Luke 4
4
Satan Odɨme Jisɔs
(Mattiu 4:1-11; Mark 1:12,13)
1Ene, ku Jɔhn ama ogonim Jisɔs uluɔk-mmɔŋ, onyi ɔwuɔ ku akpa Jordan odi. Ulu Elile Spirit agabak ma onyi. Ene Elile Spirit egede onyi aga ku mkpakaŋa-izɔŋ.
2Nonu ku Satan odɨme onyi ku use aba ma ɔgɔ-esi aba. Onyi egelie kpɔ sugi ku ovid ima use onu-ou, onu ku use aba amagefei, mbiɔŋ ɔlɔŋ onyi.
3Onu Satan ɔdɔghɔ Jisɔs ogu, “Onugu ovu onu Oyo Abazi ku akpanikwɔ, ne utɨghe omu eliek onu ŋkilie ɔnɔ vi.”
4Onu Jisɔs ɔbrɔ Satan ogu, “Egewid ogu, onwi edu uwem kpɔd-kpɔd ku uyo.”
5Satan ede Jisɔs oniŋi aga ku ɔnyɔŋ okiŋi-ikoŋ ubi, kini gi ɔwuɔ Onyi ima ovid ikpeghe uduŋ oduobod.
6Ene, Satan ɔdɔghɔ Jisɔs ogu, “Ma nnɔ vi ovid ulu-ugra ma ufɔŋ ovid oduobod. Ŋkɨme idine omu sia egeyak ulu-om enɔ mi, ŋkime idiyak onyi nnɔ onwi sugi ogu mmek.
7Ene, onogu ovu odituak-ubughu inɔ mi, ovid-evid uluo-mma onu ogu ovu.”
8Onu Jisɔs ɔbrɔ ɔnɔŋ ɔrɔghɔ onyi ogu, “Egewid ogu, ‘Ovu ana atuak ubughu ɔnɔ Ɔfɔŋ Abazi ovu, ɔnɔŋ enekpɔ nɔ Onyi kpɔd-kpɔd.’”
9Ene, Satan ede Jisɔs aga ku Jeruzelem. Onyi ede Jisɔs aga odu ku ubi omu okoŋ oke ku tempul, ɔnɔŋ ɔdɔghɔ Jisɔs ogu, “Onugu ovu onu ata Oyo Abazi, sighi unɔgi mu-omu tɔ ku izɔŋ.
10Ku ovu mudude unan-ou, sia egewid ku ŋwid Abazi ogu, ‘Abazi ma ɔnɔ ima enjel Izighi usi ogu ekpɨme vi man ovu udude unan.
11Ima enjel izighi ma ega vi ku ubɔk emu, utuk ku ovu atuak uku ku utɨghe.’”
12Jisɔs ɔbrɔ ɔnɔŋ ɔdɔghɔ Satan ogu, “Ŋwid Abazi ŋgo ɔdɔghɔ ogu, ‘Ku udime Ɔfɔŋ Abazi ovu.’”
13Onu kini Satan ama egegre idideme Jisɔs ku ovid-evid odighi, onyi alagha ayak Onyi, tutu onuŋ ini.
Jisɔs Ɔtɔŋɔ Uto Izighi ku Galilee
(Mattiu 4:12-17; Mark 1:14,15)
14Ene, Jisɔs ku ulu Elile Spirit ɔsɔ ɔnyɔŋ aga gu ikpeghe Galilee, etu izighi ɔwuɔ ɔyɨghɔ ovid ŋgan-ŋguk onu.
15Onyi ene su iso uto idikpiek-kpɔ ku ima synagogue, ovid enwi ezughu edeghe nsiŋi ebaŋa onyi.
Ekɨn Jisɔs Ku Nazared
16Ene, onyi odi ku Nazared, kpughu egega onyi. Onu sughu ido izighi egetei onu, onyi ɔluk synagogue ku use Sabbath,#4:16 Use nzulu ma ntuak ubughu onu ima Jew ɔnɔŋ alagha ala idiku ŋwid.
17Emu enɔ onyi ŋwid prɔvizi onu prɔved Izayah. Onu kini onyi ogi ŋwid, onyi ogid ubi omu egewid ogu:
18“Elile Spirit Abazi abak ma omi idiwam mi, ku onu onyi osi mi ara onim ogu ŋkwrɔ edɨghe etu nnɔ ima ufei, onyi ɔdɔŋ mi ogu ŋgɔk ima omu ogid ɔbuŋɔ, ŋkwrɔ uwuɔ-uvɨn nnɔ ima ivɔn-ukiɔ, nlagha ŋkwrɔ ntra onji nnɔ ima nsie, nlagha ntra ima omu enwi evi nyak;
19Onyi ɔgɔdɔŋ mi ogu ŋkwrɔ ku omu onu izughe mfɔ udɔk Abazi.”
20Ene Jisɔs okid ŋwid ɔnɔŋ ayak ɔnɔ azaŋa-uto tempul, ɔnɔŋ atuak etei ku izɔŋ. Onu ovid enwi ku Synagogue omu egebak nu-onu ewɔu onji ese Onyi.
21Onu Onyi ɔdɔghɔ emu ogu, “Mvɨn omu, ŋwid Abazi omu ozu ku utɔŋ evu kini onu egegei sughu omi ŋku onu.”
22Ene, ovid enwi omu egebak nonu ezughu edɨghe nsiŋi ebaŋa Onyi, ile alagha akpa emu ku abaŋa nsiŋi mfɔ omu Onyi ogozughu. Emu ezughu, “Enu oyo onu Josef onu omu?”
23Jisɔs ɔdɔghɔ emu ogu, “Evu ma etu ukeh omu enɔ mi ogu, ‘Ebɨghe, kɔk ile ovu! Su ɔwuɔ onu ne utɨbe kpɔ ku uduŋ evu omu enyin igigei ovu egene ku uduŋ Capernaum.’”
24Onu onyi aganji ɔdɔghɔ ogu, “Ku onu akpanikwɔ, enwi etei edra prɔved sugi ku izɔŋ uduŋ izighi-ou.
25Egre baŋa kpɔ omu; ini gi ku prɔved Ilajah agabak ku Izruel, onu akpanikwɔ ŋgo ku awak-iwak ebi-ukpa egebak ku ikpeghe Izruel kinien, edim egesi ku heaven edi gu izughe ite-ma-ukpok, agaŋ ŋgo ɔgɔnɔŋ agabak ku ovid izɔŋ Izruel;
26onu Abazi egedɔŋ Ilajah enɔ aganwam emu sugi-ou, ku efei ayak ebi-ukpa gi omu agabak ku Zarephath omu odio ku uduŋ Sidon.
27Ku ukem odighien kini omu prɔved Elisha agabak, awak-iwak ima ɔlɔŋɔ akpamvia Izruel. Onu Elisha egegɔk onwi emu sugi. Utukon onyi ɔgɔgɔk Naaman, omu numa enu onwi ima Jew omu osi ikpeghe uduŋ Syria.”
28Onu kini omu ovid enwi ku Synagogue egei sughu onyi ozughu ima kpɔ omu, ogid-eje emu eti-eti.
29Ene, emu elagha ela, etɨŋi onyi ezighi ku uduŋ emu, ede onyi ega gu ntɔŋ-ntɔŋ ubughu obod omu uduŋ onu ala. Eluŋɔ iditɨŋi onyi izighi-itɔ.
30Onu Jisɔs azaŋa ku uvɔd otu emu ɔwuɔ ɔnyɔŋ.
Jisɔs Obɨne Ndiɔk Spirit Ozighi
(Mark 1:21-28)
31Use gi, Jisɔs aga gu ikpeghe Capernaum ku uduŋ Galilee. Ku use Sabbath, onyi ɔluk synagogue aga ekpiek enwi kpɔ.
32Onyi ekpiek kpɔ ku odighi omu ɔwuɔ ku onyi onji ulu omu osi Abazi. Ile agakpa enwi abaŋa ukpiek kpɔ izighi.
33Ku use gi, sughu Jisɔs ekpiek kpɔ ku synagogue, onwi gi omu onji ndiɔk spirit ɔkpɔk ku otu-itu usi,
34“Ou, Jisɔs onwi Nazared, oyo ŋkoŋke Abazi, nzizu otɨbe ede afɨna enyin uwem? Ovu odi momu idizɨbo enyin? Mvak ku ovu onu Elile onwi omu osi Abazi odi!”
35Onu Jisɔs ezughe ɔnɔ ndiɔk spirit ogu, “Kap inue ovu, wuɔ onyi ku ile!” Onu kini demon ama ogozighi onyi ɔhtɔ ku izɔŋ ku uvɔd emu, onyi ɔwuɔ onyi ku ile, onu enɔ onyi unan sugi ku ile-ou.
36Ile akpa ovid enwi, emu enɔŋ ebid ku otu ile emu, “Nzutɔ ukpiek-kpɔ onu omu! Onyi onji okpɨno ulu ugra ma ukime omu ede ɔwɔu ndiɔk spirit ɔzuŋɔ enwi ku ile, emu ewuɔŋɔ emu ku ile.”
37Ene, enwi etɔŋɔ idizuan etu ibaŋa su Jisɔs egene, ku ŋgan-ŋgɔuk uduŋ onu.
Jisɔs Ɔgɔk Eke-ŋwa Onu Peter
(Mattiu 8:14,15; Mark 1:29-34)
38Ene, Ku onyi amagalagha ku synagogue ku use-n, Jisɔs agaga uvɔk onu Saimɔn. Nonu ku onyi ogid sughu eke-ŋwa onu Saimɔn ɔlɔŋɔ ŋgunya egaŋ, emu ekpeh onyi ubɔk egu. “Mbɔk kɔk onyi nɔ enyin.”
39Ene Jisɔs azaŋa ala okpɨne onyi ile, ezughe ɔnɔ ɔfɔ-egaŋ, egaŋ ɔnɔŋ aza onyi ayak. Ene ku ulu-ulu onu onyi egei ntu-ile, alagha ala ene ulie ɔnɔ emu.
Jisɔs ɔgɔk awak-iwak Enwi Ku Utɨn Ama Ogoki Ku Sabbath
(Mattiu 8:16,17; Mark 1:32-34)
40Sughu utin aga idiki ku mbre-esi onu, ovid ima omu egenji enwi ki gi omu egelɔŋɔ nzighi-nzighi ulɔŋɔ etaŋ emu ede ezɔk Jisɔs; onyi ɔnɔŋ odu emu ubɔk ku ile ɔnɔŋ ɔgɔk ovid emu.
41Onji ima omu ndiɔk spirit ɔgɔtughɔre, kini omu Jisɔs ɔwɔu emu, emu ewuɔŋɔ emu ku ile, ekpɔk ukpeguŋ, “Ovu onu Krais, Oyo Abazi” Onu ku ntak omu emu evag ku onyi onu onyi omu egedɔŋ, onyi ezughe ɔnɔ emu ogu emu egid inue.
Jisɔs Ɔkwrɔ-ikwɔ Ku Galilee
(Mattiu 4:23-25; Mark 1:35-39)
42Onu kini esi ogiih ku ndaŋgi, Jisɔs agaga ku mkpakaŋa-izɔŋ. Onu otu enwi ezaŋa eluŋɔ onyi ku ovid mbi onu kini omu emu egid onyi, emu ekpe onyi ubɔk ugulagha uyak emu;
43onu Jisɔs ɔdɔghɔ emu ogu, “Anasu omi ŋkwrɔ edɨghe etu ugra Abazi ku ima uduŋ Bethsaida mbaŋa sughu Abazi ɔluŋɔ idigra ku uwem emu, sia ku ntak omu ku Abazi ɔgɔdɔŋ mi ndi izɔŋ.”
44Onyi ɔnɔŋ ɔkwrɔ ikwɔ ku ima synagogue ku Judea.
ទើបបានជ្រើសរើសហើយ៖
Luke 4: ORX
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oro Bible by Beyond Translation is licensed under Creative Commons Attribution-ShareAlike 4.0 License.
Luke 4
4
Satan Odɨme Jisɔs
(Mattiu 4:1-11; Mark 1:12,13)
1Ene, ku Jɔhn ama ogonim Jisɔs uluɔk-mmɔŋ, onyi ɔwuɔ ku akpa Jordan odi. Ulu Elile Spirit agabak ma onyi. Ene Elile Spirit egede onyi aga ku mkpakaŋa-izɔŋ.
2Nonu ku Satan odɨme onyi ku use aba ma ɔgɔ-esi aba. Onyi egelie kpɔ sugi ku ovid ima use onu-ou, onu ku use aba amagefei, mbiɔŋ ɔlɔŋ onyi.
3Onu Satan ɔdɔghɔ Jisɔs ogu, “Onugu ovu onu Oyo Abazi ku akpanikwɔ, ne utɨghe omu eliek onu ŋkilie ɔnɔ vi.”
4Onu Jisɔs ɔbrɔ Satan ogu, “Egewid ogu, onwi edu uwem kpɔd-kpɔd ku uyo.”
5Satan ede Jisɔs oniŋi aga ku ɔnyɔŋ okiŋi-ikoŋ ubi, kini gi ɔwuɔ Onyi ima ovid ikpeghe uduŋ oduobod.
6Ene, Satan ɔdɔghɔ Jisɔs ogu, “Ma nnɔ vi ovid ulu-ugra ma ufɔŋ ovid oduobod. Ŋkɨme idine omu sia egeyak ulu-om enɔ mi, ŋkime idiyak onyi nnɔ onwi sugi ogu mmek.
7Ene, onogu ovu odituak-ubughu inɔ mi, ovid-evid uluo-mma onu ogu ovu.”
8Onu Jisɔs ɔbrɔ ɔnɔŋ ɔrɔghɔ onyi ogu, “Egewid ogu, ‘Ovu ana atuak ubughu ɔnɔ Ɔfɔŋ Abazi ovu, ɔnɔŋ enekpɔ nɔ Onyi kpɔd-kpɔd.’”
9Ene, Satan ede Jisɔs aga ku Jeruzelem. Onyi ede Jisɔs aga odu ku ubi omu okoŋ oke ku tempul, ɔnɔŋ ɔdɔghɔ Jisɔs ogu, “Onugu ovu onu ata Oyo Abazi, sighi unɔgi mu-omu tɔ ku izɔŋ.
10Ku ovu mudude unan-ou, sia egewid ku ŋwid Abazi ogu, ‘Abazi ma ɔnɔ ima enjel Izighi usi ogu ekpɨme vi man ovu udude unan.
11Ima enjel izighi ma ega vi ku ubɔk emu, utuk ku ovu atuak uku ku utɨghe.’”
12Jisɔs ɔbrɔ ɔnɔŋ ɔdɔghɔ Satan ogu, “Ŋwid Abazi ŋgo ɔdɔghɔ ogu, ‘Ku udime Ɔfɔŋ Abazi ovu.’”
13Onu kini Satan ama egegre idideme Jisɔs ku ovid-evid odighi, onyi alagha ayak Onyi, tutu onuŋ ini.
Jisɔs Ɔtɔŋɔ Uto Izighi ku Galilee
(Mattiu 4:12-17; Mark 1:14,15)
14Ene, Jisɔs ku ulu Elile Spirit ɔsɔ ɔnyɔŋ aga gu ikpeghe Galilee, etu izighi ɔwuɔ ɔyɨghɔ ovid ŋgan-ŋguk onu.
15Onyi ene su iso uto idikpiek-kpɔ ku ima synagogue, ovid enwi ezughu edeghe nsiŋi ebaŋa onyi.
Ekɨn Jisɔs Ku Nazared
16Ene, onyi odi ku Nazared, kpughu egega onyi. Onu sughu ido izighi egetei onu, onyi ɔluk synagogue ku use Sabbath,#4:16 Use nzulu ma ntuak ubughu onu ima Jew ɔnɔŋ alagha ala idiku ŋwid.
17Emu enɔ onyi ŋwid prɔvizi onu prɔved Izayah. Onu kini onyi ogi ŋwid, onyi ogid ubi omu egewid ogu:
18“Elile Spirit Abazi abak ma omi idiwam mi, ku onu onyi osi mi ara onim ogu ŋkwrɔ edɨghe etu nnɔ ima ufei, onyi ɔdɔŋ mi ogu ŋgɔk ima omu ogid ɔbuŋɔ, ŋkwrɔ uwuɔ-uvɨn nnɔ ima ivɔn-ukiɔ, nlagha ŋkwrɔ ntra onji nnɔ ima nsie, nlagha ntra ima omu enwi evi nyak;
19Onyi ɔgɔdɔŋ mi ogu ŋkwrɔ ku omu onu izughe mfɔ udɔk Abazi.”
20Ene Jisɔs okid ŋwid ɔnɔŋ ayak ɔnɔ azaŋa-uto tempul, ɔnɔŋ atuak etei ku izɔŋ. Onu ovid enwi ku Synagogue omu egebak nu-onu ewɔu onji ese Onyi.
21Onu Onyi ɔdɔghɔ emu ogu, “Mvɨn omu, ŋwid Abazi omu ozu ku utɔŋ evu kini onu egegei sughu omi ŋku onu.”
22Ene, ovid enwi omu egebak nonu ezughu edɨghe nsiŋi ebaŋa Onyi, ile alagha akpa emu ku abaŋa nsiŋi mfɔ omu Onyi ogozughu. Emu ezughu, “Enu oyo onu Josef onu omu?”
23Jisɔs ɔdɔghɔ emu ogu, “Evu ma etu ukeh omu enɔ mi ogu, ‘Ebɨghe, kɔk ile ovu! Su ɔwuɔ onu ne utɨbe kpɔ ku uduŋ evu omu enyin igigei ovu egene ku uduŋ Capernaum.’”
24Onu onyi aganji ɔdɔghɔ ogu, “Ku onu akpanikwɔ, enwi etei edra prɔved sugi ku izɔŋ uduŋ izighi-ou.
25Egre baŋa kpɔ omu; ini gi ku prɔved Ilajah agabak ku Izruel, onu akpanikwɔ ŋgo ku awak-iwak ebi-ukpa egebak ku ikpeghe Izruel kinien, edim egesi ku heaven edi gu izughe ite-ma-ukpok, agaŋ ŋgo ɔgɔnɔŋ agabak ku ovid izɔŋ Izruel;
26onu Abazi egedɔŋ Ilajah enɔ aganwam emu sugi-ou, ku efei ayak ebi-ukpa gi omu agabak ku Zarephath omu odio ku uduŋ Sidon.
27Ku ukem odighien kini omu prɔved Elisha agabak, awak-iwak ima ɔlɔŋɔ akpamvia Izruel. Onu Elisha egegɔk onwi emu sugi. Utukon onyi ɔgɔgɔk Naaman, omu numa enu onwi ima Jew omu osi ikpeghe uduŋ Syria.”
28Onu kini omu ovid enwi ku Synagogue egei sughu onyi ozughu ima kpɔ omu, ogid-eje emu eti-eti.
29Ene, emu elagha ela, etɨŋi onyi ezighi ku uduŋ emu, ede onyi ega gu ntɔŋ-ntɔŋ ubughu obod omu uduŋ onu ala. Eluŋɔ iditɨŋi onyi izighi-itɔ.
30Onu Jisɔs azaŋa ku uvɔd otu emu ɔwuɔ ɔnyɔŋ.
Jisɔs Obɨne Ndiɔk Spirit Ozighi
(Mark 1:21-28)
31Use gi, Jisɔs aga gu ikpeghe Capernaum ku uduŋ Galilee. Ku use Sabbath, onyi ɔluk synagogue aga ekpiek enwi kpɔ.
32Onyi ekpiek kpɔ ku odighi omu ɔwuɔ ku onyi onji ulu omu osi Abazi. Ile agakpa enwi abaŋa ukpiek kpɔ izighi.
33Ku use gi, sughu Jisɔs ekpiek kpɔ ku synagogue, onwi gi omu onji ndiɔk spirit ɔkpɔk ku otu-itu usi,
34“Ou, Jisɔs onwi Nazared, oyo ŋkoŋke Abazi, nzizu otɨbe ede afɨna enyin uwem? Ovu odi momu idizɨbo enyin? Mvak ku ovu onu Elile onwi omu osi Abazi odi!”
35Onu Jisɔs ezughe ɔnɔ ndiɔk spirit ogu, “Kap inue ovu, wuɔ onyi ku ile!” Onu kini demon ama ogozighi onyi ɔhtɔ ku izɔŋ ku uvɔd emu, onyi ɔwuɔ onyi ku ile, onu enɔ onyi unan sugi ku ile-ou.
36Ile akpa ovid enwi, emu enɔŋ ebid ku otu ile emu, “Nzutɔ ukpiek-kpɔ onu omu! Onyi onji okpɨno ulu ugra ma ukime omu ede ɔwɔu ndiɔk spirit ɔzuŋɔ enwi ku ile, emu ewuɔŋɔ emu ku ile.”
37Ene, enwi etɔŋɔ idizuan etu ibaŋa su Jisɔs egene, ku ŋgan-ŋgɔuk uduŋ onu.
Jisɔs Ɔgɔk Eke-ŋwa Onu Peter
(Mattiu 8:14,15; Mark 1:29-34)
38Ene, Ku onyi amagalagha ku synagogue ku use-n, Jisɔs agaga uvɔk onu Saimɔn. Nonu ku onyi ogid sughu eke-ŋwa onu Saimɔn ɔlɔŋɔ ŋgunya egaŋ, emu ekpeh onyi ubɔk egu. “Mbɔk kɔk onyi nɔ enyin.”
39Ene Jisɔs azaŋa ala okpɨne onyi ile, ezughe ɔnɔ ɔfɔ-egaŋ, egaŋ ɔnɔŋ aza onyi ayak. Ene ku ulu-ulu onu onyi egei ntu-ile, alagha ala ene ulie ɔnɔ emu.
Jisɔs ɔgɔk awak-iwak Enwi Ku Utɨn Ama Ogoki Ku Sabbath
(Mattiu 8:16,17; Mark 1:32-34)
40Sughu utin aga idiki ku mbre-esi onu, ovid ima omu egenji enwi ki gi omu egelɔŋɔ nzighi-nzighi ulɔŋɔ etaŋ emu ede ezɔk Jisɔs; onyi ɔnɔŋ odu emu ubɔk ku ile ɔnɔŋ ɔgɔk ovid emu.
41Onji ima omu ndiɔk spirit ɔgɔtughɔre, kini omu Jisɔs ɔwɔu emu, emu ewuɔŋɔ emu ku ile, ekpɔk ukpeguŋ, “Ovu onu Krais, Oyo Abazi” Onu ku ntak omu emu evag ku onyi onu onyi omu egedɔŋ, onyi ezughe ɔnɔ emu ogu emu egid inue.
Jisɔs Ɔkwrɔ-ikwɔ Ku Galilee
(Mattiu 4:23-25; Mark 1:35-39)
42Onu kini esi ogiih ku ndaŋgi, Jisɔs agaga ku mkpakaŋa-izɔŋ. Onu otu enwi ezaŋa eluŋɔ onyi ku ovid mbi onu kini omu emu egid onyi, emu ekpe onyi ubɔk ugulagha uyak emu;
43onu Jisɔs ɔdɔghɔ emu ogu, “Anasu omi ŋkwrɔ edɨghe etu ugra Abazi ku ima uduŋ Bethsaida mbaŋa sughu Abazi ɔluŋɔ idigra ku uwem emu, sia ku ntak omu ku Abazi ɔgɔdɔŋ mi ndi izɔŋ.”
44Onyi ɔnɔŋ ɔkwrɔ ikwɔ ku ima synagogue ku Judea.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oro Bible by Beyond Translation is licensed under Creative Commons Attribution-ShareAlike 4.0 License.