Matyu 3
3
Jon Anô Hithik Avîlanô ya ku
(Mak 1:2-8; Luk 3:1-18; Jon 1:19-28)
1Hêndêng waklavông takêng me Yisu hîmô Nasalet denang me Jon Anô Hithik Avîlanô hê hîmô long thiliv nang Judia be henang mêtê hêndêng avîlanô nena, 2#Mat 4:17; Mak 1:15 “Onde kapôlômim lîlîng vômbê nena melak leng#3:2 Matyu hekavu ya kapua hêndêng ŋa Juda, be ditu hesopa loho ning kombom be mî hekavu Wapômbêng ya athêng amî, vômbê nena loho ning auk me Wapômbêng ya athêng me matheng anông, be ditu hekavu nena melak leng ya lêkliŋyak bêng yom. ya lêkliŋyak bêng lêk hêlêm bidong oyang.” 3Jon me ôpatu be plopet Aisaia bôk henang yôv nena,
“Kaêk te hêlêm nang long thiliv nena,
‘Ôpôpêk loŋdaŋlê vo Anômbêng êlêm,
me opesang be nimbutak thêthôp vo yêni.’” Aisaia 40:3
4 #
2King 1:8
Jon thak hik kwêv atu be epesang hethak bok kamel vuluk me hevak bokgôp hêyô hêk landong. Me thak heyang kômsopek lêk hinum damondam thôk. 5Me avîlanô êlêm nang Jelusalem lêk Judia sapêng lêk long takatu be hîmô bidong ŋanam Yelodan ê hêndêng yêni. 6Me loho nang ining kambom bêng me Jon hithik loho hîlôk ŋanam Yelodan.
7 #
Mat 12:34; 23:33 Me hêyê Palisi lêk Sadyusi bêng anông êlêm vo nithik loho, metom henang ethak loho nena, “Môlô me bôyîv kambom nali! Osong nena tem ya thik môlô vo ôsôv injêk Wapômbêng ya la maning e? Mî anông! 8Be ditu môlô ning kombom iŋgik thô imbing nena lêk ole kapôlômim lîlîng yôv. 9#Jon 8:33,39; Lom 4:12Me dô lemim êŋgêv auk te be onang ethak amda nena, ‘Ablaham me yoô ning bumalô, be ditu yoô me avîlanô thêthôp.’ Mî. Ya hanang ethak môlô nena Wapômbêng hîtôm nimbua valu takiti be nepesang Ablaham limi ethak. 10#Mat 7:19; Luk 13:6-9Iyam lêk hêk alokwang ondong yôv vo alokwang takatu be mî hik anông mavî amî me tem ende li be îmbôk ethak amela.
11 #
Jon 1:26-27,33; Ap 1:5 “Ya hathik môlô hethak ŋanam vo niŋgik thô nena lêk môlô ole kapôlômim lîlîng yôv. Metom ôpatu be tem nembeng ya yam ya lêklokwang me bêng anông vo yînîng, be ditu tem nithik môlô ethak Lovak Matheng lêk amela. Me ya me anô oyang be mî hîtôm yambua ya vakapô bokgôp îtôm anô ku oyang te amî. Mî anông. 12Me hevalong ya sala vo nethong ini wit be nîtîtînîng vo kôpik lêk limbalôm sapêng eŋgololong endebe nitup êm. Mîng nimbua ya anông be ni tak îmô melak kapô, metom ya kôpik me tem nîmbôk ethak amela atu be tem mî nema amî.”
Jon hithik Yisu
(Mak 1:9-11; Luk 3:21-22; Jon 1:31-34)
13Yisu hetak Galili be hê hêndêng Jon vo nithik inda îndôk ŋanam Yelodan. 14Metom Jon hevong vo nemba inda thing be henang nena, “Mavî vo nuthik ya, metom hevong bisê be hôlêm êndêng ya vo ya thik ong?”
15Metom Yisu henang viyang nena, “Dô. Lêk iti me nuthik ya vo ai sopa loŋdaŋlê thêthôp hîtôm Wapômbêng la hiving.” Êng me Jon hîlôk ethak Yisu ya ambô be hithik inda.
16 #
Jon 1:32
Bôlôtom oyang me Yisu hiviyô hêk ŋanam kapô be hêlêm yêing. Me leng hikê be hêyê Wapômbêng ya Lovak Matheng hîlôk be hêlêm hîtôm menak bôbô be hêyô hîmô yêni. 17#Sng 2:7; Ais 42:1; Mat 12:18; 17:5; Luk 9:35Me ambô te hêlêm nang melak leng be henang nena, “Ôpiti me yînîng Wakna atu be ya leng hiving bêng anông. Me ya leng mavî anông ethak yêni.”
ទើបបានជ្រើសរើសហើយ៖
Matyu 3: YMP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 SIL Papua New Guinea
Matyu 3
3
Jon Anô Hithik Avîlanô ya ku
(Mak 1:2-8; Luk 3:1-18; Jon 1:19-28)
1Hêndêng waklavông takêng me Yisu hîmô Nasalet denang me Jon Anô Hithik Avîlanô hê hîmô long thiliv nang Judia be henang mêtê hêndêng avîlanô nena, 2#Mat 4:17; Mak 1:15 “Onde kapôlômim lîlîng vômbê nena melak leng#3:2 Matyu hekavu ya kapua hêndêng ŋa Juda, be ditu hesopa loho ning kombom be mî hekavu Wapômbêng ya athêng amî, vômbê nena loho ning auk me Wapômbêng ya athêng me matheng anông, be ditu hekavu nena melak leng ya lêkliŋyak bêng yom. ya lêkliŋyak bêng lêk hêlêm bidong oyang.” 3Jon me ôpatu be plopet Aisaia bôk henang yôv nena,
“Kaêk te hêlêm nang long thiliv nena,
‘Ôpôpêk loŋdaŋlê vo Anômbêng êlêm,
me opesang be nimbutak thêthôp vo yêni.’” Aisaia 40:3
4 #
2King 1:8
Jon thak hik kwêv atu be epesang hethak bok kamel vuluk me hevak bokgôp hêyô hêk landong. Me thak heyang kômsopek lêk hinum damondam thôk. 5Me avîlanô êlêm nang Jelusalem lêk Judia sapêng lêk long takatu be hîmô bidong ŋanam Yelodan ê hêndêng yêni. 6Me loho nang ining kambom bêng me Jon hithik loho hîlôk ŋanam Yelodan.
7 #
Mat 12:34; 23:33 Me hêyê Palisi lêk Sadyusi bêng anông êlêm vo nithik loho, metom henang ethak loho nena, “Môlô me bôyîv kambom nali! Osong nena tem ya thik môlô vo ôsôv injêk Wapômbêng ya la maning e? Mî anông! 8Be ditu môlô ning kombom iŋgik thô imbing nena lêk ole kapôlômim lîlîng yôv. 9#Jon 8:33,39; Lom 4:12Me dô lemim êŋgêv auk te be onang ethak amda nena, ‘Ablaham me yoô ning bumalô, be ditu yoô me avîlanô thêthôp.’ Mî. Ya hanang ethak môlô nena Wapômbêng hîtôm nimbua valu takiti be nepesang Ablaham limi ethak. 10#Mat 7:19; Luk 13:6-9Iyam lêk hêk alokwang ondong yôv vo alokwang takatu be mî hik anông mavî amî me tem ende li be îmbôk ethak amela.
11 #
Jon 1:26-27,33; Ap 1:5 “Ya hathik môlô hethak ŋanam vo niŋgik thô nena lêk môlô ole kapôlômim lîlîng yôv. Metom ôpatu be tem nembeng ya yam ya lêklokwang me bêng anông vo yînîng, be ditu tem nithik môlô ethak Lovak Matheng lêk amela. Me ya me anô oyang be mî hîtôm yambua ya vakapô bokgôp îtôm anô ku oyang te amî. Mî anông. 12Me hevalong ya sala vo nethong ini wit be nîtîtînîng vo kôpik lêk limbalôm sapêng eŋgololong endebe nitup êm. Mîng nimbua ya anông be ni tak îmô melak kapô, metom ya kôpik me tem nîmbôk ethak amela atu be tem mî nema amî.”
Jon hithik Yisu
(Mak 1:9-11; Luk 3:21-22; Jon 1:31-34)
13Yisu hetak Galili be hê hêndêng Jon vo nithik inda îndôk ŋanam Yelodan. 14Metom Jon hevong vo nemba inda thing be henang nena, “Mavî vo nuthik ya, metom hevong bisê be hôlêm êndêng ya vo ya thik ong?”
15Metom Yisu henang viyang nena, “Dô. Lêk iti me nuthik ya vo ai sopa loŋdaŋlê thêthôp hîtôm Wapômbêng la hiving.” Êng me Jon hîlôk ethak Yisu ya ambô be hithik inda.
16 #
Jon 1:32
Bôlôtom oyang me Yisu hiviyô hêk ŋanam kapô be hêlêm yêing. Me leng hikê be hêyê Wapômbêng ya Lovak Matheng hîlôk be hêlêm hîtôm menak bôbô be hêyô hîmô yêni. 17#Sng 2:7; Ais 42:1; Mat 12:18; 17:5; Luk 9:35Me ambô te hêlêm nang melak leng be henang nena, “Ôpiti me yînîng Wakna atu be ya leng hiving bêng anông. Me ya leng mavî anông ethak yêni.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 SIL Papua New Guinea