr jotho Bwnw nungjiya, keber Kaitor je sathairoknw aguni jimin saywi tonjak bokse Bwnw nungjak, kok ongkhadwi Bw kwthwi daini thangwi kasanaini jerw chwng jebwrok Bwbai baksa chalaijak nuglaijak chwngse Bwnw nungjak. 42Bw chwnw tholkha chwng borogrokni dayw pirnaitwi arw yakumu rwnaitwi je, Kaitor Bwnwse kathang tei kwthwirokni nalchirai hinwi chongjak. 43Jotho diyarirok Bini kothoyw i yakumu rwdok je, Bwnw jebwrok paitok bok jothobw Bini mwngni bisingtwi sumsokni nakarma mannw."
Bejihudirokni dayw Phala Kathar phaikha
44Pitor jephuo imwtwjar kok sadok, aiphuo jebwrok odayw o kokrok khanalaidok, bokni jothoni sakao Phala Kathar akhogwi phaikha. 45Jihudi dopha daini je Khristo paitoairok Pitorni logeyw odayw phaijak bok jothobw amok chalaikha, tamni himba Bejihudirokni sakaobw Phala Katharni ruai akhogwi phaikha. 46Tamni hinba bok Bejihudiroknw jatejar kokbai kok sani tei Kaitornw lobmani khanakha.
47Aiphuo Pitor sakha, "Kaisaswk i borogroknw twiyw baptismo rwni goseya tongmanw? Chwng jekhalaywi Phala Kathar manjak bokbwto obwtwijar khalaywi mangkha!" 48Aiphuo bw o borogroknw Jisu Khristoni mwngwi baptismo rwdi hinwi tholkha. Jerw bok Pitornw bokni dayw salnwi saltham tongdi hinwi kabokkha.
ទើបបានជ្រើសរើសហើយ៖
Prerit 10: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh
Prerit 10
10
Rasa sengkrakni oja Korniliyo
1Kwisoriyao Korniliyo mwngwi borog kaisa tongw, Bw Romio birindiani Italiyo sohngni kaisa rasa sengkhrok. 2Jihudiya phwng bw tei bini nokni jothobw Kaitornw khabomw arw Bwnw lobw. Bw bigra roknw kabangma rang pwisa ruai rwgo arw Kaitorni dayw jwnwm biti suri sanw. 3Salsa sarini dam tham aita kwrwngsa nungnaini bisingtwi bw srai nungkha je Kaitorni suari kaisa bini dayw phaywi sakha, "Korniliyo!" 4Korniliyo suarini aita naikhogwi kiriywi sakha, "Subrai, Nwng ta nai?" O Suari bwnw sakha, "Korniliyo nini surimwng Kaitor khanajak, nwng bigra roknw chubajak omonw Kaitor nungjak tei Bw o samungni bagwi khachangjak.
5Tabok nwng Japho aulio borog hodi, tei sirw Simon mwngni borog kaisa tongw, jebwnw Pitor hinwibw ringw, nini borogrok bwnw ringwi idayw twbwgwi phaithwk. 6Bw Simonni nogw tongw jebw mwikurni samung tang, o nok twijalang kandao." 7Suari kok sagwi thangwi paikhalai Korniliyo bini kainwi selengnw tei kaisa sengkraknw ringkhogwi hoka. O sengkrak Korniliyonw mwngw tei Kaitornw lobw. 8Korniliyo o borog kaithamnw ta ta ongjak omoroknw jotho gam khalaywi sagwi boknw Japhogw hoka.
Pitorni nung
9Jerwni salw jephuo o borogrok Japho auli aita phaidok aiphuo sal diphwr. Pitor surini bagwi o jorao nukhung sakao kakha. 10Aiphuo Pitor rak ukhirijakha arw bw mwngsaswk chani bikha. Jephuo Pitorni bagwi chamwng sungdok, aiphuo Pitor Kaitorni daini emang nungkha. 11Bw nungkha, nokha phiyokjakha arw gadu garani kosol kwrwngsa rinw hayungw kariywi rwdok, jebw pang kaibrwi rumjak. 12O gadu bisingw tongw jatejar yakbwrwi, bakhabai malnai singmal arw toksa tokmili. 13Obwni jerw bw khanakha kaisaswk bwnw sadok, "Pitor, bachadi, buthalwi chadi."
14Pitor sakha, "Whwi, whwi, Subrai. Ang oaisabw katharya eba untha mwngsaswk chajiya."
15Aiphuo bw arwbw khanakha, "Kaitor jebwnw kathar khalaijak nwng obwnw katharya tahindi." 16Ai khalaywi oaitham ongwi paikhalai o gadunw nokhagw tisagwi tilangkha.
17Pitor je nung mangkha obwni sema tama ongmanw obwnw lagwi bw uansogwi tongphini, o jorao Korniliyoni honai o borogrok Simonni nok naitubwi mangkha tei haplamni sakangw phaywi bachakha. 18Obwni jerw bok ringkhogwi swngkha, "Simon, jebwnw Pitor hinwi ring, bw tama idaywdwi tongdok?"
19Pitor aiphuobw nungni kok uansokdok, imwtwijar jorao Phala Kathar bwnw sakha, "Naidi, borog kaitham nwnw naitubdok. 20Bachagwi tolagw thangdi. Mwngsa bakha twiya karwi bokbai baksa thangdi, tamni hinba Angse boknw hogw."
21Aiphuo Pitor akhogwi phaywi o borogroknw sakha, "Nokh jenw rutubdok angse o borog. Nokh tani phaimani?"
22O borogrok sakha, "Rasa sengkrakni oja Korniliyose chwnw hogw. Bw kaisa raidia arw bw Kaitornw lobw. Jotho Jihudirok bwnw borom rwgw. Kaitorni suari kaisa bwnw tholjak je bw nwnw bini nogw ringkhogwi tilangwi nini kok khana mannaitwi." 23Aiphuo Pitor nok bisingw o borogroknw nagorai hinwi ringwi twkha.
Korniliyoni nogw Pitor
Jerwni salw Pitor o borogrokbai baksa thangkha. Japho aulini kainwi kaitham paitoai takhuk bwbai baksa thangkha. 24Jerwni salw bok Kwisoriyagw kasuikha. O jorao Korniliyo bini jaiti masa tei baithak aphakroknw thumkha tei bokni bagwi nasingwi tongkha. 25Pitor jephuo nogw hapkha Korniliyo aiphuo bini dayw thangwi yesu mokromwi khulumkha. 26Matwr Pitor bwnw tisagwi sakha, "Bachadi, ang sakbw keber kaisa borogse."
27Korniliyo bai kok satwi satwi Pitor bisingw thangwi nungkha odayw kabangma borog thumjalaijak. 28Aiphuo bw boknw sakha, "Nokhlai siyw je, kaisa Jihudiyani aita kaisa Bejihudi bai mililaima eba bwbai milithai chini raidani kerongnalni baithe, matwr Kaitor anw phunugwi rwkha, kaisaswknw katharya eba untha ang hinthaiya. 29Obwni bagwi nokh jephuo anw ringkhogwi lakhokha aiphuo ang mwngsa swngya karwi phaikha. Tabok ang swngdok, nokh tamani anw ringkhokha."
30Korniliyo sakha, "Sal bwrwi aguo ang jephini ani nugw achugwi suri sandok. Aiphuo sarini dam tham aita, o jorao borog kaisa atakkiya khalaywi ani sakangw phaywi bacha phaika, Bw basagw ri kwchwng chumjak. 31Bw sakha, 'Korniliyo nini surimung Kaitor khanakha, tei bigra roknw chubanai samungnw nungkha arw bw nini o samungni bagwi khachangkha. 32Tabok nwng Japho aulio borog hodi, tei Simon, jebwnw Pitor bw hinw, bwnw ringwi twdi. Twijalang kandao je Simon tong arw mwikurni samung tang Pitor bini nogw tongw.' 33Obwni bagwi ang aiphuo nwnw ringwi twbwni bagwi borog hokha, tei nwng phaywi gamse ongkha. Idayw chwng jotho tabok Kaitorni sakangw tongw. Subrai nwnw chini dayw jebw sadi hinwi tholjak chwng bwnw jotho khananw."
34Aiphuo Pitor sani rumkha, "Ang tabok daijw bijiywi mangkha Kaitorni mokolo jotho baksa. 35Jotho dophani bisingni jebwrok Bwnw kiri arw Bini mokolw jebw thi obwnw khalai Bw boknw goseyw. 36Kaitor Israyel rokni dayw i kothoma hojak je Jisu Khristo, jebw jothoni Subrai, Bini bisingtwi khakchangma manw. 37Jotho Jihudiyagw tama ongjak o jotho kokroknw nokh khanajak. Baptismo rwnai Johon baptismoni kothoyw piriywi paywi Galilw i tolpirok ongni rumkha. 38Nokh imwnwbw siyw je, Nasorotni Jisunw Phala Kathar tei pharan rwgwi koboljak. Kaitor Bwbai baksa tongw hinwi Bw samung gam khalaywi arw Saitanni yagw jebwrok tekto man boknw jothonw hamrwgw.
39"Jihudiya tei Jirusalemw Jisu jebwrok khalaijak, chwng obwnw sakni mokolbai nungjak, chwng obwni sathai. Bok Bwnw bophangni takjak kwrwngsa kruso khachiywi buthalkha, 40matwr Kaitor Bwnw kwthwi daini salthamni salw thangrwgwi tisakha arw imwtwi jar khalaikha jate borogrok Bwnw nungnaitwi. 41Matwr jotho Bwnw nungjiya, keber Kaitor je sathairoknw aguni jimin saywi tonjak bokse Bwnw nungjak, kok ongkhadwi Bw kwthwi daini thangwi kasanaini jerw chwng jebwrok Bwbai baksa chalaijak nuglaijak chwngse Bwnw nungjak. 42Bw chwnw tholkha chwng borogrokni dayw pirnaitwi arw yakumu rwnaitwi je, Kaitor Bwnwse kathang tei kwthwirokni nalchirai hinwi chongjak. 43Jotho diyarirok Bini kothoyw i yakumu rwdok je, Bwnw jebwrok paitok bok jothobw Bini mwngni bisingtwi sumsokni nakarma mannw."
Bejihudirokni dayw Phala Kathar phaikha
44Pitor jephuo imwtwjar kok sadok, aiphuo jebwrok odayw o kokrok khanalaidok, bokni jothoni sakao Phala Kathar akhogwi phaikha. 45Jihudi dopha daini je Khristo paitoairok Pitorni logeyw odayw phaijak bok jothobw amok chalaikha, tamni himba Bejihudirokni sakaobw Phala Katharni ruai akhogwi phaikha. 46Tamni hinba bok Bejihudiroknw jatejar kokbai kok sani tei Kaitornw lobmani khanakha.
47Aiphuo Pitor sakha, "Kaisaswk i borogroknw twiyw baptismo rwni goseya tongmanw? Chwng jekhalaywi Phala Kathar manjak bokbwto obwtwijar khalaywi mangkha!" 48Aiphuo bw o borogroknw Jisu Khristoni mwngwi baptismo rwdi hinwi tholkha. Jerw bok Pitornw bokni dayw salnwi saltham tongdi hinwi kabokkha.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh