An Roma 8
8
Nocurimuc c'poocne
1Rema̱n taanlo, Sila a ta geda an reina̱n d'sa̱ma̱nc a Ka̱risti Ye̱son lalk az na hwaa na̱ da. 2A̱n Ka̱risti Ye̱so, giiraun hora̱mda̱n rein da̱n po̱to̱so̱ na, rutk a̱m cokma̱n giirasa̱ c'ko̱t a a'wa̱a̱ na̱. 3Rina̱n giiras Mosa ta hweksina̱n em da rema̱n ka̱la̱nna̱un de̱bca̱ c'nocurimu ca̱ c'ko̱to, i inya a̱n Sila emine. Sila comka waav na̱ uda̱n c'taa a̱n hyo̱o̱ma̱n we̱du cinna u c'ko̱to, bat tu soot rin sak rem c'ko̱to. U hwaa ta̱m we̱sa̱m c'ko̱t ma̱n rein a̱nmin we̱du c'nocurimu. 4Sila em-em rihica̱ ha̱n bat nan em rihica̱n gela̱v Na'Sila̱. Ca̱n giira tu to̱n baa cinnananan reina̱n c'nocurimu ho̱da̱na̱n Hora̱md Na'Sil zetine, za a̱n gabma̱n hala̱v c'ko̱t va̱ c'nocurimu da.
5Rema̱n an reina̱n c'nocurimu a̱n gabma̱n de̱bca̱ c'nocurimu ca̱ c'ko̱to, ta de̱l c'de̱b a̱n rihica̱ c'nocurimu. An rein la a̱n c'nocurimu a̱n gabma̱n Hora̱md Na'Sila̱, ta de̱l c'de̱b a̱n rihica̱n Hora̱md Na'Sila̱. 6De̱bc ka c'ko̱to, ca̱n cet o na'wa̱a̱. De̱bca̱n reina̱n gabma̱n rina̱n Hora̱md Na'Sil zein la, ca̱n san u'po̱to a la̱ta̱m c'de̱b ne̱. 7De̱bc ka c'ko̱t el a̱n ha̱lc Na'Sila̱, a ca̱n gab giiras Na'Sil da. A ti ema ta̱m c gab sa̱ da. 8An reina̱n gabma̱n de̱bca̱ c'nocurimu ca̱ c'ko̱to, a ta tak a̱n pusa̱sa̱ A'Sil c'de̱b da.
9Nwaa la, a̱n za an gabma̱n de̱bca̱ c'nocurimu ca̱ c'ko̱t ta̱m da. I Hora̱md Na'Sila̱, awaz Hora̱md Na'Sil el a'soot a̱nmi baa no. Rema̱n a noc zatta Hora̱md Ka̱risti da, u za u Ka̱risti da. 10Awaz Ka̱risti el a̱nmi baa no, Hora̱md Na'Sil da̱n de̱l a̱n po̱to̱. Go̱t ge̱ we̱du tu wa̱a̱ rem c'ko̱to, ta̱n po̱t la. Ka̱risti em-em taanl rem u se̱e̱pste̱ no a A'Sil na̱. 11Awaz Hora̱md Na'Sil da̱n po̱to̱so̱in Ye̱so el a̱n de̱bc no, unwauna̱n po̱to̱so̱in Ka̱risti, tu po̱to̱so̱ we̱du no un rein na'wa̱a̱ a̱n Hora̱md ru, da̱n rein a̱nmin de̱bc no.
12Rema̱n taanlo hyaarene, na el na a a'yomk no, an sootin ho̱d d'mo̱go̱. Za la nocurimuca̱ c'ko̱t a̱n ca̱n gab na mo̱gda̱n lo, na maaste a̱n gaba̱m ca̱ da. 13Rema̱n awaz i de̱bca̱ c'nocurimu ca̱ c'ko̱t a̱n rein nu'gabo, ta̱n wa̱a̱. Awaz la a̱n lagk de̱bca̱ c'nocurimu ca̱ c'ko̱to a̱n we̱sma̱n Hora̱md Na'Sila̱, ta̱n po̱to̱.
14Rema̱n geda̱n an Hora̱md Na'Sil rein nu'gabt kwe̱, i na̱nna a̱n rein akna Na'Sila̱. 15Hora̱mda̱n na ne̱in no, za da̱ m'cok alla da̱ k'gel da. I Hora̱mda̱n sootma̱n akna Na'Sil a̱n kabine, da̱n de̱lin no ta̱n po̱gt A'Sil, K'Ceto! 16Hora̱md Na'Sil a hora̱md cinnan vatk az i cinna akna Na'Sila̱. 17Ai retin i cinna akna Na'Sila̱, i cinnan nan kum u'yob baan rihic Na'Sila̱. An ta kum u'yob d'kut a Ka̱risti ni. Awaz i taanlo, a na ryaa d'kob d'kut a Ka̱risti ni, Sila ta ne̱e̱ na k'gwin d'kut a unwa na.
Gwinka̱n nan kum buka
18A̱m napk az a nan hwennsa kobda̱n na rein nu'ryau a̱nta̱ma̱, a gwinka̱n nan buka kum da. 19Rihica̱n Sila balin kwe̱, ca̱ savk c'de̱b na̱m'val a̱n s'za̱ki, az Sila kwesa an rein aka̱n na̱. 20Sila de̱lk az rihica̱n ca balin kwe̱, ac caa la a̱n emma̱n rin to̱nun hid ca̱ da. Za la az i taanl be̱ a̱c to̱ntin da, i a̱n to̱nu Sila nan de̱lin ca̱ c sav c'de̱be̱.#8:20 Go̱t ta̱m: D'Tak 3:17-19. 21Az rihica̱n Sila balin kwe̱, nan rut ca̱ coka̱m na'wa̱a̱. Ca̱ kum ta̱m gwink nu'batese ka̱n netna Na'Sil ta buka kumu.
22Rema̱n na napk az rihica̱n Sila balin kwe̱, ca̱ el v'daa a̱n s'unt a̱n ta̱uda̱n ka̱ng ho̱d netav nu'maco. 23Za rina̱n Sila balin c'taa da, i a cinnan an kabin Hora̱md Na'Sila̱, da̱n rein ho̱sma̱ m'e̱t ma̱n Sila rein ta ne̱e̱ aka̱n na̱. Na el na kwe̱ a̱n s'unt a̱nmi c'de̱be̱, na̱m'val a̱n s'za̱ki az Sila kab na aka̱n na̱, a to̱v ta̱m na. 24I rema̱n sakma̱n coun ha̱n a̱n na gwa̱a̱tin cinna. Awaz la na he̱nk rina̱n na saktin u'con, i ta soot bo̱ ta̱m saka̱m nu'con da. Rema̱n, iwe̱ a̱n tu sak u'con a̱n rina̱n u baasin u he̱nke̱? 25Awaz la na sakk u'con baan rina̱n a na he̱nin da, nan gag c'de̱b na vala.
26I ho̱da̱n lo bo̱ ta̱m a̱n Hora̱md Na'Sil retin ta̱d se̱e̱te̱ cinna va̱na̱n na ka̱la̱nna̱ini. Rema̱n a̱n na nap rina̱n i ge̱be̱se̱in na kon A'Sil da. Hora̱md Na'Sil a̱n hid da̱, el la da̱n kwena na a̱n s'o̱n ho̱da̱n na zattina̱n la̱a̱ma̱n kon da. 27Sila nan rein ta he̱n de̱bc neta̱n kwe̱, a napk rina̱n Hora̱md Na'Sil rein na̱m'to̱no̱. Rema̱n Hora̱md Na'Sil el da̱n kwena netna Na'Sil ho̱da̱na̱n Sila to̱ntine.
28Na napk az Sila ta de̱l c'rihi kwe̱ c nok i'kasi baa an ta to̱n na̱, au po̱gin ho̱d a se̱e̱pste̱ine. 29Rema̱n an Sila baasin a dagk de̱ha̱nzo, a esaska ta̱m de̱ha̱nzo az ta vaaksa na̱ ho̱d Waav na̱. I bat Waav na̱ tu soot hwa̱tk baa hyanna. 30Za c'taa bo̱ da. Aa dagin de̱ha̱nzo, i na̱nna a po̱gine. Aa po̱gin ta̱ma̱, i na̱nna a le̱gine. Aa le̱gine, i na̱nna ta̱m a ne̱in k'gwin.
31Iye̱ bo̱ kaa a̱n nan ze rema̱n rihica̱ hna? Awaz Sila el d'kut a cinna na, iwe̱ a̱n gubin u ryaa na a̱n d'gaago? 32Awaz Sila ta hol na Waav na̱ da, a neska o rem cinna kwe̱, iye̱ kaa a̱n ti hol na̱ a sud a̱n ne̱e̱ na c'rihi kwe̱ ba̱ta̱ss? 33Iwe̱ a̱n tu uvta̱ lalk an Sila dagin az a ko̱tko̱? I Silan rein ka d'le̱go.
34Iwe̱ a̱n gubin u geda noc lalk u d'hwee? A za Ka̱risti Ye̱so, un wa̱ini, pa̱tka̱n tan, kan Sila po̱to̱so̱in ta̱m da? U el a'soot a̱n komas'to̱ a Na'Sila̱. U el la kaa ta̱m a̱n kwenam cinna. 35Iye̱ bo̱ kaa in ti hweks a̱n wankse cinna a to̱nca̱n Ka̱risti reina̱n to̱na̱m cinna na? I ryaaka̱ d'kobe? I d'o̱so̱mo̱? I mere? I d'robame? I gelva̱n naam d'hwen alla i a'wa̱a̱? 36Ho̱da̱na̱n i retin a'ge̱n a̱n lalks Na'Sila̱,
“Rem rovo,
na el a̱n hoba̱n hweela̱m co kooye̱ daava.
A el a̱n he̱na̱m co ho̱d kyo̱o̱mna d'hwee.”#8:36 Go̱t ta̱m: Zab 44:22.
37Go̱t la baan rihica̱ ha̱n kwe̱, na hatk an ryain d'gaago, rem kan to̱nin na. 38Rema̱n a̱m napk a̱nmin de̱bc ri, az za a'wa̱a̱ da. Za c'nocurimu da. Za comta̱nc Na'Sil alla rinnas'ce da. Za la rihica̱n rein a̱nta̱ma̱ alla rihica̱n lain alla kooye̱ goon we̱sma da. 39Za la u'ho̱po alla u'pimu alla rihic hyan ca̱n Sila balin kwe̱ da, a̱n ca̱n hweks a̱n wankse cinna a to̱nca̱n Sila reina̱n to̱na̱m na. To̱nca̱n Ye̱so Ka̱risti Kan buu cinna kwesain na.
ទើបបានជ្រើសរើសហើយ៖
An Roma 8: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
An Roma 8
8
Nocurimuc c'poocne
1Rema̱n taanlo, Sila a ta geda an reina̱n d'sa̱ma̱nc a Ka̱risti Ye̱son lalk az na hwaa na̱ da. 2A̱n Ka̱risti Ye̱so, giiraun hora̱mda̱n rein da̱n po̱to̱so̱ na, rutk a̱m cokma̱n giirasa̱ c'ko̱t a a'wa̱a̱ na̱. 3Rina̱n giiras Mosa ta hweksina̱n em da rema̱n ka̱la̱nna̱un de̱bca̱ c'nocurimu ca̱ c'ko̱to, i inya a̱n Sila emine. Sila comka waav na̱ uda̱n c'taa a̱n hyo̱o̱ma̱n we̱du cinna u c'ko̱to, bat tu soot rin sak rem c'ko̱to. U hwaa ta̱m we̱sa̱m c'ko̱t ma̱n rein a̱nmin we̱du c'nocurimu. 4Sila em-em rihica̱ ha̱n bat nan em rihica̱n gela̱v Na'Sila̱. Ca̱n giira tu to̱n baa cinnananan reina̱n c'nocurimu ho̱da̱na̱n Hora̱md Na'Sil zetine, za a̱n gabma̱n hala̱v c'ko̱t va̱ c'nocurimu da.
5Rema̱n an reina̱n c'nocurimu a̱n gabma̱n de̱bca̱ c'nocurimu ca̱ c'ko̱to, ta de̱l c'de̱b a̱n rihica̱ c'nocurimu. An rein la a̱n c'nocurimu a̱n gabma̱n Hora̱md Na'Sila̱, ta de̱l c'de̱b a̱n rihica̱n Hora̱md Na'Sila̱. 6De̱bc ka c'ko̱to, ca̱n cet o na'wa̱a̱. De̱bca̱n reina̱n gabma̱n rina̱n Hora̱md Na'Sil zein la, ca̱n san u'po̱to a la̱ta̱m c'de̱b ne̱. 7De̱bc ka c'ko̱t el a̱n ha̱lc Na'Sila̱, a ca̱n gab giiras Na'Sil da. A ti ema ta̱m c gab sa̱ da. 8An reina̱n gabma̱n de̱bca̱ c'nocurimu ca̱ c'ko̱to, a ta tak a̱n pusa̱sa̱ A'Sil c'de̱b da.
9Nwaa la, a̱n za an gabma̱n de̱bca̱ c'nocurimu ca̱ c'ko̱t ta̱m da. I Hora̱md Na'Sila̱, awaz Hora̱md Na'Sil el a'soot a̱nmi baa no. Rema̱n a noc zatta Hora̱md Ka̱risti da, u za u Ka̱risti da. 10Awaz Ka̱risti el a̱nmi baa no, Hora̱md Na'Sil da̱n de̱l a̱n po̱to̱. Go̱t ge̱ we̱du tu wa̱a̱ rem c'ko̱to, ta̱n po̱t la. Ka̱risti em-em taanl rem u se̱e̱pste̱ no a A'Sil na̱. 11Awaz Hora̱md Na'Sil da̱n po̱to̱so̱in Ye̱so el a̱n de̱bc no, unwauna̱n po̱to̱so̱in Ka̱risti, tu po̱to̱so̱ we̱du no un rein na'wa̱a̱ a̱n Hora̱md ru, da̱n rein a̱nmin de̱bc no.
12Rema̱n taanlo hyaarene, na el na a a'yomk no, an sootin ho̱d d'mo̱go̱. Za la nocurimuca̱ c'ko̱t a̱n ca̱n gab na mo̱gda̱n lo, na maaste a̱n gaba̱m ca̱ da. 13Rema̱n awaz i de̱bca̱ c'nocurimu ca̱ c'ko̱t a̱n rein nu'gabo, ta̱n wa̱a̱. Awaz la a̱n lagk de̱bca̱ c'nocurimu ca̱ c'ko̱to a̱n we̱sma̱n Hora̱md Na'Sila̱, ta̱n po̱to̱.
14Rema̱n geda̱n an Hora̱md Na'Sil rein nu'gabt kwe̱, i na̱nna a̱n rein akna Na'Sila̱. 15Hora̱mda̱n na ne̱in no, za da̱ m'cok alla da̱ k'gel da. I Hora̱mda̱n sootma̱n akna Na'Sil a̱n kabine, da̱n de̱lin no ta̱n po̱gt A'Sil, K'Ceto! 16Hora̱md Na'Sil a hora̱md cinnan vatk az i cinna akna Na'Sila̱. 17Ai retin i cinna akna Na'Sila̱, i cinnan nan kum u'yob baan rihic Na'Sila̱. An ta kum u'yob d'kut a Ka̱risti ni. Awaz i taanlo, a na ryaa d'kob d'kut a Ka̱risti ni, Sila ta ne̱e̱ na k'gwin d'kut a unwa na.
Gwinka̱n nan kum buka
18A̱m napk az a nan hwennsa kobda̱n na rein nu'ryau a̱nta̱ma̱, a gwinka̱n nan buka kum da. 19Rihica̱n Sila balin kwe̱, ca̱ savk c'de̱b na̱m'val a̱n s'za̱ki, az Sila kwesa an rein aka̱n na̱. 20Sila de̱lk az rihica̱n ca balin kwe̱, ac caa la a̱n emma̱n rin to̱nun hid ca̱ da. Za la az i taanl be̱ a̱c to̱ntin da, i a̱n to̱nu Sila nan de̱lin ca̱ c sav c'de̱be̱.#8:20 Go̱t ta̱m: D'Tak 3:17-19. 21Az rihica̱n Sila balin kwe̱, nan rut ca̱ coka̱m na'wa̱a̱. Ca̱ kum ta̱m gwink nu'batese ka̱n netna Na'Sil ta buka kumu.
22Rema̱n na napk az rihica̱n Sila balin kwe̱, ca̱ el v'daa a̱n s'unt a̱n ta̱uda̱n ka̱ng ho̱d netav nu'maco. 23Za rina̱n Sila balin c'taa da, i a cinnan an kabin Hora̱md Na'Sila̱, da̱n rein ho̱sma̱ m'e̱t ma̱n Sila rein ta ne̱e̱ aka̱n na̱. Na el na kwe̱ a̱n s'unt a̱nmi c'de̱be̱, na̱m'val a̱n s'za̱ki az Sila kab na aka̱n na̱, a to̱v ta̱m na. 24I rema̱n sakma̱n coun ha̱n a̱n na gwa̱a̱tin cinna. Awaz la na he̱nk rina̱n na saktin u'con, i ta soot bo̱ ta̱m saka̱m nu'con da. Rema̱n, iwe̱ a̱n tu sak u'con a̱n rina̱n u baasin u he̱nke̱? 25Awaz la na sakk u'con baan rina̱n a na he̱nin da, nan gag c'de̱b na vala.
26I ho̱da̱n lo bo̱ ta̱m a̱n Hora̱md Na'Sil retin ta̱d se̱e̱te̱ cinna va̱na̱n na ka̱la̱nna̱ini. Rema̱n a̱n na nap rina̱n i ge̱be̱se̱in na kon A'Sil da. Hora̱md Na'Sil a̱n hid da̱, el la da̱n kwena na a̱n s'o̱n ho̱da̱n na zattina̱n la̱a̱ma̱n kon da. 27Sila nan rein ta he̱n de̱bc neta̱n kwe̱, a napk rina̱n Hora̱md Na'Sil rein na̱m'to̱no̱. Rema̱n Hora̱md Na'Sil el da̱n kwena netna Na'Sil ho̱da̱na̱n Sila to̱ntine.
28Na napk az Sila ta de̱l c'rihi kwe̱ c nok i'kasi baa an ta to̱n na̱, au po̱gin ho̱d a se̱e̱pste̱ine. 29Rema̱n an Sila baasin a dagk de̱ha̱nzo, a esaska ta̱m de̱ha̱nzo az ta vaaksa na̱ ho̱d Waav na̱. I bat Waav na̱ tu soot hwa̱tk baa hyanna. 30Za c'taa bo̱ da. Aa dagin de̱ha̱nzo, i na̱nna a po̱gine. Aa po̱gin ta̱ma̱, i na̱nna a le̱gine. Aa le̱gine, i na̱nna ta̱m a ne̱in k'gwin.
31Iye̱ bo̱ kaa a̱n nan ze rema̱n rihica̱ hna? Awaz Sila el d'kut a cinna na, iwe̱ a̱n gubin u ryaa na a̱n d'gaago? 32Awaz Sila ta hol na Waav na̱ da, a neska o rem cinna kwe̱, iye̱ kaa a̱n ti hol na̱ a sud a̱n ne̱e̱ na c'rihi kwe̱ ba̱ta̱ss? 33Iwe̱ a̱n tu uvta̱ lalk an Sila dagin az a ko̱tko̱? I Silan rein ka d'le̱go.
34Iwe̱ a̱n gubin u geda noc lalk u d'hwee? A za Ka̱risti Ye̱so, un wa̱ini, pa̱tka̱n tan, kan Sila po̱to̱so̱in ta̱m da? U el a'soot a̱n komas'to̱ a Na'Sila̱. U el la kaa ta̱m a̱n kwenam cinna. 35Iye̱ bo̱ kaa in ti hweks a̱n wankse cinna a to̱nca̱n Ka̱risti reina̱n to̱na̱m cinna na? I ryaaka̱ d'kobe? I d'o̱so̱mo̱? I mere? I d'robame? I gelva̱n naam d'hwen alla i a'wa̱a̱? 36Ho̱da̱na̱n i retin a'ge̱n a̱n lalks Na'Sila̱,
“Rem rovo,
na el a̱n hoba̱n hweela̱m co kooye̱ daava.
A el a̱n he̱na̱m co ho̱d kyo̱o̱mna d'hwee.”#8:36 Go̱t ta̱m: Zab 44:22.
37Go̱t la baan rihica̱ ha̱n kwe̱, na hatk an ryain d'gaago, rem kan to̱nin na. 38Rema̱n a̱m napk a̱nmin de̱bc ri, az za a'wa̱a̱ da. Za c'nocurimu da. Za comta̱nc Na'Sil alla rinnas'ce da. Za la rihica̱n rein a̱nta̱ma̱ alla rihica̱n lain alla kooye̱ goon we̱sma da. 39Za la u'ho̱po alla u'pimu alla rihic hyan ca̱n Sila balin kwe̱ da, a̱n ca̱n hweks a̱n wankse cinna a to̱nca̱n Sila reina̱n to̱na̱m na. To̱nca̱n Ye̱so Ka̱risti Kan buu cinna kwesain na.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019