Luke 11
11
Jisɔs Ekpiek kpɔ Abaŋa Agam
(Mattiu 6:9-15)
1Use gi, sughu Jisɔs ɔbɔŋ agam ku ufine gi, kini omu Onyi ɔbɔŋ agam egre, gi ku otu mbed izighi ebeŋe Onyi ogu, “Ɔfɔŋ, kpiek enyin sughu ebɔŋ agam, sughu Jɔhn Ɔluɔk-onwi-mmɔŋ egekpiek mbed izighi ŋgo!”
2Jisɔs ɔdɔghɔ emu, “Ku ini evu ebɔŋ agam, edɔghɔ ogu, Eti enyin ku heaven, yak enyiŋ Ovu onji ukpono su elile. Yak ugra ovu odituak ala. Yak ine uduak ovu ku izɔŋ sughu ene ku heaven.
3Mbɔk nɔ enyin ŋkilie ku use ku use.
4Lagha-nɔ enyin ku ima udiɔk-kpɔ omu enyin ine vi, sughu enyin ŋgo iyime idilagha-inɔ ovid enwi omu ene enyin udiɔk-kpɔ. Kuyak enyin iluk ku ima idimo omu odide enyin ika ine udiɔk.”
5Ene, Jisɔs ɔnɔ emu mbuk omu ogu, “Onugu ovu omonji nzaŋ, ovu alagha aga uvɔk izighi kuvɔd ɔgɔ-esi ɔnɔŋ aga ɔdɔghɔ onyi ogu, ‘Nzaŋa omi, buɔd mi uyo ite;
6sia gu nzaŋ omi gi omu izaŋ ede onyi odizɨm uvɔk omi ulagha omu, onnji ŋkilie sugi omu anasu nde nnɔ onyi elie;’
7onu onyi odio ku ɔvɔghɔ uvɔk ɔbrɔ ogu, ‘Kufina mi-ou, ŋgu ndak njid odighi, eyo omi ma ami iluk ile. Ondiŋkɔd nlagha nla nnɔ vi kpɔ sugi ulagha omu-o.’”
8Jisɔs ɔdɔghɔ emu, “Ami ndɔghɔ evu ŋgu, ɔnɔŋ onu sughu onyi nume edilagha ila inɔ vi ku ntak omu ovu onu nzaŋ izighi, onu ku ntak oyiri-iyiri ovu, onyi ma alagha ala ɔnɔ vi ŋkilie sughu ovu ɔluŋɔ-luŋɔ.
Ega-nji Ekpeh, Eluŋɔ Enɔŋ Equei
(Mattiu 7:7-11)
9Ene, omi ndɔghɔ evu ŋgu, ekpeh, ku Abazi ma ɔnɔ evu, eluŋɔ ku Abazi ma ene evu egid, elagha equei ku Abazi ma ɔkwɔŋɔ odighi ɔnɔ evu.
10Ene, ovid-enwi omu ekpeh, ebɔghɔ; ovid-enwi omu eluŋɔ, egid; odighi ɔnɔŋ ɔkwɔŋɔ ɔnɔ ovid-enwi omu equei.
11Eebak eti sugi ku otu evu omu okime-inɔ oyo ɔnjiɔŋɔ kini onyi okpeh onyi ayak!
12Eebak onwi sugi omu okime idinɔ oyo ikpeyen kini onyi okpeh onyi eme-unni
13Ene, onogu evu omu ediɔk, evag sughu enɔ eyo evu idɨghe enɔ, su dighi ndien ku edighe Eti evu omu abak ku heaven nemedinɔ Elile Spirit ezɔk ima omu ekpeh onyi!”
Jisɔs Obine Ndiɔk spirit Ozighi Ku Ulu Abazi
(Mattiu 12:22-30; Mark 3:22-27)
14Use gi Jisɔs obɨne ndiɔk spirit umuŋ ozighi onwi eni ki ku ile. Ene kini udiɔk spirit onu ama ɔgɔwuɔ onwienu ku ile, onyi okime idizughu nsiŋi. Ile akpa otu enwi omu egebak nonu.
15Onu ndizuk enwi ku otu enwien ezughu ku otu emu, “Jisɔs ede ulu Satan omu onu agrigra ndiɔk spirit ede obine ima ndiɔk spirit ɔzuŋɔ enwi ku ile.”
16Ndizuk enwi edɨme Onyi idɨme, eluŋɔ onyi ɔwuɔ emu utɨbe-kpɔ ma idiɔŋɔ omu osi heaven idiwuɔ ku ulu izighi osi Abazi.
17Onu Jisɔs avak ogugre emu ku abaŋa onyi, ɔnɔŋ ɔdɔghɔ emu ogu, “Onogu enwi uduŋ sugi enwɨna ma ile emu, emu edinu ŋkpɔ nzɨbo, ku ukem odighi onu, onogu ubon sugi enwɨna ma ile emu, emu megɨba.
18Ku ukem odighi onu, onogu Satan ma ndiɔk spirit izighi elagha ela enwɨna ma ile emu, ugra izighi ma abiara. Nzughu omu sia gu evu edɔghɔ ku omi nde ulu Satan nde mbɨne demon nzuŋɔ enwi ku ile.
19Onu onogu su evu ezughu onu akpanikwɔ, mbed evu egezug egɔŋ ede ulu Satan ede ebɨne ndiɔk spirit ezuŋɔ? Ku onuŋ ulu ku emu egedebɨne emu ezuŋɔ? Ene, emu edinu ima obire-ikpeh inɔ evu.
20Onu onogu ami nde ulu Abazi mbɨne ndiɔk spirit nzuŋɔ enwi ku ile, omu ɔwuɔ ku ugra Abazi etɨghe odizɨm evu.”
21Jisɔs ɔdɔghɔ emu mbuk ki-em, “Onugu otu-itu onwi omu ɔfuɔ mkpodughu ukiɔ ku ile okpɨme uvɔk izighi, unji izighi obɨno ked-ked.
22Onu onogu onwi omu onji ulu oke onyi odi ifuo ma onyi ɔnɔŋ oke onyi ulu, onyi ma ɔbɔghɔ onyi ovid kpɔ ukiɔ izighi omu onyi egede ɔbuɔdile onu, alagha obum ŋkpodughu uvɔk izighi alagha egei ɔnɔ ima enwi.
23Onwi sugi omu nu emela ma mi, anwɨna-anwɨna ma mi, onwi sugi omu numene uto ma mi, eneuto idinwɨna-wɨna ma mi.”
Onwi Omu Ana-ukpɔk
(Mattiu 12:43-45)
24Jisɔs aganji ogu, “Kini udiɔk spirit ɔwuɔ onwi ku ile, onyi oyo ɔgɔŋ ŋkpakaŋa izɔŋ ɔluŋɔ ubi nzulu. Onu kini omu udiɔk spirit onu numegid ufine nzu uluh sugi, onyi nɔdɔghɔ ku ogid izighi, ‘Omi ma nsɔ nyɔŋ mbine onwi onu ŋgu ŋwuɔ ku ile ndi-en.’
25Onu kini onyi ɔsɔ odi odizɨm onwi onu onyi ɔgɔwuɔ ayak onu, onyi odigid ku onyi alazu uvɔk omu ana ukpɔk omu efiaŋa eleh alagha onu su onwi eme.
26Ene udiɔk spirit onu maga agataŋ ndiɔk spirit itɨŋaba onuŋ omu ediɔk-ɔdiɔk eke onyi, ovid emu melagha eluk eduŋ ku uvɔk onu. Ku akpatre, utei onwi onu ma ɔdiɔk ku utɨd oke ku ntɔŋɔ.”
Enwi Omu Ediɔŋ
27Sughu Jisɔs ozug okpiek kpɔ omu, enwa gi ku otu enwi onu ozighi ukpeguŋ ɔkpɔk ogu, “Abazi eniŋede ɔdiɔŋ eke omu egeme vi alagha aga vi!”
28Jisɔs ɔbrɔ onyi, “Su ovu ozughu onu akpanikwɔ, onu ima omu egei nsiŋi Abazi elagha ene ekap eniŋenji enu enwi omu ediɔŋ eke!”
Enwi Eluŋɔ Idiɔŋɔ
(Mattiu 12:38-42)
29Sughu otu enwi omu ebak ma Jisɔs esɔ ewak, Jisɔs ɔdɔghɔ emu ogu, “Evu enwi esi omu enu ndɨɔk enwi. Sia gu eluŋɔ mi nne utɨbe-kpɔ ma idiɔŋɔ kpaŋa ɔwuɔ ku onu Abazi ɔdɔŋ mi. Onu ŋgugre idiɔŋɔ omu evu edigid odinu ukem omu ɔgɔwuɔ ɔnɔ Prɔved Jonah kini esi ogu.
30Kpa sughu prɔved Jonah ɔgɔwuɔ enwi uduŋ Nineveh idiɔŋɔ ku onu Abazi ɔgɔdɔŋ onyi, su onu ŋgo ku omi Oyo Onwi ndiŋwuɔ enwi esi omu idiɔŋɔ ku onu Abazi ɔdɔŋ mi.
31Ku use ikpe, Ɔfɔŋ-enwa uduŋ Sheba ma alagha ala ku ikpeh ma enwi esi omu ɔnɔŋ otip emu ikpeku udiɔk kpɔ emu, sia onyi ogosi ku ɔnjiɔŋ odighi uduŋ odi idigei nsiŋi mvuvak omu Sɔlɔmɔn ogozughu. Onu ndɔghɔ evu ku onwi omu okpo oke Sɔlɔmɔn mmɔ abak momu. Onu evu egin idikpaŋ-utɔŋ inɔ onyi
32Ku use ikpe, enwi uduŋ Nineveh ma elagha ela ku ikpeh ma enwi esi omu enɔŋ etip emu ikpeku udiɔk kpɔ omu emu ene. Sia enwi Nineveh egegɨbade ogid ku udiɔk emu kini omu Jonah ɔgɔkwrɔ ikwɔ, onu ndɔghɔ evu ku onji onwi omu okpo oke Jonah momu, onu evu egin idigɨbare ogid.”
Utrigaŋ Ile
(Mattiu 6:22,23)
33Ene Jisɔs ɔdghɔ ogu, “Onwi sugi, omu odɨme utrigaŋ, odibei idu ku ntɔŋ-abaŋ ede ɔnɔ enwi omu eluk eleh onu unwɨna. Onyi edidɨme utrigaŋ ibei ilib-ou, nonu idibei idio ku idak abaŋ-ou.
34Ŋkiniŋi evu alazu utrigaŋ omu ɔnɔ evu unwɨna. Onogu ŋkiniŋi evu ala ejei, ovid ile evu odiyɨghɔ ma unwɨna akpanikwɔ. Onu onogu ŋkiniŋi evu ɔdiɔk, ovid ile evu ŋgo odiyɨghɔ ma egim ndiɔk-kpɔ.
35Ene, ekpɨme ile utuk ku unwɨna omu odio evu ku ile eliek onu egim.
36Ene, onogu ovid ile evu ɔyɨghɔ ma unwɨna omu egim sugi nume-bak ku ile evu, evu edibak ku ɔyɨghɔ unwina, ɔzug odila su ini omu utrigaŋ ele ɔtɔ evu.”
Jisɔs Ezughe Ɔnɔ Ima Farisi Ma Ima Ekpiek-Ibed
37Ku Jisɔs ama ogozughu nsiŋi egre, onwi Farisi gi okuh onyi ulie ku uvɔk izighi. Ene Jisɔs aga uvɔk onwi Farisi onu agatuak etei idiliekpɔ.
38Agakpa onwi Farisi omu ile kini onyi ogid ku Jisɔs ku megesi ubɔk sughu ulo emu onu kpaŋ onyi elie kpɔ-ou.
39Nonu ku Ɔfɔŋ Jisɔs ɔdɔghɔ onyi ogu, “Evu ima Farisi eneŋere etɨŋ onji ku ulo omu ene evu elazu inininen enwi, onu ku ɔvɔghɔ ogid evu eyɨghɔ ma udiɔk-utɔŋ ma nzighi-nzighi ndiɔk-kpɔ.
40Evu ndisɨme enwi! Evu ivag ku onu Abazi omu ogofu evu ɔgɔzug ofu ogid evu ŋgo?
41Egu unu ima ibag ma uduk-ou, onu egap enɔ ima ufei kpɔ omu osi ku ɔvɔghɔ ogid evu. Nonu ku evu ediniŋenji ileh ku onji Abazi.
42Onu ma ɔdiɔk ma ima Farisi! Sia evu etiŋ-onji ku idizighi ki ku utei lughu ku utuk-utak ŋkpɔ ŋkilie ma ima ŋkpɔ ukɔ adai-ɔwuɔ su ima nya-ɔtɔ, ɔtituɔŋ, eteh, onu evu egin mkpɔ omu onu okpe-kpe, su idine senen ma enwi ilagha ime Abazi. Evu emegap etiŋenji ene ima okpe kpɔ omu, ma ima nyiyoŋ kpɔ onu.
43Onu ma ɔdiɔk ma evu ima Farisi! Sia evu eme iditei ku ikpɨno utei ku ima Synagogue, elagha eme enwi ekɔ evu ukpɨno-ukpɨno ku ima ufine udue.
44Ma ɔdiɔk ma evu ima Farisi! Sia evu elazu nlibi uli ku ukɔ! Ku ini enwi ezaŋa edifei numevag ku evu enu izighi-zagha mbubia.
45Non ku ekpiek-ibed onu Mozes ki ɔdɔghɔ onyi ogu, ‘Ɔfɔŋ, ku ovu idizughu su omu ima Farisi, ovu ɔkiɔŋɔ enyin niŋi ŋgo.’”
46Jisɔs ɔbrɔ onyi, “Ma ɔdiɔk ma evu ima ekpiek-ibed onu Mozes, sia evu efuɔ ilu-ilu mbio ma igigai ibed enɔ enwi ede ene, onu evu ku ile evu inɔŋ itime-time idine ima ibed ono-u.
47Ma ɔdiɔk ma evu ima ekpiek-ibed onu Mozes, sia evu efu ima utighe-ituei ku uli onu ima prɔved idikpɨno emu, onu ima eti-eti evu egewod emu.
48Ku idine zom, evu ene evag ku evu enyime su ima eti-eti evu egene ma ima prɔved onu. Emu egewod emu, evu enu ima ɔfuɔ-ifuɔ utighe-ituei ku uli emu.
49Ku ntak udiɔk-kpɔ evu-om, Abazi ku mvuvak izighi ozughu abaŋa evu ogu, ‘Ma ndɔŋ ima prɔved ma ima apɔsul nnɔ enwi Izruel. Emu ma ekɨbɔ ndizuk emu, elagha ewod ima ogu.’
50Ene ovid-evid ima prɔved omu ima eti-eti evu egewod tɔŋɔ ku ntɔŋɔ oduobod ubra emu odidu evu enwi esi omu ku ubughu.
51Omu onu fab-fab ima prɔved, tɔŋɔ ku ubra onu Abel tutu ozɨm mkpa onu ɔkɔuw Zakrayah omu egewu ku uvɔd ufine uwah ku tempul. Memuɔ enwi esi omu ugad ku ovid mkpaŋa enwi onu.
52Ma ɔdiɔk ɔnɔ evu ima ekpiek-ibed onu Mozes! Sia ku evu ebei ukpughɔre omu ɔkwuɔŋɔ odighi idivak Abazi ezighi. Evu ku ile evu ivak Abazi-ou, onu evu esɔ ebiɔŋɔ onuŋ enwi omu eluŋɔ idivak Abazi.”
53Kini omu Jisɔs alagha ku uvɔk onwi Farisi onu, ima ekpiek-ibed onu Mozes ma ima Farisi egeje-ogid ma onyi, elagha efiak onyi igigai mbid ebaŋa awak-iwak kpɔ,
54emu eniŋenji ekpɨme onyi inue nsiŋi, ede enji su edide imuɔ onyi su udiɔk emu ede edu onyi ndidu.
ទើបបានជ្រើសរើសហើយ៖
Luke 11: ORX
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oro Bible by Beyond Translation is licensed under Creative Commons Attribution-ShareAlike 4.0 License.
Luke 11
11
Jisɔs Ekpiek kpɔ Abaŋa Agam
(Mattiu 6:9-15)
1Use gi, sughu Jisɔs ɔbɔŋ agam ku ufine gi, kini omu Onyi ɔbɔŋ agam egre, gi ku otu mbed izighi ebeŋe Onyi ogu, “Ɔfɔŋ, kpiek enyin sughu ebɔŋ agam, sughu Jɔhn Ɔluɔk-onwi-mmɔŋ egekpiek mbed izighi ŋgo!”
2Jisɔs ɔdɔghɔ emu, “Ku ini evu ebɔŋ agam, edɔghɔ ogu, Eti enyin ku heaven, yak enyiŋ Ovu onji ukpono su elile. Yak ugra ovu odituak ala. Yak ine uduak ovu ku izɔŋ sughu ene ku heaven.
3Mbɔk nɔ enyin ŋkilie ku use ku use.
4Lagha-nɔ enyin ku ima udiɔk-kpɔ omu enyin ine vi, sughu enyin ŋgo iyime idilagha-inɔ ovid enwi omu ene enyin udiɔk-kpɔ. Kuyak enyin iluk ku ima idimo omu odide enyin ika ine udiɔk.”
5Ene, Jisɔs ɔnɔ emu mbuk omu ogu, “Onugu ovu omonji nzaŋ, ovu alagha aga uvɔk izighi kuvɔd ɔgɔ-esi ɔnɔŋ aga ɔdɔghɔ onyi ogu, ‘Nzaŋa omi, buɔd mi uyo ite;
6sia gu nzaŋ omi gi omu izaŋ ede onyi odizɨm uvɔk omi ulagha omu, onnji ŋkilie sugi omu anasu nde nnɔ onyi elie;’
7onu onyi odio ku ɔvɔghɔ uvɔk ɔbrɔ ogu, ‘Kufina mi-ou, ŋgu ndak njid odighi, eyo omi ma ami iluk ile. Ondiŋkɔd nlagha nla nnɔ vi kpɔ sugi ulagha omu-o.’”
8Jisɔs ɔdɔghɔ emu, “Ami ndɔghɔ evu ŋgu, ɔnɔŋ onu sughu onyi nume edilagha ila inɔ vi ku ntak omu ovu onu nzaŋ izighi, onu ku ntak oyiri-iyiri ovu, onyi ma alagha ala ɔnɔ vi ŋkilie sughu ovu ɔluŋɔ-luŋɔ.
Ega-nji Ekpeh, Eluŋɔ Enɔŋ Equei
(Mattiu 7:7-11)
9Ene, omi ndɔghɔ evu ŋgu, ekpeh, ku Abazi ma ɔnɔ evu, eluŋɔ ku Abazi ma ene evu egid, elagha equei ku Abazi ma ɔkwɔŋɔ odighi ɔnɔ evu.
10Ene, ovid-enwi omu ekpeh, ebɔghɔ; ovid-enwi omu eluŋɔ, egid; odighi ɔnɔŋ ɔkwɔŋɔ ɔnɔ ovid-enwi omu equei.
11Eebak eti sugi ku otu evu omu okime-inɔ oyo ɔnjiɔŋɔ kini onyi okpeh onyi ayak!
12Eebak onwi sugi omu okime idinɔ oyo ikpeyen kini onyi okpeh onyi eme-unni
13Ene, onogu evu omu ediɔk, evag sughu enɔ eyo evu idɨghe enɔ, su dighi ndien ku edighe Eti evu omu abak ku heaven nemedinɔ Elile Spirit ezɔk ima omu ekpeh onyi!”
Jisɔs Obine Ndiɔk spirit Ozighi Ku Ulu Abazi
(Mattiu 12:22-30; Mark 3:22-27)
14Use gi Jisɔs obɨne ndiɔk spirit umuŋ ozighi onwi eni ki ku ile. Ene kini udiɔk spirit onu ama ɔgɔwuɔ onwienu ku ile, onyi okime idizughu nsiŋi. Ile akpa otu enwi omu egebak nonu.
15Onu ndizuk enwi ku otu enwien ezughu ku otu emu, “Jisɔs ede ulu Satan omu onu agrigra ndiɔk spirit ede obine ima ndiɔk spirit ɔzuŋɔ enwi ku ile.”
16Ndizuk enwi edɨme Onyi idɨme, eluŋɔ onyi ɔwuɔ emu utɨbe-kpɔ ma idiɔŋɔ omu osi heaven idiwuɔ ku ulu izighi osi Abazi.
17Onu Jisɔs avak ogugre emu ku abaŋa onyi, ɔnɔŋ ɔdɔghɔ emu ogu, “Onogu enwi uduŋ sugi enwɨna ma ile emu, emu edinu ŋkpɔ nzɨbo, ku ukem odighi onu, onogu ubon sugi enwɨna ma ile emu, emu megɨba.
18Ku ukem odighi onu, onogu Satan ma ndiɔk spirit izighi elagha ela enwɨna ma ile emu, ugra izighi ma abiara. Nzughu omu sia gu evu edɔghɔ ku omi nde ulu Satan nde mbɨne demon nzuŋɔ enwi ku ile.
19Onu onogu su evu ezughu onu akpanikwɔ, mbed evu egezug egɔŋ ede ulu Satan ede ebɨne ndiɔk spirit ezuŋɔ? Ku onuŋ ulu ku emu egedebɨne emu ezuŋɔ? Ene, emu edinu ima obire-ikpeh inɔ evu.
20Onu onogu ami nde ulu Abazi mbɨne ndiɔk spirit nzuŋɔ enwi ku ile, omu ɔwuɔ ku ugra Abazi etɨghe odizɨm evu.”
21Jisɔs ɔdɔghɔ emu mbuk ki-em, “Onugu otu-itu onwi omu ɔfuɔ mkpodughu ukiɔ ku ile okpɨme uvɔk izighi, unji izighi obɨno ked-ked.
22Onu onogu onwi omu onji ulu oke onyi odi ifuo ma onyi ɔnɔŋ oke onyi ulu, onyi ma ɔbɔghɔ onyi ovid kpɔ ukiɔ izighi omu onyi egede ɔbuɔdile onu, alagha obum ŋkpodughu uvɔk izighi alagha egei ɔnɔ ima enwi.
23Onwi sugi omu nu emela ma mi, anwɨna-anwɨna ma mi, onwi sugi omu numene uto ma mi, eneuto idinwɨna-wɨna ma mi.”
Onwi Omu Ana-ukpɔk
(Mattiu 12:43-45)
24Jisɔs aganji ogu, “Kini udiɔk spirit ɔwuɔ onwi ku ile, onyi oyo ɔgɔŋ ŋkpakaŋa izɔŋ ɔluŋɔ ubi nzulu. Onu kini omu udiɔk spirit onu numegid ufine nzu uluh sugi, onyi nɔdɔghɔ ku ogid izighi, ‘Omi ma nsɔ nyɔŋ mbine onwi onu ŋgu ŋwuɔ ku ile ndi-en.’
25Onu kini onyi ɔsɔ odi odizɨm onwi onu onyi ɔgɔwuɔ ayak onu, onyi odigid ku onyi alazu uvɔk omu ana ukpɔk omu efiaŋa eleh alagha onu su onwi eme.
26Ene udiɔk spirit onu maga agataŋ ndiɔk spirit itɨŋaba onuŋ omu ediɔk-ɔdiɔk eke onyi, ovid emu melagha eluk eduŋ ku uvɔk onu. Ku akpatre, utei onwi onu ma ɔdiɔk ku utɨd oke ku ntɔŋɔ.”
Enwi Omu Ediɔŋ
27Sughu Jisɔs ozug okpiek kpɔ omu, enwa gi ku otu enwi onu ozighi ukpeguŋ ɔkpɔk ogu, “Abazi eniŋede ɔdiɔŋ eke omu egeme vi alagha aga vi!”
28Jisɔs ɔbrɔ onyi, “Su ovu ozughu onu akpanikwɔ, onu ima omu egei nsiŋi Abazi elagha ene ekap eniŋenji enu enwi omu ediɔŋ eke!”
Enwi Eluŋɔ Idiɔŋɔ
(Mattiu 12:38-42)
29Sughu otu enwi omu ebak ma Jisɔs esɔ ewak, Jisɔs ɔdɔghɔ emu ogu, “Evu enwi esi omu enu ndɨɔk enwi. Sia gu eluŋɔ mi nne utɨbe-kpɔ ma idiɔŋɔ kpaŋa ɔwuɔ ku onu Abazi ɔdɔŋ mi. Onu ŋgugre idiɔŋɔ omu evu edigid odinu ukem omu ɔgɔwuɔ ɔnɔ Prɔved Jonah kini esi ogu.
30Kpa sughu prɔved Jonah ɔgɔwuɔ enwi uduŋ Nineveh idiɔŋɔ ku onu Abazi ɔgɔdɔŋ onyi, su onu ŋgo ku omi Oyo Onwi ndiŋwuɔ enwi esi omu idiɔŋɔ ku onu Abazi ɔdɔŋ mi.
31Ku use ikpe, Ɔfɔŋ-enwa uduŋ Sheba ma alagha ala ku ikpeh ma enwi esi omu ɔnɔŋ otip emu ikpeku udiɔk kpɔ emu, sia onyi ogosi ku ɔnjiɔŋ odighi uduŋ odi idigei nsiŋi mvuvak omu Sɔlɔmɔn ogozughu. Onu ndɔghɔ evu ku onwi omu okpo oke Sɔlɔmɔn mmɔ abak momu. Onu evu egin idikpaŋ-utɔŋ inɔ onyi
32Ku use ikpe, enwi uduŋ Nineveh ma elagha ela ku ikpeh ma enwi esi omu enɔŋ etip emu ikpeku udiɔk kpɔ omu emu ene. Sia enwi Nineveh egegɨbade ogid ku udiɔk emu kini omu Jonah ɔgɔkwrɔ ikwɔ, onu ndɔghɔ evu ku onji onwi omu okpo oke Jonah momu, onu evu egin idigɨbare ogid.”
Utrigaŋ Ile
(Mattiu 6:22,23)
33Ene Jisɔs ɔdghɔ ogu, “Onwi sugi, omu odɨme utrigaŋ, odibei idu ku ntɔŋ-abaŋ ede ɔnɔ enwi omu eluk eleh onu unwɨna. Onyi edidɨme utrigaŋ ibei ilib-ou, nonu idibei idio ku idak abaŋ-ou.
34Ŋkiniŋi evu alazu utrigaŋ omu ɔnɔ evu unwɨna. Onogu ŋkiniŋi evu ala ejei, ovid ile evu odiyɨghɔ ma unwɨna akpanikwɔ. Onu onogu ŋkiniŋi evu ɔdiɔk, ovid ile evu ŋgo odiyɨghɔ ma egim ndiɔk-kpɔ.
35Ene, ekpɨme ile utuk ku unwɨna omu odio evu ku ile eliek onu egim.
36Ene, onogu ovid ile evu ɔyɨghɔ ma unwɨna omu egim sugi nume-bak ku ile evu, evu edibak ku ɔyɨghɔ unwina, ɔzug odila su ini omu utrigaŋ ele ɔtɔ evu.”
Jisɔs Ezughe Ɔnɔ Ima Farisi Ma Ima Ekpiek-Ibed
37Ku Jisɔs ama ogozughu nsiŋi egre, onwi Farisi gi okuh onyi ulie ku uvɔk izighi. Ene Jisɔs aga uvɔk onwi Farisi onu agatuak etei idiliekpɔ.
38Agakpa onwi Farisi omu ile kini onyi ogid ku Jisɔs ku megesi ubɔk sughu ulo emu onu kpaŋ onyi elie kpɔ-ou.
39Nonu ku Ɔfɔŋ Jisɔs ɔdɔghɔ onyi ogu, “Evu ima Farisi eneŋere etɨŋ onji ku ulo omu ene evu elazu inininen enwi, onu ku ɔvɔghɔ ogid evu eyɨghɔ ma udiɔk-utɔŋ ma nzighi-nzighi ndiɔk-kpɔ.
40Evu ndisɨme enwi! Evu ivag ku onu Abazi omu ogofu evu ɔgɔzug ofu ogid evu ŋgo?
41Egu unu ima ibag ma uduk-ou, onu egap enɔ ima ufei kpɔ omu osi ku ɔvɔghɔ ogid evu. Nonu ku evu ediniŋenji ileh ku onji Abazi.
42Onu ma ɔdiɔk ma ima Farisi! Sia evu etiŋ-onji ku idizighi ki ku utei lughu ku utuk-utak ŋkpɔ ŋkilie ma ima ŋkpɔ ukɔ adai-ɔwuɔ su ima nya-ɔtɔ, ɔtituɔŋ, eteh, onu evu egin mkpɔ omu onu okpe-kpe, su idine senen ma enwi ilagha ime Abazi. Evu emegap etiŋenji ene ima okpe kpɔ omu, ma ima nyiyoŋ kpɔ onu.
43Onu ma ɔdiɔk ma evu ima Farisi! Sia evu eme iditei ku ikpɨno utei ku ima Synagogue, elagha eme enwi ekɔ evu ukpɨno-ukpɨno ku ima ufine udue.
44Ma ɔdiɔk ma evu ima Farisi! Sia evu elazu nlibi uli ku ukɔ! Ku ini enwi ezaŋa edifei numevag ku evu enu izighi-zagha mbubia.
45Non ku ekpiek-ibed onu Mozes ki ɔdɔghɔ onyi ogu, ‘Ɔfɔŋ, ku ovu idizughu su omu ima Farisi, ovu ɔkiɔŋɔ enyin niŋi ŋgo.’”
46Jisɔs ɔbrɔ onyi, “Ma ɔdiɔk ma evu ima ekpiek-ibed onu Mozes, sia evu efuɔ ilu-ilu mbio ma igigai ibed enɔ enwi ede ene, onu evu ku ile evu inɔŋ itime-time idine ima ibed ono-u.
47Ma ɔdiɔk ma evu ima ekpiek-ibed onu Mozes, sia evu efu ima utighe-ituei ku uli onu ima prɔved idikpɨno emu, onu ima eti-eti evu egewod emu.
48Ku idine zom, evu ene evag ku evu enyime su ima eti-eti evu egene ma ima prɔved onu. Emu egewod emu, evu enu ima ɔfuɔ-ifuɔ utighe-ituei ku uli emu.
49Ku ntak udiɔk-kpɔ evu-om, Abazi ku mvuvak izighi ozughu abaŋa evu ogu, ‘Ma ndɔŋ ima prɔved ma ima apɔsul nnɔ enwi Izruel. Emu ma ekɨbɔ ndizuk emu, elagha ewod ima ogu.’
50Ene ovid-evid ima prɔved omu ima eti-eti evu egewod tɔŋɔ ku ntɔŋɔ oduobod ubra emu odidu evu enwi esi omu ku ubughu.
51Omu onu fab-fab ima prɔved, tɔŋɔ ku ubra onu Abel tutu ozɨm mkpa onu ɔkɔuw Zakrayah omu egewu ku uvɔd ufine uwah ku tempul. Memuɔ enwi esi omu ugad ku ovid mkpaŋa enwi onu.
52Ma ɔdiɔk ɔnɔ evu ima ekpiek-ibed onu Mozes! Sia ku evu ebei ukpughɔre omu ɔkwuɔŋɔ odighi idivak Abazi ezighi. Evu ku ile evu ivak Abazi-ou, onu evu esɔ ebiɔŋɔ onuŋ enwi omu eluŋɔ idivak Abazi.”
53Kini omu Jisɔs alagha ku uvɔk onwi Farisi onu, ima ekpiek-ibed onu Mozes ma ima Farisi egeje-ogid ma onyi, elagha efiak onyi igigai mbid ebaŋa awak-iwak kpɔ,
54emu eniŋenji ekpɨme onyi inue nsiŋi, ede enji su edide imuɔ onyi su udiɔk emu ede edu onyi ndidu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oro Bible by Beyond Translation is licensed under Creative Commons Attribution-ShareAlike 4.0 License.