Luke 8
8
Mmani Omu Ezaŋa Ma Jisɔs
1Onyonu ama egegre, Jisɔs azaŋa izaŋ aga gu iwak-iwak ikpɨno ma ɔvɔghɔ uduŋ, ekpiek-kpɔ alagha ɔkwrɔ edɨghe etu uni-ogid omu abaŋa ugra Abazi. Mbed izighi lughu-iba enɔŋ ebak ma Onyi.
2Onu ndizuk enwi mmani omu Jisɔs egene emu efɔghɔ ndiɔk spirit alagha ɔgɔk emu ulɔŋɔ mɔ egezaŋa ma onyi. Ku otu enwi mmani-em ogodio Mary omu ogosi uduŋ Magdala, omu evag su Mary Magdalene, omu onyi agavak ozighi ndiɔk spirit itɨŋ-aba ku ubɔk.
3Ma Joanna, ŋwa onu Chuza, (omu ogonu agra mbubighe onu ɔfɔŋ Herɔd), ma Susana, ma awak-iwak mmani onuŋ. Ovid enwi mmani onu ede su emu enji ede esekpɔ ebaŋa Jisɔs ma mbed izighi.
Ukeh Onu Ɔtɔ-ukɔ
(Mattiu 13:1-9; Mark 4:1-9)
4Use ki, awak-iwak otu enwi omu esi nzighi-nzighi uduŋ egedibino ma Jisɔs. Onyi ɔnɔŋ ede ukeh omu ekpiek emu kpɔ ogu:
5“Ɔtɔ-ukɔ ɔwuɔ aga iditɔ ŋkɨp ku ukɔ izighi. Onu sughu onyi ewue ŋkip, ndizuk edughɔ ku ndek odighi. Enwi etɨm emu edian ku izɔŋ, ima unuŋɔ ɔnyɔŋ elagha etaŋ emu eta.
6Ndizuk ŋkip edughɔ ku izɔŋ ntɨghe omu onji uyo ntite. Onu sia mmɔŋ nume-bak ku izɔŋ ntighe onu su emu ede ebek, emu ewiih ekpaŋa.
7Ndizuk ŋkip edughɔ ku ukɔ ŋgukɨm. Ene ŋgukɨm onu ebek mbɔŋ-mbɔŋ ma kpɔ onu ebek, ene emu esɔ egɔd ebek.
8Ndizuk ŋkip edughɔ ku edɨghe izɔŋ. Mkpɔ nu ebek ekpɔŋ, enɔŋ enji ile ku utei ikie oke su ɔtɔ-ukɔ egede etɔ.” Ku ini Jisɔs otu ukeh omu egre, Onyi ɔkpɔk ku otuitu usi ɔnɔ otu enwi ogu, “Onyi omu ɔluŋɔ idigei, yak onyi egei!”
Jisɔs Agɨbare Ukeh
(Mattiu 13:10-23; Mark 4:10-20)
9Ene, mbed onu Jisɔs ebid Onyi, “Ukeh omu su ɔwuɔ dighi?”
10Onyi ɔbrɔ emu ogu, “Abazi aya ɔnɔ evu idivak nlibi kpɔ ugra Abazi. Onu nde ukeh mkpiek onuŋ enwi omu numenu mbed omi ŋkpɔ man ŋwid Abazi ɔwuɔ-ɔzu sughu prɔved Izaya egewed: ‘Emu ese su nne, onu egid kpɔ sugi-ou; enɔŋ egei su mpkiek, onu evag su ɔwuɔ sugi.’
11Ene ukeh onu ɔwuɔ zomu: Ukɨp onu ala-ɔnɔ nsiŋi Abazi.
12Ndizuk enwi elazu ndek ekedighi omu nzuk ŋkip onu ɔgɔdughɔ obino. Emu egei nsiŋi Abazi onu Satan odizuŋɔ nsiŋi Abazi onu ku ogid emu utuk ku emu edenim ku akpanikwɔ enɔŋ ebɔghɔ ufɔghɔ esi Abazi.
13Ndizuk enwi elazu izɔŋ ntɨghe omu otu uyo ntite odu omu ŋkip onu edughɔ. Ku ini emu egei nsiŋi Abazi, emu ebɔghɔ elaga enim ma uni-ogid. Onu emu eyak nsiŋi Abazi onu ebek onji ɔliɔŋ ku ogid emu, emu enim ku uyo ntiti ini, nonu kini idɨme, emu edughɔ ku udiɔk-kpɔ ekpɔŋ mbuɔd-ile emu ku Abazi.
14Ndizuk enwi elazu ukɔ ŋgukɨm onu nzuk ŋkip onu ɔgɔdughɔ-n. Enwi omu egei nsiŋi Abazi, onu sughu emu ega onji, emu enji ndutɨmere osi ku mfina, ima unji ma inem uwem. Ku ntak-onu emu ekɔd ebek eka enji mvakile ku spirit.
15Ndizuk enwi elazu edighe izɔŋ omu ndizuk ŋkip onu ɔgɔdughɔ. Enwi omu ku egei nsiŋi Abazi ma edɨghe ogid akpanikwɔ. Emuɔ ega onji enim onyi ku akpanikwɔ enɔŋ ewɨn ile ku imeh.”
Ukeh Utrigaŋ
(Mark 4:21-25)
16Jisɔs aganji ogu, “Kini onwi odime utrigaŋ, onyi edibei otu ivuk, nonu idibei idio ku idak mkpɨna. Onyi odibei idu ku ntɔŋ-abaŋ, ede ozighi uwana ɔnɔ ima omu eluk edi uvɔk.
17Ku, ovid-evid kpɔ omu olibi kom memɔ, ma ovid-evid kpɔ omu onu nlibi-kpɔ ma ɔwuɔ ile ku onji ovid enwi.
18Ku ntak-an, enɨŋere ekpaŋ utɔŋ ku su mkpiek evu, sia enwi omu edi inji mvuvak ku su mkpiek, Abazi ma ɔnɔ onyi ntɔtuŋɔ mvuvak, onu onwi ogu nume eluŋɔ idinji mvuvak, Abazi ma ɔbɔghɔ onyi ile uyo mvuvak omu onyi ogonji.”
Imamu Enu Eke Ma Njeke Onu Jisɔs
(Mattiu 12:46-50; Mark 3:31-35)
19Use gi, eke onu Jisɔs ma nje-eke nnini izighi edi idizughu nsiŋi ma Onyi. Onu emu egegɔd ezim Onyi ile, osi ku ntak otu enwi omu egekan onyi ekuk.
20Onwi odi dɔdgɔ Jisɔs, “Eke ovu ma nyu-uga nnini Mmɔku ela ku eziŋi eluŋɔ idigid fi.”
21Onu Jisɔs ɔdɔghɔ ovid enwi ogu, “Enwi omu egei nsiŋi Abazi elaga ene emu enu eke ma nye-eke nnini omi.”
Ovum Ma Ulagha-akpa Egei Ewɔu Onu Jisɔs
(Mattiu 8:23-27; Mark 4:35-41)
22Use gi, Jisɔs ɔdɔghɔ mbed izighi lughu-iba, Yak ifei idu ku ufuŋɔ akpa ŋkaŋ ogu. Emu eluk ubo etɔŋɔ idiwue iwuɔ.
23Onu sughu emu ewue ega, Jisɔs elei-ileh. Ebuk-ɔbuk-ou oyobio ɔtɔŋɔ idiwuɔ ku akpa, ɔnɔŋ ede mmɔŋ ɔdɔŋ ɔyɔk ubo emu, ene emu etɔŋɔ idizip.
24Mbed egetuag Onyi ezɔ ku ileh ogu, “Ɔfɔŋ! Ɔfɔŋ! Yaŋa enyin ku mmɔ idikpa.” Nonu ku Onyi alagha-ala ɔnɔŋ ɔwɔu ovum ma ulagha-akpa ogu otre, ndien emu etre, akpa ɔnɔŋ ɔbid.
25Ene, Jisɔs ɔdɔghɔ mbed izighi, “Nzi su ene evu egubuɔd-ile ku omi?” Ubɨghe ma mkpa-ile ɔgɔmuɔ ovid mbed, emu ezughu ili-ile emu, “Nzutɔ onwi onu omu? Onyi ɔnɔ ovum ma mmɔŋ usi, emu enɔŋ egei usi enɔ Onyi!”
Jisɔs Ɔkɔk Onwi Omu Onji Ndiɔk Spirit
(Mattiu 8:28-9:1; Mark 5:1-20)
26Jisɔs ma mbed izighi ewue egezɨm ndek ezuk uduŋ Gerasa, omu onu uzugu-uzugu ma akpa ikpeghe Galilee.
27Kini Jisɔs ma mbed izighi ewuɔŋɔ ela ku izɔŋ, onwi omu onji ndiɔk spirit odi obine onyi. Onwi omu egetei ɔduŋ ku uduŋ Gerasa-n, onu ulaga mu onyi nu-ɔduŋ ku ubi uluɔk-ekpu. Ɔbuk odighi izughe onwi omu edɔŋɔ use sugi kile.
28Kini onwi omu ogid Jisɔs, onyi ozighi ukpeguŋ, ɔdughɔ onyi ku uku, ɔnɔŋ ɔkpɔk ku otu-itu usi ogu, “Jisɔs Oyo Ŋkoŋ-ŋkeh Abazi, nzi ene vi afina enyin? Mbɔk ku utugɔre enyin!”
29Onwi omu ozughu nsiŋi omu ku ntak omu Jisɔs akadak-adak ɔwɔu ndiɔk spirit ozighi onyi ku ile. Ku use adai, ndiɔk spirit omu egetei ede ugra ku ile izighi ku ɔnjiɔŋ odighi ini. Enwi etei efuɔ onyi uku ma ubɔk ku mkpɔkɨbɔ elagha enim onyi ku idak ukpime, onu onyi ogip ima mkpɔkɨbɔ onu oto, udiɔk spirit onu egetei ede onyi agadio ku mkpakaŋa-izɔŋ.
30Jisɔs obid onyi, “Ovu su egre dighi?” Onyi ɔbrɔ, “Enyiŋ enyin onu Otu-ukiɔ,” sia awak-iwak ndiɔk spirit Egeluk onyi ile.
31Ndiɔk spirit onu ekpe Jisɔs ubɔk ugubɨne emu uzuŋɔ ugudɔŋ ku hell.
32Sughu kpɔ omu aganji, otu odii ku egela elɨe kpɔ ku ndek obod. Emu ekpeh Jisɔs ubɔk ogu Onyi ayak emu Egeluk ku ile ima odii onu. Onyi ɔnɔŋ onyɨme emu Egeluk odii.
33Ene, ima ndiɔk spirit onu ewuŋɔ ku ile onwi onu Egeluk otu odii. Ene otu odii onu ebiak utɔk ududa etɨghe ku ukpotu onu egedughɔ ku akpa enwɔŋ mmɔŋ ekpaŋa.
34Ku ini ima omu egekpɨme odii onu egid su otɨbe omu, emu ebiak elagha ku ubighe. Emu eluk uduŋ egezughu enɔ ovid enwi su otɨbe.
35Ene enwi onu ega idigise su ogotɨbe. Emu edizim kpughu Jisɔs agala, enɔŋ egid onwi omu Jisɔs ɔzuŋɔ ndiɔk spirit ku ile sughu ediŋe etei Jisɔs ku ndek uku. Onwi onu ɔdɔŋɔ edighe use, onyi ɔnɔŋ egei ntu ile. Ku ini enwi onu egid kpɔ omu, ubɨghe alagha ɔmuɔ emu abaŋa Jisɔs.
36Enwi omu egegid su ogotɨbe ezughu enɔ ima onu sughu Jisɔs azaŋa ede ɔkɔk onwi omu ogonji ndiɔk spirit onu.
37Ene enwi omu egeduŋ ku uduŋ ŋgan-ŋkuk Gerasa edɔghɔ Jisɔs “Mbɔk wuɔ ku uduŋ enyin.” Ku ntak omu ubɨghe ɔgɔmuɔ emu etieti abaŋa Jisɔs. Ene Jisɔs ma mbed izighi elagha eluk ubo esɔ enyɔŋ ndek akpa ŋkaŋ okuh.
38Onu kini omu Jisɔs ma mbed izighi eluŋɔ idilagha, onwi onu Jisɔs ɔgɔzuŋɔ ndiɔk spirit ku ile onu ebeŋe onyi ogu “mbɔk yak ŋkɔŋ nzaŋa ma ovu.” Onu Jisɔs enyime ɔdɔghɔ onyi ogu,
39“Sɔ adai bɨne ima uvɔk ovu, nɔŋ dɔghɔ ovid enwi baŋa ovid kpɔ su Abazi ene ɔnɔ vi.” Ene, onwi onu ɔluk ovid ubi ku uduŋ-on aga ozughu ɔnɔ evid enwi ogu, “Jisɔs ene ata okpɨno kpɔ ɔnɔ mi.”
Jisɔs Ɔgɔk Enwa Ɔlughɔ-mbra Alagha Ene Uyetɔ-Enwa Ɔsɔ-nji Uwem
40Kini omu Jisɔs ma mbed izighi esɔ edi uduŋ Galilee, otu enwi edra Onyi; sia emu mmɔgu egetei ebi onyi.
41Onu onwi gi omu egre Jairus, omu ogonu agrigra ku Synagogue odi dughɔ Jisɔs ku uku ɔnɔŋ okpe Jisɔs ubɔk ogu odi uvɔk izighi,
42sia omu onyi ogonji ŋgugre oyo-enwa ki omu ogonu izughe lughu-iba ku emina, omu ɔgɔlɔŋɔ okpɨne mkpa. Onu sughu Jisɔs aga uvɔk onu Jarius, otu enwi efe-uko egan onyi eguk.
43Onji enwa ki ku otu enwi-en omu ɔgɔlɔŋɔ ɔlughɔ-mbra ku izughe lughu-iba. Onyi abiad ovid unji izighi ɔnɔ uzɨbɔ, onu ebɨghe uzɨbɔ sugi ekɔd egɔk ulɔŋɔ izighi.
44Enwa onu osi ku adai onu Jisɔs oditu onyi utɔŋ use ede onji ugɔk. Sughu onyi otu, ku uji-uji onu ulɔŋɔ ɔlughɔ-mbra izighi otre.
45Nonu ku Jisɔs obid otu enwi, “Niŋi su ɔtɔu mi?” Enwi omu egekan onyi eguk edɔghɔ kama emu eetu onyi-ou. Nonu ku Peter ɔdɔghɔ Jisɔs, “Ɔfɔŋ, ku utɔ otu enwi omu efe-uko evughɔ vi kile omu, ku ovu obid, niŋi su ɔtɔu mi?”
46Onu Jisɔs ɔdɔghɔ, “Onwi ɔtɔu Mi ma ntak, ku onu Ami mvag ku ulu ɔwuɔ Mi ku ile.”
47Ku ini enwa onu ogid ku imu ikime ilib ile izighi, onyi ɔwuɔ odi ma nyeŋ-ile; odi ɔdughɔ ku izɔŋ ku uku izighi. Ku onji ovid enwi, onyi ozughu ntak omu onyi egede ɔtu onyi ma sughu onyi ɔbɔghɔ ɔkɔgigɔk ku uji-uji onu.
48Onu Jisɔs ɔdɔghɔ onyi, “Oyo-enwa, mbuɔd-ile ovu ku omi ene vi egei ntu-ile. Yɔŋ, yak Abazi aganji ɔnɔ vi emem”.
49Ku ini omu Jisɔs ozug aganji ozughu nsiŋi ma enwa omu, onwi osi ku uvɔk onu Jairus, agrigra synagogue odi, odidɔghɔ onyi, “Oyo-enwa ovu akpa. Ufɔ ebak ovu idisɔ ifɨna Ɔfɔŋ.”
50Onu kini Jisɔs egei su onwi onu ozughu, Onyi ɔdɔghɔ Jairus, “Ku unji ubɨghe-ou; onu nim mi ku akpanikwɔ, ku oyo-ovu ma ɔsɔ onji uwem”.
51Kini Jisɔs ozim uvɔk onu Jairus, Onyi ebei mbed izighi ite, Peter, Jemz ma Jɔhn ma eti ma eke oyo-enwa ɔluk eleh omu okpu oyo-onu ana.
52Kini emu eluk uvɔk, evid enwi ku efei esi elagha enwaŋ ubɔk ku ogid evughɔ ebaŋa mkpa oyo onu; Jisɔs ɔdɔghɔ emu “Egufei; onyi ekpa-kpa, onu elei-elei.”
53Onu kini emu egei nsiŋi omu, emu etɔ Onyi ndɔk, sia emu evag ku oyo-enwa onu akpa.
54Onu Jisɔs azaŋa okpine onyi, ndien ɔmuɔ onyi ubɔk ɔnɔŋ okuh onyi ku otu-itu usi, “Uyo-etɔ enwa, laghala.”
55Ku uji-uji-en oyo-onu ɔsɔ onji uwem, alaghala. Jisɔs ɔdɔghɔ eke ma eti izighi ogu enɔ onyi kpɔ elie.
56Ile akpa eti ma eke izighi, Onyi ɔnɔ emu usi ogu uguzughu su otɨbe omu unɔ onwi sugi.
ទើបបានជ្រើសរើសហើយ៖
Luke 8: ORX
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oro Bible by Beyond Translation is licensed under Creative Commons Attribution-ShareAlike 4.0 License.
Luke 8
8
Mmani Omu Ezaŋa Ma Jisɔs
1Onyonu ama egegre, Jisɔs azaŋa izaŋ aga gu iwak-iwak ikpɨno ma ɔvɔghɔ uduŋ, ekpiek-kpɔ alagha ɔkwrɔ edɨghe etu uni-ogid omu abaŋa ugra Abazi. Mbed izighi lughu-iba enɔŋ ebak ma Onyi.
2Onu ndizuk enwi mmani omu Jisɔs egene emu efɔghɔ ndiɔk spirit alagha ɔgɔk emu ulɔŋɔ mɔ egezaŋa ma onyi. Ku otu enwi mmani-em ogodio Mary omu ogosi uduŋ Magdala, omu evag su Mary Magdalene, omu onyi agavak ozighi ndiɔk spirit itɨŋ-aba ku ubɔk.
3Ma Joanna, ŋwa onu Chuza, (omu ogonu agra mbubighe onu ɔfɔŋ Herɔd), ma Susana, ma awak-iwak mmani onuŋ. Ovid enwi mmani onu ede su emu enji ede esekpɔ ebaŋa Jisɔs ma mbed izighi.
Ukeh Onu Ɔtɔ-ukɔ
(Mattiu 13:1-9; Mark 4:1-9)
4Use ki, awak-iwak otu enwi omu esi nzighi-nzighi uduŋ egedibino ma Jisɔs. Onyi ɔnɔŋ ede ukeh omu ekpiek emu kpɔ ogu:
5“Ɔtɔ-ukɔ ɔwuɔ aga iditɔ ŋkɨp ku ukɔ izighi. Onu sughu onyi ewue ŋkip, ndizuk edughɔ ku ndek odighi. Enwi etɨm emu edian ku izɔŋ, ima unuŋɔ ɔnyɔŋ elagha etaŋ emu eta.
6Ndizuk ŋkip edughɔ ku izɔŋ ntɨghe omu onji uyo ntite. Onu sia mmɔŋ nume-bak ku izɔŋ ntighe onu su emu ede ebek, emu ewiih ekpaŋa.
7Ndizuk ŋkip edughɔ ku ukɔ ŋgukɨm. Ene ŋgukɨm onu ebek mbɔŋ-mbɔŋ ma kpɔ onu ebek, ene emu esɔ egɔd ebek.
8Ndizuk ŋkip edughɔ ku edɨghe izɔŋ. Mkpɔ nu ebek ekpɔŋ, enɔŋ enji ile ku utei ikie oke su ɔtɔ-ukɔ egede etɔ.” Ku ini Jisɔs otu ukeh omu egre, Onyi ɔkpɔk ku otuitu usi ɔnɔ otu enwi ogu, “Onyi omu ɔluŋɔ idigei, yak onyi egei!”
Jisɔs Agɨbare Ukeh
(Mattiu 13:10-23; Mark 4:10-20)
9Ene, mbed onu Jisɔs ebid Onyi, “Ukeh omu su ɔwuɔ dighi?”
10Onyi ɔbrɔ emu ogu, “Abazi aya ɔnɔ evu idivak nlibi kpɔ ugra Abazi. Onu nde ukeh mkpiek onuŋ enwi omu numenu mbed omi ŋkpɔ man ŋwid Abazi ɔwuɔ-ɔzu sughu prɔved Izaya egewed: ‘Emu ese su nne, onu egid kpɔ sugi-ou; enɔŋ egei su mpkiek, onu evag su ɔwuɔ sugi.’
11Ene ukeh onu ɔwuɔ zomu: Ukɨp onu ala-ɔnɔ nsiŋi Abazi.
12Ndizuk enwi elazu ndek ekedighi omu nzuk ŋkip onu ɔgɔdughɔ obino. Emu egei nsiŋi Abazi onu Satan odizuŋɔ nsiŋi Abazi onu ku ogid emu utuk ku emu edenim ku akpanikwɔ enɔŋ ebɔghɔ ufɔghɔ esi Abazi.
13Ndizuk enwi elazu izɔŋ ntɨghe omu otu uyo ntite odu omu ŋkip onu edughɔ. Ku ini emu egei nsiŋi Abazi, emu ebɔghɔ elaga enim ma uni-ogid. Onu emu eyak nsiŋi Abazi onu ebek onji ɔliɔŋ ku ogid emu, emu enim ku uyo ntiti ini, nonu kini idɨme, emu edughɔ ku udiɔk-kpɔ ekpɔŋ mbuɔd-ile emu ku Abazi.
14Ndizuk enwi elazu ukɔ ŋgukɨm onu nzuk ŋkip onu ɔgɔdughɔ-n. Enwi omu egei nsiŋi Abazi, onu sughu emu ega onji, emu enji ndutɨmere osi ku mfina, ima unji ma inem uwem. Ku ntak-onu emu ekɔd ebek eka enji mvakile ku spirit.
15Ndizuk enwi elazu edighe izɔŋ omu ndizuk ŋkip onu ɔgɔdughɔ. Enwi omu ku egei nsiŋi Abazi ma edɨghe ogid akpanikwɔ. Emuɔ ega onji enim onyi ku akpanikwɔ enɔŋ ewɨn ile ku imeh.”
Ukeh Utrigaŋ
(Mark 4:21-25)
16Jisɔs aganji ogu, “Kini onwi odime utrigaŋ, onyi edibei otu ivuk, nonu idibei idio ku idak mkpɨna. Onyi odibei idu ku ntɔŋ-abaŋ, ede ozighi uwana ɔnɔ ima omu eluk edi uvɔk.
17Ku, ovid-evid kpɔ omu olibi kom memɔ, ma ovid-evid kpɔ omu onu nlibi-kpɔ ma ɔwuɔ ile ku onji ovid enwi.
18Ku ntak-an, enɨŋere ekpaŋ utɔŋ ku su mkpiek evu, sia enwi omu edi inji mvuvak ku su mkpiek, Abazi ma ɔnɔ onyi ntɔtuŋɔ mvuvak, onu onwi ogu nume eluŋɔ idinji mvuvak, Abazi ma ɔbɔghɔ onyi ile uyo mvuvak omu onyi ogonji.”
Imamu Enu Eke Ma Njeke Onu Jisɔs
(Mattiu 12:46-50; Mark 3:31-35)
19Use gi, eke onu Jisɔs ma nje-eke nnini izighi edi idizughu nsiŋi ma Onyi. Onu emu egegɔd ezim Onyi ile, osi ku ntak otu enwi omu egekan onyi ekuk.
20Onwi odi dɔdgɔ Jisɔs, “Eke ovu ma nyu-uga nnini Mmɔku ela ku eziŋi eluŋɔ idigid fi.”
21Onu Jisɔs ɔdɔghɔ ovid enwi ogu, “Enwi omu egei nsiŋi Abazi elaga ene emu enu eke ma nye-eke nnini omi.”
Ovum Ma Ulagha-akpa Egei Ewɔu Onu Jisɔs
(Mattiu 8:23-27; Mark 4:35-41)
22Use gi, Jisɔs ɔdɔghɔ mbed izighi lughu-iba, Yak ifei idu ku ufuŋɔ akpa ŋkaŋ ogu. Emu eluk ubo etɔŋɔ idiwue iwuɔ.
23Onu sughu emu ewue ega, Jisɔs elei-ileh. Ebuk-ɔbuk-ou oyobio ɔtɔŋɔ idiwuɔ ku akpa, ɔnɔŋ ede mmɔŋ ɔdɔŋ ɔyɔk ubo emu, ene emu etɔŋɔ idizip.
24Mbed egetuag Onyi ezɔ ku ileh ogu, “Ɔfɔŋ! Ɔfɔŋ! Yaŋa enyin ku mmɔ idikpa.” Nonu ku Onyi alagha-ala ɔnɔŋ ɔwɔu ovum ma ulagha-akpa ogu otre, ndien emu etre, akpa ɔnɔŋ ɔbid.
25Ene, Jisɔs ɔdɔghɔ mbed izighi, “Nzi su ene evu egubuɔd-ile ku omi?” Ubɨghe ma mkpa-ile ɔgɔmuɔ ovid mbed, emu ezughu ili-ile emu, “Nzutɔ onwi onu omu? Onyi ɔnɔ ovum ma mmɔŋ usi, emu enɔŋ egei usi enɔ Onyi!”
Jisɔs Ɔkɔk Onwi Omu Onji Ndiɔk Spirit
(Mattiu 8:28-9:1; Mark 5:1-20)
26Jisɔs ma mbed izighi ewue egezɨm ndek ezuk uduŋ Gerasa, omu onu uzugu-uzugu ma akpa ikpeghe Galilee.
27Kini Jisɔs ma mbed izighi ewuɔŋɔ ela ku izɔŋ, onwi omu onji ndiɔk spirit odi obine onyi. Onwi omu egetei ɔduŋ ku uduŋ Gerasa-n, onu ulaga mu onyi nu-ɔduŋ ku ubi uluɔk-ekpu. Ɔbuk odighi izughe onwi omu edɔŋɔ use sugi kile.
28Kini onwi omu ogid Jisɔs, onyi ozighi ukpeguŋ, ɔdughɔ onyi ku uku, ɔnɔŋ ɔkpɔk ku otu-itu usi ogu, “Jisɔs Oyo Ŋkoŋ-ŋkeh Abazi, nzi ene vi afina enyin? Mbɔk ku utugɔre enyin!”
29Onwi omu ozughu nsiŋi omu ku ntak omu Jisɔs akadak-adak ɔwɔu ndiɔk spirit ozighi onyi ku ile. Ku use adai, ndiɔk spirit omu egetei ede ugra ku ile izighi ku ɔnjiɔŋ odighi ini. Enwi etei efuɔ onyi uku ma ubɔk ku mkpɔkɨbɔ elagha enim onyi ku idak ukpime, onu onyi ogip ima mkpɔkɨbɔ onu oto, udiɔk spirit onu egetei ede onyi agadio ku mkpakaŋa-izɔŋ.
30Jisɔs obid onyi, “Ovu su egre dighi?” Onyi ɔbrɔ, “Enyiŋ enyin onu Otu-ukiɔ,” sia awak-iwak ndiɔk spirit Egeluk onyi ile.
31Ndiɔk spirit onu ekpe Jisɔs ubɔk ugubɨne emu uzuŋɔ ugudɔŋ ku hell.
32Sughu kpɔ omu aganji, otu odii ku egela elɨe kpɔ ku ndek obod. Emu ekpeh Jisɔs ubɔk ogu Onyi ayak emu Egeluk ku ile ima odii onu. Onyi ɔnɔŋ onyɨme emu Egeluk odii.
33Ene, ima ndiɔk spirit onu ewuŋɔ ku ile onwi onu Egeluk otu odii. Ene otu odii onu ebiak utɔk ududa etɨghe ku ukpotu onu egedughɔ ku akpa enwɔŋ mmɔŋ ekpaŋa.
34Ku ini ima omu egekpɨme odii onu egid su otɨbe omu, emu ebiak elagha ku ubighe. Emu eluk uduŋ egezughu enɔ ovid enwi su otɨbe.
35Ene enwi onu ega idigise su ogotɨbe. Emu edizim kpughu Jisɔs agala, enɔŋ egid onwi omu Jisɔs ɔzuŋɔ ndiɔk spirit ku ile sughu ediŋe etei Jisɔs ku ndek uku. Onwi onu ɔdɔŋɔ edighe use, onyi ɔnɔŋ egei ntu ile. Ku ini enwi onu egid kpɔ omu, ubɨghe alagha ɔmuɔ emu abaŋa Jisɔs.
36Enwi omu egegid su ogotɨbe ezughu enɔ ima onu sughu Jisɔs azaŋa ede ɔkɔk onwi omu ogonji ndiɔk spirit onu.
37Ene enwi omu egeduŋ ku uduŋ ŋgan-ŋkuk Gerasa edɔghɔ Jisɔs “Mbɔk wuɔ ku uduŋ enyin.” Ku ntak omu ubɨghe ɔgɔmuɔ emu etieti abaŋa Jisɔs. Ene Jisɔs ma mbed izighi elagha eluk ubo esɔ enyɔŋ ndek akpa ŋkaŋ okuh.
38Onu kini omu Jisɔs ma mbed izighi eluŋɔ idilagha, onwi onu Jisɔs ɔgɔzuŋɔ ndiɔk spirit ku ile onu ebeŋe onyi ogu “mbɔk yak ŋkɔŋ nzaŋa ma ovu.” Onu Jisɔs enyime ɔdɔghɔ onyi ogu,
39“Sɔ adai bɨne ima uvɔk ovu, nɔŋ dɔghɔ ovid enwi baŋa ovid kpɔ su Abazi ene ɔnɔ vi.” Ene, onwi onu ɔluk ovid ubi ku uduŋ-on aga ozughu ɔnɔ evid enwi ogu, “Jisɔs ene ata okpɨno kpɔ ɔnɔ mi.”
Jisɔs Ɔgɔk Enwa Ɔlughɔ-mbra Alagha Ene Uyetɔ-Enwa Ɔsɔ-nji Uwem
40Kini omu Jisɔs ma mbed izighi esɔ edi uduŋ Galilee, otu enwi edra Onyi; sia emu mmɔgu egetei ebi onyi.
41Onu onwi gi omu egre Jairus, omu ogonu agrigra ku Synagogue odi dughɔ Jisɔs ku uku ɔnɔŋ okpe Jisɔs ubɔk ogu odi uvɔk izighi,
42sia omu onyi ogonji ŋgugre oyo-enwa ki omu ogonu izughe lughu-iba ku emina, omu ɔgɔlɔŋɔ okpɨne mkpa. Onu sughu Jisɔs aga uvɔk onu Jarius, otu enwi efe-uko egan onyi eguk.
43Onji enwa ki ku otu enwi-en omu ɔgɔlɔŋɔ ɔlughɔ-mbra ku izughe lughu-iba. Onyi abiad ovid unji izighi ɔnɔ uzɨbɔ, onu ebɨghe uzɨbɔ sugi ekɔd egɔk ulɔŋɔ izighi.
44Enwa onu osi ku adai onu Jisɔs oditu onyi utɔŋ use ede onji ugɔk. Sughu onyi otu, ku uji-uji onu ulɔŋɔ ɔlughɔ-mbra izighi otre.
45Nonu ku Jisɔs obid otu enwi, “Niŋi su ɔtɔu mi?” Enwi omu egekan onyi eguk edɔghɔ kama emu eetu onyi-ou. Nonu ku Peter ɔdɔghɔ Jisɔs, “Ɔfɔŋ, ku utɔ otu enwi omu efe-uko evughɔ vi kile omu, ku ovu obid, niŋi su ɔtɔu mi?”
46Onu Jisɔs ɔdɔghɔ, “Onwi ɔtɔu Mi ma ntak, ku onu Ami mvag ku ulu ɔwuɔ Mi ku ile.”
47Ku ini enwa onu ogid ku imu ikime ilib ile izighi, onyi ɔwuɔ odi ma nyeŋ-ile; odi ɔdughɔ ku izɔŋ ku uku izighi. Ku onji ovid enwi, onyi ozughu ntak omu onyi egede ɔtu onyi ma sughu onyi ɔbɔghɔ ɔkɔgigɔk ku uji-uji onu.
48Onu Jisɔs ɔdɔghɔ onyi, “Oyo-enwa, mbuɔd-ile ovu ku omi ene vi egei ntu-ile. Yɔŋ, yak Abazi aganji ɔnɔ vi emem”.
49Ku ini omu Jisɔs ozug aganji ozughu nsiŋi ma enwa omu, onwi osi ku uvɔk onu Jairus, agrigra synagogue odi, odidɔghɔ onyi, “Oyo-enwa ovu akpa. Ufɔ ebak ovu idisɔ ifɨna Ɔfɔŋ.”
50Onu kini Jisɔs egei su onwi onu ozughu, Onyi ɔdɔghɔ Jairus, “Ku unji ubɨghe-ou; onu nim mi ku akpanikwɔ, ku oyo-ovu ma ɔsɔ onji uwem”.
51Kini Jisɔs ozim uvɔk onu Jairus, Onyi ebei mbed izighi ite, Peter, Jemz ma Jɔhn ma eti ma eke oyo-enwa ɔluk eleh omu okpu oyo-onu ana.
52Kini emu eluk uvɔk, evid enwi ku efei esi elagha enwaŋ ubɔk ku ogid evughɔ ebaŋa mkpa oyo onu; Jisɔs ɔdɔghɔ emu “Egufei; onyi ekpa-kpa, onu elei-elei.”
53Onu kini emu egei nsiŋi omu, emu etɔ Onyi ndɔk, sia emu evag ku oyo-enwa onu akpa.
54Onu Jisɔs azaŋa okpine onyi, ndien ɔmuɔ onyi ubɔk ɔnɔŋ okuh onyi ku otu-itu usi, “Uyo-etɔ enwa, laghala.”
55Ku uji-uji-en oyo-onu ɔsɔ onji uwem, alaghala. Jisɔs ɔdɔghɔ eke ma eti izighi ogu enɔ onyi kpɔ elie.
56Ile akpa eti ma eke izighi, Onyi ɔnɔ emu usi ogu uguzughu su otɨbe omu unɔ onwi sugi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oro Bible by Beyond Translation is licensed under Creative Commons Attribution-ShareAlike 4.0 License.