Luke 6
6
Jisɔs Onu Ɔfɔŋ Sabbath
(Mattiu 12:1-8; Mark 2:23-28)
1Ku use Sabbath ki, Jisɔs ma ima mbed izighi egezaŋa efei ku ima ukɔ mkpogro. Mbed izighi ewiak mkpogro. Emu ede ubɔk emu esuŋɔ ŋgɨŋe nsaŋ edenu zu eta.
2Ndizuk ima Farisi egegid su ima mbed ene, omu ene emu ebid, “Seneh dighi ewiak mkpogro ku use Sabbath? Ibed etime enyin ine uto ku use Sabbath-ou”
3Jisɔs ɔdɔghɔ ima Farisi ogu, “Evu ene su evu mi ku su ewid ku ŋwid Abazi-ou, sughu David egene ku ɔnjiɔŋ odighi ini ogu, kini omu mbiɔŋ ɔlɔŋ onyi ma ima omu egɔŋ onyi.
4Sughu onyi ɔgɔluk ku esiŋi-ɔtɔ ubi etɨn-mbɨno Abazi, aga ebei uyo omu etei ewa enɔ Abazi. Onyi ata alagha ɔnɔ ima omu egebak ma onyi, muzughu-nu sughu ibed nume enɔ onwi ogononu unen ku efei ayak ima ɔkɔuw kpɔd-kpɔd enji idita”
5Ene Jisɔs ebei nsiŋi onu agazim utid ku ididɔghɔ emu ogu, “Omi, Oyo Onwi nnu Ɔfɔŋ Sabbath.”
Ugɔk Ulɔŋɔ Ku Use Sabbath
(Mattiu 12:9-14; Mark 3:1-6)
6Ku onuŋ use Sabbath Jisɔs agasaŋa oluk ku synagogue ɔtɔŋɔ idikpiek enwi kpɔ. Onwi gi egetei nonu omu ubɔkulo izighi akpa-akpa.
7Ndizuk ima Farisi ma ima ekpiek-ibed egebak non ewɔu onji ese nu Jisɔs ma ɔgɔk onwi onu ulɔŋɔ ku use Sabbath, sia ku emu egeluŋɔ su emu ede edu Onyi nsiŋi.
8Onu Jisɔs avak ogugre emu, onyi ɔdɔghɔ onwi onu ubɔk akpa onu ogu alaghala, onwi onu alaghala ku uvɔd otu enwi.
9Ene, Jisɔs eliek ose ima Farisi ma ima ekpiek ibed ɔnɔŋ ɔdɔghɔ ogu, “Enyin ivak ku ɔfɔ idine edighe kpɔ ku use Sabbath, enu idine onwi sugi udiɔk-kpɔ-ou, ilagha isɔ ivak ŋgo ku onu ibed idinyiaŋa uwem, enu idibiad uwem onwi sugi-ou. Evu enyime zon?”
10Onwi sugi ebrɔ onyi-ou, kini omu Onyi ama ogoseh ovid emu aganare, Onyi nnɔ-dɔghɔ onwien ogu, “Neŋe ubɔk ovu ka.” Onwien ene zon, ndien ubɔk izighi ɔsɔ agala ovid.
11Ku ini ima Farisi ma ima ekpiek-ibed egid ŋkpɔm, emu ediɔk ogid eti-eti. Emu etɔŋɔ idinime ku otu emu sughu anazu ene ma Jisɔs.
Jisɔs Emek Ima Apɔsul Izighi Lughu-Iba
(Mattiu 10:1-4; Mark 3:13-19)
12Ku ima use ama egefei, Jisɔs ɔwuɔ ayak uduŋ aga ku ŋgaŋ okpɨno obod iditei onyi-unɔgi ibɔŋ agam, onyi abak nonu ovid ɔgɔ-esi onu ɔbɔŋ agam ɔnɔ Abazi. 13Ku ndaŋgi, onyi okuh mbed izighi edi ebɨne onyi; onyi emek enwi lughu-iba ozighi ku otu emu, omu onyi okuh emu ima apɔsul: 14Enyiŋ emu onu omu; Saimɔn, omu Onyi ogozighi enyiŋ Peter, ma Andru ulɔ-eke izighi; Jemz ma Jɔhn; Filip ma Batolomio; 15Mattiu ma Tɔmɔs; Jemz oyo onu Alfeus; Saimɔn omu eku Zealot (omu ɔwuɔ okpe onwi uduŋ); 16Judas oyo onu Jemz ma Judas Iscariot, omu agateghe Jisɔs ɔnɔ ezughe izighi.
Jisɔs Ɔgɔk Awak-iwak Otu Enwi
(Mattiu 4:24,25; Mark 3:7-12)
17Jisɔs ma mbed izighi etɨghe edi gu ɔnyɔŋ obod edizim una-izɔŋ. Onyi ogid akpakɨp otu enwi omu egesi ku ovid-evid Judea ma Jeruzelem ma ima omu enɔŋ esi ndek akpa Tyre ma Sidon. 18Enwi omu egedi idigei su Jisɔs ekpiek ilagha ibɔghɔ ukɔk ku ulɔŋɔ emu. Enwi omu ndiɔk spirit ɔtughɔre, ebɔghɔ ntra-nyak ŋgo. 19Ovid enwi egetime iditɔu Jisɔs, sia onyi ɔgɔgɔk ovid enwi ma uluh izighi.
Nsiŋi Ɔdɨŋidiɔŋ
(Mattiu 5:1-12)
20Ene Jisɔs ebei onji ose mbed izighi, ɔnɔŋ ɔdɔghɔ emu, “Abazi ma ɔdiɔŋ evu omu enu ufei, sia ku ugra ufɔŋ Abazi onji evu.
21Abazi ma ɔdiɔŋ evu omu elɔŋɔ mbiɔŋ ku omu, sia evu ma egei uyɔu. Abazi ma ɔdiɔŋ ima omu efei-esi ku omu, ku evu ma emɨna ma uni-ogid.
22Abazi ma ɔdiɔŋ evu kini enwi ezughe evu, kini emu ediaŋa-ile eyak evu elagha ezɔŋɔ evu onji, elagha ezughu ndiɔk nsiŋi ebaŋa evu, ku ntak omu evu enyime idizaŋa ma Mi, Oyo Onwi.
23Ku ini onu, edra elagha etam ku uni-ogid, sia Abazi ma eniŋe-onji ogbono vi ku heaven. Sia ima eti emu egene kpa ukem mkpɔ onu ma ima prɔved ku esi ogu.”
Jisɔs Odio Izai
24Onu ma ɔdiɔk ma evu omu enji-kpɔ. Sia evu ebɔghɔ udɔŋ-ogid evu ku uyɔghɔ.
25Onu ma ɔdiɔk ma evu omu enji awak-iwak su elie ku omu, sia ku evu ma elɔŋɔ otuitu mbiɔŋ. Onu ma ɔdiɔk ma evu omu emɨna ime ku omu, ku onu evu ma evughɔ elagha efei-esi.
26Onu ma ɔdiɔk ɔnɔ evu omu ovid enwi eteh evu ku omu, sia ku ima etieti enwi-em egezughu idɨghe nsiŋi ŋko ibaŋa nzɔu-nzɔu prɔved, ku onu sonu ku ima etieti emu egene ma ima nzɔu-nzɔu prɔved.
Eme, Ezughe Evu
(Mattiu 5:38-48)
27Jisɔs aga-nyi ku ukpiekpɔ ogu, “su ndɔghɔ ovid enwi omu ekpaŋ-utɔŋ enɔ mi onom; evu egab eme ima ezughe evu, enɔŋ ene ufɔ enɔ ovid enwi omu ezughe evu.
28Ediɔŋ ima omu ezai evu. Ebɔŋ agam enɔ ima omu enekpɔ ma evu ku udiɔk odighi.
29Onogu onwi sugi asiak evu ufie ku mbaŋ ŋgaŋ gi, eliek ŋgaŋ ogu enɔ onyi ŋgo. Onugu onwi ɔbɔghɔ ikpɔwɔ useh evu, yak onyi ebei utɔŋ useh-ile ovu ŋgo.
30Onogu onwi ekpeh evu kpɔ, enɔ emu. Ɔnɔŋ onogu onwi ebei kpɔ omu onji evu, egusɔ udɔghɔ ebei ɔsɔk evu-ou.
31Sughu evu eluŋɔ enwi ene ma evu, evu ene kpa ku utɔ odighi onu ŋgo ma emu.
32Onogu evu eme ima omu eme evu kpɔd-kpɔd, nzi itro abak nonu ɔnɔ evu? Sia ile ima ene-udiɔk eme ima omu eme emu.
33Onu onogu evu ene ufɔ enɔ ima omu ene ufɔ enɔ evu kpɔd-kpɔd, nzikpɔ itro odio nonu ɔnɔ evu? Sia ile ima omu numevak Abazi efɔ-mfɔ ma ima omu efɔ-mfɔ ma emu.
34Ɔnɔŋ onogu evu ebuɔd onwi ɔkuk omu evu enji uduonji idisɔ ibɔghɔ usɔ, nzikpɔ itro odio nonu ɔnɔ evu? Sia ile ima ene-udiɔk ebuɔd ima ene-udiɔk kpɔ ene emu edesɔ ebɔghɔ ukem onu ŋko.
35Utukonu, evu eme ima ezughe evu elagha ene ufɔ enɔ emu. Ebuɔd emu ɔkuk ugunu ma uduonji idisɔ ibɔghɔ ŋkie sugi ku usɔ. Abazi ma ɔnɔ evu okpɨno utip ku heaven, evu ma enɔŋ enu eyo onu Ŋkoŋ Ŋkeh Abazi. Ku onu Abazi ɔfɔ-udɔk ma ima omu numenji ogid ekɔ ma ima ndiɔk enwi.
36Efei enwi isɨghe, kpa sughu Eti evu ŋgo efei evu isɨghe.”
Egubiad Enwi-ou
(Mattiu 7:1-5)
37Jisɔs aganji ekpiek ogu, “Ekubiad enwi-o, utuk ku enwi ebiad evu ŋgo. Egu ubire-ikpeh unɔ enwi-ou, utuk ku enwi etip evu ikpeh. Elagha enɔ enwi ku nlulei emu, man enwi edelagha enɔ evu.
38Enɔ enwi kpɔ kuma enɔ evu kini evu eluŋɔ: edɨghe udɨme omu evi edɔŋ, enyiŋe, etuak edɔŋ gi, omu ɔnɔŋ ɔyɔghɔ-ɔlughɔ ku edidɔŋ inɔ evu. Ku onu ma ukem udɨme omu evu ede edɨme enɔ enwi ku Abazi edide idɨme inɔ evu.”
39Onyi ɔnɔŋ otu ukeh gi ɔnɔ emu ogu, “Ku nsie ekɨme idide nsie odighi-o, onogu emu ene zon emu enwi-iba ma edughɔ eluk efufei.
40Mbed ekime idikpo ike eti-uvɔk emo-u. Onu oyo-ukpiek sugi omu ɔbɔghɔ ovid ukpiek-kpɔ odila su eti-uvɔk izighi. 41Ovu kuyak uyo ntɔŋ omu odio ku ŋkiniŋi onwi ebighe vi oke okpɨno ɔkpukpɔk omu ebei vi ku onji. 42Ntak omu ovu ogere ididɔghɔ oyo-eke ovu ogu, ‘Yeke, yak nzighi vi mvuviagha etu ku ŋkiniŋi ovu,’ kini ovu ku ile ovu numugid ɔkpukpɔk omu okidi vi ku ŋkiniŋi? Evu enwi mbubuk! Saŋa-onji dia ɔkpukpɔk ku ŋkiniŋi ovu sighi, ndien ovu ma eneŋe onji ɔmɔ kpɔ anwaŋa ejei ede ozighi mvuviagha etu ku ŋkiniŋi oyo-eke ovu.”
Evag Etu Ku Ŋkɨm Izighi
(Mattiu 7:15-20)
43Jisɔs aganji ekpiek ogu, “Edɨghe etu ekime iwɨn udiɔk ŋkɨm-ou. Sonu ŋgo, udiɔk etu ekime iwɨn edɨghe ŋkɨm-ou.
44Enwi evag etu osi ku ŋkɨm izighi. Su uwuɔkpɔ, enwi ekɨme idigu ŋkɨm ozogro ma atidai ku ɔnyɔŋ esagha, nu-onu idiguu ŋgim ebei ku ɔnyɔŋ akɨna.
45Ku utɔ odighi onu, edɨghe onwi ɔzuŋɔ mfɔ ku edɨghe unji ogid izighi odi; udiɔk onwi ɔnɔŋ ɔzuŋɔ ndiɔk ku udiɔk unji ogid izighi odi. Ene, su onwi ozughu onu su eniŋe onyi odio onyi ku ogid.”
Ufuɔ Uvɔk Ku Ɔnyɔŋ Utɨghe Omu Akai
(Mattiu 7:21-27)
46Jisɔs aganji ogu, “Evu eguku mi ‘Ɔfɔŋ,’ kini evu numine su Omi ndɔghɔ-o.
47Onwi ogu ononu ogu odi ɔgɔŋ Mi, ɔnɔŋ egei ima nsiŋi omi, alagha ene emu, ami ma ŋwuɔ evu sughu onyi ala ku ukeh omu.
48Onyi alasu onwi omu ɔfuɔ uvɔk, omu otiih izɔŋ ɔtuŋ agazim utɨghe adakizɔŋ ɔfuɔ uvɔk odu ku ɔnyɔŋ utɨghe-n. Ene kini ukwuɔ odi, inue-mmɔŋ odibei ku uvɔk onu, onu ekɨme idinyiŋe onyi-o, sia omu egefuɔ onyi edu ku ɔnyɔŋ akikai utɨghe.
49Onu onwi sugi ku oduobod omu egei nsiŋi omi, onu nume ebei edio ku uto, onyi alasu onwi omu ɔgɔfuɔ uvɔk ku izɔŋ omu nu eme-enji utɨghe adakizɔŋ. Ku ini omu inue-mmɔŋ ɔtɔ odibei onyi; onu ku ata ulu-ulu-ononu onyi ɔdughɔ fabfab.”
ទើបបានជ្រើសរើសហើយ៖
Luke 6: ORX
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oro Bible by Beyond Translation is licensed under Creative Commons Attribution-ShareAlike 4.0 License.
Luke 6
6
Jisɔs Onu Ɔfɔŋ Sabbath
(Mattiu 12:1-8; Mark 2:23-28)
1Ku use Sabbath ki, Jisɔs ma ima mbed izighi egezaŋa efei ku ima ukɔ mkpogro. Mbed izighi ewiak mkpogro. Emu ede ubɔk emu esuŋɔ ŋgɨŋe nsaŋ edenu zu eta.
2Ndizuk ima Farisi egegid su ima mbed ene, omu ene emu ebid, “Seneh dighi ewiak mkpogro ku use Sabbath? Ibed etime enyin ine uto ku use Sabbath-ou”
3Jisɔs ɔdɔghɔ ima Farisi ogu, “Evu ene su evu mi ku su ewid ku ŋwid Abazi-ou, sughu David egene ku ɔnjiɔŋ odighi ini ogu, kini omu mbiɔŋ ɔlɔŋ onyi ma ima omu egɔŋ onyi.
4Sughu onyi ɔgɔluk ku esiŋi-ɔtɔ ubi etɨn-mbɨno Abazi, aga ebei uyo omu etei ewa enɔ Abazi. Onyi ata alagha ɔnɔ ima omu egebak ma onyi, muzughu-nu sughu ibed nume enɔ onwi ogononu unen ku efei ayak ima ɔkɔuw kpɔd-kpɔd enji idita”
5Ene Jisɔs ebei nsiŋi onu agazim utid ku ididɔghɔ emu ogu, “Omi, Oyo Onwi nnu Ɔfɔŋ Sabbath.”
Ugɔk Ulɔŋɔ Ku Use Sabbath
(Mattiu 12:9-14; Mark 3:1-6)
6Ku onuŋ use Sabbath Jisɔs agasaŋa oluk ku synagogue ɔtɔŋɔ idikpiek enwi kpɔ. Onwi gi egetei nonu omu ubɔkulo izighi akpa-akpa.
7Ndizuk ima Farisi ma ima ekpiek-ibed egebak non ewɔu onji ese nu Jisɔs ma ɔgɔk onwi onu ulɔŋɔ ku use Sabbath, sia ku emu egeluŋɔ su emu ede edu Onyi nsiŋi.
8Onu Jisɔs avak ogugre emu, onyi ɔdɔghɔ onwi onu ubɔk akpa onu ogu alaghala, onwi onu alaghala ku uvɔd otu enwi.
9Ene, Jisɔs eliek ose ima Farisi ma ima ekpiek ibed ɔnɔŋ ɔdɔghɔ ogu, “Enyin ivak ku ɔfɔ idine edighe kpɔ ku use Sabbath, enu idine onwi sugi udiɔk-kpɔ-ou, ilagha isɔ ivak ŋgo ku onu ibed idinyiaŋa uwem, enu idibiad uwem onwi sugi-ou. Evu enyime zon?”
10Onwi sugi ebrɔ onyi-ou, kini omu Onyi ama ogoseh ovid emu aganare, Onyi nnɔ-dɔghɔ onwien ogu, “Neŋe ubɔk ovu ka.” Onwien ene zon, ndien ubɔk izighi ɔsɔ agala ovid.
11Ku ini ima Farisi ma ima ekpiek-ibed egid ŋkpɔm, emu ediɔk ogid eti-eti. Emu etɔŋɔ idinime ku otu emu sughu anazu ene ma Jisɔs.
Jisɔs Emek Ima Apɔsul Izighi Lughu-Iba
(Mattiu 10:1-4; Mark 3:13-19)
12Ku ima use ama egefei, Jisɔs ɔwuɔ ayak uduŋ aga ku ŋgaŋ okpɨno obod iditei onyi-unɔgi ibɔŋ agam, onyi abak nonu ovid ɔgɔ-esi onu ɔbɔŋ agam ɔnɔ Abazi. 13Ku ndaŋgi, onyi okuh mbed izighi edi ebɨne onyi; onyi emek enwi lughu-iba ozighi ku otu emu, omu onyi okuh emu ima apɔsul: 14Enyiŋ emu onu omu; Saimɔn, omu Onyi ogozighi enyiŋ Peter, ma Andru ulɔ-eke izighi; Jemz ma Jɔhn; Filip ma Batolomio; 15Mattiu ma Tɔmɔs; Jemz oyo onu Alfeus; Saimɔn omu eku Zealot (omu ɔwuɔ okpe onwi uduŋ); 16Judas oyo onu Jemz ma Judas Iscariot, omu agateghe Jisɔs ɔnɔ ezughe izighi.
Jisɔs Ɔgɔk Awak-iwak Otu Enwi
(Mattiu 4:24,25; Mark 3:7-12)
17Jisɔs ma mbed izighi etɨghe edi gu ɔnyɔŋ obod edizim una-izɔŋ. Onyi ogid akpakɨp otu enwi omu egesi ku ovid-evid Judea ma Jeruzelem ma ima omu enɔŋ esi ndek akpa Tyre ma Sidon. 18Enwi omu egedi idigei su Jisɔs ekpiek ilagha ibɔghɔ ukɔk ku ulɔŋɔ emu. Enwi omu ndiɔk spirit ɔtughɔre, ebɔghɔ ntra-nyak ŋgo. 19Ovid enwi egetime iditɔu Jisɔs, sia onyi ɔgɔgɔk ovid enwi ma uluh izighi.
Nsiŋi Ɔdɨŋidiɔŋ
(Mattiu 5:1-12)
20Ene Jisɔs ebei onji ose mbed izighi, ɔnɔŋ ɔdɔghɔ emu, “Abazi ma ɔdiɔŋ evu omu enu ufei, sia ku ugra ufɔŋ Abazi onji evu.
21Abazi ma ɔdiɔŋ evu omu elɔŋɔ mbiɔŋ ku omu, sia evu ma egei uyɔu. Abazi ma ɔdiɔŋ ima omu efei-esi ku omu, ku evu ma emɨna ma uni-ogid.
22Abazi ma ɔdiɔŋ evu kini enwi ezughe evu, kini emu ediaŋa-ile eyak evu elagha ezɔŋɔ evu onji, elagha ezughu ndiɔk nsiŋi ebaŋa evu, ku ntak omu evu enyime idizaŋa ma Mi, Oyo Onwi.
23Ku ini onu, edra elagha etam ku uni-ogid, sia Abazi ma eniŋe-onji ogbono vi ku heaven. Sia ima eti emu egene kpa ukem mkpɔ onu ma ima prɔved ku esi ogu.”
Jisɔs Odio Izai
24Onu ma ɔdiɔk ma evu omu enji-kpɔ. Sia evu ebɔghɔ udɔŋ-ogid evu ku uyɔghɔ.
25Onu ma ɔdiɔk ma evu omu enji awak-iwak su elie ku omu, sia ku evu ma elɔŋɔ otuitu mbiɔŋ. Onu ma ɔdiɔk ma evu omu emɨna ime ku omu, ku onu evu ma evughɔ elagha efei-esi.
26Onu ma ɔdiɔk ɔnɔ evu omu ovid enwi eteh evu ku omu, sia ku ima etieti enwi-em egezughu idɨghe nsiŋi ŋko ibaŋa nzɔu-nzɔu prɔved, ku onu sonu ku ima etieti emu egene ma ima nzɔu-nzɔu prɔved.
Eme, Ezughe Evu
(Mattiu 5:38-48)
27Jisɔs aga-nyi ku ukpiekpɔ ogu, “su ndɔghɔ ovid enwi omu ekpaŋ-utɔŋ enɔ mi onom; evu egab eme ima ezughe evu, enɔŋ ene ufɔ enɔ ovid enwi omu ezughe evu.
28Ediɔŋ ima omu ezai evu. Ebɔŋ agam enɔ ima omu enekpɔ ma evu ku udiɔk odighi.
29Onogu onwi sugi asiak evu ufie ku mbaŋ ŋgaŋ gi, eliek ŋgaŋ ogu enɔ onyi ŋgo. Onugu onwi ɔbɔghɔ ikpɔwɔ useh evu, yak onyi ebei utɔŋ useh-ile ovu ŋgo.
30Onogu onwi ekpeh evu kpɔ, enɔ emu. Ɔnɔŋ onogu onwi ebei kpɔ omu onji evu, egusɔ udɔghɔ ebei ɔsɔk evu-ou.
31Sughu evu eluŋɔ enwi ene ma evu, evu ene kpa ku utɔ odighi onu ŋgo ma emu.
32Onogu evu eme ima omu eme evu kpɔd-kpɔd, nzi itro abak nonu ɔnɔ evu? Sia ile ima ene-udiɔk eme ima omu eme emu.
33Onu onogu evu ene ufɔ enɔ ima omu ene ufɔ enɔ evu kpɔd-kpɔd, nzikpɔ itro odio nonu ɔnɔ evu? Sia ile ima omu numevak Abazi efɔ-mfɔ ma ima omu efɔ-mfɔ ma emu.
34Ɔnɔŋ onogu evu ebuɔd onwi ɔkuk omu evu enji uduonji idisɔ ibɔghɔ usɔ, nzikpɔ itro odio nonu ɔnɔ evu? Sia ile ima ene-udiɔk ebuɔd ima ene-udiɔk kpɔ ene emu edesɔ ebɔghɔ ukem onu ŋko.
35Utukonu, evu eme ima ezughe evu elagha ene ufɔ enɔ emu. Ebuɔd emu ɔkuk ugunu ma uduonji idisɔ ibɔghɔ ŋkie sugi ku usɔ. Abazi ma ɔnɔ evu okpɨno utip ku heaven, evu ma enɔŋ enu eyo onu Ŋkoŋ Ŋkeh Abazi. Ku onu Abazi ɔfɔ-udɔk ma ima omu numenji ogid ekɔ ma ima ndiɔk enwi.
36Efei enwi isɨghe, kpa sughu Eti evu ŋgo efei evu isɨghe.”
Egubiad Enwi-ou
(Mattiu 7:1-5)
37Jisɔs aganji ekpiek ogu, “Ekubiad enwi-o, utuk ku enwi ebiad evu ŋgo. Egu ubire-ikpeh unɔ enwi-ou, utuk ku enwi etip evu ikpeh. Elagha enɔ enwi ku nlulei emu, man enwi edelagha enɔ evu.
38Enɔ enwi kpɔ kuma enɔ evu kini evu eluŋɔ: edɨghe udɨme omu evi edɔŋ, enyiŋe, etuak edɔŋ gi, omu ɔnɔŋ ɔyɔghɔ-ɔlughɔ ku edidɔŋ inɔ evu. Ku onu ma ukem udɨme omu evu ede edɨme enɔ enwi ku Abazi edide idɨme inɔ evu.”
39Onyi ɔnɔŋ otu ukeh gi ɔnɔ emu ogu, “Ku nsie ekɨme idide nsie odighi-o, onogu emu ene zon emu enwi-iba ma edughɔ eluk efufei.
40Mbed ekime idikpo ike eti-uvɔk emo-u. Onu oyo-ukpiek sugi omu ɔbɔghɔ ovid ukpiek-kpɔ odila su eti-uvɔk izighi. 41Ovu kuyak uyo ntɔŋ omu odio ku ŋkiniŋi onwi ebighe vi oke okpɨno ɔkpukpɔk omu ebei vi ku onji. 42Ntak omu ovu ogere ididɔghɔ oyo-eke ovu ogu, ‘Yeke, yak nzighi vi mvuviagha etu ku ŋkiniŋi ovu,’ kini ovu ku ile ovu numugid ɔkpukpɔk omu okidi vi ku ŋkiniŋi? Evu enwi mbubuk! Saŋa-onji dia ɔkpukpɔk ku ŋkiniŋi ovu sighi, ndien ovu ma eneŋe onji ɔmɔ kpɔ anwaŋa ejei ede ozighi mvuviagha etu ku ŋkiniŋi oyo-eke ovu.”
Evag Etu Ku Ŋkɨm Izighi
(Mattiu 7:15-20)
43Jisɔs aganji ekpiek ogu, “Edɨghe etu ekime iwɨn udiɔk ŋkɨm-ou. Sonu ŋgo, udiɔk etu ekime iwɨn edɨghe ŋkɨm-ou.
44Enwi evag etu osi ku ŋkɨm izighi. Su uwuɔkpɔ, enwi ekɨme idigu ŋkɨm ozogro ma atidai ku ɔnyɔŋ esagha, nu-onu idiguu ŋgim ebei ku ɔnyɔŋ akɨna.
45Ku utɔ odighi onu, edɨghe onwi ɔzuŋɔ mfɔ ku edɨghe unji ogid izighi odi; udiɔk onwi ɔnɔŋ ɔzuŋɔ ndiɔk ku udiɔk unji ogid izighi odi. Ene, su onwi ozughu onu su eniŋe onyi odio onyi ku ogid.”
Ufuɔ Uvɔk Ku Ɔnyɔŋ Utɨghe Omu Akai
(Mattiu 7:21-27)
46Jisɔs aganji ogu, “Evu eguku mi ‘Ɔfɔŋ,’ kini evu numine su Omi ndɔghɔ-o.
47Onwi ogu ononu ogu odi ɔgɔŋ Mi, ɔnɔŋ egei ima nsiŋi omi, alagha ene emu, ami ma ŋwuɔ evu sughu onyi ala ku ukeh omu.
48Onyi alasu onwi omu ɔfuɔ uvɔk, omu otiih izɔŋ ɔtuŋ agazim utɨghe adakizɔŋ ɔfuɔ uvɔk odu ku ɔnyɔŋ utɨghe-n. Ene kini ukwuɔ odi, inue-mmɔŋ odibei ku uvɔk onu, onu ekɨme idinyiŋe onyi-o, sia omu egefuɔ onyi edu ku ɔnyɔŋ akikai utɨghe.
49Onu onwi sugi ku oduobod omu egei nsiŋi omi, onu nume ebei edio ku uto, onyi alasu onwi omu ɔgɔfuɔ uvɔk ku izɔŋ omu nu eme-enji utɨghe adakizɔŋ. Ku ini omu inue-mmɔŋ ɔtɔ odibei onyi; onu ku ata ulu-ulu-ononu onyi ɔdughɔ fabfab.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oro Bible by Beyond Translation is licensed under Creative Commons Attribution-ShareAlike 4.0 License.