Ma-thi-ơ 21
21
Brah Jê-sus mưt poh Jê-ru-sa-lem
(Mak 11:1-11; Lu-ka 19:28-40; Jang 12:12-19)
1Tơt Brah Jê-sus u bơl jơrnơ dơơh lôh poh Jê-ru-sa-lem, plah mưt poh dêq Bêt-pha-jê, gêêng bnơm Ô-liu, Pang maanh baar du jơrnơ han, 2u pn'ak laah: “Phrui han mưt u poh dêq rdang, bơl 'bei a kươi mơp kơndaal mlơm pi seh kroih baang dol kơt, mak gêêng geh mlơm seh kroih koon. Phrui doh chhei têêk bu liêu siq u đau aan Hei. 3Mơq geh 'bơơn mor ơơn, bơl 'bei phrui ơh laah: ‘Brah#21:3 Brah: Paich laa Nnơơm bu ri. chkhôm pai au’, bnih nei a kươi aan têêk seh kroih han kơndaal.” 4Kaar au lôh tơt jah dip plak baak grnưt noor mor laah:
5“Phrui mor n'hai koon ur Si-ôn laah:
Tôw, snđach 'bei lôh han tơt 'bei,
L'ưt lmư, jih seh kroih,
U gôq lơ seh kroih koon, laa koon seh kroih baang ri.”
6Baar du jơrnơ han u lơh dip bei baak Brah Jê-sus ja pn'ak. 7Bu têêk seh kroih baang u seh kroih koon siq, lôw ao nơơm lơ buq seh, ja nei Pang hao jih. 8ơk đat bnih knông phung raih lôw ao nơơm lơ troong han, m'baak nday nei gôt bling chhư u brơh lơ troong. 9Phung bnih, bơl han a mat, bơl han kươi kot troh grơơw:
“Hô-sa-na koon Đa-wit ri!
Tư wơơl Yaang tơmoh chhak Brah baah lôh!
Hô-sa-na lơ ktôk prêh huôih!”
10Tơt Pang mưt Jê-ru-sa-lem, leq di poh kot a wưu a wao, mor laah: “Bnih au laa 'bơơn?” 11Phung bnih ơh: “Nei laa Yaang grnưt noor Jê-sus a Na-sa-ret, klung kwaal Ga-li-lê.”
Brah Jê-sus kwaih jrah nhi r'bưn
(Mak 11:15-19; Lu-ka 19:45-48; Jang 2:13-22)
12Brah Jê-sus mưt nhi r'bưn,#21:12 nhi r'bưn: Knông m'baak plơơp 'bian ti laa nhi r'bưn Brah Ưn ri. prơh leq bơl tech brôw, bnih pook knông nhi r'bưn, pơrlơơt bliêng bơl gơl prak ri u grei bơl bnih tech pi traap. 13Pang lah n'hai bu: “Geh baak 'bian:
‘Nhi Hei a kươi kươt chôôl laa nhi r'bon dan’,
Dôh bơl 'bei lơh ktôk nei but rung ttung lmuôich.”
14Bơl bnih tiah u chook lôh u Pang knông nhi r'bưn kot kươt Pang tơmbah leq. 15Dôh tơt bơl yau thwaai ndap ttơơm u bơl yau gưt jhai sau pal kaar Pang lơh êêng aang, u ttang bơl koon drêên troh knông nhi r'bưn: “Hô-sa-na Koon Đa-wit ri” nei bu hao nuih đat 16u mor n'hai Pang: “Yau geh ttang bơl koon drêên au laah pi ơơn 'bưn?” Brah Jê-sus ơh, “Geh, bei nei bơl 'bei ndah ơm chôôl baak au:
‘Brah ja kươt pơt wơơl đươm lôh a wiêm drêên ksei u koon drêên nh'ơơm nha oq’ nei laang?”
17Ja nei Pang han lơơi bu, sot rlach poh, han tơt poh dêq Bê-tha-ni u rlu mang tu nei.
Tơơm lwi dol pơđaai sa
(Mak 11:12-14,20-24)
18Aang ôi m'ơơn, tơt plơq kươi poh nei Pang nh'hit. 19Sau di tơơm lwi gêêng troong, Pang han dơơh dôh 'bưn sau pi ơơn nday gaaih lla. Pang lah n'hai tơơm lwi: “May a kươi 'bưn khal êch sot play hôm!” Tơơm lwi ranh drơh. 20Sau bei nei, bơl jơrnơ êêng aang đat, mor laah: “Lơh bei êch baah tơơm lwi ranh kơndaal bei nei?” 21Brah Jê-sus ơh: “Ngan, Hei maanh bơl 'bei, mơq bơl 'bei geh chưt jơrnơ u 'bưn dơơn nggich nggưl nei bơl 'bei kot lơh kươt pal ntil Hei ja lơh aan tơơm lwi au đêêl, baah leq dơng kaar maanh rklôw bnơm au laah: ‘Phrui lơơk hao nơơm u jroh jưr daak rmưt’ nei ntil nei a kươi kot lôh tơt.#Mat 17:20; I Kô 13:2. 22Tơt bơl 'bei r'bon dan, paich ntil ơơn bơl 'bei pơih chưt jơrnơ jah r'bon dan kot a kươi pơih kươt leq.”
Ôp trach teq u ch'bap kmheng Brah Jê-sus ri
23Brah Jê-sus mưt nhi r'bưn; plah Pang nha chhuôr kne, bơl yau thwaai ndap ttơơm u bơl raanh ttơơm knông raih ôp trach: “Đươm ch'bap kmheng êch baah Yau lơh pal kaar au, u 'bơơn ja aan Yau ch'bap kmheng nei?” 24Brah Jê-sus ơh: “Hei kot ôp bơl 'bei di ndroong đêêl, mơq ơh kươt, nei Hei a kươi lah aan bơl 'bei gưt Hei lơh pal kaar au đươm ch'bap kmheng êch. 25Bap-tem Jang ri lôh a êch? A trôôk paich lôh a koon bnih?” Bu pơrgênh ta n'hai: “Mơq bơl bơn lah: ‘Lôh a trôôk’ nei bu a kươi lah n'hai bơl bơn: ‘Bei nei, a hay bơl 'bei 'bưn jơ Jang?’ 26Mơq bơl bơn laah: ‘Lôh a koon bnih’ nei bơl bơn mhal phung raih, đươm jôm bnih kot gưt Jang laa mbu grnưt noor.” 27Bei nei, bu ơh Brah Jê-sus: “Bơl hei 'bưn gưt.” Pang maanh bu: “Hei a kươi kot 'bưn mor aan bơl 'bei gưt đươm ch'bap kmheng êch Hei lơh pal kaar au.”
Pn'geh ruk teq u baar koon klau
28“Bơl 'bei gênh bei êch? Di bnih tôw geh baar du koon klau; bu nei lôh han mor n'hai koon klau daak bôôk: ‘Koon ơi, nar au koon phrui han lơh kaar knông mir nho.’ 29Koon klau nei ơh: ‘Koon 'bưn han,’ dôh kươi teq lơi dôih, ja nei han.#21:29 Hưl neq baar bnih koon ri knông pn'geh ruk au tênh dip pal sêr 'bian tơrgôq Hi-lap. 30Bu lôh u koon klau ttal baar u kot mor bei nei. Koon klau nei ơh: ‘Ơ, hei han đêêl,’ dôh ja nei 'bưn han. 31Knông baar du koon klau nei, bnih pa êch lơh tênh rnđêch bươp?” Bu ơh: “Koon klau daak bôôk.” Brah Jê-sus lah n'hai bu laah: “A ngan, Hei maanh bơl 'bei, bơl bnih nhôq prak u bơl ur mrơơ a kươi kươt mưt nggoor Brah Ưn noor bơl 'bei.#21:29-31 Knông pal plơơp 'bian ti, geh ơk êêng nday teq u lneh baak chhuôr pôl n'hai pal ndroong ơh baar du koon klau ri. Ndroong rơih tu au kươt ơk nak pal plơơp rơih rnhôq đươm baak chhuôr geh lneh ta dip n'hai pal ndroong ơh baar du koon klau geh rpach srlah srlom. 32Đươm Jang lôh jah chong aan bơl 'bei troong han sêch song, dôh bơl 'bei 'bưn jơ; nha bơl bnih nhôq prak u bơl ur mrơơ ja jơ bu hôm, tơt bơl 'bei sau bei nei hơơi, bơl 'bei 'bưn teq lơi dôih baah plơq kươi jah u jơ pang.”#Lu 3:12; 7:29-30.
Pn'geh ruk teq u bơl bnih buôn mir nho
33“Phrui iat di pn'geh ruk nday. Geh di mbu tôw tam di mir nho, grung rlum, mak klung pông di ttu điat bih, sun di naam prêh jah kray, u aan bơl tam nho buôn, ja nei han rlach kwaal nday. 34Tơt khal leh nho, nnơơm mir maanh bơl dêch lôh u bơl tam nho jah pơrgum kao play. 35Dôh bơl nei nhôp bơl dêch, pơm bnih au, lưm bnih tôw, u jang tmau jang bnih ti. 36Yau nnơơm mir maanh bơl dêch nday, ơk huôih noor, dôh bơl nei kot lơh n'hai bu bei bơl bnih a mat dơơh đêêl. 37Ptut, yau nnơơm maanh koon klau nơơm han lôh u bơl nei, đươm gênh laah: ‘Bơl nei a kươi ring đing koon hei.’ 38Dôh tơt bơl tam nho sau koon klau nei bu mor tơrnang nơơm: ‘Au laa koon a dơơn. Ơơn, bơl bơn phrui lưm bu u ja nei piit nhôq griêng mlơ bu ri.’ 39Bơl nei nhôp koon nei, jang teq agaih mir nho u lưm chhưt. 40Bei nei, tơt nnơơm mir nho lôh a kươi pơrkat bơl tam nho nei bei êch?” 41Bu ơh: “Nnơơm a kươi lưm chhưt bơl đơơk đaak nei di troong ji kôr, u aan bơl bnih tam nho nday buôn, laa bơl bnih a kươi ndơơp kao play aan nnơơm mir dip khal kach.” 42Brah Jê-sus lah n'hai bu: “Bơl 'bei ndah khal êch chôôl baak au knông Sm'bưt Brah laang:
‘Rklôw tmau dol rak mon sun thot teq
Ja but tmau bôôk tơơm nhi;
Au laa kaar Brah lơh,
U nei laa baak êêng aang di mat bơl bơn’?
43Bei nei mơ, Hei lah n'hai bơl 'bei, nggoor Brah Ưn a kươi dol prap rlach bơl 'bei u ươn di raih êch a kươi liêu play kao siq aan nggoor nei. 44[Bơl 'bơơn a kơq lơ tmau au a kươi dol puuh hach, mơq tmau a tup geh 'bơơn nei a kươi điat hach bnih nei.”]#21:44 Knông m'baak plơơp 'bian ti 'bưn geh ndroong 44.
45Bơl yau thwaai ndap ttơơm u bơl Pha-ri-si ttang pal pn'geh ruk au nei grnưt Pang nha mor teq u nơơm bu. 46Bu wơng troong jah nhôp Pang dôh kươi bu n'hông phung raih, đươm jôm bnih kot gưt Pang laa mbu Yaang grnưt noor.
ទើបបានជ្រើសរើសហើយ៖
Ma-thi-ơ 21: SBL2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.
Ma-thi-ơ 21
21
Brah Jê-sus mưt poh Jê-ru-sa-lem
(Mak 11:1-11; Lu-ka 19:28-40; Jang 12:12-19)
1Tơt Brah Jê-sus u bơl jơrnơ dơơh lôh poh Jê-ru-sa-lem, plah mưt poh dêq Bêt-pha-jê, gêêng bnơm Ô-liu, Pang maanh baar du jơrnơ han, 2u pn'ak laah: “Phrui han mưt u poh dêq rdang, bơl 'bei a kươi mơp kơndaal mlơm pi seh kroih baang dol kơt, mak gêêng geh mlơm seh kroih koon. Phrui doh chhei têêk bu liêu siq u đau aan Hei. 3Mơq geh 'bơơn mor ơơn, bơl 'bei phrui ơh laah: ‘Brah#21:3 Brah: Paich laa Nnơơm bu ri. chkhôm pai au’, bnih nei a kươi aan têêk seh kroih han kơndaal.” 4Kaar au lôh tơt jah dip plak baak grnưt noor mor laah:
5“Phrui mor n'hai koon ur Si-ôn laah:
Tôw, snđach 'bei lôh han tơt 'bei,
L'ưt lmư, jih seh kroih,
U gôq lơ seh kroih koon, laa koon seh kroih baang ri.”
6Baar du jơrnơ han u lơh dip bei baak Brah Jê-sus ja pn'ak. 7Bu têêk seh kroih baang u seh kroih koon siq, lôw ao nơơm lơ buq seh, ja nei Pang hao jih. 8ơk đat bnih knông phung raih lôw ao nơơm lơ troong han, m'baak nday nei gôt bling chhư u brơh lơ troong. 9Phung bnih, bơl han a mat, bơl han kươi kot troh grơơw:
“Hô-sa-na koon Đa-wit ri!
Tư wơơl Yaang tơmoh chhak Brah baah lôh!
Hô-sa-na lơ ktôk prêh huôih!”
10Tơt Pang mưt Jê-ru-sa-lem, leq di poh kot a wưu a wao, mor laah: “Bnih au laa 'bơơn?” 11Phung bnih ơh: “Nei laa Yaang grnưt noor Jê-sus a Na-sa-ret, klung kwaal Ga-li-lê.”
Brah Jê-sus kwaih jrah nhi r'bưn
(Mak 11:15-19; Lu-ka 19:45-48; Jang 2:13-22)
12Brah Jê-sus mưt nhi r'bưn,#21:12 nhi r'bưn: Knông m'baak plơơp 'bian ti laa nhi r'bưn Brah Ưn ri. prơh leq bơl tech brôw, bnih pook knông nhi r'bưn, pơrlơơt bliêng bơl gơl prak ri u grei bơl bnih tech pi traap. 13Pang lah n'hai bu: “Geh baak 'bian:
‘Nhi Hei a kươi kươt chôôl laa nhi r'bon dan’,
Dôh bơl 'bei lơh ktôk nei but rung ttung lmuôich.”
14Bơl bnih tiah u chook lôh u Pang knông nhi r'bưn kot kươt Pang tơmbah leq. 15Dôh tơt bơl yau thwaai ndap ttơơm u bơl yau gưt jhai sau pal kaar Pang lơh êêng aang, u ttang bơl koon drêên troh knông nhi r'bưn: “Hô-sa-na Koon Đa-wit ri” nei bu hao nuih đat 16u mor n'hai Pang: “Yau geh ttang bơl koon drêên au laah pi ơơn 'bưn?” Brah Jê-sus ơh, “Geh, bei nei bơl 'bei ndah ơm chôôl baak au:
‘Brah ja kươt pơt wơơl đươm lôh a wiêm drêên ksei u koon drêên nh'ơơm nha oq’ nei laang?”
17Ja nei Pang han lơơi bu, sot rlach poh, han tơt poh dêq Bê-tha-ni u rlu mang tu nei.
Tơơm lwi dol pơđaai sa
(Mak 11:12-14,20-24)
18Aang ôi m'ơơn, tơt plơq kươi poh nei Pang nh'hit. 19Sau di tơơm lwi gêêng troong, Pang han dơơh dôh 'bưn sau pi ơơn nday gaaih lla. Pang lah n'hai tơơm lwi: “May a kươi 'bưn khal êch sot play hôm!” Tơơm lwi ranh drơh. 20Sau bei nei, bơl jơrnơ êêng aang đat, mor laah: “Lơh bei êch baah tơơm lwi ranh kơndaal bei nei?” 21Brah Jê-sus ơh: “Ngan, Hei maanh bơl 'bei, mơq bơl 'bei geh chưt jơrnơ u 'bưn dơơn nggich nggưl nei bơl 'bei kot lơh kươt pal ntil Hei ja lơh aan tơơm lwi au đêêl, baah leq dơng kaar maanh rklôw bnơm au laah: ‘Phrui lơơk hao nơơm u jroh jưr daak rmưt’ nei ntil nei a kươi kot lôh tơt.#Mat 17:20; I Kô 13:2. 22Tơt bơl 'bei r'bon dan, paich ntil ơơn bơl 'bei pơih chưt jơrnơ jah r'bon dan kot a kươi pơih kươt leq.”
Ôp trach teq u ch'bap kmheng Brah Jê-sus ri
23Brah Jê-sus mưt nhi r'bưn; plah Pang nha chhuôr kne, bơl yau thwaai ndap ttơơm u bơl raanh ttơơm knông raih ôp trach: “Đươm ch'bap kmheng êch baah Yau lơh pal kaar au, u 'bơơn ja aan Yau ch'bap kmheng nei?” 24Brah Jê-sus ơh: “Hei kot ôp bơl 'bei di ndroong đêêl, mơq ơh kươt, nei Hei a kươi lah aan bơl 'bei gưt Hei lơh pal kaar au đươm ch'bap kmheng êch. 25Bap-tem Jang ri lôh a êch? A trôôk paich lôh a koon bnih?” Bu pơrgênh ta n'hai: “Mơq bơl bơn lah: ‘Lôh a trôôk’ nei bu a kươi lah n'hai bơl bơn: ‘Bei nei, a hay bơl 'bei 'bưn jơ Jang?’ 26Mơq bơl bơn laah: ‘Lôh a koon bnih’ nei bơl bơn mhal phung raih, đươm jôm bnih kot gưt Jang laa mbu grnưt noor.” 27Bei nei, bu ơh Brah Jê-sus: “Bơl hei 'bưn gưt.” Pang maanh bu: “Hei a kươi kot 'bưn mor aan bơl 'bei gưt đươm ch'bap kmheng êch Hei lơh pal kaar au.”
Pn'geh ruk teq u baar koon klau
28“Bơl 'bei gênh bei êch? Di bnih tôw geh baar du koon klau; bu nei lôh han mor n'hai koon klau daak bôôk: ‘Koon ơi, nar au koon phrui han lơh kaar knông mir nho.’ 29Koon klau nei ơh: ‘Koon 'bưn han,’ dôh kươi teq lơi dôih, ja nei han.#21:29 Hưl neq baar bnih koon ri knông pn'geh ruk au tênh dip pal sêr 'bian tơrgôq Hi-lap. 30Bu lôh u koon klau ttal baar u kot mor bei nei. Koon klau nei ơh: ‘Ơ, hei han đêêl,’ dôh ja nei 'bưn han. 31Knông baar du koon klau nei, bnih pa êch lơh tênh rnđêch bươp?” Bu ơh: “Koon klau daak bôôk.” Brah Jê-sus lah n'hai bu laah: “A ngan, Hei maanh bơl 'bei, bơl bnih nhôq prak u bơl ur mrơơ a kươi kươt mưt nggoor Brah Ưn noor bơl 'bei.#21:29-31 Knông pal plơơp 'bian ti, geh ơk êêng nday teq u lneh baak chhuôr pôl n'hai pal ndroong ơh baar du koon klau ri. Ndroong rơih tu au kươt ơk nak pal plơơp rơih rnhôq đươm baak chhuôr geh lneh ta dip n'hai pal ndroong ơh baar du koon klau geh rpach srlah srlom. 32Đươm Jang lôh jah chong aan bơl 'bei troong han sêch song, dôh bơl 'bei 'bưn jơ; nha bơl bnih nhôq prak u bơl ur mrơơ ja jơ bu hôm, tơt bơl 'bei sau bei nei hơơi, bơl 'bei 'bưn teq lơi dôih baah plơq kươi jah u jơ pang.”#Lu 3:12; 7:29-30.
Pn'geh ruk teq u bơl bnih buôn mir nho
33“Phrui iat di pn'geh ruk nday. Geh di mbu tôw tam di mir nho, grung rlum, mak klung pông di ttu điat bih, sun di naam prêh jah kray, u aan bơl tam nho buôn, ja nei han rlach kwaal nday. 34Tơt khal leh nho, nnơơm mir maanh bơl dêch lôh u bơl tam nho jah pơrgum kao play. 35Dôh bơl nei nhôp bơl dêch, pơm bnih au, lưm bnih tôw, u jang tmau jang bnih ti. 36Yau nnơơm mir maanh bơl dêch nday, ơk huôih noor, dôh bơl nei kot lơh n'hai bu bei bơl bnih a mat dơơh đêêl. 37Ptut, yau nnơơm maanh koon klau nơơm han lôh u bơl nei, đươm gênh laah: ‘Bơl nei a kươi ring đing koon hei.’ 38Dôh tơt bơl tam nho sau koon klau nei bu mor tơrnang nơơm: ‘Au laa koon a dơơn. Ơơn, bơl bơn phrui lưm bu u ja nei piit nhôq griêng mlơ bu ri.’ 39Bơl nei nhôp koon nei, jang teq agaih mir nho u lưm chhưt. 40Bei nei, tơt nnơơm mir nho lôh a kươi pơrkat bơl tam nho nei bei êch?” 41Bu ơh: “Nnơơm a kươi lưm chhưt bơl đơơk đaak nei di troong ji kôr, u aan bơl bnih tam nho nday buôn, laa bơl bnih a kươi ndơơp kao play aan nnơơm mir dip khal kach.” 42Brah Jê-sus lah n'hai bu: “Bơl 'bei ndah khal êch chôôl baak au knông Sm'bưt Brah laang:
‘Rklôw tmau dol rak mon sun thot teq
Ja but tmau bôôk tơơm nhi;
Au laa kaar Brah lơh,
U nei laa baak êêng aang di mat bơl bơn’?
43Bei nei mơ, Hei lah n'hai bơl 'bei, nggoor Brah Ưn a kươi dol prap rlach bơl 'bei u ươn di raih êch a kươi liêu play kao siq aan nggoor nei. 44[Bơl 'bơơn a kơq lơ tmau au a kươi dol puuh hach, mơq tmau a tup geh 'bơơn nei a kươi điat hach bnih nei.”]#21:44 Knông m'baak plơơp 'bian ti 'bưn geh ndroong 44.
45Bơl yau thwaai ndap ttơơm u bơl Pha-ri-si ttang pal pn'geh ruk au nei grnưt Pang nha mor teq u nơơm bu. 46Bu wơng troong jah nhôp Pang dôh kươi bu n'hông phung raih, đươm jôm bnih kot gưt Pang laa mbu Yaang grnưt noor.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.